Discovered By Lens

  • Home
  • Discovered By Lens

Discovered By Lens ਜੇ ਤੁਹਾਡੀ ਵੀ ਕੋਈ ਪ੍ਰੇਰਨਾਦਾਇਕ ਕਹਾਣੀ ਹੈ ਜੋ ਤੁਸੀਂ ਸਾਡੇ ਨਾਲ ਸਾਂਝੀ ਕਰਨਾ ਚਾਹੁੰਦੇ ਹੋ ਤਾਂ ਤੁਸੀਂ ਸਾਡੇ ਇਸ ਨੰਬਰ 94783-45703 ਤੇ ਸੰਪਰਕ ਕਰ ਸਕਦੇ ਹੋ।

ਅਸੀਂ ਕੈਮਰੇ ਦੀ ਅੱਖ ਰਾਹੀਂ ਸਮਾਜ ਦੇ ਵੱਖ-ਵੱਖ ਵਰਗਾਂ, ਲੋਕਾਂ, ਸੱਭਿਆਚਾਰਾਂ ਨੂੰ ਸਮਝਣ ਦੀ ਕੋਸ਼ਿਸ਼ ਕਰਦੇ ਹਾਂ ਅਤੇ ਜੋ ਵੀ ਸਾਡੀਆਂ ਲੱਭਤਾਂ ਨੇ ਉਨ੍ਹਾਂ ਨੂੰ ਲੋਕਾਂ ਦੇ ਸਨਮੁੱਖ ਪੇਸ਼ ਕਰਦੇ ਹਾਂ। ਸਾਡੇ ਇਸ ਯਤਨ ਦਾ ਮਕਸਦ ਕੁੱਝ ਵੀ ਸਾਬਤ ਕਰਨਾ ਨਹੀਂ ਹੈ, ਸਗੋਂ ਵਿਭਿੰਨਤਾ ਦੀ ਖੂਬਸੂਰਤੀ ਨੂੰ ਪੇਸ਼ ਕਰਨਾ ਹੈ।

We try to understand different sections of society, people, cultures through the eye of the camera and present our findings to the public. The purpos

e of our effort is not to prove anything but to present the beauty of diversity. Content Copyright :- Discovered By Lens©
For Any Query Contact Us: 9478345703

"ਮੇਰੇ ਪਿੰਡ ਨੂੰ ਕੋਈ ਬੱਸ ਨਹੀਂ ਜਾਂਦੀ ਪਰ ਲੋਕ ਮੈਥੋਂ ਗੱਡੀਆਂ ਖ਼ਰੀਦਣ ਆਉਂਦੇ ਹਨ"ਪੰਜਾਬ ਦੇ ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਦੇ ਪਿੰਡ ਕੋਟਲੀ ਅਬ...
19/09/2025

"ਮੇਰੇ ਪਿੰਡ ਨੂੰ ਕੋਈ ਬੱਸ ਨਹੀਂ ਜਾਂਦੀ ਪਰ ਲੋਕ ਮੈਥੋਂ ਗੱਡੀਆਂ ਖ਼ਰੀਦਣ ਆਉਂਦੇ ਹਨ"
ਪੰਜਾਬ ਦੇ ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਦੇ ਪਿੰਡ ਕੋਟਲੀ ਅਬਲੂ ਦੇ ਰਹਿਣ ਵਾਲੇ ਸਿਮਰਜੀਤ ਸਿੰਘ ਨੇ ਮਹਿਜ਼ 25 ਸਾਲ ਦੀ ਉਮਰ ਵਿੱਚ ਆਪਣਾ ਸਟਾਰਟ-ਅੱਪ ਕਾਮਯਾਬ ਕਰ ਦਿਖਾਇਆ ਹੈ। ਸਿਰਫ 10 ਜਮਾਤਾਂ ਪਾਸ ਸਿਮਰਜੀਤ ਸਿੰਘ ਨੇ 5 ਸਾਲ ਪਹਿਲਾਂ ਬੈਟਰੀ ਨਾਲ ਚੱਲਣ ਵਾਲਾ ਇੱਕ ਵਾਹਨ ਤਿਆਰ ਕੀਤਾ ਸੀ ਜੋ ਬਾਅਦ ਵਿੱਚ ਇੱਕ ਕਾਮਯਾਬ ਬਿਜ਼ਨਸ ਬਣ ਗਿਆ। ਹੁਣ ਉਨ੍ਹਾਂ ਕੋਲ ਇਲੈਕਟ੍ਰਿਕ ਵਾਹਨ ਬਣਾਉਣ ਦਾ ਇੰਨਾ ਤਜਰਬਾ ਹੈ ਕਿ ਉਨ੍ਹਾਂ ਕੋਲੋਂ ਇਲੈਕਟ੍ਰਿਕ ਗੱਡੀ ਤਿਆਰ ਕਰਵਾਉਣ ਲਈ 6 ਮਹੀਨੇ ਪਹਿਲਾਂ ਬੁਕਿੰਗ ਕਰਵਾਉਣੀ ਪੈਂਦੀ ਹੈ। ਇਸ ਨੌਜਵਾਨ ਬਾਰੇ ਹੋਰ ਜਾਨਣ ਲਈ ਕਮੈਂਟ ਬਾਕਸ ਵਿੱਚ ਦਿੱਤੇ ਲਿੰਕ ਤੇ ਕਲਿੱਕ ਕਰੋ

ਕਿਸਾਨ ਦੀ ਜਿੰਦਗੀ ਨੂੰ ਸਿਰਕੇ ਦੇ ਵਪਾਰ ਨੇ ਕਿਵੇਂ ਬਦਲਿਆਸੰਗਰੂਰ ਜ਼ਿਲ੍ਹੇ ਦੇ ਪਿੰਡ ਅਕੋਈ ਸਾਹਿਬ ਦੇ ਰਹਿਣ ਵਾਲੇ ਗੁਰਮੀਤ ਸਿੰਘ ਇੱਕ ਅਗਾਂਹਵਧੂ ਕ...
18/09/2025

ਕਿਸਾਨ ਦੀ ਜਿੰਦਗੀ ਨੂੰ ਸਿਰਕੇ ਦੇ ਵਪਾਰ ਨੇ ਕਿਵੇਂ ਬਦਲਿਆ
ਸੰਗਰੂਰ ਜ਼ਿਲ੍ਹੇ ਦੇ ਪਿੰਡ ਅਕੋਈ ਸਾਹਿਬ ਦੇ ਰਹਿਣ ਵਾਲੇ ਗੁਰਮੀਤ ਸਿੰਘ ਇੱਕ ਅਗਾਂਹਵਧੂ ਕਿਸਾਨ ਹਨ। ਗੁਰਮੀਤ ਸਿੰਘ ਦੋ ਏਕੜ ਵਿੱਚ ਜੈਵਿਕ ਗੰਨੇ ਦੀ ਖੇਤੀ ਕਰਦੇ ਹਨ। ਉਨ੍ਹਾਂ ਖੇਤ ਵਿੱਚ ਹੀ ਆਪਣੀ ਪ੍ਰੋਸੈਸਿੰਗ ਯੂਨਿਟ ਵੀ ਸਥਾਪਤ ਕੀਤੀ ਹੋਈ ਹੈ ਜਿੱਥੇ ਉਹ ਗੰਨੇ ਦੇ ਰਸ ਤੋਂ ਸਿਰਕਾ ਤਿਆਰ ਕਰਦੇ ਹਨ ਅਤੇ ਫਿਰ ਇਸਨੂੰ ਖੁਦ ਹੀ ਵੇਚਦੇ ਹਨ। ਉਨ੍ਹਾਂ ਦੇ ਉਤਪਾਦ ਇੰਨੇ ਮਸ਼ਹੂਰ ਹਨ ਕਿ ਇਸ ਦੀ ਵਿਕਰੀ ਔਨਲਾਈਨ ਵੀ ਕਰਦੇ ਹਨ। ਉਨ੍ਹਾਂ ਦੇ ਕਿੱਤੇ ਬਾਰੇ ਹੋਰ ਜਾਨਣ ਲਈ ਕਮੈਂਟ ਬਾਕਸ ਵਿੱਚ ਦਿੱਤੇ ਲਿੰਕ ਤੇ ਕਲਿੱਕ ਕਰੋ

17/09/2025

ਸਾਡਾ ਪਰਿਵਾਰ ਵੀ ਸਾਂਝਾ ਹੈ ਤੇ ਕੰਮ ਵੀ ਸਾਂਝਾ ਹੈ

ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਦੇ ਰਹਿਣ ਵਾਲੇ ਸਵਰਨਜੀਤ ਸਿੰਘ ਪੇਸ਼ੇ ਵਜੋਂ ਖੇਤੀਬਾੜੀ ਅਧਿਆਪਕ ਹਨ ਪਰ ਇਸ ਦੇ ਨਾਲ ਹੀ ਉਹ ਪੋਲਟਰੀ ਫਾਰਮਿੰਗ ਦਾ ਕੰਮ...
17/09/2025

ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਦੇ ਰਹਿਣ ਵਾਲੇ ਸਵਰਨਜੀਤ ਸਿੰਘ ਪੇਸ਼ੇ ਵਜੋਂ ਖੇਤੀਬਾੜੀ ਅਧਿਆਪਕ ਹਨ ਪਰ ਇਸ ਦੇ ਨਾਲ ਹੀ ਉਹ ਪੋਲਟਰੀ ਫਾਰਮਿੰਗ ਦਾ ਕੰਮ ਵੀ ਕਰਦੇ ਹਨ। ਸਵਰਨਜੀਤ ਸਿੰਘ ਮੁਰਗੀਆਂ ਦੀ ਦੇਸੀ ਨਸਲ ਨਾਲ ਪੋਲਟਰੀ ਫਾਰਮਿੰਗ ਕਰਦੇ ਹਨ। ਪੰਜਾਬ ਵਿੱਚ ਦੇਸੀ ਨਸਲ ਦੀਆਂ ਮੁਰਗੀਆਂ ਦਾ ਕਾਰੋਬਾਰ ਚੁਣੌਤੀਪੂਰਨ ਮੰਨਿਆ ਜਾਂਦਾ ਹੈ, ਪਰ ਸਵਰਨਜੀਤ ਸਿੰਘ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਕਾਰੋਬਾਰ ਇੰਨਾ ਵਧੀਆ ਚੱਲ ਰਿਹਾ ਹੈ ਕਿ ਮੰਗ ਪੂਰੀ ਹੀ ਨਹੀਂ ਹੁੰਦੀ। ਸਵਰਨਜੀਤ ਸਿੰਘ ਦੇ ਪੋਲਟਰੀ ਫਾਰਮਿੰਗ ਦੇ ਤਜਰਬੇ ਬਾਰੇ ਹੋਰ ਜਾਣਨ ਲਈ ਕਮੈਂਟ ਬਾਕਸ ਵਿੱਚ ਦਿੱਤੇ ਲਿੰਕ ਤੇ ਕਲਿੱਕ ਕਰੋ

ਨਹਿਰੀ ਵਿਭਾਗ ਦਾ ਮੁਲਾਜ਼ਮ ਬੱਕਰੀਆਂ ਤੋਂ ਇਓ ਕਰ ਰਿਹਾ ਕਮਾਈਬਠਿੰਡਾ ਜ਼ਿਲ੍ਹੇ ਦੇ ਪਿੰਡ ਅਬਲੂ ਦੇ ਰਹਿਣ ਵਾਲੇ ਗੁਰਜੀਤ ਸਿੰਘ ਪੰਜਾਬ ਸਰਕਾਰ ਦੇ ਨਹਿ...
16/09/2025

ਨਹਿਰੀ ਵਿਭਾਗ ਦਾ ਮੁਲਾਜ਼ਮ ਬੱਕਰੀਆਂ ਤੋਂ ਇਓ ਕਰ ਰਿਹਾ ਕਮਾਈ
ਬਠਿੰਡਾ ਜ਼ਿਲ੍ਹੇ ਦੇ ਪਿੰਡ ਅਬਲੂ ਦੇ ਰਹਿਣ ਵਾਲੇ ਗੁਰਜੀਤ ਸਿੰਘ ਪੰਜਾਬ ਸਰਕਾਰ ਦੇ ਨਹਿਰੀ ਵਿਭਾਗ ਵਿੱਚ ਮੁਲਾਜ਼ਮ ਹਨ। ਗੁਰਜੀਤ ਸਿੰਘ ਸਰਕਾਰੀ ਨੌਕਰੀ ਦੇ ਨਾਲ-ਨਾਲ ਬੱਕਰੀ ਪਾਲਣ ਦਾ ਸਹਾਇਕ ਕਿੱਤਾ ਵੀ ਕਰਦੇ ਹਨ, ਜਿਸ ਤੋਂ ਉਹ ਚੰਗਾ ਮੁਨਾਫਾ ਕਮਾ ਰਹੇ ਹਨ। ਉਨ੍ਹਾਂ ਨੇ ਬੱਕਰੀ ਪਾਲਣ ਦਾ ਸਹਾਇਕ ਕਿੱਤਾ ਕਿਉਂ ਚੁਣਿਆ ਇਸ ਬਾਰੇ ਹੋਰ ਜਾਨਣ ਲਈ ਕਮੈਂਟ ਬਾਕਸ ਵਿੱਚ ਦਿੱਤੇ ਲਿੰਕ ਤੇ ਕਲਿੱਕ ਕਰੋ

Crop Information ਵਾਲਾ ਪਰਗਟ ਸਿੰਘ ਉਨ੍ਹਾਂ ਗਿਣਵੇਂ ਚੁਣਵੇਂ ਪੰਜਾਬੀਆਂ ਚੋਂ ਇੱਕ ਹੈ ਜੋ ਸੋਸ਼ਲ ਮੀਡੀਆ ਉੱਤੇ ਆਪਣੀ ਕਾਬਲੀਅਤ ਦੇ ਦਮ ਤੇ ਨਾਮਣਾ...
15/09/2025

Crop Information ਵਾਲਾ ਪਰਗਟ ਸਿੰਘ ਉਨ੍ਹਾਂ ਗਿਣਵੇਂ ਚੁਣਵੇਂ ਪੰਜਾਬੀਆਂ ਚੋਂ ਇੱਕ ਹੈ ਜੋ ਸੋਸ਼ਲ ਮੀਡੀਆ ਉੱਤੇ ਆਪਣੀ ਕਾਬਲੀਅਤ ਦੇ ਦਮ ਤੇ ਨਾਮਣਾ ਖੱਟ ਰਹੇ ਨੇ। ਪਰਗਟ ਨਾਲ ਕਿਸੇ ਦੇ ਵਿਚਾਰ ਹੋ ਸਕਦਾ ਨਾਂ ਮਿਲਦੇ ਹੋਣ ਪਰ ਉਸਦੀ ਪੰਜਾਬ ਦੇ ਖੇਤੀ ਸੱਭਿਆਚਾਰ ਪ੍ਰਤੀ ਸੁਹਿਰਦਤਾ ਅਤੇ ਹੁਨਰ ਤੇ ਕੋਈ ਸ਼ੱਕ ਕਰਨ ਦਾ ਸਵਾਲ ਹੀ ਪੈਦਾ ਨਹੀਂ ਹੁੰਦਾ। ਬੀਤੇ ਦਿਨੀਂ ਇੱਕ ਕੋਰਟੀਵਾ ਨਾਂ ਦੀ ਪੈਸਟੀਸਾਈਡ ਕੰਪਨੀ ਦੇ ਹੰਕਾਰੇ ਹੋਏ ਨੁਮਾਇੰਦੇ ਵੱਲੋਂ ਪਰਗਟ ਨੂੰ ਗੋਲੀ ਮਾਰਨ ਦੀਆਂ ਧਮਕੀਆਂ ਫੋਨ ਉੱਤੇ ਦਿੱਤੀਆਂ ਗਈਆਂ ਹਨ। Discovered By Lens ਇਸ ਮਾਮਲੇ ਤੇ ਪੂਰੀ ਤਰਾਂ ਪਰਗਟ ਵੀਰ ਨਾਲ ਖੜਾ ਹੈ ਅਤੇ ਅਸੀਂ ਪੰਜਾਬ ਸਰਕਾਰ ਤੋਂ ਮੰਗ ਕਰਦੇ ਹਾਂ ਕਿ ਅਜਿਹੇ ਹੰਕਾਰੇ ਹੋਏ ਲੋਟੂ ਟੋਲੇ ਖਿਲਾਫ ਸਖਤ ਤੋਂ ਸਖਤ ਕਾਰਵਾਈ ਕੀਤੀ ਜਾਵੇ ਜੋ ਕਿਸਾਨਾਂ ਦੀ ਖੂਨ ਪਸੀਨੇ ਦੀ ਕਮਾਈ ਲੁੱਟ ਰਹੇ ਹਨ ਅਤੇ ਕਿਸਾਨਾਂ ਨੂੰ ਚੇਤੰਨ ਕਰਨ ਵਾਲੇ ਨੌਜਵਾਨ ਨੂੰ ਸ਼ਰੇਆਮ ਜਾਨੋ ਮਾਰਨ ਦੀਆਂ ਧਮਕੀਆਂ ਦੇ ਰਹੇ ਹਨ।

ਪੰਛੀਆਂ ਦੀ ਭੈਣ ਡਾ. ਪੂਰਨਿਮਾ ਦੇਵੀ ਬਰਮਨਭਾਰਤ ਦੇ ਸੂਬੇ ਅਸਾਮ ਦੇ ਰਹਿਣ ਵਾਲੇ ਡਾ. ਪੂਰਨਿਮਾ ਦੇਵੀ ਬਰਮਨ ਨੂੰ ਹਰਗੀਲਾ ਨਾਂ ਦੇ ਇੱਕ ਪੰਛੀ ਦੀ ਨਸ...
15/09/2025

ਪੰਛੀਆਂ ਦੀ ਭੈਣ ਡਾ. ਪੂਰਨਿਮਾ ਦੇਵੀ ਬਰਮਨ
ਭਾਰਤ ਦੇ ਸੂਬੇ ਅਸਾਮ ਦੇ ਰਹਿਣ ਵਾਲੇ ਡਾ. ਪੂਰਨਿਮਾ ਦੇਵੀ ਬਰਮਨ ਨੂੰ ਹਰਗੀਲਾ ਨਾਂ ਦੇ ਇੱਕ ਪੰਛੀ ਦੀ ਨਸਲ ਬਚਾਉਣ ਦਾ ਸਿਹਰਾ ਜਾਂਦਾ ਹੈ। ਅਸਾਮ ਦੇ ਦਲਦਲੀ ਭੂ-ਖੇਤਰ ਵਿੱਚ ਰਹਿਣ ਵਾਲਾ ਇਹ ਦਰਵੇਸ਼ ਪੰਛੀ ਮਨੁੱਖੀ ਵਸੋਂ ਦੇ ਵਧਦੇ ਦਖ਼ਲ ਅਤੇ ਇਸ ਪੰਛੀ ਬਾਰੇ ਬਣੀਆਂ ਗ਼ਲਤ ਧਾਰਨਾਵਾਂ ਕਰਕੇ ਲਗਭਗ ਖ਼ਤਮ ਹੋਣ ਕੰਢੇ ਸੀ ਜਦੋਂ ਡਾ. ਬਰਮਨ ਦੀ ਸਵੱਲੀ ਨਜ਼ਰ ਇਸ ਤੱਥ ਵੱਲ ਗਈ ਅਤੇ ਫਿਰ ਉਨ੍ਹਾਂ ਨੇ ਜੋ ਇਸ ਪੰਛੀ ਦੀ ਨਸਲ ਨੂੰ ਬਚਾਉਣ ਲਈ ਕੀਤਾ ਉਸ ਨੇ ਪੂਰੀ ਦੁਨੀਆ ਨੂੰ ਹੈਰਾਨ ਕਰ ਦਿੱਤਾ। ਇਸ ਪ੍ਰਜਾਤੀ ਨੂੰ ਬਚਾਉਣ ਲਈ ਕੀਤੇ ਉਪਰਾਲਿਆ ਕਰਕੇ ਉਨ੍ਹਾਂ ਨੂੰ ਕਈ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੁਰਸਕਾਰ ਵੀ ਪ੍ਰਾਪਤ ਹੋਏ ਹਨ ਜਿਨ੍ਹਾਂ ਵਿੱਚ ਸੰਯੁਕਤ ਰਾਸ਼ਟਰ ਦੇ ਧਰਤੀ ਦੇ ਚੈਂਪੀਅਨ ਅਤੇ ਵਿਟਲੇ ਐਵਾਰਡ (ਜਿਸ ਨੂੰ ਗ੍ਰੀਨ ਆਸਕਰ ਐਵਾਰਡ ਵੀ ਕਿਹਾ ਜਾਂਦਾ ਹੈ) ਸ਼ਾਮਲ ਹਨ। ਹਰਗੀਲਾ ਪੰਛੀਆਂ ਨੂੰ ਬਚਾਉਣ ਕਰਕੇ ਅੱਜ ਲੋਕ ਉਨ੍ਹਾਂ ਨੂੰ ਹਰਗੀਲਾ ਭੈਣ ਦੇ ਨਾਮ ਨਾਲ ਵੀ ਜਾਣਦੇ ਹਨ। ਉਨ੍ਹਾਂ ਬਾਰੇ ਹੋਰ ਜਾਣਨ ਲਈ ਕਮੈਂਟ ਬਾਕਸ ਵਿੱਚ ਦਿੱਤੇ ਲਿੰਕ ਤੇ ਕਲਿੱਕ ਕਰੋ

ਗੁਰੂ ਦਾ ਸੱਚਾ ਸਿੱਖ ਘਮੰਡ ਸਿੰਘਬਰਨਾਲਾ ਜਿਲ੍ਹੇ ਦੇ ਪਿੰਡ ਨਰੈਣਗੜ੍ਹ ਸੋਹੀਆਂ ਦੇ ਰਹਿਣ ਵਾਲੇ ਸੀਨੀਅਰ ਸਿਟੀਜਨ ਘੁਮੰਡ ਸਿੰਘ ਨੇ ਆਪਣੀ ਜ਼ਿੰਦਗੀ ਸਮ...
14/09/2025

ਗੁਰੂ ਦਾ ਸੱਚਾ ਸਿੱਖ ਘਮੰਡ ਸਿੰਘ
ਬਰਨਾਲਾ ਜਿਲ੍ਹੇ ਦੇ ਪਿੰਡ ਨਰੈਣਗੜ੍ਹ ਸੋਹੀਆਂ ਦੇ ਰਹਿਣ ਵਾਲੇ ਸੀਨੀਅਰ ਸਿਟੀਜਨ ਘੁਮੰਡ ਸਿੰਘ ਨੇ ਆਪਣੀ ਜ਼ਿੰਦਗੀ ਸਮਾਜ ਸੇਵਾ ਲਈ ਸਮਰਪਿਤ ਕੀਤੀ ਹੋਈ ਹੈ। ਘੁਮੰਡ ਸਿੰਘ ਰੋਜ਼ਾਨਾ ਸੜਕਾਂ ਦੇ ਟੋਏ ਭਰਦੇ ਹਨ ਤਾਂ ਜੋ ਰਾਹਗੀਰਾਂ ਨੂੰ ਕੋਈ ਦਿੱਕਤ ਨਾ ਆਵੇ। ਇਸ ਦੇ ਨਾਲ ਹੀ ਘੁਮੰਡ ਸਿੰਘ ਗੁਰੂਦੁਆਰੇ ਦੀ ਰੋਜ਼ਾਨਾ ਸਾਫ ਸਫ਼ਾਈ, ਸਕੂਲ, ਪਿੰਡ ਦੇ ਹਰ ਗਲੀ ਕੋਨੇ ਵਿੱਚ ਸਫ਼ਾਈ ਵੀ ਕਰਦੇ ਹਨ। ਘੁਮੰਡ ਸਿੰਘ ਦੇ ਸੇਵਾ ਭਾਵਨਾ ਨਾਲ ਕੀਤੇ ਕੰਮਾਂ ਬਾਰੇ ਹੋਰ ਜਾਨਣ ਲਈ ਕਮੈਂਟ ਬਾਕਸ ਵਿੱਚ ਦਿੱਤੇ ਲਿੰਕ ਤੇ ਕਲਿੱਕ ਕਰੋ

ਵਿਰਸਾ ਸਾਂਭਦੀਆਂ ਦਰਾਣੀਆਂ-ਜਠਾਣੀਆਂਜਿਲਾ ਫਿਰੋਜ਼ਪੁਰ ਦੇ ਪਿੰਡ ਕਰਮਿੱਤੀ ਦੀਆਂ ਰਹਿਣ ਵਾਲੀਆਂ ਦਰਾਣੀਆਂ-ਜਠਾਣੀਆਂ ਅਮਨਦੀਪ ਕੌਰ ਅਤੇ ਤਰਜਿੰਦਰ ਕੌਰ ...
13/09/2025

ਵਿਰਸਾ ਸਾਂਭਦੀਆਂ ਦਰਾਣੀਆਂ-ਜਠਾਣੀਆਂ
ਜਿਲਾ ਫਿਰੋਜ਼ਪੁਰ ਦੇ ਪਿੰਡ ਕਰਮਿੱਤੀ ਦੀਆਂ ਰਹਿਣ ਵਾਲੀਆਂ ਦਰਾਣੀਆਂ-ਜਠਾਣੀਆਂ ਅਮਨਦੀਪ ਕੌਰ ਅਤੇ ਤਰਜਿੰਦਰ ਕੌਰ ਪੰਜਾਬੀ ਵਿਰਸਾਤ ਗਰੁੱਪ ਨਾਂ ਹੇਠ ਆਪਣਾ ਆਨਲਾਈਨ ਬਿਜਨਸ ਚਲਾ ਰਹੀਆਂ ਹਨ। ਉਹ ਹੱਥੀਂ ਪੇਂਟ ਅਤੇ ਕਢਾਈ ਕੀਤੇ ਝੋਲੇ, ਦੁਪੱਟੇ, ਰੁਮਾਲ, ਮਫਲਰ, ਲੋਈ ਆਦਿ ਤਿਆਰ ਕਰਦੇ ਹਨ। ਖਾਸ ਗੱਲ ਇਹ ਹੈ ਉਨ੍ਹਾਂ ਵੱਲੋਂ ਤਿਆਰ ਕੀਤੇ ਗਏ ਕੱਪੜਿਆ ਉਪਰ ਪੰਜਾਬੀ ਵਰਨਮਾਲਾ ਦੇ ਅੱਖਰ ਉੱਕਰੇ ਹੁੰਦੇ ਹਨ। ਜਿਸ ਪਿਛੇ ਉਨ੍ਹਾਂ ਦਾ ਮਕਸਦ ਅੱਜ ਦੇ ਨੌਜਵਾਨਾਂ ਨੂੰ ਪੰਜਾਬੀ ਭਾਸ਼ਾ ਦੇ ਨਾਲ ਜੋੜਣਾ ਹੈ। ਉਨ੍ਹਾਂ ਦੇ ਕੰਮ ਬਾਰੇ ਹੋਰ ਜਾਨਣ ਲਈ ਕਮੈਂਟ ਬਾਕਸ ਵਿੱਚ ਦਿੱਤੇ ਲਿੰਕ ਤੇ ਕਲਿੱਕ ਕਰੋ

12/09/2025

ਹਾਲਾਤ ਇੰਨੇ ਮਾੜੇ ਨੇ ਕਿ ਦਵਾਈਆਂ ਲਏ ਬਿਨਾਂ ਨੀਂਦ ਨਹੀਂ ਆਉਂਦੀ

ਕਿਸਾਨਾਂ ਨੇ ਜੇ ਕਾਮਯਾਬ ਹੋਣਾ ਹੈ ਤਾਂ ਸੰਗ ਲਾਹੁਣੀ ਪੈਣੀ ਹੈਪੰਜਾਬ ਦੇ ਜ਼ਿਲ੍ਹਾ ਬਠਿੰਡਾ ਦੇ ਪਿੰਡ ਬੱਲੂਆਣਾ ਦੇ ਰਹਿਣ ਵਾਲੇ ਕਿਸਾਨ ਇਕਬਾਲ ਸਿੰਘ ...
12/09/2025

ਕਿਸਾਨਾਂ ਨੇ ਜੇ ਕਾਮਯਾਬ ਹੋਣਾ ਹੈ ਤਾਂ ਸੰਗ ਲਾਹੁਣੀ ਪੈਣੀ ਹੈ
ਪੰਜਾਬ ਦੇ ਜ਼ਿਲ੍ਹਾ ਬਠਿੰਡਾ ਦੇ ਪਿੰਡ ਬੱਲੂਆਣਾ ਦੇ ਰਹਿਣ ਵਾਲੇ ਕਿਸਾਨ ਇਕਬਾਲ ਸਿੰਘ 25 ਏਕੜ ਜ਼ਮੀਨ ਉੱਪਰ ਖੇਤੀ ਕਰਦਾ ਹੈ। ਪੰਜਾਬ ਦੇ ਹੋਰ ਮੱਧਵਰਗੀ ਕਿਸਾਨਾਂ ਦੇ ਉਲਟ ਇਕਬਾਲ ਆਪਣੇ ਖੇਤੀ ਉਤਪਾਦ ਸੜਕ ਕਿਨਾਰੇ ਰੱਖ ਕੇ ਖੁਦ ਹੀ ਵੇਚਦੇ ਹਨ।ਇਕਬਾਲ ਦਾ ਕਹਿਣਾ ਹੈ ਕਿ ਆਮ ਕਿਸਾਨ ਅਜਿਹਾ ਕਰਨ ਵਿੱਚ ਸ਼ਰਮ ਮਹਿਸੂਸ ਕਰਦੇ ਹਨ ਜਦਕਿ ਆਪਣੀ ਫਸਲ ਦੀ ਰਿਟੇਲ ਆਪ ਕਰਨ ਨਾਲ ਕਮਾਈ ਜ਼ਿਆਦਾ ਹੁੰਦੀ ਹੈ। ਉਨ੍ਹਾਂ ਦੇ ਖੇਤੀ ਤਜ਼ਰਬੇ ਬਾਰੇ ਹੋਰ ਜਾਨਣ ਲਈ ਕਮੈਂਟ ਬਾਕਸ ਵਿੱਚ ਦਿੱਤੇ ਲਿੰਕ ਤੇ ਕਲਿੱਕ ਕਰੋ

ਫਸਲ ਕੋਈ ਮਾੜੀ ਨੀ ਬਸ ਖੇਤੀ ਕਰਨ ਦਾ ਢੰਗ ਬਦਲਨਾ ਪੈਣਾਜ਼ਿਲ੍ਹਾ ਸ਼੍ਰੀ ਮੁਕਤਸਰ ਸਾਹਿਬ ਦੇ ਪਿੰਡ ਨੰਦਗੜ੍ਹ ਦੇ ਰਹਿਣ ਵਾਲੇ ਨਵਦੀਪ ਸਿੰਘ ਇੱਕ ਆਮ ਕਿਸ...
11/09/2025

ਫਸਲ ਕੋਈ ਮਾੜੀ ਨੀ ਬਸ ਖੇਤੀ ਕਰਨ ਦਾ ਢੰਗ ਬਦਲਨਾ ਪੈਣਾ
ਜ਼ਿਲ੍ਹਾ ਸ਼੍ਰੀ ਮੁਕਤਸਰ ਸਾਹਿਬ ਦੇ ਪਿੰਡ ਨੰਦਗੜ੍ਹ ਦੇ ਰਹਿਣ ਵਾਲੇ ਨਵਦੀਪ ਸਿੰਘ ਇੱਕ ਆਮ ਕਿਸਾਨ ਹਨ। ਨਵਦੀਪ ਸਿੰਘ ਨੇ ਇੱਕ ਏਕੜ ਵਿੱਚ ਅਮਰੂਦ ਦਾ ਬਾਗ ਲਗਾਇਆ ਹੋਇਆ ਹੈ ਅਤੇ ਇਸ ਬਾਗ ਵਿੱਚ ਹੀ ਉਹ ਲਸਣ ਦੀ ਖੇਤੀ ਵੀ ਕਰਦੇ ਹਨ। ਖੇਤ ਵਿੱਚੋਂ ਪੈਦਾ ਹੋਣ ਵਾਲੀ ਫਸਲ ਦੀ ਉਹ ਖੁਦ ਹੀ ਮਾਰਕੀਟਿੰਗ ਕਰਦੇ ਹਨ ਜਿਸ ਨਾਲ ਉਹ ਖੇਤੀ ਵਿੱਚੋਂ ਚੰਗਾ ਮੁਨਾਫਾ ਵੀ ਕਮਾ ਰਹੇ ਹਨ।
ਉਨ੍ਹਾਂ ਦੇ ਖੇਤੀ ਤਜ਼ਰਬੇ ਬਾਰੇ ਹੋਰ ਜਾਨਣ ਲਈ ਦਿੱਤੇ ਲਿੰਕ ਤੇ ਕਲਿੱਕ ਕਰੋ :- https://discoveredbylens.com/progressive-farmer-navdeep-singh/

Address


Telephone

+919478345703

Website

Alerts

Be the first to know and let us send you an email when Discovered By Lens posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Discovered By Lens:

Shortcuts

  • Want your business to be the top-listed Media Company?

Share