ئادار ADAR

02/10/2024

08/02/2024

شه‌هید زێره‌ڤان ئه‌كره‌م مزوری

یه‌كه‌م شه‌هیدی پێشمه‌رگه‌ له‌كۆبانێی رۆژئاوای كوردستان شه‌هید زێره‌ڤان ئه‌كره‌م مزوری بوو،
خه‌ڵكی ده‌ڤه‌ری بارزانه‌ شه‌هید زێره‌ڤان له‌دایكبووی ساڵی 1991، قوتابی قۆناغی دووه‌می به‌شی زمانی كوردی بوو له‌ زانكۆی سۆران، له‌پێناو به‌رگریكردن له‌ نیشتمان مۆڵه‌تی خوێندنی وه‌رگرتبوو به‌ ئاواتی ئه‌وه‌ی دوای نه‌هێشتنی مه‌ترسییه‌كانی داعش خوێندنی زانكۆ ته‌واو بكات، به‌ڵام له‌ 20ی 1ی ساڵی 2015 له‌ كۆبانێ شه‌هیدبوو. شه‌هید زێره‌ڤان ئه‌كره‌م، یەکێک بوو لەو پێشمەرگانەی له ‌باشووری كوردستانەوە‌ بۆ به‌رگریكردن له‌ كۆبانێ چووە رۆژئاوای كوردستان، هه‌رله‌وێش له‌پێناو خاك و نه‌ته‌وه‌كه‌ی گیانی به‌ختكرد شه‌هیدبوو. هەزار سلاولە گیانی پاکی شه هیدانی کوردو کوردستان هەزار سلاو لەگیانی پاکت شەهید زێرەڤان ئە کرە م مزوری سەری ڕێز و نوازش دادەنوێنین بۆ شەهیدانی ڕاپەرین و شەھیدانی ئەنفال و سەرجەم شەهیدە سەربەزەکانی کورد و کورستان سەروەریان بارزانی نەمر و کاکە ئیدریسی هەردەم لە یاد.

07/02/2024

ناردنی پێشمەرگە بۆ کۆبانێ بڕیارێکی مێژوویی، نیشتمانی و مرۆڤانە بوو

له‌سه‌ر داواى سەرۆک مه‌سعود بارزانى کە ئەوکات سه‌رۆكى هه‌رێمى كوردستان بوو، په‌رله‌مانى كوردستان بڕیارى ناردنى هێزى پێشمه‌رگه‌ى كوردستانى بۆ كۆبانێ په‌سه‌ندكرد.
دوای ئەوەی له‌ ئه‌یلوولى 2014، چه‌كدارانى داعش هێرشێكى فراوانیان كرده‌ سه‌ر كۆبانێ و لە 80%ـی كۆبانێیان كۆنتڕۆڵكرد، له‌ تشرینى یه‌كه‌مى 2014،
150 پێشمەرگە وەک یەکەم کاروانی هێزی پێشمەرگەی کوردستان، رۆژی (28ـی تشرینی یەکەمی 2014) بەنێو خاکی تورکیادا تێپەڕین و گەیشتنە کۆبانێ، دواتر سێ کاروانی دیکە لەكاتی جیاجیادا رەوانەکران. بەهاناوەچوونی کۆبانێ لەلایەن هێزی پێشمەرگەوە بێ قوربانی نەبوو. یەکەم شەهیدی کۆبانێ شەهید زێرەڤان مزووری بوو.

03/02/2024

کاتێک خە ڵکی کوردستان بینیان شه‌راكه‌ت نه‌ما، ده‌ستوور جێبه‌جێ نه‌بوو، ماده‌ی 140 گوتیان مرد، پێشمه‌رگه‌ به‌شێك له‌ سیسته‌می به‌رگری عێراق، به‌ڵام چه‌ك و بودجه‌ی پێشمه‌رگه‌یان نه‌نارد، دواتر هاوسه‌نگی و شه‌راكه‌ت نه‌ما، تا گه‌یشته‌ ئه‌و ئاسته‌ی له‌ هه‌ڵبژاردنه‌كان هه‌ر كه‌سێك زۆرترین ته‌هدیدی كوردی كردبا ده‌نگی زیاتری ده‌هێنا، چۆن ده‌توانرێت له‌گه‌ڵ كۆمه‌ڵگه‌یه‌ به‌رده‌وام بن،
پرسیاره‌كه‌ ئه‌وه‌یه‌، كاتێك ئه‌نفال كران و كیمیاباران كران، خۆ باسی ریفراندۆمیان نه‌كردبوو، بۆ كه‌س نه‌هات بڵێت ئه‌و كاره‌ نابێت به‌رامبه‌ر به‌ كورد ده‌كرێت، به‌مدواییانه‌ش كوردانی ئێزدی دووچاری ئه‌و كاره‌ساته‌ بوونه‌وه‌، مه‌سه‌له‌كه‌ فه‌رهه‌نگه‌، فه‌رهه‌نگه‌كه‌ ئینكاری كورده‌ و دان پێنه‌دانه‌ به‌ هیچ مافێك، ئه‌گه‌ر به‌ زمانیش بێت، به‌ڵام به‌ كرده‌وه‌ وا نییه‌.كوردستانیان گه‌یشتنه‌ ئه‌و قه‌ناعه‌تەته‌نها سه‌ربه‌خۆیی زه‌مانه‌تی ئه‌وه‌ ده‌كات، له‌ داهاتوودا ئه‌و كاره‌ساتانه‌ به‌سه‌ر گه‌له‌كه‌ماندا دووباره‌ نه‌بێته‌وه‌.

03/02/2024

سه‌رۆك بارزانی: ریفراندۆم سەركەوتنێكی مەزن و مێژوویی بوو

لە 7ی حوزەیرانی 2017 لە سەڵاحەدین نوێنەرە باڵاكانی پارتە سیاسییەكانی ناو پەرلەمان و حكومەتی هەرێمی كوردستان بە ئامادەبوونی سەرۆك بارزانی و جێگری سەرۆكی هەرێمی ئەوكات و سەرۆكی حكومەت و سەرۆكی كۆمیسیۆنی باڵای هەڵبژاردنەكانی كوردستان، بڕیاری ئەنجامدانی ریفراندۆم درا و ئەنجومەنی باڵای پێکهێنرا،هەر لەو كۆبوونەوەیەدا رۆژی 25ى ئەیلوولی 2017، وەك رۆژی ئەنجامدانی ریفراندۆم لە هەرێمی كوردستانی عێراق و ناوچە كوردستانییەكانی دەرەوەی ئیدارەی هەرێم دیاریكرا
لە 25/9/2017، ریفراندۆمی خەڵکی کوردستان بۆ سەربەخۆیی بەڕێوەچوو، تێیدا 4 ملیۆن و 561 هەزار و 255 کەس لە هەرێمی کوردستان و ناوچە کوردستانییەکان مافی دەنگدانیان لە ریفراندۆم هەبوو، 3 ملیۆن و 305 هەزار و 925 کەس بەشداریان لەو راپرسیەدا کرد کە دەکاتە زیاتر لە 72٪، لە ریفراندۆم 2 ملیۆن و 861 هەزار و 471 کەس بە بەڵێ دەنگیان بۆ سەربەخۆیی کوردستان دا کە دەکاتە 92%.73 .

02/02/2024

سەرۆك مەسعود بارزانی لەداستانی پردێ دەڵێ: ئەمڕۆ وەکوو دوێنێ نییە سبەش وەکوو ئەمڕۆ نابێت.

پێشمه‌رگه‌ كه‌ هێشتا برینداری "خیانه‌تی 16ـی ئۆكتۆبه‌ر بوو له‌و رۆژه‌دا بڕیاریان دا یان بمرن یان خۆیان بۆ داگیركه‌رانی كوردستان نه‌چه‌مێنن . له‌ژێر فه‌رمانده‌ی سه‌رۆك مه‌سعوود بارزانی فه‌رمانده‌ی گشتی هێزه‌ چه‌كداره‌كانی هه‌رێمی كوردستان،لەو شەڕەدا هێزی پێشمەرگە بە هیممەتی بەرز و فیداکارییەوە توانی پلانی لەناوچوونی قەوارەی سیاسی هەرێمی کوردستان پوچەڵ بکاتەوە
بەرگری کەم وێنەی پێشمەرگە و زەبر وەشاندنی لە پەلاماردەران، نەك هەر هاوكێشەی سەربازی، بەڵكو هاوكێشە سیاسییەكەشی گۆڕی، پێشمەرگە دوپاتی کردەوە کە هەر قەڵغانە پتەوەکەی پاراستنی کوردستانە،
لەم یادە پڕشانازییەدا سلاو لە خۆڕاگری و خۆنەچەماندنی پێشمەرگە قارەمانەکان، دروود بۆ گیانی شەهیدانی ئەو نەبەردییە مەزنە.

31/01/2024

بەرەبایەنی ٧ـی ئابی ٢٠١٤ یەکەم ڕۆژی ڕاگرتنی ئەفسانەی داعش بوو لەسەر دەستی پێشمەرگە قارەمانەکان بەسەرپەرشتی ڕاستەوخۆی سەرۆک بارزانی پێشمەرگە توانی پێشرەوییەکانی داعش بوەستێنێت و سەرەتا چەند گوندێکی بچووک ئازادکران، دواتر گوێر و مەخموور ئازاد کران
سەرۆک بارزانی سەروەری و خاکی کوردستان و جیهانی لە مەترسیی داعش پاراست و گەورەترین رێکخراوی تیرۆریستیی جیهانی تێکشکاند. ئەو تێکشکانە لە هەرێمی کوردستان و لە جیهانيشدا دەنگی دایەوە و، بووە سەرەتای کەوتنی داعش شکاندنی داعش لە کاتێکدا بوو، کە ئەو رێکخراوە لە لووتکەی هێزی خۆیدا بوو بە هۆی ئەو چەکە زۆرەی لە سوپا هەڵاتووەکەی عێراق و سووریاوە دەستی کەوتبوو هەموو جیهانیش لە مەترسییەکی گەورەدا بوو بەڵام پێشمەرگە بە رابەرایەتیی سەرۆک بارزانی لە سەرجەم میحوەرەکاندا ئەو رێکخراوە تیرۆریستیەیان تێک شکاند و سەروەری و مێژووی نەبەردیان تۆمار کرد.
سەرۆک بارزانی بووە سیمبولی پێکەوەژیان و پارێزەری خاکی کوردستان و عێراق و تەواوی جیهان
ئەم راستییە لەلایەن سەركردەكانی جیهان و میدیا جیهانییەكانیش پشتڕاست كراوەتەوە و ئەوانیش گەواهیدەرن كە كێ جیهانیان لە تیرۆریستانی داعش پاراست و لەبری جیهان شەڕی ئەو تیرۆریستانەی كرد و تێكی شكاندن.