14/03/2026
25 बोसोर एबसुनि बिबाननिफ्राय राजखान्थि फोथाराव दिपेन बर'।
संबिजिद बायदियै इउ पि पि एल हान्जायाव आखाय हमबाय एबसुनि बारग' आफादगिरि दिपेन बर'आ।
46 नं अदालगुरि बिधान सभा बियाबनि बिजाथि महरै बिसायखथियाव बाहागो लागोननि इसारा दिपेन बर' नि।
दिनै अदालगुरि जिल्ला इउ पि पि एल राजखान्थि हान्जानि बान्जायनायाव अदालगुरि सहरनि बिखायाव थानाय दुर्गा मण्डब गेवलां फोथाराव इउ पि पि एल राजखान्थि हान्जानि आफादगिरि प्रमद बर'खौ राइजो सभानि एम पि महरै सायख'जानायखौ लानानै बरायनाय हाबाफारियाव आफादारि बिथिंङै इउ पि पि एल राजखान्थि हान्जायाव आखाय हमो मोनसे समनि बर' हारिनि थामोन्था रैखाथिनि थाखाय एबसुनि बिबान रुजुनना खामानि मावबोनाय दिपेन बर'आ।
दिनैनि बे बरायनाय आरो जयनिं जानाय हाबाफारियाव एबसुनि आफादगिरि दिपेन बर'जों लोगोसे दुलाराय बर हारिमु आफादनि आफादगिरि बिजुवेल नेलसन दैमारि, आरो सा स्नि जौनिबो बारा सोद्रोमाफोरा इउ पि पि एल राजखान्थि हान्जायाव आखाय हमफैनायखौ नुनो मोन्नाय जायो।
मख'नोगोनांदि फैगौ बिधान सभा बियाब बिसायखथियाव 46 नं अदालगुरि बियाबनिफ्राय बिजाथि महरै दिपेन बर'आ गसंनायनि इसाराखौ दिनैनि सानाव नुनो मोन्नाय जायो।
