11/10/2025
വിദ്യാര്ത്ഥികൾക്ക് ചിത്രരചനാ മത്സരം : ഒക്ടോബര് 20 വരെ രജിസ്റ്റർ ചെയ്യാം
മീനങ്ങാടി : കൈത്തറി വസ്ത്രത്തിന്റെ പ്രചരണാർത്ഥം കൈത്തറി ഡയറക്ടറേറ്റിന്റെയും വയനാട് ജില്ലാ വ്യവസായ കേന്ദ്രത്തിന്റെയും സംയുക്താഭിമുഖ്യത്തിൽ എൽ.പി, യു.പി, ഹൈസ്കൂൾ വിഭാഗങ്ങളിലെ സ്കൂൾ വിദ്യാർത്ഥികൾക്കായി ജില്ലാതല ചിത്രരചനാ മത്സരം സംഘടിപ്പിക്കുന്നു. ഒക്ടോബര് 23 രാവിലെ 9 മുതൽ മീനങ്ങാടി ഗ്രാമപഞ്ചായത്ത് കമ്മ്യുണിറ്റി ഹാളിൽ വെച്ചാണ് പരിപാടി. ജില്ലാതല വിജയികൾക്ക് സംസ്ഥാനതല മത്സരത്തിൽ പങ്കെടുക്കാം.
പങ്കെടുക്കാനാഗ്രഹിക്കുന്ന കുട്ടികൾ സ്കൂൾ ഹെഡ്മാസ്റ്ററുടെ സാക്ഷ്യപത്രത്തോടെ ഒക്ടോബര് 20 വൈകുന്നേരം 5നകം വയനാട് ജില്ലാ വ്യവസായ കേന്ദ്രത്തിലോ, വൈത്തിരി, മാനന്തവാടി താലൂക്ക് വ്യവസായ ഓഫീസുകളിലോ നിശ്ചിത ഫോറത്തിൽ അപേക്ഷ സമർപ്പിക്കണം. അപേക്ഷാഫോറത്തിന്റെ മാതൃക വിദ്യാഭ്യാസ ഡെപ്യൂട്ടി ഡയറക്ടർ, ഉപ ജില്ലാ വിദ്യാഭ്യാസ ഓഫീസർ എന്നിവര് മുഖേന സ്കൂളിൽ
നിന്ന് ലഭിക്കും. കുടുതൽ വിവരങ്ങൾക്ക് വയനാട് ജില്ലാ വ്യവസായ കേന്ദ്രവുമായി ബന്ധപ്പെടാം. ഫോൺ-04935 202485
