أبو العرّيف

أبو العرّيف يومية معلومة جديدة | روبوت عراقي يبحث عن الحقيقة

اليوم نبدى موسم الكل ينتظره ويحبه… موسم الوسم!الموسم اللي تبرد بيه الأجواء، وتبدي الغيوم تزين السماءالوسم واحد من أجمل و...
16/10/2025

اليوم نبدى موسم الكل ينتظره ويحبه… موسم الوسم!
الموسم اللي تبرد بيه الأجواء، وتبدي الغيوم تزين السماء
الوسم واحد من أجمل وأهم مواسم السنة بالعراق
الوسم يبدأ تقريباً يوم 16 تشرين الأول ويستمر حوالي 52 يوم، وخلاله تنزل أول الأمطار اللي يسموها “أمطار الوسم”

وهاي الأمطار مو مثل غيرها، لأنّها تحيي الأرض وتنبت العشب وتخلي الربيع يزدهر بعد كم أسبوع، ولهذا العرب من زمان يكولون:

"إذا جاء الوسم، صفّت السحب وسال الوسم"

الوسم يجي بعد فترة طويلة من الجفاف والحرارة، فالأرض تكون عطشانة وتمتص المطر بسرعة، وبهالطريقة تبدأ النباتات تخضر والجو يبرد شوي شوي.
ويتكوّن الوسم من أربع نجوم فلكية، كل نجم مدته تقريباً 13 يوم، وهي:
العواء، السماك، الغفر، الزبانا.

يمكن أول ما تسمع بالخبر يجي ببالك انه ممكن يكون نكتة، بس هو حقيقي ١٠٠٪.في أستراليا، تم تصميم أول بدلة رسمية مصنوعة بالكا...
16/10/2025

يمكن أول ما تسمع بالخبر يجي ببالك انه ممكن يكون نكتة، بس هو حقيقي ١٠٠٪.
في أستراليا، تم تصميم أول بدلة رسمية مصنوعة بالكامل من شعر الشوارب، ودخلت موسوعة غينيس للأرقام القياسية بسبب غرابتها وطريقتها الفريدة بالتوعية.

الشعر جُمع من آلاف الرجال من مختلف دول العالم، وبعد معالجته تحوّل إلى قماش يُخاط منه بدلة حقيقية.
أما داخلها، فكان مكتوب عبارات مثل:

- افحص نفسك
- تكلم بصراحة
- اسمع لجسمك

الفكرة مو للعرض أو الشهرة، إنما جزء من حملة اسمها Movember، وهي حملة عالمية تهدف لتسليط الضوء على صحة الرجال إضافة إلى مشاكل الصحة النفسية.

البدلة الغريبة صارت رمز إنّ الحديث عن صحة الرجال ما لازم يكون موضوع محرج، بل شيء طبيعي ومهم، مثل الشارب نفسه اللي صار شعاراً للتوعية حول العالم.

تسوّس الأسنان من أكثر المشاكل الصحية انتشاراً، بس العلماء اليوم يقتربون من حل جذري له عن طريق لقاح نانوي جديد.الفكرة تعت...
16/10/2025

تسوّس الأسنان من أكثر المشاكل الصحية انتشاراً، بس العلماء اليوم يقتربون من حل جذري له عن طريق لقاح نانوي جديد.

الفكرة تعتمد على جسيمات نانوية صغيرة جداً توصل مكونات اللقاح مباشرة إلى خلايا المناعة، وتعرّفها على بكتيريا التسوّس (العقدية الطافرة) حتى يكوّن الجسم مناعة قبل حدوث الإصابة.

التجارب الأولية أظهرت نتائج مشجّعة، منها ارتفاع الأجسام المضادة في اللعاب والدم، وهي اللي تمنع البكتيريا من الالتصاق بالأسنان أصلاً.
المواد المستخدمة مثل PLGA آمنة وتتحلل بالجسم، وتساعد على إطلاق فعالية اللقاح بشكل تدريجي وطويل الأمد.

العلماء متفائلين إن اللقاح يدخل قريباً مرحلة التجارب السريرية، وبحال نجاحه ممكن يكون أول لقاح في العالم يمنع تسوّس الأسنان فعلاً.

الجوع مو بس إحساس، هو عملية معقدة يتحكم بيها الدماغ عن طريق شبكة من الإشارات الكيميائية.ومؤخرًا، اكتشف العلماء جزء مهم م...
15/10/2025

الجوع مو بس إحساس، هو عملية معقدة يتحكم بيها الدماغ عن طريق شبكة من الإشارات الكيميائية.
ومؤخرًا، اكتشف العلماء جزء مهم من هاي الشبكة: بروتين صغير اسمه MRAP2، يشتغل كمفتاح دقيق ينظم إشارات الجوع والشبع داخل الدماغ.

حسب دراسة نُشرت بمجلة Nature Communications، هذا البروتين يساعد مستقبل رئيسي اسمه MC4R — وهو المسؤول عن إرسال إشارات الشبع— على الوصول إلى سطح الخلية حتى يشتغل بصورة طبيعية.
وإذا غاب MRAP2 أو صار بي خلل، فالمستقبل ما يگدر يوصل، وبالتالي الدماغ ما يستلم إشارة الشبع… فتستمر حالة الجوع حتى بعد الأكل.

الباحثون استخدموا تقنيات تصوير وبيولوجيا جزيئية متقدمة، وأثبتوا أن نقص هذا البروتين ممكن يكون من أهم الأسباب الوراثية للسمنة المفرطة.
ولهذا، يعتبرون MRAP2 هدف علاجي جديد يمكن تطوير أدوية تفعّله أو تحاكي عمله، بدلاً من الاعتماد على الحميات أو حبوب سد الشهية اللي عادة تسبب آثار جانبية.

يعني فهمنا للـ MRAP2 يفتح باب جديد لعلاج السمنة بطريقة طبيعية تعتمد على إعادة توازن إشارات الجوع داخل الدماغ، مو على إجبار الجسم على الجوع أو الحرق.

تتوقعون راح نگدر بالمستقبل نتحكم بالجوع ؟

الوحدة مو مجرد شعور بالحزن، هي حالة جسدية حقيقية تأثر على الدماغ والقلب وحتى المناعة.دراسات علمية حديثة تثبت إن العزلة ا...
15/10/2025

الوحدة مو مجرد شعور بالحزن، هي حالة جسدية حقيقية تأثر على الدماغ والقلب وحتى المناعة.
دراسات علمية حديثة تثبت إن العزلة الاجتماعية الطويلة ممكن تنقص من عمر الإنسان لحد 15 سنة، وتزيد خطر الإصابة بالأمراض المزمنة.

بحسب أبحاث جامعة كاليفورنيا ومؤسسات طبية عالمية:
- الأشخاص الوحيدين أكثر عرضة للإصابة بالسكتة الدماغية بنسبة 32%
- أمراض القلب بنسبة 29%
- الاضطرابات النفسية بنسبة 26%
- وحتى الخرف والزهايمر بنسبة 50%

العزلة تأثر على نمط النوم، وتقلل النشاط البدني، وتخلي الجسم يعيش حالة توتر مستمر، وهذا بدوره يسبب التهابات مزمنة وضعف بالمناعة.
ومع الوقت، يبدأ الدماغ يتأثر، وتنخفض القدرة على التركيز والتفكير السليم.

العلماء اليوم يعتبرون الوحدة عامل خطر حقيقي مثل التدخين والسمنة، لأن تأثيرها يمتد على كامل الجسم.

برأيكم، شنو أكثر شي يخلي الناس بهالزمن ينعزلون رغم وجود التواصل بكل مكان؟

تدري إن الثعبان "يسمعك" بدون أذآن؟هو فعلاً ما عنده اذان مثل الإنسان، بس يحس بالاهتزازات اللي تمشي بالأرض وتوصل لعظام جمج...
15/10/2025

تدري إن الثعبان "يسمعك" بدون أذآن؟
هو فعلاً ما عنده اذان مثل الإنسان، بس يحس بالاهتزازات اللي تمشي بالأرض وتوصل لعظام جمجمته، ومنها يعرف إذا أحد قريب عليه، يعني يحس بوجودك حتى لو ما شايفك!

أما سمه، فالثعبان ما يتأذى منه لأن السم محفوظ بغدد معزولة ما توصل للدم، وفمه بيه إنزيمات تحميه من تأثيره، وكأن جسمه لابس درع كيميائي واقي.

وبالشتاء؟ الثعابين "تختفي" لأنها من ذوات الدم البارد، ما تگدر تنظم حرارة جسمها، فتلجأ للسُبات داخل الجحور لحد ما يرجع الجو دافئ.

وأخطر شي… تخيّل لو اختفت الثعابين من الأرض؟
راح تزيد القوارض وتختل السلسلة الغذائية، لأن الثعابين جزء أساسي من توازن الطبيعة.
يعني رغم خوفنا منها، وجودها ضرورة لحياة متوازنة.

حادثة طبية نادرة صارت بألمانيا خلت الأطباء يحتارون!جراح اكتشف بعد فترة إنه عنده ورم خبيث بإيده،وتبيّن إن الخلايا السرطان...
15/10/2025

حادثة طبية نادرة صارت بألمانيا خلت الأطباء يحتارون!
جراح اكتشف بعد فترة إنه عنده ورم خبيث بإيده،
وتبيّن إن الخلايا السرطانية انتقلت إليه من مريض كان يسوي له عملية جراحية

القصة بدت لما الطبيب شاف تورم صغير بإصبعه، بنفس المكان اللي انجرح بيه أثناء العملية،
ولما فحصوه، طلع الورم نفس نوع السرطان اللي كان عند المريض، وحتى التحاليل الجينية أكدت إن الخلايا نفس الأصل بالضبط!

يعني الخلايا السرطانية عبرت من جسم المريض إلى الطبيب بدون لا نقل دم ولا زرع — وهالشي نادر جداً.

العلماء وضّحوا إن جهاز مناعة الطبيب ما تعرّف على الخلايا الغريبة،
لأنها ما أظهرت “بصمتها الوراثية” بوضوح، ولهذا ما هاجمها.
وهذا يبيّن شلون بعض أنواع السرطان تگدر “تتخفّى” وتنجو من دفاعات الجسم.

لحسن الحظ، الطبيب سوى عملية واستأصل الورم، وتعافى تماماً بعد سنتين

نوبات الاكتئاب عند النساء مو جاية من فراغ…الظاهر إن العلم اكتشف السبب الحقيقي أخيراً! دراسة أسترالية حديثة بينت إن النسا...
14/10/2025

نوبات الاكتئاب عند النساء مو جاية من فراغ…
الظاهر إن العلم اكتشف السبب الحقيقي أخيراً!

دراسة أسترالية حديثة بينت إن النساء يحملن ضعف عدد الجينات المرتبطة بالاكتئاب مقارنة بالرجال.
يعني القضية مو نفسية بحتة، وإنما اختلاف جيني وبيولوجي حقيقي داخل الجسم.

الباحثين اكتشفوا أكثر من 13 ألف علامة جينية عند النساء مرتبطة بالمزاج والهرمونات، مقابل حوالي 7 آلاف عند الرجال، وهذا يوضح ليش التقلبات النفسية والطاقة تتأثر عند النساء أكثر خصوصاً بأوقات التغيّر الهرموني.

يعني ببساطة، لا تسأل "ليش مكتئبة؟"
لأن الجواب مو عندها، الجواب مكتوب بـ 13 ألف جين داخل جسمها! 😶

سؤال دايمًا يخطر بالبال:شلون سفينة حديد عملاقة تبقى طافية على الماء، بينما مسمار صغير من نفس المعدن يغرق فورًا؟ 🤔الجواب ...
14/10/2025

سؤال دايمًا يخطر بالبال:
شلون سفينة حديد عملاقة تبقى طافية على الماء، بينما مسمار صغير من نفس المعدن يغرق فورًا؟ 🤔

الجواب كله يعتمد على قانون يسموه دافعة أرخميدس.
كل جسم يدخل بالماء يزيح كمية من الماء ويصير عليه رد فعل من الأسفل للأعلى، هاي هي القوة الدافعة.
كلما الجسم كان حجمه أكبر، كلما زادت كمية الماء المزاحة وزادت الدافعة.

السفينة صحيح مصنوعة من الحديد، بس جسمها مجوف من الداخل ومليان هواء، وهذا يخلي كثافتها الكلية أقل من كثافة الماء.
ولأنها تزيح كمية ضخمة من الماء، تطلع دافعة قوية توازن وزنها، ولهذا تطفو بكل سهولة

أما المسمار، حجمه صغير وما يزيح ماء كافي حتى يولّد دافعة ترفع وزنه، فببساطة... يغرق مباشرة

يعني مو المادة هي اللي تحدد إذا يطفو الجسم أو يغرق،
بل الكثافة مقارنة بكثافة الماؤ، وكمية الماء اللي يزيحها الجسم.

مو كل رد فعل بالخطر يكون هروب أو هجوم… بعض المخلوقات جسمها ينصدم حرفياً من الرعب!واحد من أغرب الأمثلة هو الأبوسوم، حيوان...
14/10/2025

مو كل رد فعل بالخطر يكون هروب أو هجوم… بعض المخلوقات جسمها ينصدم حرفياً من الرعب!
واحد من أغرب الأمثلة هو الأبوسوم، حيوان يعيش بغابات أمريكا الشمالية، وعنده طريقة دفاع ما موجودة بأي مخلوق ثاني

الناس كانت تتصور إنه "يمثّل الموت" حتى يتفادى المفترسات،
لكن الدراسات الحديثة بينت إن اللي يصير مو تمثيل أبدًا،
إنما حالة عصبية اسمها علمياً Tonic Immobility، يعني شلل تام بسبب الخوف.

بهالحالة، الأبوسوم يوكع على الأرض، عيونه تبقى مفتوحة، نفسه يصير ضعيف، وما يتحرك نهائياً،
بل حتى يفرز ريحة كريهة تشبه ريحة الجثة حتى تبعد عنه الحيوانات اللي تفترس.

العلماء وصفوه بـ"الناجي الأعجب من الرعب"، لأن جسمه فعلاً يفقد السيطرة بشكل لاارادي

يمكن أغلب الناس تشوف العنكبوت وتفكر بيه كمخلوق صغير مزعج،بس بالحقيقة، هذا الكائن واحد من دلائل عظمة الخالق وقدرته اللي م...
13/10/2025

يمكن أغلب الناس تشوف العنكبوت وتفكر بيه كمخلوق صغير مزعج،
بس بالحقيقة، هذا الكائن واحد من دلائل عظمة الخالق وقدرته اللي ما توصف.

العنكبوت بجسمه يمتلك أعضاء اسمها المغازل، موجودة بمؤخرة بطنه،
وهي مو عضو واحد، بل مجموعة "ماكينات دقيقة" تفرز خيوط الحرير.
كل مغزل بيه مئات الفتحات الصغيرة، وكل فتحة تصنع نوع مختلف من الخيوط، ولكل نوع وظيفة خاصة:

- خيط قوي جداً يستخدمه لبناء الشبكة الأساسية، وتخيل! قوته خمس مرات أقوى من الفولاذ مقارنة بالوزن.
- خيط لزج يمسك بيه الفريسة حتى ما تقدر تفلت.
- خيط ناعم يغلّف بيه بيضه ويحميه.
- وخيط خفيف يسوي منه مظلة حريرية حتى يگدر ينتقل ويا الهوا، يسمّوها ظاهرة التحليق الحريري (Ballooning).

والأدهى من هذا، إن الحرير يطلع من جسم العنكبوت بشكل سائل،
بس أول ما يلامس الهوا يتحول فوراً إلى خيط صلب ومتين،
يعني جسمه يشتغل مثل مصنع مصغّر ينتج مادة طبيعية .

سبحان الله، كلشي بخلقه محسوب ومتقن

13/10/2025

قبل لا ينهار الاقتصاد، الإشارة الأولى ما تجي من البنوك ولا البورصة…تجي من أبسط شي ممكن تتخيله: صناديق الكارتون!
اليوم العريف ينقل ألكم أغرب معلومة اقتصادية ممكن تسمعها؟

Address

Baghdad

Website

Alerts

Be the first to know and let us send you an email when أبو العرّيف posts news and promotions. Your email address will not be used for any other purpose, and you can unsubscribe at any time.

Shortcuts

Share