Clicky

Zang Media

Zang Media زەنگ هەوڵێکە بۆ وەئاگاهێنانەوە و هۆشیارکردنەوەی کۆمەڵگا

Operating as usual

شادمان مەلا حسن ئەندامی پێشووی سەرکردایەتی یەکێتی ئەم وێنەیەی خۆی و لاهوری شێخ جەنگی لە ئەکاونتی فەرمی خۆی  لە فەیسبوک پ...
01/12/2022

شادمان مەلا حسن ئەندامی پێشووی سەرکردایەتی یەکێتی ئەم وێنەیەی خۆی و لاهوری شێخ جەنگی لە ئەکاونتی فەرمی خۆی لە فەیسبوک پۆست کردووە نوسیویەتی :

ئەو دڵەی تەنها لەخەمی نیشتمانە
دڵسۆز و دڵداری خاکی کوردستانە

ئەم وێنەیە وەکو وەڵامێک بوو بۆ بافڵ تاڵەبانی کە ئەمڕۆ بافڵ تاڵەبانی لە چاوپێکەوتنێکدا وتی لە ئێستادا لاهور شێخ جەنگی پەیوەندی خۆشەویستی لەگەڵ پارتی هەیە٠٠

01/12/2022

هاوڵاتیێکی دەڤەری ڕاپەرین سەکردایەتی یەکێتی بەپەلە ئاگادار دەکاتەوە:
من هەواداری ۺێخ لاهور تاڵەبانی نیم بەڵام سوێند بەخوا ئەکەر لەزووترین کاتدا نەکەرێتەوە ناو یەکێتی یەکێتی وەک حسکی لێ دێیت

لاهور شێخ جەنگی بەشداریی لە چلەی تێکۆشەری دێرین (نەوشیروان فؤاد مەستی)کردئەمرۆ چوارشەممە ٣٠ی١١ی٢٠٢٢، لاهور شێخ جەنگی لە ...
30/11/2022

لاهور شێخ جەنگی بەشداریی لە چلەی تێکۆشەری دێرین (نەوشیروان فؤاد مەستی)کرد
ئەمرۆ چوارشەممە ٣٠ی١١ی٢٠٢٢، لاهور شێخ جەنگی لە هۆڵی تەوار لە شاری سلێمانی بەشداریکرد لە چلەی ماتەمینی تێکۆشەری دێرین فەریقی یەکەمی ڕوکن (نەوشیروان فؤاد مەستی) ئەفسەری بە توانا و شارەزا و ئەکادیمی بواری سەربازیی.

لەدوای 8ی تەموزەوە یەكێتی توشی جەربەزەیەكی كــــوشـــندە بـــــووە.مەلا بەختیارنوسەرو رۆشنگەر
30/11/2022

لەدوای 8ی تەموزەوە یەكێتی توشی جەربەزەیەكی كــــوشـــندە بـــــووە.

مەلا بەختیار
نوسەرو رۆشنگەر

نامەیەکی کراوە بۆ سەرۆکی هەرێم زیاتر لە ٥٠ رۆژ تێدەپەڕێت بەسەر تیرۆرکردنی شەهید هاوکار جافدا، بۆ ئێمەی بنەماڵەی شەهید ها...
29/11/2022

نامەیەکی کراوە بۆ سەرۆکی هەرێم

زیاتر لە ٥٠ رۆژ تێدەپەڕێت بەسەر تیرۆرکردنی شەهید هاوکار جافدا، بۆ ئێمەی بنەماڵەی شەهید هاوکار لەماوەی ئەم ٥٠ رۆژەدا ئەوەی کەبە ئەندازەی تیرۆرکردنی ناوبراو زیاتر ئازاری داوین، بێدەنگی نێچیرڤان بارزانی سەرۆکی هەرێمی کوردستانە!

ناکرێت سەرۆکی هەرێم بن و لەئاستی وەها تاوانێکدا کە هەر زوو ئەنجوومەنی ئاسایشی هەرێم بکەرانی ئاشکرا کردو تاوانبارانی دەستنیشان کرد، بێ دەنگی بنوێنی !
نەک هەر بێدەنگ بوون و هیچ هەڵوێستێکتان نەبووە، بەڵکو سەرۆکایەتی هەرێم جۆرێک رەفتار دەکەن کە دژ بە یاسا و دژی بڕیاری دادگا دەجوڵێنەوە.
بۆ نمونە بەچ حەقێک ڕێگا بە جێگری سەرۆکی هەرێم دەدرێت لەهەوڵێرەوە بچێتە سلێمانی و سەردانی تاوانبار وەهاب هەڵەبجەیی بکات و لەگەڵی دابنیشێت!
ئایا ئەمە راوەستان نیە دژی یاسا و ڕێسای هەرێمەکەت؟
واز لەئێمە بێنە وەک خانەوادەی شەهید هاوکار بەڵام لانیکەم نەدەبوو وەک سەرۆکی هەرێم پابەندبیت و رێز لە بڕیاری دادگا بگریت؟

تۆکە سەرۆکی هەرێمی، بەم شێوەیە رەفتار دەکەیت لەگەڵ دامودەزگاکانی هەرێمەکەت، ئەی چۆن سبەینێ دەتوانی ڕێگە لە خەڵکانێک بگریت کە بەهەمان شێوە وەک تۆ بکەن و بێ ڕێزی بەرامبەر دەزگا نیشتیمانیەکان بکەن؟ ئایا ئەمە نابێتە فەرهەنگێکی ناشیرین کە تاکەکانی گومەڵگە لەتۆوە فێری ببن؟

بۆ ئێمەی بنەماڵەی شەهید هاوکار زۆر قورس بوو کە بەرزترین دەسەڵاتی هەرێمەکەمان ئەوە هەڵوێستی بێت.

ئەوەی ئێمە بینیومانە و دەیبیستین لەدوای هەموو رووداوێک یەکەم شتێک بەجواب هاتن و بەیاننامەی سەرۆکی هەرێم و سەرۆکایەتی هەرێمە، کەچی بەداخەوە لەم کەیسەی شەهید هاوکار هیچ هەڵوێستێکت نەنواند! بەپێچەوانەوە بێ هەڵویستیەکەت وەک پشتیوانیەک دەبینین بۆ تاوانبارانی تیرۆرکردنی شەهید هاوکارجاف.
بەداخەوە کەنەدەبوو وابێت.

لێرەشەوە دەمانەوێت پەیامێک ئاراستەی دەزگای میدیایی رووداوبکەین و پێیان رابگەیەنین کە بە چەندین دیدار و شۆی میدیایی نەتاوانەکە رووپۆش ئەکرێت وە نە رووی رەشی تاوانبارانیش سپی دەکرێتەوە.

سامان جاف
برازای شەهید هاوکارجاف

دیدارەکەی لاھور شێخ جەنگی بۆچی لەڕوداو ھێشتا پەخش نەکراوە؟ــ بافڵ تاڵەبانی و نێچیرڤان بارزانی ناڕازین و ھێشتا ئۆکەیان نە...
29/11/2022

دیدارەکەی لاھور شێخ جەنگی بۆچی لەڕوداو ھێشتا پەخش نەکراوە؟

ــ بافڵ تاڵەبانی و نێچیرڤان بارزانی ناڕازین و ھێشتا ئۆکەیان نەکردوە بۆ کەناڵەکە ..!

شەوی سێ شەمەی ڕابردوو تۆڕی میدیایی ڕوداوو دیدارێکی دوو کاتژمێریان لەگەڵ لاھور شێخ جەنگی ئەنجامدا ( پێشکەش کارەکە سەنگەر عبدالرحمن بوو ).
دیدارەکە لەمۆنتاژدا کاتژمێرێک و بیست و پێنج خولەک دەرچوو بوو ، کە تێیدا باسی زۆر باس و بابەتی ھەستیار و گرنگی ئێستای کوردستان و سلێمانی و یەکێتی کرابوو ،

سەرەتا بڕیار بوو دوو ڕۆژ دوای دیدارەکە واتا پێنج شەممەی ڕابردوو پەخش بکرێت و دواتریش خرابوە ئەم دوو شەمەیە و لەم مەوعیدەش دیسان پەخش نەکرا !!

ھۆکاری پەخش نەکردنەکە چیبوو ؟!

بەپلەی سەرەکی ھۆکاری پەخش نەکردنەکە دەگەڕێتەوە بۆ ڤیتۆی نێچیرڤان بارزانی و بافڵ تاڵەبانی کە لەنێو دیدارەکە قسە کراوە لەسەر سەرۆکی ھەرێم و دۆخی خراپی یەکێتی و نێوخۆی سلێمانی و باسی ژەھرخواردکردنی سەرکردەکانی یەکێتی و باس لە قۆناغی نوێ کراوە ..!

چەند ئاماژەیەک بۆ جوڵەی نوێ باسکراون کە ئەوە بوەتە جێگای نیگەرانی و سەرنج ..
ھەر بۆیە ھەردو سەرۆکی یەکێتی و نێچیرڤان بارزانیش ھاوڕابون کە دیدارەکە باش نیە و ناوەڕۆکەکەی خزمەت ناکات و ڕایان گرتوە جا تا کەی نازانرێت..!

پاشان ....
ئەوەی من بەدوای چوم و دیتم ھۆکارەکەی بەشێکی دەگەڕێتەوە بۆ ئەو تەوەرو شێوازەی شێخ لاھور قسەی لەسەر کردون بۆ نمونە ،
لەباسی چاکسازیدا لاھور شێخ جەنگی دەڵێت"باوەڕم بەچاکسازی نیە کە سەرۆکی حکومەت کردویەتێە دروشمی حکومەتەکەی بۆ نمونە ئەگەر جدین فەرمون با لەمەسولینەوە دەست پێبکەن نەک فەرمانبەرێکی ئاسایی کە موچەکەی ٥٠٠ ھەزارە ، ئەگەر چاکسازی دەکەن با بچن سەرۆکی پێشووی حکومەت بگرن کە سەدان مەلەفی گەندەڵی ھەیە "
ئەگەر جدین با بچن ئەو گرێبەستە پەنجا ساڵیانەی نەوت ھەڵبوەشێننەوە کە کەس نازانێت چۆن ئەنجام دراون و ئەو کەسانە ملیاران دۆلاریان قەرز ھێنایە سەر ئەم خەڵکە"

لەباسی دۆخی سلێمانی و یەکێتیش باسی خراپی دۆخەکە و خراپی حاڵی حزب و شار و دیکتاتۆریەت لە بڕیارەکان و بێ بایەخی قەراراتەکان کراوە و لەو بەشەشی کە پێشکەش کار دەڵێت لەسەر دەرمان خوراد کردنەکە چی دەڵێیت دەڵێن تۆ چەند سەرکردەیەکی یەکێتیت ژەھر خوار کردوە؟
لاھور شێخ جەنگی دەڵێت درۆیە ئەسڵ و ئەساسی نیە و ئەگەر یەک بەڵگەش ھەیە با بیخەنە ڕوو لە چی دەترسن !؟ کوا بەڵگە ..

ھۆکارێکی تر ئەوەیە کە لاھور شێخ جەنگی لە دیدارەکە باس لە جوڵەی نوێ دەکات لەسنورەکە و باس لە بێزاری خەڵک و لایەنگرانی یەکێتی و تەنانەت سەرکردایەتی حزبەکەش دەکات و دەڵێت دۆخەکە بە بەریەوە نەماوە و لەوە زیاتر تەحەمول ناکرێت !!

لەباسی خراپی دۆخی سلێمانیش دەڵێت دۆخی ئەم شارە لە سایەی ئەم برادەرانە زۆر خراپە و بە ئاشکرا سەرانە ئەسێنن و ئەوەی بازاری دۆلارەکەی بەنمونە ھێناوەتەوە .

لە کۆتایشدا باس لە ھۆکارەکانی دورخستنەوەی خۆی دەکات جگە لەباسی خراپی حاڵی ئەندامانی حزبەکانی ڕۆژھەلات و باکور و کوشتنیان ..

ــــــــــــــ

ــ ئەم پرسیارە دەکرێت ، تۆ چۆن ئەمانەت دەست کەوت ؟ لەھەموو زانیاریەکان بەرپرسم و ئەوەشی دەگوترێ بەھۆی نزیکیت لە ھەندێ سەرکردە قسەیەکی باتڵ و بێ مانایە و
من دەڵێم ئەرکی ڕۆژنامەنوس ئەوەیە بەدوای دیوی پشت ڕووداوەکان بچێت نەک بەتەنھا چاوەڕێی کۆنگرەی رۆژنامەنوسی بێت.

بەشدار بازیانی - ڕۆژنامەنووس

لاهور شێخ جەنگی مامۆستا مەلا محەمەد ئەمین شەڵماشی بەسەرکردەوەئەمڕۆ سێشەممە٢٩ی١١ی٢٠٢٢، لاهور شێخ جەنگی لە شاری سلێمانی ما...
29/11/2022

لاهور شێخ جەنگی مامۆستا مەلا محەمەد ئەمین شەڵماشی بەسەرکردەوە
ئەمڕۆ سێشەممە٢٩ی١١ی٢٠٢٢، لاهور شێخ جەنگی لە شاری سلێمانی مامۆستا مەلا محەمەد ئەمین شەڵماشی کەسایەتی دیار و نوسەر و ڕوناکبیر و زانای ئایینیی کوردستانی بەسەرکردەوە.
لەو بەسەرکردنەوەیەدا لاهور شێخ جەنگی لە دۆخی تەندروستی مامۆستا مەلا محەمەد ئەمین شەڵماشی پرسی و هیوای لەشساغی و تەندروستییەکی باشی بۆ خواست.

26/11/2022

هەر دەسەڵاتێک خەڵکەکەی زیندانی بکات لەناودەچێت

روونکردنەوەیەک لە بنەماڵەی شەهید موراد کانی کوردەییەوەئەمرۆ لە ساڵیادی شەهیدی بوونی لیوای مافپەروەر موراد کانی کوردەیی و...
25/11/2022

روونکردنەوەیەک لە بنەماڵەی شەهید موراد کانی کوردەییەوە

ئەمرۆ لە ساڵیادی شەهیدی بوونی لیوای مافپەروەر موراد کانی کوردەیی و هاورێکانیدا، چەند کەسێک لە بنەماڵەکەمان لە کاردانەوەی بێباکی و بێدەنگبوونی دەسەڵاتدارانی ئێستای یەکێتیی بەرامبەر بە کەیسی تیرۆرکردنی شەهید موراد و هاورێکانی و دەستگیرنەکردنی تاوانبارانی ئەو کردەوە تیرۆریستیە، بڕیاریانداوە ئاراستەی سیاسی خۆیان بگۆڕن، ئێمە لەگەڵ ئەوەی رێز لە هەڵوێستی ئەو کەسانە دەگرین و لە توڕەیی و دڵگەرمی و پەرۆشیان تێدەگەین، لەهەمان کاتدا بە کۆمەڵانی خەڵکی کوردستانی رادەگەیەنین، تەواوی بنەماڵەکەمان لەسەر رێباز و سیاسەتی نەگۆڕی شەهید موراد و بنەماڵەكەمان بەردەوامن و بە هیچ جۆرێک ئاراستەی سیاسی خۆمان نەگۆڕیوە و نە دەشیگۆڕین، بنەماڵەکەمان لەو پێناوەدا بە دەیان شەهیدی بەخشیوە، بەڵام بەداخەوە دەسەڵاتدار و بڕیاردەرانی ئەم یەکێتییەی ئێستا لە دوای خیانەتەکەی ٨ی تەمووزەوە ئەوەی بەلایانەوە گرنگ نیە کادر و ئەندامانی حزبەکە و کەس و کار و خوێنی شەهیدانە، هەر بۆیە ساڵێک لەمەوبەر و بە شێوازێکی زۆر نامەردانە لەناوەراستی بازاڕی رانیە و بە بەرچاوی خەڵكی قارەمانی دەروازەی راپەڕین، بەعس ئاسا هەڤاڵ موراد و هاورێکانیان خەڵتانی خوێن کرد و شەهیدیان کردن، تا ئێستاش ئامادەنین تاوانبارانی ئەم تاوانە دڕندانەیە رادەستی یاسا بکەن.

لێرەوە سوپاسی هەموو ئەو کەسانە دەکەین کە لە پەرۆشی خۆیان پەیوەندییان پێوەکردین، دوپاتیدەکەینەوە کە بنەماڵەی شەهید موراد و هاوڕێكانی خاوەنی خەبات و قوربانیدانە وە لەسەر ئەو ڕێگایە بەردەوامیش دەبین.

راشیدەگەیەنین کە دانبەخۆداگرتنمان مانای بێدەنگبوونمان نیە، هەر گیز رێگە نادەین خوێنی شەهید موراد و هاورێکانی بە فیرۆ بروات، هەموو رێگایەکی یاسایی دەگرینە بەر تا تاوانباران دەستگیر دەکرێن و بە سزای خۆیان دەگەن.

لەگەڵ رێزدا

بنەماڵەی شەهید موراد كانی كوردەیی و هاوڕێكانی

25/11/2022

بنەماڵەی شەهید خۆشناو رونكردنەوە لەسەر بابەتی بوون بە پارتی بنەماڵەكەیان بڵاودەكەنەوە :
ئێمە هیچمان پەیوەندیمان بەو چەند كەسەی ماڵی مراد کانی کوردەیی نییە ، وەک بنەماڵەی خۆشناو ، یەکێتی ڕاستەقینەین هەر لاهورین .

لاهور شێخ جەنگی تاڵەبانی بەشداری پرسەی خاتوو (ژیان محەمەد) هاوسەری فەرید ئەسەسەردی کردلاهور شێخ جەنگی تاڵەبانی لە شاری س...
25/11/2022

لاهور شێخ جەنگی تاڵەبانی بەشداری پرسەی خاتوو (ژیان محەمەد) هاوسەری فەرید ئەسەسەردی کرد

لاهور شێخ جەنگی تاڵەبانی لە شاری سلێمانی بەشداریکرد لە پرسەی خاتوو (ژیان محەمەد) هاوسەری هەڤاڵ فەرید ئەسەسەرد، سکرتێری ئەنجومەنی سەرکردایەتیی یەکێتیی نیشتمانیی کوردستان.

لاهور شێخ جەنگی:ساڵێک بەر لە ئێستا و لە ئێوارەیەکی شوومدا، کارەساتێکی قێزەون دڵی هەموومانی کون کون کرد، عەقید موراد و ها...
25/11/2022

لاهور شێخ جەنگی:
ساڵێک بەر لە ئێستا و لە ئێوارەیەکی شوومدا، کارەساتێکی قێزەون دڵی هەموومانی کون کون کرد، عەقید موراد و هاوڕێکانی بەبێ ئەوەی هیچ تاوانێکیان ئەنجامدابێت بە دەستێکی نامەردانە و ترسنۆکانە خەڵتانی خوێنکران، عەقید موراد و هاوڕێکانی کەم ژیان بەڵام کەڵ ژیان، ئەوان تەنیا لەبەر ئەوەی داکۆکیان لە بیر و باوەڕەکەیان دەکرد و دڵسۆزبوون بۆ یەکێتی خوێنی شەهیدان و یەکێتیی ڕاستەقینە کرانە ئامانج، سەرەڕای هەموو جۆرە فشارێک کە دەکرایە سەریان، بەڵام چۆکیان دانەدا و بە پێوە ڕاوەستان بە سەرێکی زۆر زۆر بەرزەوە سنگیان کردە قەڵغان بۆ ئەو بیر و باوەڕەی کە هەیانبوو، ساڵێک دوای شەهیدبوونیان ئەوانەی کە دەستیان هەبوو لە تیرۆرکردنیان بە بێباکی و بە لوتبەرزییەوە بە بەرچاوی هەموان دەسوڕێنەوە و بەردەوامن لە ترس و تۆقاندن و بە تاڵانبردنی سەرمایە و هەڕاجکردنی ئەم خاکە، بارودۆخێکیان دروستکردووە کە لە سەردەمی ڕژێمی بەعسی فاشیستیش وێنەی نەبووە، بێئاگان لەوەی کە کەوتوونەتە بەر نەفرەتی میللەت و ڕۆژ لە دوای ڕۆژ باریان لە لێژی و هەنگاو بەرەو ڕیسوابوونی یەکجارەکی دەبەن، سەد مەخابن کە دەستیان دەچێتە خوێنی ئەم هەموو شێرەکوڕەی خۆیان، بەڵام لە بەرامبەر دوژمن زەردهەڵگەڕاو و لەسەر ئەژنۆن.
ئێستا کە ساڵێک تێپەڕ دەبێت بەسەر ئەو کردەوە تیرۆریستییەدا، هێشتا تاوانباران دەستگیرنەکراون، ئێمە و کەسوکارەکانیان بۆ ئەوەی یاسا سەروەر بێت دانمان بەخۆماندا گرتووە و هیچ کاردانەوەیەکمان نەبووە، داوا لە دەسەڵاتی دادوەری دەکەین لە هەرێمی کوردستان کە ئەرکی یاسایی خۆی جێبەجێ بکات بۆ ئەم دۆسیەیە و تاوانبارانی ڕاستەقینەی ئەم کردەوە تیرۆریستییە ئاشکرا بکەن بۆ ڕایگشتی و راپێچی بەردەم دادگا بکرێن و بە سزای یاسایی خۆیان بگەن.

ڕۆحی پاکتان شاد بێت کاکە موراد و کاکە خۆشناو وەیسی و کاکە سەرکار فاخیر و کاکە هاوکار نازم.

وەک هەموو پێنج شەممانێک کۆبونەوەی بناماڵەی حاجی مەزهەر لە شوێنی خانوە روخاوەکەیاندا .بەڵام ئەم جارە بەشێکیان تەنها وێنەک...
24/11/2022

وەک هەموو پێنج شەممانێک کۆبونەوەی بناماڵەی حاجی مەزهەر لە شوێنی خانوە روخاوەکەیاندا .

بەڵام ئەم جارە بەشێکیان تەنها وێنەکانیان دانراوە و خانوەکەش تەنها زەوییەکەی ماوەتەوە

هێز بۆکەس تاسەرنیەلە مۆندیالی قەتەر لەدوێنێوە دوو زلهێزی گەورەی تۆپی پێ دووچاری شکستێکی چاوەڕوان نەکراو بوون، ئەرجەنتینی...
23/11/2022

هێز بۆکەس تاسەرنیە
لە مۆندیالی قەتەر لەدوێنێوە دوو زلهێزی گەورەی تۆپی پێ دووچاری شکستێکی چاوەڕوان نەکراو بوون، ئەرجەنتینی خاوەن دوو جام لەسەر دەستی سعودیەکان، ئەمڕۆش ئەڵمانیای خاوەن چوار جام لەسەر دەستی ژاپۆنیەکان، ئەمەش نیشانەی ئەوەیە هێز بۆکەس تاسەرنیە،نابێ هەر لەسەر ئەو میراتە پاڵ کەوی، هەر دۆڕانەکە وەک یەک بوون، ئەرجەنتین و ئەلمانیا سەرو گۆلیان لە گێمی یەکەم بە لێدانی پەنەڵتی بوو، بەلام هەردوو گۆڵی سعودیە و ژاپۆن لە گێمی دووەم و لە دوو یەک بە توانای یاریزانەکان تۆمارکران. هەر لێرەوە بۆ برا موسڵمانەکان ئەوە گوتمان سعودیەکان دوعا و موسلمان بوون بوو ،ئەی هی ژاپۆنیەکان چی بوو خۆ ئاینداریش نینە نەک موسلمان، بۆیە ئێوەش گرەو لەسەر خەیال مەکەن ئەوە یاریە، هۆکارەکەش تواناو پشت بەخۆبەستن و هەماهەنگی پلانی تیپەکانیان بووە، هیوادارم تورکیا و ئێرانیش لە توانا و هێز بشکێن بۆ ئەوەی ئەوەندە زوڵم لە کورد نەکەن. سەرکەوتن لەبەرامبەر هیچ هێزێک مەحال نیە ئەگەر ئیرادە و پلان و هەماهەنگی و کاری دەستەجەمعی هەبێت.

شادمان مەلا حەسەن

پارتی بۆچی ئامادە نەبووە رێككەوتن لەگەڵ یەكێتی بكات؟دواجار میدیای پارتی دیموكراتی كوردستان لەبارەی كێشەكانی نێوان پارتی ...
23/11/2022

پارتی بۆچی ئامادە نەبووە رێككەوتن لەگەڵ یەكێتی بكات؟

دواجار میدیای پارتی دیموكراتی كوردستان لەبارەی كێشەكانی نێوان پارتی و یەكێتیەوە دای لەبنی هەمانەكەو هەموو نهێنیەكانی لەبارەی داواكاری یەكێتی بۆ رێككەوتن لەگەڵ پارتی ئاشكراكرد،هەروەها دەڵێت"وڵاتانی دراوسێ یەكێتی هاندەدەن"

ماڵپەری باسنیوزی سەر بەپارتی دیموكراتی كوردستان لەراپۆرتێكدا ئاشكرایكركدوە كە یەكێتی داواكاری نهێنی لەپارتی هەبوە كەدیارترینیان گەڕانەوەیە بۆ سەردەمی دوو ئیدارەیی و دابەشكردنی دەسەڵات لەنیوان هەردوو حزبدا بەشێوەی فیفتی بەفیفتی،بەڵام پارتی ئەمەی رەتكردوەتەوە.

سەرچاوەیەكی سیاسی بۆ میدیای پارتی ئاشكرای كردوە كە، یەكێتی بۆ رێککەوتنی ستراتیژی لەگەڵ پارتی، داواكاریی خۆی خستۆتە ڕوو، بەڵام ئەو داواكارییە هاوشێوەی فیفتی بە فیفتی سەردەمی شەڕی ناوخۆییە، دەیانەوێ لەم ڕێگەیەوە گەرەنتیی سەپاندنی هەژموونی خۆیان بەسەر سلێمانی، راپەڕین، گەرمیان و هەڵەبجە بکەن، هەروەها پێگەی سەربازی و ئەمنیی خۆیان هەبێت، بەم جۆرەش كۆتایی بە خەونی بونیادنانی یەك دامەزراوەیی لە هەرێمی كوردستان دێت و ناتواندرێت یەک وەزارەتی پێشمەرگە و یەک ئیدارەدانی ئەمنی و دارایی هەبێت، بەڵكوو دوو ئیدارەییەكەیان دەوێت بەڵام لەژێر ناوی دیكەوە.

ئەو سەرچاوەیە وتوشیەتی”پارتی بەم داواکارییەی یەکێتی رازی نییە، چونکە پێی وایە، رێککەوتن دەبێ لەسەر هەندێک بنەمادا بکرێت، کە لەگەڵ شایستەی هەڵبژاردندا گونجاو بێت، هەروەها ئەو بنەمایانەی لە دەستووردا هەن بڕوامان پێیان هەبێت و كەس مافی ئەوەی نییە زەرەر بە یەكێتیی قەوارەی هەرێمی كوردستان بگەیەنێت، بەڵام ئەوەی یەکێتی دەیڵێت دوو ئیدارەیی و فیفتی بە فیفتییەكی دیکەیە و پێویستی بە هەڵبژاردنیش نییە تا بکرێت.“

بەپێی زانیارییەکان، پارتی لەگەڵ ئەوەدایە، رێککەوتنی ستراتیژی لەگەڵ یەکێتی بکات، بەڵام بەم شێوازە لە بەغدا لەسەر مافە دەستوورییەکان هەردوو لا یەک بن و سازش نەکەن، دەستووری هەرێم بنووسرێتەوە و پێیەوە پابەند بن، ئەنجامی هەڵبژاردنەکان وەک خۆی لە هەرێمی کوردستان قەبووڵ بكرێت، دامەزراوەکانی حکوومەت بەهێز و بە سەرتاسەری بكرێن. یەکێتی بەمە رازی نییە و پێی وایە، کە رێککەوتنەکە لە بەرژەوەندیی پارتیدایە، چونکە پارتی زۆرینەیە و سەرۆک وەزیران لە پشکی ئەوە.“

بافڵ تاڵەبانی ترسی چی لێ نیشتووە؟
هەر بەپێی زانیارییەکان، بافڵ تاڵەبانی نایەوێ دامەزراوە ئەمنییەکان ببن بە یەک دامەزراوە، ناشیەوێ هێزەکانی پێشمەرگە لەژێر سایەی وەزارەتی پێشمەرگە ئیدارە بدرێن و دەستی حزب لەنێو هێزی پێشمەرگە ببڕدرێت، چونكە ئەگەر ئەمە ڕووبدات، هیچ یەكێك لە ئەندامانی هێزەكانی سەر بە یەكێتی لەگەڵ ئەو حزبە نامێننەوە، لەبەر چەندان هۆكار كە دیارترینیان بابەتی ململانێی ناوخۆیی و دابڕانی یەكێتیی لە جەماوەرەكەی و كەیسی كوشتنی فەرماندەكانی وەك عەمید موراد كانی كوردەیی و عەقید هاوكار جافە كە بە تەواوی ئەندامانی هێزە ئەمنییەكانی یەكێتی لە حزبەكەیان تۆراندووە.

ئەو سەرچاوە باڵایە جەختی كردەوە، خواستی یەکێتی ئەوەیە، کە قوباد تاڵەبانی، جێگری سەرۆکی حکوومەت، هاوشێوەی سەرۆک وەزیران دەسەڵاتی رەهای بۆ بەڕێوەبەردنی سلێمانی، گەرمیان، هەڵەبجە و راپەڕین پێ بدرێت، واتە سەرۆک وەزیرانی ناوچەی سەوز بێت، سەرۆکی حکوومەتیش تەنیا حوکمی هەولێر و دهۆک بکات، ئەمەش دوو ئیدارەییەكی زقە.

لەبارەی ئەوەی كێ هاندەرە بۆ ئەم پیلانە، سەرچاوەكە هێمای بۆ ئەوەكردوە كە”وڵاتانی دراوسێ بۆ ئەم بابەتە هانی یەكێتی دەدەن، چونکە هێشتا ترس لە دروستبوونی قەوارەیەكی سیاسیی نوێ لە ناوچەكە، لای هەندێك وڵات نەڕەویتەوە، دەبینین ئێران، تورکیا، سووریا و عێراق دژی ئەوەن كە كوردی عێراق بە مافەكانی خۆیان بگەن، بۆیە یەکێتی وەک ئامراز بۆ نائارامیی ئیدارەدانی هەرێمی کوردستان هان دەدەن و نایانەوێ ئیدارەیەکی سەقامگیر هەبێت.“

ئه‌ژی ئه‌مین:ئێران به‌ چاوساغی دەستی ناپاکی ناوخۆ هەموو سنوورێک دەبەزێنێتداوای هەڵوێستی ڕوون و جیددی لە عێراق و کۆمەڵگای...
22/11/2022

ئه‌ژی ئه‌مین:ئێران به‌ چاوساغی دەستی ناپاکی ناوخۆ هەموو سنوورێک دەبەزێنێت

داوای هەڵوێستی ڕوون و جیددی لە عێراق و کۆمەڵگای نێودەوڵەتی دەکەین
هەموو لایەک لە هەستیاری بارودۆخەکە و مەترسییەکانی ئاگادار ده‌کەینەوە
ده‌قی راگه‌یه‌ندراوه‌كه‌ی:

کۆمەڵانی خەڵکی کوردستان
بە پێویستی دەزانین ڕای گشتی ناوخۆ و نێودەوڵەتی لە مەترسییەکانی هێرش و هەڕەشەی بەردەوام و بێ پاساوی کۆماری ئیسلامی بۆ سەر هەرێمی کوردستان، سەروەریی خاک، ئاسایشی خەڵکی کوردستان و عێراق ئاگادار بکەینەوە.
سەرباری کۆمەڵکوژی و ڕەشەکوژی و پێشێلکاریی ناڕەوا لە ڕۆژهەڵاتی کوردستان و ئێران، کۆماری ئیسلامی نیازی دوژمنکارانەی خۆی دەرحەق بە خەباتی ڕەوای گەلی کورد و ئەزموونی هەرێمی کوردستان نەشاردۆتەوە، خەریکە بە چاوساغی دەستی ناپاکی ناوخۆ و بەهۆی نەبوونی هەڵوێستی جیددی و هەنگاوی ڕاستەقینە و پێویستەوە چ لەسەر ئاستی عێراق و چ لەسەر ئاستی کۆمەڵگای نێودەوڵەتی هەموو سنوورێک دەبەزێنێت، هەروەها گشت یاسا نێودەوڵەتییەکان و بەهاکانی دراوسێیەتی پێشێل دەکات.
ئێمە لە کاتێکدا کە داوای هەڵوێستی ڕوون و جیددی لە دەوڵەتی عێراق و کۆمەڵگای نێودەوڵەتی دەکەین، بە پێویستی دەزانین کە هەموو لایەک لە هەستیاری بارودۆخەکە و مەترسییەکانی ئەو بێدەنگییە ئاگادار بکەینەوە.
خەڵکی کوردستان لە ڕۆژهەڵات و باشوری کوردستان و حکومەتی هەرێمی کوردستان مافی بەرگری ڕەواو پاراستنی خۆیان هەیە، ئەم بێدەنگییە ترسناکەی حکومەتی عێراقی و کۆمەڵگای نێودەوڵەتی و نەبوونی هەڵوێستی جیددی لە هەمبەر ئەم دەستدرێژیی و کۆمەڵکوژییانە، بێگومان ناوچەکە بەرەو شەڕ و ململانێیەکی هەرێمایەتی و جەنگێکی گەورە دەبات و ئاسایشی هەموو ڕۆژهەڵاتی ناوین دەشێوێنێت.
بێدەنگی دەوڵەتی عێراق و کۆمەڵگای نێودەوڵەتی و ئەو خەمساردییە لە هەمبەر هێرشەکانی کۆماری ئیسلامی بۆ ئێمە تەواو جێگای گومانە، ئاماژە بە پیلانگێڕیی و گەلەکۆمەیەکی ناوخۆیی و هەرێمایەتی لە ئەزموونی گەلی کورد دەکات، هەر بۆیە هێزە شۆڕشگێڕەکان و کۆمەڵانی خەڵک دەخاتە بەردەم بەرپرسیارییەتی گەورە کە ئەمە چیدی مایەی قبوڵکردن نییە.
نەخێر بۆ پێشێلکردنی سەروەری و ئاسایشی عێراق و هەرێمی کوردستان،
بژی و بەردەوام بێت خەباتی ئازادی خوازی گەلانی ئێران لە پێناو مافە ڕەواکانیاندا.

Address

As Sulaymaniyah

Alerts

Be the first to know and let us send you an email when Zang Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Zang Media:

Videos


Other News & Media Websites in As Sulaymaniyah

Show All
x

Other News & Media Websites in As Sulaymaniyah (show all)

DRAW عربية Yeksani آلِ نبیؐ اعلام عشيرة النورات قبيلة عنزة Nwezhin Media Zednews-زێدنیوز الاعلامي مصطفى محمد مصطفى الربيعي mustafa Al-Rbaie کەلارستان-Kalarstan زێد نیوز منتظر القريشي - Muntazer Al-Quraishi سامراء برس samra' bris شبكة اخبار الناصرية Nasiriyah News Zê badînan فیلم و دراما - Film&Drama