Zang Media (2025)

10/09/2025

سۆران عومەر:"دڵنیابن ئەو بێدەنگییەی باڵی بەسەر میدیاو کۆمەڵی مەدەنی و شەقامدا کێشاوە بە سەرکوت بێ یان بە ئیرادەکڕین یان جڵەوگرتن، ئێوە تێیدا براوە نین، چونکە زۆر شانازیتان دۆڕاندوە."

زیاتر لە کۆمێنتە..

08/09/2025

سۆران عومەر: ڕاپەڕینێکی ترمان پێویستە دژی ئەم ستەم و نادادییە…

07/09/2025

لاهور شێخ جەنگی: ئەگەر منیش وەک ئەوان پیاوی میت و ئیتڵاعاتی ئێران بوومایە ئێستا وام لێ نەدەهات ، بەڵام من سەربەرزم چونکە سەر بەگەلەکەمم.

07/09/2025

وێنەیەکی کەم بینراوی لاهور شێخ جەنگی و خێزان و منداڵەکانی لەگەڵ فەرماندە مەزڵوم کۆبانێ

07/09/2025

دونیا ئاوایە ؟!

06/09/2025

لە دیداری سەرۆکی ئەمریکاوە بۆ دیداری سەرۆک شارەوانییەک!

رۆژانێک پێگەی کورد لە عێراق لە ئاستێکدابوو کە رێگری لە حکوومەتی فیدڕاڵی دەکرد گرێبەست لەگەڵ واشنتن بۆ کڕینی ئێف ١٦ ەکانی بکات، دەیوت دەکرێ لە دژمان بەکاری بهێنێ!

چی کابینەی حکوومەتی عێراق بوو دەهاتنە هەولێر و لەسەر دەستی کورد شیعەکان یەک دەخران و کابینەکە پێک دەهات!

لە ئاستی سەرۆکی ئەمریکا و فەڕەنسا پێشوازی لە سەرۆکی هەرێم دەکرا!

وەزیری دەرەوەی وڵاتانی زلهێز کەمتر سەرۆکی هەرێمیان دەبینی و زیاتر چاویان بە سەرۆکی حکوومەت دەکەوت! لە ئاستی ئەودا نەبوون!

پێگەی کورد لە ئاستێکدا بوو هەرچی شیکەرەوە و لێکدەرەوەی سیاسی بوو دەیوت، باشووری کوردستان تا سەربەخۆیی تەنیا راگەیاندنی ماوە!

ئێستا گەیشتوەتە ئاستێک مەسعود بارزانی سەرۆکی ئەو کاتی هەرێم و سەرۆکی ئێستا پارتی بە هەموو هێزی خۆی چووەتە پاریس تا ڕێڕەوی ناو پارکێک کە کراوە بە ناوی پێشمەرگەوە بکاتەوە!

تۆ بڕوانە ئەو پاشەکشێیە لە ماوەی ١٠ -١٢ ساڵی رابردوو کورد وەک نەتەوە لە عێراق کردوویەتی!

ئەو ١٢ ساڵە دروست لەو کاتەوە دەست پێ دەکات کە دەستیان دایە فرۆشی نەوت و بردنی سامانەکەی لە ژێر ناوی جیاجیاوە.

نەوت تەنیا پارەی بۆ بنەماڵە دەستڕۆیشتوەکانی ناو پارتی و یەکێتی کۆکردەوە بەڵام بەها و پێگەیانی لە بنەوە هەڵتەکاند!
بە هەرچی دۆستی ئەم میللەتەیان وت ئێمەی کورد شایەنی دەسەڵاتێکی خۆبەڕێوەبەر نین تا هەنگاو بەرەو کەناری ئارامی بنێت! کە دەرفەتمان بۆ دروست بوو تەنیا بیر لە گیرفانی خۆمان و نەوەکانمان دەکەینەوە.

ئێستا خەڵک خەبات ئەکات بگەڕێتەوە ژێر دەسەڵاتی بەغدا و خۆی لە ژێر دەسەڵاتی پارتی و یەکێتی نەجات بدات.

ئێستا هەموو فەلسەفەی حوکمڕانی کورد بووەتە لیستی مووچە ئامادەکردن و شاند ناردن بۆ سواڵی مووچە لە بەغدا.
ئیتر پرسی ماددەی ١٤٠ و و ئاسایی کردنەوەی ناوچە جێناکۆکەکان و یاسای نەوت و غاز و دۆسیەی پێشمەرگە و ئەنفال و کیمیایی باران باسی نەماوە.

مەسعود بارزانی ١٠-١٢ ساڵ پێش ئێستا لە پاریس بوایە سارکۆزی سەرۆکی ئەوکاتی فەڕەنسای دەبینی نەوەک سەرۆکی شارەوانی ئێستای پاریس!

هەرچەندە من گومانم هەیە ئەوەی ئەمڕۆ لە پاریس کرا لۆبی پێشوەختەی بۆ کرابێت و هێنانە ناوەوەی ناوان بووە بۆ سەر ساحەی سیاسی!

بەرەنجامی ئەو دۆخەی ئێستا کورد تەنیا لە یەک گوزارشتی سادەدا کورت دەکرێتەوە، ئەویش گەندەڵی و فەسادە!

مەسعود بارزانی ئەگەر لە ژیانی سیاسی خۆیدا بۆ نمونە رێگەی بە نێچیرڤان بارزانی برازای نەدایە بۆری نەوتی کوردستان لە دوا ساتەکانی حوکمڕانییەکەیدا بە کۆمپانیاکەی خۆی بفرۆشێتەوە لانیکەم دەیتوانی رێگری لەوە بکات ئێستا کە نەوت هەناردە نەکراوە کەچی کرێی بۆرییەکەی لەسەر داهاتی گشتی خەڵک وەربگیرێت!

رێبوار حەمەلا-رۆژنامەنووس

05/09/2025

ڕەحمان غەریب بۆ سەرۆکی یەکێتی: میترۆ سەروپێخانە نییە تا حزبێك لافیتەیەك بە دەرگاكەیەوە هەڵبواسن بنوسن دامانخست.

دەقی پەیامەکەی وەک خۆی

پەیامێك بۆ عەسكەر و عەنتەر و مێشی ئەلیكترۆنی

لە پاش هێرشە خوێناوییەكەی سەر لالەزار، چەند جارێك دیداریان لەگەڵ كردووم، سوپاسی ئەو كەناڵانە دەكەم، ئێستاش وەڵامم بۆ پرسیارەكانیان وەك خۆیەتی، لە یەك دێڕیش پەشیمان نیم، بڕوای تەواوم هەیە كە نابێت بە هەر پاساوێك بێت لە ئاست پێشێلكردنی مافەكانی مرۆڤ لە هەرێمی كوردستان بێدەنگ بین.

تێدەگەم دەسەڵاتی سیاسی ئەو وڵاتە بەردەوام دەیان و سەدان ئامرازی میدیایی و سیاسی و دامەزراوەی لێكۆڵینەوەو راپرسی بە پاڵپشتی نوخبەیەكی پەیوەست بەپارەی سیاسی، شەڕی دەرونی وەگەڕدەخەن، ئامانجیش بەردەوام بوونی خۆی و نوقمكردنی دەرونی هاوڵاتیانە لە نائومێدی و بێدەنگی و قبوڵكردنی واقعی حاڵ، بێ گوێدان لەوەی ئەم نائومێدی و بێدەنگییە بگۆڕێت بۆ توڕەیی بێسنوور، ئەم نیزامە سیاسییە دەبێت لەو بێدەنگییە بتۆقێت.

من نائومێد و بێدەنگ نیم و نابم، توڕەم لەم واقعە، ناڕازیم لەوەی رووی لولەی تۆپخانە، و زرێپۆش بكرێتە رۆڵەی كورد، هاوار بكەم كە جارێ خێزان هەیە تەرمی رۆڵەكانی وەرنەگرتۆنەوە تا پرسەی بۆ دابنێن، بێزارم و دەنگم بەرزە كە رۆژنامەنوس و رەخنەگر بكرێتە كونجی زیندان، ئەبێت قسە بكەم كە زیندان دەبێتە شوێنی سەركردەكانی ئۆپۆزسیۆن و چالاكوانی مەدەنی و سیاسی، كێ ئەم ستەمەی بەناوی كوردایەتی قبوڵە، پیرۆزی خۆی بێت. من قبوڵم نییە و قسەی خۆم دەكەم وەك دەیان هاوڕێی ترم لە چالاكوان و رۆژنامەنوسان.

بەشێكی چیرۆكەكە ئەوەیە هەندێك لە گوزارشتەكانی خۆم تێكەڵ بە هەڵوێستی میترۆ بووە، بەواتای گوتاری رێكخراوی میترۆ جیاوازەو گوتارو رەخنەی سیاسی هەوڵبدەین تێكەڵ یەكتر نەبن، ئەو فشارانەی سەر رێكخراوەكەیش كەمبێتەوە، بەشەكەی تریش لای چەند هاوڕێیەكم پارێزراوە.

ئێمە رێكخراوێكی ناسراوی وەك IMSی دانیماركی پاڵپشتی دارایی دەكات، دەیان سەدان شەریكی لە ئاستی عێراق و ناوخۆی خۆمان و دەرەوە هەیە، میترۆ سەروپێخانە نییە تا حزبێك لافیتەیەك بە دەرگاكەیەوە هەڵبواسن بنوسن دامانخست، رێكخراوەكەمان بە پارەی سیاسی بەرێوە ناچێت تا دەستێوەردان لە كارەكانی بكرێت.

ئەم رەفتارەی باسدەكرێت كە قفڵیان لە دەممان داوە، بۆ توتییەكانی میدیای سێبەر و كرێگرتەی پارتە سیاسییەكان و رێكخراوە وابەستەكانی دەسەڵات گونجاوە، كە بە پارەی عەسكەرو عەنتەرو تەنكەری پارتە سیاسییە دەسەڵاتدارەكان بەڕێوە دەچن، نەك بۆ ئێمە.

رەحمان غەریب
سلێمانی 5ی ئەیلولی 2025

05/09/2025

دەستەی سەربەخۆیی مافی مرۆڤ بەیاننامەیەکی توندی دژی یەکێتی و هێزی کۆماندۆ و دژە تیرۆری یەکێتی دەرکرد

بەیاننامەکەی لە کۆمێنتە

04/09/2025

هاوڕێی نیوە ڕێگا نەبووین.

کوری باوکی خۆمانین ، بەڵێنێک بدەین دەیگەنین بە کۆتا ،گەر سەری خۆشمان لەسەر دانابێ.
پەروەردەی دەستی پیاوێکین هیچ کات هاوڕێکانی لە ڕێگا جێ نەهێشتووە.
هیچ کات پشت لە دۆستەکانمان ناکەین لە هیچ بارودۆخێک.
لە کاتی نسکۆی شۆرشی ئەیلول کاتێک پێشمەرگە چەکەکانیان ڕادەست دەکرد ، شێتێک هەبوو لە ناوچەکەی ئێمە بڕنەوێکی لەشان کردبوو، دەیکێشا بە قۆناغی بڕنەوەکدا دەیگووت:پیاو ئەو پیاوەیە ئێستا بڕنەو لەشان بێ ،نەوەک مانگێک پێش ئێستا.
پیاوەتی و مەردایەتی ئێستا بەدەر دەکەوێ نەوەک کاتی خۆشی و شادی.
ئیمامی شافعی فەرموویەتی :
ئـیمان قـەول و عـەمەلە.
ئێمەش هەم قولی خۆمان گەیاند هەم بە کرداریش سەلماندومانە.
باجی ڕێگەکە هەرچی بێ خۆمان بۆ ئامادە کردوە.

هـێمن حامد شوانی

02/09/2025

لاهور شێخ جەنگى لەزیندانەوە قسەى نوێ دەکات

♦️بۆیەکەمجار دوێنێ دووشەممە ١ - ٩ چوار پارێزەر چونەتە زیندان و چاویان بە لاهور شێخ جەنگى کەوتووەو لەسەر تەندروستى خۆى و دۆسیەکەى و ئەو دانپێدانانەش کەبڵاوکرایەوە قسەى کردوە.

بۆ خوێندنەوەی تەواوی بابەتەکە وەرە کۆمێنت

31/08/2025

وێنەیەکی نەبینراوی لاهور شێخ جەنگی بەر لەدەستپپێکردنی شەڕەکەی لالەزار

27/08/2025

دادگا لە کوێیە

بڵاوکردنەوەی وێنە و دانپێدانانی تۆمەتباران پێش بریاری دادگا، پێشێلکردنی مافی سەربەخۆیی و یاساییە و دەتوانێت کاریگەری نەرێنی لەسەر دادگایی هەبێت. چۆن تۆمەتبار پێش بینی پاریزەر قسەیان پێکراوە ؟ دەبێت سنوورێکی یاسایی دابنرێت بۆ ڕێگری لە ئەنجامدانی ئەم کارە و پاراستنی مافی تۆمەتباران. ئەنجومەنی دادوەری دەبێت ریگری بکەن لە بەکارهێنانی تۆمەتباران وەک ئامرازێکی چەواشەکاری ئەگەر دادگا هەیە ؟
بۆیە ئەو جۆرە رەفتارە هیچ بەهایەکی یاسایی نیە بەپی قانونی عیراق و قانونی نێودەڵەتی

Zang Media

10/09/2025

08/09/2025

07/09/2025

07/09/2025

07/09/2025

06/09/2025

05/09/2025

05/09/2025

04/09/2025

02/09/2025

31/08/2025

27/08/2025

Address

Website

Alerts

Contact The Business

Shortcuts

Share