DD News Mizoram

Home
DD News Mizoram

DD News Mizoram is a Regional News Unit under Prasar Bharati, Govt. of India

16/07/2025

Yemen July 16, 2025 : Yemen-a tihhlum tura ruahman, Indian nurse Nimishapriya chu tihhlum hun tur tikhawtlai a ni.

Yemen-a Kerala mi nurse, Nimisha Priya hi vawiin a tihhlum tura ruahman a ni a, k*m 2017-a Yemen-a mi pakhat a thah avangin thiam loh chantir a nih hnuah tihhlum tura hremna pek niin, tunah hian Yemen khawpui Sana'a tan inah a tang mek a, a tihlum hun tur chu tihkhawtlai leh a ni. Nimishapriya chungchang-ah hian India sorkar chuan Yemen sorkar hotute leh a chhungte a be reng a, tihhlum a nihloh nan theihtawp a chhuah reng bawk a ni.

16/07/2025

Lawngtlai July 16, 2025 : Information & Communication Technology leh Cooperation Department Secretary Amit Sharma chuan vawiin khan Lawngtlai tlawhin sorkar department hotute nen DC Conference Hall-ah an thukhawm.

Amit Sharma chuan Lawngtlai district chu an dinhmun hrechiang tur leh hmasawnna tur kawng hrang hrang awmte zirchiang tura tlawh a nih thu a sawi a, sorkar department hrang hrangten tha leh chak zawka hna an thawh theihna turin ICT department chuan theih tawp a chhuah thin thu a sawi bawk a ni.

ICT leh Corporation Dept Secretary chuan Mizoram Secretariat-ah E- Office kalpui a nih tawh thu tarlangin, district-ah pawh kalpui thuai a beiseiawm thu a sawi a, Digital Online Platform pawimawhna sawi bawkin, mipuiten awlsam zawka sorkar an dawr theihna tur a nih angin, theihtawp chhuah mek zel a nih thu a sawi bawk.

Vawiina thutkhawm hi Lawngtlai bawrhsap Cheemala Siva Gopal Reddy chuan a kaihruai a, Lawngtlai District dinhmun leh sorkar hmalakna hrang hrangte a tarlang a ni.

16/07/2025

Tlabung July 16, 2025 : West Tuipui bialtu MLA Prova Chakma chuan India leh Bangladesh inrina hrula khaw hrang hrangte pawhtu kawng dinhmun a enfiah.

Prova Chakma hian India leh Bangladesh inrina depa khaw hrang hrangten, lirtheia khaw dang an tlawhpawh theihna kawng chu nimin khan tlawhin, a dinhmun a enfiah a, nimina a enfiah chin kawng dinhmun chu a tha lo hle nia sawiin, hmun thenkhat phei chu lirthei zawh hleih theih loh khawpa khuar leh thuk a ni tih a sawi. Tlabung chhehvela inkalpawhna kawng hi a tlangpuiin, tun thlenga khaw hrang hrangten chak lakna atana an tangkai ni mah se, lirtheia zawh hleih theih a ni hlawm meuh lo tih, Tlabunga DDK palai chuan a sawi bawk a ni.

16/07/2025

Aizawl July 16, 2025 : I&PR Minister Dr. Vanlalthlana'n nik*m leh k*mina Mizoram Journalist Association (MJA) member boral chhungte hnenah sorkar ralna thilpek a hlan.

I&PR Conference Hall, Lianchhiari Run, Aizawla vawiina hun hmanah Minister Dr. Vanlalthlana chuan lusun chhungte chu a tawrhpui tak zet thu sawiin, sorkar ang pawhin chanchinbumite pawimawhna leh ram leh hnam tana an hlutnate chu an hre reng tih vawng tlat turin a chah a ni.

Vawiina MJA member boral sun takte hi Pu Lalhmingmawia Pachuau, Pasaltha Daily Chanchinbu Editor, Pu Johan Lalhmunmawia, News Stringer, DDK, Lunglei, Pu H. Lalngaihawma, Hnehtu Daily Newspaper Editor, Aizawl leh Pu T.C. Lalmuankima, Correspondent, RNU, AIR te an ni a, sorkar hian accredited Journalist boralte chu Rs 1.5 lakh in a ral a, non-accredited Journalist boralte chu Rs 1 lakh in a ral a ni.

Vawiina hun hman hi IPR&PS Department Secretary Pi Betsy Zothanpari Sailo chuan a kaihruai a. MJA member boral ta te sunna pualin minute khat chhung ngawi renga dinga hun hman niin, ralna thilpek hlanna neih nghal a ni.

16/07/2025

Pukpui July 16, 2025 : Lunglei North Bialtu MLA Pu V Malsawmtluanga, HPC Vice Chairman ni bawk chuan vawiin khan a bial chhung Zotlang leh Pukpui-ah hmasawnna hnathawh hrang hrangte a enfiah.

MLA Pu V Malsawmtluanga chuan Lunglei District-a sorkar hmalakna engpawh, MLA Fund a ni emaw HPC Fund a ni emaw, sorkar department hmalakna hrim hrim chu HPC Power & Functions-in a huam angin a endik thin dawn tih a sawi a, hnathawktute chu hna lokal zel tur pawh rinawmna nen, rintlak leh belhchian dawl taka thawk turin a fuih. Kalphung thar mipui sorkarah chuan hnathawh engpawh tha tak zel a nih theih nan theihtawp chhuah a endika vil chhunzawm zel a nih tur thu a sawi bawk.

Pu V Malsawmtluanga hi Zotlang leh Pukpui Local Council te leh ZPM Unit hruaitute’n lo dawngsawng in an tawiawm a ni.

16/07/2025

Aizawl July 16, 2025 : DDK Live Programme Zoram Thupui chu vawiin tlai dar 5:30 hian tichhuah leh a ni dawn a, he hunah hian 'Mizoram tawng humhalh tura hmalak dan tur' tih thupui hmangin Pu R. Lallianzuala, Chairman, Mizo Language Development Board leh Dr. Laltleipuii, Asst. Prof., ICFAI University-te kawm an ni ang.

16/07/2025

Sairang July 15. 2025 : Sairang leh Kawnpui inkar NH 306 kawngchhia vangin lirthei thahnem tak a tangkhang mek.

NH 306 kawngchhia vawng hian nimin leh tukin thleng khan lirthei tangkhang 500 chuang a awm mek a, kawngsiam hna NHIDCL ten an thawh avangin Aizawl SP thuchhuah angin zing dar 9 atang tlai dar 5 inkarah lirthei lian tlan phal a ni rih lo bawk a ni.

16/07/2025

Siaha July 15, 2025 : Union Minister of State George Kurian chuan vawiin hian biak hmuhtheihna kaltlangin Siahaah PMJVK hnuaia project pahnih thawh tanna tur lungphum a phum.

MADC Golden Jubilee Hall, Siaha-a hun hmanah Union Minister of State for Minority Affairs and Fisheries, Animal Husbandry & Dairying George Kurian chuan Prime Minister Narendra Modi kaihhruaina hnuaiah India ram chu K*m 2047-ah Developed country (Vikshik Bharat-2047) a siam tumna huangah hmasawnna hna tam tak thawh a ni tawh tih a sawi a, hmarchhak state leh a bikin Mizoram pawh nasa taka thuam chak niin ram hmasawnna turin theihtawp chhuah a nih thu a sawi.

PMJVK hnuaia thlan chhuah project pahnih lungphum phum tak, Market Shed cm Multipurpose Centre and women facilitation centre, Tipa leh Multipurpose Community Hall, Siaha te chu Mara ram mipuite nunphung nen pawh a inrem hle tih a sawi.

Vawiina hun hman hi Siaha Addl DC Pu Abraham Beirazi Khithie chuan kaihruaiin, Siaha District a MLA pahnih, Dr K Beichhua, Pu K Hrahmo bakah BJP National Secretary-Minority morcha Pu Delson Notlia te bakah Mizoram sorkar leh MADC a hotute an tel a ni.

16/07/2025

Aizawl July 16, 2025 : Higher & Technical Education Minister Dr. Vanlalthlana'n Government Aizawl North College Freshers' Social cm 25th Annual Magazine release hun a hmanpui.

Vanapa Hall-a hun hmanah Minister Dr. Vanlalthlana chuan zirlaite chu mi hmuh loha an beih fan fan chuan hmuh theihah chawimawina an hmu ang a, midangte tana malsawmna an lo ni thei dawn tih a sawi a, vawi tam tak an hlawhchham hnua khawvel hriata mi hlawhtling tate chanchin sawiin, hlawhchhamna an tawh chang pawha beidawng lo turin a fuih a, Annual Magazine 'Parfung' a tlangzarh nghal bawk.

He hunah hian GANC Principal Dr. Saroj Laldinpuii pawhin zirlai tharte chu lawmin, college an kal chhan ngaihtuah chianga puitlinna kawng leh nun dan tha zirna atana hmang turin a chah a ni.

15/07/2025

Syria July 15, 2025 : Syria chhim lam, Sweida biala intihbuaina thlengah mi 80 chuang an thi a, mi 200 chuang an hliam a ni.

Sweida bialah hian ni hnih liam ta chhung khan Druze helpawl leh Bedouin hnamte nasa takin an inbei a, thudawnna chuan inremna siam tuma beihna a awm chungin buaina a la reh lo tih tarlangin, thil puak thawm pawh hriat tur a la awm reng a ni. Buaina tikiang tur leh tualchhung mite himna atan sipai dahluh a ni a, buaina hi an la thunun a harsa hle niin sipaite chuan an sawi.

15/07/2025

Beijing July 15, 2025 : External Affairs Minister Dr. S Jaishankar leh China President Xi Jinping ten India leh China inlaichinna an sawi dun.

Vawiin khan External Affairs Minister chuan Beijing-ah Shanghai Cooperation Organisation (SCO) member dangte rualin China President Xi Jinping a kawm a, India leh China inlaichinna dinhmun te thlir dunin, Jaishankar chuan Line of Actual Control huamchhunga remna leh muanna a pawimawh thu leh ramri venhim kawnga India inpekna uar takin a sawi a ni. Ram pahnih hruaitute hian sumdawnna kawnga khuahkhirhna siamte leh sum leh pai lama thawh dunna dal thei hrang hrangte an sawi dun bawk a, mipuite nena inpawhna tha neih a pawimawh thu leh ram pahnihte inkara inlaichinna k*m 75 tlin lawm nana thawhhona tihchak zual an remti bawk a ni.

15/07/2025

New Delhi July 15, 2025 : India chuan boruak chhia siam chhuak lo zawnga kawlphetha siam chhuak tura a bitum, 50% chu hun bituk a thlen hma k*m 5 la awmah a nei tling.

Union Minister for New and Renewable Energy Pralhad Joshi chuan "Khawvelin s*k leh sa a harsatna sutkian dan kawng a zawn laiin, India-in kawng a kawhhmuh a ni, a ti a. K*m 2030 tlin hma k*m 5 la awma India in k*m 2030 hmaa non-fosil fuel atanga kawlpetha siamchuah a tum 50% a siamchhuak thei chu ram mipuite tan inchhuanna tham a nih thu leh Prime Minister Narendra Modi kaihhruaina hnuaiah India in boruak tichhe lo thei ang berin hma a sawn mek zel a ni, a ti bawk. India hlawhtlinna hi s*k leh sa inthlak danglam dona leh boruak chhe siam lo zawnga kawlphetha siam chhuak tura hmalak kawngah hmasawnna nasa tak a ni.

Address

Telephone

+913892361101

Website

facebook.com

Alerts

Be the first to know and let us send you an email when DD News Mizoram posts news and promotions. Your email address will not be used for any other purpose, and you can unsubscribe at any time.

Contact The Business

Send a message to DD News Mizoram:

Shortcuts

Address
Telephone
Alerts
Contact The Business
Claim ownership or report listing
Want your business to be the top-listed Media Company?

Country:

City:

16/07/2025

16/07/2025

16/07/2025

16/07/2025

16/07/2025

16/07/2025

16/07/2025

16/07/2025

16/07/2025

15/07/2025

15/07/2025

15/07/2025

Address

Telephone

Website

Alerts

Contact The Business

Shortcuts

Share