04/04/2023
Dr. Milton Sangma Meghalaya ong•bachengoni job reservation maidake ong•baachim Talata.
Tura, April 4, 2023: Meghalaya a•doko Roster System-ko ra•gatchina High Court-ni ge•etaniko VPP-ni President Ardent Miller Basaiawmoit jegalani bidingo dingtang dingtang Khasi, Jaintia aro Garo NGO-rang ku•rang on•grime doltangtangna chakgrimaniko dakengon, Garo Hills-ni NGO-rang Roster System-ko nangnikenga, indiba Khasi NGO-rang Roster System-ko nangnikjaenga.
Iani bidingo ning•tue chanchienba Meghalaya a•dokko man•chengaoni job reservation policy maidake ong•aachim, NEHU-ni gitcham Vice Chancellor, Dr Milton S.Sangma an•tangni ma•sianiko agantalataha. Uni talatani gitade, "Angni ma•sirikani gitade, jensalo an•ching Meghalaya State-ko man•aha, Meghalaya State-ko ra•bagipa an•chingni gitcham dilgiparang an•tangtangni u•ianiko jakkale, Job Reservation-ko an•chingna dake donangaha. Uan A•chikrangna 40%, Khasi aro Jaintia-na 40% dake donangaha. Uandaken, jensalo an•ching dingtang dingtang kamrangna Recruitement-ko dake, uarangko rakkiangaha. Indiba angni ma•sirikani kride, a•bachenga bilsirangoni ru•uta bilsirangona kingkingan, an•ching A•chikrangoni darangba sandia dongja, A•chikrangna tik ka•gimin 40%-ko on•engama on•jaengma, jensalo Advertisement-ko dake appointment-rangko on•aha, uano A•chikrangde 40% dongja aro gapja, uarangko raise ka•ama ka•ja, angade name gisik ra•jaha. Indiba angni nikrikani gitade, da•o gita skango a•bachengani salrangode an•chingo rakbea, uko strict ong•e ra•na nanga ingipa movement-rang aro dabianirangko angade gisik ra•jajok. Uni gimin iarangko tik ka•e donangoba, an•chingni dilgiparang iarangni gimin baditana kingking iako dakaha, uani sakkiko man•ja aro kakketko aganode, a•bachenga 1970 aro 1980 bilsirango an•chingoba chu•onga gita candidate-rangko gapatna gita bang•a postrangon, Special Technical Line-rango dongja. Uni gimin ru•uta bilsirangnan, an•ching iani bidingo 40%-ko A•chikrang man•bebengama, gisep gisep naata donga anga gisik ra•enga, basakoba news paper-rango basakoba radio-rango agananirang donga. Indiba da•ogita, strictly man•na nanga ine rake NGO-rangni ba badiaba dolrangni dabianirang skangode dongja. Da•ode raken dabienga, an•ching da•o dabianide, Khasi aro Jaintia doloni complaint-rang donga. An•ching gimikan ma•sia Assembly Seassion-rangona kingking nabaha. Da•o an•ching sideoniba, da•ode iarangko strictly dakna nanga, ine dabianirang dongaha. Uandaken High Court-ona sokangpilaha, High Court-ba A•chikrangni Favour-o raiko on•jok, 40%-ko manina nanga, iako manibaja ong•ode, Meghalaya State-ko man•chengaonin A•chikrangna 40%-ko back date dake on•na nanga, uni gimin Roster System-ko dakchina Meghalaya sorkariko ge•etaha. Uni gimin Meghalaya sorkari Roster System-ko a•bachengaha. Indiba, Meghalaya sorkari a•bachengaoni da•ona kingkingba calculation-ko name man•kuja. Indakmitting somoion, da•ode ding•bana a•bachengengjok. Angni chanchia gitade, beben High Court-ni Order-de, Order, jena kingking High Court-ni order dongenga, unona kingkingde legally bound ong•a sorkariba uko dakna. Uni gimin High Court-ni order-kode chu•sokatna nanga ga•aka. Indiba jeba ong•bo politically iako take up ka•naba man•aia, sorkarini daito-o ba chubatgipa gadang Supreme Court-ona sokangnaba man•aia. Indiba jena kingking High Court-ni Order, Stay ong•a uade bound ong•a sorkariba dakna. Uni gimin Roster System-koba dakna nanga ga•akenga. Indiba angni chanchiara, iakora bilsi 50 ong•piljok Meghalaya a•dokko man•chengaonide, indita bilsina kingking Roater System-ko calculation dakanide, on•tisa justification-ba dongja gita nikenga. Uni gimin badiaba bilsirangoni maibakai dakna man•ode, an•chingni political aro social life-ba on•tisa peaceful ong•batgenkon ine angade chanchienga. Skangonin dabiani donga, uni gimin angni chanchia gitade, Compromising stage-ona ra•bana man•ode, nambegenchim. Jedalode an•ching, nangrime tom•tome dongna man•gen" ine Dr Milton Sangma an•tangni ma•siani aro chanchianiko jinmana parakataha.
