Evro

27/07/2025

ئه‌ڤرۆ 3793- 2025/ 28/07
مەسرور بارزانی بۆ کەنالێ (الشرق نیوز): ئەم باش دزانین چ ئالییەك ل پشت هێرشێن درۆنییە، لێ
چاڤەڕێی ئەنجامێن ڤەكۆلینان دكەین

مەسرور بارزانی بۆ کەنالێ (الشرق نیوز): ئەم باش دزانین چ ئالییەك ل پشت هێرشێن درۆنییە، لێ چاڤەڕێی ئەنجامێن ڤەكۆلینان دكەین

27/07/2025

بڕیارە سوبەهی دادگەها فیدڕالی یا ئیراقێ ل سەر سێ سکالایێن گرێدای هەرێما کوردستانێ کۆم ببیت

27/07/2025

حوکمەتا ئیراقێ‌ چو بۆ قەرەبووكرنا كەسوكارێن ئەنفالكریان نەكریە

پشتی 42 سالان هێشتا حكومەتا ئیراقێ‌ چو بۆ قەرەبووكرنا كەسوكارێن جینۆسایدا بارزانیان نەكریە، ئەڤە ئەركێ سەرەكیێ‌ حوکمەتا ئیراقیێە ئەنجام بدەت، سەرەرای كو پەرلەمان و دادگەها بلندا تاوانێن ئیراقێ ب جینۆساید ناساندیە.
كەریم كاوە، رێڤەبەرێ‌ گشتیێ شەهید و ئەنفالكریان ل ئیدارا سەربخۆ یا سۆران بۆ ئەڤرۆ گۆت: «پشتی دەرچوونا بڕیارا دادگەهێ و پەرلەمانی، حوکمەتا ئیراقێ هەتا نوكە، ئەو بەرپرسیاریەتیە هەلنەگرتیە، كو داخوازا لێبورینێ ژ گەلێ كوردستانێ بكەت».
ناڤبری گۆتژی: «گرنگ و پێدڤی بوو، حوکمەتا ئیراقێ ژبلی داخوازا لێبورینێ، قەرەبوویا كەسوكارێن جینۆسایدان كربا، بەلێ چ پێنگاڤ نەهاڤێتینە، دیسا هەتا نوكە كار ب دەستووری نەكریە، كو تێدا هاتیە: ئەو تاوانێن دەرهەق خەلكێ كوردستانێ هاتینە كرن، بهێنە قەرەبووكرن و رەوشا وان بزڤڕینیتە بەری تاوانا جینۆسایدێ‌«.

27/07/2025

كۆمیسیۆن: ئەم پێدڤی ب 250ی هزار كارمەنداینە بۆ سەر سندۆقان

كۆمیسیۆنا بلندا سەربەخۆ یا هەلبژارتنێن ئیراقێ ڕاگەهاند، ئەو پێدڤی ب 250ی هزار كارمەندانە بۆ سەر سندۆقێن دەنگدانێ، ل هەلبژارتنێن پەرلەمانێ ئیراقێ.

ئاماژە ب هندێ دا، پێشكێشكرنا داخوازییان بۆ سەر سندۆقێن دەنگدانێ دێ هەتا 1/8 یا بەردەوامبیت، هەتا نوكە زێدەتر ژ 750ی هزار كەسان، داخوازی پێشكێشكریە.

27/07/2025

د ئەنجاما ئێرشەکێ دا ل ئیرانێ ب دەهان کەس بووینە قوربانی

رێکخستنا (جیش العدل) راگەهاند کو، وان دوهی ئێرشی ناڤەندا دادگەها ئیرانێ ل باژێرێ زاهیدانێ کرینە و د ئەنجام دا ٩ کەس هاتینە کوشتن و پتر ژ ٣٠ کەسان ژی بریندار بووینە.
ل ئالیێ دی فەرماندارێ زاهیدانێ ژی دیار کر، د ئەنجاما ئێرشیەکا تیرۆرستی دا ل باژێرێ زاهیدانێ نێزیکی ٤٠ کەسان بووینە قوربانی و هێزێن ئێمناهیێ شیاینە ئێرشا تیرۆرستی ژناڤ ببەن، نها رەوش ئارامە و دێ دووڤچوونا بابەتی هێتە کرن، پاشی ژی دێ ئەنجامێ ڤەکۆلینێ بۆ رایا گشتی هێتە ئاشکرا کرن.
وەزارەتا ناڤخوە یا ئیرانێ ژی دوهی د داخویانیەکێ‌ دا دیار کر، تیرۆرستێن ل زاهیدانێ ب پشتەڤانیا ئەمریکا و ئسرائیلێ کار بۆ ئالۆزکرنا رەوشا وێ پارێزگەهێ دکەن، لێ ئەو رێ نادەن تیرۆرست بگەهنە ئارمانجا خوە.
جیش العدل رێکخستنەکا چەکداری یا بەلۆچیانە ل ئیرانێ و هەتا نها گەلەک جاران ل پارێزگەها سیستان و بەلوچستانێ ئێرشی هێزێن ئیرانێ کریە.

27/07/2025

پرۆژەیێ ڕێیا كەمەری ل دەوربەرێن ئامێدییێ و قوتابخانەیا قوبەهان:
🔸 درێژاهییا ڕێیێ: 2,985 مەتر
🔸 فرەهی: 4 مەتر
🔸 كوژمە: 3 ملیار دینار
✅ 65%ێ تمامبوویە، ل چریا ئێكێ یا ئەڤسالە دێ هێتە ڤەكرن.

27/07/2025

مەسرور بارزانی: ل گەل ئێكەتییێ ل سەر ئەجندایا کابینا نوو رێككەفتینە

مه‌سرور بارزانی دەرباره‌ی گاڤێن پێكئینانا كابینا نوو یا حكومه‌تا هه‌رێما كوردستانێ دیار كر: ڕێككه‌فتن ل سه‌ر كار و به‌رنامێ حكومه‌تا بهێت، كو دێ بیتە بنه‌مایێ به‌رده‌وام یێ كابینا بۆری یان حكومه‌تا نوكە یا هه‌رێما كوردستانێ" نوكە دانوستاندن تایبه‌تن ب‌ هندەك پۆستێن حكومه‌تێ، ب تایبەتی د ناڤبەرا پارتی دیموكراتی كوردستان و ئێكەتی نیشتمانی كوردستان دا.

27/07/2025

پێشبینی دهێتە کرن، یاریکەرێ بەرەڤان سەعد ناتق بۆ ماوێ ئێک وەرز گرێبەستێ ل گەڵ دهۆکێ ئیمزا بکەت

27/07/2025

به‌غدا هویربینییێ د لیستا مووچه‌یێن هه‌یڤا 6 دا دكه‌ت

● ڤێ حه‌فتیێ حوکمه‌تا هه‌رێمێ دێ لیستا مووچه‌یێن هه‌یڤا 7 بۆ به‌غدا ره‌وانه‌كه‌ت

مه‌رجێن به‌غدا د نه‌گۆڕن:
● هنارتنا 120 ملیار دینارێن داهاتێ ناڤخۆ.
● راده‌ستكرنا په‌ترۆلا رێككه‌فتن ل سه‌ر هاتییه‌كرن ب كۆمپانییا سۆمۆ.

27/07/2025

زاخۆ ب شێوەیەکێ فەرمی هاتە داخوازکرن بۆ قارەمانیا کوپا کەنداڤی

27/07/2025

ڕێژەیا لێبڕینا خانەنشینیێ ژ مووچەیێ فەرمانبەران دێ بیتە 10%

ل گۆڕەی زانیاریان، بریار هاتیە دان کو ژ مەها تەمموزا بهێت (هەیڤا حەفت)، ڕێژەیا لێبڕینا مووچەیێ فەرمانبەرێن هەرێما کوردستانێ بۆ سندوقا خانەنشینیێ بهێتە زێدەکرن.

هەتا نها حکومەتا هەرێمێ 7% ژ مووچەی ل فەرمانبەران دبرین، لێ ل سەر بنەمایێ بریارا حکومەتا عیراقێ، ئەڤ ڕێژەیە بۆ 10% هاتە بلندکرن و دێ ژ مووچەیێ ڤێ مەهێ هێتە بجهئینان.

27/07/2025

نوکە ل ناوچەدارییا پیرمام سنوورێ پارێزگەها هەولێرێ باران دباریت