تەندروستی Mojo, sulaymanyah, As Sulaymaniyah (2025)

04/10/2023

🔸ژەڪ چیـیـە ؟
‌یەڪەم شیر ڪە مەمڪەڪانی دایڪێڪ بەرهەمی دەهێنێت پێی دەوترێت " ژەڪ " یان ( colostrum ) ، ڕەنگی زەرد یان سپیەکی زەردباو دەبێت و خەستترە لە شیری ئاسایی ، و پڕیەتی لە ئەمیونۆگلۆبیوڵین ڪە گرنگە بۆ سیستەمی بەرگری منداڵی تازە لەدایڪ بوو و پاراستنی لە توشبوون بە زەردویی ،ژەڪ هەندێ جار بەهۆی گرنگیەڪەیەوە پێی دەوترێت ( زێڕی شل ) و لەبەر گرنگیەڪەی لە بەهێزڪردنی سیستەمی بەرگری منداڵ بە یەڪەم ڪوتان هەژمار دەڪرێت .

🔹قەبارەی ئەو ژەڪەی ڪە بەرهەمدەهێنرێت جیاوازە ، بەگشتی لەنێوان ( 2 _ 20 ) مل بۆ هەرشیرپێدانێڪ لە ماوەی 3 ڕۆژی یەڪەمدا ، و هەروەها بەندە بە ژمارەی شیرپێدانی منداڵەڪەت لە 24 ڪاتژمێری یەڪەمی ژیانی ڪۆرپەڪەت .

🔸پـێـڪهاتەڪانی ژەڪ：
✧ پڕۆتین
✧ ئاو
✧ چەوری باش
✧بڕێڪی ڪەم لە ڪاربۆهایدراتەڪانی وەک ( لاڪتۆز )
✧ لاکتۆفێرین (پڕۆتینێکی بەستنەوەی ئاسن)
✧لایسۆزایم (پێکهاتەیەکی بەهێزی هەرسکردن)
✧بڕێکی زۆر پرۆتین و ڪانزاڪان و ڤیتامین A و ڤیتامین B12 و ڤیتامین K [10]
✧ بەڪتریای باش
✧ هۆڕمۆن و هۆڪارەڪانی گەشە ڪردن

🔸سودەڪانی ژەڪ بۆ منداڵی ساوا چـیـیـە ؟

✧ بڕێڪی زۆر لە دژە ئۆڪسێنەر و دژە تەنی تێدایە ڪە یارمەتی تەندروستی ڪۆرپە دەدات .
✧ پێویستە بۆ گەشەڪردن و پێگەیشتنی ڪۆئەندامی هەرس و ڕیخۆڵەی کۆرپە تازەلەدایڪبووەکە بەدابینڪردنی مادە خۆراڪیە سەرەڪیەڪان وهۆڪارە چالاڪە زیندووەڪان .
✧ هاندەری تێپەڕبوونی یەکەم پیسایی منداڵە کە پێی دەوترێت میکۆنیۆم .
✧ گەدەی منداڵەڪەت بە بەڪتریای باش هێڵ دەڪات ، هەروەها پێڪهاتەی تێدایە ڪە خۆراڪ دەدات بە بەڪتریا سود بەش و بەڪتریا و ڤایرۆسە زیانبەخشەڪان دەکوژێت .
✧ سودی سەرەڪی ژەڪ بریتیە لە ڕێگریڪردن لە هەوڪردن .
✧ بەرگری لەش بەهێزدەڪات .

🔺ئـەگەر ڪۆمپانیایەڪ بیەوێت ژەڪ دروست بڪات ئەوە بۆ هەر پێوانەیەک( ڕەقەمێک ) پێویستی بە 80 دۆلار هەیە .

❞ تڪایە منداڵەڪانتان لەم شتە گرانبەهایە بێبەش مەڪەن ❝

ئامادەکردنی: دونـیـا جـمـال _ ستافی تەندروستی مۆجۆ

02/10/2023

چەند نیشانەیێکی کزبوونی چاو....

01/10/2023

گوێت لێ نەبووە بە ئافرەتێکی دووگیانیان وتبێت کە نزیک بوویتەوە لە کاتی منداڵ بوون شیر و ماست و بەرهەمەڪانی مەخۆ با بەمنداڵەکەتەوە نەبێت !!!.... ئەمە بۆچونی کۆنی ئافرەتان بووە ڪە تا ئێستاش هەندێڪیان هەر وا دەزانن ، ئێستا با پێڪەوە ئەم بۆچوونە هەڵەیە ڕاست بڪەینەوە .....

🔸ئەو مادەسپییە مۆمیەی بە پێستی ڪۆرپەی تازە لەدایڪبووەوەیە چییە؟

🔹وەرنیشی پەنیری ( Vernix Caseosa ) یان ( Vernix ) بە ڪورتی ، مادەیەڪی سپیی مۆمیە و پەنیری دەردەڪەوێت و پێستی ڪۆرپەلە دادەپۆشێت لە ڪاتێڪدا ڪە لە منداڵداندایە ، ڤێرنیکس لە سێ مانگی دووەم دا دەست دەڪات بە دروست بوون و بەدیاریڪراوی لە هەفتەی 17 دا لەلایەن خانە تایبەتمەندەڪانەوە دروستدەکرێت .
🔹ڤێرنیڪس تەنها مادەیەکی شێوەڪرێم و چەورە ڪە زیاتر لە ئـاو و چـەوری و پـڕۆتـیـت پێڪهاتووە ، و ئەنزیم و پڕۆتینی زگماکی تری تێدایە ڪە تایبەتمەندی دژە بەڪتریایان هەیە .

🔸سـودەڪانی پێش لەدایڪبوون چـیـیـە ؟
وەڪ چینێڪی پارێزەر ڪاردەڪات بۆ پێستی ڪۆرپەلە ، یارمەتی پاراستنی پێستی ناسڪیان دەدات لە بڕین و درز و ڕەقبوونەوە کە بەهۆی ( Amniotic Fluid ) شلەی سەراوە وە ڕودەدات .
ڪەواتە دەتوانین بڵێین سودەڪانی لە سڪی دایڪیدابریتییە لە :

① ڪۆرپەلە بپارێزێت لە مادە زیانبەخشەڪان وەك: یوریا ، ئەلیکترۆلایتەڪان لەشلەی ئامنیۆتیڪ دا .
② یارمەتی ڕێڪخستنی گەرمی لەشی ڪۆرپە دەدات .
③ لە ڪاتی منداڵبوون بە شێوەیەڪی سروشتی Vernix وەڪ چەورڪەر و پارێزەر و داپۆشەری دژە میڪرۆبی ڪاردەڪات دژی هەر بەڪتریایەڪ لە شوێنی لەدایڪ بوون .

🔸سودەڪانی دووای لەدایڪبوون چییە ؟
①وەڪ شێدارڪەرەوەیەڪی سروشتی ڪاردەڪات .
② ڕێگری دەڪات لەوشڪبونەوەی پێستی ڪۆرپە .
③ ڪۆرپە دەپارێزێت لەتوشبوون بە هەوڪردنی پێست دووای ماوەیەڪی ڪەم لە لەدایڪبوونی .
④ لەدایڪبوون ئاسان دەڪات .
⑤ تایبەتمەندی دژە ئۆڪسانی هەیە.
⑥ ڤیتامین B و میلانینی تێدایە ڪە یارمەتی خاوڪردنەوەی تێڪچوونی خانەڪان دەدەن .

🔸بۆچی هەندێڪ منداڵ بەبێ Vernix لەدایڪدەبن ؟
لە ڕاستیدا ئەگەر منداڵەکەت لە کاتی خۆی تێپەڕیبێت، لەوانەیە ڤێرنیکسەکە کەم بێت یان بە تەواوی نەماوە. هۆکارەکە: پێدەچێت پێشتر لە شلەی سەراودا هەڵمژرابێت. لەوانەیە ئەو کۆرپانەی کە ڤێرنیکسیان نییە پێستیان وشکتر بێت لە چاو ئەوانی تر، بەڵام ئەمە هیچ زیانێک بە کۆرپەکەت ناگەیەنێت .

🔸ڪەی Vernix بشۆین ؟
ڕێڪخراوی تەندروستی جیهانی ( WHO ) پێشنیاری ئەوە دەڪەن ڪە لانیڪەم 6 ڪاتژمێر چاوەڕێ بڪەن بۆ یەڪەم شۆردنی ڪۆرپەڪە ، بەڵام بەشێوەیەڪی گشتی باش وایە تا 24 ڪاتژمێر نەشۆردرێت ،تەنانەت پێشنیاری ئەوە دەڪەن ڪە لەدوای لەدایڪبوون ڤێرنیڪسەڪە نەسڕدرێت .

‌ ❞ بــەهــیــوای سـود ❝

ئامادەکردنی: دونـیـا جـمـال _ ستافی تەندروستی مۆجۆ

29/09/2023

گوڵه‌ هیرۆ 🌸
یه‌کێکه‌ له‌و ڕووه‌کانه‌ی که‌ خۆرسکانه‌ له‌شت که‌شه‌کانى کوردستاندا ده‌روێت، گه‌ڵا و گوڵ و ره‌گه‌که‌ی ده‌توانرێت وه‌ک چاره‌سه‌ر له‌ بوارى ته‌ندروستیدا به‌کاربهێنرێت، ئه‌و ڕووه‌که‌ له‌ کوردستاندا له‌ ناوچه‌ جیاوازه‌کاندا زۆر جار به‌ شێوه‌ی خۆڕسک هه‌یه‌، هه‌روه‌ک چه‌ندین جۆری هه‌یه‌ و ره‌نگه‌کانیشی جیاوازن و به‌مه‌به‌ستی جوانیش له‌ باخچه‌کاندا ده‌ڕوێنرێت، له‌ ئێستا گوڵی گوڵه‌ هێرۆ ده‌رچووه‌ و دیمه‌نێکی جوانیان به‌سروشت به‌خشیووه‌، گوڵه‌ هێرۆ ڕه‌نگی سپی و مۆر ‌و شه‌رابی و په‌مه‌یی و چه‌ند ڕه‌نگێکیتری هه‌یه‌.
سه‌رباری به‌خشینی دیمه‌نی جوانی خۆی به‌سروشت، ده‌توانرێت چه‌ندین سودی ته‌ندروستی لێوه‌ربگرێت،

سوودەکانی:
①کوڵاندنی گوڵه‌ هیرۆ و خواردنه‌وه‌ی ئاوه‌که‌ی چاره‌سه‌ری قه‌بزی، هه‌ڵامه‌ت، کۆکه‌، چه‌وری جگه‌ر و نه‌خۆشیه‌کانی کۆئه‌ندامی هه‌ناسه‌ ده‌کات.
②ئاوی گوڵه‌ هێرۆ بۆ کۆئه‌ندامی هه‌رس به‌سووده‌ بۆ چاره‌سه‌ری برینی گه‌ده‌.
③چاره‌سه‌ری نه‌خۆشی شێرپه‌نجه‌ جیاوازه‌کان ده‌کات و بۆ دابه‌زاندنی کێشی مرۆڤ به‌سوده‌.
④چاره‌سه‌ری قوڕگ ئێشه‌و هه‌وکردنی له‌وزه‌تێنه‌کان ده‌کات.
⑤ کوڵاندنی ره‌گه‌که‌ی ‌و خواردنه‌وه‌ی چاره‌سه‌رى شه‌کری خوێن ‌و هاوسه‌نگى ده‌کات،
⑥کرداری میزکردن ئاسان ده‌کات، ⑦چاره‌سه‌ری سکچوون ده‌کات،
⑧تا داده‌به‌زێنێت،
⑨ئاوسانی به‌شه‌ جیاوازه‌کانی جه‌سته‌ لاده‌بات،
⑩گرفته‌کانی پێست چاره‌سه‌رده‌کات و نه‌رمی ده‌کاته‌وه‌.
①①گه‌ڵای گوڵه‌هێرۆ به‌سووده‌ ئه‌گه‌ر بخرێته‌ سه‌ر شکاوی ئه‌وا ئێسک زووتر یه‌کده‌گرێته‌وه‌ و ئازاری که‌مده‌کاته‌وه‌، چاره‌سه‌رێکی باشیشه‌ بۆ جۆره‌ جیاوازه‌کانی دوومه‌ڵ،
②①گه‌ڵای گوڵه‌ هێرۆ بخرێته‌ سه‌ر شوێنی سووتاوی سارێژی ده‌کات و ناهێڵێت بڵقی سوتاوی زیادبکات.
③①ڕووه‌کی هێرۆ به‌سوده‌ بۆ ڕاماڵینى ڕمڵ ‌و به‌ردی گورچیله‌ و که‌مکردنه‌وه‌ی ئازاری هه‌وکردنی گورچیله‌ و میزهێنه‌رێکی باشه‌.
🔴 پێویسته‌ له‌کاتی به‌کارهێنانی ڕاوێژ به‌ شاره‌زایه‌کی گیاده‌رمانی بکرێت تاوه‌کو که‌سی به‌کارهێنه‌ر سودی خۆی لێده‌ستبکه‌وێت،
بۆ به‌کارهێنانی هه‌رده‌رمانێک پێویسته‌ به‌بێ ڕاوێژکردن به‌که‌سانی پسپۆڕ له‌ خۆیانه‌وه‌ به‌کاری نه‌هێنن”.
🔷ڕووه‌کی هێرۆ چه‌ندین جۆر سابوون و شامپۆ و کرێمی لێبه‌رهه‌مده‌هێنرێت بۆ مه‌به‌ستی جوانکاری و شێدارکردنی پێستی ده‌مووچاو، سه‌رباری ئه‌وانه‌ش گوڵه‌هێرۆ ئه‌گه‌ر که‌مێک بکوڵێندرێت و دواتر بپاڵێورێت و به‌وگیراوه‌یه‌ی که‌ده‌ستده‌که‌وێت، سه‌ری پێبشۆردرێت، ئه‌وا چاره‌سه‌رێکی باشه‌ بۆ خاوکردنه‌وه‌ی قژ و ڕێگرتن له‌ ڕووتانه‌وه‌ی قژ.
وێڕای هه‌موو ئه‌و سوودانه‌ی ڕووه‌کی هێرۆ که‌باسکرا، پسپۆرانی بواری ته‌ندروستی سروشتی جه‌خت له‌وه‌ ده‌که‌نه‌وه‌ باشتروایه‌ خانمانی دووگیان به‌هیچ جۆرێک ئاوی کوڵاوی گوڵ و ره‌گی گوڵه‌ هێرۆ نه‌خۆنه‌وه‌ و هه‌روه‌ها نابێت له‌گه‌ڵ حه‌بی پاراسیتامۆڵیشدا پێکه‌وه‌ بخورێت چونکه‌ زیانی گه‌وره‌یان لێده‌که‌وێت به‌تایبه‌ت له‌ کۆرپه‌له‌که‌یان.

ئامادەکردنی پەیمان عمر ستافی تەندروستی مۆجۆ

28/09/2023

سوودەکانی شۆڕبای نیسک بۆ منداڵ ...

27/09/2023

هەوکردنی پەردەی مێشک

هەوکرنی پەردەی مێشک بریتیە لە هەوکردنی ئەو پەردە پارێزەرەی، کە دەوری مێشک و دڕکەپەتکی داوە
هۆکارەکانی توشبوون بە نەخۆشی هەوکردنی پەردەی مێشک ئەمانەن:-
1– هەوکردن بەهۆی بەکتریا یان ڤایرۆس و لە هەندێک باری دەگمەندا بەهۆی کەڕوەوە.
2– هەوکردن بەهۆی هەندێک جۆری دەرمان وەک (دەرمانی ئازارشکێنی نا ستیرۆیدی و دەرمانی IVIG.
3– هەندێک نەخۆشی تێکچوونی بەرگری لەش.
4– نەخۆشی کاواساکی (Kawasaki disease).
5– زۆرترین کات هۆکاری ئەم جۆرە هەوکردنە ڤایرۆسە سەلامەتە، بەڵام لە هەندێک باردا بەهۆی بەکتریاوە دەبێت و ئەگونجێت کاریگەری درێژخایەن بەجێبهێڵێت لەسەر کەسی توشبوو.

نیشانەکانی نەخۆشییەکە بەشێوەیەکی گشتی لە منداڵدا ئەمانەن:-
– سەرئێشە، ڕەق بوونی مل، دڵ تێکچون، ڕشانەوە، تای بەرز، بێزاربوون لە ڕوناکی و دەنگەدەنگ، ئازاری جومگەکان و تێکچوونی بینین.
– لە منداڵانی خوار تەمەنی باخچەوە دەگونجێت تای بەرز، کەمبوونەوەی ئارەزووی خواردن، بەرزبوونەوەی مەڵاشوو، بێهێزی و لاوازی، بیانووگرتنی زۆر، کەم بوونەوەی هۆشی منداڵەکە.

نیشانەکانى نەخۆشییەکە لە هەموو تەمەنەکاندا بەشێوەیەکى گشتى ئەمانەن:-
ئەگونجێت لە هەموو تەمەنێکدا کەسەکە توشی گەشکە، دەرکەوتنی هەندێک پەڵەی پێست، لاوازی زۆری ماسولکەکان و لەهۆش خۆچوون ببێت.
مەرج نیە کەسی تووشبوو هەموو ئەم نیشانانەی هەبێت، بەهەمان شێوە مەرج نیە هەر کەس ئەم نیشانانەی هەبوو توشبوو بێت بە نەخۆشی هەوکردنی پەردەی مێشک، بۆیە پێویستە پزیشکی پسپۆڕ بڕیار بدات لەسەر کەسەکان بەتایبەتی لە رێگەی پشکنینى تاقیگەى.

دەستنیشانکردنى نەخۆشیەکە چۆن دەبێت؟
بۆ گەشتن بە دەست نیشانکردنی نەخۆشیەکە پزیشکی پسپۆر بڕیار دەدات لەسەر هەندێک جۆری پشکنین لەوانە ش:-
1– پشکنینی خوێن وەک CBC و CRP و Blood culture لەگەڵ پشکنینی تایبەتی دەرهێنانی ئاوی پشت) Lumbar Puncture).
2– پشکنینی تیشکی وەک CT سکان یان MRI بۆ سەری کەسی گومانلێکراو بە نەخۆشییەکە.

3– چارەسەری ئەم نەخۆشییە لەڕێگای دەرمانی تایبەت دەبێت کە بڕیاری لەسەر دەدرێت لەسەر بنەمای هۆکاری نەخۆشیەکە ئایا ڤایرۆسە یان بەکتریا یان هۆکاری تر.

دەرەنجامە نەخوازراوەکانی ئەم نەخۆشییە کامانەن؟
یەکەم– کەم بوونەوە و لەدەستدانی بیستن.

دووەم– تێکچوونی سیستەمی هۆرمۆناتی ڕێکخستنی ئاوی ناو لەش .

سێیەم– گەشکە.

چوارەم– کەم بوونەوە و لە دەستدانی بینین.

پێنجەم– تێکچوونی تەوازونی جەستە

ڕێگریکردن لە نەخۆشییەکە بە چى ڕێگایەک دەبێت؟
کاریگەرترین هۆکار بۆ ڕێگریکردن لەم نەخۆشیە بریتییە لە کوتان دژی ئەو خۆرە بەکتریایانەی هۆکارن بۆ نەخۆشییەکە، کە خشتەی کوتانی مداڵاندا هەیە.

‌ چەند تێبینیەک
یەکەم– بۆ دەستنیشانکردنی تەواوی نەخۆشیەکە پێویستە پزیشکی پسپۆڕ بڕیار بدات.

دووەم– پشکنینی ئاوی پشت کەمترین زیانی لاوەکی هەیە و هەڵەیە دایکان و باوکان ڕێگری بکەن لە ئەنجامدانی ئەو پشکنینە.

سێیەم– مەرج نیە منداڵەکەت یەکێک لەو نیشانانەی هەبێت تووشبوو بێت بە نەخۆشیەکە، مەرج نیە هەرکەس نەخۆشیەکەی گرت تووشى ئەو دەرەنجامە نەخوازراوانە ببێت، بەڵکو زۆربەیان بەبێ کێشە نەخۆشیەکە تێ ئەپەڕێنن.

چوارەم– بەکارهێنانی دەرمانی دژە بەکتریا کاریگەری لەسەر ئەنجامی پشکنینەکان دەبێت بەتایبەتی پشکنینی ئاوی پشت بۆیە بەکارهێنانی ئەم جۆرە دەرمانە لەکاتی هەبوونی تا و هەڵامەت کارێکی زۆر هەڵەیە .

پێنجەم– زۆر گرنگە دایکان و باوکان پابەند بن بەو خشتەی کوتانەى، کە لەلایەن کەسانی پسپۆر و دڵسۆزەو دانراوە و کەم تەرخەمی نەکەن.
شەشەم– لە کاتی هەبوونی ئەم نیشانانەدا سەردانی پزیشکی پسپۆڕ بکرێت و منداڵەکە دووربخرێتەوە لە تێکەڵبوون و چوونەوە بۆ باخچە و قوتابخانە لەپێناو پاراستنی سەلامەتی گشتیدا.

ئامادەکردنی پەیمان عمر ستافی تەندروستی مۆجۆ

26/09/2023

❤هەوکردنی پەردەی دڵ

دەکرێت پەردەی دەوری دڵ هەو بکات

هەندێک نیشانەی هەبێت وەک:
①- ئازارێکی تیژی سەرسنگ بکات وتا و نیشانەی تریش بکات .
②مەرج نیەکێشەی لێبکەوێتەوە، ڕەنگە خۆی چاک ببێ.
③هەندێک جار دەبێتە درێژخایەن ( مزمن ) و ڕەنگە کێشەکە گەورە ببێ.

🔷هۆکارەکان
- هەندێکجار نەزانراوە
یان ڤایرۆس،یان دوای هەوکردنی کۆئەندامی هەناسە،یان کۆئەندامی هەرس روو بدات.
بوونی نەخۆشیە بەرگریەکان،دژەتەن، یان نەخۆشی گورگە سوورە، یان ڕوماتیزم.
ئەگەر گەشتە ئەوەی چارەسەری پێویست دەبێت تەواو چارەسەر بکرێت بۆ دوور بوون لەکێشە.
ڕەنگە بۆ چاک بوونی تەواو سێ مانگ بخایەنێت.

ئامادەکردنی پەیمان عمر ستافی تەندروستی مۆجۆ

25/09/2023

ڕۆژی جیهانی دەرمانسازان پیرۆزبێت

هاوڕێیێکی دەرمانسازت تاگ بکەو پیرۆزبایی لێبکە

25/09/2023

ـ هەوکردنی ریخۆلە کوێرە چییە؟

هەوکردنی ڕیخۆلەکوێرە بریتییە لە هەوکردنی ریخۆلەکوێرە. ئەم بەشە وەک جانتایەکی شێوە پەنجەیە کە لە کۆڵۆنەکەوە دەردەکەوێت لە لای ڕاستی خوارەوەی سک.
هەوکردنی پێست دەبێتە هۆی ئازار لە بەشی خوارەوەی سک.
ئەم هەوکردنە دەبێتە هۆی هەستکردن بە ئازار لە بەشی خوارەوەی لای راستی سک
بەڵام لە زۆربەی خەڵکدا ئازار لە دەوری سک دەست پێدەکات و پاشان دەجوڵێت و بڵاودربێتەوە بە بەشەکانی سکدا. لەگەڵ خراپتربوونی هەوکردنەکە، ئازارەکەی لە سەرەتادا بە شێوەیەکی ئاسایی زیاد دەکات و لە کۆتاییدا دەبێتە ئازاری تووند و جددی.

هەموو کەسێک پاڵێوراوە بۆ تووشبوون بەم نەخۆشییەکە، بەڵام زۆربەی کات لە کەسانی تەمەن ۱۰ بۆ ۳۰ ساڵیدا ڕوودەدات. چارەسەری هەوکردنی ریخۆلەکوێرە بە شێوەیەکی گشتی دژە بەکتریا و نەشتەرگەرییە بۆ لابردنی ئەو بەشە.

- نیشانەکانی هەوکردنی ریخۆلەکوێرە ئەمانەن:

ئازارێکی لەناکاو کە لە لای ڕاستی خوارەوەی سک دەست پێدەکات. ئازاری لەناکاو دەست پێدەکات و زۆرجار دەگوازرێتەوە بۆ خوارەوەی سکی ڕاست.
ئازارێک کە خراپتر دەبێت لەگەڵ کۆکە، پیاسەکردن یان دروستکردنی جووڵەی تر.
هەڵامەت و ڕشانەوە. لەدەستدانی ئارەزووی خواردن. تایەکی نزم کە لەوانەیە بەرزبێتەوە کاتێک نەخۆشییەکە خراپتر دەبێت. قەبزی یان سکچوون. هەڵئاوسانی سک. غازات.

ـ هۆکارەکانی:
لەوانەیە هەوکردنی جۆراوجۆری ڤایرۆس و بەکتریاکان بێت یاخود زیندەوەرە مشەخۆرەکان لە ڕێرەوی هەرسدا، یاخود گیرانی ئەو بۆرییەی دەکەوێتە لای ڕیخۆلەگەورە

- چارەسەرەکردنی: چارەسەرکردنی تەواوەتی بریتییە لەڕێگەی
نەشتەرگەری و لادانی ئەو بەشە

ئامادەکردنی : محمد فائق-ستافی مۆجۆ تەندرووستی

24/09/2023

د.کامەران قەرەداغی: ڕاپۆرتێکی پزیشکی ئێن ئاڕتی، بەدرۆ دەخاتەوە

تەندروستی Mojo

04/10/2023

02/10/2023

01/10/2023

29/09/2023

28/09/2023

27/09/2023

26/09/2023

25/09/2023

25/09/2023

24/09/2023

Address

Telephone

Website

Alerts

Contact The Business

Shortcuts

Share

Category