Malayali Online (2025)

27/10/2025

രാഹുൽ മാങ്കൂട്ടത്തിൽ MLA യെ ഞാൻ ഇത് വരെ കണ്ടിട്ടില്ല
ഇത് വരെ അദ്ദേഹവുമായി സംസാരിച്ചിട്ടില്ല

ഒരു ചെറുപ്പക്കാരനെ കൂട്ടംകൂടി ആക്രമിക്കുമ്പോൾ
അദ്ദേഹത്തിന് അനുകൂലമായി ഞാൻ നാല് പോസ്റ്റ് ഇട്ടു...
ആ പോസ്റ്റിന്റെ റീച്ച് കണ്ടപ്പോൾ ഞാൻ ഞെട്ടിപ്പോയി
ഇത്രയും ജനപിന്തുണ ഉള്ള നേതാവാണ്
രാഹുൽ....
അദ്ദേഹത്തെ നേരിൽ കാണണം ❤️
Seema G Nair

13/10/2025

2026 ൽ പദ്മജ വേണുഗോപാൽ ബിജെപി സ്ഥാനാർഥിയായി മത്സരിച്ചാൽ വിജയിക്കുമോ..?

10/10/2025

ബാംഗ്ലൂർ വൈറ്റ്‌ഫീൽഡിലെ സായിബാബ ട്രസ്റ്റ് ആശുപത്രിയിൽ സൗജന്യ ചികിത്സ തേടി പോകുന്നവർ അറിയേണ്ട കാര്യങ്ങൾ :

ഹാർട്ട് സംബന്ധമായതും, ന്യൂറോ സംബന്ധമായതുമായ ശസ്‌ത്രക്രിയ അടക്കം പൂർണ്ണമായും സൗജന്യ ചികിത്സ നൽകുന്ന ഒരാശുപത്രി ശ്രീ സത്യസായിബാബ ചാരിറ്റബിള്‍ ട്രസ്റ്റിന്റെതായി ബാംഗ്ലൂരിലെ വൈറ്റ്ഫീൽഡ് (White field)എന്ന സ്ഥലത്തു പ്രവർത്തിക്കുന്നുണ്ട്.

കേരളത്തില്‍ നിന്ന് ധാരാളം രോഗികൾ ഈ ആശുപത്രിയിൽ ചികിത്സ തേടാറുണ്ട്.
എന്നാല്‍ ബെംഗളൂരു
പോലുള്ള ഒരു സ്ഥലത്ത് വരുമ്പോള്‍ ചില കാര്യങ്ങള്‍ ശ്രദ്ധിക്കുന്നത് സമയ നഷ്ടവും ധന നഷ്ടവും കുറയ്ക്കുന്നതിന് ഉപകരിക്കും.

ഈ ആശുപത്രിയെ കുറിച്ച് അറിഞ്ഞിരിക്കേണ്ട ചില കാര്യങ്ങള്‍ :

1 ) കേരളത്തിൽ നിന്നും ബസ്സിൽ വരുന്നവർ ബാംഗ്ലൂർ മെജസ്റ്റിക്കിൽ ഇറങ്ങുക. അവിടെ നിന്ന് വൈറ്റ്ഫീൽഡിലേക്ക് നിരവധി ബസ്സുകൾ ഉണ്ട് . 335 നമ്പറില്‍ തുടങ്ങുന്ന എല്ലാ ബസ്സുകളും ഇവിടേയ്ക്ക് പോകും. ബസ്സില്‍ കയറുന്നതിനു മുന്‍പ് കണ്ടക്ടറോടോ ഡ്രൈവറോടോ ചോദിക്കുന്നതിനു ഒട്ടും വിമുഖത കാട്ടേണ്ടതില്ല,അവര്‍ കൃത്യമായി ഉത്തരം നല്‍കും.ഭാഷ അറിയില്ല എന്നൊന്നും ഭയപ്പെടേണ്ടത് ഇല്ല. സത്യസായി ആശുപത്രി എന്ന് ചോദിച്ചാൽ മതി.

ഓർഡിനറി ബസ്സിന് 25 രൂപയും എസി ബസ്സിന് 95 രൂപയുമാണ് ഏകദേശം 18 കിലോമീറ്റർ ദൂരമുള്ള ഈ സ്ഥലത്തേക്കുള്ള നിരക്ക്.
2) ട്രെയിനില്‍ വരുന്നവരാണെങ്കിൽ കെ ആര്‍ പുരം (കൃഷ്ണ രാജപുരം) എന്ന സ്റ്റേഷനില്‍ ഇറങ്ങുക ( ചില ട്രെയിനുകള്‍ വൈറ്റ് ഫില്ഡ്ല്‍ നിര്‍ത്താറുണ്ട്അവിടെ ഇറങ്ങുക) കൃഷ്ണരാജ പുരം റയിൽവേ സ്റ്റേഷന്റെ രണ്ടാമത്തെ പ്ലാറ്റ്ഫോമിൽ നിന്ന് പുറത്തിറങ്ങിയാൽ മെയിൻ റോഡിൽ നിന്നു തന്നെ നിങ്ങൾക്ക് ബസ് ലഭിക്കും.കഴിവതും ഓട്ടോറിക്ഷ ഒഴിവാക്കുക, യഥാർത്ഥ നിരക്കിൽ നിന്നും 10 -20 ഇരട്ടിയാണ് സാധാരണ ഓട്ടോറിക്ഷക്കാർ ഇവിടങ്ങളിലെല്ലാം ഈടാക്കുന്നത്.

3 )മെജസ്റ്റിക്കിൽ ഇറങ്ങുന്നവർ ഒരു കാരണവശാലും ആട്ടോറിക്ഷ പിടിച്ചു പോകാൻ ശ്രമിക്കരുത്. ധാരാളം ബസ്സുണ്ട്.

4 ) പുലർച്ചെതന്നെ അവിടെ വരി (ക്യൂ) ആരംഭിക്കും,ആയതിനാൽ ഒരുദിവസം മുമ്പേ വരുന്നത് ആണ് ഉചിതം.

5 )ഹാർട്ടിൻറെ അസുഖത്തിനും, ന്യൂറോയുടെ അസുഖത്തിനും വേറേ വേറേ വരികൾ ആണ് ഉള്ളത്. അത് പ്രത്യേകം ശ്രദ്ധിക്കുക.

6 ) പുലർച്ചെ 6 മണിക്ക് കൗണ്ടർ തുറക്കും.

7 ) രോഗിയുടെ മുൻകാല രോഗവിവരത്തിൻറെ മുഴുവൻ രേഖകളും (X-Ray, ECG, Scan തുടങ്ങിയവയുടെ റിസൾട്ട് അടക്കം) കയ്യിൽ കരുത്തേണ്ടത് അത്യാവശ്യമാണ്.

8 )രോഗിയുടേയും, കൂടെയുള്ള ഒരാളിൻറെയും തിരിച്ചറിയൽ രേഖ കൈവശം നിർബന്ധമായും കരുത്തേണ്ടതാണ്.ആധാർ കാർഡും നിർബന്ധമാണ്.

9 )കൗണ്ടറിൽ ഉള്ളയാൾ രോഗവിവരം പഠിക്കുകയും, ഉടൻ ചികിത്സ അത്യാവശ്യമെങ്കിൽ തുടർ നടപടികൾ കൈക്കൊള്ളും.
അല്ലാത്ത പക്ഷം അടുത്തൊരു തീയതി തരും. ആ തീയതിയിൽ അവിടെ റിപ്പോർട്ട് ചെയ്‌താൽ മതിയാകും.

10 )അവിടെ യാതൊരുവിധ റെക്കമെന്റേഷനും ആവശ്യമില്ല, അനുവദിക്കുകയുമില്ല. അങ്ങനെ ആരെങ്കിലും
പറഞ്ഞു നിങ്ങളെ സമീപിച്ചാൽ അതിനെ പ്രോത്സാഹിപ്പിക്കരുത്.

11 ) ചികിത്സ,ഭക്ഷണം, മരുന്ന്, എല്ലാം പൂർണ്ണമായും സൗജന്യമാണ്.

12 ) തികച്ചും നിർദ്ധനരായ രോഗികൾക്ക് ചികിത്സ നൽകുന്ന സ്ഥാപനമാണ്.

13 )കേരളത്തിലെ പല ആശുപത്രികളിലും ലക്ഷങ്ങൾ വാങ്ങുന്ന ചികിത്സകളും,സർജറിയും
ഇവിടെ പൂർണ്ണ സൗജന്യമാണ്.

14 ) ഇതൊരു ധർമ്മ സ്ഥാപനമാണ്.അപ്പോൾ അതിനെ അതിൻറെതായ പവിത്രതയോടും,ശുചിയോടും കൂടി സൂക്ഷിക്കേണ്ടത് നമ്മുടെ കടമയാണെന്നോർക്കുക.

15 ) ജാതി-മത ഭേദമില്ലാതെ എല്ലാവർക്കും ഇവിടെ ചികിത്സ ലഭിക്കുന്നതാണ്.

NB : അപ്പോയിമെൻ്റ് കിട്ടാൻ Toll Free No ൽ വിളിച്ച് ബുക്ക് ചെയ്യാവുന്നതാണ്.
Toll Free No : 08047104600
✍️🙏❤️
ഉപകാരപ്പെടുന്നവർക്ക് കൈത്താങ്ങാവാൻ സഹായിക്കുക👍🏻
ഷെയർ ചെയ്യുക

03/10/2025

“ജീവിതത്തിന്റെ അവസാന പേജുകൾ ഞാൻ തന്നെ എഴുതുകയാണ്…
മൾട്ടിപ്പിൾ മൈലോമയെന്ന അസുഖം, മരുന്നില്ലാത്തൊരു യാത്ര…
ജീവിക്കണമെന്ന ആഗ്രഹം പോലും ഇനി ഇല്ല.
ഇനി രണ്ടുമാസം മാത്രമേ മുന്നിലുണ്ടാവൂ എന്ന് ഞാൻ മനസ്സിലാക്കി.” – സന്തോഷ് വർക്കി

01/10/2025

മുക്കാൽ ഭാഗവും കാവിയായി 👌💪😄
പാട്യം കൊട്ടയോടി
കാലം കഴിയുന്തോറും ചുവപ്പു മാറി കാവിയായി കൊണ്ടിരിക്കും.....
അത് തന്നെയാണല്ലോ കേരളത്തിൽ ഇപ്പോൾ കണ്ടുകൊണ്ടിരിക്കുന്നത് 😌😌

01/10/2025

സംവിധായകൻ ജെ വില്യംസിനെ അറിയാത്ത ഒരു മലയാളി പോലും ഉണ്ടാവില്ല. അദ്ദേഹത്തിൻ്റെ അവസാന കാലത്ത് മലയാള സിനിമയില്‍ നിന്നും ഒരാള്‍ പോലും തിരിഞ്ഞ് നോക്കിയില്ലെന്ന് സംവിധായകൻ ജെ വില്യംസിന്റെ ഭാര്യയും നടിയുമായ
ശാന്തി വില്യംസ്.
മോഹൻലാലുമായി അദ്ദേഹത്തിന് അടുത്ത ബന്ധമായിരുന്നു. എന്നിട്ട് അദ്ദേഹം മരിച്ചപ്പോള്‍ പോലും ലാൽ വന്നില്ല. ഹലോ മദ്രാസ് എന്ന പടത്തിലാണ് ലാലു വരുന്നത്.
ആ പടത്തിന്റെ ഷൂട്ടിങ് സമയത്ത് ലാല്‍ വീട്ടിലേക്ക് വരുമായിരുന്നു, ഭക്ഷണമൊക്കെ കഴിക്കും. പിന്നെ തുടർച്ചയായി ഞങ്ങളുടെ മൂന്ന് പടങ്ങളില്‍ അഭിനയിച്ചു. ആ സമയത്തൊക്കെ വീട്ടില്‍ വന്ന് ഭക്ഷണം കഴിക്കും. അടുക്കളയിലേക്ക് നേരെ കയറിപ്പോകും. അത്രയും സ്വാതന്ത്ര്യമായിരുന്നു. വില്യേട്ടന് ലാല്‍ അനിയനെ പോലെയായിരുന്നു.
ജീവൻ്റെ ജീവൻ ചെയ്ത് കൊണ്ടിരിക്കുന്ന സമയത്ത് മോഹൻലാല്‍ വന്നിരുന്നു, ആ സമയത്ത് ഞാൻ 9 മാസം ഗർഭിണിയായിരുന്നു. വില്ലിയേട്ടൻ പറഞ്ഞു ലാലിന് 60,000 രൂപ കൊടുക്കാനുണ്ട്, അത് കൊടുക്കാമെന്ന് ഞാൻ പറഞ്ഞു. അങ്ങനെ ഞാൻ എന്റെ ആഭരണങ്ങളൊക്കെ പണയം വെച്ച് ലാലിന് പൈസ കൊടുത്തു. എന്തിനാണ് ചേച്ചി വയ്യാതെ വന്നതെന്ന് ചോദിച്ചു. കാശ് ആവശ്യമുണ്ടെങ്കില്‍ കൈയ്യില്‍ വെച്ചോളൂവെന്ന് ലാൽ പറഞ്ഞു.
ബട്ടർഫ്ലൈ സിനിമയുടെ ഷൂട്ടിങ് സമയത്ത് വില്ലിയേട്ടൻ നന്നായി സിഗരറ്റ് വലിക്കുമായിരുന്നു. ലാലുവിനോട് ഞാൻ പറയും, ഇത് നിർത്താൻ നിങ്ങള്‍ക്കൊക്കെ പറഞ്ഞൂടെയെന്ന്. പറഞ്ഞാല്‍ കേക്കില്ലല്ലോയെന്ന് ലാലും പറഞ്ഞു. ഈ സമയത്ത് വില്ലിയേട്ടൻ പറഞ്ഞു എനിക്ക് എന്തെങ്കിലും സംഭവിച്ചാല്‍ ലാല്‍ നമ്മുടെ കുടുംബം നോക്കും. മോഹൻലാല്‍ ആരാ നമ്മുടെ കുടുംബം നോക്കാൻ എന്ന് ഞാനും ചോദിച്ചു. ഇതൊക്കെ കഴിഞ്ഞ് കുറച്ച്‌ കാലം കഴിഞ്ഞപ്പോള്‍ ഞങ്ങളുടെ സ്വത്തുക്കളൊക്കെ പോയി, വീട് പോയി , കാറ് പോയി... ഒരാള്‍ എന്റെ വില്ലിയേട്ടനെ പറ്റിച്ചതാണ്. അതോടു കൂടി ഞങ്ങളുടെ കഷ്ടകാലം തുടങ്ങി. പിന്നെ വർക്കില്ലാതായി.
വില്ലിയേട്ടൻ എന്നെ വിവാഹം കഴിക്കുബോൾ എനിക്ക് 19 വയസാണ് അദ്ദേഹത്തിന് 46 ഉം.
വില്ലിയേട്ടൻ വയ്യാതായപ്പോഴൊന്നും ലാലുവും മലയാള സിനിമയിൽ നിന്ന് പ്രതീക്ഷിച്ച വ്യക്തികളൊന്നും വന്നില്ല. സുരേഷ് ഗോപിയും കലാഭവൻ മണിയും വന്നിരുന്നു. കുറച്ച്‌ കാശ് തന്നിരുന്നു. അവസ്ഥ മോശമായപ്പോള്‍ ഞാൻ ലാലിനെ വിളിച്ചൊന്നുമില്ല. രജനീകാന്ത് എല്ലാ കാര്യങ്ങളും അറിഞ്ഞ് കുറച്ച്‌ പൈസ തന്നിരുന്നു. ഈ നിമിഷം വരെ മോഹൻലാല്‍ എന്നെ വിളിച്ചിട്ടില്ല. അത്രത്തോളം ലാലിനെ എന്റെ ഭർത്താവ് സ്നേഹിച്ചിരുന്നു. ലാല്‍ ഒന്ന് വിളിച്ചാല്‍ മതിയായിരുന്നു.

29/09/2025

കാമുകി കാമുകനെ ഫോണിൽ വിളിച്ചിട്ട് : - "ഡാ നിനക്ക് ഇഷ്ട്ടപ്പെട്ട കറികൾ ഏതൊക്കെയാണ്?"

സന്തോഷത്തോടെ, കാമുകൻ: "ഡീ എനിക്ക് മീൻ മുളകിട്ടതും, പാവയ്ക്കാ തീയലും, ചെമ്മീൻ റോസ്റ്റും. "

കാമുകി :- "സോറീഡാ , ഇതൊന്നുമുണ്ടാക്കാൻ എനിക്കറിയില്ല... ഇതൊക്കെ അടിപൊളിയായി ഉണ്ടാക്കാൻ അറിയാവുന്ന ഏതെങ്കിലും ഒരു പെൺകുട്ടിയെ നിനക്ക് കിട്ടും. നമുക്ക് പിരിയാം, Bye.....ഇനി നീ എൻ്റെ ഫോണിലേക്ക് വിളിക്കരുത്"

25/09/2025

പാലക്കാട് മലമ്പുഴ യക്ഷിയെ സാരി ധരിപ്പിച്ചു.. 😂😃
കരുതൽ ആണ് സാറേ 😀
പാലക്കാട്കാരുടെ മെയിൻ ❤️

24/09/2025

രാഷ്ട്രീയം അവിടെ വെച്ചിട്ട് ഇതുവരെയുള്ള എന്റെ ഭരണത്തിന് എത്ര മാർക്ക് ❓

19/09/2025

സ്‌പെഷൽ ഗസ്റ്റ്. ബിന്ദു അമ്മിണി, കനക ദുർഗ, രഹന ഫാത്തിമ

18/09/2025

തന്റെ ഭാര്യ താനറിയാതെ മറ്റൊരാളുമായി രഹസ്യ ബന്ധത്തിലേർപ്പെടുന്നുണ്ടോ എന്ന് അവരുടെ ഭർത്താവിന് ഒരു സംശയം,

എന്നാലത്

അവളോടു ചോദിച്ചറിയുക എന്നു വെച്ചാൽ അത് സാധ്യമായ കാര്യവുമല്ല,

എങ്ങിനെയെങ്കിലും ഭാര്യയുടെ കള്ളകളി പിടിക്കണമെന്ന് അയാൾക്ക് വാശിയായി,

പക്ഷെ അയാളതിനു എത്ര ശ്രമിച്ചിട്ടും നിരാശയായിരുന്നു ഫലം,

എന്തെങ്കിലും ഒരു തെളിവ് കിട്ടണമെങ്കിൽ അതു

ഭാര്യയുടെ മൊബൈൽ ഫോണിലെ കാണു എന്നാൽ തന്റെ ആവശ്യം കഴിഞ്ഞാൽ മൊബൈൽ ഫോണിലെ ഹിസ്റ്ററി ഡിലീറ്റാക്കാൻ ഭാര്യയൊട്ടും മറക്കാറുമില്ല,

ഒരിക്കൽ ഹോസ്പ്‌പിറ്റലിൽ വെച്ചു അവളുടെ ഫോൺ നോക്കാൻ ഒരവസരം അയാൾക്കു ലഭിച്ചെങ്കിലും ഫോണിലെ മൊത്തം ഹിസ്റ്ററിയും ഡിലീറ്റ് ആക്കിയ നിലയിലായിരുന്നു.

കുരങ്ങനു മുഴുത്തേങ്ങ കിട്ടിയ പോലെ ഒന്നും ചെയ്യാനാവാതെ ആ സന്ദർഭവും കടന്നു പോയി,

എന്നാൽ അയാളെ തന്റെ സംശയത്തിന്റെ കൊടുമുടിയിലെത്തിക്കാൻ അതു ധാരാളമായിരുന്നു.

എന്തിനവൾ ഫോണിലെ മൊത്തം ഹിസ്റ്ററിയും ഡിലീറ്റ് ചെയ്യുന്നത്...?

അതു തന്നെയൊരു കളത്തരമല്ലെ ?

അതോടെ അയാളുറപ്പിച്ചു തൻ്റെ ഭാര്യ താനറിയാതെ മറ്റാരുമായോ രഹസ്യബന്ധത്തിൽ ഏർപ്പെടുന്നുണ്ടെന്ന്...!

പരിചയമുള്ള ആരോടും ഈ കാര്യത്തിൽ വിദഗ് ദ്ധമായ ഉപദേശം തേടാനാവില്ലെന്ന് അയാൾക്കറിയാം,

എല്ലാം കൊണ്ടും അയാളുടെ ഉറക്കം അയാൾക്കു നഷ്ടപ്പെട്ടു. എങ്ങിനെയെങ്കിലും ഉള്ളിലുള്ള സംശയം ശരിയാണോന്ന് സ്ഥിതികരിച്ചേ മതിയാവു.

അയാളുടെ സംശയം തുടങ്ങുന്നതു തന്നെ അയാൾ ജോലിക്കായി വീട്ടിൽ നിന്നിറങ്ങുന്ന സമയം മുതൽ ഭാര്യയുടെ ഫോണിൽ നെറ്റ് ഒാണാവും തിരിച്ച് അയാൾ വീട്ടിലെത്തുന്ന ഒരു ഏകദേശം സമയത്തോടടുത്ത് നെറ്റ് ഓഫാവുകയും ചെയ്യും...!!

അയാൾക്ക് സംശയമുണ്ടെങ്കിലും ഉറപ്പിക്കാനാവും വിധം തെളിവൊന്നും ലഭിച്ചില്ല,

അവസാനം അയാൾ മറ്റൊരു പോംവഴി കണ്ടെത്തി,

അതുപ്രകാരം

അയാൾ ഒരു ഡോക്‌ടറെ പോയി കാണുകയും ആ ഡോക്ട‌റുടെ നിർദേശപ്രകാരം അയാളെ കാണിക്കാനാണെന്ന വ്യാജ്യേന അയാൾ അയാളുടെ ഭാര്യയേ ഡോക്‌ടറുടെ അടുത്തെത്തിച്ചു

തുടർന്ന് അയാളുടെ ഭാര്യക്ക് സംശയം തോന്നാത്ത വിധം കൗശലപൂർവ്വം അയാളെ പുറത്തേക്ക് പറഞ്ഞു വിട്ട് ഡോക്‌ടർ അവരുമായി സംസാരിച്ചു

ആദ്യമെല്ലാം വളരെ സാധാരണപ്പോലെ സംസാരിച്ച് കുറച്ചു കഴിഞ്ഞതും ഡോക്‌ടർ കാര്യത്തിലേക്കു കടന്നു.

നിങ്ങൾ മറ്റാരെങ്കിലുമായി ശാരീരികബന്ധം പുലർത്തുന്നുണ്ടോ എന്ന ഡോക്‌ടറുടെ ചോദ്യത്തിന് അവർ

ഉണ്ട് " എന്നവർ ഉത്തരം നൽകിയത് അക്ഷരാർത്ഥത്തിൽ ഡോക്‌ടറെ പോലും ഞെട്ടിച്ചു.

നിങ്ങളുടെ ഭർത്താവിനെ വഞ്ചിക്കുന്നതിൽ നിങ്ങൾക്ക് കുറ്റബോധം തോന്നുന്നില്ലെ എന്ന ചോദ്യത്തിന്

എന്തിന് ?"

എന്ന മറു ചോദ്യമാണവർ ചോദിച്ചത്.

എന്റെ ഭർത്താവ് ഒരു ഭർത്താവെന്ന നിലയിൽ എന്റെ എല്ലാ കാര്യത്തിലും ശ്രദ്ധ ചെലുത്തുന്ന ഒരാൾ ആയിരുന്നെങ്കിൽ ഇങ്ങനെ ചെയ്യുന്നതിൽ ചിലപ്പോൾ അങ്ങിനെ ഒരു കുറ്റബോധം തോന്നാം

എന്നാൽ സ്വന്തം ഭാര്യയെ സംശയിക്കുന്നതിലൊഴിച്ച് മറ്റെല്ലാ കാര്യത്തിലും പൂർണ്ണ പരാജയമായ ഒരാളോട് എന്തു കുറ്റബോധം

റിസ്ക്കല്ലെ ?

ഭയമില്ലെ നിങ്ങൾക്ക് ?

തുടങ്ങിയ ഡോക്ട‌റുടെ ചോദ്യങ്ങൾക്ക് അവർ പറഞ്ഞു.

ഭയം ജനനം തൊട്ടു തുടങ്ങിയതാണ് സ്ക്കൂളിൽ പോകുമ്പോൾ, ഒറ്റക്കു നടക്കുമ്പോൾ,

പരിചയമില്ലാത്ത സ്ഥലങ്ങളിൽ പോകുമ്പോൾ, സൈക്കിൾ ചവിട്ടാൻ പഠിക്കുമ്പോൾ, പെണ്ണു കാണാൻ ആളുകൾ വരാൻ തുടങ്ങിയപ്പോൾ,

കല്ല്യാണം കഴിക്കുമ്പോൾ അങ്ങിനെ ചെയ്യുന്ന ഒരോ കാര്യത്തിലും ഭയമുണ്ടായിരുന്നു.

എന്നാൽ ഏതു ഭയവും തുടക്കത്തിൽ മാത്രമാണ് അതു കഴിയുമ്പോൾ അതും പരിചയമാവും,

ഈ കാര്യങ്ങൾക്കു മുതിരുന്ന ഏതൊരു സ്ത്രീയും പുരുഷനും ആദ്യസംരഭം ഭയത്തോടെ തന്നെയാണ് പൂർത്തിയാക്കിയിട്ടുണ്ടാവുക,

എന്നെ പോലുള്ളവർക്ക് അവരുടെ ആവശ്യങ്ങൾക്ക്

സമീപിക്കാൻ തൻ്റെ ഭർത്താവ് മാത്രമേയുള്ളൂ എന്ന് ഒാർക്കേണ്ടത് ഞങ്ങൾ മാത്രമല്ലല്ലോ?

ഞങ്ങൾക്കിടയിൽ പലപ്പോഴും സംഭവിക്കാറുള്ള പോലെ അന്നും ഉദാരണശേഷിക്കുറവ് അനുഭവപ്പെടാൻ തുടങ്ങിയപ്പോൾ അവർക്കു നല്ലതെന്നു കരുതി ഞാൻ ചോദിച്ചു.

നമുക്ക് മറ്റെന്തെങ്കിലും രീതിയിൽ ശ്രമിച്ചാലോയെന്ന്...?

എന്താ നിനക്കു മുന്നേ ശ്രമിച്ചു പരിചയം ഉണ്ടോടി...?

എന്നതായിരുന്നു

ഉടനെയുള്ള അങ്ങേരുടെ മറുചോദ്യം....!

സ്വയം എന്തെങ്കിലും കുറവുണ്ടെങ്കിൽ അത് തന്റെ കുറവല്ലെന്ന് വരുത്തി തീർക്കാൻ സ്വന്തം ഭാര്യയെ കുറ്റപ്പെടുത്തുന്നവരുടെ കൂട്ടത്തിൽ പെട്ടൊരാളാണ് എന്റെ ഭർത്താവും,

അതും കൂടാതെ സ്വന്തം ലൈംഗീകശേഷിക്കുറവ് മറച്ചു പിടിക്കാൻ ദിവസവും രാത്രിക്കാലങ്ങളിൽ

ഞാനുമായി എന്തെങ്കിലും പറഞ്ഞു വഴക്കിടുന്നതും

തുടർന്ന് ആ വഴക്കു കാരണമാണ് ഇന്നു നിന്നെ ഞാൻ തൊടാത്തതെന്ന വിധം ബെഡ്ഡിൽ തിരിഞ്ഞു കിടക്കുന്നതും തുടർനാടകമായി തുടരുന്നു.

കാര്യങ്ങളെ തുറന്നു പറഞ്ഞാൽ ഏതുവിധേനയും അവരുടെ കൂടെ നിന്നു അതിനൊരു പരിഹാരമാർഗ്ഗം കണ്ടെത്താൻ ശ്രമിക്കും എന്നിരിക്കെ എനിക്കൊരു പ്രശ്‌നവുമില്ല നിനക്കാണു പ്രശ്‌നം എന്നു ഭാവിച്ചു നടക്കുന്ന ആളോട് ഞാൻ എന്തു പറയും ?

ഞാൻ ഇനി കൂടുതൽ മുൻകൈയെടുക്കാൻ ശ്രമിച്ചാൽ ആദ്യം എന്നോടാവശ്യപ്പെടുക എന്റെ മുൻകാല പരിചയത്തിൻ്റെ സർട്ടിഫിക്കറ്റാവും..,

അവർക്കു ഗുണകരമാവട്ടെ എന്നു കരുതി ഞാൻ പറഞ്ഞ പല കാര്യങ്ങളിലും എന്റെ ചാരിത്ര്യശുദ്ധിയെ ചോദ്യം ചെയ്യാനും സംശയിക്കാനും തുടങ്ങിയതോടെ എനിക്കു മനസിലായി അവർ ഉറങ്ങുകയല്ല ഉറക്കം നടിക്കുകയാണെന്ന്,

ഞങ്ങൾ പെണ്ണുങ്ങൾക്കും ചില താൽപ്പര്യങ്ങളും ഇഷ്ടങ്ങളും ഒക്കെയുണ്ട്,

ലോകത്തു നടക്കുന്ന ഏതു കാര്യങ്ങളും ഞങ്ങളും കാണുകയും കേൾക്കുകയും വായിക്കുകയും അപ്പപ്പോൾ തന്നെ അറിയുകയും ചെയ്യുന്നുണ്ട് എന്നിട്ടും ഞങ്ങളിൽ പലരും പലപ്പോഴും അറിയാഭാവം നടിക്കുകയാണ്"

തെറ്റാണെന്നു അറിയാമായിരുന്നിട്ടും ഒരാൾ ഈ കാര്യങ്ങൾക്ക് മുതിരുന്നുണ്ടെങ്കിൽ അവർക്കും അതല്ലാതെ മറ്റു മാർഗ്ഗമില്ലെന്നു കൂടി കൂട്ടി വായിക്കണം,

ഡോക്ട‌റെ തെറ്റും ശരിയും നോക്കി എല്ലാ കാര്യങ്ങളും ചെയ്യാൻ കഴിയില്ല,

എല്ലാം ഉള്ളിലൊതുക്കി ജീവിക്കുന്ന എത്രയോ സ്ത്രീകളുണ്ട്,

അതോടൊപ്പം എന്നെ പോലെ മനസിൽ തോന്നുന്നതിനെ ഉള്ളിലൊതുക്കി നിർത്താൻ ശ്രമിക്കാതെ മനസാഗ്രഹിക്കുന്ന വഴിയിലൂടെ സഞ്ചരിക്കുന്നവരുമുണ്ട്,

ആകാശത്തെ ആകാശമായും ഭൂമിയെ ഭൂമിയായും കണ്ടു ജീവിക്കുന്നവർ.."

അതുകേട്ടതും ഡോക്‌ടർ ഒന്നു ചിരിച്ചു,

അവർ ഡോക്ടറോട് ഒന്നു കൂടി പറഞ്ഞു,

അവർ എന്നെ കൂട്ടി കൊണ്ടു വരുമ്പോഴെ എനിക്കറിയാം ഈ കാര്യത്തിനാണെന്ന് ആരോടെങ്കിലും ഒന്നു തുറന്നു പറയാനാവാതെ ഞാനും എല്ലാം ഉള്ളിലൊതുക്കി വിങ്ങിപ്പൊട്ടാറായി നിൽക്കുവായിരുന്നു ഇപ്പോൾ എനിക്കും കുറച്ചു ആശ്വാസമായി.."

ഡോക്ട‌ർ അത് തീരെ പ്രതീക്ഷിച്ചില്ല.

എങ്കിലും ഇത്തരം അനുഭവങ്ങളും അതിന്റെ ഭാഗമാണെന്നു ഡോക്‌ടർക്കറിയാം..,

അവസാനമായി അവർ ഡോക്‌ടറോട് മറ്റൊന്നു കൂടി പറഞ്ഞു..

ഞാൻ അവരുടെ ഭാര്യയാണെന്ന് അവർ മറന്നിടത്താണ് ഞാനെന്ന സ്ത്രീ പുതിയൊരാളെ തിരഞ്ഞത് "

എനിക്കു വേണ്ടതെല്ലാം അവരോടൊപ്പം ജീവിക്കുന്ന ആ വീട്ടിൽ നിന്നു തന്നെ ലഭിക്കുമായിരുന്നെങ്കിൽ എനിക്കു മറ്റൊരു വീട് തിരഞ്ഞു പോകേണ്ട കാര്യമില്ല,

എല്ലാം കാര്യങ്ങളും മനസിന് ഇഷ്ടമുണ്ടായിട്ട് ചെയ്യുന്നല്ല ചിലത് ശരീരത്തിൻ്റെ ഇഷ്ടങ്ങളാണ് "

അവരതു പറഞ്ഞു തീർന്നതും ഡോക്ടർക്കു കാര്യങ്ങളുടെ സ്ഥിതി ഏകദേശം മനസിലായി,

അതോടെ ഡോക്‌ടർ അവരെ പറഞ്ഞു വിട്ട് അവരുടെ ഭർത്താവിനെ തൻ്റെ മുറിയിലെക്ക് വിളിപ്പിച്ചു

എന്തായെന്നറിയാൻ ആകാംഷാപ്പൂർവ്വം വന്ന അയാളോട് ഡോക്ട‌ർ പറഞ്ഞു.

ചില കാര്യങ്ങളൊന്നും ഒരു സ്ത്രീയും അവരുടെ വീട്ടിൽ നിന്നു പഠിച്ചിട്ടു വരുന്നതല്ല വിവാഹം കൊണ്ടു മാത്രം പഠിക്കുന്നതാണ് അതു കൊണ്ടു തന്നെ അതിന്റെ തെറ്റും കുറ്റങ്ങളും കുറവുകളും പോരായ്മ‌കളും ആരു പഠിപ്പിച്ചുവോ അവരാൽ എവിടെ നിന്നു പഠിച്ചുവോ അവിടെ വെച്ചു തന്നെ പരിഹരിക്കുന്നതാണ് ഉത്തമം..!

ഡോക്ടർ പറഞ്ഞതു കേട്ട് അയാൾക്കൊന്നും മനസിലായില്ല തുടർന്ന് ഡോക്‌ടർ അയാളോട് പിന്നെയും പറഞ്ഞു.

കുറച്ചു കൂടി ലളിതമായി ഞാൻ നിങ്ങളോട് കുറച്ചു കാലം മുന്നേ നടന്ന ഒരു സംഭവക്കഥ പറയാം, അതു കേൾക്കുമ്പോൾ ചിലതെല്ലാം നിങ്ങൾക്ക് ബോധ്യപ്പെടും,

ഒന്നും മനസിലായില്ലെങ്കിലും അയാളതിനു തലയാട്ടി സമ്മതിച്ചു...

ഡോക്ടർ പറഞ്ഞു തുടങ്ങി,

വളരെ മാന്യനായ ഒരാൾ സ്ഥിരമായി എല്ലാ ആഴ്ച്ചയിലും ഒരു ദിവസം ഒരു വേശ്യസ്ത്രീയുടെ അടുത്തു പോകുന്നത് പതിവായി അങ്ങിനെ ഒരു ദിവസം ആ സ്ത്രീ അയാളോടു പറഞ്ഞു.,

രണ്ടു ദിവസം മുന്നേ ഞാൻ സാറിനേയും കുടുംബത്തേയും ഒരിടത്തുവെച്ചു കണ്ടെന്നും, സാറിന്റെ ഭാര്യ എന്തൊരു സുന്ദരിയാണെന്നും അവർ അയാളോടു പറഞ്ഞു,

തുടർന്ന് മറ്റൊന്നവർ അയാളോടു ചോദിച്ചു.

ഇത്ര സുന്ദരിയായ ഒരു ഭാര്യ കൂട്ടിനുള്ളപ്പോൾ സാറെന്തിനാ എന്നെ പോലുള്ള സ്ത്രീകളുടെ അടുത്ത് വരുന്നതെന്ന് ?

അപ്പോൾ അയാൾ അതിനു മറുപടിയായി പറഞ്ഞു,

അവൾക്കു പച്ചക്കറി മാത്രമേ വെക്കാനും കഴിക്കാനും അറിയു

പക്ഷെ എനിക്ക് നോൺവെജ് ആണു ഇഷ്ടമെന്ന്"

കഥ പറഞ്ഞു നിർത്തി കൂടെയുള്ള ആ സ്ത്രീയുടെ ഭർത്താവിനോട് ഡോക്ട‌ർ ചോദിച്ചു.

ഈ കഥയിൽ നിന്ന് എന്താണു നിങ്ങൾക്ക് മനസിലായെന്ന് ?

അതിനയാൾ മറുപടി പറഞ്ഞു, അയാളുടെ താൽപ്പര്യങ്ങൾക്കനുസരിച്ച് അയാളുടെ പെണ്ണുങ്ങള് ഒട്ടും പോരാന്ന്,

തുടർന്ന് ഡോക്ട‌ർ പറഞ്ഞു.

നിങ്ങളും ഭാര്യയോടു സംശയം തോന്നുമ്പോൾ ഈ കഥ ഒാർത്താൽ മതിയെന്ന്..!

ഉടനെ അയാൾ ചോദിച്ചു. ആ കഥയിലെ കണ്ട പെണ്ണുങ്ങളുടെ ഒക്കെ അടുത്തു പോകുന്ന അയാളുമായി എനിക്കെന്തു ബന്ധമാണുള്ളതെന്ന്..........??

അതു കേട്ടതും ഡോക്ടർ ഉള്ളിൽ പറഞ്ഞു,

ആ പൊളിച്ച്....!!!!!!

അല്ലെങ്കിലും മറ്റുള്ള സകല ആളുകളുടെയും പ്രശ്നങ്ങൾ പെട്ടന്നു തന്നെ മനസിലാക്കുകയും സ്വന്തം കാര്യം മാത്രം ഒരിക്കലും മനസിലാവുകയും ഇല്ലല്ലൊ നമ്മൾ മലയാളികൾക്ക്..,

ഡോക്‌ടർ അയാളോടതൊന്നും പറഞ്ഞില്ല, പകരം അയാളെ താൽക്കാലികമായി സമാധാനിപ്പിക്കാൻ മറ്റൊന്നു പറഞ്ഞു.

അവരിൽ അത്ര വലിയ കുഴപ്പങ്ങളൊന്നും കാണുന്നില്ലാന്നും തൽകാലം അവരുടെ നിലവിലുള്ള ഫോൺ എടുത്തുമാറ്റി പുതിയൊരു നമ്പർ എടുത്ത് വാട്ട്സ് ആപ്പും ഫേസ്ബുക്കും ഒന്നും ഇല്ലാത്ത ഒരു സാധാരണ ഫോൺ വാങ്ങി കൊടുക്കാൻ നിർദേശിച്ചു.

അതയാൾക്ക് ബോധിച്ചു അയാൾ ഡോക്‌ടർക്കു നന്ദി പറഞ്ഞ് അവിടം വിട്ടു പോവുകയും ചെയ്തു‌..

പക്ഷെ ഡോക്ടർക്കറിയാം

സുലൈമാനിയുടെ രുചി അറിഞ്ഞവർ പിന്നെയും അതു തന്നെ തേടിപ്പിടിച്ച് കുടിക്കുമെന്ന് "

അതുപ്പോലെ ആ സ്ത്രീ അവരുടെ കാമുകന്റെ നമ്പർ ഒരിക്കലും തൻ്റെ ഫോണിൽ സൂക്ഷിക്കില്ലെന്നും അവർക്കത് കാണാപാഠമായിരിക്കുമെന്നും..."

പലപ്പോഴും പല തെറ്റുകൾക്കും വഴിയൊരുങ്ങുന്നത് നമ്മളിലൂടെയാണെന്ന് നമ്മൾ പലപ്പോഴും മനസിലാക്കാറുപ്പോലുമില്ല...!

അതു കൊണ്ടാണ് ഇത്തിരി ആശ്വാസമായി തുടങ്ങുന്ന പലതും ഒത്തിരി ആശ്വാസത്തിലെക്ക് എളുപ്പം വഴിമാറുന്നതും,

നമ്മുക്ക് ചുറ്റുമുള്ള നമ്മുടെ സമൂഹം വേണ്ടത്ര ഗൗരവത്തോടെ മനസിലാക്കിയിട്ടില്ലാത്ത ഒരു കാര്യമുണ്ട്,

പണ്ടത്തെ പോലെ വിധിയാണെന്നു കരുതി സഹിച്ചും കടിച്ചമർത്തിയും കഴിയാൻ ഇന്നു പലരും തയ്യാറല്ലെ എന്ന യാദാർത്ഥ്യം....!

Pratheesh

18/09/2025

വാസ്കോഡിഗാമ കോഴിക്കോട്ട് കപ്പലിറങ്ങിയത് എവിടെയാണ് എന്ന് ചോദിച്ചാൽ കാപ്പാട് എന്ന് ഏതു കൊച്ചു കുട്ടിയും ഉത്തരം പറയും. എന്നാൽ അതാണോ സത്യം?

വാസ്കോഡിഗാമയുടെ കപ്പലിലെ ജേർണലിന്റെ വിവർത്തനം. A Journal of the First Voyage of Vasco da Gama, 1497-1499

അന്നു രാത്രി (മെയ് 20) ഞങ്ങൾ കോഴിക്കോട് പട്ടണത്തിൽ നിന്ന് രണ്ടു നാഴിക അകലെ നങ്കൂരമിട്ടു. കാരണം ഞങ്ങളുടെ കപ്പിത്താൻ അവിടത്തെ ഒരു പട്ടണമായ കാപ്‌നയെ കോഴിക്കോടായി തെറ്റിദ്ധരിച്ചു. കുറച്ചു ക്കൂടി അകലെ പന്തരാണി എന്നൊരു പട്ടണമുണ്ട്. ഞങ്ങൾ കരയിൽ നിന്ന് ഒന്നര നാഴിക അകലെയാണ് നങ്കൂരമിട്ടത്. ഞങ്ങൾ നങ്കൂരമിട്ട ശേഷം കരയിൽ നിന്ന് നാലു വള്ളങ്ങൾ ഞങ്ങളെ സമീപിച്ച്‌ ഞങ്ങൾ ഏതു രാജ്യക്കാരാണ് എന്ന് അന്വേഷിച്ചു. ഞങ്ങൾ മറുപടി പറഞ്ഞപ്പോൾ ഞങ്ങൾക്ക് കോഴിക്കോട് ചൂണ്ടിക്കാട്ടി തന്നു.

അടുത്ത ദിവസം (മെയ് 22) ഇതേ വള്ളങ്ങൾ അടുത്തു വന്നപ്പോൾ ക്യാപ്റ്റൻ- മേജർ തടവുകാരിൽ ഒരാളെ (ശിക്ഷയുടെ ഭാഗമായി ജീവനക്കാരുടെ ഒപ്പം കൊണ്ടു പോകുന്നവർ) കോഴിക്കോട്ടേക്കയച്ചു. അവരോടൊപ്പം പോയ അയാൾ കാസ്റ്റില്ല്യനും, ജെനോയിസും സംസാരിക്കാൻ അറിയുന്ന ട്യൂണിസിൽ നിന്നുള്ള രണ്ടു മൂറുകളെ കണ്ടു. അയാൾ കേട്ട ആദ്യ സ്വാഗത വചനം ഇതായിരുന്നു,’’നിന്നെ പിശാചു പിടിച്ചു പോട്ടെ, എങ്ങിനെ ഇവിടെ എത്തിപ്പെട്ടു?’’ എന്തു തിരക്കിയാണ് നാട്ടിൽ നിന്ന് ഇത്ര അകലെ വന്നത് എന്നവർ ചോദിച്ചു. ക്രിസ്ത്യാനികളെയും, സുഗന്ധ ദ്രവ്യങ്ങളേയും തേടിയാണ് വന്നതെന്ന് അയാൾ മറുപടി പറഞ്ഞു. അവർ പറഞ്ഞു,’’ കാസ്റ്റിലിന്റെ രാജാവോ, ഫ്രാൻസിലെ രാജാവോ, വെനീസിലെ ഭരണാധികാരികളോ ഇവിടേക്ക് ആളെ അയക്കാത്തതെന്താണ്?’’ പോർട്ടുഗീസ് രാജാവ് അങ്ങിനെ ചെയ്യാൻ അവർക്ക് അനുവാദം കൊടുക്കില്ല എന്നയാൾ മറുപടി പറഞ്ഞു. അത് ശരിയായ കാര്യമാണ് എന്നവർ പറഞ്ഞു. ഈ സംഭാഷണത്തിനു ശേഷം അവർഅയാളെ അവരുടെ താമസ സ്ഥലത്തേക്കു കൊണ്ടു പോയി ഗോതമ്പു റൊട്ടിയും, തേനും കൊടുത്തു. ഭക്ഷണ ശേഷം അയാൾ ഒരു മൂറിനോടൊപ്പം കപ്പലുകളിലേക്കു മടങ്ങി വന്നു. അയാളോടൊപ്പമുണ്ടായിരുന്ന ഒരു മൂർ കപ്പലിൽ കയറിയ ഉടനെ ഇങ്ങനെ പറഞ്ഞു,’’ഭാഗ്യമുള്ള ഉദ്യമം, ഭാഗ്യമുള്ള ഉദ്യമം! കണ്ടമാനം പുഷ്യരാഗങ്ങൾ, കണ്ടമാനം മരതകങ്ങൾ! ഇത്ര സമ്പന്നമായ ഒരു രാജ്യത്തേക്കു കൊണ്ടു വന്നതിന് നിങ്ങൾ ദൈവത്തിനു നന്ദി പറയണം!’’ അയാളുടെ സംസാരം കേട്ട് ഞങ്ങൾ അതിശയിച്ചു. കാരണം പോർച്ചുഗലിൽ നിന്ന് ഇത്ര അകലെ ഞങ്ങളുടെ ഭാഷ കേൾക്കുമെന്ന് ഞങ്ങൾ ഒരിക്കലും കരുതിയില്ല.

കോഴിക്കോട് പട്ടണത്തിൽ നിറയെ ക്രിസ്ത്യാനികളുണ്ട്. (ആദ്യ യാത്രികർ ഹിന്ദുക്കളെ ക്രിസ്ത്യാനികളായി തെറ്റിദ്ധരിച്ചു.) അവർ കരുവാളിച്ച നിറമുള്ളവരാണ്. അവരിൽ ചിലർക്ക് നീണ്ട താടിയും, മുടിയുമുണ്ട്. വേറെ ചിലർ ക്രിസ്ത്യാനികളാണെന്നു സൂചിപ്പിക്കാൻ തലയ്ക്കു മുകളിൽ ഒരു കെട്ടു മുടി മാത്രം നിർത്തി മുടി വെട്ടി ചെറുതാക്കുകയോ, വടിക്കുകയോ ചെയ്തിട്ടുണ്ട്. അവർക്കു മീശയുമുണ്ട്. അവർ കാതു തുളച്ച് ധാരാളം സ്വർണ്ണം ധരിക്കും. കാലുകൾ വളരെ നല്ല പരുത്തി വസ്ത്രങ്ങൾ കൊണ്ടു മറയ്ക്കുന്ന അവർ അര വരെ നഗ്നരാണ്. പക്ഷെ വളരെ ബഹുമാന്യരായവർ മാത്രമേ അങ്ങിനെ ചെയ്യാറുള്ളൂ. ബാക്കിയുള്ളവർ അവരെക്കൊണ്ടു പറ്റുന്ന പോലെ നടക്കും. പൊതുവേ പറഞ്ഞാൽ, ഈ രാജ്യത്തെ സ്ത്രീകൾ ഭംഗിയില്ലാത്തവരും,ഉയരം കുറഞ്ഞവരുമാണ്. അവർ കഴുത്തിൽ സ്വർണ്ണം കൊണ്ടുള്ള ധാരാളം ആഭരണങ്ങളും, കൈകളിൽ അനേകം വളകളും, വിലപിടിപ്പുള്ള രത്‌നങ്ങൾ പിടിപ്പിച്ച മോതിരങ്ങൾ കാൽവിരലുകളിലും ധരിക്കും. ഈ ആളുകളെല്ലാം നല്ലവരും, മാന്യരുമാണ് എന്നാണ് മനസ്സിലാകുന്നത്. ആദ്യ കാഴ്ചയിൽ അവരെ അത്യാഗ്രഹികളും, വിവരം കെട്ടവരുമായി തോന്നിയിരുന്നു.

ഞങ്ങൾ കോഴിക്കോട്ടെത്തുമ്പോൾ രാജാവ് പതിനഞ്ചു നാഴിക അകലെയായിരുന്നു. പോർട്ടുഗീസ് രാജാവിൽ നിന്നുള്ള കത്തുകളുമായി ഒരു രാജ പ്രതിനിധി വന്നിട്ടുണ്ടെന്നും, രാജാവ് താല്പര്യപ്പെട്ടാൽ രാജാവ് അപ്പോൾ ഉള്ള സ്ഥലത്ത് അത് എത്തിക്കാമെന്നുമുള്ള സന്ദേശവുമായി ക്യാപ്റ്റൻ- മേജർ രണ്ടു പേരെ അയച്ചു. ഈ സന്ദേശവുമായി ചെന്നവർക്ക് രാജാവ് മനോഹരമായ തുണിത്തരങ്ങൾ സമ്മാനിച്ചു. അദ്ദേഹം ക്യാപ്റ്റൻ- മേജറെ സ്വാഗതം ചെയ്തുകൊണ്ട് താൻ കോഴിക്കോട്ടേക്കു പുറപ്പെടുകയാണ് എന്നറിയിച്ചു. ശരിക്കു പറഞ്ഞാൽ അദ്ദേഹം തന്റെ വലിയ പരിവാരവൃന്ദത്തോടൊപ്പം ഉടനെത്തന്നെ പുറപ്പെട്ടു. ഞങ്ങൾ ആദ്യം നങ്കൂരമിട്ട സ്ഥലത്തിനു (കാപ്‌ന) താഴെയുള്ള പന്തരാണി എന്ന സ്ഥലത്തേക്കു ഞങ്ങളെ കൊണ്ടുപോകാനുള്ള ഉത്തരവുമായി ഒരു കപ്പിത്താൻ ഞങ്ങളുടെ രണ്ട് ആളുകളോടൊപ്പം വന്നു. ഈ സമയം ഞങ്ങൾ ശരിക്കും കോഴിക്കോട് പട്ടണത്തിന്റെ മുന്നിലായിരുന്നു. ഞങ്ങൾ പോകാനുദ്ദേശിക്കുന്ന സ്ഥാനം നങ്കൂരമിടാൻ പറ്റിയ സ്ഥലമാണെന്നും, ഇപ്പോഴത്തെ സ്ഥലം കല്ലു നിറഞ്ഞ അടിത്തട്ടായതിനാൽ അത്ര ഗുണമില്ല എന്നും ഞങ്ങളെ അറിയിച്ചു. അത് സത്യമായിരുന്നു. മാത്രമല്ല, ഈ രാജ്യത്തേക്കു വരുന്ന കപ്പലുകൾ സുരക്ഷക്കായി അവിടെ നങ്കൂരമിടുകയാണ് പതിവ്. ഞങ്ങൾക്ക് അത് അത്ര സുഖകരമായി തോന്നിയില്ല. ഈ രാജകീയ സന്ദേശം ലഭിച്ച ഉടനെ ക്യാപ്റ്റൻ- മേജർ പായകൾ ഉയർത്താൻ ഉത്തരവിട്ടു. ഞങ്ങൾ താമസിയാതെ പുറപ്പെട്ടു. എങ്കിലും ഞങ്ങൾ രാജാവിന്റെ കപ്പിത്താൻ ആഗ്രഹിച്ചത്ര കരയോടടുത്ത് നങ്കൂരമിട്ടില്ല.

ഞങ്ങൾ നങ്കൂരമിട്ടു കിടക്കവേ രാജാവ് കോഴിക്കോടു പട്ടണത്തിലെത്തിക്കഴിഞ്ഞു എന്നൊരു സന്ദേശം ക്യാപ്റ്റൻ- മേജർക്കു ലഭിച്ചു. അതെ സമയം തന്നെ ക്യാപ്റ്റൻ- മേജറെ രാജാവിനടുത്തേക്ക് ആനയിക്കാൻ ഒരു അധികാരിയെ പ്രമാണികളോടൊപ്പം രാജാവ് പന്തരാണിയിലേക്കയച്ചിരുന്നു. ഈ അധികാരി കോട്ടയുടെ അധിപതി(alcaide) പോലെയാണ്. വാളും പരിചയുമേന്തിയ ഇരുന്നൂറോളം പേർ എപ്പോഴും അദ്ദേഹത്തോടൊപ്പമുണ്ടാകും. ഈ സന്ദേശം ലഭിക്കുമ്പോൾ സമയം വളരെ വൈകിയതുകൊണ്ട് ക്യാപ്റ്റൻ- മേജർ പുറപ്പെടാൻ മടിച്ചു.

അടുത്ത ദിവസം മെയ് ഇരുപത്തെട്ടാം തീയ്യതി തിങ്കളാഴ്ച കാലത്ത് ക്യാപ്റ്റൻ- മേജർ അദ്ദേഹത്തിന്റെ പതിമൂന്നു കൂട്ടാളികൾക്കൊപ്പം രാജാവുമായുള്ള കൂടികാഴ്ചക്കു പുറപ്പെട്ടു. കരക്കിറങ്ങിയ ക്യാപ്റ്റൻ- മേജറെ അധികാരി സ്വീകരിച്ചു. അദ്ദേഹത്തോടൊപ്പം ആയുധം ധരിച്ചവരും,അല്ലാത്തവരുമായ ധാരാളം ആളുകളുണ്ടായിരുന്നു. സ്വീകരണം സൗഹാർദ്ദപരമായിരുന്നു. ഊരിപ്പിടിച്ച വാളുകളുമായി നിൽക്കുന്നത് ആദ്യ കാഴ്ചയിൽ ഭയപ്പെടുത്തിയെങ്കിലും, ആളുകൾ ഞങ്ങളെ കണ്ടു സന്തോഷിക്കുന്നതുപോലെ തോന്നി. ക്യാപ്റ്റൻ- മേജർക്ക് ഈ രാജ്യത്തെ പ്രമാണിമാരും, ചില കച്ചവടക്കാരും ഉപയോഗിക്കുന്ന തരത്തിലുള്ള ഒരു പല്ലക്ക്, ഈ അവകാശത്തിനായി രാജാവിന് എന്തോ കൊടുക്കേണ്ടതുണ്ട്, തയ്യാറാക്കിയിരുന്നു. ക്യാപ്റ്റൻ- മേജർ പ്രവേശിച്ച പല്ലക്ക് ആറുപേർ മാറി മാറി ചുമന്നു. ഇത്രയധികം ആളുകളുമായി പരിസേവിതരായി കോഴിക്കോട്ടേക്കു പുറപ്പെട്ട ഞങ്ങൾ ആദ്യം കാപ്‌ന എന്ന മറ്റൊരു പട്ടണത്തിലെത്തി. ഇവിടെ ക്യാപ്റ്റൻ- മേജറെ സ്ഥലത്തെ ഒരു പ്രമാണിയുടെ വീട്ടിൽആനയിച്ചിരുത്തി. കൂടെയുള്ള ഞങ്ങൾക്ക് ചോറും, ധാരാളം വെണ്ണയും നല്ല ഒന്നാം തരം വേവിച്ച മീനുമടങ്ങുന്ന ഭക്ഷണം നൽകി. ക്യാപ്റ്റൻ- മേജർ ഭക്ഷണം കഴിക്കാൻ താല്പര്യപ്പെട്ടില്ല. ഭക്ഷണ ശേഷം ഞങ്ങൾ കടലിനും, കരക്കും ഇടയിലൂടെ ഒഴുകുന്ന അടുത്തുള്ള ഒരു പുഴയിലൂടെ യാത്ര തുടങ്ങി. ഞങ്ങൾ കയറിയ രണ്ടു തോണികൾ ഞങ്ങൾ കൂട്ടം തെറ്റി പോകാതിരിക്കാനായി ഒരുമിച്ചു കൂട്ടിക്കെട്ടിയിരുന്നു. ആളുകൾ തിങ്ങിക്കയറിയ ധാരാളം തോണികളുണ്ടായിരുന്നു. കരയിലുണ്ടായിരുന്ന ആളുകളെക്കുറിച്ച് ഞാൻ ഒന്നും പറയുന്നില്ല. അവർ അസംഖ്യം പേരുണ്ടായിരുന്നു. എല്ലാവരും ഞങ്ങളെ കാണാൻ വന്നവർ. ഞങ്ങൾ പുഴയിലൂടെ ഒരു നാഴികയോളം യാത്ര ചെയ്തു. ധാരാളം വലിയ കപ്പലുകൾ കരയിൽ കയറ്റി വച്ചിരിക്കുന്നതു കണ്ടു. കാരണം ഇവിടെ തുറമുഖമില്ല.

ഞങ്ങൾ കരക്കിറങ്ങിയപ്പോൾ ക്യാപ്റ്റൻ- മേജർ വീണ്ടും അദ്ദേഹത്തിന്റെ പല്ലക്കിൽ കയറി. തെരുവു മുഴുവൻ ഞങ്ങളെ കാണാൻ ആകാംഷാഭരിതരായി തിങ്ങിക്കൂടിയവരെക്കൊണ്ടു നിറഞ്ഞിരുന്നു. സ്ത്രീകൾ പോലും വീടുകൾ വിട്ടിറങ്ങി അവരുടെ കുട്ടികളുമായി ഞങ്ങളെ അനുഗമിച്ചു. ഞങ്ങൾ കോഴിക്കോട് പട്ടണത്തിലെത്തിയപ്പോൾ ഞങ്ങളെ വലിയൊരു പള്ളിയിലേക്കു കൊണ്ടുപോയി. ഞങ്ങൾ അവിടെ കണ്ടത് ഇതാണ്: പള്ളിയുടെ കെട്ടിടം ഒരു സന്യാസ മഠത്തോളം വലുതാണ്. എല്ലാം ചെത്തിമിനുക്കിയ കല്ലു കൊണ്ട് പണിത് ഓടു വിരിച്ചത്. പ്രധാന കവാടത്തിൽ ഒരു പായ് മരത്തോളം ഉയരമുള്ള ഓടു കൊണ്ടുള്ള ഒരു തൂണ് നിൽക്കുന്നുണ്ട്. അതിനു മുകളിൽ കോഴിയെപ്പോലെ തോന്നിക്കുന്ന ഒരു പക്ഷിയെ ഉറപ്പിച്ചിട്ടുണ്ട്. ഇതു കൂടാതെ ഒരാൾ പൊക്കത്തിൽ തടിച്ച മറ്റൊരു തൂണുമുണ്ട്. പള്ളിക്കെട്ടിടത്തിന്റെ നടുവിൽ ചാപ്പൽ ഉയർന്നു നിൽക്കുന്നു. എല്ലാം മിനുസപ്പെടുത്തിയ കല്ലുകൊണ്ട് നിർമ്മിച്ചത്. അതിന് ഒരാൾക്കു കടക്കാൻ പാകത്തിനുള്ള ഓടു കൊണ്ടുള്ള വാതിലും, അതിലേക്കു നയിക്കുന്ന കല്പടവുകളുമുണ്ട്. ഈ ഗർഭഗൃഹത്തിനുള്ളിൽ നമ്മുടെ മാതാവിന്റെ ഒരു ചെറിയ രൂപമുണ്ട്. പ്രധാന കവാടത്തിനടുത്തുള്ള ചുവരിൽ ഏഴു ചെറിയ മണികൾ തൂങ്ങിക്കിടന്നിരുന്നു. പള്ളിയിൽ ക്യാപ്റ്റൻ- മേജർ അദ്ദേഹത്തിന്റെ പ്രാർത്ഥനകൾ നടത്തി. ഞങ്ങളും ഒപ്പം ചേർന്നു.

ഞങ്ങൾ ചാപ്പലിനകത്തേക്കു കയറിയില്ല, കാരണം ക്വാഫീകൾ (Quafees) എന്നറിയപ്പെടുന്ന പള്ളിയുടെ ചില സേവകർക്കു മാത്രമേ അകത്തു കടക്കാവൂ എന്നാണ് ആചാരം. ഈ ക്വാഫീകൾ നമ്മുടെ ഡീക്കന്മാർ അംഗവസ്ത്രം ധരിക്കുന്ന രീതിയിൽ അവരുടെ ഇടത്തേ തോളിലൂടെ വലത്തേ കയ്യുടെ അടിയിലൂടെ പോകുന്ന തരത്തിൽ ചില ചരടുകൾ ധരിച്ചിരുന്നു. അവർ ഞങ്ങളുടെ ദേഹത്ത് തീർത്ഥജലം തളിച്ച്, ഒരു തരം വെളുത്ത മണ്ണ് നൽകി. അത് നെറ്റിയിലും,നെഞ്ചത്തും, കഴുത്തിലും മുൻകയ്യിലും പൂശുക എന്നതാണ് ഈ രാജ്യത്തെ ക്രിസ്ത്യാനികളുടെ ആചാരം. അവർ ക്യാപ്റ്റൻ- മേജറുടെ ദേഹത്ത് തീർത്ഥജലം തളിച്ച് അദ്ദേഹത്തിന് വെളുത്ത മണ്ണു നൽകി. താനത് പിന്നീട് ധരിച്ചുകൊള്ളാം എന്നു ധരിപ്പിച്ച് അദ്ദേഹം അത് പ്രധാനികളിൽ ആരെയോ ഏൽപ്പിച്ചു. പള്ളിയുടെ ചുമരുകളിൽ കിരീടം ധരിച്ച ധാരാളം പുണ്യാളൻമാരുടെ ചിത്രങ്ങളുണ്ടായിരുന്നു. പല്ലുകൾ വായിൽ നിന്ന് ഒരിഞ്ചു പുറത്തേക്കു തള്ളി നിൽക്കുന്ന വിധത്തിലും, നാലോ അഞ്ചോ കൈകളുള്ള വിധത്തിലും പലതരത്തിൽ അവരെ ചിത്രീകരിച്ചിരുന്നു. ഈ പള്ളിയുടെ താഴെ ഞങ്ങൾ വഴി നീളെ ധാരാളമായി കണ്ടതു പോലത്തെ കല്ലു കെട്ടിയ വലിയൊരു കുളമുണ്ട്.

ഞങ്ങൾ ആ സ്ഥലത്തു നിന്ന് ഇറങ്ങി പട്ടണത്തിന്റെ (കോഴിക്കോടിന്റെ) പ്രവേശന കവാടത്തിലെത്തിയപ്പോൾ ഞങ്ങളെ വേറൊരു പള്ളിയിലേക്കു കൊണ്ടുപോയി. ഇവിടെയും ഞങ്ങൾ മുകളിൽ വിവരിച്ച കാര്യങ്ങൾ കണ്ടു. ഇവിടെ കാണാമാനം ആളുകൾ കൂടി തെരുവിലൂടെ മുന്നോട്ടുള്ള യാത്ര ഏതാണ്ട് അസാധ്യമായിത്തീർന്നു. അതു കാരണത്താൽ അവർ ക്യാപ്റ്റൻ- മേജറേയും ഞങ്ങളെയും ഒരു വീട്ടിലാക്കി. അധികാരിയുടെ ഒരു സഹോദരനായ, ഈ പ്രദേശത്തെ ഒരു പ്രഭുവിനെ രാജാവ് ക്യാപ്റ്റൻ- മേജറെ അനുഗമിക്കാനായി അയച്ചിരുന്നു. അദ്ദേഹത്തോടൊപ്പം ചെണ്ടമേളക്കാരും, കൊമ്പുകുഴൽക്കാരും,തോക്കു കൊണ്ട് വെടി പൊട്ടിക്കുന്നവരും ഉണ്ടായിരുന്നു. ക്യാപ്റ്റൻ- മേജറെ എഴുന്നള്ളിക്കുന്നതിൽ അവർ വളരെയധികം ബഹുമാനം കാണിച്ചു. സ്പെയിനിൽ ഒരു രാജാവിനു കിട്ടുന്നതിനേക്കാൾ ഏറെ. അസംഖ്യം ആളുകൾ കൂടിയിട്ടുണ്ടായിരുന്നു. രണ്ടായിരം ആയുധധാരികളടക്കം ഞങ്ങളുടെ ചുറ്റുമുള്ളവർ കൂടാതെ അവർ വീടുകളുടെ മുകളിൽ തിങ്ങി നിറഞ്ഞിരുന്നു.

ഞങ്ങൾ രാജാവിന്റെ കൊട്ടാരത്തോടടുക്കും തോറും അവരുടെ എണ്ണം കൂടിവന്നു. ഞങ്ങളവിടെ എത്തിയപ്പോൾ ഉയർന്ന ആളുകളും വലിയ പ്രഭുക്കന്മാരും ക്യാപ്റ്റൻ- മേജറെ കാണാനായി ഇറങ്ങി വന്ന് നേരെത്തെ അദ്ദേഹത്തിന്റെ ചുറ്റും ഉണ്ടായിരുന്നവരുടെ കൂടിച്ചേർന്നു. അപ്പോൾ സമയം സൂര്യൻ അസ്തമിക്കുന്നതിനു ഒരു മണിക്കൂർ മുൻപാണ്. ഞങ്ങൾ കൊട്ടാരത്തിലെത്തിയപ്പോൾ കൂറ്റനൊരു കവാടത്തിലൂടെ വലിയൊരു നടുമുറ്റത്തേക്കു പ്രവേശിച്ചു. ഞങ്ങൾ രാജാവിന്റെ അടുത്തെത്തുന്നതിനു മുൻപ് ഞങ്ങൾക്ക് നാലു വാതിലുകളിലൂടെ തിങ്ങിഞെരുങ്ങി, ആളുകളെ അടിച്ചൊതുക്കി പ്രവേശിക്കേണ്ടി വന്നു. അങ്ങിനെ ഒടുവിൽ രാജാവ് എഴുന്നള്ളിയിരിക്കുന്നതിന്റെ അടുത്തുള്ള വാതിലിനടുത്തെത്തിയപ്പോൾ വയസ്സായ ഒരു കുറിയ മനുഷ്യൻ അതിലൂടെ പുറത്തു വന്നു. ബിഷപ്പിനു തുല്യമായ സ്ഥാനം വഹിക്കുന്ന ഇദ്ദേഹത്തിന്റെ ഉപദേശപ്രകാരമാണ് രാജാവ് പള്ളിയുടെ സകല കാര്യങ്ങളും തീരുമാനിക്കുന്നത്. വാതിലിലൂടെ പ്രവേശിച്ച ഇദ്ദേഹം ക്യാപ്റ്റൻ- മേജറെ ആലിംഗനം ചെയ്തു. ഈ വാതിൽക്കൽ വച്ച് ധാരാളം പേർക്ക് പരിക്കേറ്റിരുന്നു. വലിയ തോതിൽ ബലപ്രയോഗം നടത്തിയാണ് ഞങ്ങൾ അകത്തു കടന്നത്.

മെയ് 28. രാജാവ് ചെറിയൊരു സഭയിൽ പച്ച വെൽവെറ്റു കൊണ്ടു പൊതിഞ്ഞ ഒരു കട്ടിലിൽ വിരിച്ചിട്ട നല്ലൊരു മെത്തയിൽ ചാരിയിരിക്കുകയായിരുന്നു. മെത്തയിൽ ഏതൊരു പരുത്തിത്തുണിയെക്കാളും മികച്ച ഒരു വെള്ളത്തുണി വിരിച്ചിരുന്നു. രാജാവിന്റെ ഇടതു കയ്യിൽ ഏതാണ്ട് അര അൽമൂദ് (എട്ടു പൈന്റ്) കൊള്ളുന്ന സ്വർണ്ണം കൊണ്ടുള്ള വലിയൊരു പാത്രം (കോളാമ്പി) ഉണ്ടായിരുന്നു. ഈ പാത്രത്തിന് രണ്ടു കൈ (പതിനാറ് ഇഞ്ച്) വിസ്താരമുണ്ടായിരുന്നു. അതിനു നല്ല ഭാരമുണ്ട് എന്നാണ് മനസ്സിലാകുന്നത്. ഈ രാജ്യത്തെ ആളുകൾ അതംബൂർ എന്നു വിളിക്കുന്ന, രസത്തിനായി ചവക്കുന്ന ചില സസ്യഭാഗങ്ങളുടെ തൊണ്ട് ഈ പാത്രത്തിലേക്ക് രാജാവ് എറിഞ്ഞുകൊണ്ടിരുന്നു. രാജാവിന്റെ വലതു ഭാഗത്ത് ഒരാൾക്ക് പിടിച്ചാൽ എത്താത്തത്ര വലുപ്പമുള്ള ഒരു സ്വർണ്ണ തളികയുണ്ടായിരുന്നു. അതിൽ സസ്യഭാഗങ്ങൾ ഉണ്ടായിരുന്നു. അതേപോലെ ധാരാളം വെള്ളി കൂജകളും ഉണ്ടായിരുന്നു. കട്ടിലിന്റെ മേൽക്കട്ടി മുഴുവൻ സ്വർണ്ണമായിരുന്നു.

ക്യാപ്റ്റൻ- മേജർ പ്രവേശിച്ച ഉടനെ ഈ രാജ്യത്തെ രീതിയനുസരിച്ചുള്ള അഭിവാദനം ചെയ്തു. കൈകൾ കൂപ്പി, ക്രിസ്ത്യാനികൾ ദൈവത്തെ ചെയ്യുമ്പോഴെന്നപോലെ ആകാശത്തേക്കുയർത്തി, പെട്ടെന്ന് കൈകൾ തുറക്കുകയും മുഷ്ടി ചുരുട്ടുകയും ചെയ്തു. രാജാവ് വലതു കൈ കൊണ്ട് ക്യാപ്റ്റൻ- മേജറെ അടുത്തേക്കു ചെല്ലാൻ ആംഗ്യം കാണിച്ചു. പക്ഷെ ക്യാപ്റ്റൻ- മേജർ അടുത്തേക്കു ചെന്നില്ല, കാരണം ഈ രാജ്യത്തെ രീതിയനുസരിച്ച് രാജാവിന് ചവയ്ക്കാനുള്ള സസ്യങ്ങൾ കൊടുക്കുന്ന സേവകനല്ലാതെ ആരും അടുത്തു ചെല്ലാൻ പാടില്ല. ആരെങ്കിലും രാജാവിനോടു സംസാരിക്കുമ്പോൾ കൈകൾ കൊണ്ട് വായ പൊത്തി കുറച്ച് അകന്നു നിൽക്കണം. രാജാവ് ക്യാപ്റ്റൻ- മേജറെ കൈ കാട്ടി വിളിച്ചതിനോടൊപ്പം അദ്ദേഹം മറ്റുള്ളവരെ (അതായത് ഗാമയുടെ ആളുകളെ) നോക്കി അവരെ തനിക്കു കാണാവുന്ന വിധത്തിൽ അടുത്തുള്ള ഒരു കൽ ബഞ്ചിൽ ഇരിക്കാൻ ആജ്ഞാപിച്ചു. അവർക്കു കൈകൾ കഴുകാൻ വെള്ളവും, കഴിക്കാൻ ഫലങ്ങളും നൽകാൻ അദ്ദേഹം ഉത്തരവിട്ടു. അതിലൊരെണ്ണം മത്തൻ പോലെയുണ്ടായിരുന്നു. പുറം ഭാഗം പരുക്കനും, ഉള്ളിൽ നല്ല മധുരവും ആയിരുന്നു എന്നു മാത്രം. അത്തി പഴം പോലിരിക്കുന്ന വേറൊരെണ്ണം വളരെ സ്വാദിഷ്ടമായിരുന്നു. ഈ പഴങ്ങൾ കഴിക്കാൻ തയ്യാറാക്കാൻ ആളുകളുണ്ടായിരുന്നു. രാജാവ് ഫലങ്ങൾ ഭക്ഷിക്കുന്നവരെ നോക്കി പുഞ്ചിരിച്ചു കൊണ്ട് നേരത്തെ പറഞ്ഞ സസ്യഭാഗങ്ങൾ എടുത്തു കൊടുക്കുന്ന സേവകനോട് സംസാരിക്കുകയും ചെയ്തു കൊണ്ടിരുന്നു.

അതിനു ശേഷം അദ്ദേഹം തന്റെ അഭിമുഖമായി ഇരിക്കുന്ന ക്യാപ്റ്റൻ- മേജറെ നോക്കിക്കൊണ്ട് സദസ്യരെ അഭിസംബോധന ചെയ്യാനും,അവരൊക്കെ വലിയ പ്രമാണിമാരാണെന്നും, പറയാനുള്ളതെല്ലാം അവരോടു പറയാമെന്നും, അവരത് തന്നെ (രാജാവിനെ) ബോധിപ്പിച്ചു കൊള്ളുമെന്നും പറഞ്ഞു. ക്യാപ്റ്റൻ- മേജർ താൻ പോർട്ടുഗൽ രാജാവിന്റെ പ്രതിനിധിയാണെന്നും, വ്യക്തിപരമായി ബോധിപ്പിക്കാനുള്ള ഒരു സന്ദേശവുമായാണ് വന്നിരിക്കുന്നതെന്നും മറുപടി പറഞ്ഞു. രാജാവ് അതു നല്ല കാര്യമാണെന്നു സമ്മതിക്കുകയും, അദ്ദേഹത്തെ ഒരു മുറിയിലേക്കു കൊണ്ടു പോകാനും ആജ്ഞാപിച്ചു. ക്യാപ്റ്റൻ- മേജർ മുറിയിൽ പ്രവേശിച്ചപ്പോൾ രാജാവും എഴുന്നേറ്റ് അദ്ദേഹത്തോടൊപ്പം ചെന്നു. ബാക്കിയുള്ളവർ അവിടെത്തന്നെ ഇരുന്നു. ഇതെല്ലം സംഭവിക്കുന്നത് സൂര്യാസ്തമനത്തോടടുത്താണ്. രാജാവ് എഴുന്നേറ്റ ഉടനെ സദസിലുണ്ടായിരുന്ന ഒരു വൃദ്ധൻ കട്ടിലെടുത്തു മാറ്റി. തളിക അവിടെത്തന്നെ വച്ചു. രാജാവ് ക്യാപ്റ്റൻ- മേജറുള്ള മുറിയിൽ പ്രവേശിച്ച ഉടനെ സ്വർണ്ണക്കസവും പലവിധ അലങ്കാരങ്ങളുമുള്ള മറ്റൊരു കട്ടിലിൽ കിടന്നു കൊണ്ട് ക്യാപ്റ്റൻ- മേജർക്ക് എന്താണ് വേണ്ടതെന്നു ചോദിച്ചു.

ഇത്രയൊക്കെ കാര്യമായി സ്വീകരിക്കപ്പെട്ട ഗാമയും, സാമൂതിരിയുമായി പിന്നെ തെറ്റിയതെങ്ങിനെയായിരുന്നു?

Malayali Online

27/10/2025

13/10/2025

10/10/2025

03/10/2025

01/10/2025

01/10/2025

29/09/2025

25/09/2025

24/09/2025

19/09/2025

18/09/2025

18/09/2025

Address

Website

Alerts

Contact The Business

Shortcuts

Share