https://vengadvartha.wordpress.com/

Vengad Vartha, Vengad (2026)

08/06/2026

അറിയിപ്പ്
കൊളത്തൂർ അമ്പലപ്പടി പാലം പണി നടക്കുന്ന സ്ഥലത്ത് വാഹനഗതാഗതം വളരെ ദുഷ്കരമാണ് വളരെ അപകടകരമായ രീതിയിലാണ് മറ്റു വാഹനങ്ങൾ കടന്നുപോകുന്നത് ചെറിയ വാഹനങ്ങൾ പരമാവധി മറ്റു റോഡുകൾ ഉപയോഗിക്കുക

08/06/2026

മറ്റൊരാളുടെ ജീവിതത്തിലേക്കും, സ്വകാര്യതയിലേക്കും മൊബൈൽ ക്യാമറകൾ കൊണ്ടുചെല്ലുന്നവർ അറിയാനാണ്.

മനുഷ്യന്റെ ദുഃഖവും, മരണവും, നാടിന്റെ പ്രതിസന്ധിയും, അപകടങ്ങളുമൊക്കെ ചിലർക്കു സമൂഹമാധ്യമങ്ങളിൽ കാഴ്ചക്കാരെ കൂട്ടാനുള്ള ഉപാധികളായി മാറുന്നു. അനാവശ്യ ഇടപെടലുകളും, സ്വകാര്യതയിലേക്കുള്ള കടന്നുകയറ്റവും മനുഷ്യന്റെ അടിസ്ഥാന അവകാശങ്ങളോടും സ്വാതന്ത്ര്യത്തോടും ഉള്ള വെല്ലുവിളിയാണ്.

ഇന്ത്യൻ ഭരണഘടന ഉറപ്പുനൽകുന്ന സ്വകാര്യതയ്ക്കുള്ള അവകാശം (Right to Privacy) മൗലികാവകാശമാണ് എന്നത് ഓർമ്മ വേണം. ഒരാളുടെ അനുമതിയില്ലാതെ അയാളുടെ സ്വകാര്യ ദൃശ്യങ്ങൾ പകർത്തുകയോ പ്രചരിപ്പിക്കുകയോ ചെയ്യുന്നത് നിയമനടപടികൾക്ക് കാരണമാകാം. Information Technology Act, 2000 - Section 66E പ്രകാരം ഒരാളുടെ സ്വകാര്യത ലംഘിച്ച് ചിത്രങ്ങളോ വീഡിയോകളോ പകർത്തുകയോ പ്രചരിപ്പിക്കുകയോ ചെയ്യുന്നത് 3 വർഷം വരെ തടവും 2 ലക്ഷം രൂപ വരെ പിഴയും ലഭിക്കാവുന്ന കുറ്റമാണ്.

ഫോട്ടോ : സലിംകുമാറിന്റെ വീട്ടിൽ തള്ളിക്കയറിയ മാധ്യമ പ്രവർത്തകരെ മുഖ്യമന്ത്രി സതീശൻ പുറത്താക്കുന്നു

07/06/2026

INDIAN ARMY (AGNIVEER) ലേക്ക് സെലക്ഷൻ നേടിയ പുലാക്കൽ ഹംസക്കയുടെ ചെറുമകൻ ജുനൈദിനെ സി പി ഐ എം കാരാട്ടുപറമ്പ് ബ്രാഞ്ച് ആദരിച്ചു

ചടങ്ങിൽ ലോക്കൽ കമ്മിറ്റി അംഗവും ബ്രാഞ്ച് സെക്രട്ടറിയുമായ ഗഫൂർ സിപിഐഎം മങ്കട ഏരിയ കമ്മിറ്റി അംഗം മുരളി മാസ്റ്റർ സിപിഐഎം കൊളത്തൂർ ലോക്കൽ സെക്രട്ടറി മോഹനൻ മാസ്റ്റർ ബ്രാഞ്ച് അംഗങ്ങൾ സഫീർ, സുരേഷ്, കുഞ്ഞിമുഹമ്മദ് , മഹേഷ് ,തുടങ്ങിയവർ പങ്കെടുത്തു

05/06/2026

മൂർക്കനാട് എ.എം.എൽ.പി സ്കൂളിൽ പരിസ്ഥിതി ദിനാഘോഷം ആവേശമായി; ജനശ്രദ്ധയാകർഷിച്ച് റാലിയും ഫ്ലാഷ്മോബും

മൂർക്കനാട്: ലോക പരിസ്ഥിതി ദിനത്തോടനുബന്ധിച്ച് മൂർക്കനാട് എ.എം.എൽ.പി സ്കൂളിൽ വൈവിധ്യമാർന്ന പരിപാടികളോടെ പരിസ്ഥിതി ദിനം ആഘോഷിച്ചു. "പ്രകൃതിയിൽ നിന്ന് പ്രചോദനം ഉൾക്കൊള്ളാം; കാലാവസ്ഥയ്ക്കായി, നമ്മുടെ ഭാവിക്കായി" എന്ന ഈ വർഷത്തെ പരിസ്ഥിതി ദിന സന്ദേശം ഉയർത്തിപ്പിടിച്ചായിരുന്നു ആഘോഷങ്ങൾ സംഘടിപ്പിച്ചത്.
ആഘോഷങ്ങളുടെ ഭാഗമായി വിദ്യാർത്ഥികൾ പരിസ്ഥിതി ദിന സന്ദേശങ്ങളടങ്ങിയ പ്ലക്കാർഡുകളേന്തി റാലി നടത്തി. തുടർന്ന് കുട്ടികൾ അവതരിപ്പിച്ച മനോഹരമായ ഫ്ലാഷ്മോബ് പരിപാടിയുടെ മുഖ്യ ആകർഷണമായി മാറി. സ്കൂള്‍ മുറ്റത്ത് ചേര്‍ന്ന പ്രത്യേക അസംബ്ളിയില്‍ പ്രധാനാധ്യാപകന്‍ പി നജീബ് പരിസ്ഥിതി ദിന സന്ദേശം നല്‍കി സംസാരിക്കുകയും തുടര്‍ന്ന് ശുചിത്വ പ്രതിജ്ഞ ചൊല്ലി നല്‍കുകയും വിദ്യാര്‍ത്ഥികള്‍ പ്രതിജ്ഞ എടുക്കുകയും ചെയ്തു.
ഹരിതാഭമായ ഒരു നാളേക്ക് വേണ്ടി സ്കൂളിൽ പുതിയ പച്ചക്കറി തോട്ടത്തിന്റെ നിർമാണവും ഇന്ന് നടന്നു. പഞ്ചായത്തിൽ നിന്നും ലഭ്യമാക്കിയ വൃക്ഷത്തൈ സ്കൂൾ അങ്കണത്തിൽ നട്ടുകൊണ്ട് വാർഡ് മെമ്പർ പികെ ഷാഹിദ തൈനടീൽ ഉദ്ഘാടനം ചെയ്തു. ഇതിനുപുറമെ കുട്ടികൾ വീടുകളിൽ നിന്നും കൊണ്ടുവന്ന വിവിധയിനം വൃക്ഷത്തൈകളും ഔഷധസസ്യങ്ങളും സ്കൂൾ വളപ്പിൽ വെച്ചുപിടിപ്പിച്ചു.
പരിസ്ഥിതി ദിന ക്വിസ്, പോസ്റ്റർ നിർമാണം, പതിപ്പ് നിർമാണം എന്നിവയും 'വീട്ടിൽ മരം നടാം' റീൽസ് തയ്യാറാക്കൽ തുടങ്ങിയ വിപുലമായ പ്രവർത്തനങ്ങളും കുട്ടികളുടെ ആവേശകരമായ പങ്കാളിത്തത്തോടെ സ്കൂളിൽ വിജയകരമായി പൂർത്തിയാക്കി.
സ്കൂൾ അധികൃതരും അധ്യാപകരും പി.ടി.എ ഭാരവാഹികളും ചേർന്ന് കുട്ടികൾക്ക് പരിസ്ഥിതി ദിന സന്ദേശം നൽകുകയും പരിപാടികൾക്ക് നേതൃത്വം നൽകുകയും ചെയ്തു.

02/06/2026

പോളിടെക്നിക് ഡിപ്ലോമ പ്രവേശനം ജൂൺ 6 മുതൽ; ഓൺലൈനായി അപേക്ഷിക്കാം

02/06/2026

തിരുവനന്തപുരം:-സംസ്ഥാനത്തെ ഈ വർഷത്തെ (2026-27) പോളിടെക്നിക് ഡിപ്ലോമ റെഗുലർ കോഴ്സുകളിലേക്കുള്ള പ്രവേശന നടപടികൾ ജൂൺ ആറാം തീയതി മുതൽ ആരംഭിക്കും.

പ്രവേശനത്തിന് അപേക്ഷിക്കാൻ ആഗ്രഹിക്കുന്ന വിദ്യാർഥികൾക്ക് www.polyadmission.org എന്ന ഔദ്യോഗിക വെബ്സൈറ്റ് വഴി ഓൺലൈനായി അപേക്ഷ സമർപ്പിക്കാം.
വെബ്സൈറ്റിൽ ലഭ്യമാകുന്ന ലിങ്ക് വഴി ആദ്യം വൺ ടൈം രജിസ്ട്രേഷൻ പൂർത്തിയാക്കണം. തുടർന്ന് ലഭിക്കുന്ന യൂസർ നെയിമും പാസ്‌വേർഡും ഉപയോഗിച്ച് ലോഗിൻ ചെയ്ത് അപേക്ഷാ ഫീസ് അടയ്ക്കുകയും വ്യക്തിഗത വിവരങ്ങളും കോഴ്സ്/കോളേജ് ഓപ്ഷനുകളും സമർപ്പിക്കുകയും ചെയ്യാം.

എസ്.എസ്.എൽ.സി മാർക്കിന്റെ അടിസ്ഥാനത്തിലാണ് അലോട്ട്മെന്റ് തയ്യാറാക്കുന്നത്.
അപേക്ഷിക്കാൻ ആവശ്യമായ പ്രധാന രേഖകൾ:
എസ്.എസ്.എൽ.സി സർട്ടിഫിക്കറ്റ്/മാർക്ക്‌ലിസ്റ്റ്
ആധാർ കാർഡ് നമ്പർ
നിലവിൽ ഉപയോഗത്തിലുള്ള മൊബൈൽ നമ്പറും ഇമെയിൽ വിലാസവും (മൊബൈൽ നമ്പർ പിന്നീട് മാറ്റാൻ സാധിക്കില്ല)
നേറ്റിവിറ്റി സർട്ടിഫിക്കറ്റ് (എസ്.എസ്.എൽ.സി സർട്ടിഫിക്കറ്റിൽ കേരളത്തിൽ ജനിച്ചതാണെന്ന് രേഖപ്പെടുത്തിയിട്ടില്ലെങ്കിൽ മാത്രം)
കമ്മ്യൂണിറ്റി/കാസ്റ്റ് സർട്ടിഫിക്കറ്റ് (സംവരണ വിഭാഗങ്ങൾക്ക്)
നോൺ-ക്രിമിലെയർ സർട്ടിഫിക്കറ്റ് (ഒ.ബി.സി/എസ്.ഇ.ബി.സി വിഭാഗങ്ങൾക്ക് ഫീസ് ആനുകൂല്യത്തിന്)
ഇൻകം സർട്ടിഫിക്കറ്റ് (ആവശ്യമുള്ളവർക്ക്)
ഇ.ഡബ്ല്യു.എസ് (EWS) സർട്ടിഫിക്കറ്റ് (മുന്നാക്ക വിഭാഗങ്ങളിലെ സാമ്പത്തികമായി പിന്നാക്കം നിൽക്കുന്നവർക്ക്)
പ്രത്യേക സംവരണങ്ങൾ അർഹതയുള്ളവർ അതിനുള്ള സർട്ടിഫിക്കറ്റുകൾ (സ്പോർട്സ് കോട്ട, ജവാന്മാരുടെ മക്കൾ തുടങ്ങിയവ)

അലോട്ട്മെന്റ് പ്രക്രിയ:
അപേക്ഷകൾ സമർപ്പിച്ച ശേഷം വിദ്യാർഥികളുടെ ഇൻഡെക്സ് മാർക്കിന്റെ അടിസ്ഥാനത്തിൽ പ്രൊവിഷണൽ റാങ്ക് ലിസ്റ്റും ട്രയൽ അലോട്ട്മെന്റും പ്രസിദ്ധീകരിക്കും. ട്രയൽ അലോട്ട്മെന്റ് ഘട്ടത്തിൽ വിദ്യാർഥികൾക്ക് തങ്ങളുടെ ഓപ്ഷനുകളിൽ മാറ്റം വരുത്താനും കൂടുതൽ ഓപ്ഷനുകൾ നൽകാനും സൗകര്യമുണ്ടാകും.

ഇതിന് ശേഷം ആദ്യ അലോട്ട്മെന്റ് പ്രസിദ്ധീകരിക്കും.
ആദ്യ അലോട്ട്മെന്റിൽ തങ്ങൾക്ക് താല്പര്യമുള്ള കോളേജാണ് ലഭിക്കുന്നതെങ്കിൽ ഫീസും അസ്സൽ സർട്ടിഫിക്കറ്റുകളും നൽകി പെർമനന്റ് അഡ്മിഷൻ നേടാം. താല്പര്യമില്ലാത്ത ഓപ്ഷനാണ് ലഭിക്കുന്നതെങ്കിൽ ഹയർ ഓപ്ഷനുകൾ നിലനിർത്തിക്കൊണ്ട് താല്ക്കാലികമായി (Temporary) റിപ്പോർട്ട് ചെയ്യാം. തുടർന്ന് രണ്ടാം അലോട്ട്മെന്റും, പിന്നീട് നോഡൽ പോളിടെക്നിക്കുകൾ കേന്ദ്രീകരിച്ച് കൗൺസിലിംഗും സ്പോട്ട് അലോട്ട്മെന്റുകളും നടക്കും.

വിവിധ പോളിടെക്നിക് കോളേജുകളുടെയും അവിടെ ലഭ്യമായ കോഴ്സുകളുടെയും സീറ്റുകളുടെയും വിവരങ്ങൾ വെബ്സൈറ്റിലെ 'Annexure and Certificates' എന്ന ലിങ്ക് വഴി വിദ്യാർഥികൾക്ക് പരിശോധിക്കാവുന്നതാണ്. ഗവൺമെന്റ്, എയ്ഡഡ് കോളേജുകളിൽ ഫീസ് കുറവായിരിക്കുമെന്നും സ്വാശ്രയ (Self Financing), ഗവൺമെന്റ് കോസ്റ്റ് ഷെയറിങ് കോളേജുകളിൽ ഫീസ് വ്യത്യാസമുണ്ടാകുമെന്നും അധികൃതർ അറിയിച്ചു.

-----------------------------------------------

01/06/2026

കൊളത്തൂർ സൗഹൃദ വേദിയുടെ ബലിപെരുന്നാൾ സംഗമം

കൊളത്തൂർ,: സൗഹൃദ വേദി ബലിപെരുന്നാളിനോടനുബന്ധിച്ച് സൗഹൃദ സംഗമം സംഘടിപ്പിച്ചു. കൊളത്തൂർ വ്യാപാര ഭാവനിൽ വെച്ച് ചേർന്ന ഏഴാമത് സംഗമത്തിൽ ചെയർമാൻ എം വാസുദേവൻ മാസ്റ്റർ അധ്യക്ഷത വഹിച്ചു. നാട്ടിലെ മത, രാഷ്ട്രീയ, സാമൂഹിക, സാംസ്കാരിക മേഖലകളിൽ സേവനം ചെയ്യുന്ന വ്യക്തികൾ പങ്കെടുത്ത സംഗമം എല്ലാ ആഘോഷങ്ങളും സൗഹൃദങ്ങൾ ഊട്ടി ഉറപ്പിക്കാനുള്ളതാവണ മെന്ന് അഭിപ്രായപ്പെട്ടു.
എൻ. മൊയ്തീൻ മാസ്റ്റർ . പി സി രാജൻ, അഡ്വക്കറ്റ് വി.മൂസക്കുട്ടി, പി എം ഉണ്ണികൃഷ്ണൻ മാസ്റ്റർ, യൂസഫ് കാരാട്ടിൽ, ഐവ ഷബീർ, കെ ടി കാദർ സംസാരിച്ചു സൗഹൃദ വേദിയെ കൂടുതൽ ജനകീയമാക്കുന്നതിനാവശ്യമായ വ്യത്യസ്ത പരിപാടികൾ സംഘടിപ്പിക്കുന്നതിന് തീരുമാനിച്ചു. കൺവീനർ കെ അബ്ദുൽ സലാം മാസ്റ്റർ സ്വാഗതവും, പി ഉമ്മർ മാസ്റ്റർ നന്ദിയും പറഞ്ഞു.

Nmoideenmaster
9446629040

01/06/2026

പുതിയ കൂട്ടുകാർ, പുതിയ പുസ്തകങ്ങൾ, പുതിയ പ്രതീക്ഷകൾ...

പീലിപ്പട്ടയും പുതിയ കുടയുമായി വീണ്ടുമൊരു #വിദ്യാരംഭം.

01/06/2026

വെങ്ങാട് TRK സ്കൂളിൽ പ്രവേശനോത്സവം നടന്നു

വെങ്ങാട് TRK സ്കൂളിൽ പ്രവേശനോത്സവം പിടിഎ പ്രസിഡണ്ട് ഷറഫുദ്ദീന്റെ അധ്യക്ഷതയിൽ വാർഡ് മെമ്പർ സത്യബാമ ഉദ്ഘാടനം ചെയ്തു
നാടക കലാകാരൻ കുളത്തൂർ പാർത്ഥസാരഥി മുഖ്യാതിഥിയായിരുന്നു

സ്കൂൾ പ്രധാന അധ്യാപകൻ വിനു മാസ്റ്റർ സ്വാഗതപ്രസംഗം നടത്തി

വാർഡ് മെമ്പർ ഹസ്സൻ മരുതൽ സ്കൂൾ മാനേജർ സുശീല എന്നിവർ ആശംസകൾ അർപ്പിച്ചു സംസാരിച്ചു

പിടിഎ എംടിയെ എസ്എംസി പ്രതിനിധികൾ അധ്യാപക വിദ്യാർത്ഥികൾ മറ്റു രക്ഷിതാക്കൾ തുടങ്ങിയവർ പങ്കെടുത്തു

31/05/2026

താമരശ്ശേരി ചുരത്തിൽ മരം വീണ് വൻ ഗതാഗതക്കുരുക്ക്; ഫയർഫോഴ്സ് എത്തി, മരം മുറിച്ചുമാറ്റൽ ആരംഭിച്ചു

31/05/2026

താമരശ്ശേരി ചുരത്തിൽ മരം വീണ് വൻ ഗതാഗതക്കുരുക്ക്; ഫയർഫോഴ്സ് എത്തി, മരം മുറിച്ചുമാറ്റൽ ആരംഭിച്ചു

വൈത്തിരി: താമരശ്ശേരി ചുരത്തിൽ മരം വീണ് ഗതാഗതം പൂർണ്ണമായി തടസ്സപ്പെട്ടതിനെത്തുടർന്ന് ഫയർഫോഴ്സ് സംഘം സംഭവസ്ഥലത്ത് എത്തിച്ചേർന്നു. റോഡിലേക്ക് വീണ മരം മുറിച്ചുമാറ്റാനുള്ള ജോലികൾ യുദ്ധകാലാടിസ്ഥാനത്തിൽ ആരംഭിച്ചിട്ടുണ്ട്. നിലവിൽ ചുരത്തിൽ മഴയില്ലാത്തത് രക്ഷാപ്രവർത്തനത്തിന് വലിയ ആശ്വാസമാകുന്നുണ്ട്. പ്രതികൂല കാലാവസ്ഥ ഇല്ലാത്തതിനാൽ മരം മുറിച്ചുമാറ്റുന്ന ജോലികൾ വളരെ വേഗത്തിലാണ് പുരോഗമിക്കുന്നത്.
വൈകുന്നേരം നാലരയോടെയാണ് ചുരത്തിൽ മരം വീണത്. മണിക്കൂറുകളായി തുടരുന്ന വലിയ ഗതാഗതക്കുരുക്കിൽ പെട്ട് യാത്രാക്കാർ കടുത്ത ദുരിതത്തിലാണ്. ചെറിയ ഇരുചക്ര വാഹനങ്ങൾ മുതൽ അത്യാസന്ന നിലയിലുള്ള രോഗികളുമായി പോകുന്ന ആംബുലൻസുകൾ വരെ നിലവിൽ ചുരത്തിൽ കുടുങ്ങിക്കിടക്കുകയാണ്.
രാത്രി ഒൻപത് മണിക്ക് അതിർത്തി കടക്കേണ്ട ദീർഘദൂര ബസ്സുകളും ബെംഗളൂരുവിലേക്ക് പുറപ്പെട്ട ആളുകളും ഉൾപ്പെടെയുള്ള വലിയൊരു ജനവിഭാഗമാണ് ചുരത്തിൽ കുടുങ്ങിയിരിക്കുന്നത്. മരം മുറിച്ചുമാറ്റുന്ന ജോലികൾ വേഗത്തിൽ തീർത്ത് എത്രയും വേഗം വാഹനങ്ങൾ കടത്തിവിടാനുള്ള ശ്രമത്തിലാണ് അധികൃതർ.

Vengad Vartha

08/06/2026

08/06/2026

07/06/2026

05/06/2026

02/06/2026

01/06/2026

01/06/2026

01/06/2026

31/05/2026

31/05/2026

Address

Telephone

Website

Alerts

Contact The Business

Shortcuts

Share

Category