04/01/2026
ലോകത്ത് ഏറ്റവും കൂടുതൽ എണ്ണ ശേഖരമുള്ള രാജ്യം - ആഗോള ശേഖരത്തിന്റെ 18 ശതമാനവും വെനസ്വേലയിൽ !
പ്രകൃതി വാതകം, സ്വർണം, ഇരുമ്പ്, ബോക്സൈറ്റ് മുതൽ പ്രകൃതി വിഭവങ്ങളുടെ സാധ്യതയിൽ ഏറ്റവും മുൻ നിരയിൽ !
രാഷ്ട്രീയം - സോഷ്യലിസം.
സുഹൃദ് രാജ്യങ്ങൾ - റഷ്യ, ചൈന, ക്യൂബ തുടങ്ങിയവ.
എണ്ണ ശേഖരത്തിൽ മുൻപന്തിയിലുള്ള ആദ്യ പത്ത് രാജ്യങ്ങളിൽ ഒട്ട് മിക്കതിനേയും ഇതിനോടകം അമേരിക്ക ആക്രമിക്കുകയോ, കീഴടക്കുകയോ, അധീനതയിൽ നിർത്തുകയോ ചെയ്തിട്ടുണ്ട്.
എണ്ണയുടെ കാര്യത്തിൽ ആഫ്രിക്കൻ വൻകരയിൽ ഒന്നാം സ്ഥാനത്തുള്ള ലിബിയ -
തകർത്തു.
ലോകത്ത് അഞ്ചാം സ്ഥാനം അലങ്കരിച്ചിരുന്ന ഇറാഖ് -
തകർത്തു തരിപ്പണമാക്കി.
നാലാം സ്ഥാനത്തുള്ള ഇറാൻ -
ഉപരോധം തുടരുന്നു; സമീപ ഭാവിയിൽ തീരുമാനമാകും.
രണ്ടാം സ്ഥാനത്തുള്ള സൗദി -
അമേരിക്കയുടെ എല്ലാ ഉപാധികളും അംഗീകരിച്ചു കൊണ്ട് അമേരിക്കൻ മേധാവിത്വത്തിന് വഴിപ്പെട്ട് ദശാബ്ദങ്ങളായി കഴിയുന്നു.
വെനസ്വേലയെ ഉപരോധങ്ങൾ കൊണ്ടും തകർക്കാൻ കഴിയില്ല എന്ന് മനസിലായപ്പോൾ ലഹരിക്കടത്ത് എന്ന പ്രോപ്പഗണ്ട സൃഷ്ടിച്ചു, ലോക മാധ്യമങ്ങളിലൂടെ തന്ത്ര പൂർവ്വം അത് പ്രചരിപ്പിച്ചതിന് ശേഷം ഇന്ന് കടന്ന് കയറി ആക്രമണം.
ലിബിയയും ഇറാഖും ആക്രമിക്കുമ്പോൾ പറഞ്ഞ ഒരു കാരണവും പിന്നീട് നില നിന്നില്ല എന്ന് ലോകത്തിന് ബോധ്യവുമ്പോഴേക്കും ആ രാജ്യങ്ങളെ ആഭ്യന്തരമായി തകർത്ത് ലോകത്തിന് തന്നെ അസ്വസ്ഥത പരത്തുന്ന വിധം അരാജകമാക്കി തീർത്തു.
ഒരു തരത്തിലും ചൂഷണത്തിന് നിന്ന് തരാനോ, അമേരിക്കയുടെ ഏകപക്ഷീയമായ ലാഭക്കച്ചവടത്തിന് വഴങ്ങാനോ കൂട്ടാക്കില്ല എന്ന് ബോധ്യമായതിന് ശേഷം ഒരു പരമാധികാര രാജ്യത്തിൽ അതിക്രമിച്ച കയറി അവരുടെ രാഷ്ട്രത്തലവനെ ബന്ദിയാക്കി തട്ടിക്കൊണ്ട് പോകുന്നു; രാജ്യം ബോംബിട്ട് തകർക്കുന്നു.
ഇത് നാളെ എവിടെയും സംഭവിക്കാം.
ഇത്രയും ഭീഷണികൾ മറികടന്ന് കൊണ്ട്, അമേരിക്കയുടെ മൂക്കിൻ തുമ്പത്തുളള ഒരു കൊച്ച് രാജ്യത്തെ ഇത്രയും നാൾ സംരക്ഷിച്ചു നിർത്തിയ നിക്കോളാസ് മദുറോ എന്ന ഉരുക്ക് മനുഷ്യനോട് ഐക്യദാർഢ്യം.
✊🏼🇻🇪♥️
