14/05/2024
MBSE chuan vawiin khan HSLC result a ti chhuak a, exam beitu zinga 73.37% ten hlawhtlinna an chang thei hi a lawmawm ka ti hle.
HSLC hi zirna rahbi pawimawh tak a ni a, zirlaite kawng zawh tur thui taka hriltu a ni. Hlawhtlinna changtu te hmalam panin kal zel se la, kan ram Mizoram tana chhenfakawm thiamna zir chhuak ngei turin ka duhsak.
Chutihrualin, hlawlhtling ve nghal rih lo tam tak an awm bawk. Heng mite pawh hi beidawng mai lo se la, exam lehpekah tha leh zual zawka an tih theih nan tan la sauh sauh se la, an hlawhtlin hun a la thleng ve ngei ang.
