Virpal Kaur Bhathal

  • Home
  • Virpal Kaur Bhathal

Virpal Kaur Bhathal writer
virpalkaurbhathal

02/11/2025

ਇੱਕ ਕੁੜੀ

02/11/2025

ਆਪਣੀ ਕਹਾਣੀ ਉਸ ਇਨਸਾਨ ਨੂੰ ਸੁਣਾਓ,
ਜੋ ਕਿਤਾਬਾਂ ਪੜ੍ਹਨ ਤੋਂ ਬਾਅਦ ਸੰਭਾਲ ਕੇ ਰੱਖਦਾ ਹੋਵੇ।

🌿 **ਕਈ ਵਾਰ ਲੋਕ ਸਿਰਫ਼ ਕਹਿ ਦਿੰਦੇ ਨੇ,ਪਰ ਉਹ ਨਹੀਂ ਜਾਣਦੇ — ਬੋਲ ਵੀ ਕਈ ਵਾਰ ਜ਼ਖਮ ਬਣ ਜਾਂਦੇ ਨੇ…**---ਕਹਿ ਦਿੰਦੇ ਨੇਬੜੇ ਸਿਆਣੇ ਲੋਕ ਹੋ ਗਏ...
01/11/2025

🌿 **ਕਈ ਵਾਰ ਲੋਕ ਸਿਰਫ਼ ਕਹਿ ਦਿੰਦੇ ਨੇ,

ਪਰ ਉਹ ਨਹੀਂ ਜਾਣਦੇ — ਬੋਲ ਵੀ ਕਈ ਵਾਰ ਜ਼ਖਮ ਬਣ ਜਾਂਦੇ ਨੇ…**

---

ਕਹਿ ਦਿੰਦੇ ਨੇ

ਬੜੇ ਸਿਆਣੇ ਲੋਕ ਹੋ ਗਏ,
ਆਪੋ ਆਪਣੀ ਰਾਏ ਦਿੰਦੇ ਨੇ।
ਔਖੀ ਹੋ ਗਈ ਜ਼ਿੰਦਗੀ ਕੱਟਣੀ,
ਜੋ ਮੂੰਹ ਆਇਆ, ਕਹਿ ਦਿੰਦੇ ਨੇ।

ਕੋਈ ਕਹਿੰਦਾ ਏ — ਪੁੱਤ ਦੀ ਮਾਂ
ਸੁਹਾਗਣ ਹੁੰਦੀ ਆ,
ਵਿਧਵਾ ਨਹੀਂ ਸੱਜਦੀ,
ਮੱਤਾਂ ਨਾਲੇ ਬਹਿ ਦਿੰਦੇ ਨੇ।

ਸਮਝ ਨਹੀਂ ਆਉਂਦੀ, ਕਿਹਦੀ ਮੰਨਾ,
ਕਿੱਧਰ ਜਾਵਾਂ ਮੈਂ।
ਇੱਕ ਦੂਜੇ ਦੇ ਨਾਲ ਸਲਾਹਾਂ,
ਖਹਿ ਦਿੰਦੇ ਨੇ।

ਦੁਖਦਾ ਸੁਖਦਾ ਵੀ ਮੇਰਾ,
ਮੈਂ ਆਪੇ ਵੇਖਣਾ ਏ।
ਨਾ ਘਰ ਦਾ ਸੌਦਾ-ਪੱਤਾ,
ਮੈਨੂੰ ਲੈ ਦਿੰਦੇ ਨੇ।

ਮਰਿਆਂ ਦੇ ਨਾਲ ਸੱਚ ਆ,
ਮਰਿਆ ਜਾਂਦਾ ਨਹੀਂ।
ਜਦੋਂ ਆਪਣੇ ਵਿਧਵਾ ਹੁੰਦੀ,
ਕਾਹਤੋਂ ਸਹਿ ਦਿੰਦੇ ਨੇ।

ਜਿਹੜਾ ਕੱਟਦਾ, ਉਹੀ ਜਾਣੇ,
ਪੀੜ ਇਹ ਜਖਮਾਂ ਦੀ।
ਹੱਸਦੀ ਤਾਂ ਫਿਰਦੀ ਆ,
ਲੋਕੀ ਕਹਿ ਦਿੰਦੇ ਨੇ।

ਵੀਰਪਾਲ ਰੋ ਕੇ ਵੀ ਜ਼ਿੰਦਗੀ,
ਕੱਟਦੀ ਨਹੀਂ।
ਇਹ ਕਿਹੜਾ ਕਿਧਰੋਂ,
ਸੁੱਖ ਉਧਾਰਾ ਲੈ ਦਿੰਦੇ ਨੇ।

✍️ ਵੀਰਪਾਲ ਭੱਠਲ

---

💬

(ਮੇਰੇ ਦੁਲਾਰੇ)ਮੇਰੇ ਪੁੱਤ ਨਾਲ ਮੇਰਾ ਰਿਸ਼ਤਾ ਬੜਾ ਪਿਆਰਾ ਏ, ਧੀ ਮੇਰੀ ਵਿੱਚ ਜਾਨ ਵਸੇ ਮੇਰਾ ਪੁੱਤ ਦੁਲਾਰਾ ਏ। ਧੀ ਮੇਰੀ ਪਰਛਾਈ ਆ, ਇਸ ਗੱਲ ਦਾ...
31/10/2025

(ਮੇਰੇ ਦੁਲਾਰੇ)

ਮੇਰੇ ਪੁੱਤ ਨਾਲ ਮੇਰਾ ਰਿਸ਼ਤਾ ਬੜਾ ਪਿਆਰਾ ਏ,
ਧੀ ਮੇਰੀ ਵਿੱਚ ਜਾਨ ਵਸੇ ਮੇਰਾ ਪੁੱਤ ਦੁਲਾਰਾ ਏ।

ਧੀ ਮੇਰੀ ਪਰਛਾਈ ਆ, ਇਸ ਗੱਲ ਦਾ ਮਾਣ ਮੈਨੂੰ,
ਪੁੱਤ ਮੇਰੀਆਂ ਅੱਖਾਂ ਦਾ ਇੱਕਲੌਤਾ ਤਾਰਾਂ ਏ।

ਬੱਚਿਆਂ ਵਾਂਗੂੰ ਮੇਰੀ ਹਰ ਇੱਕ ਰੀਝ ਪਗਾਉਂਦਾ ਏ,
ਕਦਮਾਂ ਵਿੱਚ ਮੇਰੇ ਰੱਖ ਦਿੰਦਾ ਜਿੱਦਾਂ ਜੱਗ ਸਾਰਾ ਏ।

ਧੀ ਮੇਰੀ ਦਾ ਮਾਵਾਂ ਜਿਹਾ ਵਰਤਾਵ ਆ ਮੇਰੇ ਲਈ,
ਸਾਡਾ ਰਿਸ਼ਤਾ ਕੁਲ ਦੁਨੀਆ ਤੋਂ ਨਿਆਰਾ ਏ।

ਜਿਸ ਸਕੂਨ ਨੂੰ ਦੁਨੀਆਂ ਤਰਸਦੀ ਰਹਿੰਦੀ ਆ ,
ਮੇਰੇ ਘਰ ਦੇ ਵਿੱਚ ਉਹ ਸੁੱਖ ਨਾਲ ਸਾਰਾ ਏ।

ਦੋਵੇਂ ਮੇਰੇ ਸਾਹਾਂ ਵਿੱਚ ਸਾਹ ਲੈਂਦੇ ਆ, ਮੈਨੂੰ ਲੱਗਦਾ ਹੋਇਆ ਮੇਰਾ ਜਨਮ ਦੁਆਰਾ ਏ।

ਬਹੁਤੀ ਮਾੜੀ ਕਿਸਮਤ ਲੈ ਕੇ ਜੰਮੀ ਸੀ,
ਮਸਾ ਦੁੱਖਾਂ ਨੇ ਕੀਤਾ ਮੇਰੇ ਤੋਂ ਕਿਨਾਰਾ ਏ।

ਢਲਦੀ ਉਮਰ ਚ ਵੀਰਪਾਲ ਬਚਪਨ ਨੂੰ ਜੀਅ ਰਹੀ,
ਲੰਬੀਆਂ ਖੁਸ਼ੀਆਂ ਮਾਣ ਇਹ ਕੁਦਰਤ ਦਾ ਇਸ਼ਾਰਾ ਏ।

ਵੀਰਪਾਲ ਭੱਠਲ

💞 (ਦਿਲ ਦੀ ਗੱਦੀ) 💞ਰਾਜਿਆਂ ਵਾਂਗ ਬਿਠਾਉਣੇ ਆ ਪਹਿਲਾਂ ਦਿਲ ਦੀ ਗੱਦੀ ‘ਤੇ,ਜੇ ਲਾਹ ਦਈਏ ਤਾਂ ਫਿਰ ਦੁਬਾਰਾ ਮੂੰਹ ਨਹੀਂ ਲਾਈਦਾ।ਪਹਿਲਾ, ਦੂਜਾ, ਤੀਜ...
30/10/2025

💞 (ਦਿਲ ਦੀ ਗੱਦੀ) 💞

ਰਾਜਿਆਂ ਵਾਂਗ ਬਿਠਾਉਣੇ ਆ ਪਹਿਲਾਂ ਦਿਲ ਦੀ ਗੱਦੀ ‘ਤੇ,
ਜੇ ਲਾਹ ਦਈਏ ਤਾਂ ਫਿਰ ਦੁਬਾਰਾ ਮੂੰਹ ਨਹੀਂ ਲਾਈਦਾ।
ਪਹਿਲਾ, ਦੂਜਾ, ਤੀਜਾ ਮੌਕਾ ਲਾਸਟ ਹੁੰਦਾ ਏ,
ਨਾ ਫਿਰ ਸੁਣੀਏ ਤੇ ਨਾ ਕੁਝ ਸੁਣਾਈਦਾ।

ਰੂਹ ਤੋਂ ਵਰਤਣ ਵਾਲੇ ਦੇ ਨਾਲ ਸਾਂਝਾਂ ਗੁੜੀਆਂ ਨੇ,
ਜੋ ਵਰਤਣ ਲਈ ਵਰਤੇ ਉਹਨੂੰ ਰਾਹ ਦਿਖਾਈਦਾ।
ਗੈਰਾਂ ਦੀ ਗੱਲ ਛੱਡ, ਭਾਵੇਂ ਕੋਈ ਆਪਣਾ ਹੀ ਹੋਵੇ,
ਦੋਗਲਾ ਬੰਦਾ ਆਪਾਂ ਨਹੀਂ ਕੋਈ ਕੋਲ ਬੈਠਾਈਦਾ।

ਸਾਡੇ ਵਰਗੇ ਘੱਟ ਮਿਲੇ, ਪਰ ਮਿਲੇ ਜ਼ਰੂਰ ਸਾਨੂੰ,
ਪਰਖੇ ਹੋਏ ਯਾਰਾਂ ਨੂੰ ਮੁੜ ਨਹੀਂ ਅਜ਼ਮਾਈਦਾ।
ਚੰਗੀ ਕਿਸਮਤ ਨਾਲ ਹੀ ਹੀਰੇ ਮਿਲਦੇ ਨੇ,
ਅਣਗਹਿਲੀ ਦੇ ਨਾਲ ਨੀ ਉਹਨਾਂ ਨੂੰ ਗਵਾਈਦਾ।

ਬਿਪਤਾ ਵਿੱਚ ਛੱਡ ਗਏ ਜਿਹੜੇ ਰੋਂਦਿਆਂ ਨੂੰ,
ਉਹਨਾਂ ਦੇ ਫਿਰ ਮਰੇ ‘ਤੇ ਵੀ ਨਹੀਂ ਜਾਈਦਾ।
ਵੀਰਪਾਲ ਉਹ ਬਾਗੀ ਰਹੂਗੀ ਮਹਿਫਿਲਾਂ ਦੀ,
ਜਿੱਥੇ “ਆਪਣਾ” ਕਹਿ ਕੇ ਪਿੱਛਾ ਤੱਕਾਈਦਾ।

— ✍️ ਵੀਰਪਾਲ ਭੱਠਲ

---

🌺 ਹੈਸ਼ਟੈਗ:

#ਦਿਲਦੀਗੱਦੀ #ਵੀਰਪਾਲਭੱਠਲ

29/10/2025

ਸ਼ੁਕਰਾਨਾ

(ਤੇਰੀ ਹੋਣਾ ਏ)ਤੇਰੀ ਹਿੱਕ ਤੇ ਸਿਰ ਰੱਖ ਕੇ ਮੈਂ ਸੌਣਾ ਏ, ਤੇਰੇ ਨਾਲ ਹੀ ਸੱਜਣਾ ਵਕਤ ਬਿਤਾਉਣਾ ਏ। ਅਗਲੇ ਜਨਮ ਦੀ ਉਡੀਕ ਮੇਰੇ ਤੋਂ ਨਹੀਂ ਹੋਣੀ ,ਇ...
29/10/2025

(ਤੇਰੀ ਹੋਣਾ ਏ)

ਤੇਰੀ ਹਿੱਕ ਤੇ ਸਿਰ ਰੱਖ ਕੇ ਮੈਂ ਸੌਣਾ ਏ, ਤੇਰੇ ਨਾਲ ਹੀ ਸੱਜਣਾ ਵਕਤ ਬਿਤਾਉਣਾ ਏ।
ਅਗਲੇ ਜਨਮ ਦੀ ਉਡੀਕ ਮੇਰੇ ਤੋਂ ਨਹੀਂ ਹੋਣੀ ,
ਇਸੇ ਜਨਮ ਦੇ ਵਿੱਚ ਹੀ ਤੇਰੀ ਹੋਣਾ ਏ।

ਜਾਤਾਂ ਪਾਤਾਂ ਰੰਗ ਰੂਪ ਜੋ ਵੇਖਦੇ ਆ, ਉਹਨਾਂ ਨੇ ਕੀ ਸੱਜਣਾ ਇਸ਼ਕ ਨਿਭਾਉਣਾ ਏ।
ਤੇਰੇ ਬਿਨ ਕੁਝ ਹੋਰ ਨਹੀਂ ਮੈਨੂੰ ਚਾਹੀਦਾ,
ਤੇਰੇ ਲਈ ਮੈਂ ਰੁਸਿਆ ਖੁਦਾ ਮਨਾਉਣਾ ਏ।

ਤੱਕ ਤੱਕ ਤੈਨੂੰ ਨੈਣ ਨਹੀਂ ਰੱਜਦੇ ਸੱਚ ਜਾਣੀ,
ਹੋ ਸੁਪਣਿਆਂ ਵਿੱਚ ਤੇਰੀ ਦੀਦ ਜਾਂਦੀ ਤਾਂ ਸੌਣਾ ਏ।
ਗੱਲਾਂ ਤੇਰੇ ਨਾਲ ਕਰਨੀਆਂ ਬਹੁਤ ਸਾਰੀਆਂ ਮੈਂ,
ਦਿਲ ਦਾ ਤਖਤ ਮੈਂ ਨਾਂ ਤੇਰੇ ਲਗਵਾਉਣਾ ਏ।

ਦੁਨੀਆ ਮੰਗਦੀ ਹੋਵੇਗੀਂ ਧਨ ਦੌਲਤ ਰੱਬ ਕੋਲੋਂ,
ਮੈਂ ਤਾਂ ਤੇਰਾ ਪਿਆਰ ਹੀ ਰੱਬ ਤੋਂ ਪਾਉਣਾ ਏ।
ਜਿੰਨੇ ਵੀ ਸਾਹ ਆਉਣੇ ਆ ਤੇ ਆ ਚੁੱਕੇ ਮੈਨੂੰ ,
ਸਭ ਤੇ ਹੀ ਤੇਰਾ ਸੱਜਣਾ ਨਾਂ ਲਿਖਵਾਉਣਾ ਏ।

ਤੇਰੀ ਖਾਤਰ ਮਰਨਾ ਪਿਆ ਤਾਂ ਮਰਜਾਂ ਗੇ ,
ਕਿਉਂਕਿ ਤੇਰੇ ਲਈ ਹੀ ਅਸੀਂ ਜਿਉਣਾ ਏ ।
ਜੇ ਵੀਰਪਾਲ ਨਾਲ ਧੋਖਾ ਕਰੇਗਾ ਰੱਬ ਦੇਖੂ ,
ਨਾ ਤੈਨੂੰ ਅਸੀਂ ਪਰਖਣਾ ਨਾ ਅਜਮਾਉਣਾ ਏ।

ਵੀਰਪਾਲ ਭੱਠਲ

(ਸ਼ੁਕਰਾਨਾ)ਛੋਟੇ ਛੋਟੇ ਰੋੜੇ ਚੱਕ ਕੇ ਇੱਟਾਂ ਦੇ ,ਛੋਟੇ ਛੋਟੇ ਰੋੜੇ ਰੱਖ ਕੇ ਇੱਟਾਂ ਦੇ। ਗਾਰੇ ਦੇ ਨਾਲ ਲਿਪਿਆ ਸੀਗਾ ਰਹਿਣ ਬਸੇਰਾ ਮੈਂ, ਦੀਵਾ ਬਾ...
28/10/2025

(ਸ਼ੁਕਰਾਨਾ)

ਛੋਟੇ ਛੋਟੇ ਰੋੜੇ ਚੱਕ ਕੇ ਇੱਟਾਂ ਦੇ ,
ਛੋਟੇ ਛੋਟੇ ਰੋੜੇ ਰੱਖ ਕੇ ਇੱਟਾਂ ਦੇ।
ਗਾਰੇ ਦੇ ਨਾਲ ਲਿਪਿਆ ਸੀਗਾ ਰਹਿਣ ਬਸੇਰਾ ਮੈਂ,
ਦੀਵਾ ਬਾਲ ਕੇ ਚਾਨਣ ਦੇ ਲਈ ਧਰਦਾ ਰਿਹਾ।
ਕੁੱਲੀਆਂ ਤੋਂ ਚੱਕ ਉਹਨੇ ਮਹਿਲਾਂ ਵਾਲੇ ਕਰ ਦਿੱਤੇ,
ਮੈਂ ਸ਼ੁਕਰਾਨਾ ਦਿਲੋਂ ਉਸਦਾ ਕਰਦਾ ਰਿਹਾ।

ਦੋ ਵਕਤ ਦੀ ਰੋਟੀ ਵੀ ਕਦੇ ਮਿਲਦੀ ਸੀ ਕਦੇ ਨਹੀਂ,
ਸੱਤ ਭੋਜ ਅੱਜ ਘਰ ਮੇਰੇ ਵਿੱਚ ਪੱਕਦੇ ਆ।
ਭੁੱਖਾ ਜਾਣ ਨਹੀਂ ਦਿੱਤਾ ਕੋਈ ਘਰ ਆਇਆ ,
ਆਪੇ ਮੇਰਾ ਪਰਦਾ ਸਤਿਗੁਰ ਢੱਕਦੇ ਆ।
ਏਸੀਆਂ ਦੇ ਵਿੱਚ ਬੈਠਣ ਜੋਗੇ ਉਹਨੇ ਕਰ ਦਿੱਤਾ,
ਧੁੱਪਾਂ ਦੇ ਵਿੱਚ ਮੈਂ ਵੀ ਤਾਂ ਕਦੇ ਰੜਦਾ ਰਿਹਾ।
ਕੁੱਲੀਆਂ ਤੋਂ ਚੱਕ ਉਹਨੇ ਮਹਿਲਾਂ ਵਾਲੇ ਕਰ ਦਿੱਤੇ,
ਮੈਂ ਸ਼ੁਕਰਾਨਾ ਦਿਲੋਂ ਉਸਦਾ ਕਰਦਾ ਰਿਹਾ।

ਤਨ ਢਕਣ ਨੂੰ ਮੰਗੇ ਤੰਗੇ ਕੱਪੜੇ ਜੁੜਦੇ ਸੀ,
ਅੱਜ ਰੋਜ਼ ਬਦਲਵੇਂ ਪਾਉਣਾ ਉਹਦੀ ਕਿਰਪਾ ਨਾਲ।
ਸਬਰ ਚ ਰਹਿ ਕੇ ਬੱਸ ਉਹਦਾ ਮੈਂ ਭਾਣਾ ਮੰਨਿਆ ਏ,
ਅੱਜ ਸੋਹਣਾ ਸੁੱਖ ਹੰਡਾਉਣਾ ਉਹਦੀ ਕਿਰਪਾ ਨਾਲ।
ਅੱਜ ਉਹਦੀ ਉਂਗਲ ਫੜ ਕੇ ਸਾਰੀ ਦੁਨੀਆ ਘੁੰਮ ਲਈ,
ਕਦੇ ਪੈਦਲ ਚੱਲਣ ਦੀਆਂ ਵੀ ਪੀੜਾਂ ਜਰਦਾ ਰਿਹਾ।
ਕੁੱਲੀਆਂ ਤੋਂ ਚੱਕ ਉਹਨੇ ਮਹਿਲਾਂ ਵਾਲੇ ਕਰ ਦਿੱਤੇ,
ਮੈਂ ਸ਼ੁਕਰਾਨਾ ਦਿਲੋਂ ਉਸਦਾ ਕਰਦਾ ਰਿਹਾ।

ਮੈਂ ਮੰਗਿਆ ਨਹੀਂ ਪਰ ਸਭ ਕੁਝ ਉਹਨੇ ਦੇ ਦਿੱਤਾ,
ਅੱਜ ਵੰਡਦਾ ਹਾਂ ਮੈਂ ਉਹਦੀਆਂ ਦਿੱਤੀਆਂ ਦਾਤਾਂ ਨੂੰ।
ਉਹ ਦਿੰਦਾ ਨਹੀਂ ਥੱਕਦਾ ਤੇ ਬੰਦਾ ਲੈਂਦਾ ਥੱਕ ਜਾਂਦਾ ,
ਦੇਣ ਵਾਲਾ ਨਹੀਂ ਥੱਕਦਾ ਦਿੰਦਾ ਸੌਗਾਤਾਂ ਨੂੰ।
ਵੀਰਪਾਲ ਦੀ ਜਿੱਤ ਦੇ ਝੰਡੇ ਉਹਨੇ ਗੱਡੇ ਆ ,
ਮੈਂ ਤਾਂ ਆਪਣੀ ਮੂਰਖਤਾ ਨਾਲ ਹਰਦਾ ਰਿਹਾ।
ਕੁੱਲੀਆਂ ਤੋਂ ਚੱਕ ਉਹਨੇ ਮਹਿਲਾਂ ਵਾਲੇ ਕਰ ਦਿੱਤੇ,
ਮੈਂ ਸ਼ੁਕਰਾਨਾ ਦਿਲੋਂ ਉਸਦਾ ਕਰਦਾ ਰਿਹਾ।

ਵੀਰਪਾਲ ਭੱਠਲ

🌿 ਹਾਰੇ ਹੋਏ ਇਨਸਾਨਾਂ ਦੀ)ਮੈਂ ਹਾਰੇ ਹੋਏ ਇਨਸਾਨਾਂ ਦੀ,ਗੱਲ ਕਰਦਾ ਨਹੀਂ।ਬੁਜ਼ਦਿਲਾਂ ਦੇ ਵੇਹੜੇ,ਕਦਮ ਵੀ ਧਰਦਾ ਨਹੀਂ।ਹਾਰ ਕੇ ਕੋਸ਼ਿਸ਼ ਕਰਨ ਵਾਲੇ,...
28/10/2025

🌿 ਹਾਰੇ ਹੋਏ ਇਨਸਾਨਾਂ ਦੀ)

ਮੈਂ ਹਾਰੇ ਹੋਏ ਇਨਸਾਨਾਂ ਦੀ,
ਗੱਲ ਕਰਦਾ ਨਹੀਂ।
ਬੁਜ਼ਦਿਲਾਂ ਦੇ ਵੇਹੜੇ,
ਕਦਮ ਵੀ ਧਰਦਾ ਨਹੀਂ।

ਹਾਰ ਕੇ ਕੋਸ਼ਿਸ਼ ਕਰਨ ਵਾਲੇ,
ਨੂੰ ਹਾਰਿਆ ਨਹੀਂ ਕਹਿੰਦੇ।
ਸੂਰਮਾਂ ਬੰਦਾ ਲੜੂ,
ਜਿੰਨਾ ਚਿਰ ਮਰਦਾ ਨਹੀਂ।

ਹਰ ਕਿਸੇ ਨੂੰ ਪਹਿਲੀ ਵਾਰੀ,
ਜਿੱਤ ਨਹੀਂ ਮਿਲਦੀ।
ਹਾਰ ਗਿਆ ਜੋ ਪੈਰ,
ਮੈਦਾਨ ‘ਚ ਧਰਦਾ ਨਹੀਂ।

ਹਾਰਾਂ ਦਾ ਵੀ ਸਾਹਮਣਾ ਕਰਨਾ,
ਪੈਂਦਾ ਜਿੱਤਣ ਲਈ।
ਸਿਖਰ ‘ਤੇ ਪਹਿਲੀ ਵਾਰ ਤਾਂ,
ਬੰਦਾ ਚੜਦਾ ਨਹੀਂ।

ਵੀਰਪਾਲ ਜੋ ਕਮੀਆਂ ਉੱਤੇ,
ਕਾਬੂ ਪਾ ਲੈਂਦਾ।
ਭੱਠਲ ਕਿਸੇ ਹਰਾਇਆ,
ਫਿਰ ਉਹ ਹਰਦਾ ਨਹੀਂ।

— ਵੀਰਪਾਲ ਭੱਠਲ

27/10/2025

ਹੰਬ ਗਏ

ਹੰਬ ਗਏ।ਅਸਰ ਸਾਡੇ ਤੇ ਹੋਇਆ ਏਨਾ ,ਕਮਲਾ ਜਿਹਾ ਦਿਲ ਰੋਇਆ ਏਨਾ।ਥੋੜਾ ਜਾ ਤੇਰਾ ਪਿਆਰ ਸੀ ਮਿਲਿਆ, ਸੱਚੀ ਦੱਸਾਂ ਖੋਇਆ ਏਨਾ।ਸੁੱਖਾਂ ਦੀ ਸਾਡੇ ਟੁੱਟ ...
27/10/2025

ਹੰਬ ਗਏ।

ਅਸਰ ਸਾਡੇ ਤੇ ਹੋਇਆ ਏਨਾ ,
ਕਮਲਾ ਜਿਹਾ ਦਿਲ ਰੋਇਆ ਏਨਾ।
ਥੋੜਾ ਜਾ ਤੇਰਾ ਪਿਆਰ ਸੀ ਮਿਲਿਆ, ਸੱਚੀ ਦੱਸਾਂ ਖੋਇਆ ਏਨਾ।

ਸੁੱਖਾਂ ਦੀ ਸਾਡੇ ਟੁੱਟ ਗਈ ਮਾਲ਼ਾ,
ਝੱਲਿਆ ਦੁੱਖ ਪਰੋਇਆ ਏਨਾ।
ਹੰਬ ਗਏ ਹੁਣ ਤਾਂ ਮੋਢੇ ਸਾਡੇ,
ਭਾਰ ਗ਼ਮਾਂ ਦਾ ਢੋਇਆ ਏਨਾ।

ਵੇਂਹਦਿਆਂ ਵੇਂਹਦਿਆਂ ਸਭ ਕੁਝ ਡੁੱਬਿਆ ,
ਨੈਣਾਂ ਦਾ ਕੋਠਾ ਚੋਇਆ ਏਨਾ।
ਫਿਰ ਦੁਬਾਰੇ ਛੱਤ ਨਹੀਂ ਬਣਨੀ ,
ਤਾਂ ਦੁਖੀ ਮਨ ਹੋਇਆ ਏਨਾ।

ਵੀਰਪਾਲ ਦੀ ਹਿੰਮਤ ਟੁੱਟ ਗਈ,
ਰੱਬ ਨੇ ਮੈਨੂੰ ਜ਼ੋਇਆ ਏਨਾ।
ਤੂੰ ਤਾਂ ਮੁੜ ਕੇ ਉੱਠਿਆ ਹੀ ਨਹੀਂ,
ਕਿਉਂ ਕਮਲਿਆ ਸੋਇਆ ਏਨਾ।

ਵੀਰਪਾਲ ਭੱਠਲ

26/10/2025

ਸਾਡਾ ਚੇਤਾ

Address


Telephone

+919592951101

Website

Alerts

Be the first to know and let us send you an email when Virpal Kaur Bhathal posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Virpal Kaur Bhathal:

Shortcuts

  • Want your business to be the top-listed Media Company?

Share