17/09/2026
1. ജിമ്മി ജോർജിന്റെ സ്മരണാർഥം നാമകരണം ചെയ്യപ്പെട്ട പാലജോർജ് ഇൻഡോർ സ്റ്റേഡിയം സ്ഥിതിചെയ്യുന്ന രാജ്യം:
(a) ഇറ്റലി
(b) ഫ്രാൻസ്
(c) ഇംഗ്ലണ്ട്
(d) ജർമനി
ഉത്തരം: (a)
ഇന്ത്യയിൽനിന്നുള്ള ആദ്യത്തെ പ്രൊഫഷണൽ വോളിബോൾ താരമാണ് ജിമ്മി ജോർജ്. 1955 മാർച്ച് 8-ന് കണ്ണൂർ ജില്ലയിലെ പേരാവൂരിൽ ജനിച്ചു.
അർജുന അവാർഡ് നേടിയ ഏറ്റവും പ്രായം കുറഞ്ഞ വോളിബോൾ താരമാണ് (21-ാം വയസ്സിൽ) ഇദ്ദേഹം.
1987 നവംബർ 30-ന് ഇറ്റലിയിലെ മിലാനിൽ വെച്ച് കാറപകടത്തിൽ മരണപ്പെട്ടു.
ജിമ്മി ജോർജ് ഇൻഡോർ സ്റ്റേഡിയം സ്ഥിതിചെയ്യുന്നത് വെള്ളയമ്പലം (തിരുവനന്തപുരം) ആണ്.
2. ശരിയായ ജോഡി/ജോഡികൾ തിരഞ്ഞെടുക്കുക
1. സുൽത്താൻ അസ്ലൻ ഷാ കപ്പ് - ഫുട്ബോൾ
2. റൈഡർ കപ്പ് - ഗോൾഫ്
3. ആഗാ ഖാൻ ഗോൾഡ് കപ്പ് - ഹോക്കി
4. ഇറാനി ട്രോഫി - ക്രിക്കറ്റ്
(a) 1, 2, 3 ശരി
(b) 2, 4 ശരി
(c) 1, 3 ശരി
(d) എല്ലാം ശരി
ഉത്തരം: (b)
മലേഷ്യയിൽവെച്ച് നടക്കുന്ന സുൽത്താൻ അസ്ലാൻ ഷാ കപ്പ് ലോകത്തിലെ ഏറ്റവും പ്രശസ്തമായ അന്താരാഷ്ട്ര ഹോക്കി ടൂർണമെന്റുകളിൽ ഒന്നാണ്.
ബെംഗളൂരു കപ്പ്, ബോംബെ ഗോൾഡ് കപ്പ്, ആഗാഖാൻ കപ്പ്, ധ്യാൻ ചന്ദ് ട്രോഫി, നെഹ്‌റു ട്രോഫി, തുടങ്ങിയവ ഹോക്കി ടൂർണമെന്റുകളാണ്.
അമേരിക്കയും യൂറോപ്പും തമ്മിൽ രണ്ടു വർഷത്തിലൊരിക്കൽ നടക്കുന്ന ഗോൾഫ് മത്സരമാണ് റൈഡർ കപ്പ്. വാക്കർ കപ്പ്, സോൽഹൈം കപ്പ്, ക്ലാരിറ്റ് ജഗ്, വാനാമേക്കർ ട്രോഫി തുടങ്ങിയവ ഗോൾഫുമായി ബന്ധപ്പെട്ട ട്രോഫികളാണ്.
ആഗാ ഖാൻ ഗോൾഡ് കപ്പ്, ഡ്യൂറൻഡ് കപ്പ്, സന്തോഷ് ട്രോഫി, എ.എഫ്.സി. ഏഷ്യൻ കപ്പ് എന്നിവ ഫുട്ബോൾ ടൂർണമെന്റുകളാണ്.
