25/05/2026
નાનપણમાં એવું હતું કે બે વખતનું ભોજન મળશે કે નહિ તે પણ પાક્કું નહોતું; પરંતુ સપના એવા હતા જે લાખો જીવન રોશન કરી દે... ચાના બગીચામાં કામ કરનારી, એક શ્રમિકની દીકરી રૂપની મિન્ઝે પોતાના સમુદાયની પહેલી ડોક્ટર બનીને પૂરા ક્ષેત્રના લોકોનું માથું ગર્વથી ઊંચું કરી દીધું છે.
26 વર્ષની રૂપની, હંમેશાથી જ અલીપુરદ્વારના ભર્નોવાડી ટી ગાર્ડનમાં પોતાના માતા-પિતા સાથે કામ કરતી હતી; આ જ તેમની સામાન્ય જિંદગી હતી.. પરંતુ હવે તે નોર્થ બંગાળ મેડિકલ કોલેજ અને હોસ્પિટલમાં હાઉસ સર્જન બની ગઈ છે. તેમના પિતાના શીખવેલા અનુશાસને તેમને આજે અહીં સુધી પહોંચાડ્યા છે. "મહેનત કરવાની પ્રેરણા મને મારા પપ્પા પાસેથી મળી, આનો બધો શ્રેય તેમને જ જાય છે." - ડો. રૂપની મિન્ઝ.
રૂપનીનું પહેલું સપનું સિવિલ સર્વિસમાં જવાનું હતું, પરંતુ જ્યારે તેમણે ચાના બગીચાઓમાં નબળી સ્વાસ્થ્ય સુવિધાઓ જોઈ, તો પોતાનો રસ્તો બદલી નાખ્યો. તે જણાવે છે, “મોટાભાગના ચાના બગીચાઓમાં હેલ્થ ઇન્ફ્રાસ્ટ્રક્ચર ખૂબ જ ખરાબ છે; લોકોને સારવાર માટે દૂર ચાલીને સરકારી હોસ્પિટલો સુધી જવું પડે છે.”
રૂપનીનો લક્ષ્ય બિલકુલ સ્પષ્ટ છે, તે રાજકીય હોસ્પિટલમાં કામની સાથે-સાથે, ખાલી સમયમાં ચાના બગીચાના મજૂરો અને તેમના પરિવારોને મફત સારવાર આપવા માંગે છે. તે આગળના અભ્યાસની પણ તૈયારી કરી રહી છે, જેથી વધુને વધુ લોકોને સારી સેવા આપી શકે. તેમના પિતા ગર્વથી દીકરી વિશે કહે છે, “એવો સમય હતો જ્યારે દિવસમાં બે વખત ભોજનની વ્યવસ્થા કરવી મુશ્કેલ બની જતી હતી. આજે મારી મોટી દીકરી ડોક્ટર બની ગઈ છે, આનાથી મોટી ખુશી બીજી શું હોઈ શકે છે.”
[Rupni Minz Oraon, Tea garden, healthcare, MBBS, I[Rupni Minz Oraon, Tea garden, healthcare, MBBS, I ]
