Republic Hyderabad News

Republic Hyderabad News News Update
Any Advertisement Contact (Rhn)

03/09/2025

⚡ Hyderabad ka Sabse Sharmnaak Waqiya! ⚡

Valima ki Dawat jo khushi ka jashn hoti hai, usse maut ka manzar bana diya gaya!
👉 Ambulance me Dead Body ki tarah Phool ka Haar laya gaya,
👉 Dulhe ke gale me daala gaya,
👉 Aur Ambulance ke Siren se tamasha racha diya gaya!

📍 Kings Crown, Pillar No. 68 par yeh badtareen harkat anjam di gayi, jo Hyderabad ki tehzeeb aur shahr ki izzat ke khilaf hai.

🚨 Hyderabad City Police se purzoR mutaliba:
Ambulance ke ghalat istemaal karne walon par F.I.R. darj karke giraftari ki jaye, taake kal ko koi aur is sharmnaak raste par na chale.

☝️ Yeh sirf ek shadi ka scene nahi,
Balki Hamari Qaum ki izzat, tehzeeb aur deen ka masla hai.
Har Musalmaan ka farz hai ke is harkat ki mazammat kare, warna kal ko hum apni aankhon se aur bhi buraiyan dekhne par majboor ho jayenge.

🕋 Shaadi barkat hai, Maut ibarat hai… Lekin dono ko mila kar mazak banana — yeh gunaah hai, yeh ruswai hai!.

15/08/2025

⚡ BREAKING NEWS | Rain Bazar Mein Khoon Ka Toofan! ⚡
Qizar Yaqubi par khatarnak jaanlewa hamla!
Khoon se latpat – Osmania Hospital mein ilaaj jari…
Police sakht nigrani mein, ilaqe mein dehshat ka saaya! 🚨

06/07/2025

Hyderabad Mein Tareekhi Muharram Riwayat Ko Barqarar Rakhte Hue Bibi Ka Alam Ka Juloos Sheher Ki Galiyon Se Guzar Raha Hai.

04/07/2025

🟥 “Medipally Mein Zulm Ka Manzar — AIMIM Ka Insaaf Ka Pegham!” 🟥

Rachakonda Police Commissionerate ke zail Medipally mein ek nafrat aur zulm se bharpoor waqiya samne aaya, jisme ek masoom driver Mustafa par ‘gau raksha’ ke naam par musallah afraad ne be-dardi se hamla kiya.

Mustafa ek livestock vehicle le ja rahe the, jab achanak unki gaadi roki gayi. Magar yeh rokna sirf ek ibtida thi— shar pasandon ne un par tez dhaar hathyaaron se hamla kiya, unke aankhon ko zakhm pohanchaya, daant tod diye, aur unhein be-shumar zakhm diya gaya.

---

⚖️ AIMIM Ka Fa’ali Jawab:

Jaisi hi yeh khabar Sadar-e-Mohtaram, Naqeeb-e-Millat, Alhaj Barrister Asaduddin Owaisi Sahab (MP Hyderabad, President AIMIM) tak pohnchi, unhone foran Police Commissioner Rachakonda, Janab Sudheer Babu Sahab se raabta kiya.

Barrister Sahab ne kaha:

> “Raksha ke naam par shar pasandi aur nafrat ka paighaam phelaya ja raha hai — in par sakt qanooni karwai honi chahiye.”

---

🕊️ Chandrayangutta Se Medipally Tak Insaaf Ki Umeed:

Sadar-e-Mohtaram ki hidayat par, AIMIM Floor Leader Janab Akbaruddin Owaisi Sahab (MLA Chandrayangutta) ki zair-e-nigrani mein AIMIM MLC Janab Mirza Rahmat Baig Quadri Sahab ko foran 2:00 PM par Medipally bheja gaya.

Unhone mauqa-e-wardaat par Medipally Police Inspector aur Additional DCP LB Nagar Janab B. Koteshwar Rao Sahab se mulaqat ki, complaint file ki, aur FIR darj karwayi gayi.

---

🤝 Majlis Ke Numaindon Ka Dard Mein Shaamil Hona:

Is waqiya mein AIMIM ke Corporator Janab Zafar Khan Sahab aur Janab Hussaini Pasha Sahab bhi maujood the, jo Mustafa ke saath dard aur insaaf ka paigham le kar khare rahe.

Majlis ke sudoor-o-mohtamadeen ne bhi is waqiya ki sakhti se muzammat ki aur kaha:

> “Mazloom ki aah hamari aah hai, aur Majlis har zulm ke khilaf khadi hai.”

---

🗂️ Mukammal Report Tayyar:

Is waqiya ki tamam tafseelat, gawahon ke bayanaat aur qanooni pehluon par mabni ek mukammal report Sadar-e-Mohtaram Barrister Asaduddin Owaisi Sahab ko pesh ki jayegi, taake aage ki hikmat-e-amali munazzam taur par tay ho.

---

🔥 Aakhri Peghaam:

Gaadi roki gayi thi… magar AIMIM ne zulm ke rukh ko tod diya!
Hyderabad ki tehzeeb ke saath chhed-chaad karne walon ke liye yeh sirf ek pehla jawab hai.

> “Zulm ki har deewar girayenge, insaaf ka parcham lehrayenge!”
“Majlis sirf siyasat nahi, awaam ka tahaffuz hai!”

04/07/2025

"AIMIM Ka Paighaam — Azadari Ki Bulandi, Tehzeeb Ki Zinda Tasveer!"

Hyderabad ki roohani zameen par
jahan Azadari sirf ek rasm nahi —
balki wafadari, tehzeeb, aur mohabbat ka zinda paighaam hai,
wahaan ek baar phir
All India Majlis-e-Ittehadul Muslimeen (AIMIM) ne
apni riwayati zimmedaari aur jazbaati rehnumai ka saboot diya!

🌟 Naqeeb-e-Millat, Sadr-e-Mohtaram
Alhaj Barrister Asaduddin Owaisi Sahab
(M.P. Hyderabad | President AIMIM) ki rehnumai mein,

AIMIM ke be-baak MLC
Janab Mirza Riyaz Ul Hassan Afandi Sahab ne
Tumkur District, Karnataka se
roshan aur shandar Lakshmi Hathi ka intezam karwa kar
sirf ek sawari nahi,
balki Ahlebait se mohabbat aur Hyderabad ki virasat ka
zinda manzar pesh kiya!

🐘 Lakshmi Hathi — jo Tumkur ki zameen se chali,
aur Hyderabad ki galiyon mein saj gayi —
ban gayi Azadari ka noorani juloos,
jahan har qadam pe izzat thi,
aur har manzar mein tehzeeb bol rahi thi!

🕌 Is roohani safar mein
HS Nizam Religious Trust, Hyderabad Nizam Trust,
aur Telangana Waqf Board ne
apna aham kirdar ada karte hue
poore nizaam ko ijazat, madad aur aqaidat ke saath sambhala.

🤲 Yeh sirf siyasat nahi —
yeh hai Majlis ka paighaam,
jahan deen aur tehzeeb, azmat aur ibadat,
sab kuch saath-saath chalte hain!

📿
AIMIM ne ek baar phir sabit kar diya:
Jahan mohabbat ho Ahlebait se,
wahan qadam qadam pe tehzeeb sajti hai!
Aur Hyderabad — jahan Majlis sirf party nahi,
ek jazba hai, ek riwayat hai!








25/06/2025

📰 Urdu Zaban Ka Tahaffuz – AIMIM Delegation Ki GHMC Commissioner Se Ahem Mulaqat

Hyderabad, 25 June 2025 –
Aaj subah 10:00 baje, All India Majlis-e-Ittehadul Muslimeen (AIMIM) ke ek ahem waft ne GHMC Head Office, Tank Bund mein GHMC Commissioner Janab R.V. Karnan Sahab (IAS) se mulaqat ki. Yeh mulaqat Gachibowli se Kondapur naye flyover ke signboard par Urdu zaban mein naam na likhne ke hawale se ki gayi.

Yeh waft Sadar-e-Mohtaram, Naqeeb-e-Millat Alhaj Barrister Asaduddin Owaisi Sahab (M.P., Hyderabad) ki hidayat aur zeer-e-nigrani mein GHMC pohncha, jisme shamil the:

Janab Akbaruddin Owaisi Sahab – Floor Leader AIMIM & MLA Chandrayangutta

Janab Mirza Rahmat Baig Quadri Sahab – MLC, AIMIM

Janab Anwar Sadat Sahab – Incharge, AIMIM Jubilee Hills

Waft ne Commissioner Sahab ko is baat se agah kiya ke Hyderabad ek zaban-dost aur tehzeeb-pasand sheher hai, jahan Urdu ko doosri sarkari zaban ka darja haasil hai. Aise mein flyover ke signboard par sirf angrezi aur Telugu mein naam hona aur Urdu mein koi zikar na hona intehai afsosnaak hai – jo Urdu bolne walon ke jazbaat ko thes pohchata hai aur sarkari policies ke khilaaf bhi hai.

AIMIM waft ne yeh bhi wazeh kiya ke yeh sirf ek signage ka masla nahi, Hyderabad ki shaanaat, uski zinda zaban aur uske saqaafati virsay ka masla hai. Urdu ke tahaffuz ke liye AIMIM kisi bhi satah par awaaz uthane ke liye tayyar hai.

GHMC Commissioner ne delegation ki baat gaur se suni aur yaqeen dilaya ke is masle ko turant dekha jaayega, aur zaroori iqdam uthaye jaayenge.

Is mulaqat ki mukammal report Sadar-e-Mohtaram Barrister Asaduddin Owaisi Sahab ko pesh ki jaayegi, jise zarurat padne par sarkari satah par bhi uthaya jaayega.
🖋 AIMIM ka paighaam saaf hai – Urdu sirf zaban nahi, Hyderabad ki pehchaan hai… aur is pehchaan ka tahaffuz hum sab ka farz hai!






















24/06/2025

📍 HUSSAINI ALAM – FATIMA COLONY | NA-JAAYAZ KABZA AUR JAAN LEVA HAMLA

🛑 Zameen pe kabza aur insaaniyat pe hamla!
Hussaini Alam ke Fatima Colony mein ek land mafia ne sarkari zameen par na-jaayaz kabza karne ki koshish ki — lekin jab awaam ne awaaz uthai,
toh un par kiya gaya jaan leva hamla!

🩸 Aitraz karne wale be-gunaah parivaar par hue khuni war, jisme kai log zakhmi ho gaye.

---

🚔 | Additional DCP & ACP Ka Site Visit
Waaqiye ki sanjeedgi ko dekhte hue Additional DCP aur ACP Hussaini Alam ne fori taur par site ka daura kiya,
📍 Hadse ki jagah ka jaiza liya, gawahon se bayan liye aur local halat ka ta’ayyun kiya.

👮‍♂️ Police ne waazeh kiya ke na-jaayaz kabza karne wale aur hamla awar afraad ke khilaf sakht qanooni karwai ki jaayegi.

---

🚑 Osmania Hospital Mein Zakhmi Afraad Se Mulaqat | AIMIM MLA Ka Dard Bhara Daura
Is hamlay mein zakhmi hue afraad ko le jaaya gaya Government Osmania Hospital, jahan unka ilaaj jaari hai.

💠 Charminar ke AIMIM MLA – Janab Mir Zulfikar Ali Sahab ne Osmania Hospital ka daura kiya,
🩺 Zakhmi afraad se mulaqat ki, unki tabiyat darift ki, aur hausla afzaai ki.

> 🗣️ “Zulm bardasht nahi kiya jaayega – Sarkari zameen par kabza aur be-gunaah par hamla, dono ke khilaf AIMIM khula moqabla karegi!”

🎙️ – AIMIM Ka Wazeh Paighaam
Media se baat karte hue Mir Zulfikar Ali Sahab ne kaha:

> "Yeh sirf zameen ka nahi, insaaf aur insaaniyat ka masla hai. Jo zulm karega, woh ab chhup nahi paayega. Awam ke saath ho raha har na-insaafi ka jawab diya jaayega — qanoon ke zariye aur awaami quwwat ke zariye."

| MLA Ki Awam Se Mulaqat
Is waaqiye ke turant baad, Mir Zulfikar Ali Sahab ne Fatima Colony ka daura kiya,
Logon se mulaqat ki, site ka jaiza liya aur police officials se raabta banaya.
🗣️ “AIMIM aapke saath hai – zulm ke khilaf, insaaf ke saath.”

---

⚖️ | Zulm Ka Jawab Insaf Se Milega
Yeh waaqiya sirf ek hamla nahi — yeh awaam ke jazbaat, insaaf aur haq ki ladaai hai.
Police, hukoomat aur AIMIM mil kar ab zulm karne walon ko mooh tod jawab dene ke liye tayyar hain!

---:


24/06/2025

🏴‍☠️ Na-jaayaz kabza, sarkari zameen par dagha-baazi…
Fatima Colony, Hussaini Alam mein ek aur land dispute ne liya khooni morh!
Jahan ek land grabber ne hukoomat ki zameen par kabza jamaane ki koshish ki,
Wahin us zulm ke khilaf awaaz uthana ek parivaar ko mehenga pad gaya…
🩸Aitraz karne wale masoom parivaar par kiya gaya jaan leva hamla!

💥 Maar-peet, dhamkiyaan aur khoon ka khel…
Insaaniyat sharminda, insaaf ka chehra choor-choor!

🗣️ Is puri surat-e-haal par Charminar ke MLA, Janab Mir Zulfikar Ali Sahab ne
Fatima Colony ka daura kiya, affected parivaar se mulaqat ki
Aur media se baat karte hue kaha:

> "AIMIM zulm ke khilaf hamesha aawaz uthaati hai. Sarkari zameen par kabza bardasht nahi kiya jaayega, aur be-gunaah par zulm karne walon ke khilaaf sakht qanooni karwai ki jayegi!"

📸 MLA Sahab ne site ka jaiza liya, local logon se dard-e-dil se baat ki,
aur unhein yaqeen dilaya ke AIMIM unke saath hai, har kadam par!

🤝 Awam ke masail ka hal, unka dard samajhna,
yehi hai AIMIM ki siyasat, yehi hai Mir Zulfikar Ali Sahab ka mission!



24/06/2025

"Hussaini Alam – Fatima Colony mein zameen ke tanazay par kuch afraad ne najaayaz qabze ki koshish ki aur baad mein ek parivar par hamla kar diya. Jagde aur mar-peet ke baad police moqa-e-waqiya par pahunchi aur mamla sambhala."

08/06/2025

🛑 Cyberabad Police Commissioner Avinash Mohanty IPS ka Bayan:
"Afwaahon se bachiye, Police se raabta kijiye!"

Jalpally aur Mailardevpally ke waqiya par awaam se Aman, Tahammul aur Ittehad ki dil se appeal!

*BRS MLA Maganti Gopinath Is in ICU, Doctors kept him under Observation For 2 Days. He is Recovering And Doing Well, He ...
05/06/2025

*BRS MLA Maganti Gopinath Is in ICU, Doctors kept him under Observation For 2 Days. He is Recovering And Doing Well, He will be back again to serve the People - BRS Leader Harish Rao.*

26/05/2025

"Hyderabad ka Nampally Station Road...
Jahaan traffic ka jam aam baat hai, lekin aaj hum lekar aaye hain ek khaas baat!"

"Yahan ek traffic police constable... chhup kar, bina signal diye... logon ki gaadiyon ki tasveerein kheenchta hai…
Aur phir... challan bhej diya jaata hai."

"Na koi warning...
Na koi rok-tok…
Bas ek click… aur aapka wallet halka!"

"Yeh koi traffic management hai... ya revenue collection ka naya formula?
Kya awaam ko dara kar traffic sudhrega?"

"Janta poochh rahi hai:
Police insaaf ke liye hai...
Ya phir target pura karne ke liye?"

"Ye tasveer sirf ek constable ki nahi…
Ye tasveer hai un sawalon ki,
jo har shehri ke zehan mein uth rahe hain!"

Address

Hussaini Alam
Hyderabad
500064

Telephone

+919293109488

Website

Alerts

Be the first to know and let us send you an email when Republic Hyderabad News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category