19/10/2025
നന്ദി..... നന്ദി.... നന്ദി.....
ആദ്യം ജഗന്നിയന്താവായ സ്രഷ്ടാവിന് ...
പ്രതീക്ഷകൾ ബാക്കിയാക്കിയതിന്...
ഇനിയും മനസ്സിൽ കരുണയുള്ള മനുഷ്യരുണ്ടെന്ന് ബോധ്യപ്പെടുത്തിയതിന്... ചേർത്തു നിർത്തലിൻ്റെ പുതിയ അധ്യായം രചിച്ചതിന്....
പ്രിയരേ,
പൊന്നാനി താലൂക്ക് തവനൂർ പഞ്ചായത്തിലെ അതളൂർ സ്വദേശി പുത്തൻ വീട്ടിൽ നൗഷാദ് പൊന്നു എന്ന നമ്മുടെ സഹജീവിക്ക് വേണ്ടി നമ്മൾ ഒറ്റക്കെട്ടായി ജനങ്ങളിലേക്കിറങ്ങിയപ്പോൾ നമുക്ക് ചുറ്റുമുള്ള നല്ല മനുഷ്യർ നമ്മുടെ അഭ്യർത്ഥന ഏറ്റെടുക്കുകയും മാനവ സ്നേഹത്തിൻ്റെ പുത്തൻ ചരിത്രം രചിക്കുകയും ചെയ്തിരിക്കുന്നു...
38,77,658ലക്ഷം രൂപയാണ് നമ്മളൊന്നിച്ചു നിന്നപ്പോൾ സമാഹരിക്കാൻ കഴിഞ്ഞത്.
വൃക്ക മാറ്റിവെക്കാനും തുടർചികിത്സക്കും വേണ്ടി എൻ്റെ നേതൃത്വത്തിൽ നടന്ന ഈ ജനകീയ മുന്നേറ്റത്തിൽ കൂടെ നിന്ന സഹോദര സഹോദരിമാർക്ക് ഹൃദയം നിറഞ്ഞ നന്ദി അറിയിക്കുന്നു...
ഈ സദുദ്യമത്തിൽ വലുതും ചെറുതുമായ നാണയത്തുട്ടുകൾ നൽകി ഒരു മനുഷ്യജീവൻ്റെ വില അമൂല്യമാണെന്ന് ലോകത്തോട് വിളിച്ചു പറഞ്ഞ സന്നദ്ധ സംഘടനകൾ,ക്ലബുകൾ, ഫാമിലി കൂട്ടായ്മകൾ, പ്രവാസി സുഹൃത്തുക്കൾ, വ്യാപാരികൾ, വിവിധ മത സ്ഥാപനങ്ങൾ,നമ്മുടെ അഭിമാനമായ യുവാക്കൾ, വിവിധ വിദ്യാഭ്യാസ സ്ഥാപനങ്ങളിലെ വിദ്യാർത്ഥികൾ,അധ്യാപകർ, ഗായകർ , മറ്റു കലാകാരന്മാർ,വഴിയാത്രക്കാർ.....
പേരറിയുന്നവരും അല്ലാത്തവരുമായ പരശ്ശതം കൂടപ്പിറപ്പുകൾ...
എല്ലാവർക്കും ഹൃദയം നിറഞ്ഞ നന്ദി പറയുന്നു..
ചാരിറ്റി പ്രവർത്തന മേഖലയിൽ പതിനെട്ടോളം തവണ ഞാൻ നിങ്ങൾക്ക് മുന്നിലേക്ക് വന്നിട്ടുണ്ട്....
എല്ലാം ആശ്രയമറ്റ, പ്രതീക്ഷകൾ നഷ്ടപ്പെട്ട മനുഷ്യർക്ക് വേണ്ടി...
ഫണ്ട് സമാഹരണം പരിപൂർണ്ണമായും സുതാര്യമായും സത്യസന്ധമായും ആത്മാർത്ഥമായും ചെയ്യുകയെന്നതാണ് എൻ്റെ നിലപാട്...
ചാരിറ്റിയുടെ പേരിൽ അനർഹമായിമായി ഒരു ഗ്ലാസ്സ് വെള്ളം പോലും കുടിക്കരുതെന്നത് എൻ്റെ നയമാണ്...
അത് കൊണ്ട് തന്നെയാണ് ഈ വിനീതൻ്റെ അഭ്യർത്ഥന നിങ്ങൾ ഏറ്റെടുക്കുന്നതും...
ഞാനൊരു നിമിത്തം മാത്രമാണ്..
പടച്ച റബ്ബിൽ ഭരമേൽപ്പിച്ചു നമ്മൾ ഒറ്റക്കെട്ടായി നിന്നപ്പോഴാണ് അൽഭുതങ്ങൾ സംഭവിച്ചത്...
ഈ മഹത്തായ യജ്ഞത്തിൽ എനിക്കൊപ്പം നിന്ന ഓരോരുത്തരോടും അകൈതവമായ നന്ദിയും കടപ്പാടും അറിയിക്കുന്നു ....
