Nilambur News Hub

  • Home
  • Nilambur News Hub

Nilambur News Hub നിലമ്പൂർ ന്യൂസ് ഹബ്ബ് ഫേസ്ബുക്കിലേക്ക് സ്വാഗതം.

നിലമ്പൂർ ബ്ലോക്ക് കേരളോത്സവം ഒക്ടോബർ 16 മുതൽDate : 14 - 10 - 2025NILAMBUR NEWS HUBhttps://www.facebook.com/share/p/1MSH6...
14/10/2025

നിലമ്പൂർ ബ്ലോക്ക് കേരളോത്സവം ഒക്ടോബർ 16 മുതൽ

Date : 14 - 10 - 2025
NILAMBUR NEWS HUB
https://www.facebook.com/share/p/1MSH6Z39jS/
https://chat.whatsapp.com/D6toqf2ugrEK1sri0VNWPx

കേരള സംസ്ഥാന യുവജന ക്ഷേമ
ബോർഡുംനിലമ്പൂർ ബ്ലോക്ക്
പഞ്ചായത്തും സംയുക്തമായി സംഘടിപ്പിക്കുന്ന കേരളോഉത്സവം
ഈ മാസം 16 മുതൽ നിലമ്പൂരിന്റെ
പല ഭാഗത്തായി
വിവിധ വേദികളിലായി
കല കായിക മത്സരങ്ങൾ
നടക്കുകയാണ്.

നിലമ്പൂർ ബ്ലോക്ക് പഞ്ചായത്തിന്റെ പരിധിയിൽ വിവിധ പഞ്ചായത്തുകളിൽ മത്സരം നടത്തി വിജയം നേടിയ വത്സരാർത്ഥികൾ ഇവിടെ മത്സരത്തിൽ എത്തുകഈ കേരളോത്സവത്തിന് ഒരു പ്രത്യേകത കൂടിയുണ്ട് ബ്ലോക്ക് പഞ്ചായത്ത് ഭരണസമിതിയുടെ അവസാനത്തെ കേരളോത്സവമാണ് നടക്കുന്നത്

https://chat.whatsapp.com/D6toqf2ugrEK1sri0VNWPx

ഡിജിറ്റല്‍ പെയ്മെന്റ് വന്‍ കുതിച്ചുചാട്ടത്തിന് ഒരുങ്ങുന്നു; യുപിഐ വഴി ക്യുആര്‍ കോഡ് സ്‌കാന്‍ ചെയ്ത് ഇഎംഐ ആയി പണം അടയ്ക്ക...
04/10/2025

ഡിജിറ്റല്‍ പെയ്മെന്റ് വന്‍ കുതിച്ചുചാട്ടത്തിന് ഒരുങ്ങുന്നു; യുപിഐ വഴി ക്യുആര്‍ കോഡ് സ്‌കാന്‍ ചെയ്ത് ഇഎംഐ ആയി പണം അടയ്ക്കാം

Date : 04 - 10 - 2025
NILAMBUR NEWS HUB
https://www.facebook.com/share/p/1PyK4Dc1rB/
https://chat.whatsapp.com/D6toqf2ugrEK1sri0VNWPx

രാജ്യത്തെ റീട്ടെയില്‍ ഡിജിറ്റല്‍ പെയ്മെന്റ് വന്‍ കുതിച്ചുചാട്ടത്തിന് ഒരുങ്ങുന്നു. യൂണിഫൈഡ് പെയ്മെന്റ്സ് ഇന്റര്‍ഫേസ് (യുപിഐ.) വഴി നടത്തുന്ന പണമിടപാടുകള്‍ ഇഎംഐ അഥവാ പ്രതിമാസ തവണകളായി അടയ്ക്കാന്‍ സാധിക്കുന്ന പുതിയ സംവിധാനം കൊണ്ടുവരാന്‍ നാഷണല്‍ പെയ്മെന്റ്സ് കോര്‍പ്പറേഷന്‍ ഓഫ് ഇന്ത്യ ആലോചനയിൽ. ശൃംഖലയില്‍ വായ്പാ സംവിധാനം വ്യാപിപ്പിക്കുന്നതിന്റെ ഭാഗമായി ഈ നിര്‍ണായക നീക്കം നടത്തുന്നത്.

*പുതിയ സംവിധാനം പ്രവർത്തിക്കുന്നത് ഈ രീതിയിൽ*

ക്യുആര്‍ കോഡ് സ്‌കാന്‍ ചെയ്ത് പണം അടയ്ക്കുമ്പോള്‍ തന്നെ, ആ തുക തവണകളായി അടച്ചു തീര്‍ക്കാനുള്ള ഓപ്ഷന്‍ ഉപയോക്താവിന് ലഭിക്കുന്ന രീതിയിലായിരിക്കും പുതിയ സംവിധാനം.

പോയിന്റ്-ഓഫ്-സെയില്‍ (പി.ഒ.എസ്.) കാര്‍ഡ് ഇടപാടുകള്‍ക്ക് സമാനമായി, കാര്‍ഡ് മെഷീനില്‍ വെച്ചുതന്നെ ഇ.എം.ഐ. ആയി മാറ്റാന്‍ സാധിക്കുന്നതുപോലെയാണ് യു.പി.ഐ. യിലും ഇത് പ്രവര്‍ത്തിക്കുക.

ക്യു.ആര്‍. കോഡ് സ്‌കാന്‍ ചെയ്ത് പണം അടയ്ക്കുമ്പോള്‍, എന്‍.പി.സി.ഐ.യുടെ പുതിയ മാര്‍ഗ്ഗനിര്‍ദ്ദേശങ്ങള്‍ അനുസരിച്ച്, ചില നിബന്ധനകള്‍ക്ക് വിധേയമായി, പെയ്മെന്റ് ഇഎംഐ ആയി മാറ്റാന്‍ സാധിക്കും

ഇത്യു വഴി യു.പി.ഐ. നെറ്റ് വര്‍ക്കിലെ വായ്പാ ഇടപാടുകള്‍ വര്‍ദ്ധിപ്പിക്കാനാണ് എന്‍.പി.സി.ഐ. ലക്ഷ്യമിടുന്നത്. വായ്പാ ഇടപാടുകള്‍ വര്‍ദ്ധിപ്പിക്കാനായി ഇതിനോടകം തന്നെ പേടിഎം, നവി തുടങ്ങിയ ഫിന്‍ടെക് കമ്പനികളുമായി ചില ബാങ്കുകള്‍ സഹകരിച്ച് യു.പി.ഐ. ഉപയോക്താക്കള്‍ക്ക് വായ്പകള്‍ നല്‍കിത്തുടങ്ങിയിട്ടുണ്ട്.

നിലവില്‍ പ്രതിമാസം 2000 കോടിയിലധികം ഇടപാടുകളാണ് യു.പി.ഐ. വഴി നടക്കുന്നത്. 25-30 കോടി സജീവ ഉപയോക്താക്കളുണ്ട്. അതേ സമയം, യു.പി.ഐ. വഴി ക്രെഡിറ്റ് ഇടപാടുകള്‍ നടത്തുമ്പോള്‍ 1.5% വരെ ഇന്റര്‍ചേഞ്ച് ഫീസ് ഈടാക്കാന്‍ എന്‍.പി.സി.ഐ. ആലോചിക്കുന്നുണ്ട്. ഇത് ഫിന്‍ടെക് കമ്പനികള്‍ക്ക് മികച്ച വരുമാന സാധ്യത തുറന്നു നല്‍കും. ഇത് നിലവിൽ വരുന്നതോടെ പ്ലാറ്റ്ഫോമിലെ ക്രെഡിറ്റ് വിനിമയങ്ങളിൽ വലിയ കുതിപ്പാണ് പ്രതീക്ഷിക്കുന്നത്.

വാർത്തകൾക്കും പരസ്യങ്ങൾക്കും
+91 97447 78859
+91 73060 65520

Follow Instagram
https://rb.gy/yemt3s

Follow Facebook
https://rb.gy/59gxud

Join Our WhatsApp Group
https://chat.whatsapp.com/D6toqf2ugrEK1sri0VNWPx

സൗദിയിലേക്ക് മരുന്നുകൾ കൊണ്ടുവരുന്നവർ ശ്രദ്ധിക്കുക; നവംബർ ഒന്ന് മുതൽ ഇത് നിർബന്ധമായും ചെയ്തിരിക്കണംDate : 04 - 10 - 2025...
04/10/2025

സൗദിയിലേക്ക് മരുന്നുകൾ കൊണ്ടുവരുന്നവർ ശ്രദ്ധിക്കുക; നവംബർ ഒന്ന് മുതൽ ഇത് നിർബന്ധമായും ചെയ്തിരിക്കണം

Date : 04 - 10 - 2025
NILAMBUR NEWS HUB
https://www.facebook.com/share/p/1D1MC332D7/
https://chat.whatsapp.com/D6toqf2ugrEK1sri0VNWPx

സൗദിയിലേക്ക് വരുന്ന യാത്രക്കാർ രാജ്യത്ത് നിയന്ത്രണമുള്ള മരുന്നുകൾ കൈവശമുണ്ടെങ്കിൽ യാത്രക്ക് മുമ്പേ ഓൺലൈൻ വഴി ക്ലിയറൻസ് പെർമിറ്റ് നേടിയെടുക്കണമെന്ന് അധികൃതർ. നവംബർ ഒന്ന് മുതൽ നിയമം പൂർണമായും പ്രാബല്യത്തിൽ വരും. മുഴുവൻ വിമാന കമ്പനികൾക്കും ട്രാവൽസ് അധികൃതർക്കും ഇത് സംബന്ധിച്ച് എല്ലാ അറിയിപ്പുകളും നൽകിക്കഴിഞ്ഞു. ഏകീകൃതവും സമഗ്രവുമായ ഇലക്ട്രോണിക് പ്ലാറ്റ്‌ഫോം വഴി അനധികൃത മരുന്ന് കടത്ത് തടയാനും അംഗീകൃത നിയന്ത്രണങ്ങൾ പൂർണമായി പാലിക്കുന്നത് ഉറപ്പാക്കാനും ലക്ഷ്യം വെച്ചാണ് ജനറല്‍ അതോറിറ്റി
ഓഫ് സിവില്‍ ഏവിയേഷന്റെ
പുതിയ നീക്കം.

കഴിഞ്ഞ ദിവസം ഗാക്ക പുറത്തിറക്കിയ സർക്കുലറിൽ സൗദിയിലേക്ക് വരുന്ന രോഗികളോ അവർക്ക് വേണ്ടി മരുന്ന് കൊണ്ടുവരുന്നവരോ ക്ലിയറൻസ് പെർമിറ്റ് നൽകുന്നതുമായി ബന്ധപ്പെട്ട വിവരങ്ങൾ അറിയിച്ചു കൊണ്ടുള്ള നിർദേശങ്ങൾ നൽകിക്കഴിഞ്ഞു. സിവിൽ വ്യോമയാന നിയമത്തിലെ ആർട്ടിക്കിൾ 23 മയക്കുമരുന്ന്, സൈക്കോട്രോപിക് ലഹരിവസ്തുക്കൾ എന്നിവക്കെതിരായ പോരാട്ട നിയന്ത്രണം നടപ്പിലാക്കുന്നതിനുള്ള നിയമത്തിലെ ആർട്ടിക്കിൾ 11 ലെ ക്ളോസ് ഒന്ന് എന്നിവയുടെ റഫറൻസിലാണ് അറിയിപ്പ് നൽകിയത്. കൺട്രോൾ ട്രഗ് സിസ്റ്റം (സി.ഡി.എസ്) ഇലക്ട്രോണിക്സ് പ്ലാറ്റ്‌ഫോം വഴി സൗദിയിലെ നിയന്ത്രിത മരുന്നുകൾക്ക് ക്ലിയറൻസ് നേടിയെടുക്കണമെന്ന് എല്ലാ എയർലൈനുകളും ഉറപ്പാക്കണമെന്നും ‘ഗാക്ക’ നിർദേശം നൽകി. രോഗികൾക്ക് പിന്തുണയും കുറ്റമറ്റ യാത്ര ഉറപ്പുവരുത്താനും ലക്ഷ്യമിട്ടാണ് സൗദി ഫുഡ് ആൻഡ് ഡ്രഗ് അതോറിറ്റിയുടെ നേതൃത്വത്തിൽ പുതിയ സംവിധാനം ഒരുക്കിയിരിക്കുന്നത്.

നാർക്കോട്ടിക് വിഭാഗത്തിൽ പെടുന്നതും സൈക്യാട്രി മരുന്നുകളുമാണ് കൂടുതൽ കർശനമായ പരിശോധനകൾക്ക് വിധേയമാക്കുക. ഏതൊക്കെ മരുന്നുകൾ രാജ്യത്തേക്ക് കൊണ്ടുവരാം, കൊണ്ടുവരാവുന്ന അളവുകൾ എത്രയാണ് എന്നതുൾപ്പെടെ അനുവദനീയമായ മരുന്നുകളുടെ അളവുകളുമായി ബന്ധപ്പെട്ടുള്ള മുഴുവൻ വിവരങ്ങളും സി.ഡി.എസ് വെബ്സൈറ്റിൽ ലഭ്യമാണ്.

സൗദിയിൽ അംഗീകൃതമായ നാർക്കോട്ടിക്, സൈക്കോട്രോപിക് പദാർഥങ്ങൾ അടങ്ങിയവ ഉൾപ്പെടെയുള്ള മരുന്നുകളുടെ പൂർണ വിവരങ്ങൾ ഇതിലുണ്ട്. യാത്രക്കാർക്ക് സി.ഡി.എസ് പ്ലാറ്റ്‌ഫോം വഴി ഒരു വ്യക്തിഗത അക്കൗണ്ട് ഉണ്ടാക്കി രോഗിയുടെ വിശദാംശങ്ങളും യാത്രാ വിവരങ്ങളും അടങ്ങിയ ഒരു ഇലക്ട്രോണിക് ക്ലിയറൻസ് പെർമിറ്റ്ന് അപേക്ഷിക്കാം.

*ഓൺലൈൻ വഴി ക്ലിയറൻസ് പെർമിറ്റ് നേടേണ്ട ലിങ്ക്:*
https://cds.sfda.gov.sa

*പെർമിറ്റിന് അപേക്ഷിക്കാൻ ആവശ്യമുള്ള രേഖകൾ:*
ഡോക്ടറുടെ കുറിപ്പടി, മെഡിക്കൽ റിപ്പോർട്ട്, തിരിച്ചറിയൽ രേഖകൾ തുടങ്ങിയവ സൈറ്റിൽ അപ്‌ലോഡ് ചെയ്യണം.

വാർത്തകൾക്കും പരസ്യങ്ങൾക്കും
+91 97447 78859
+91 73060 65520

Follow Instagram
https://rb.gy/yemt3s

Follow Facebook
https://rb.gy/59gxud

Join Our WhatsApp Group
https://chat.whatsapp.com/D6toqf2ugrEK1sri0VNWPx

അറബിക്കടലിൽ തുടരുന്ന ‘ശക്തി’ യുടെ ശക്തി കുറയും; കേരളത്തിൽ വരും ദിവസങ്ങളിൽ ഉച്ചക്ക് ശേഷം ഇടിമിന്നൽ മഴ; ജാഗ്രത നിർദേശംDate...
04/10/2025

അറബിക്കടലിൽ തുടരുന്ന ‘ശക്തി’ യുടെ ശക്തി കുറയും; കേരളത്തിൽ വരും ദിവസങ്ങളിൽ ഉച്ചക്ക് ശേഷം ഇടിമിന്നൽ മഴ; ജാഗ്രത നിർദേശം

Date : 04 - 10 - 2025
NILAMBUR NEWS HUB
https://www.facebook.com/share/p/16dinvtd5Z/
https://chat.whatsapp.com/D6toqf2ugrEK1sri0VNWPx

കേരളത്തിൽ ഒറ്റപ്പെട്ടയിടങ്ങളിൽ ഒക്ടോബർ 05 വരെ ഇടിമിന്നലോടുകൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. കേരളത്തിൽ ഇനി മുതൽ ഉച്ചക്ക് ശേഷവും രാത്രിയും ഇടിമിന്നലോട് കൂടിയ കിഴക്കൻ മഴക്ക് സാധ്യതയുണ്ടെന്നാണ് കാലാവസ്ഥ പ്രവചനം. മലയോര മേഖലയിൽ ഇത് കൂടുതലായി പ്രതീക്ഷിക്കാം.

*കേരളത്തിലെ ജനങ്ങൾക്ക് ഇടിമിന്നൽ ജാഗ്രതാ നിർദേശം നൽകി അധികൃതർ*

1.ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക്‌ മാറുക. തുറസായ സ്ഥലങ്ങളിൽ തുടരുന്നത് ഇടിമിന്നലേൽക്കാനുള്ള സാധ്യത വർധിപ്പിക്കും.

2.ശക്തമായ കാറ്റിനും ഇടിമിന്നലിനും സാധ്യതയുള്ള ഘട്ടത്തിൽ ജനലും വാതിലും അടച്ചിടുക. വാതിലിനും ജനലിനും അടുത്ത് നിൽക്കാതെയിരിക്കുകകെട്ടിടത്തിനകത്ത് തന്നെ ഇരിക്കുകയും പരമാവധി ഭിത്തിയിലോ തറയിലോ സ്പർശിക്കാതിരിക്കാൻ ശ്രമിക്കുകയും ചെയ്യുക.

3.ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക.

4.വൈദ്യുതോപകരണങ്ങളുമായുള്ള സാമീപ്യം ഇടിമിന്നലുള്ള സമയത്ത് ഒഴിവാക്കുക.

5.ഇടിമിന്നലുള്ള സമയത്ത് ടെലഫോൺ ഉപയോഗിക്കുന്നത് ഒഴിവാക്കണം.

6.മൊബൈൽ ഫോൺ ഉപയോഗിക്കുന്നത് കൊണ്ട് കുഴപ്പമില്ല.

7.അന്തരീക്ഷം മേഘാവൃതമാണെങ്കിൽ തുറസായ സ്ഥലത്തും ടെറസിലും, കുട്ടികൾ ഉൾപ്പെടെ, കളിക്കുന്നത് ഒഴിവാക്കുക.

8.ഇടിമിന്നലുള്ള സമയത്ത് വൃക്ഷങ്ങളുടെ ചുവട്ടിൽ നിൽക്കരുത്‌.

9.വാഹനങ്ങൾ മരച്ചുവട്ടിൽ പാർക്ക് ചെയ്യുകയുമരുത്.

10.ഇടിമിന്നലുള്ള സമയത്ത് വാഹനത്തിനകത്ത് തന്നെ തുടരുക. കൈകാലുകൾ പുറത്തിടാതിരിക്കുക. വാഹനത്തിനകത്ത് നിങ്ങൾ സുരക്ഷിതരായിരിക്കുംസൈക്കിൾ, ബൈക്ക്, ട്രാക്ടർ തുടങ്ങിയ വാഹനങ്ങളിലുള്ള യാത്ര ഇടിമിന്നൽ സമയത്ത് ഒഴിവാക്കുകയും ഇടിമിന്നൽ അവസാനിക്കുന്നത് വരെ സുരക്ഷിതമായ ഒരു കെട്ടിടത്തിൽ അഭയം തേടുകയും വേണം.

അതെ സമയം, തീവ്ര ചുഴലിക്കാറ്റായ ‘ശക്തി’ വടക്ക് കിഴക്കൻ അറബികടലിൽ തുടരുന്നു. തെക്ക് പടിഞ്ഞാറു ദിശയിൽ നിലവിൽ സഞ്ചാരിക്കുന്ന ‘ശക്തി’ തിങ്കളാഴ്ചയോടെ ദിശ മാറി കിഴക്ക് വടക്ക് കിഴക്ക് ഭാഗത്തേക്ക്‌ നീങ്ങി ശക്തി കുറയാൻ സാധ്യത. ഉത്തർപ്രദേശിനും ബീഹാറിനും മുകളിലായി ന്യൂനമർദ്ദം നിലനിൽക്കുന്നുണ്ട്. കേരളത്തിൽ നിലവിൽ ന്യൂനമർദ്ദ / ചുഴലിക്കാറ്റ് ഭീഷണിയില്ല.

വാർത്തകൾക്കും പരസ്യങ്ങൾക്കും
+91 97447 78859
+91 73060 65520

Follow Instagram
https://rb.gy/yemt3s

Follow Facebook
https://rb.gy/59gxud

Join Our WhatsApp Group
https://chat.whatsapp.com/D6toqf2ugrEK1sri0VNWPx

വർഷങ്ങളായി ഒരേ ടൂത്ത് ബ്രഷാണോ ഉപയോഗിക്കുന്നത്? ഇതൊന്ന് അറിഞ്ഞോളുDate : 03 - 10 - 2025NILAMBUR NEWS HUBhttps://www.facebo...
03/10/2025

വർഷങ്ങളായി ഒരേ ടൂത്ത് ബ്രഷാണോ ഉപയോഗിക്കുന്നത്? ഇതൊന്ന് അറിഞ്ഞോളു

Date : 03 - 10 - 2025
NILAMBUR NEWS HUB
https://www.facebook.com/share/p/16LJzXcXFv/
https://chat.whatsapp.com/D6toqf2ugrEK1sri0VNWPx

ദിവസേന രണ്ട് നേരം പല്ല് തേയ്ക്കണം എന്നാണ് പറയുക. നമ്മളുടെ പല്ലുകള്‍ വൃത്തിയാക്കി എടുക്കാനുള്ള എല്ലാവിധ ചേരുവകളും അടങ്ങിയതാണ് പേയ്സ്റ്റ്. നമ്മള്‍ പേയ്സ്റ്റ് ഉപയോഗിച്ച് എന്നും പല്ല് തേയ്ച്ചാല്‍ പല്ലുകള്‍ക്ക് നിരവധി ഗുണങ്ങളാണ് ലഭിക്കുന്നത്. പ്രത്യേകിച്ച് നമ്മളുടെ പല്ലുകളില്‍ നിന്നും പ്ലാക്ക് ഇല്ലാതാക്കാന്‍ ടൂത്ത്‌പേയ്സ്റ്റ സഹായിക്കുന്നുണ്ട്. അതുപോലെ തന്നെ, പല്ലുകളില്‍ കേട് വരാതിരിക്കാനും പല്ലുകളില്‍ നിന്നും ഭക്ഷണാവശിഷ്ടങ്ങള്‍ ഇല്ലാതാക്കാനും ഇത് സഹായിക്കുന്നു. ഇത് എല്ലാവർക്കും അറിയാവുന്ന കാര്യമാണ്. എന്നാൽ എത്ര നാൾ കൂടുമ്പോൾ ടൂത്ത് ബ്രഷ് മാറ്റണമെന്ന് നിങ്ങൾക്കറിയുമോ?

പല്ലുകൾ തേയ്ക്കാൻ നേരത്ത് മാത്രമാണ്, ടൂത്ത് ബ്രഷിനെ കുറിച്ച് നമ്മൾ ചിന്തിക്കുക. പലപ്പോഴും ബ്രഷിന്റെ നാരുകൾ വളഞ്ഞ് ഉപയോഗിക്കാന്‍ കഴിയാത്ത അവസ്ഥ വരുമ്പോഴാണ് ബ്രഷ് മാറ്റണമെന്ന് പരി​ഗണിക്കുക. കൃത്യമായ ദന്തസംരക്ഷണം അത്യാന്താപേക്ഷിതമാണ്.

ആരോഗ്യമുള്ള പല്ലുകള്‍ ശരീരത്തിന്റെ മൊത്തമുള്ള ആരോഗ്യത്തിന്റെ അടയാളമാണെന്നാണ് ആരോഗ്യവിദ്ഗര്‍ ചൂണ്ടികാണിക്കുന്നത്. അതുകൊണ്ട് തന്നെ ടൂത്ത്ബ്രഷ് തിരഞ്ഞെടുക്കുന്നതിലും ഉപയോഗിക്കുന്നതിലും കൃത്യത ഉറപ്പാക്കേണ്ടത് അത്യാവശ്യമാണ്.

*മൂന്ന് മാസം കൂടുമ്പോള്‍ ബ്രഷ് മാറ്റണം*

മൂന്ന് മാസം കൂടുമ്പോള്‍ ടൂത്ത് ബ്രഷ് മാറ്റണമെന്നാണ് ദന്ത ഡോക്ടര്‍മാര്‍ നിര്‍ദേശിക്കാറ്. കൂടുതല്‍ കാലം ഒരേ ബ്രഷ് ഉപയോഗിക്കുന്നത് അണുബാധയ്ക്കും പല്ലു ദ്രവിക്കലിനും കാരണമാകും. കൂടാതെ ഒരുപാട് നേരം ബ്രഷ് ചെയ്യുന്നത് ബ്രഷുകളുടെ നാരുകള്‍ വളയാനും അത് മോണകളില്‍ കേടുപാടുണ്ടാക്കാനും സാധ്യതയുണ്ട്. കൂടാതെ കൂടുതല്‍ കാലം ഒരേ ബ്രഷ് ഉപയോഗിക്കുന്നത് പല്ലുകളില്‍ നിന്നും മോണകളില്‍ നിന്നും ഫലകവും ബാക്ടീരിയയും നീക്കം ചെയ്യാന്‍ ബ്രഷിന് കഴിയാതെ വരുകയും ദന്തസംബന്ധമായ പ്രശ്‌നങ്ങള്‍ ഉണ്ടാകാനുള്ള സാധ്യത വര്‍ധിക്കുകയും ചെയ്യും.

ടൂത്ത് ബ്രഷ് ഉപയോഗിക്കുമ്പോള്‍ ശ്രദ്ധിക്കേണ്ട കാര്യങ്ങള്‍

മൂന്ന് മാസം കൂടുമ്പോള്‍ ടൂത്ത് ബ്രഷ് മാറ്റാന്‍ ശ്രദ്ധിക്കണം

പല്ലുകളുടെ ആരോഗ്യത്തിന് രാവിലെയും വൈകുന്നേരവും പല്ലുതേക്കുന്നത് ശീലമാക്കാം

ജലദോഷം, പനി, വൈറല്‍ അണുബാധ പോലുള്ള പകര്‍ച്ചവ്യാധികള്‍ വന്നുപോയതിന് ശേഷം ടൂത്ത് ബ്രഷ് മാറ്റണം.

ഓറല്‍ സര്‍ജറി, റൂട്ട് കനാല്‍ തെറാപ്പി, മോണരോഗത്തിനുള്ള ചികിത്സ തുടങ്ങിയ ചില ദന്ത ചികിത്സയ്ക്ക് ശേഷവും ടൂത്ത് ബ്രഷ് മാറ്റേണ്ടതാണ്.

ബ്രഷുകള്‍ തിരഞ്ഞെടുക്കുന്നതിലും ശ്രദ്ധവേണം. കട്ടികൂടിയ നാരുകളുള്ള ബ്രഷ് ഉപയോഗിക്കരുത്

വാർത്തകൾക്കും പരസ്യങ്ങൾക്കും
+91 97447 78859
+91 73060 65520

Follow Instagram
https://rb.gy/yemt3s

Follow Facebook
https://rb.gy/59gxud

Join Our WhatsApp Group
https://chat.whatsapp.com/D6toqf2ugrEK1sri0VNWPx

അമീബിക് മസ്തിഷ്കജ്വരം; സെപ്റ്റംബർ മാസത്തിൽ രോഗം ബാധിച്ച് മരിച്ചത് 11 പേർ, പകുതിയിലധികം ആളുകൾക്കും ഇതര രോഗങ്ങൾ ഉണ്ടായിരുന...
03/10/2025

അമീബിക് മസ്തിഷ്കജ്വരം; സെപ്റ്റംബർ മാസത്തിൽ രോഗം ബാധിച്ച് മരിച്ചത് 11 പേർ, പകുതിയിലധികം ആളുകൾക്കും ഇതര രോഗങ്ങൾ ഉണ്ടായിരുന്നതായി ആരോഗ്യ വകുപ്പ്

Date : 03 - 10 - 2025
NILAMBUR NEWS HUB
https://www.facebook.com/share/p/1Yx6zyoipJ/
https://chat.whatsapp.com/D6toqf2ugrEK1sri0VNWPx

സംസ്ഥാനത്ത് സെപ്റ്റംബർ മാസത്തിൽ മാത്രം അമീബിക് മസ്തിഷ്കജ്വരം ബാധിച്ച് മരിച്ചത് 11 പേർ. 40 പേർക്കായിരുന്നു രോഗബാധ സ്ഥിരീകരിച്ചിരുന്നത്. ഈ വർഷം 87പേർക്കാണ് അകെ രോഗബാധ സ്ഥിരീകരിച്ചിട്ടുള്ളത്. ഇവരിൽ 21 പേർ മരണപ്പെടുകയും ബാക്കിയുള്ള ആളുകൾ സുഖം പ്രാപിക്കുകയും ചെയ്തു. മരിച്ച ആളുകളിൽ പകുതിയിലധികം പേർക്കും മറ്റ് രോഗങ്ങൾ ഉണ്ടായിരുന്നുവെന്നാണ് ആരോഗ്യ വകുപ്പ് വ്യക്തമാക്കുന്നത്. രോഗബാധയെത്തുടർന്ന് മരണപ്പെട്ട ആളുകളിൽ ചിലർ വൃക്ക, കരൾ എന്നിവ തകരാറായവരും കടുത്ത പ്രമേഹബാധിതരുമാണ്. ഇതര അസുഖങ്ങൾ ഉണ്ടായിരുന്നതിനാൽ ഇവർക്ക് രോഗബാധ ഉണ്ടായതോടെ അവസ്ഥ മോശമാകുകയും മരണം സംഭവിക്കുകയുമായിരുന്നു. അമീബിക് മസ്തിഷ്ക ജ്വരം ബാധിച്ചതുകൊണ്ട് മാത്രം മരിച്ചവരുടെ വിവരങ്ങളും ശേഖരിച്ച് വരികയാണ്.

രോഗംബാധിക്കുന്നവരിൽ പകുതിയിലധികം പേർക്കും പനി ഉണ്ടാകുന്നില്ല. അതിനാൽ രോഗബാധിതരെ പ്രാഥമിക പരിശോധനയിൽ തിരിച്ചറിയാൻ ബുദ്ധിമുട്ടുണ്ട്. ഈ രോഗം ബാധിച്ചവരെ ചികിത്സിച്ചു പരിചയമുള്ളവർക്കു മാത്രമേ പെട്ടെന്നു രോഗം തിരിച്ചറിയാനും പരിശോധനയ്ക്കു നിർദേശിക്കാനും സാധിക്കുന്നുള്ളൂ. അതിനാൽ രോഗ നിരീക്ഷണത്തിനു ഡോക്ടർമാർക്ക് പ്രത്യേക മാർഗനിർദേശം നൽകണമെന്ന് ആരോഗ്യ വിദഗ്ധർ അഭിപ്രായപ്പെട്ടിട്ടുണ്ട്. വടക്കൻ ജില്ലകളിൽ അമീബിക് മസ്തിഷ്കജ്വരം നിർണയിക്കാൻ പരിശോധന വിപുലപ്പെടുത്തും. ഏതിനം അമീബയാണു ബാധിച്ചതെന്നു കൃത്യമായി കണ്ടെത്തിയാൽ മാത്രമേ ചികിത്സ കൂടുതൽ ഫലപ്രദമാക്കാനും മരണനിരക്കു കുറയ്ക്കാനും സാധിക്കൂ. ആചാരങ്ങളുടെയും ചികിത്സയുടെയും ഭാഗമായി മൂക്കിൽ വെള്ളം കയറ്റിയിറക്കുന്നത് അമീബിക് മസ്തിഷ്കജ്വരത്തിനു കാരണമാകുമെന്ന ബോധവൽക്കരണവും വേണമെന്ന് ആരോഗ്യ വിദഗ്ധർ അഭിപ്രായപ്പെടുന്നു.

അതേസമയം തിരുവനന്തപുരം ശ്രീകാര്യം ചെറുവയ്ക്കൽ സ്വദേശിക്ക് രോഗം ബാധിച്ചത് എവിടെ നിന്നാണെന്ന് ഇതുവരെയും കണ്ടെത്താൻ കഴിഞ്ഞിട്ടില്ല. ഇയാളുടെ വീട്ടിലെ ജലസംഭരണിയും പൈപ്പും മറ്റു വെള്ളവുമൊക്കെ പരിശോധിച്ചപ്പോൾ ‍അതിൽ ബാലമുത്തിയ എന്ന അമീബയുടെ സാന്നിധ്യമാണു കണ്ടെത്തിയത്. ഇദ്ദേഹത്തിന്റെ തലച്ചോറിൽ കണ്ടെത്തിയതാകട്ടെ അകാന്തമീബയും. സമീപകാലത്തൊന്നും മറ്റു സ്ഥലങ്ങളിൽ പോയിട്ടില്ലെന്നും ഇദ്ദേഹം പറഞ്ഞിട്ടുണ്ട്. അതിനാൽ രോഗബാധയുടെ ഉറവിടം നിർണയിക്കാനാകാതെ നിൽക്കുകയാണ് ആരോഗ്യ പ്രവർത്തകർ

വാർത്തകൾക്കും പരസ്യങ്ങൾക്കും
+91 97447 78859
+91 73060 65520

Follow Instagram
https://rb.gy/yemt3s

Follow Facebook
https://rb.gy/59gxud

Join Our WhatsApp Group
https://chat.whatsapp.com/D6toqf2ugrEK1sri0VNWPx

ജിഎസ്‍ടി പരിഷ്കരണം സാധാരണക്കാരന്റെ പോക്കറ്റ് കൊള്ളയടിക്കാനുള്ള കുറുക്കുവഴിയോ?; 10 ദിവസമായിട്ടും വില കുറയാതെ നിരവധി ഉല്‍പ...
03/10/2025

ജിഎസ്‍ടി പരിഷ്കരണം സാധാരണക്കാരന്റെ പോക്കറ്റ് കൊള്ളയടിക്കാനുള്ള കുറുക്കുവഴിയോ?; 10 ദിവസമായിട്ടും വില കുറയാതെ നിരവധി ഉല്‍പനങ്ങള്‍

Date : 03 - 10 - 2025
NILAMBUR NEWS HUB
https://www.facebook.com/share/p/19YMpwF9io/
https://chat.whatsapp.com/D6toqf2ugrEK1sri0VNWPx

കേന്ദ്ര സര്‍ക്കാര്‍ കൊട്ടിഘോഷിച്ച് അവതരിപ്പിച്ച ജിഎസ്‍ടി പരിഷ്കരണം സാധാരണക്കാരുടെ പോക്കറ്റ് കൊള്ളയടിക്കാനുള്ള കുറുക്ക് വഴിയായി മാറുന്നു. ജിഎസ്‍ടി പരിഷ്കരണത്തെത്തുടര്‍ന്ന് ഭൂരിഭാഗം നിത്യോപയോഗ സാധനങ്ങളുടെയും നികുതി കുത്തനെ കുറഞ്ഞിട്ടും ഇതിന്‍റെ നേട്ടം ഉപഭോക്താക്കളിലെത്തുന്നില്ല. പല വന്‍കിട കമ്പനികളും സൂപ്പര്‍ മാര്‍ക്കറ്റുകളും നികുതി കുറവിന്‍റെ നേട്ടം സ്വന്തം പോക്കറ്റ് വീര്‍പ്പിക്കാനായി മാറ്റുകയാണ്. സാധാരക്കാര്‍ക്ക് വലിയ നേട്ടം ചെയ്യുന്ന പരിഷ്കരണം എന്ന വിശേഷണത്തോടെ കേന്ദ്ര സര്‍ക്കാര്‍ അവതരിപ്പിച്ച ജിഎസ്‍ടി പരിഷ്കരണം നടപ്പിലായി പത്ത് ദിവസങ്ങള്‍ പിന്നിടുമ്പോള്‍ എന്താണ് വിപണിയിലെ സ്ഥിതി? നികുതി കുറവിന്‍റെ നേട്ടം സാധാരണക്കാര്‍ക്ക് എത്രത്തോളം കിട്ടുന്നുണ്ട് എന്ന് പരിശോധിക്കുന്നു.

ജിഎസ്‍ടി 18 ശതമാനത്തില്‍ നിന്ന് 5 ശതമാനവും 12 ശതമാനത്തിൽ 5 ശതമാനവും ആയി കുറഞ്ഞ ഉല്‍പ്പന്നങ്ങളെ കുറിച്ചാണ് പരിശോധിച്ചത്. ജിഎസ്‍ടി രജിസ്ട്രേഷനില്ലാത്ത ചെറുകിട വ്യാപാര സ്ഥാപനങ്ങളിലല്ല മറിച്ച് പ്രതിദിനം ലക്ഷങ്ങളുടെ കച്ചവടം നടക്കുന്ന വലിയ സൂപ്പര്‍മാര്‍ക്കറ്റുകളില്‍ എന്ത് സംഭവിക്കുന്നു എന്നായിരുന്നു അന്വേഷണം. പ്രാഥമിക പരിശോധനയിൽ തന്നെ മൂന്ന് വിധത്തിലുള്ള ക്രമക്കേടുകള്‍ വ്യക്തമായി. ഒന്ന് ജി എസ് ടി പ്രഖ്യാപനത്തിന് ശേഷം പുതിയ സ്റ്റോക്ക് വന്നപ്പോൾ കമ്പനികൾ എം ആർ പി പുനര്‍നിശ്ചയിച്ചതില്‍ വലിയ ക്രമക്കേടുണ്ട്. രണ്ട്, പഴയ സ്റ്റോക്ക് വില്‍പന നടത്തുന്പോള്‍ ജിഎസ്‍‍ടിയില്‍ വന്ന കുറവിന്‍റെ നേട്ടം ഉപഭോക്താക്കള്‍ക്ക് നല്‍കാതെ പഴയ എംആർപിയിൽ തന്നെയാണ് പല സൂപ്പർമാർക്കറ്റുകളിലും ബില്ല് ചെയ്യുന്നത്, മൂന്ന് ജിഎസ്ടി ജിഎസ്‍ടി ഇളവിന്‍റെ നേട്ടം ഭാഗികമായി മാത്രം കൈമാറിയും ഡിസ്കൗണ്ടിന്‍റെ
പേര് പറഞ്ഞും ഉപഭോക്താക്കളെ വഞ്ചിക്കുന്നു.

സാധാരണക്കാർ ഏറ്റവും അധികം ഉപയോഗിക്കുന്ന ടൂത്ത് പേസ്റ്റ് മാത്രം പരിശോധിച്ചാൽ എംആർപി പരിഷ്കരണത്തിലെ തട്ടിപ്പ് വ്യക്തമാകും. കോൾഗേറ്റ് 100ഗ്രാം പാക്കറ്റില്‍ ജിഎസ്ടി പരിഷ്കരണത്തിന് മുന്നേ തന്നെ മാർക്കറ്റിൽ എത്തിയ സ്റ്റോക്കിൽ പ്രോഡക്റ്റിന്റെ എംആർപി എഴുതിയിരിക്കുന്നത് 76 രൂപയാണ്. ജിഎസ്ടി പ്രഖ്യാപനത്തിന് ശേഷം വന്ന പുതിയ ബാച്ചിൽ ഇതേ ഉൽപ്പന്നത്തിന് കാണിച്ചിരിക്കുന്ന എംആർപി 70 രൂപയാണ്. 18% ഉണ്ടായിരുന്ന ടൂത്ത് പേസ്റ്റിന്‍റെ ജി എസ് ടി അഞ്ചിലേക്ക് കുറയുമ്പോൾ യഥാർത്ഥത്തിൽ എംആർപി ഐ നിശ്ചയിക്കേണ്ടിയിരുന്നത് 68 രൂപയാണ്. ഇതിലാണ് രണ്ട് രൂപയുടെ തട്ടിപ്പ് നടന്നിരിക്കുന്നത്.ജി എസ് ടി നിരക്ക് കുത്തനെ കുറഞ്ഞിട്ടും ഇതൊന്നും പരിഗണിക്കാതെ പഴയ എം ആർ പി യിൽ തന്നെ ബില്ല് ചെയ്ത് ഉപഭോക്താക്കളെ പിഴിയുന്നതാണ്
മറ്റൊരു തട്ടിപ്പ് രീതി.

അമൂൽ കമ്പനിയുടെ 100 ഗ്രാം ബട്ടർ ഉൽപനത്തിന്റെ ജൂൺ മാസത്തെ ബാച്ചിൽ എംആർപി ആയി കാണിച്ചിരിക്കുന്നത് 65 രൂപയാണ്. കോഴിക്കോട് നടക്കാവ് പൊലീസ് സ്റ്റേഷൻ പരിസരത്തെ പ്രമുഖ സൂപ്പർമാർക്കറ്റിൽ ഈ ഉത്പന്നത്തിന് ബിൽ ചെയ്യുന്നത് 65 രൂപയിൽ തന്നെയാണ്. അതായത് 12% ആയിരുന്ന വെണ്ണയുടെ നികുതി അഞ്ചിലേക്ക് താഴ്ന്നിട്ടും ഇതിന്‍റെ ഒരാനുകൂല്യവും ഉപഭോക്താവിന് കിട്ടുന്നില്ല. 61 രൂപയാണ് ജിഎസ്ടി ഇളവിന്റെ നേട്ടമായി ഈ ഉൽപന്നത്തിൽ
ലഭിക്കേണ്ടത്.

ഇനി മൂന്നാമത്തെ കാര്യം, ജിഎസ്ടി ഇളവ് നൽകുന്നില്ല എന്ന് പറയാൻ ആകില്ല പക്ഷേ കണ്ണിൽ പൊടിയിടാൻ എന്നോണം ഉൽപ്പന്നത്തിന്‍റെ വിലയിൽ പേരിനൊരു കുറവോ ഡിസ്കൗണ്ട് നൽകി കൈ കഴുകുകയാണ് മറ്റൊരു കൂട്ടർ. കോഴിക്കോട്ടെ ഒരു സൂപ്പർമാർക്കറ്റിൽ ഒരു കുപ്പി മിനറൽ വാട്ടറിന് നിലവിൽ ഈടാക്കുന്നത് 19 രൂപ. ഇതേ ഉൽപ്പന്നം തന്നെ മറ്റൊരു സൂപ്പർമാർക്കറ്റിൽ നിന്ന് വാങ്ങിയപ്പോൾ ജി എസ് ടി ഇളവോടുകൂടി നൽകിയത് 17 രൂപ 40 പൈസയ്ക്ക് - 18% ത്തിൽ നിന്ന് ജിഎസ്ടി 5% ത്തിലേക്ക് കുറഞ്ഞ മറ്റൊരു ഉൽപ്പന്നമായ ഷാംപുവിന്‍റെ കാര്യവും പരിശോധിച്ചു. 95 രൂപ എം ആർ പിയുള്ള ഷാംപൂ അരയിടത്ത് പാലത്തെ സൂപ്പർമാർക്കറ്റിൽ നിന്ന് വാങ്ങിയപ്പോൾ ജി എസ് ടി കുറവിന്‍റെ നേട്ടം കൃത്യമായി കിട്ടി - 85 രൂപയ്ക്ക് ഉത്പന്നം കിട്ടി. എന്നാൽ ഇതേ ഉല്‍പ്പന്നം വണ്ടിപേട്ടയിലെ മറ്റൊരു സൂപ്പർമാർക്കറ്റിൽ നിന്ന് വാങ്ങിയപ്പോൾ അഞ്ച് രൂപ ഡിസ്കൗണ്ടില്‍ 90
രൂപയ്ക്കാണ് ബിൽ ചെയ്തത്.

വാർത്തകൾക്കും പരസ്യങ്ങൾക്കും
+91 97447 78859
+91 73060 65520

Follow Instagram
https://rb.gy/yemt3s

Follow Facebook
https://rb.gy/59gxud

Join Our WhatsApp Group
https://chat.whatsapp.com/D6toqf2ugrEK1sri0VNWPx

നിളയുടെ നാവിൻ തുമ്പിൽ ആദ്യാക്ഷരം കുറിച്ചു 'ഗസ്സ'; തുടർന്നെഴുതി 'ഫലസ്തീൻ കുഞ്ഞുങ്ങളെ സംരക്ഷിക്കുക'Date : 03 - 10 - 2025NI...
03/10/2025

നിളയുടെ നാവിൻ തുമ്പിൽ ആദ്യാക്ഷരം കുറിച്ചു 'ഗസ്സ'; തുടർന്നെഴുതി 'ഫലസ്തീൻ കുഞ്ഞുങ്ങളെ സംരക്ഷിക്കുക'

Date : 03 - 10 - 2025
NILAMBUR NEWS HUB
https://www.facebook.com/share/p/1CaQES5thv/
https://chat.whatsapp.com/D6toqf2ugrEK1sri0VNWPx

ആദ്യമായി അക്ഷരത്തിന്റെ ലോകത്തേക്ക് കാലെടുത്തുവെക്കുന്നവരെല്ലാം ആദ്യമെഴുതാറ് അമ്മയെന്നാകും. എന്നാൽ ഈ വിദ്യാരംഭത്തിൽ കാസർകോട് നിന്നുള്ള ഒരു പിതാവ് തന്റെ മകൾക്ക് ആദ്യമായി കുറിച്ചുനൽകിയത് മറ്റൊന്നാണ്. ഫലസ്തീനിൽ പിടഞ്ഞുമരിക്കുന്ന, വിശന്നു നിലവിളിക്കുന്ന കുഞ്ഞുങ്ങളെ കണ്ടുനിൽക്കെ ഒരു പിതാവ് തന്റെ പൊന്നോമനയുടെ നാവിൽ മറ്റെന്തെഴുതാനാണ്. അങ്ങനെ നിളയുടെ നാവിൻ തുമ്പിൽ ആദ്യമായെഴുതി 'ഗസ്സ'.

കാസർകോട് കാഞ്ഞങ്ങാട് ആവിക്കരയിലെ പ്രിയേഷാണ് തന്റെ രണ്ടുവയസ്സുകാരി നിള ലക്ഷ്മിക്ക് ഗസ്സ എന്ന് ആദ്യാക്ഷരം കുറിച്ചത്. മാതാവ് രേഷ്മയും മൂത്തമകൾ വൈഗ ലക്ഷ്മിയും ഇതിന് സാക്ഷികളായി. രാവിലെ വീട്ടിൽ വെച്ചായിരുന്നു ചടങ്ങ്. കുഞ്ഞുകൈ കൊണ്ട് നിള ആദ്യമെഴുതിയതും ഫലസ്തീനുവേണ്ടി - 'ഫലസ്തീൻ കുഞ്ഞുങ്ങളെ സംരക്ഷിക്കുക'.

കുഞ്ഞുങ്ങൾ പട്ടിണികിടന്നും ബോംബുപൊട്ടിയും കൊല്ലപ്പെടുമ്പോൾ, അവളുടെ കുഞ്ഞുകൈ കൊണ്ട് മറ്റൊന്നും എഴുതിക്കാൻ തനിക്ക് സാധിക്കില്ലായിരുന്നുവെന്ന് പ്രിയേഷ് പറഞ്ഞു. 'അക്ഷരമെന്നത് സമരത്തിന്റെ മറ്റൊരു മുഖമാണ്. ഈ രണ്ടാം വയസിൽ മകൾക്ക് അനീതിക്കെതിരെ ഒരു സമരമായി മാറാൻ കഴിയട്ടെ. വളർന്നു വലുതാകുമ്പോൾ അവളുടെ ആദ്യാക്ഷരത്തെ കുറിച്ചോർത്ത് അഭിമാനിക്കട്ടെ,വാനോളം' പിതാവ് പറയുന്നു.ആവിക്കര സിപിഎം ബ്രാഞ്ച് സെക്രട്ടറിയും ചാരിറ്റി സാമൂഹിക പ്രവർത്തകനുമാണ് പ്രിയേഷ്."

വാർത്തകൾക്കും പരസ്യങ്ങൾക്കും
+91 97447 78859
+91 73060 65520

Follow Instagram
https://rb.gy/yemt3s

Follow Facebook
https://rb.gy/59gxud

Join Our WhatsApp Group
https://chat.whatsapp.com/D6toqf2ugrEK1sri0VNWPx

ഇന്ന് ലോക ചിരി ദിനംDate : 03 - 10 - 2025NILAMBUR NEWS HUBhttps://www.facebook.com/share/p/1ZF7e5iSbR/https://chat.whatsa...
03/10/2025

ഇന്ന് ലോക ചിരി ദിനം

Date : 03 - 10 - 2025
NILAMBUR NEWS HUB
https://www.facebook.com/share/p/1ZF7e5iSbR/
https://chat.whatsapp.com/D6toqf2ugrEK1sri0VNWPx

ഇന്ന് ലോക ചിരി ദിനം
ഇന്ന് നമുക്കെല്ലാം മനസു തുറന്നൊന്നു ചിരിക്കാം. ഈ ദിവസം ചിരിച്ചില്ലെങ്കില്‍ പിന്നെ എന്നാണ് ചിരിക്കുക. കാരണം ഇന്ന് ചിരിക്കാനായി മാത്രം മാറ്റി വച്ചിരിക്കുന്ന ദിനമാണ്.ലോക ചിരിദിനം. പിരിമുറക്കങ്ങളുടെ ലോകത്ത് മനസു നിറയെ സന്തോഷിച്ച്, പൊട്ടി ചിരിച്ച്, ലോകം ഇന്ന് ചിരിദിനം ആഘോഷിക്കുകയാണ്ചിരി ഒന്നിനും മരുന്നല്ല, പക്ഷെ ഒരു പുഞ്ചിരി കൊണ്ട് ഏതു പ്രശ്‌നത്തിനും പരിഹാരമുണ്ടെന്നത് ഒരു വലിയ സത്യമാണ്. ഈ ചിന്തയില്‍ നിന്നാണ് ലോക ചിരി ദിനത്തിന്റെയും പിറവി.

നമ്മുടെ രാജ്യത്ത് നിന്നാണ് ചിരിക്കാനൊരു ദിനം എന്ന ആശയം ലോകത്തിന് സമ്മാനമായി ലഭിച്ചതെന്നതില്‍ നമുക്ക് അഭിമാനിക്കാം. 1998 ജനുവരി പത്തിന് ബോംബയിലായിരുന്നു ചിരിദിനത്തിന് തുടക്കം കുറിച്ചത്. ലോക വ്യാപകമായി ചിരിയോഗ മൂവ്‌മെന്റിനു തുടക്കമിട്ട ഡോ. മദന്‍ കത്താരിയയാണ് ചിരിദിനത്തിനും തുടക്കമിട്ടത്. ചിരി ശുഭസൂചകമായ ഒരു വികാരം എന്ന അടിസ്ഥാനത്തിലാണ് അദ്ദേഹം ചിരിയോഗ പ്രസ്ഥാനം തുടങ്ങിയത്.

മനുഷ്യ വികാരങ്ങളെ മാറ്റി മറിക്കാന്‍ തക്ക ശക്തമായ ഒരു മാധ്യമമാണ് ചിരി. അവനവനെ തന്നെയും ചുറ്റുമുള്ളവരെയും സമാധാനത്തിന്റെ മാര്‍ഗത്തിലേക്കു നയിക്കാന്‍ ചിരിയെന്ന മാന്ത്രികന് സാധിക്കും. കാഴ്ചപ്പാടുകളെ സ്വാധീനിച്ച് സമാധാനപ്രിയരുടെ നാടായി ലോകത്തെ മാറ്റിയെടുക്കാന്‍ കഴിയും. ഇത്തരം ആശയങ്ങളുടെ പ്രചാരണമാണ് ചിരിദിനത്തിലൂടെ ഉദ്ദേശിക്കുന്നത്. ഈ ആശയത്തിനു ലഭിച്ച ലോക സ്വീകാര്യതയുടെ തെളിവാണ് ലോകം മുഴുവന്‍ ഇന്ന് ചിരിദിനമായി ആചരിക്കുന്നത്.

വാർത്തകൾക്കും പരസ്യങ്ങൾക്കും
+91 97447 78859
+91 73060 65520

Follow Instagram
https://rb.gy/yemt3s

Follow Facebook
https://rb.gy/59gxud

Join Our WhatsApp Group
https://chat.whatsapp.com/D6toqf2ugrEK1sri0VNWPx

ഇന്ന് വിജയദശമി; ആയിരക്കണക്കിന് കുഞ്ഞുങ്ങള്‍ അറിവിന്റെ ആദ്യാക്ഷരം കുറിക്കുംDate : 02 - 10 - 2025NILAMBUR NEWS HUBhttps://...
02/10/2025

ഇന്ന് വിജയദശമി; ആയിരക്കണക്കിന് കുഞ്ഞുങ്ങള്‍ അറിവിന്റെ ആദ്യാക്ഷരം കുറിക്കും

Date : 02 - 10 - 2025
NILAMBUR NEWS HUB
https://www.facebook.com/share/p/1BRUMrhV9V/
https://chat.whatsapp.com/D6toqf2ugrEK1sri0VNWPx

ഇന്ന് വിജയദശമി. വിദ്യാരംഭത്തിന് ഉത്തമ ദിവസമാണ് വിജയദശമി എന്നാണ് വിശ്വാസം. ആയിരക്കണക്കിന് കുഞ്ഞുങ്ങളാണ് ആദ്യാക്ഷരം കുറിച്ച്‌ അറിവിന്റെ ലോകത്തേക്ക് ഇന്ന് എത്തുന്നത്.കേരളത്തിലെ വിവിധ ക്ഷേത്രങ്ങളിലും സാംസ്കാരി സ്ഥാപനങ്ങളിലും പ്രമുഖ മാധ്യമ സ്ഥാപനങ്ങളിലുമടക്കം വിദ്യാരംഭ ചടങ്ങുകള്‍ സംഘടിപ്പിക്കും.

ദക്ഷിണമൂകാംബിക എന്നറിയപ്പെട്ടുന്ന കോട്ടയം പനച്ചിക്കാട് ദേവീക്ഷേത്രം ഉള്‍പ്പെടെയുള്ള ആരാധനാലയങ്ങളിലും മലപ്പുറത്ത് തുഞ്ചൻ പറമ്ബ് അടക്കമുള്ള സാംസ്കാരിക കേന്ദ്രങ്ങളിലും ഇന്ന് വിദ്യാരംഭം ചടങ്ങുകള്‍ നടക്കുകയാണ്. സംസ്ഥാനത്തുടനീളം സാഹിത്യ, സാമൂഹിക രംഗത്തെ പ്രമുഖർ കുഞ്ഞുങ്ങള്‍ക്ക് ആദ്യാക്ഷരം പകർന്നുനല്‍കും.

വിദ്യാദേവതയായ സരസ്വതിക്കു മുന്നില്‍ അച്ഛനോ അമ്മയോ ഗുരുവോ ഗുരുസ്ഥാനീയരായവരോ ആയവർ കുട്ടിയെ മടിയില്‍ ഇരുത്തി മണലിലോ അരിയിലോ 'ഹരിഃ ശ്രീഗണപതയേ നമഃ എഴുതിക്കുന്നു. അതിനുശേഷം സ്വർണമോതിരം കൊണ്ട് നാവില്‍ 'ഹരിശ്രീ' എന്നെഴുതുന്നതോടെ വിദ്യാരംഭമായി എന്നാണ് വിശ്വാസം.

ഇന്നോടെ, ഈ വർഷത്തെ നവരാത്രി ആഘോഷങ്ങള്‍ പരിസമാപ്തിയില്‍ എത്തുകയാണ്. അസുരരാജാവായിരുന്ന മഹിഷാസുരനെ ദുർഗ്ഗ വധിച്ച ദിവസമാണു വിജയദശമി. കേരളത്തില്‍, നവരാത്രി പൂജയുടെ അവസാനദിനമാണ് വിജയദശമിദിവസമായി ആഘോഷിക്കുന്നത്. വടക്കു-തെക്കു സംസ്ഥാനങ്ങളില്‍ രാവണനു മേല്‍ ശ്രീരാമൻ നേടിയ വിജയത്തിന്റെ ആഘോഷമായാണ് വിജയദശമി. കിഴക്ക്, വടക്കു-കിഴക്കൻ സംസ്ഥാനങ്ങളില്‍ അസുരരാജാവായിരുന്ന മഹിഷാസുരനെ കൊന്നു ദുർഗ ദേവി വിജയം വരിച്ച കാലമാണു വിജയദശമി എന്നാണു സങ്കല്‍പം.

ത്രൈലോക്യങ്ങള്‍ കീഴടക്കി വാണ അസുരരാജാവായിരുന്ന മഹിഷാസുരൻ സ്വർഗത്തില്‍ നിന്ന് ഇന്ദ്രനെയും ദേവകളെയും ആട്ടിപ്പായിച്ചു. ദേവന്മാർ ത്രിമൂർത്തികളായ ബ്രഹ്‌മാ-വിഷ്‌ണു-പരമേശ്വരൻമാർക്കു മുൻപില്‍ സങ്കടമുണർത്തിച്ചു. എല്ലാ ദേവകളുടെയും ശക്തി ഒന്നിച്ചു ചേർന്നു ദുർഗ ദേവി രൂപമെടുത്തു. തിന്മയ്ക്കു മേല്‍ നന്മ വിജയം നേടിയ ദിനം എന്ന് ആണ് പൊതുവെ ഈ ദിനം കരുതപ്പെടുന്നത്.

വാർത്തകൾക്കും പരസ്യങ്ങൾക്കും
+91 97447 78859
+91 73060 65520

Follow Instagram
https://rb.gy/yemt3s

Follow Facebook
https://rb.gy/59gxud

Join Our WhatsApp Group
https://chat.whatsapp.com/D6toqf2ugrEK1sri0VNWPx

ഗാന്ധി സ്മരണയില്‍ രാജ്യം; മഹാത്മാഗാന്ധിയുടെ 156ാം ജന്മവാര്‍ഷികദിനം Date : 02 - 10 - 2025NILAMBUR NEWS HUBhttps:...
02/10/2025

ഗാന്ധി സ്മരണയില്‍ രാജ്യം; മഹാത്മാഗാന്ധിയുടെ 156ാം ജന്മവാര്‍ഷികദിനം

Date : 02 - 10 - 2025
NILAMBUR NEWS HUB
https://www.facebook.com/share/p/14KheevUP27/
https://chat.whatsapp.com/D6toqf2ugrEK1sri0VNWPx

ഇന്ന് ഗാന്ധിജയന്തി. മഹാത്മാഗാന്ധിയുടെ 156ാം ജന്മവാര്‍ഷികദിനം. അഹിംസ ആയുധമാക്കി അധിനിവേശഭരണകൂടത്തെ അടിയറവ് പറയിച്ച ഗാന്ധിജി അടങ്ങാത്ത സ്വാതന്ത്ര്യദാഹത്തിന്റെ എക്കാലത്തെയും വലിയ പ്രതീകമാണ്. മഹാത്മാഗാന്ധിയോടുള്ള ആദരസൂചകമായി ഐക്യരാഷ്ട്ര സഭയുടെ നേതൃത്വത്തില്‍ ഇന്ന് അന്താരാഷ്ട്ര അഹിംസാ ദിനമായി ആചരിക്കുകയാണ്.

എന്റെ ജീവിതമാണ് എന്റെ സന്ദേശം എന്ന് പറയാനുള്ള ധീരത തന്നെയാണ് മോഹന്‍ദാസ് കരംചന്ദ് ഗാന്ധിയെ മഹാത്മാവാക്കി മാറ്റിയത്. സത്യഗ്രഹം ഗാന്ധിക്ക് സമരമാര്‍ഗമായിരുന്നു. പോരാട്ടങ്ങള്‍ അഹിംസയിലൂന്നിയായിരുന്നു. ജീവിതം നിരന്തര സത്യാന്വേഷണ പരീക്ഷണമായിരുന്നു. സത്യം, അഹിംസ, സമത്വം, സമാധാനം, ഐക്യം, സാഹോദര്യം എന്നിവ പ്രചരിപ്പിക്കാന്‍ ഗാന്ധിജി നിരന്തരം ശ്രമിച്ചു. വൈരുധ്യങ്ങളോട് നിരന്തരം സംവദിച്ചു. ഒരേസമയം വിശ്വാസിയായും യുക്തിചിന്തകനായും മതനിരപേക്ഷകനായും ജീവിച്ചു. പാരമ്പര്യത്തില്‍ ഉറച്ചുനിന്നപ്പോഴും ആധുനിക മൂല്യങ്ങളെ പൂര്‍ണമായും ഉള്‍ക്കൊണ്ടു.

ലണ്ടനിലെ നിയമ പഠനത്തിന് ശേഷം ദക്ഷിണാഫ്രിക്കയില്‍ അഭിഭാഷകനായി പ്രവര്‍ത്തിച്ച ഗാന്ധിജി, അവിടെ വംശീയ വിവേചനത്തിനെതിരെ ശക്തമായി പോരാടി. 1915-ല്‍ ഇന്ത്യയില്‍ തിരിച്ചെത്തിയ ശേഷം, ബ്രിട്ടീഷ് ഭരണത്തിനെതിരെ ഗാന്ധിജി നടത്തിയ പോരാട്ടങ്ങള്‍ ചരിത്രത്തിലെ നാഴികക്കല്ലുകളാണ്. ചമ്പാരന്‍ സത്യാഗ്രഹം, നിസ്സഹകരണ പ്രസ്ഥാനം, ഉപ്പു സത്യഗ്രഹം, ക്വിറ്റ് ഇന്ത്യാ സമരം തുടങ്ങിയ പ്രക്ഷോഭങ്ങളിലൂടെ, ഒരു തുള്ളി രക്തം പോലും ചിന്താതെ, സാമ്രാജ്യത്വത്തെ മുട്ടുകുത്തിക്കാനാകുമെന്ന് ഗാന്ധിജി ലോകത്തിന് കാണിച്ചുകൊടുത്തു.ഇന്ത്യന്‍ സമൂഹത്തില്‍ നിലനിന്ന പല അനാചാരങ്ങള്‍ക്കെതിരെയും ഗാന്ധിജി ശക്തമായ നിലപാട് സ്വീകരിച്ചു. വിഭജനത്തിന്റെ മുറിവുകളുണക്കാന്‍ ശാന്തിദൂതുമായി ഇന്ത്യയിലുടനീളം സഞ്ചരിച്ചു. മാര്‍ട്ടിന്‍ ലൂഥര്‍ കിംഗ് ജൂനിയര്‍, നെല്‍സണ്‍ മണ്ടേല തുടങ്ങിയ മഹാരഥന്മാരെ സ്വാധീനിച്ചത് ഗാന്ധിയന്‍ ചിന്തകളായിരുന്നു. ഗാന്ധിജിയുടെ ആശയങ്ങള്‍ക്ക് പ്രസക്തിയേറി വരുന്ന കാലത്താണ് മറ്റൊരു ഗാന്ധിജയന്തി കൂടി കടന്നുപോകുന്നത്.

വാർത്തകൾക്കും പരസ്യങ്ങൾക്കും
+91 97447 78859
+91 73060 65520

Follow Instagram
https://rb.gy/yemt3s

Follow Facebook
https://rb.gy/59gxud

Join Our WhatsApp Group
https://chat.whatsapp.com/D6toqf2ugrEK1sri0VNWPx

നിലമ്പൂർ പുളിക്കലോടിയിൽ കുളിക്കുന്നതിനിടയിൽ യുവതി കാൽ തെറ്റി കുളത്തിൽ വീണു മരിച്ചുDate : 02 - 10 - 2025NILAMBUR NEWS HUB...
02/10/2025

നിലമ്പൂർ പുളിക്കലോടിയിൽ കുളിക്കുന്നതിനിടയിൽ യുവതി കാൽ തെറ്റി കുളത്തിൽ വീണു മരിച്ചു

Date : 02 - 10 - 2025
NILAMBUR NEWS HUB
https://www.facebook.com/share/p/1CktFwoXg1/
https://chat.whatsapp.com/D6toqf2ugrEK1sri0VNWPx

നിലമ്പൂർപുളിക്കലോടിയിൽ കുളിക്കുന്നതിനിടയിൽ യുവതി കാൽ തെറ്റി കുളത്തിൽ വീണു മരിച്ചു തൃക്കൈകുത്ത് തെയ്യത്തും കുന്നിലാണ് സംഭവം. കുളിക്കുന്നതിനിടയിൽ യുവതി കുളത്തിൽ വീഴുകയായിരുന്നു എന്നാണ് പ്രാഥമിക നിഗമനം.

കുളിക്കാൻ പോയി ഏറെ നേരം കഴിഞ്ഞിട്ടും കാണാതായതിനെ തുടർന്ന് ബന്ധുക്കൾ നടത്തിയ തിരച്ചിലിൽ കുളത്തിനരികിൽ വസ്ത്രങ്ങൾ കണ്ടതിനേ തുടർന്ന് കുളത്തിൽ നടത്തിയ തിരച്ചിലിൽ വെള്ളത്തിനടിയിൽ നിന്നും യുവതിയെ കണ്ടെത്തി.

ഉടൻ തന്നെ നിലമ്പൂർ ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.
മുപ്പത്തി ഏഴു വയസ്സുകാരിയായ രജനിയാണ് മരിച്ചത്.
മൃതദേഹം നിലമ്പൂർ ജില്ല ആശുപത്രി മോർച്ചറിയിൽ.

https://chat.whatsapp.com/D6toqf2ugrEK1sri0VNWPx

Address


Telephone

+918943371453

Website

Alerts

Be the first to know and let us send you an email when Nilambur News Hub posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nilambur News Hub:

Shortcuts

  • Want your business to be the top-listed Media Company?

Share