Journalist Association For Assam"JAFA"

23/04/2025

কাশ্মীৰৰ পেহেলগামত সন্ত্ৰাসবাদীৰ আক্ৰমণক গৰিহণা : নিহত সকলোলৈ শ্ৰদ্ধাঞ্জলি জাফাৰ

গুৱাহাটী ২৩ এপ্ৰিল ২৫ : মঙ্গলবাৰে জম্মু কাশ্মীৰৰ পেহেলগামত সন্ত্ৰাসবাদীৰ আক্ৰমণৰ ঘটনাক তীব্ৰ ভাষাৰে গৰিহণা দিছে জাৰ্নালিষ্ট এছোচিয়েচন ফৰ আসাম চমুকৈ জাফাই ৷ জাফাৰ সভাপতি অভিদ্বীপ চৌধুৰী কাৰ্যকৰী সভাপতি পংকজ ডেকা সম্পাদক প্ৰধান কুঞ্জ মোহন ৰায় স্বাক্ষৰিত এক বিবৃতিত জম্মু কাশ্মীৰৰ পেহেলগামত সংঘটিত হোৱা সন্ত্ৰাসবাদীৰ আক্ৰমণক তীব্ৰ ভাষাৰে নিন্দা কৰাৰ লগতে গৰিহণা দিয়ে লগতে আক্ৰমণত নিহত হোৱা পৰ্যটকৰ মৃত্যুত গভীৰ ভাৱে শোক প্ৰকাশ কৰে৷ আগন্তুক সময়ছোৱাত এনেধৰণৰ ঘটনাৰ যাতে পুনৰাবৃত্তি নঘটে তাৰ বাবে জম্মু কাশ্মীৰৰ প্ৰশাসনৰ লগতে কেন্দ্ৰীয় চৰকাৰক কঠোৰ হৈ সন্ত্ৰাসবাদীৰ বিৰুদ্ধে অভিযান তীব্ৰতৰ কৰিবলৈ আহ্বান জনায় ৷ জাফা'ই নিহত সকলোৰ আত্মাৰ চিৰশান্তি প্ৰাৰ্থনা কৰি গভীৰভাৱে শ্ৰদ্ধাঞ্জলি জ্ঞাপন কৰাৰ লগতে আহত সকলোক সু চিকিৎসা ব্যৱস্থা গ্ৰহণ কৰি নিহত আহত সকলোলৈ একালীন সাহায্য আগবঢ়াবলৈ কেন্দ্ৰীয় চৰকাৰলৈ আহ্বান জনায়৷

হীৰকজ্যোতি মেধী
প্ৰচাৰ সম্পাদক
জাফা

26/03/2025

প্ৰিয় সংগ্ৰামী সতীৰ্থসকল

জাফাৰ কেন্দ্ৰীয় সভাপতি অভিদ্বীপ চৌধুৰী আৰু সম্পাদক প্ৰধান কুঞ্জ মোহন ৰায়ৰ লগত হোৱা আলোচনা মৰ্মে যিহেতু ভুক্তভোগী সাংবাদিক দিলোৱাৰ হুছেইন মজুমদাৰক মহামান্য আদালতে জামিন মঞ্জুৰ কৰিছে সেয়ে অহা কাইলৈ আহ্বায়িত ৰাজ্য জুৰি প্ৰতিবাদী কাৰ্যসূচী স্হগিত ৰখাৰ সিদ্ধান্তৰ কথা আমাৰ আগত উল্লেখ কৰে।

সেয়ে কাইলৈ সকলো জিলাত জিলা সমিতি সমুহৰ দ্বাৰা ৰূপায়িত কৰিবলৈ কোৱা প্ৰতিবাদী কাৰ্যসূচী পৰবৰ্তী কিছুদিনলৈ স্থগিত ৰাখিবলৈ অনুৰোধ জনোৱা হল ৷

হীৰকজ্যোতি মেধী
প্ৰচাৰ সম্পাদক
জাফা ৷

26/03/2025

26/03/2025

Assam Journalist Detained While on Duty: JAFA Condemns the Incident

Guwahati, March 25, 2025: The Journalist Association for Assam (JAFA) has strongly condemned the detention of journalist and Assistant Secretary of the Guwahati Press Club, Dilwar Hussain Mazumdar, by Panbazar Police while he was covering a protest organized by the Assam Jatiya Yuva Shakti in front of the Apex Bank in Guwahati.

In a statement signed by JAFA President Abhideep Choudhury, Working President Pankaj Deka, and General Secretary Kunja Mohan Roy, the association described the incident as highly shameful. They criticized the police for summoning and detaining Dilwar Hussain Mazumdar while he was engaged in his professional duties.

JAFA has strongly condemned this act and demanded that the Assam Police immediately clarify the reason behind the journalist’s detention.

Hirakjyoti Medhi
Publicity Secretary, JAFA

কৰ্তব্যৰত অৱস্থাত সাংবাদিকক আটক : জাফাৰ গৰিহণা

গুৱাহটী ২৫ মাৰ্চ ২৫ : গুৱাহাটী এপেক্স বেংকৰ সম্মুখত অসম জাতীয় যুৱ শক্তিয়ে কৰা প্ৰতিবাদৰ বাতৰি সংগ্ৰহ কৰিব যোৱা সাংবাদিক তথা গুৱাহাটী প্ৰেছ ক্লাৱৰ সহকাৰী সম্পাদক দিলৱাৰ হুছেইন মজুমদাৰক পাণবজাৰ থানাৰ আৰক্ষীয়ে মাতি লৈ গৈ আটক কৰাৰ ঘটনাক জাৰ্নালিষ্ট এছোচিয়েচন ফৰ আসাম চমুকৈ জাফায়ে তীব্ৰ ভাষাৰে গৰিহণা দিয়ে ৷ জাফাৰ সভাপতি অভিদ্বীপ চৌধুৰী কাৰ্যকৰী সভাপতি পংকজ ডেকা সম্পাদক প্ৰধান কুঞ্জ মোহন ৰায়ৰ স্বাক্ষৰিত এই বিবৃতিত কোৱা হয় যে - নিজা কৰ্তব্যত ব্যস্ত থকাৰ সময়ত সাংবাদিক দিলৱাৰ হুছেইন মজুমদাৰক ফোন যোগে মাতি নি আৰক্ষীৰ দ্বাৰা আটক কৰাৰ ঘটনা চৰম লজ্জাজনক।

জাফাই এই ঘটনাক তীব্ৰ নিন্দা জনোৱাৰ লগতে অসম আৰক্ষীক অতি সোনকালে কি কাৰণত সাংবাদিক গৰাকীক আটক কৰা হ'ল সেই কথা স্পষ্টীকৰাৰ দাবী জনায় ৷

হীৰকজ্যোতি মেধী
প্ৰচাৰ সম্পাদক
জাফা

18/03/2025

সাংসদ দিলীপ শইকীয়াৰ স্থিতিক জাফাৰ আদৰণি ।

গুৱাহাটী ১৮ মাৰ্চ ২৫ : ৰাজ্যত চলি থকা পৰ্টেল / ডিজিটেল নিউজ চেনেল ফেচবুক পেজক গুৰুত্ব সহকাৰে লৈ অসম চৰকাৰক এক নিৰ্দিষ্ট নিয়মৰ মাজেৰে অনুমতি প্ৰদানৰ দাৱী জনাইছিল জাৰ্নালিষ্ট এছোচিয়েচন ফৰ আসাম চমুকৈ জাফাই ৷
লগতে চৰকাৰৰ তথ্য আৰু জনসংযোগ বিভাগৰ দ্বাৰা ডিজিটেল তথা বেৱ পৰ্টেল মিডিয়াক নিৰ্দিষ্ট নিয়মৰ মাজেৰে অনুমতি প্ৰদানৰ অন্তত চৰকাৰী বিজ্ঞাপন প্ৰদানৰো দাবী জনাইছিল।

জাফাৰ দাবীৰ প্ৰতি সহাৰি জনাই মঙলদৈৰ সাংসদ দিলিপ শইকীয়াই আজি দিল্লীৰ লোকসভাৰ মজিয়াত নিয়ম ৩৭৭ ৰ অধীনত ভাৰত চৰকাৰক নিয়ন্ত্ৰক কতৃত্ব গঠন কৰাৰ দাৱী জনোৱাক জাৰ্নালিষ্ট এছোচিয়েচন ফৰ আসাম চমুকৈ জাফাই আদৰণি জনোৱাৰ লগতে সাংসদ দিলীপ শইকীয়াক ধন্যবাদ জনায়৷

জাফাৰ সভাপতি অভিদ্বীপ চৌধুৰী কাৰ্যকৰী সভাপতি পংকজ ডেকা সম্পাদক প্ৰধান কুঞ্জ মোহন ৰায়ৰ স্বাক্ষৰিত এক বিবৃতিত সাংসদ দিলীপ শইকীয়াক ধন্যবাদ জনাই আগন্তুক দিনত সাংবাদিকৰ সমস্যা সংসদত উত্থাপন কৰিব বুলি আশা ব্যক্ত কৰে ৷

হীৰকজ্যোতি মেধি
প্ৰচাৰ সম্পাদক
জাফা

16/03/2025

সাংবাদিকক লৈ অদ্ভুত মন্তব্য ছিপাঝাৰৰ বিধায়ক পৰমানন্দ ৰাজবংশীৰ :

বিধায়ক গৰাকীক
ক্ষমা খোজাৰ দাবী জাফাৰ

গুৱাহাটী ১৬ মাৰ্চ ২৫ : ছিপাঝাৰৰ বিজেপিৰ বিধায়ক পৰমানন্দ ৰাজবংশীয়ে সাংবাদিকক লৈ কৰা অদ্ভত মন্তব্যক জাৰ্নালিষ্ট এছোচিয়েচন ফৰ আসাম চমুকৈ জাফাই তীব্ৰ ভাষাৰে গৰিহণা দিছে ৷ জাফাৰ সভাপতি অভিদ্বীপ চৌধুৰী কাৰ্য্যকৰী সভাপতি পংকজ ডেকা সম্পাদক প্ৰধান কুঞ্জ মোহন ৰায় স্বাক্ষৰিত এক বিবৃতি বিধায়ক গৰাকীয়ে সাংবাদিকৰ ওপৰত কৰা এনে অদ্ভুত মন্তব্যক তীব্ৰ ভাষাৰে গৰিহণা দিয়াৰ ওপৰি এনেধৰনৰ মন্তব্য এগৰাকী জন প্ৰতিনিধি মুখত কেতিয়াও শোভা নাপায় বুলি উল্লেখ কৰি বিধায়ক গৰাকীক অতিশীঘ্ৰে ক্ষমা খোজাৰ বাৱে দাবী জনায় ৷

বিবৃতি টোত কোৱা হয় যে - সাংবাদিকতাৰ পথাৰখনত কাম কৰা সাংবাদিকৰ দুখ দুৰ্দশাৰ কথা নজনাকৈ এজন জন প্ৰতিনিধি হৈ সাংবাদিকৰ বিৰুদ্ধে এনেধৰনৰ ঘৃণনীয় মন্তব্য কৰাটো চৰম লজ্জাজনক। এই ধৰণৰ অশালীন মন্তব্য এগৰাকী জন প্ৰতিনিধিৰ মুখত শোভা নাপায়৷

পৰমানন্দ ৰাজবংশীয়ে এজন জনপ্ৰতিনিধি হৈ সাংবাদিকৰ বিৰুদ্ধে যি অশালীন মন্তব্য কৰিছে তাৰ দ্বাৰা তেওঁ সাংবাদিকৰ লগতে মাতৃ সমাজকো চৰম অপমান কৰিছে ৷

আগন্তুক সময়ছোৱাত সাংবাদিকৰ লগতে মাতৃ সমাজৰ বিৰুদ্ধে এনেধৰনৰ শব্দ ব্যৱহাৰ নকৰিবলৈ বিধায়ক গৰাকীক জাফাৰ পৰা সকীয়াই দিয়াৰ লগতে অতিশীঘ্ৰে ক্ষমা খোজা দাবী জনায় ৷

হীৰকজ্যোতি মেধী
প্ৰচাৰ সম্পাদক
জাফা৷

14/03/2025

কলিকতাৰ যাদৱপুৰ বিশ্ববিদ্যালয়ত ৰিপাব্লিক বাংলাৰ সাংবাদিকৰ ওপৰত আক্ৰমণৰ ঘটনাক গৰিহণা জাফাৰ, অপৰাধীক তাৎক্ষণিক গ্ৰেপ্তাৰ কৰাৰ আহ্বান৷

গুৱাহাটী ১৪ মাৰ্চ, ২০২৫:
কলকাতাৰ যাদৱপুৰ বিশ্ববিদ্যালয়ৰ ভিতৰৰ পৰা লাইভ ৰিপ’ৰ্ট দি থকা অৱস্থাত ৰিপাব্লিক বাংলাৰ তিনিজন সাংবাদিকৰ ওপৰত সংঘটিত হোৱা চাঞ্চল্যকৰ আৰু অগ্ৰাহ্যযোগ্য আক্ৰমণৰ ঘটনাক তীব্ৰ গৰিহণা দিছে জাৰ্নালিষ্ট এছোচিয়েচন ফৰ আসাম চমুকৈ জাফাই ৷ ভুক্তভোগীৰ ভিতৰত দুগৰাকী মহিলা সাংবাদিকো আছে ।
খবৰ অনুসৰি বিশ্ববিদ্যালয়খনত বৃহস্পতিবাৰে অনুষ্ঠিত হোৱা এক অনুষ্ঠানৰ বাতৰি পৰিৱেশন কৰি থকাৰ সময়তে সাংবাদিক সকলক একাংশ ব্যক্তিয়ে গালি-গালাজ কৰি শাৰীৰিক আক্ৰমণ চলাইছিল। আক্ৰমণকাৰীয়ে সাংবাদিক কেইজনৰ পেছাদাৰী কৰ্তব্যত বাধাৰ সৃষ্টি কৰাৰ চেষ্টা চলাই ভয় আৰু ভাবুকিৰ পৰিৱেশৰ সৃষ্টি কৰে।
বিবৃতিটোত জাফাই নিজৰ স্থিতি স্পষ্ট কৰি কয় যে -
লাইভ টেলিভিছনত সংঘটিত হোৱা এই আক্ৰমণৰ ঘটনা কেবল তিনিজন সাংবাদিৰ ওপৰত প্ৰত্যক্ষ আক্ৰমণ নহয়, সংবাদ মাধ্যমৰ স্বাধীনতা আৰু ভয় নোহোৱাকৈ বাতৰি প্ৰকাশ কৰাৰ অধিকাৰৰ ওপৰতো প্ৰকাশ্য আক্ৰমণ।

সংবাদ মাধ্যমৰ কৰ্মীৰ বিৰুদ্ধে এনে হিংসাত্মক আৰু অগণতান্ত্ৰিক কাৰ্য্যই গণতন্ত্ৰৰ চতুৰ্থ স্তম্ভৰ স্বাধীনতা খৰ্ব কৰিছে।

কৰ্তব্যৰত অৱস্থাত কোনো সাংবাদিকে আক্ৰমণ বা হাৰাশাস্তিৰ ভয়ত কাম কৰিব নালাগে।

জাফাই যাদৱপুৰৰ সাংবাদিক আক্ৰমণৰ ঘটনাত জড়িত সকলক তৎকালীন ভাবে গ্ৰেপ্তাৰ কৰি আইনী ব্যৱস্থাৰ গ্ৰহণৰ দাবী জনাইছে।

অভিদ্বীপ চৌধুৰী
সভাপতি
পংকজ ডেকা
কাৰ্য্যকৰী সভাপতি
কুঞ্জ মোহন ৰায়
সম্পাদক প্ৰধান
হীৰকজ্যোতি মেধি
প্ৰচাৰ সম্পাদক
জাৰ্নালিষ্ট এছোচিয়েচন ফৰ আসাম (জাফা)

13/03/2025

তেলেংগানাত দুগৰাকী মহিলা সাংবাদিকক গ্ৰেপ্তাৰ : তেলেংগানা চৰকাৰক গৰিহণা জাফাৰ

গুৱাহাটী ১৩ মাৰ্চ ২৫ : তেলেংগানাত চলি থকা কংগ্ৰেছ চৰকাৰৰ শাসন কালত এগৰাকী কৃষকৰ দুৰ্দশাৰ বাতৰি সবিস্তাৰে ইউ টিউব চেনেল আৰু সামাজিক মাধ্যমৰ জৰিয়তে প্ৰচাৰ কৰাৰ বাবে বুধবাৰে ৰাজ্যখনৰ দুগৰাকীকৈ জেষ্ঠ মহিলা সাংবাদিক ৰেৱতী আৰু তনভী যাদৱক আৰক্ষীয়ে গ্ৰেপ্তাৰ কৰাক জাৰ্নালিষ্ট এছোচিয়েচন ফৰ আসাম চমুকৈ জাফাৰ পৰা তীব্ৰ গৰিহণা দিয়ে ৷ কেন্দ্ৰীয় সভাপতি অভিদ্বীপ চৌধুৰী , কাৰ্যকৰী সভাপতি পংকজ ডেকা আৰু সম্পাদক প্ৰধান কুঞ্জ মোহন ৰায় স্বাক্ষৰিত বিবৃতিত তেলেংগানা চৰকাৰে চলোৱা গণতন্ত্ৰৰ চতুৰ্থ স্তম্ভ সংবাদ মাধ্যমৰ সাংবাদিকক বিনা কাৰনে এনে ধৰনৰ হাৰাশাস্তি কৰাক তীব্ৰ ভাষাৰে নিন্দা কৰাৰ লগতে অতিশীঘ্ৰে মহিলা সাংবাদিক দুগৰাকীক বিনাচৰ্তে মোকোলাই দিয়াৰ দাবী জনায় ৷

হীৰকজ্যোতি মেধী
প্ৰচাৰ সম্পাদক
জাফা৷

13/03/2025

12/03/2025

জাফা'ৰ শোনিতপুৰ জিলা সমিতিৰ নতুন সমিতি গঠন।