https://www.instagram.com/m.lite_tech/profilecard/?igsh=MWNkc2tncmI4M21tbw%3D%3D

Xbro - LITE Tech, Baghdad (2025)

04/02/2025

غلطة الشاطر بألف 🤦🏽‍♂️

سامسونگ يوم نزلت جهاز "s22" الترا كانت طفرة جدا كبيرة للشركة وخاصتا بالشكل ... ومن نزلت ال "s23" الترا خف جمهور سامسونگ بسبب انه يشبه القبله....
سامسونگ نزلت ال "s24" الترا كذلك كان طفرة لشاشات سامسونگ بحيث حولت الشاشة المنحنية الى شاشة مصطحة بعد مرور اكثر من "8" سنوات من الشاشات المنحنية
.........بس..........

من نزلت سامسونگ ال "s25" الترا صار المچنة نتوقعة
بحيث نزلت جهاز اسمك من القبله وغيرت تغيرات بسيطة ونزلت الجهاز
وطبعا متعودين علية انزل مراجعات للأجهزة بس هالمرة راح انزل رأيي الشخصي بالجهاز وبنهاية المنشور راح اگلگم ليش ما سويتلة مراجعة

الجهاز صار اخف وزن ب"15" غرام بس بشكل ملحوض وصار اسمك من ال "s24" الترا بقليل والشاشة صارت بحواف اقل نسبيا

اما الشكل فهو يشبه ال "s24" الترا لكن الكامرات اصبحت محوطة بأطار اسود وگان الجهاز بي عدسات حماية .... وكذلك حواف الجهاز صارت انعم من ال "s24" الترا وبزاوية اقل حدة وهذا شي زين

اما داخل الجهاز فمعالج الجهاز صار سناب دراجون "8" ايليت هذا المعالج اقوة معالج من شركة كوالكوم حاليا وبمعمارية "3" نانو متر

وكذلك عدلو شوية عالكامرات والنضام ليعطي الجهاز تجربة للمستخدم تختلف بقليل عن الجيل السابق ......

وبالنسبة للراح يسألون ليش مسويت مراجعة ؟
لأن بكل صراحة الجهاز شبيه ال "s24" الترا بشكل جدا ملحوض ولا يختلف عنه الا بمميزات قليلة وسامسونگ كان المفروض تقدم أداء احسن بهذا الجهاز فنطيت رأي بالجهاز علمود انصح المشتري ويعرف الفرق بينه وبين الجيل القبله وتبقى بالنهاية كلمن وقناعتة

وبالنهاية اني اعتذر منكم عالأنقطاع وأن شاء الله راح انزللكم مراجعات للأجهزة الجديدة قريبا وأي جهاز تطلبوه بالتعليقات اسويلكم عليه مراجعة .... ولا تنسون تنطون رأيكم بالتعليقات اسفل المنشور .

Xbro - LITE Tech

18/12/2024

شاومي وما ادراك ما شاومي ⚡!!

كلنا متعودين على انه كل شركة عدها اجهزة : اقتصادية - متوسطة - فلاكشب 💫
بس شاومي عدها غير رأي ، تنزل جهاز مواصفات جبارة بجهاز سعرة ميعبر المليون ، فمثلا نزلتلك الشاومي "14" الي مواصفاتة تنافس السامسونگ اس "24" الترا وبسعر مليون فقط
يعني تنزلك جهاز خارق بسعر رخيص 🥇

وطبعا من نجيب طاري شاومي اكيد نذكر اجهزة ريدمي والمعروفة بقوتها ومواصفاتها القوية وسعرها الرمزي
وأكيد دنحجي على جهاز شاومي الجديد تحت اسم
(readmi not 14 pro + 5g)
والميعرف سلسلة ريدمي نوت ، فهاي سلسة اجهزة من ريدمي تنطي اجهزة قوية بأرخص ثمن مقارنة بمواصفاتها ، وحققت نجاح جدا كبير بأجهزتها النوت "13" و "12" والسابقات

هذا الجهاز بي كمية مواصفات كبيرة ، تعالوا شوفوا مواصفاته :

⭕شاشة بقياس "6.67" انش بدقة "1.5k" بتردد "120" هيرتز وسطوع يصل الى "3000" شمعة ، تدعم "+HDR10" و "dolby vision" ، وبصمة مدمجة بالشاشة

⭕معالج من كوالكوم هو سناب دراجون "7s gen 3" ثماني النواة بتردد "2.5" گيگاهيرتز بدقة تصنيع "4" نانو متر ومعالج رسوميات هو ادرنو "710" ، مع واجهة شامي الجديدة "HyperOS 2" المبنية على اندرويد "14"

⭕كاميرا خلفية ثلاثية : الرئيسية بدقة "50" ميگابكسل بفتحة عدسة "F/1.6" وتدعم المثبت البصري "ois" ، الثانية بدقة "50" ميگابكسل بفتحة عدسة "F/1.6" وهي مخصصة للتقريب البصري ، الثالثة بدقة "8" ميگابكسل وهي للتصوير بزاوية واسعة ، ويدعم الجهاز تصوير الفيديو بدقة "4k" بمعدل اطارات "30" اطار بالثانية

⭕كاميرا امامية بدقة "20" ميگابكسل بفتحة عدسة "F/2.2" وتدعم تصوير الفيديو بدقة "1080" بمعدل اطارات "60" اطار بالثانية

⭕بطارية بسعة "6200" ملي امبير تدعم الشحن السريع "90" واط

⭕مساحة تخزين هي "128" او "256" او "512"
مع رام "8" او "12" او "16" كيگابايت

⭕مقاومة ماء وغبار هي الأقوة "ip68" و "ip69k" والتي تدعم غمر الجهاز في الماء لعمق "2" متر ولمدة "24" ساعة ، ويدعم الجهاز شريحتين من نوع "5g" وما دون ، ولا يدعم منفذ "3.5" ملم للسماعات التقليدية ويدعم خاصية "NFC" و يدعم صوت استيريو

وبالأخير الجهاز سعرة "365" $ دولار
وهيج سعر صراحة يعتبر رمزي مقارنة بهيج مواصفات عملاقة على هذا الجهاز ، وطبعا هذا الجهاز هم يعتبر مع مجموعة (حار ومگسب ورخيص)

انطونا رأيكم بالجهاز بالتعليقات
شاومي بغداد
Xbro - LITE Tech

08/12/2024

ابل يوم حجبت خدمات گوگل عن هواوي صارت خسارة لشركة هواوي
بس هواوي سكتت؟؟
راحت حطتلك برامج بأجهزتها بدون اعلانات ومثل خدمات گوگل ومو بس هيج ، حطتلك طريقت تنزل بيها كل خدمات گوگل مجانا 😂

وهسة هي عدها اجهزة تحدت ابل تسوي ايفون مثل اجهزتها
تنزل جهاز سعر اقل من الأيفون ومواصفات ضعف الأيفون
وعبالك عزيزي المباوع لهنا اكتفت هواوي؟؟
صنعتلك معالج بمعمارية 3 نانو متر الي بوكتها محد گدر ينافس هذا المعالج

وهسة صنعتلك ساعة تقيس ضغط الدم حالها حال جهاز قياس ضغط الدم بحيث تنتفخ قطعة داخل سير الساعة لقياس ضغط الدم

وهذا وبعد عدها لابتوبات خارقة وتابلتات سفاحة

بحيث ابل حايرة بشنو تبدي تنافس هواوي😂

Huawei
Xbro - LITE Tech

07/12/2024

نزلت الA و B وهسة الC

اونر مكتفت من سوتلك الأونر "x9a" الي شاشتة ميختلفون على قوتها ثنين 🔨، وراها نزلت الأونر "x9b" وجان تلفون حاصل على شهادة 💥"SGS"💥 بفئة خمس نجوم🎖️ لمقاومة السقوط حتى ارتفاع متر ونص عن الأرض🥇
وبعدين أونر گالت خلي ننزل جهاز يجمع بين اخوتة ، يعني شاشة قوية ومدرع وشهادة ال"SGS" وضافتلة مقاومة ماء وغبار بمعيار "ip65" 😬 ، يعني لا تخاف فلوسك راح تروح بمكانها

اونر "x9c" راح يسوي ضجة بالأسواق العراقية بسبب مواصفاتة العالية وثمنة الرخيص نوعا ما ، تعالوا شوفوا مواصفاتة :

⭕شاشة بقياس "6.78" بوصة اموليد بدقة "FHD+" بتردد "120" هيرتز مع سطوع يصل الى "4000" شمعة ، أضافة الى شهادة "SGS" السويسرية بفئة "5" نجوم مقاومة سقوط من ارتفاع "2" متر عن الأرض ، مع بصمة اصبع مدمجة بالشاشة

⭕معالج من كوالكوم هو سناب دراجون "6gen 1" ثماني النواة بتردد "2.2" ميگا هيرتز بدقة تصنيع "4" نانو متر ، ومعالج رسوميات هو ادرنو "710" ، ومع واجهة نضام اونر الجديدة "Magic OS 8" المبنية على اندرويد "14" وهي واجهة مستقرة وخالية من المشاكل ويدعم الذكاء الأصطناعي "AI"

⭕كاميرا خلفية مزدوجة ، الرئيسية بدقة "108" ميگابكسل بفتحة عدسة "F/1.75" مع مثبت بصري وتدعم تصوير الفيديو على "2160" بمعدل اطارات يصل الى "30" اطار ، الثانية بدقة "5" ميگابكسل بفتحة عدسة "F/2.2" وهي "ultra wide"

⭕كاميرا امامية بدقة "16" ميگابكسل بفتحة عدسة "F/2.45" وتدعم تصوير الفيديو على "1080" بمعدل اطارات يصل الى "30" اطار

⭕بطارية "6600" ملي امبير تدعم الشحن السريع بقدرة "66" واط وتدعم الشحن العكسي وتدعم منفد "Type C"

⭕مساحة تخزين "256" گيگابايت مع رام "8" او "512" گيگابايت مع رام "12"

⭕مقاومة ماء وغبار "ip65" ، ويمكن للهاتف العمل في درجات حرارة بين "-30" الى "55" ، وكذلك يدعم شريحتين اتصال من نوع "5g" ولا يدعم كارت الميموري الخارجي ، ولا يدعم فتحة "3.5" ملم للسماعات التقليدية ويدعم سماعات ستيريو ، ويدعم خاصية "NFC" و "IR Blaster"

بالأخير الجهاز سعرة "269" دولار اي ما يقارب "400" الف دينار عراقي

والجهاز صراحة صفقة رابحة لأونر صح مغيرت المعالج ولكن ضافتلك هواية مميزات اهمها مقاومة الماء والغبار
والجهاز راح نحطة وية شلة ( حار ومگسب ورخيص) ويبقى رأيكم بالجهاز شنو ، كتبوا رأيكم بالتعليقات .

Xbro - LITE Tech
HONOR Iraq

28/11/2024

يابة شلونهم
اكيد انتو تعرفون بأنه اني جديد على صناعة المحتوى ومتابعين قليلين بس ميمنع هذا اني اسوي مسابقة الكم وبيها جوائز
المسابقة راح تكون على جهاز "redmi not 13 pro plus"

وبحكم ادواتي البسيطة للتصوير مگدرت اصورلكم فيديو لنفسي وأشرحلكم عن المسابقة وعن شروطها وأصورلكم الجهاز فكتبت المسابقة بس ان شاء الله بس اكمل ادوات التصوير بعد انزللكم فيديو شرح وليس كتابة

ملاحظة : هذا الجهاز من مالي الخاص وليس اعلان للشركة او ما شابه

شروط المسابقة سهلة وبسيطة :

1-تكون متابع الصفحة
2-تسوي منشن لأصدقائك الممتابعين الصفحة
3-تعيد نشر المنشور بستوري عدك وتخلي لايك عالمنشور وتعلق اي تعليق

ان شاء الله بعد اسبوع يكون السحب من التعليقات على بث مباشر بالصفحة وراح توصل الهدية للفائز وين ما كان بالعراق

اتمنا كلكم تشاركون ومن الله التيسير

Xbro - LITE Tech

19/11/2024

يابة شايفين بالمدرسة من اكو بكل صف "رئيس شلة" محد يگدر يندگ بي ، والواسطة مال تأجيل الأمتحان يكون هوة😁

ريلمي سوت نفس الحركة بس بجهاز محد يگدر ينافسه بسبب مواصفاتة العملاقة الي صراحة ما ادري شلون گدرت ريلمي تحط هيج مواصفات بهذا الجهاز وسعرة جدا رمزي ، يعني نگدر نحطة وية عائلة : "حار ومگسب ورخيص"⚡

تعالوا شوفوا مواصفاتة المخيفة💀 :

⭕شاشة من سامسونج "OLED" بقياس "6.78" انش "FHD+" بتردد "120" هيرتز وسطوع يصل الى "6000" شمعة وتدعم "HDR10+" و "Dolby Vision"

⭕معالج من كوالكوم هو سناب دراجون "8 ايليت" الجديد ثماني النواة بتردد "4.32" جيجا هيرتز ودقة تصنيع "3" نانو متر

⭕كاميرا خلفية ثلاثية الأساسية دقتها "50" ميگابكسل بفتحة عدسة "1.8/F"وحساس من سوني "imx 906" مع مثبت بصري وتدعم تصوير "8k" بمعدل "24" اطار بالثانية ، الثانية بدقة "50" ميگابكسل بفتحة عدسة "F/2.65" وحساس من سوني "imx 882" مع مثبت بصري ، الثالثة بدقة "8" ميگابكسل بفتحة عدسة "F/2.2" بمستشعر سوني "imx 355"

⭕كاميرا امامية بدقة "16" ميگابكسل بفتحة عدسة "F/2.5" وتدعم تصوير الفيديو بدقة "1080" بمعدل "30" اطار

⭕بطارية "6500" ملي امبير بقدرة شحن "120" واط عبر منفذ "Type C"

⭕مساحة تخزين "256" گيگابايت ورام "12" او "512" گيگابايت او "1" تيرا بايت مع رام "24"

⭕مقاومة ماء وغبار "ip69" ويدعم شريحتين اتصال من نوع "5g" ولا يدعم كارت الميموري الخارجي ، ولا يدعم فتحة "3.5* ملم للسماعات التقليدية ، ويدعم سماعات ستيريو

⭕ يأتي الهاتف بثلاث الوان هم الرمادي والأبيض والبرتقالي

بالأخير اني اشوف التلفون لگطة وأخيرا سعرة "899" دولار ولم يذكر سعر ذواكر التخزين البقية وعن قريب انزللكم بستوري الأسعار للذواكر البقية

شتگولون راح يفلش السوگ لو لا؟
realme

04/11/2024

ريلمي هالايام گاعد تستعمل المقولة المشهورة عدنا بالعراق:
(حار وگسب ورخيص)😁
يعني تنطيك جهاز بمواصفات ممتازة وسعر رخيص .

وطبعا اكيد من نذكر ريلمي نذكر سنسر الكامرات المتعوب عليه و اداء المعالج وتناسقه مع واجهة ريلمي الجديدة المعروفة بأداها العالي .

اليوم ويانة عملاق ريلمي الجديد من سلسة ريلمي نوت وهوة "realme not 13 pro plus"
ويعتبر من الفئة المتوسطة العليا ، تعالوا نشوف مواصفاته :

⭕شاشة "6.7" انش اوليد "120" هيرتز مع سطوع "2000" شمعة منحنية الاطراف مع نسبة استحواذ "90٪" مع طبقة حماية غورلا غلاس "7i" وبصمة مدمجة بالشاشة

⭕كامرة بدقة "50" ميگابكسل مع حساسين من سوني الاول "imx890"
والثاني "imx882" مع مثبت بصري لكل حساس ، كامرة امامية "32" ميگابكسل

⭕معالج من كوالكوم سناب دراجون "7s gen 2" بمعمارية "4" نانو متر ، ويدعم الجهاز اندرويد "14" بواجهة ريلمي "realme UI"

⭕ذاكرة "256" مع رام "12" او "512" مع رام "12" ويمكن توسيع الرام الى "24" مأخوذة من الذاكرة ، والجهاز لا يدعم الذاكرة الخارجية

⭕بطارية "5200" ملي امبير مع شاحن ريلمي السريع "80" واط

⭕يحتوي الجهاز على ستريو سبيكر ولا يدعم منفذ السماعات التقليدية "3.5" ملم ، ويأتي بضهر من الزجاج مع مقاومة ماء وغبار "ip65"

طبعا المواصفات مقارنة بالسعر فهو صفقة رابحة لريلمي مع انه مبدلت المعالج حفاظا على السعر ولكن صعدت الكامرات والبطارية والشاشة ، اما عن السعر فالأسعار كالأتي :
*نسخة البلاص*
ذاكرة "256" مع رام "24" بسعر "$369" دولار
ذاكرة "512" مع رام "24" بسعر "$409" دولار
*نسخة البرو*
ذاكرة "512" مع رام "24" بسعر "$309" دولار

وهاي كلشي عن الجهاز واني اعتذر منكم صارلي هواية ممنزل بسبب الدراسة والامتحانات المستمرة والدوام وان شاء الله انزللكم اي جهاز تطلبوه بالتعليقات .

شتگولون (حار ومگسب ورخيص) لو لا😁

realme

07/10/2024

شاومي وما ادراك ما شاومي!!

شاومي لازم كل نهاية سنة تنزلك جهاز يكسر المنافسين بالسوگ ، ومن تنزل الجهاز تنطيك اقوة مواصفات باقل سعر ممكن ، طبعا هذا جهاز شاومي الجديد ، «xiaomi 14 T pro» وهيج جهاز من شاومي لازم يكون بي مواصفات خارقة ، تعالو نشوفها :

⭕شاشة اموليد 6.67 انش ، 144 هيرتز ، 1.5k ، سطوع 4000 شمعة
⭕معالج ميدياتك دايمنستي 9300 بلص ، 4 نانو متر مع نضام تشغيل اندرويد 14 وواجهة شاومي هايبر او اس
⭕بطارية 5000 ملي امبير ، شاحن 120 تربو جارج ، ويدعم الشحن الاسلكي 50 واط
⭕ذاكرة تخزين 256 / 512 / 1 تيرا ، رام 12/16 گيگابايت

⭕سستم كامرات من لايكا 50+50+12 تدعم تصوير 8k/30 اطار بالثانية ، ويدعم ايضا المثبت البصري

جهاز متكامل من كل النواحي وما بي عيوب ، وراح يتوفر قريبا في العراق ، طبعا السعر صدمة ، 870,000 دينار عراقي للذاكرة 1 تيرا
807,000 دينار عراقي للذاكرة 512
558,000 دينار عراقي للذاكرة 256

عن رأي الشخصي اشوفة افضل جهاز نزل بهذا السعر مقارنة بمواصفاتة ،، انتو شتگولون يسوة هذا السعر؟

شاومي بغداد

29/09/2024

شنو السالفة ابل!!!

ابل نزلت سلسلة ايفون 16 بعد انتضار طويل بس خاب الضن بيها.

ابل مغيرت اي شئ بالايفون 16 برو / برو ماكس عدى المعالج وزر التصوير وتغييرات بسيطة في الكامرة ، وصراحة هذا شي كلش مخيب من ابل ، انك تنطي جهاز سعرة فوگ المليون ونص بدون مواصفات حقيقية تتميز عن الجهاز القبله هذا شي ابدا مو حلو من ابل ، وفقط غيرت الشكل الخارجي والمعالج وزر التصوير في ايفون 16 / 16 بلص وتغيرات بسيطة في الكامرة وبقت الشاشة 60 هيرتز 🫤 بس تبقى سالفة انه نضام ابل نضام مستقر وسلس وهذا الشي اليميزها بين منافسيها ،،،، وبالاخير ابل كعادتها متغير شكل البرو و البرو ماكس بس نتمنى من ابل هذا الشي بالمستقبل وبقية المواصفات طبيعية وماكو اختلاف عن ايفون 15 عدى اختلافات بسيطة متسوة تدفع سعر عليها وتبدل الايفون اذا جان عدك ايفون 15 ....

شتگولون ابل مراح تغير شكل ايفون 17؟

31/08/2024

هذا الجهاز راح يغير قوانين التصوير...

طبعا كلنا ندري بان اونر شركة تابعة لهواوي سابقا....وبعد انفصالها عن هواوي بسبب حضر خدمات گوگل عن هواوي صارت تبدع باجهزتها صراحة...يعني تنطيك جهاز بسعر مناسب وبي كل المواصفات التحتاجها من كامرة ومعالج وبطارية وشحن سريع وذاكرة بحيث تغنيك عن بقية الاجهزة.....

هذا جهاز اونر الجديد تحت اسم"HONOR 200 PRO" ومثل مذكرت بعنوان المنشور راح يغير قوانين التصوير....

هنا اونر سوت خطوة جدا ممتازة بحيث تعاونت مع استوديوهات هاركورت علمود تطلع افضل بورتريه بجهاز سعرة متوسط....طبعا جلسة التصوير الوحدة بستوديو هاركورت تكلف مليونين ونص واونر حطت فلاتر هاركورت بجهاز سعرة اقل من مليون...تعالو نشوف مواصفاتة:

⭕شاشة اموليد "6.67" انش بتردد "120" هيرتز بسطوع "4000" شمعة وكذلك راح تكون بصمة مدمجة بالشاشة
⭕المعالج سناب دراجون "8 جين 3" ومعالج رسوميات "ادرنو 735" واستخدمت معالج ال"c1" لزيادة قوة الشبكة في خارج البيت
⭕بطارية "5200" ملي امبير ويدعم الشحن السريع "100" واط وشحن وايرلس "66" واط
⭕كامرة "50" ميگابكسل تدعم تصوير "4k" على "60" اطار وكذلك تدعم فلاتر "الهاركورت"
⭕يدعم الاير بلاص للتحكم في الاجهزة المنزلية وغيرها من الاجهزة التدعم التحكم عبر الهاتف
⭕ضهر من الزجاج ونقشة جميلة في ضهر الجهاز ، ويدعم مقاومة رذاذ الماء والغبار "IP65"

هاي اغلب المواصفات الموجودة بهذا الجهاز ، واذا نجي عالعيوب فالجهاز بي عيب واحد وهوة عدم اضافة طبقة حماية للشاشة من اونر او من گوريلا كلاس وهذا طبعا شي مهم بالوقت الحالي لبعض الناس اصحاب الاعمال وغيرهم .....

طبعا بالنهاية الجهاز متكامل من كل النواحي من شاشة وكامرة ومعالج وبطارية يعني ما ناقصك شي واخيرا سعر الجهاز راح يكون:
369$ دولار للذاكرة "256" رام "8+8" لنسخة الاونر "200"
439$ دولار للذاكرة "512" رام "8+12" لنسخة الاونر "200"

599$ دولار للذاكرة "512" رام "12+12" لنسخة الاونر "200" برو

شتگولون راح يصير ترند هاي السنة ام لا؟

HONOR Iraq

25/08/2024

رسميا...شكل هاتف "انفنكس زيرو40"

انتضرو الاعلان الرسمي للجهاز على صفحتي في الايام القادمة...

Xbro - LITE Tech

04/02/2025

18/12/2024

08/12/2024

07/12/2024

28/11/2024

19/11/2024

04/11/2024

07/10/2024

29/09/2024

31/08/2024

25/08/2024

Address

Telephone

Website

Alerts

Contact The Business

Shortcuts

Share

Category