04/06/2025
വീണ്ടും യൂട്യൂബ് മോണിറ്റൈസേഷൻ (ധനസമ്പാദന യോഗ്യത) കിട്ടി.
'വീണ്ടും' എന്ന് പറഞ്ഞതിന് കാരണമുണ്ട്. 2013 ലാണ് ഞാനൊരു ചാനൽ ആരംഭിച്ചത്. ഒരു നേരം പോക്ക് മാത്രമായിരുന്നു ലക്ഷ്യം. ഇടക്കാലത്ത്, മൂന്ന് - നാല് വർഷങ്ങൾ അതിൽ ഒന്നും അപ്‌ലോഡ് ചെയ്തിരുന്നില്ല.
കോവിഡ് കാലത്ത്, ഒട്ടുമിക്കവരും ചാനൽ ആരംഭിക്കുകയും പലരും നല്ല നിലയിൽ എത്തുകയും ചെയ്തിരുന്നു. അക്കാലത്ത്, എൻ്റെ പല സുഹൃത്തുക്കളും എന്നോട് ചോദിച്ചു "ജിഷ, നിനക്ക് എത്ര രൂപ കിട്ടും" എന്ന്.
സത്യത്തിൽ, അക്കാലത്താണ് എനിക്കും ആ അറിവ് കിട്ടിയത്. ഞാൻ പോയി നോക്കിയപ്പോൾ, പണ്ടെപ്പോഴോ മോണിട്ടൈസേഷൻ ആയിട്ടുണ്ട്. എന്നാൽ, കുറെ കാലം ഒന്നും ചെയ്യാതെ ഇട്ടതിനാൽ, നിർജീവമായി പോകുകയും ചെയ്തു.
(നേരത്തേ, ബ്ലോഗ് കാലഘട്ടങ്ങളിൽ നല്ല ട്രാഫിക്ക് ഉണ്ടായിരുന്നെങ്കിലും മലയാളം ഭാഷക്ക് ധനസമ്പാദനം ഓൺ ആകുമായിരുന്നില്ല.)
മാധ്യമം പത്രത്തിൽ നിന്ന് സീനിയർ സബ് എഡിറ്റർ തസ്തികയിൽ നിന്ന് രാജി വെച്ച ശേഷവും ഗൂഗിളിലെ പ്ലാറ്റ്ഫോമുകളിൽ അത്ര സജീവമായിരുന്നില്ല.
ഫേസ് ബുക്കിൽ ഫാമിലി വ്ലോഗ് പേജ് തുടങ്ങിയത്, ഒരു വർഷം കഴിയുമ്പോഴേക്കും മോണിടൈസ് ആയി.
എങ്കിലും വളരെ വ്യക്തിപരമായ വ്ലോഗുകൾ ആണ് ഫാമിലി വ്ലോഗ് ഫേസ്ബുക്ക് പേജിലും യൂട്യൂബിലും അപ്‌ലോഡ് ചെയ്തിരുന്നത്.
ഇതിപ്പോൾ വീണ്ടും യൂട്യൂബിൽ അറിയിപ്പ് വന്നിട്ടുണ്ട്.
ഒരു സന്തോഷക്കാര്യമല്ലേ, ഇവിടെ അറിയിക്കുകയാണ്. ആർക്കെങ്കിലും ഇതൊരു പ്രചോദനമായി തോന്നിയാൽ എനിക്ക് കൂടുതൽ സന്തോഷം!
പിൻ കുറിപ്പ് : 1) ഭാഗ്യമുള്ളവർക്ക് പെട്ടെന്ന് ഹിറ്റ് ആകാം. അല്ലെങ്കിൽ, നല്ല അധ്വാനമുണ്ട്. അതിനാൽ, ഈ കുറിപ്പ് അല്ലാതെ, മറ്റൊരു ഉപദേശവും ഞാൻ ആർക്കും നൽകുന്നില്ല. സമയം ഇല്ലാത്തത് കൊണ്ടാണ് കേട്ടോ! കൺസൾട്ടൻസി വേണ്ടവർ ജോണിനെ John Mary കോൺടാക്ട് ചെയ്യൂ.
2) മോണിടൈസേഷൻ ഓൺ ആയാലും, ഇൻഫ്ലൻസേഴ്‌സ് പണം ഉണ്ടാക്കുന്നത് കോളാബുകൾ ചെയ്തതാണ്. നമ്മൾ ഇതുവരെ കോളാബ് ചെയ്തില്ല.
സ്നേഹത്തോടെ
Jisha Elizabeth
