Cinema Company (2026)

17/08/2026

വായയിൽ ക്യാൻസർ വന്ന് കുറേ വേദനകൾ തിന്ന് മരണപ്പെട്ട നടനാണ് രവി മേനോൻ..
പെരിന്തൽമണ്ണയിലെ ഒരു സ്വകാര്യ ആശുപത്രിയിൽ വെച്ചായിരുന്നു 2007 നവംബർ 24ന് അദ്ദേഹത്തിൻ്റേ മരണം...സാധാരണ നടൻമാരുടെ മരണം പോലേ ആചാരവെടി വെച്ച് ബഹുമാന പുരസ്സരം എല്ലാവരുടേയും ആദരവ് ഏറ്റുവാങ്ങിയുള്ള മരണാനന്തര ചടങ്ങുകളൊന്നുമില്ലാതേ,ആരാലും ശ്രദ്ധിക്കപ്പെടാതെ കളം ഒഴിഞ്ഞു പോയ നടനാണ്..1970/80കളിൽ മലയാള ചലച്ചിത്ര രംഗത്ത് തന്റേതായ വ്യക്തിമുദ്ര പതിപ്പിച്ച പ്രിയ നടൻ രവി മേനോന്റെ ഓർമ്മകൾക്ക് മുന്നിൽ പ്രണാമം...പൂനെ ഫിലിം ഇൻസ്റ്റിറ്റ്യൂട്ടിൽ നിന്ന് അഭിനയം പഠിച്ചിറങ്ങി മലയാള സിനിമയിലേക്ക് കടന്നുവന്ന ചുരുക്കം ചില നടന്മാരിൽ ഒരാളായിരുന്നു അദ്ദേഹം...കൂട്ടുകാരനായ കബീർ റാവുത്തറിന്റെ ഡിപ്ലോമ ഫിലിമായ “മാനിഷാദ” യിലൂടെ അഭിനയ രംഗത്തെത്തി.. ഈ ചിത്രം കാണാനിടയായ പ്രമുഖ സംവിധായകൻ മണി കൗൾ ദുവിധ എന്ന ബോളിവുഡ് ചിത്രത്തിൽ രവി മേനോനെ നായകനാക്കി...ചിത്രത്തിനോടൊപ്പം തന്നെ രവി മേനോൻ എന്ന നടനും ഏറേ ശ്രദ്ധിക്കപ്പെട്ടു...

തുടർന്ന് ബോളിവുഡിൽത്തന്നെ സപ്നോം കി റാണി, ജംഗൽ മേം മംഗൽ, ദോ കിനാരേ, വ്യപാർ തുടങ്ങിയ ചിത്രങ്ങളിലും വേഷമിട്ടു..
1970-കളിൽ 'നിർമ്മാല്യം' എന്ന വിഖ്യാത ചിത്രത്തിലൂടെ മലയാള ചലച്ചിത്ര ലോകത്തേക്ക് എത്തിയ രവി മേനോൻ, ആദ്യ ചിത്രത്തിലൂടെ തന്നെ പ്രേക്ഷകരുടെയും നിരൂപകരുടെയും ശ്രദ്ധ പിടിച്ചുപറ്റി...എം.ടി. വാസുദേവൻ നായരുടെ സംവിധാനത്തിൽ പിറന്ന ഈ ചിത്രത്തിലെ അദ്ദേഹത്തിന്റെ പ്രകടനം ഏറെ പ്രശംസനീയമായിരുന്നു...നിർമാല്യത്തിലെ ഉണ്ണിനമ്പൂതിരി എന്ന കഥാപാത്രം രവി മേനോനു മികച്ച നടനുള്ള സംസ്ഥാന സർക്കാരിൻ്റേ അവാർഡ് നേടിക്കൊടുത്തു..സൗമ്യമായ ഭാവവും,സ്വാഭാവികമായ അഭിനയ ശൈലിയുമായിരുന്നു അദ്ദേഹത്തിന്റെ പ്രത്യേകത...നായകനായും, സ്വഭാവ നടനായും ഒട്ടനവധി നല്ല കഥാപാത്രങ്ങൾക്ക് ജീവൻ നൽകാൻ അദ്ദേഹത്തിന് സാധിച്ചു...

പാലക്കാട് ജില്ലയിലെ കരിമ്പുഴയിൽ ചാലപ്പുറത്ത് കല്യാണിയമ്മയുടെയും അമ്മന്നൂർ ബാലകൃഷ്ണമേനോന്റെയും മകനായി 1950-ൽ ജനിച്ചു...ശാലിനി എൻ്റെ കൂട്ടുകാരി എന്ന ചിത്രത്തിലേ റൊമാൻ്റിക് ഹീറോ ആയിരുന്നു..
"സുന്ദരീ നിൻ തുമ്പ് കെട്ടിയിട്ട ചുരുൾ മുടിയിൽ" എന്ന ഗാനം ഇഷ്ടപ്പെടാത്തവരുണ്ടാകില്ല..
ശോഭയോടുള്ള പ്രണയം കാരണം അവിവാഹിതനായി തുടർന്നൂവെന്നും,
ശോഭയുടെ മരണം ഉൾക്കൊള്ളാനാകാതേ മദ്യത്തിൽ അഭയം തേടിയതാണെന്നും കേട്ടിട്ടുണ്ട്.. എത്രമാത്രം സത്യമുണ്ടെന്ന് അറിയില്ല..വെറും ഗോസിപ്പ് ആണോയെന്നും ഉറപ്പില്ല..ശോഭയേ ആർക്കാണ് ഇഷ്ടം തോന്നാതിരിക്കുകയല്ലേ..കരിമ്പനയെന്ന സിനിമയിൽ ജയനോടൊപ്പം കണ്ടിട്ടുണ്ട്..
അക്കാലത്തേ പല ഹിറ്റ് ഗാനങ്ങളിലും അദ്ദേഹമുണ്ട്..കലയോടുള്ള പൂർണ്ണമായ പ്രതിബദ്ധതയും, തനിമയാർന്ന പ്രകടനങ്ങളും കൊണ്ട് മലയാളികളുടെ മനസ്സിൽ ചിരപ്രതിഷ്ഠ നേടിയ നടൻ രവി മേനോന്റെ സ്മരണകൾക്ക് മുന്നിൽ ആദരാഞ്ജലികൾ... പ്രണാമം 🙏

09/07/2026

പ്രശസ്ത ചലച്ചിത്ര സംവിധായകനായ ആലപ്പി അഷ്റഫ് കഴിഞ്ഞ ദിവസങ്ങളിൽ പങ്കുവെച്ച, സിനിമാ മേഖലയിലുള്ളവർ പോലും അധികം അറിയാത്ത ഒരു വലിയ നന്മയുടെ കഥ കേൾക്കുന്ന ഏവരുടെയും കണ്ണുകളെ ഈറനണിയിക്കുന്ന ഒന്നാണ്. മലയാളികൾക്ക് ഏറെ പ്രിയങ്കരനായ ഹാസ്യനടൻ സാജൻ നവോദയ എന്ന പാഷാണം ഷാജിയും അദ്ദേഹത്തിന്റെ പങ്കാളിയും ചേർന്ന് ചെയ്ത സമാനതകളില്ലാത്ത ഒരു കാരുണ്യപ്രവർത്തിയെക്കുറിച്ചാണ് അദ്ദേഹം വെളിപ്പെടുത്തിയത്. സ്വന്തം ആവശ്യങ്ങൾക്ക് മുൻഗണന നൽകുന്ന ഇന്നത്തെ സമൂഹത്തിൽ, ദുരിതമനുഭവിക്കുന്ന മറ്റൊരാൾക്ക് ആശ്വാസമേകാൻ തങ്ങൾ ഏറെ ആഗ്രഹിച്ച് സ്വന്തമാക്കിയ വീട് പോലും വിൽക്കാൻ തയ്യാറായ ഈ മനുഷ്യന്റെ വലിയ മനസ്സ് നമ്മെ ഏറെ അത്ഭുതപ്പെടുത്തുന്നതാണ്.

നീണ്ട പതിനഞ്ചോളം വർഷക്കാലം വാടക വീടുകളിൽ മാറിമാറി താമസിച്ച ശേഷമാണ് ഒരുപാട് സ്വപ്നങ്ങളോടെ സാജനും ഭാര്യയും സ്വന്തമായി ഒരു വീട് വാങ്ങുന്നത്. ആ സമയത്താണ് ചികിത്സയ്ക്കായി ധനസഹായം ആവശ്യപ്പെട്ടുകൊണ്ട് ഒരു ക്യാൻസർ രോഗി ഇവരെ സമീപിക്കുന്നത്. ആ കുടുംബത്തിന്റെ അവസ്ഥ നേരിട്ടറിയാൻ ഇരുവരും അവരുടെ താമസസ്ഥലത്ത് എത്തിച്ചേർന്നു. എന്നാൽ അവിടെ ചെന്ന അവർക്ക് കാണേണ്ടി വന്നത് നെഞ്ചുതകർക്കുന്ന കാഴ്ച്ചകളായിരുന്നു. ചോർന്നൊലിക്കുന്ന ഒരു ചെറിയ ഫ്ലക്സ് കുടിലിൽ, തറയിൽ ഒരു ഫ്ലക്സ് ഷീറ്റ് മാത്രം വിരിച്ച് അതിലായിരുന്നു ആ രോഗി കിടന്നിരുന്നത്. കൂടാതെ പ്ലസ് വണ്ണിലും പ്ലസ് ടുവിലും പഠിക്കുന്ന രണ്ട് പെൺമക്കളും ആ കുടുംബത്തിലുണ്ടായിരുന്നു.

സുരക്ഷിതമല്ലാത്ത ആ സാഹചര്യത്തിൽ കഴിയുന്ന പെൺകുട്ടികളുടെ അവസ്ഥ സാജന്റെ ഭാര്യയെ ഏറെ സങ്കടപ്പെടുത്തി. പ്രാഥമിക ആവശ്യങ്ങൾ നിറവേറ്റാൻ ഒരു ശുചിമുറി പോലും ആ വീട്ടിൽ ഉണ്ടായിരുന്നില്ല. തന്മൂലം പുലർച്ചെ മൂന്ന് മണിക്ക് എഴുന്നേറ്റ് അടുത്തുള്ള പറമ്പുകളെ ആശ്രയിക്കേണ്ടി വരുന്ന ഗതികേടിലായിരുന്നു ആ പെൺകുട്ടികൾ. തുടക്കത്തിൽ രോഗിക്ക് ഒരു കട്ടിൽ വാങ്ങി നൽകാനാണ് അവർ തീരുമാനിച്ചിരുന്നതെങ്കിൽ, ആ കുട്ടികളുടെ ദുരവസ്ഥ കണ്ടതോടെ അവർക്കൊരു വീട് നിർമ്മിച്ച് നൽകാം എന്ന് ഭാര്യ നിർദ്ദേശിക്കുകയായിരുന്നു. സാജൻ ഒട്ടും മടിക്കാതെ തന്നെ ആ തീരുമാനം സന്തോഷത്തോടെ സമ്മതിച്ചു.

രണ്ട് അറ്റാച്ച്ഡ് ബാത്ത്റൂമുകളും ഹാളും അടുക്കളയും അടങ്ങുന്ന സുരക്ഷിതമായ ഒരു വീടാണ് അവർ ആ കുടുംബത്തിനായി പണിതു നൽകിയത്. എന്നാൽ ആ വീടിന്റെ നിർമ്മാണം പൂർത്തിയാക്കാൻ സാജന് തങ്ങൾ അധ്വാനിച്ചുണ്ടാക്കിയ സ്വന്തം വീട് വിൽക്കേണ്ടി വന്നു എന്നതാണ് ഇതിലെ ഏറ്റവും വലിയ ത്യാഗം. മറ്റൊരാൾക്ക് തലചായ്ക്കാൻ സുരക്ഷിതമായ ഒരിടമൊരുക്കിയ ശേഷം, അവർ സന്തോഷത്തോടെ തങ്ങളുടെ പഴയ വാടക ജീവിതത്തിലേക്ക് തന്നെ മടങ്ങിപ്പോയി. ഇത്രയും വലിയൊരു തീരുമാനമെടുക്കാൻ കാണിച്ച ആ നന്മ നിറഞ്ഞ മനസ്സിനെ എത്ര പ്രശംസിച്ചാലും അത് കുറഞ്ഞുപോകും...

29/04/2026

ഭാസ്കരക്കുറുപ്പ് :-

തന്റെ രൂപത്തിനും ഭാവത്തിനും ഇണങ്ങിയ പരുക്കൻ കഥാപാത്രങ്ങൾ തനതായ ചാരുതയോടെ പകർന്നാടിയ ഒരു അതുല്യപ്രതിഭ.

നഗരസഭാ ഉദ്യോഗസ്ഥൻ ആയിരുന്ന ഭാസ്കരക്കുറുപ്പ്
കോഴിക്കോടൻ നാടകവേദികളിലൂടെയാണ് അഭിനയകലയിൽ മാറ്റുരച്ചത്.
P.N.മേനോൻ സംവിധാനം ചെയ്ത
ഉദയം കിഴക്കുതന്നെ എന്ന ചിത്രത്തിലൂടെ ചലച്ചിത്ര രംഗത്തെത്തി.
തുടർന്ന് യാഗാശ്വം, മുത്തുച്ചിപ്പികൾ, മേള, അഹിംസ, ചിരിയോചിരി, ഇനിയെങ്കിലും, ഉണരൂ,
ദൂരെ ദൂരെ ഒരു കൂടുകൂട്ടാം, വാർത്ത തുടങ്ങി നിരവധി ചിത്രങ്ങളിൽ അഭിനയിച്ചു.
അങ്ങാടിയിൽ കുതിരവട്ടം പപ്പു അവതരിപ്പിച്ച
ഹറാത്ത് അബു എന്ന കഥാപാത്രവുമായി തനിക്കുള്ള ബന്ധം വെളിപ്പെടുത്തുന്ന
ഹംസ എന്ന പോലീസുകാരനെ ഏറെ തന്മയത്വത്തോടെയാണ് ഈ നടൻ അവതരിപ്പിച്ചത്.
ഈനാടിലെ മാട്ടുക്കാരൻ അണ്ണാച്ചിയാണ് ഈ നടനെ ഓർക്കുമ്പോൾ പെട്ടെന്ന് മനസ്സിലേക്ക് കടന്നുവരുന്ന മറ്റൊരു കഥാപാത്രം.
കള്ളൻ പവിത്രൻ എന്ന ചിത്രത്തിലെ
നിന്നേം ഇടിക്കും ഇവനേം ഇടിക്കും
എല്ലാവരേയും ഇടിക്കും
എന്ന് ഭീഷണിപ്പെടുത്തുന്ന
ഇൻസ്പെക്ടർ വേഷവും ഏറെ രസകരമായി ഇദ്ദേഹം അവതരിപ്പിച്ചു.
എന്നാൽ ഇതിനേക്കാളെല്ലാം ഏറെ തിളക്കമുള്ള പ്രകടനമായിരുന്നു
ശരപഞ്ജരത്തിലെ ചെല്ലപ്പന്റേത്.
ക്രൂരതയുടെ പര്യായമായ ചന്ദ്രശേഖരൻ മുതലാളിയുടെ കൈയാളായി
എല്ലാ കൊള്ളരുതായ്മകൾക്കും കൂട്ടുനില്ക്കുന്ന ചെല്ലപ്പന്റെ ഭാവപ്രകടനങ്ങൾ മാത്രമല്ല
ഓരോ സംഭാഷണത്തിനും ശബ്ദവ്യതിയാനങ്ങൾ കൊണ്ട് മാസ്മരികത സൃഷ്ടിക്കാനും ഈ മഹാനടന് കഴിഞ്ഞു.
അതിലെ നിസ്സാര വാചകങ്ങൾക്കു പോലും ഈ നടൻ നല്കിയ ഭാവഗരിമ ചലച്ചിത വിദ്യാർത്ഥികൾക്ക് പഠനാർഹമാണ്.
എടാ ചെല്ലപ്പാ
എസ്റ്റേസ്റ്റ് ബംഗ്ലാവിൽ അല്ലായിരുന്നോ നിങ്ങടെ നായാട്ട്,
ഇവിടാരും ഒന്നും അറിയില്ലെന്ന് കരുതരുത്
എന്നതിന് മറുപടിയായി
ചെല്ലപ്പൻ പറയുന്നത്
ഇത്രമാത്രം:
അറിയാമെങ്കിൽപ്പിന്നെ ചോദിക്കുന്നതെന്തിനാ ?
തികച്ചും സാധാരണമായ സംഭാഷണം.
പക്ഷെ അത് പറയുന്നത്
മറ്റാരെങ്കിലും ആയിരുന്നെങ്കിൽ
എന്ന് ചിന്തിച്ചു നോക്കിയാലറിയാം
ഭാസ്കരക്കുറുപ്പ് എന്ന അഭിനേതാവ് എത്രത്തോളം വേറിട്ടു നില്ക്കുന്നു എന്ന്.

താനെന്തിനാടോ ആ പാവം കിളവനെ തല്ലിയത് ?
ഇവിടുത്തെ മുതലാളി പറഞ്ഞിട്ടാ
മുതലാളി പറഞ്ഞാൽ താൻ തല്ലുമോ ?
വേണ്ടിവന്നാൽ മുതലാളി പറയാതെയും തല്ലും
ശരിക്കും ഇതൊക്കെയല്ലേ
മാസ്സ് ഡയലോഗ് എന്ന് വിശേഷിപ്പിക്കേണ്ടത്.

ക്ലൈമാക്സിൽ ഷീലയുടെ കഥാപാത്രം ചോദിക്കുന്നു
പ്രഭാകരൻ എവിടെടാ എന്ന്,
അതിനു മറുപടിയായി
ഭാസ്കരക്കുറുപ്പിന്റെ ചെല്ലപ്പൻ പരുങ്ങലോടെ പറയുന്നു:
പ്രഭാകരനെ ഇനി അന്വേഷിക്കണ്ട കൊച്ചമ്മേ
എന്ന്.
അതുവരെ നാം കണ്ട ചെല്ലപ്പനിൽനിന്നും തികച്ചും വ്യത്യസ്ഥമായ വികാരവിക്ഷോഭങ്ങളാണ് ആ സമയത്ത്
ഭാസ്കരക്കുറുപ്പ് എന്ന അഭിനേതാവിന്റെ മുഖത്ത് വിരിയുന്നത്.

താരപരിവേഷമുള്ളവരെ മാത്രം മഹാനടന്മാരായി വാഴ്ത്തിപ്പാടുന്ന സമീപനം മാറ്റിവച്ച്
ഇത്തരത്തിൽ ആഘോഷിക്കപ്പെടാതെ വിസ്മൃതിയിൽ ലയിച്ചുപോയ കലാപ്രതിഭകളെയും പുതുതലമുറയ്ക്കു മുമ്പിൽ അനാവരണം ചെയ്യാനുള്ള ധാർമ്മിക ഉത്തരവാദിത്വം ചലച്ചിത്ര പ്രേമികൾക്കുണ്ട്.

ഓർമ്മകളിൽ സുഗന്ധം ചൊരിയുന്ന
ആ വസന്തകാലം
ഓർമ്മകളിൽ തെളിയുമ്പോൾ അതിൽ
ഭാസ്കരക്കുറുപ്പ് എന്ന പ്രതിഭയയുടെ മുഖവും ഉണ്ടായിരിക്കും.

റോയ് V T

24/04/2026

നടൻ ശ്രീനാഥ് കോതമംഗലത്ത് ഹോട്ടലിൽ മരിച്ച നിലയിൽ കണ്ടെത്തിയ ദിവസം: 2010 ഏപ്രിൽ 23 ന് മോഹൻലാൽ നായകനായ ശിക്കാർ സിനിമയിൽ അഭിനയിക്കാൻ വന്ന പ്രമുഖ നടൻ ശ്രീനാഥ് ഹോട്ടൽ മരിയ ഇൻ്റർനാഷണലിൽ ദുരുഹസാഹചര്യത്തിൽ മരിച്ച നിലയിൽ കണ്ടെത്തിയ ദിവസം:ഋതുഭേദ കല്പന ചാരുത നൽകിയ..
പ്രിയ പാരിതോഷികം പോലെ"
പ്രിയ നടന് സ്മരണാഞ്ജലികൾ.

കോതമംഗലം:തൃശൂർ ജില്ലയിലെ മടത്തുംപടിയിൽ കമലാലയത്തിൽ (തോപ്പിൽ ഇഞ്ചിയൂർ വീട്ടിൽ) ബാലകൃഷ്ണൻ‌നായരുടെയും കമലാദേവിയുടേയും 1956 ഓഗസ്റ്റ് 26-ന് മകനായി ജനിച്ചു.
ഐരാണിക്കുളം സര്‍ക്കാര്‍ സ്‌ക്കൂള്‍, കല്ലേറ്റുംകര ബി. വി. എം. ഹൈസ്‌ക്കൂള്‍,അളകപ്പനഗര്‍ ത്യാഗരാജ പോളീടെക്‌നിക്ക്. സൗത്ത് ഇന്ത്യന്‍ ഫിലീം ചേംബര്‍ സ്‌ക്കൂള്‍ ഓഫ് ആക്ടിങ് എന്നിവിടങ്ങളില്‍ നിന്നും വിദ്യാഭ്യാസം പൂര്‍ത്തിയാക്കി. 1978ല്‍ ശാലിനി എന്റെ കൂട്ടുകാരി എന്ന ചിത്രത്തിലൂടെയാണ് ശ്രീനാഥ് ചലച്ചിത്രരംഗത്തേക്ക് കടന്നു വരുന്നത്. പിന്നീട് നാല്പതോളം ചലച്ചിത്രങ്ങളില്‍ അഭിനയിച്ചു. അതിനുശേഷം ടെലിവിഷന്‍ സീരിയലുകളില്‍ സജീവമായി. തപസ്യ, സമയം, മരണം ദുര്‍ബലം, മോഹ പക്ഷി, തിരശീലക്ക് പിന്നില്‍, എന്റെ മാനസപുത്രി എന്നിവയാണ് അഭിനയിച്ച സീരിയലുകള്‍. അക്കാലയളവിളവില്‍ ടെലിവിഷന്‍ നടനുള്ള സംസ്ഥാന പുരസ്‌കാരം ലഭിച്ചിട്ടുണ്ട്.

ശാലിനി എന്റെ കൂട്ടുകാരി, ഈണം, ഇതു ഞങ്ങളുടെ കഥ, സന്ധ്യ മയങ്ങുംനേരം, ചേക്കേറാന്‍ ഒരു ചില്ല, കിലുക്കം, കിലുകിലുക്കം, ഒരു സി. ബി. ഐ. ഡയറിക്കുറുപ്പ്, ജാഗ്രത, കുടുംബപുരാണം, ദേവാസുരം, മതിലുകള്‍, ഒറ്റയടിപ്പാതകള്‍, സര്‍വ്വകലാശാല, ഹലോ മൈ ഡിയര്‍ റോങ്ങ്‌ നമ്പര്‍, ഇരുപതാം നൂറ്റാണ്ട്, സ്വാഗതം, കിരീടം, മൂന്നാം മുറ, ചെങ്കോല്‍, വാഴുന്നോര്‍, കുടുംബ പുരാണം, കേരള കഫേ എന്നിവയാണ് അഭിനയിച്ച ചിത്രങ്ങള്‍. ശാലിനി എന്റെ കൂട്ടുകാരി, ഇതു ഞങ്ങളുടെ കഥ, ഒരു സി.ബി.ഐ. ഡയറിക്കുറിപ്പ്, കിരീടം, ദേവാസുരം എന്നിവീ ചിത്രങ്ങളിലെ ശ്രീനാഥിന്റെ അഭിനയം മികച്ചതാണ്. റയില്‍ പയനങ്ങള്‍, ഉണ്‍മൈകള്‍,കണ്‍വെടിയും പൂക്കള്‍ തമിഴ് ചിത്രങ്ങളിലും അഭിനയിച്ചിട്ടുണ്ട്. 2009ല്‍ നടന്ന പതിനഞ്ചാം ലോകസഭാ തെരഞ്ഞെടുപ്പില്‍ ആറ്റിങ്ങല്‍ ലോകസഭാമണ്ഡലത്തെ പ്രതിനിധീകരിച്ച് ശിവസേനയുടെ സ്ഥാനാര്‍ഥിയായി മത്സരിച്ച് പരാജയപ്പെട്ടു. ചലച്ചിത്രജീവിതത്തിന്റെ തുടക്കത്തില്‍ ശ്രീനാഥ് നടി ശാന്തികൃഷ്ണയൊന്നിച്ച് ചില ചിത്രങ്ങളില്‍ അഭിനയിച്ചിരുന്നു. പിന്നീട് ഇവര്‍ പ്രണയിച്ച് 1984 സെപ്തംബറില്‍ വിവാഹം കഴിച്ചു.പിന്നീട് വിവാഹജീവിതത്തില്‍ അപസ്വരങ്ങളുണ്ടായതിനെത്തുടര്‍ന്ന് 1995 സെപ്തംബറില്‍ ഇവര്‍ വേര്‍പിരിയുകയും ചെയ്തു. ശ്രീനാഥ് പിന്നീട് കൊല്ലം തെന്മല സ്വദേശിനി ലതയെ വിവാഹം കഴിച്ചു. ഇവര്‍ക്ക് കണ്ണന്‍(വിശ്വജിത്ത്) എന്ന മകന്‍ ഉണ്ട്. അവസാനം അഭിനയിച്ച ചിത്രം 2009 ല്‍ പുറത്തിറങ്ങിയ കേരള കഫേ എന്ന ചിത്രമാണ്. 2010 ഏപ്രില്‍ 23ന് കോതമംഗലത്തെ ഒരു സ്വകാര്യ ലോഡ്ജില്‍ ശ്രീനാഥിനെ മരിച്ചനിലയില്‍ കണ്ടെത്തുകയായിരുന്നു. മരന്നശേഷം ശ്രീനാഥിൻ്റെ മൃദദേഹം MBMM ഹോസ്പിറ്റൽ മോർച്ചറിയിൽ സൂക്ഷിക്കുകയും പോസ്‌റ്റ് മാർട്ടത്തിന് ശേഷം ബന്ധുക്കൾക്ക് വിട്ടു നൽകുകയുമായിരുന്നു . നടൻ മോഹൻലാൽ കലാഭവൻ മണി, ആൻ്റണി പെരുമ്പാവൂർ, അന്നത്തെ മോഹൻലാൽ ഫാൻസ് ആൻ്റ് വെൽഫെയർ അസോസിയേഷൻ ജില്ലാ പ്രസിഡൻ്റ് മനോജ് ഗോപി ഉൾപ്പെടെ ഉള്ളവർ ആശുപത്രിയിലെത്തി അന്തിമോപചാരമർപ്പിച്ചിരുന്നു. ശ്രീനാഥ് ശിവസേന സംസ്ഥാന ഭാരവാഹി കൂടിയായിരുന്നു. മരണത്തിൽ ദുരൂഹത ആരോപിച്ച് ഉന്നത തല അന്വഷണം വേന്നമെന്ന് ശിവസേന സംസ്ഥാന കമ്മറ്റിയും രണ്ടാം ഭാര്യയും പരാതി നൽകിയിരുന്നു പ്രമുഖ നടി ശാന്തി കൃഷ്ണയുമായുള്ള വിവാഹ ബന്ധം വേർപെടുത്തിയിരുന്നു.

10/03/2026

കുത്തിത്തിരുപ്പിന്റെ wholesale dealers 😂😂

Address

Telephone

+919809057144

Website

facebook.com

Alerts

Be the first to know and let us send you an email when Cinema Company posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Cinema Company:

Cinema Company