AKAM

AKAM The inward path

നിന്റെ ഏകാന്തതയിൽ ഞങ്ങളുടെ പകലുകളെ നീ കണ്ടിരുന്നു.നിന്റെ ഉണർവിൽ ഞങ്ങളുടെ നിദ്രയിലെ ചിരിയും കരച്ചിലും നീ കേട്ടിട്ടുണ്ട്.ജ...
16/08/2025

നിന്റെ ഏകാന്തതയിൽ ഞങ്ങളുടെ പകലുകളെ നീ കണ്ടിരുന്നു.നിന്റെ ഉണർവിൽ ഞങ്ങളുടെ നിദ്രയിലെ ചിരിയും കരച്ചിലും നീ കേട്ടിട്ടുണ്ട്.
ജനിമൃതികൾക്കിടയിൽ നിനക്ക് തെളിഞ്ഞുകിട്ടിയ എല്ലാ പൊരുളുകളും ഞങ്ങളോട് പറയുക.

അവൻ പറഞ്ഞു : ഓർഫലീസിലെ ജനങ്ങളെ, നിങ്ങളുടെ പ്രാണനെ തൊടുന്ന എന്തിനെക്കുറിച്ചാണ് ഞാൻ സംസാരിക്കേണ്ടത്...

നിനവിൽ രണ്ടു പ്രാക്കളുടെ നാടോടിക്കഥ കുറുകുന്നുണ്ട്.തീറ്റ തേടിപ്പോയ ആൺ പ്രാവ് മടങ്ങി വന്നില്ല. വേടന്റെ കൂട്ടിലാണ് പിന്നീട...
11/08/2025

നിനവിൽ രണ്ടു പ്രാക്കളുടെ നാടോടിക്കഥ കുറുകുന്നുണ്ട്.
തീറ്റ തേടിപ്പോയ ആൺ പ്രാവ് മടങ്ങി വന്നില്ല. വേടന്റെ കൂട്ടിലാണ് പിന്നീടവനെ കണ്ടത്. പിറകെ പറന്ന് പെൺ പ്രാവ് അവനു വേണ്ടി കെഞ്ചുന്നുണ്ട്. വേടൻ അത് ശ്രദ്ധിക്കുന്നതേയില്ല. യാത്ര തുടരുന്നു. സന്ധ്യയായി .അടിമുടി മരവിപ്പിക്കുന്ന തണുത്ത കാറ്റ്, മഞ്ഞ്. കൂനിപ്പിടിച്ച് വേടൻ ഇപ്പോൾ ഇരിക്കുന്നത് ആ കിളികൾ ചേക്കേറുന്ന മരച്ചുവട്ടിലാണ്. ആൺകിളി പറഞ്ഞു: നമ്മുടെ അതിഥിയാണയാൾ. അയാൾക്ക് വിശക്കുകയും തണുക്കുകയും ചെയ്യുന്നു.പെൺകിളി പറഞ്ഞു: ഞാൻ പോയി ചുള്ളിക്കമ്പുകൾ കൊണ്ടു വരാം.അത് കത്തിത്തുടങ്ങുമ്പോൾ, അവനത്താഴമായി ഞാൻ അതിൽ മൊരിയാം. കിളികളുടെ വർത്തമാനം കേട്ട് വേടന് ചങ്കു വേദന തോന്നി. ആതിഥ്യം അത്ര സരളമായ ഒരു കർമമല്ല എന്ന് ഓർമ്മിപ്പിക്കാനാവണം നമ്മുക്കിടയിൽ ഇങ്ങനെ ചില കഥകൾ ഉണ്ടായത്.അതിൽ അസാധാരണ ത്യാഗത്തിന്റെ തിളങ്ങുന്ന മലർപ്പൊടിയുണ്ട്.

മനുഷ്യനോടൊപ്പം ഒരു നായ എല്ലാ കാലങ്ങളിലും ഉരുമ്മിയുരുമ്മി കൂടെയുണ്ടായിരുന്നു.ഇത്രയും ജൈവവൈവിധ്യമുള്ള ഒരു പ്രപഞ്ചത്തിൽ മനസ...
10/08/2025

മനുഷ്യനോടൊപ്പം ഒരു നായ എല്ലാ കാലങ്ങളിലും ഉരുമ്മിയുരുമ്മി കൂടെയുണ്ടായിരുന്നു.
ഇത്രയും ജൈവവൈവിധ്യമുള്ള ഒരു പ്രപഞ്ചത്തിൽ
മനസ്സറിഞ്ഞ് ഒരു ജീവിയും അവനു കൂട്ടു വന്നിട്ടില്ലെന്നോർക്കണം.ചെന്നായ മനുഷ്യനുവേണ്ടി മെരുങ്ങിയെന്നാണ് നായയുടെ ചരിത്രം.
എത്ര അവഗണിച്ചിട്ടും ഹൃദയം കഠിനമാക്കിയിട്ടും പിൻകാലുകൊണ്ട് തൊഴിച്ചകറ്റാൻ ശ്രമിച്ചിട്ടും ഏതോ ചില സ്നേഹങ്ങൾ കിതച്ചുകിതച്ച് പിന്നാലെ എത്തുന്നതുകൊണ്ടാണ്
ഭൂമി ഇപ്പോഴും ഭേദപ്പെട്ട ഒരിടമായി നിലനിൽക്കുന്നത്.

നിങ്ങളുടെ,സ്വന്തം വീട്ടിലേക്കു നടക്കുമ്പോൾഅന്യരെക്കൂടി ഓർക്കുക,തമ്പുകളിൽ കഴിയുന്നവരെ മറക്കാതിരിക്കുക.നിങ്ങളുറങ്ങുമ്പോൾ, ...
28/07/2025

നിങ്ങളുടെ,സ്വന്തം വീട്ടിലേക്കു നടക്കുമ്പോൾ
അന്യരെക്കൂടി ഓർക്കുക,
തമ്പുകളിൽ കഴിയുന്നവരെ മറക്കാതിരിക്കുക.
നിങ്ങളുറങ്ങുമ്പോൾ, നക്ഷത്രങ്ങളുടെ എണ്ണമെടുക്കുമ്പോൾ
അന്യരെക്കൂടി ഓർക്കുക,
കിടന്നുറങ്ങാൻ ഒരിടമില്ലാത്തവരെ.
രൂപകങ്ങളിലൂടെ ആത്മാവിഷ്കാരം നടത്തുമ്പോൾ
അന്യരെക്കൂടി ഓർക്കുക,
സംസാരിക്കാനുള്ള അവകാശം നഷ്ടമായവരെ,
അകലെയുള്ള അന്യരെക്കുറിച്ചോർക്കുമ്പോൾ
നിങ്ങളെക്കുറിച്ചുമൊന്നോർക്കുക,
ഇരുട്ടത്തു താനൊരു വിളക്കായിരുന്നെങ്കിലെന്നോർക്കുക.

-മഹ്മൂദ് ദർവിശ്

എന്റെ നാമത്തിനു വേണ്ടി സ്വന്തം ബന്ധം ഉപക്ഷിച്ചവർക്ക് ഈ ഭൂമിയിൽ വെച്ചു തന്നെ നൂറു മടങ്ങ് ബന്ധങ്ങൾ ഉണ്ടാകും. വീടിനു പുറത...
26/07/2025

എന്റെ നാമത്തിനു വേണ്ടി സ്വന്തം ബന്ധം ഉപക്ഷിച്ചവർക്ക് ഈ ഭൂമിയിൽ വെച്ചു തന്നെ നൂറു മടങ്ങ് ബന്ധങ്ങൾ ഉണ്ടാകും. വീടിനു പുറത്ത് ജീവിക്കാനായി ഒരു കാരണമുള്ള എതൊരാളോടും ചോദിച്ചു കൊള്ളുക. അവർക്ക് പറയാനുണ്ടാവും ആയിരക്കണക്കിന് മിഴി നിറഞ്ഞ അനുഭവങ്ങൾ. പെങ്ങളെപ്പോലെ അത്താഴം വിളമ്പുന്നവർ, അച്ഛനെപ്പോലെ ഉറക്കത്തിൽ കരിമ്പടം പുതപ്പിക്കുന്നവർ, മകളെ പോലെ കൊഞ്ചുന്നവർ, ജ്യേഷ്ഠനെപ്പോലെ ശകാരിക്കുന്നവർ.
പതുക്കെ പതുക്കെ ' പോലെ' എന്ന പദം മാഞ്ഞു പോകുന്നു.....
പല കാരണങ്ങളാൽ ചിതറിപ്പോയ എന്റെ ഉടപ്പിറന്നോർ.
🙂

Address


Telephone

+919946336233

Website

Alerts

Be the first to know and let us send you an email when AKAM posts news and promotions. Your email address will not be used for any other purpose, and you can unsubscribe at any time.

Contact The Business

Send a message to AKAM:

Shortcuts

  • Want your business to be the top-listed Media Company?

Share