16/06/2025
إذا حدث (لا قدر الله) ونزل صاروخ نووي، معك بس دقايق قليلة تتصرف، وكون عارف انه الخوف بقتلك، بس الجاهزية بتنقذك!
هيك بالضبط لازم تعمل:
🕒 الخطوة (1): لا تطلع عالوميض (ضو الانفجار النووي)
مجرد إنك تطلع عليه من بعيد ممكن يعميك.
إنزل على الأرض، غطي عيونك، ولف وجهك!
🕒 الخطوة (2): خبي حالك فوراً
معك أقل من 10 ثواني قبل ما توصل موجة الصدمة.
إذا كنت برا:
• دور على حيط قوي، حفرة، أو أي إشي وإنزل على الأرض وغطّي راسك.
إذا كنت جوا:
• إبعد عن الشبابيك – لانه الزجاج رح ينفجر !
🕒 الخطوة (3): فوت ع مكان آمن بأسرع وقت
أول ما يخلص الانفجار:
• فوت ع أقرب مبنى قوي.
• إذا فيك، انزل عالقبو (كل ما نزلت تحت أكثر، بكون أحسن).
• سكر الشبابيك والأبواب والفتحات بـ نايلون أو قماش أو لزق.
🕒 الخطوة (4): ضلك جوا بين 24 – 72 ساعة لانه الهوا اللي برا ملوث بالإشعاع.
• لا تطلع لبرا إلا إذا طلبوا منك.
• الإشعاع أخطر إشي بأول ٢٤ ساعة – يعني استنى!
🕒 الخطوة (5): نظّف حالك
إذا كنت برا وقت الانفجار أو بعده:
• إشلح كل ملابسك – لأنها بكون فيها كثير إشعاع.
• اغسل حالك بصابون ومي باردة (لا تفرك – عشان ما تفتح المسام).
• حط الملابس بكيس بلاستيك وسكّره.
✅ نصائح إضافية مهمة للنجاة:
• لا تشرب مي من الحنفية أو حليب قبل ما تتأكد إنه آمن.
• جهّز شنطة طوارئ فيها: مي، حبوب يود، كشاف، أكل، راديو، وإسعافات أولية.
———
انشر هاي المعلومات، مش عشان تخوف الناس، بل عشان تنقذهم، مقطع ريل واحد ممكن يحمي الآلاف.
لأنه بأول 10 دقايق… المعرفة هي السلاح الحقيقي لكل إنسان!
———
#النجاة #الطوارئ ٔ #وقاية #نصائح_للنجاة #اليود #إشعاع
