Iran film ئێران فیلم

30/05/2025

13/05/2025

https://youtu.be/a10lGpq_aXM?si=KYDdi_YsGKOI9ujs
کورتە فیلمی (چمدان قرمز) سیناریۆ و دەرهێنانی (سیروس نشواد)
هەڵبژێردراو بۆ بەدەست هێنانی خەڵاتی ئۆسکار ساڵی ٢٠٢٣
کچێکی شانزە ساڵ لە پرۆسەیەکی هاوسەرگیری بەزۆر.. لە ئێرانەوە ئەڕوات بۆ ئەوروپا بەڵام لە فڕۆکەخانە.....
یەکێکە لەو فیلمانەی کە هەڵگری دروشمی ئازادی ژنانە

فیلم کوتاه چمدان قرمز از سیروس نشوادسال ساخت : 2022مدت پخش : 18 دقیقهزبان فیلم : (زیرنویس فارسی چسبیده به فیلم)ساخت کشور لوکزامبورگ{نامزد اسکار بهترین فیلم ک...

08/05/2025

درامای.. تاسیان

04/05/2025

تاسیان
یەکێک لە زنجیرە دراما ناوازەکانی ئێران و تینا پاکڕەوان کە ئێستا لە پەخشدایە

04/05/2025

لە بیرکردن ….
لەبیرکردن سەرەتای خۆشبەختی مرۆڤە ..!

خۆشناو محەمەد

تـۆ ڕۆژێک پیر دەبیت ،
بەڵام من لەمە پیرتر نابم ،
لەساتێکی تەمەنمدا وەستاوم ،
چاوەڕوانم تۆ بێیت و لەبەرامبەری منەوە تێپەڕیت ،
جوان ، بەساڵاچوو ، ڕازاوە بەو ڕووناکیەی کەلەتاریکی منت بردووە !

فیلمی ( Haft Bahar Narenj ) فیلمێکی ئێرانی هەڵگری کۆمەڵێک دیدگای فەلسەفی و ئاماژەی قوڵە ، ئەم فیلمە لەسەر هەمان ڕێگای زۆرێک لە فیلمە فارسیەکان دەڕوات ، پشت دەبەستێت بە بابەتە مرۆڤایەتیەکان ، لەڕێگەی چیرۆکێکی سادەوە دەتبات بۆ نێو قوڵایی بابەتە مرۆڤایەتیەکان و وجودیەکان ، ئەو بابەتانەی ئاڵۆز و تاریکن ، گەرچی ئەم فیلمە لەسەر ئاستی جیهان وەک پێویست ناسراو نیە بەڵام شایستەی خەڵاتی مرۆڤایەتیە ، دەتوانم بڵێم ناوەڕۆک و پێکهاتەی سینەمایی ئەم فیلمە سنورەکانی سینەمایی ئێرانیە تێپەڕ دەکات تا ڕوئیایەکی فەلسەفی قوڵمان پێشکەش بکات .

شیکاری فەلسەفی ناوی فیلم :
‏( Haft ) واتە : حەوت ، ئەم ژمارەیە ئاماژەیەکی ڕەمزیە بۆ ڕۆشنگەری فارسی ، بۆ نمونە : Haft Sin لە جەژنی نەورۆزدا .
‏( Bahar ) واتە : وەرزی بەهار ، ئاماژەیە بۆ نوێبونەوە ، ژیان ، ئومێد ، زیندووبونەوە .
‏( Narenj ) واتە : پڕتەقاڵ ، یان گوڵە نارنج ، لە بۆن و خواردنەکاندا بەکار دەهێنرێت ، بۆنێکی سەرنجڕاکێش و زیرەکانەی هەیە ئاماژەیە بۆ ژیان و یادەوەری .

ئەگەر ئەم ڕەمزانە پێکەوە کۆ بکەینەوە : حەوت گوڵی پڕتەقاڵی لە بەهاردا ، ئاماژەیە بۆ قۆناغە ڕۆحیەکان یان وجودیەکان لەژیانی مرۆڤدا ، پەیوەست بە نوێبونەوە و پاکی و یادەوەری .
⸻
پەیامە فەلسەفیەکانی فیلم :
کات و چەرخی سروشت :
ئەم فیلمە لەناوەڕۆکدا بەهار و نارنج بەکار دەهێنێت تا تیشک بخاتە سەر پەیوەندی نێوان مرۆڤ و سروشت ، هەروەها چۆن گۆڕانکاریە وەرزیەکان لەناوەوەی دەرونی مرۆڤدا گۆڕانکاری ئەنجام دەدات !

گەڕان بەدوای شوناس و حەقیقەتدا :
وەک زۆرێک لە فیلمەکانی ( عەباسی کیا ڕۆستەمی ) یان ( مەجید مەجیدی ) دەکرێت بڵێین پاڵەوانی فیلم گەشتێکی ناوەکی ئەنجام دەدات لەپێناو دۆزینەوەت خود یان مانایەکی ڕاستەقینە بۆ ژیان .

ژیان لەڕێگەی سادەییەوە :
نارنج پێکهاتەیەکی سادەیە لەژیانی ڕۆژانەماندا ، بەڵام لەناو پێکهاتەی سینەمای ئێرانیدا بەکار دەهێنرێت تا جوانی لەناو وردەکاریەکانی وجود دا بدۆزرێتەوە ! ئەم بیرۆکەیە دەگەڕێتەوە بۆ فەلسەفەی ( فەلسەفە لەڕێگەی ئاشناییەوە ) !

ژمارە حەوت :
ژمارە حەوت ئاماژەیە بۆ قۆناغەکانی ڕێگای ڕۆحی ڕووەو ڕوناکی یان ئیلحاد لەگەڵ حەقیقەتدا .

( دیالۆگ ، هەموو ڕستەیەکی دیالۆگ پڕیەتی لە حەقیقەت ، ناوەڕۆکی فیلم و ڕوداوەکان دەتبات بۆ ناو قوڵایی فیلم بەجۆرێک هەست بەکات ناکەیت ) !

بەمە دەوترێت فیلمی سینەمایی نەک دیالۆگی بازاڕی و چیرۆکی بێمانا ….

26/02/2025

خۆشبەختانە کەناڵی کوردساتی ئازیز بۆ مانگی ڕەمەزان زنجیرە درامای (سنجرخان) بە دۆبلاژی کوردی بەخش دەکات.
جێگای خۆیەتی دەستخۆشی لە کەناڵی کوردسات و ئەو ستافە ئازیزە بکەین کە ئەم شاکارە نایابەیان دۆبلاژ کردوە

20/08/2024

هوشنگ حریرچیان کۆچی دوایی کرد
هونەرمەندی سینەما و تەلەفزیونی ئێرانی هوشنگ حریرچیان بەرەبەیانی ئەمڕۆ ٢٠٢٤/٨/٢٠ لە اصفهان و لە تەمەنی ٩٢ ساڵی کۆچی دوایی کرد.
شایەنی باسە ناوبراو لە ١٩٣٢/٨/١٠ لە اصفهان لە دایک بوەو و زیاتر لە شەست ساڵە لە کایەیی هونەریدا ڕۆڵی هەبووە سەرەتا بەکاری شانۆ لە شاری اصفهان هاتۆتە نێو دنیایی هونەر و پاشان لە چەندین فیلم و درامای تەلەفزیۆنی ڕۆڵی هەبووە

22/07/2024

سعید راد کۆچی دوایی کرد
ئەکتەری سینەما و تەلەفزیونی ئێرانی (احمد سعید حق پرست راد) ناسراو بە سعید راد لە تەمەنی ٨٠ ساڵی کۆچی دوایی کرد.
شایەنی باسە ناوبراو لە ساڵی ١٩٤٤ لە تاران لە دایک بوە و لە ساڵی ١٩٧١ بەدواوە وەک ئەکتەر لە سینەمای ئێران دەرکەوتوە و ڕۆڵی لە چەندین فیلم گێڕاوە.
ئەمڕۆ ٢٠٢٤/٧/٢٢ لە تەمەنی هەشتا ساڵی لە تاران کۆچی دوایی کرد