Citizen Network Hub

Citizen Network Hub (CNH) News🗞️ & Knowledge. National Update.

08/08/2026

Atiq Ahmed ke sabse chhote bete Abaan Ahmed (21 saal) ko (8 August) Prayagraj ke Kasari-Masari kabristan mein dafan kar diya gaya. Unhe unke baap Atiq ki qabar ke paas dafanaya gaya.

Abaan 6 August ko Jhansi ke paas road accident mein m@re gaye the. Woh apne bhai Ali se milne ja rahe the, car divider se takra gayi. Unke saath unke dost Sonu bhi m@re gaye.

Jail mein band do bade bhai Umar (Lucknow jail) aur Ali (Jhansi jail) ko Allahabad High Court ne parole de di. Dono police.

08/08/2026

🚨AIMIM Chief Asaduddin Owaisi Sahab ne Telangana ke logon se appeal kiya hai ke woh apne enumeration forms bhar kar BLOs ko wapas kar dein. SIR (Special Intensive Revision) ki aakhri tareekh 10 August hai.

Owaisi sahab ne kaha ke forms time par submit kiye jayein taake vote list mein naam shamil rahe.

08/08/2026

AIMIM Chief Barrister Asaduddin Owaisi sahab ne IIT Delhi ke convocation se mutaliq reports par sawal uthaye hain. Reports ke mutabiq students ko PM Narendra Modi se medal lene ke waqt sar kitna jhukana hai iski hidayat di gayi thi aur Vedic chants ke dauran khade hone ko kaha gaya.

Owaisi sahab ne Article 28 aur Article 51A(H) ka hawala dete hue kaha ke sarkari educational institutions mein mazhabi instruction nahi honi chahiye aur scientific temper ko maintain karna zaroori hai. Unhone students se kaha ke national interest yeh bhi hai ke agar hukumat galat qadam uthae to uske khilaf sawal uthaye jayein.

08/08/2026

🚨IIT Delhi convocation: Students ko Vedic chants ke liye khade hone aur medal lene waqt sir jhukane ka protocol.

IIT Delhi ke 57ve convocation ceremony mein Prime Minister Narendra Modi chief guest ke tor par shamil hue. Ziada se ziada 3,000 se upar students ko degrees di gayin aur kuch students ko gold medals bhi diya gaya.

Reports ke mutabiq, ceremony ke dauran Vedic mantras teen dafa gaye gaye, jin mein se ek PM Modi ki maujudgi mein. Students ko instruction diya gaya ke chants ke dauran khade ho jayein. Medal lene waqt unhein bataya gaya ke sir kitna jhukana hai.

Campus par sakht security arrangements kiye gaye. Metal detectors, barricades aur ID checks lagaye gaye. Kai facilities band kar di gayin aur students ke liye bags aur bottles ki restriction bhi thi.

Aimim- leader aur Hyderabad MP Asaduddin Owaisi Sahab ne is par tanqeed ki. Unhone kaha ke students ko Vedic chants ke liye khade hone ko kaha gaya. Owaisi sahab ne Article 51A(h) (scientific temper) aur Article 28 (state-funded educational institutions mein religious instruction ki manai) ka hawala diya. Unka kehna tha ke national interest ka matlab government se sawal karna bhi hai.

Yeh event Gen Z students se direct interaction ke tor par dekha ja raha hai, jabke pehle student protests ke baad yeh modi ka pehla aisa public appearance tha.

07/08/2026

Yogi Adityanath ka bayaaan!

Ambedkar Nagar mein development projects ka inauguration karte hue CM Yogi Adityanath ne kaha:
“Aaj jab koi dhamki deta hai ke danga karwa denge, to main kehta hoon — Aao bachchu, main tumhein danga karana sikha deta hoon ke kaise danga hota hai…”

Saath hi Indirectly Bareilly ke Maulana Tauqeer Raza Khan ka zikr kiya gaya, jise 2025 mein “I Love Muhammad” protest ke dauran hue hinsa ke baad giraftar karke jail bheje gaye the.

Yogi ne kaha ke ab UP mein no curfew, no danga — rule of law chal raha hai. Guunda-mafia ko jail ya jahannum, teesra option nahi.

07/08/2026

I got over 106,000 reactions on my posts last week! Thanks everyone for your support! 🎉

07/08/2026

🚨Ranchi mein aaj student protest ke dauran AISA ki president Neha Bora par kisi shakhs ne syahi (ink) phenk di. Protest Jharkhand Assembly ke taraf march karte hue JPSC aur JSSC ke recruitment exams mein irregularities ke khilaf chal raha tha.

Hamlaavar ne Neha Bora ko anti-national kaha aur unhein Umar Khalid ka supporter hone ka ilzaam lagaya. Police ne us shakhs ko turant detain kar liya.

Neha Bora ne is waqea ke baad kaha ke woh is ordinary ink se nahi darengi. Unhone pehle Delhi protest mein pellet gun aur lathi charge ka zikr kiya aur kaha ke woh is ink ko pride se pehnegi aur is se future likhengi.

Protest jari hai.

06/08/2026

Jhansi | Poonch police station area mein road accident hone se 2 log maare gaye aur 3 zakhmi hue.
Marne walon mein marhoom Atiq Ahmed ka beta Aaban aur uska dost Sonu bhi shamil hain.

05/08/2026

AIMIM MP Asaduddin Owaisi sahab ne UP Deputy CM Keshav Prasad Maurya ke madrasson par diye gaye bayan ka jawab diya hai.
Owaisi sahab ne kaha ke madrasson ne 1857 ke jung-e-azadi mein aham kirdar ada kiya, British hukumat ke khilaf jihad ka fatwa jari kiya, aur Sangh Parivar ko azadi ki qurbaniyon ko nazarandaaz karne ka ilzaam lagaya.
Maurya ne pehle kaha tha ke madrassa taleem se watan-parasti nahi aati aur is se aatankwadi soch paida hoti hai.

04/08/2026

AIMIM sadr aur Hyderabad ke MP Asaduddin Owaisi sahab ne Uttar Pradesh Vidhan Sabha ke Speaker Satish Mahana ke bayan par sakht tanqeed ki hai.
Owaisi sahab ne apne post mein likha ke agar Speaker yeh kahein ke “jin logon ne Ram Mandir ki mukhalifat ki, agar unhon ne chanda diya hai to receipt dikhayein, tab dekhenge ke unka paisa chori hua ya nahi,” to yeh sirf ek bayan ka masla nahi, balki Vidhan Sabha ki izzat aur wiqar ka sawal hai.
Owaisi sahab ne sawal uthaya:
Kya ab koi chuni hui Vidhan Sabha ka member apni aqeedat ki bunyad par chori ko chori bhi nahi keh sakta? Kya ab qatl ko qatl aur dakaiti ko dakaiti kehne se pehle logon ko apna mazhab ka halfnama dena hoga?
Unhon ne aage kaha ke yehi usool Waqf boards par kyun nahi lagaya jata jahan gair-Muslims ko zabardasti shamil kiya jata hai? Hindu endowment boards ko milne wali constitutional protection Auqaf ko kyun nahi milti? Aur jis party ka Lok Sabha mein ek bhi Muslim MP nahi hai, usay teen talaq jaisa qanoon (jo sirf Musalmanon se related hai) banane ka haq kaise mil jata hai?
Owaisi sahab ne zordaar andaaz mein kaha: “Agar usool ek hai to sab par barabar lagu hona chahiye.”​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

Address

Hyderabad

Telephone

+917989192446

Website

Alerts

Be the first to know and let us send you an email when Citizen Network Hub posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Citizen Network Hub:

Shortcuts

Share

Category