21/10/2021
സംസ്ഥാന സര്ക്കാരിന്റെ നൂറുദിന പദ്ധതിയുടെ ഭാഗമായി നടപ്പിലാക്കുന്ന വിജയവീഥി പഠന കേന്ദ്രത്തിനു പുതുപ്പാടി സർവീസ് സഹകരണ ബാങ്കിന് അംഗീകാരം.
സര്ക്കാര് സ്ഥാപനമായ കേരള സ്റ്റേറ്റ് റൂട്രോണിക്സ് ആണ് പദ്ധതി നടപ്പിലാക്കുന്നത്. പുതുപ്പാടി സർവീസ് സഹകരണ ബാങ്കിന്റെ അറുപതാം വാർഷികാചരണത്തോടനുബന്ധിച്ച് വിഭാവനം ചെയ്ത വിവിധങ്ങളായ പദ്ധതികളിൽ ഉൾപ്പെടുത്തി വിജയവീഥി പഠനകേന്ദ്രത്തിന്റെ പ്രവർത്തനം ആരംഭിക്കാനാണ് ഉദ്ദേശിക്കുന്നത്.
മികച്ച രീതിയിൽ മുന്നേറുന്ന ബാങ്കിങ് പ്രവർത്തനത്തോടൊപ്പംതന്നെ സഹകരണ മേഖലയുടെ വൈവിധ്യവർക്കരണം എന്ന പ്രസ്താപിതലക്ഷ്യം മുന്നോട്ടുവെച്ച്, കേരള സർക്കാരിന്റെയും സഹകരണ വകുപ്പിന്റെയും നിർദ്ദേശങ്ങൾക്കനുസൃതമായി, വിവിധ മേഖലകളിലേക്ക് പ്രവർത്തന വ്യാപ്തി വർധിപ്പിക്കുകയാണ് പുതുപ്പാടി സർവീസ് സഹകരണ ബാങ്ക്. വിജയവീഥി പഠന കേന്ദ്രം വിദ്യാഭ്യാസ മേഖലയിലെ സംഘത്തിന്റെ ആദ്യ ചുവടുവെപ്പാണ്.
ഐ എ എസ്,ഐ പി എസ്,പി. എസ്. സി, യു പി. എസ്. സി, ബാങ്കിംഗ് സര്വീസ് റിക്രൂട്ട്മെന്റ് ബോര്ഡ്, റെയില്വേ റിക്രൂട്ട്മെന്റ് ബോര്ഡ് തുടങ്ങി സംസ്ഥാന / കേന്ദ്ര സര്ക്കാര് ജോലികള്ക്കായി അപേക്ഷിക്കുന്ന ഉദ്യോഗാര്ത്ഥികളെ നഗര – ഗ്രാമ വ്യത്യാസമന്യേ മത്സരപരീക്ഷകള്ക്ക് സജ്ജരാക്കും വിധം പരിശീലനം നല്കുകയാണ് പദ്ധതിയുടെ ലക്ഷ്യം.
പരിശീലന ക്ലാസുകള് ഓണ്ലൈനായും ഓഫ് ലൈനായും സംഘടിപ്പിക്കാനാണ് ഉദ്ദേശിക്കുന്നത്. നൂതനമായ പരിശീലന രീതിയും സംവിധാനങ്ങളും ഉപയോഗിച്ച് ഈ മേഖലയിലെ മികച്ച പരിശീലകര് നയിക്കുന്ന ക്ലാസുകളിലൂടെ സര്ക്കാര് ജോലി നേടാന് കൂടുതല് ആളുകളെ പ്രാപ്തരാക്കാന് കഴിയുമെന്നത് നിശ്ചയമാണ്. ഭിന്നശേഷിക്കാര്ക്ക് പ്രത്യേകം ബാച്ച് തുടങ്ങാനും സംഘം ലക്ഷ്യമിടുന്നു.
