अर्ज किया है

  • Home
  • अर्ज किया है

अर्ज किया है मराठी भाषा मराठी संस्कृती मराठी साहित्य जपणे आणि प्रसार करणे हेच ध्येय हाच उद्देश. उत्कृष्ट लेखन वाचकांपर्यंत पोहचवणे हेच ध्येय आणि हाच उद्देश

कळलेले एवढे शेवटी असतेव्यक्त व्हायची सवय घातकी असतेफरक पडू शकणार जिच्या भरण्यानेती घागर नेमकी पालथी असतेकाही नाती काही क...
27/05/2025

कळलेले एवढे शेवटी असते
व्यक्त व्हायची सवय घातकी असते

फरक पडू शकणार जिच्या भरण्याने
ती घागर नेमकी पालथी असते

काही नाती काही काळा पुरती
(ती जन्माची कुठे बेगमी असते?)

आपण लहान होउन शोधत नाही
कुठे कुठे चतकोर सावली असते

हे कळल्याने सगळी उमेद सरली
सुटका म्हणजे नवी कोठडी असते

शिखरावरही अपयश येऊ शकते
कुणी म्हणो पहिलीच पायरी असते!

झाड पिकवते पानांना घाईने
रांगेमध्ये नवी पालवी असते!

हट्ट जिचा टाळणे जिवावर येते
ती इच्छा सर्वात लाडकी असते!

उगाच नाही तोल डळमळत माझा!
तुझी हाकही तशी वादळी असते!

ना फडफडता शांतपणे विझणारी
एखादी वेगळी वातही असते!

दरवाजा नेमका आढळत नाही!
जेव्हा इच्छा निघुन जायची असते!

कसेही जगा त्याचा आदर होतो!
मेल्यानंतर छान पालखी असते!
---©प्रसाद
#दत्तप्रसाद #गझल

~येतो आहे अभिनय कामी आता~खुशीत दिसतो आहे ना मी आता!~भेटूया म्हटलेस किती दिवसांनी~नक्की आहे एक त्सुनामी आता!---दत्तप्रसाद...
30/03/2025

~येतो आहे अभिनय कामी आता
~खुशीत दिसतो आहे ना मी आता!
~भेटूया म्हटलेस किती दिवसांनी
~नक्की आहे एक त्सुनामी आता!
---दत्तप्रसाद जोग (गोवा)
नमस्कार मित्रांनो_/\_
गुढीपाडव्याच्या अनंत अनंत शुभेच्छा !सर्वे जनः सुखिनो भवन्तु! तुमचं आजवर मिळालेलं पाठबळ दाद आणि कौतुक मला गझल लेखनात ऊर्जा देत गेलं व देत राहील..मित्रहो, गोवा महाराष्ट्र कर्नाटक मध्यप्रदेश आणि देशा बाहेरही असणाऱ्या तुम्ही गझलप्रेमींनी माझ्या गझलेला गेली १२ वर्षे अगदी भरभरून प्रेम दिलंत याचा ऋणी आहे ..राहीन!

माझा दुसरा गझल संग्रह"नक्की आहे एक त्सुनामी" शुक्रवार दि.१८ एप्रिल २०२५ रोजी सायंकाळी ठाणे येथे "डिंपल प्रकाशन" तर्फे प्रकाशित होत आहे.

* प्रकाशन सोहळ्याची निमंत्रण पत्रिका लवकरच पोस्ट करेन*

*प्रकाशनपूर्व किंमत 170/- व पोस्टेज 50/- = एकूण 220/- रुपये आहे

* 9403817943 माझा wtsp no.यावर पत्ता पाठवून आपण संग्रह प्रिबुक करू शकता.

*कमेंट मधेही आपण संग्रह पाहिजे असल्यास तसे कळवावे*

*मराठी गझल संग्रह*
*नक्की आहे एक त्सुनामी*
*डिंपल प्रकाशन*
*मुखपृष्ठ -श्री.संतोष घोंगडे*
*प्रस्तावना - *गुरुवर्य प्रशांत वैद्य*
*ब्लर्ब- श्री. सुरेश वाडकर*
____/\______/\_____

#गझल #मराठीगझल #गजल #गजलसंग्रह #गझलसंग्रह #त्सुनामी #डिंपल


#दत्तप्रसाद #प्रसाद



20/01/2025

चैतुशेठ 'शुऊर' खेड़वाला मुळे हा विडिओ. धावती पुणे भेट...
********
ज्याची नसते कोरी पाटी रात्री
गोळी घेतो झोपेसाठी रात्री!

हिशेब दोघांनीही केला आहे
किती क्षणांची हत्या झाली रात्री!

खोलीभर नाचून तुझी सय गेली
आता धडगत नाही माझी रात्री

कुणास ती माळणार फुलल्यानंतर?
कळ्यांत झाली वादावादी रात्री!

रडायचे होते थोडे, पण उरले!
झोपलीस तू माझ्याआधी रात्री!

बडबडणे,अस्पष्ट हुंदके,तळमळ
वृद्धाश्रम झोपलाच नाही रात्री!!
---©प्रसाद
#दत्तप्रसाद #गझल

16/01/2025

*एक कविता म्हणा*
------------------------
मास्तर तुम्ही गेल्यावर तुमच्या जागी यंत्रं आली
यंत्रं आली यंत्रं व्याली,
हळूहळू सवय झाली!
श्लोक गेले, म्हणी गेल्या, गेली सुभाषिते
मेंदू भरत गेले आणि
आत्मे झाले रिते!
फळ्या सोबत गळा सुद्धा होत गेला सुना !
पाया पडतो मास्तर आता एक कविता म्हणा!

वरून खाली जमलं तर बदली घेऊन या
खोक्या मधली शाळा जरा झाडा खाली घ्या!
चिखल माती मधली सुट्टी परत आणून द्या
नदीकाठी परत एकदा सहलीला न्या
झाडावर ,,,झाडाखाली पाखरं जमतील पुन्हा!
पाया पडतो मास्तर आता एक कविता म्हणा!

अजून तुमची छडी मास्तर खूप काम करते
दिसत नाही तरीसुद्धा योग्य वेळी वाजते..
अजून मनात कळ आहे
म्हणून थोडं बळ आहे
एक पिढी तळहातावर वळ जपते जुना!
पाया पडतो मास्तर आता एक कविता म्हणा!

वळ आहे म्हणून मास्तर इतकं तरी बोलतो
अधून मधून कधीतरी माणुस होऊन बघतो !
मोठा फरक पडला आहे मास्तर आता इथे
तुमच्या समोर बोलायला जीभ जरा भिते!
खूप मोठा झालो मी पण
गायब झाला कणा!
म्हणून म्हणतो मास्तर फक्त एक कविता म्हणा!
------प्रसाद
दत्तप्रसाद जोग गोवा
9403817943

केवढा पसारा दिवस ढकलण्यासाठी!मोजकेच पुरते जीव जगवण्यासाठी!तू नकोनको ते सोस इथे कोलाहल!चाहूल हवीशी एक ऐकण्यासाठी !बोलणे आ...
16/01/2025

केवढा पसारा दिवस ढकलण्यासाठी!
मोजकेच पुरते जीव जगवण्यासाठी!

तू नकोनको ते सोस इथे कोलाहल!
चाहूल हवीशी एक ऐकण्यासाठी !

बोलणे आपसुक होत तुझ्याशी होते
मी शब्द निवडले काही गिळण्यासाठी!

तू दार उघड ना तुला पाहिजे तेव्हा
मी टकटक केली फक्त कळवण्यासाठी

आयुष्य सरुनही एखाद्याचे जाते!
क्षण एखादा ठिकठाक विसरण्यासाठी!

असतात कारणे प्रत्येकाची काही
मी जगतो आहे तंद्री जगण्यासाठी!!

ओळींत असो संदर्भ जुना एखादा
केलेत यत्न मी तुला वगळण्यासाठी!
---©प्रसाद
#दत्तप्रसाद #गझल

*सतीश दराडे श्रद्धांजली विशेष मुशायरा*"फेसबुक लाईव्ह पेज लिंक पहिल्या कमेंटमधे... सर्वांना शेअर करा*****************शुक्...
24/09/2024

*सतीश दराडे श्रद्धांजली विशेष मुशायरा*
"फेसबुक लाईव्ह पेज लिंक पहिल्या कमेंटमधे... सर्वांना शेअर करा*
****************
शुक्रवार २७ सप्टेंबर २०२४ रोजी सायं. ६:०० वाजता
*दिवंगत कवी सतीश दराडे स्मृतीविशेष*
मराठी गझल मुशायरा
*"गझल विश्वास"* (पुष्प २० वे)
🌹निमंत्रित गझलकार🌹
दास पाटील, तुळजापूर
दत्तप्रसाद जोग, गोवा
जयदीप विघ्ने, बुलढाणा
आनंद पेंढारकर, डोंबिवली
विश्वास कुलकर्णी, कोल्हापूर
विशाल राजगुरु, डोंबिवली
मारोती मानेमोड, नांदेड
सूत्रसंचालन : आकाश कंकाळ
**********************
खालील कमेंट मधील लिंकवर क्लिक करून *गझलशाळा* या पेजवर आपण हा मुशायरा लाईव्ह पाहू शकता.
🌹🌹🙏🏻🌹🌹
*सर्वांना आग्रहाचे निमंत्रण*

09/08/2024

तो वृक्ष म्हणे, एवढेच कर वेली
तू बिलगु नको उन्मळायच्या वेळी!

काळाची कळली चिन्हे,
फिकटली कोवळी पाने
या वठलेल्या देहाने,
हे अनुभवले ,वेळ जायची झाली!
तू बिलगु नको,उन्मळायच्या वेळी!

वाळली साल फांद्यांची
मृत आशा हिरवाईची
मी रास पिक्या पानांची
बघ पक्षिणही पिले घेउनी उडली
तू बिलगु नको,उन्मळायच्या वेळी!

यंदाचा रुक्ष उन्हाळा
जाताना थोडा रडला,
मज अर्थ नेमका कळला
मी निघण्याची हसत तयारी केली!
तू बिलगु नको उन्मळायच्या वेळी!

कालचा वादळी वारा,
पाऊस करे वर मारा
गदगदला देहपसारा
अन् जीर्ण मुळे,खोल खोल थरथरली!
तू बिलगु नको उन्मळायच्या वेळी!

इतकी शतके मातीने ,
पोसली मुळे मायेने
भरविले घास प्रेमाने
पण आता ती,झिजले रे मी वदली
तू बिलगु नको उन्मळायच्या वेळी!

वाटते मूळ सोडावे,
मातीशी शीर्ष जुळावे
हे उंच खोड निजवावे
माती व्हावी, जीर्ण कुडी वठलेली!
तू बिलगु नको उन्मळायच्या वेळी!

पाहिल्या पिढ्या घडताना
चिमुकले जीव रमताना
सुख दिले सहज श्रमिकांना
मी झेलुनिया उन्हे सावली धरली
तू बिलगु नको उन्मळायच्या वेळी!

गे वादळ आले आले
हे जीवन कार्य निमाले
जाताना सार्थक झाले
नव सृजनाला, जागा रिक्त मिळाली!
तू बिलगु नको उन्मळायच्या वेळी!
---©प्रसाद
#दत्तप्रसाद #वृक्ष #कविता

जरी त्यांच्यात होते ते तरीही त्यातले नव्हतेतुला कळपात दिसणारे तसे कळपासवे नव्हते!निनावी जन्मले जगले निनावी वारलेसुद्धा!ज...
02/03/2024

जरी त्यांच्यात होते ते तरीही त्यातले नव्हते
तुला कळपात दिसणारे तसे कळपासवे नव्हते!

निनावी जन्मले जगले निनावी वारलेसुद्धा!
जणू नशिबात नात्याच्या कधीही बारसे नव्हते

जरी ती जन्मली इच्छा अवाक्षर बोलली नाही!
तिचे काहीच गा-हाणे उभ्या विश्वाकडे नव्हते!

बरे झाले कधीही रंग कुठला लावला नाही
पुढे केव्हाच भिंतीचे निघाले पोपडे नव्हते

इथे कित्येकदा मेल्यामुळे हा फायदा झाला !
मरण आले अचानक पण अचानक वाटले नव्हते!

स्वतःला रोज हे पटवून मी देतो स्वतःसाठी
तुझ्या डोळ्यांतले अश्रू कसे माझ्या मुळे नव्हते !!

कसे ते बालपण होते जमा होतच नसे कचरा
कदाचित त्या वयामध्ये मनाला कोपरे नव्हते!!

तुला मी आवडत आहे असे वाटायचे वरवर
(तशी ती समजुतच होती पुरावे फारसे नव्हते!)

तुझ्याशी फोनवर काहीच नाही बोलता आले
नवे सांगायला नव्हते जुने सांगायचे नव्हते !
----©प्रसाद
#दत्तप्रसाद #गझल

अनंत सुत्रे क्षणाक्षणाला हलल्यागतविश्व चालते सगळे आधी ठरल्यागत!सत्य स्वतःचे एक एक लागते कळूरोज वाटते एक पोपडा गळल्यागत!ए...
31/10/2023

अनंत सुत्रे क्षणाक्षणाला हलल्यागत
विश्व चालते सगळे आधी ठरल्यागत!

सत्य स्वतःचे एक एक लागते कळू
रोज वाटते एक पोपडा गळल्यागत!

एखादा क्षण असा तुझ्या सोबत मिळतो
तृप्त वाटते आख्खे जीवन जगल्यागत

पाहूया जमले तर भेटू कधी तरी
म्हणालीस का तू किस्सा संपवल्यागत?

एखाद्या दृश्यावर खिळते नजर अशी
जगात बाकी काही सुंदर नसल्यागत!

असा कडा अन् अशी दरीही आढळते
कोसळताना वाटत असते चढल्यागत!!

तो विरघळला आहे त्याच्या तत्वातच
आता त्याचे असणे आहे नसल्यागत!!

फांदी कापुन अवश्य न्या पण मग जगवा!
झाडाला वाटेल नव्याने रुजल्यागत!!

तिचे सकाळी डोळे इतके खिन्न कसे?
(स्वप्नांवर रात्रीच दरोडा पडल्यागत!)
----©प्रसाद
#दत्तप्रसाद #गझल

हिरकणी...🙏 कितवीला होती ही कविता ? #मराठी #मराठीलेखणी #मराठीकविता #मराठीभाषा
27/08/2023

हिरकणी...🙏 कितवीला होती ही कविता ?
#मराठी #मराठीलेखणी #मराठीकविता #मराठीभाषा

ते देशासाठी लढले.. कोणाला होती ही कविता ? #मराठी #मराठीलेखणी #मराठीकविता #मराठीभाषा
26/08/2023

ते देशासाठी लढले.. कोणाला होती ही कविता ?
#मराठी #मराठीलेखणी #मराठीकविता #मराठीभाषा

संत ज्ञानेश्वर #मराठी #मराठीस्टेटस #मराठीलेखणी #मराठीकविता #प्रेम #प्रेमकविता #मराठीभाषा ...
22/08/2023

संत ज्ञानेश्वर

#मराठी #मराठीस्टेटस #मराठीलेखणी #मराठीकविता #प्रेम #प्रेमकविता #मराठीभाषा

Address


Telephone

+919545094946

Website

Alerts

Be the first to know and let us send you an email when अर्ज किया है posts news and promotions. Your email address will not be used for any other purpose, and you can unsubscribe at any time.

Contact The Business

Send a message to अर्ज किया है:

Shortcuts

  • Address
  • Telephone
  • Alerts
  • Contact The Business
  • Claim ownership or report listing

  • Want your business to be the top-listed Media Company?

Share