تهتم بلصيد.وتعليم الصيد بانواعه.وتهتم بلحياة البريه.والصقور. ونحل العسل
22/10/2024
🚨كل شاهين كبير في العمر يتقمط يعني انت عدمت عش في اوروبا كان يجيب في اقل شي 3 بحاريات معناها سنه او سنتين تانيات لبحاري معاش تلقاه راه قبل كانو يتقمطن في الموسم اكثر من 100بحاريه وقبل 20 عشره اقل شي مبيوعات فوق ال30 طير
لينا سنتين البحاري ينعد ع اليد اللي تقمط والسنه لتوا قريب يكمل شهر عشره وما تقمطن الا بحاريتين فقط
كلامي موش حسد او شي ربي يقوي نصيبهم ولكن شوف نحنا في نهاية عشره ليبيا كلها تقمطن فيها بحاريتين فقط
والرماك عنده الحق يقمط لانه فيهن اسعار والراجل يبي يسترزق ع حاله
محتاجين دعم من الدوله او من اي جهه اخرى مثلا تحدد السعر للطير وسعر ثابث للجميع بحيث لا ينظلم الرماك ولا تنظلم الجهه اللي تشري وادير ترتيب كويس وتوثق شراء الطير بفيديو يكون واضح وشهر واحد تطلقهن بتوثيق في فيديو اخر برضو عشان التكاثر
ربما في ناس مش حتوافقني للراي لانها موضوعها فلوس وخشو للهوايه هدي بعد ما رقى لبحاري لل100 الف وطالع اهم شي فلوس ما ينضروش للعشوش اللي انعدمت بعد ما تمسك طرشون ولا شاهين كبير في العمر
عموما نسأل الله التوفيق وعن نفسي حنوصل رسالتي هدي للجهات اللي اني عارفها تقول وتفعل وان شاء الله ربي يرزق الجميع
تحياتي لرماكين ليبيا وتجار ليبيا جميعاً
