https://www.regaykurdistan.com/

حزبی شیوعیی کوردستان, Irbil (2025)

06/10/2025

♦کونسڵگەریی گشتیی کۆماری روسیای فیدڕاڵ سەردانی مەکتەبی سیاسیی حزبی شیوعیی کوردستانی کرد.

دووشەممە ٦ / ١٠ / ٢٠٢٥ لە بارەگای مەکتەبی سیاسی لە شاری هەولێر، هاوڕێ ئەبوکاروان سکرتێری کۆمیتەی ناوەندیی حزبی شیوعیی کوردستان و ژمارەیەک لە ئەندامانی مەکتەبی سیاسی، پێشوازییان لە مەکسیم رۆبین، کونسڵگەری گشتیی کۆماری روسیای فیدڕاڵ کرد.

ئامانجی سەردانەکە، بەبۆنەی سەرکەوتنی کۆنگرەی هەشتەم و هەڵبژاردنی سکرتێری کۆمیتەی ناوەندی و ستافی نوێی کۆمیتەی ناوەندی و مەکتەبی سیاسی بوو.

هەر لەدیدارەکەدا بارودۆخی سیاسی رۆژهەڵات و ناوچەکە بەگشتی تاوتوێ کرا.

04/10/2025

کۆمیتەی ناوەندی حزبی شیوعیی کوردستان ڕاگەیەنراوێک لە بارەی دۆخی سیاسی بڵاودەکاتەوە

دەقی ڕاگەیەنراوەکە:

لە ڕێکەوتی ٤ی تشرینی یەکەمی ٢٠٢٥، کۆمیتەی ناوەندی حزبی شیوعیی کوردستان کۆبوونەوەی ئاسایی خۆی لەبارەی بارودۆخی سیاسی و هەڵبژاردنی پەرلەمانی عێراق ئەنجامدا.

♦گفتوگۆ لەسەر ڕووداوە جیهانییەکان و کاریگەرییان:
ڕووداوە خێراکانی ڕۆژهەڵاتی ناوەڕاست بەتایبەتی و جیهان بەگشتی بەهۆی گۆڕان لە پارسەنگی هێز و ئەگەر و لێکەوتەکانی لەسەر دۆخی عێراق و کوردستان، گفتوگۆی لەبارەوە کرا.
هەڵکشانی ئاراستەی نیولیبرالیزم و دەرئەنجامەکانی لەسەر پەیکەر و ڕۆڵی دەوڵەت بەئاراستەی خزمەتکردنی ناوەندی ئۆلیگارشی و کۆمپانیاکان و میکانیزمەکانی ئابووری بازاڕ لەسەر حسابی نەمانی ئاسایشی ئابووری و کۆمەڵایەتی و هەڵکشانی ڕێژەی هەژاری و بێکاری و پێشێڵکاری زیاتر لەسەر ماف و ئازادییەکان، تاوتوێکرا.

♦قەیرانی سیاسی لە کوردستان:
لە لایەکی ترەوە، بەردەوامی قەیرانی سیاسی و کارانەکردنەوەی پەرلەمانی کوردستان بە یەکێک لە مەترسییەکانی سەر شەرعیەتی میللی و دیموکراسی و قەوارەی هەرێمی کوردستان دانرا.
هەڵوێستی حزبی شیوعیی کوردستان کاراکردنەوەی پەرلەمانی کوردستانە لە زووترین کاتدا. لە حاڵەتی بەردەوامبوونی پەکخستنی پەرلەمان و دامودەزگا شەرعییەکان، جگە لە گەڕانەوە بۆ ئیرادەی خەڵک و ئامادەکاری بۆ هەڵبژاردنی پێشوەختەی پەرلەمانی کوردستان وەک بژاردەیەک بۆ دەرباز کردنی هەرێمی کوردستان، ئەمەش نەخشەڕێگا و ئیرادەی سیاسی دەوێت بۆ چارەسەرکردنی قەیرانەکان دوور لە عەقڵیەتی زۆنی تایبەتی هێزەکانی دەسەڵات.

♦هەڵبژاردنی پەرلەمانی عێراق:
لە بارەی دەستپێکردنی هەڵمەتی پرۆپاگەندەی هەڵبژاردنی پەرلەمانی عێراق جەخت لەسەر بەکارنەهێنانی دارایی و سامانی گشتی و ئیستغلاڵ کردنی هەستی ئاینی و دام و دەزگا ئاینییەکان دەکەینەوە لە پێناو دروستکردنی ژینگەیەکی یەکسانی کێبڕکێ لەسەر بنەمای دروستکردنی هەلی یەکسان کە تێیدا گوتاری عەقڵانی و پێشکەشکردنی بەرنامەی جێگرەوە لە پێناو خزمەتکردنی هاوڵڵاتییان ببێتە بنەمای ململانێی پارت و لیستەکانی هەڵبژاردن.
ئەمەش وادەکات لەدوای هەڵبژاردن هاووڵاتییان جارێکی تر ڕووبەڕووی نائومێدی نەبنەوە و هەڵبژاردن وەک میکانیزمێک بتوانێت لە خزمەتی دیموکراسیەت و ماف و ئازادییەکانی و شکۆی هاونیشتیمانیاندا بێت، نەک بەرژەوەندی تەسکی لایەنە سیاسییەکان.

♦بڕیارەکان:
لە کۆتایی کۆبوونەوەکەدا، ژمارەیەک بڕیار و ڕاسپاردە لەسەر ئەو بنەمایانەی سەرەوە بۆ کاراکردنی زیاتری ڕۆڵی حزب لە پێناو داکۆکیکردن لە چین و توێژە پەراوێزخراوەکان وەرگیرا.

کۆمیتەی ناوەندی حزبی شیوعیی کوردستان
٤ی ١٠ی ٢٠٢٥

03/10/2025

♦هاوسەری شەهیدێک بەربژێری شیوعییەکانی کوردستانە، بۆ ئەنجومەنی نوێنەرانی عێراق.

‌‌♦دەنگ بدە بە ثائره یوسف عەزیز کاندید بەژمارە (۳٤۲) لە کۆتای پێکهاتەکان؛ حزبی شیوعیی کوردستان پشتیوانی دەکات

01/10/2025

🔴مەكتەبی سیاسی حزبی شیوعیی كوردستان كۆچی دوایی هاورێی سەركردە عومەر عەلی شێخ ڕادەگەیەنێت .

بەخەم و كەسەرەوە ئەمرۆ سەر لەبەیانی هاورێی سەركردە عومەر عەلی شێخ لە ماڵەكەی خۆی لە شاری هەولێر كۆچی دواییكرد .
هاوڕێ عومەر عەلی شێخ ناسراو بە ئەبو فاروق لە ساڵی ۱۹۲٤ لە شاری سلێمانی لە دایكبووە، لە ساڵی ١٩٤٦ پەیوەندی بە حزبی شیوعیی عێراق كردووە.
لە دوای كودەتای شومی ساڵی ١٩٦٣ لە شاری كەركووك سەرپەرشتی ڕێكخستنەكانی حزب دەكات و چاپخانەی نهێنی حزب لەم شارەدا دەرباز دەكات و ڕەوانەی شاخی دەكات، لە ساڵی ١٩٦٤ بووەتە ئەندامی كۆمیتەی ناوەندی و پاشان مەكتەبی سیاسی حزبی شیوعیی عێراق هەتا كۆنگرەی پێنجەمی حشع لە ساڵی ١٩٩٣ و لەسەر پێشنییاری خۆی و بۆ ڕێگا خۆشكردن بۆ گەنجەكان خۆی كاندید ناكاتەوە.

لە سەردەمی پاشایەتی و دوای كودەتای بەعس چەند جارێك دەستگیركراوە و بە لێهاتوویی خۆی و توانیویەتی بەربەستی زیندان ببڕێت و هاوڕێ زیندانییەكانیشی لەگەڵ خۆی دەرباز كردووە.

لەدوای راپەڕین و كۆنگرەی پێنجەمی حشع بەردەوام بووە لە كاری ڕێكخستن و سەركردایەتی كردنیان بە تایبەتی لە ناوەڕاست و باشووری عێراق
لەگەڵ ڕاگەیاندنی حزبی شیوعیی كوردستان لە ٣٠-٦-١٩٩٣ بە سكرتێری كۆمیتەی ناوەندی هەڵدەبژێردرێت و پاشان خۆی بۆ ئەركی تر تەرخان دەكات و داوا لە كۆمیتەی ناوەندی دەكات هاوڕێیەكی تر بۆ شوێنی ئەو هەڵبژێرن و هاوڕێی سەركردە كەریم ئەحمەد ئەركی سكرتێری كۆمیتەی ناوەندی دەگرێتە ئەستۆ.
بەناوی مەكتەبی سیاسی جارێكی تر پرسەی خۆمان بۆ كەس و كار و تەواوی هاورێیان ڕادەگەیەنین بە تایبەتی بۆ هاورێ‌ پەخشان زەنگەنە هاوسەری هاورێ‌ عمر عەلی شێخ .

مەكتەبی سیاسی حزبی شیوعیی كوردستان
١ / ١٠ / ٢٠٢٥

01/10/2025

حبی شیوعیی كوردستان هەواڵی كۆچی دوایی سەركردە ئەبو فاروق رادەگەیەنێت

ئەمڕۆ 1/10/2025 هاوڕێی سەركردە و خەباتگێڕی رۆژە سەختەكان و یەكەم سركرتێری كۆمیتەی ناوەندی حزبی شیوعیی كوردستان كۆچی هەتایی كرد و بەم هۆیەوە مێژووی خەبات و تێكۆشانی گەلی كورد كەسایەتی و سەركردەیەكی رۆشنبیر و بوێری لەدەستدا.

هاوڕێ‌ (عومەر عەلی شێخ) ناسراو بە( ئەبو فاروق) لە ساڵی 1948 ئەندامی دەستەی دامەزرێنەری یەكیەتی لاوانی دیموكراتی عێراق و قوتابیان بووە، لە ساڵی 1964 دەبێتە ئەندامی كۆمیتەی ناوەندی حزبی شیوعیی عێراق و لە ساڵی 1993 لە كۆنگرەی پێنجەمدا بە سكرتێری كۆمیتەی ناوەندی حزبی شیوعیی كوردستان هەڵدەبژێردرێت.

ناوبراو لەتەمەنی تێكۆشانیدا چەندین جار دەستگیر كراوە و سەرپەرشتی دەیان چالاكی كردوەو لە بواری رێكخراوەیشدا سەركەوتوانە تەواوی كارەكانی بەسەركەوتوویی ئەنجام داوە، ئەبو فاروق لەسەردەمی لاویەتیدا بەكادیرێكی پێشكەوتووی حزب ناسرابوو كە لە هەموو بوارە سیاسی و دیبلۆماسیەكاندا رای تایبەتی خۆی هەبوە و توانیویەتی رۆڵیكی بەرچاوی ئاشتەوایی لەنێوان حزبەكان بگێڕێ‌ و تەواوی بەرپرسانی باڵای پارتەكانی شاخ و شار پێشنیار و ئاشتەواییەكەی ئەویان بەهەند وەرگرتووە.

هەروا لە شكستەكان توانیویەتی رۆڵێكی بوێرانە
لەهەستانەوەو بگێڕێ‌. لە كاری نهێنیشدا سەركردەیەكی هێندە كارا بووە رژێمی ئەوكات هەموو توانای خۆی بەكارهبێناوە نەیتوانیوە بیدۆزێتەوەو رێكخستنەكانی هەڵوەشێنێتەوە، كەسێكی بەتوانا بووە لەبواری رێكخستن و پاراستنی نهێنییەكان.

بەداخەوە ئەمڕۆ ئەو كەسایەتییە سیاسیە كۆچی دوایی كرد و نیگەرانی و پرسەی خۆمان و هاوڕێیان و خانەوادەكەی ڕادەگەیێنین.

حزبی شیوعیی كوردستان
1/10/2025

29/09/2025

ئەبو کاروان: یاساکانی هەڵبژاردن لە بەرژەوەندی حزبە دەسەڵاتدارەکانە

لە گەرمیان، کۆڕێک بۆ سکرتێری کۆمیتەی ناوەندی حزب، تایبەت بەهەڵبژاردن سازکرا

پاشنیوەڕۆی ئەمڕۆ، مەڵبەندی گەرمیانی حزبی شیوعیی کوردستان، کوڕێکی تایبەت بەهەڵبژاردنی ئەنجومەنی نوێنەرانی عێراقی بۆ هاوڕێ ئەبو کاروان سکرتێری کۆمیتەی ناوەندی حزبمان سازکرد.

لە کۆڕەکەدا ژمارەیەک لەهاوڕییانی ڕێکخستنەکانی سەر بەمەڵبەند و پێشمەرگە دێرینەکان و ئافرەتان و زیندانیانی سیاسی ئامادەبوون.

سەرەتای کۆڕەکە چەند ساتێک وەستان بۆ ڕێزلێنان لە گیانی پاکی شەهیدان دەستیپێکرد.
دواتر هاوڕێ پێشڕەو ئەندامی کۆمیتەی ناوەندی و سکرتێری مەڵبەندی گەرمیان، بەخێرهاتنی ئامادەبوانی کرد و تیشکی خستە سەر ئامانج لە سازدانی کۆڕەکە .

دواتر، هاوڕێ ئەبو کاروان، باسی لەپرۆسەی هەڵبژاردنی ئەنجومەنی نوێنەرانی عێراق کرد کە بەپێی یاسای هەموارکراوی سانتلیگۆ بەڕێوەدەچێت و وتی: یاساکە بەجۆرێکە گەیشتن بە پەرلەمان ئاسان نییە و تەها لەبەرژەوەندی حزبە خاوەن دەسەڵاتەکانە و ئێمە لەگەڵ ئەم یاسایەدا نەبوینە. هەروەها سەبارەت بە چۆنیەتی بەشداری کردنی حزبی شیوعی کوردستان لە هەڵبژاردنی داهاتوی ئەنجومەنی نوێنەرانی عێراق. هاوڕێ ئەبو کاوان وتی: ئێمە پشتیوانی لەکاندیدێکی سەربەخۆی پێکهاتەکان دەکەین و ئەرکی هەموومانە کاری بۆ بکەین و هەوڵی جدی بۆ سەرخستنی بدەین، داواشی لە تەواوی شیوعییەکان کرد، بۆ ئەو مەبەستە هەموو توانای خۆیان بەگەڕ بخەن.

لەکۆتایدا، ئامادەبووان بەپرسیار و موداخەلە و تێبینیەکانیان بەشدارییان کرد لە کۆڕەکە و هاوڕێ ئەبو کاروانیش وەڵامی پرسیار و تێبینییەکانی دایەوە.

24/09/2025

حزبی شیوعی كوردستان و كۆمەڵی دادگەریی هەماهەنگی لایەنەکانی ئۆپۆزسیۆن بەگرنگ دەزانن

ئەمڕۆ چوارشەممە ٢٤-٩-٢٠٢٥ شاندێکی باڵای حیزبی شیوعی کوردستان پێکهاتبوو لە هاوڕێیان ئەبو کاروان سکرتێری کۆمیتەی ناوەندی و سوبحی مەهدی، باباعەلی جەباری ئەندامانی مەكتەبی سیاسیی، ڕێباز هاشم ئەندامی کۆمیتەی ناوەندی، نەبەز مستەفا ئەندامی مەکتەبی پەیوەندییەکانی ناوەندی ، سەردانی کۆمەڵی دادگەری کوردستان یان کرد.

لەلایەن مامۆستا عەلی باپیر سەرۆکی کۆمەڵی دادگەریی کوردستان وژمارەیەک لە ئەندامانی سەرکردایەتی، پێشوازی لە شاندی حزب کرا.

سەرەتا هاوڕێیان پیرۆزبایی بەستنی کۆنگرەی پێنجەم و هەڵبژاردنەوەی م.عەلی باپیریان بە سەرۆکی کۆمەڵی دادگەریی کوردستان کرد.

پاشان هەردوولا باسیان لە ڕەوشی سیاسیی هەرێمی کوردستان و دۆخی خراپی ژیان و گوزەرانی فەرمانبەران و کارکردن لەسەر خاڵە هاوبەشەکانی نێوان هەردوو لا بە تایبەت و هەماهەنگی لایەنەکانی ئۆپۆزسیۆن بە گشتیی كرد.

23/09/2025

شاندێکی باڵای حزبی شیوعیی کوردستان سەردانی حزبی زەحمەتکێشانی کرد

ئەمڕۆ سێشەممە ۲۳ / ٩ / ٢٠٢٥ شاندێکی باڵای حزبمان بە سەرکردایەتی هاوڕێ ئەبو کاروان سکرتێری کۆمیتەی ناوەندی لەگەڵ ئەندامانی مەکتەبی سیاسی و کۆمیتەی ناوەندی، سەردانی حزبی زەحمەتکێشانی کوردستانی کرد.

مەبەستی ئەم سەردانە پیرۆزبایی کردن بوو لە سەرکەوتنی کارەکانی کۆنگرەی ١٢هەم و هەڵبژاردنی سەرکردایەتی نوێی حزبی زەحمەتکێشان.

لەلایەن بەڵێن عەبدولڵا سکرتێری حزبی زەحمەتکێشان و ئەندامانی مەکتەبی سیاسی پێشوازی گەرم لە شاندی حزبی شیوعی کرا.

وێڕای پیرۆزبایی، لەم دیدارەدا باسی ئەم بابەتانە کرا:
▪️ دۆخی سیاسی کوردستان و ناوچەکە
▪️ ژیان و گوزەرانی خەڵک
▪️ ئەرکی هێزە چەپەکان بۆ بەرگری لە ئازادی و مافەکانی جەماوەر
▪️ هەماهەنگی و کاری هاوبەش لە لیژنەی کاری هاوبەشی چەپی کوردستان.

هەروەها جەختکرایەوە لەسەر بەهێزکردنی زیاتر و بەردەوامی دان بە پەیوەندی مێژوویی و دۆستانەی هەردوو حزب.

17/09/2025

عوسمان زیندانی، ئەندامی سەرکردایەتی حیزبی شیوعی:

♦حزبی شیوعی، حزبی هەڵوێستە گەورەکانە!

♦بڕوامان بە مەفهومی برا گەورەیی نییە، هەر ئەو مەفهومە کوردستانی بەم دەردە بردووە.

♦ئێمە دەمانەوێت هەموو لایەنکان، چەترێک هەڵبدەین گەل لەژێریدا بە ئاسوودەیی و ئارامی بژی!

♦ئێمە دابڕانی گشتیمان نەداوە بەرامبەر هیچ لایەنکی سیاسی، بەڵام پێ بەپێ لەگەڵ نەخشە و پلانەکان و ئەو ئامانجانەی لەگەڵ بەرژەوەندی گشتیی خەڵک دەگونجێت هەنگاو دەنێین!

17/09/2025

حیزبی شیوعی بەشداری لەڕۆژی نیشتمانیی میللی چین دەكات
رێگای کوردستان

ئێوارەی ڕۆژی سێشەممە ٢٠٢٥/٩/١٦ ،بەئامادەبوونی هاوڕێیان ئەبو کاروان سکرتێری کۆمیتەی ناوەندی ودکتۆر کاوە مەحمود سکرتێری پێشوو و هیواعومەر جێگیری سکرتێر و نەبەز مستەفا ئەندامی پەیوەندییەکانی ناوەندی، بەشدای مەراسیمی ڕۆژی میللی چین بوون.
مەراسیمی ٧٦ ساڵەی دامەزراندنی کۆماری میللی چین، لەلایەن كونسڵخانەی وڵاتی چین لەشاری هەولێر ڕێکخرابوو و نوێنەری حزب و لایەنە سیاسیە کوردستانییەکان و بەرپرسانی حکومی ئامادەی بوون، بەو بۆنەیەوە بروسكەی مەكتەبی سیاسی حیزبی شیوعی گەیەنرایە کونسوڵی چین وڕێکخەرانی مەراسیمەکە.

دەقی پیرۆزباییەکەی حزب
بۆ کۆنسوڵخانەی گشتی کۆماری میللی چین لە هەولێر
بروسکەی پیرۆزبایی …..
بە بۆنەی 76هەمین ساڵیادی دامەزراندنی کۆماری میللی چین، حزبی شیوعی کوردستان گەرمترین و دڵسۆزانەترین پیرۆزبایی خۆی ئاراستەی سەرکردایەتی کۆماری میللی چین، حزبی شیوعی چین، و گەلی چینی خۆڕاگر دەکات.
هەردوو حزبمان، حزبی شیوعی کوردستان و حزبی شیوعی چین، خاوەنی پەیوەندییەکی قووڵ و مێژووییین،کە لە بەها ئایدیۆلۆژییە هاوبەشەکان و خەباتی هاوبەش بۆ دادپەروەری ، پێشکەوتن، و خۆشگوزەرانی گەلەکانمان ڕەگی داکوتاوە، ئەم هاوڕێیەتییە بنەمای سەرەکی پەیوەندییەکانی نێوانمان بووە، کە لێکتێگەیشتن و هاوپشتیی هاوبەشی پتەو کردووە.
ئێمە بە قووڵی بەهای دۆستایەتی بەهێز و بەردەوام لەنێوان گەلی کوردستان و گەلی چین بەرز دەنرخێنین، پەیوەندییەک کە بە بەردەوامی لەلایەن کۆنسوڵخانە بەڕێزەکەتان لە هەولێر پارێزراوە و بەهێز کراوە. ئێمە بە گرنگییەوە لە دەستکەوتە سەرسوڕهێنەرەکانی چین لە بواری گەشەپێداندا و تەکنۆلۆژیا ، ڕۆڵی گرنگی لە کاروباری نێودەوڵەتیدا، و پابەندبوونی نەگۆڕی بە ئاشتی و هاوکاری جیهانییەوە دەروانین.
دڵنیاین کە ئەو پەیوەندییەی نێوانمان و پەیوەندی پتەوی نێوان هەرێمی کوردستان و کۆماری میللی چین بەردەوام دەبن لە گەشەکردن و فراوانبوون، کە دەبێتە مایەی خۆشگوزەرانی هەردوو نەتەوەکەمان و پێشخستنی ئامانجە سۆسیالیستییەکان لە سەرانسەری جیهاندا، جەخت لەسەر بەهێزبوون و بەردەوامی پەیوەندی نێوانمان دەکەینەوە،
مەکتەبی سیاسی
حزبی شیوعی کوردستان

15/09/2025

کۆمەڵە ڕێکخراوی کوردستانی حزبی کۆمۆنستی ئێران سەردانی حزبی شیوعی کوردستان دەکات.

ئەمڕۆ دووشەمە 2025/9/15 لە شاری سلێمانی هاوڕێیان ئەبو کاروان سکرتێری کۆمیتەی ناوەندی و هیوا عومەر جێگری سکرتێر و هاوڕێیان نیعمەت مەعروف ئەندامی مەکتەبی سیاسی و عوسمان زیندانی و فاخیر شەهید زاهیر ئەندامانی کۆمیتەی ناوەندی حزبی شیوعی کوردستان، پێشوازیان کرد.لە شاندێکی کۆمەڵەی ڕێکخراوی کوردستانی حزبی کۆمۆنستی ئێران کە پێکهاتبوون لە هاوڕێیان ئیبراهیم عەلی زادە سکرتێری کۆمەڵە و سەعیدی ئەمانی و سروە ناسڕی و هاوڕێ لوقمان و هاوڕێ فواد ئەندامانی کۆمیتەی ناوەندی،
سەردانەکە بەمەبەستی گەیاندنی پەیامی، پیرۆزبایی سەرکەوتنی کۆنگرەی حزبی شیوعی و دووپاتکردنەوەی پەیوەندی دۆستانەی نێوان هەردوو حزب بوو.
هاوکات بارودۆخی سیاسی کوردستان و عێڕاق و ناوچەکە و ئەو مەترسیانەی ڕوبەڕووی هەرێمی کوردستان دەبێتەوە، تەوەرێکی دیکەی گفتوگۆکان بوو.

15/09/2025

حزبی شیوعی و حزبی کۆمۆنیستی کرێکاری کۆبوونەوە

لە ڕێكەوتی ۱٥ / ٩ / ٢٠٢٥ لە بارەگای حزبی شیوعی لە شاری سلێمانی، هەردوو مەكتەبی سیاسی حزبی شیوعیی كوردستان و حزبی كۆمۆنیستی كرێكاریی كوردستان، كۆبوونەوە.
كۆبوونەوەكە لە ئاستی باڵای هەردوو حزب بوو، بە ئامادەبوونی سكرتێر و جێگری سكرتێر و ژمارەیەك لە ئەندامانی مەكتەبی سیاسی و كۆمیتەی ناوەندی بەرێوەچوو .

تەوەری كۆبوونەوەكە چۆنیەتی یەكخستنی هێز و تواناكانبوو لە پێناو داكۆكیكردن لە پرسەكانی ئەمرۆی كۆمەڵگەكەمان لە چوارچێوەی دابینكردنی: «نان، كار، ئازادی» لە كاتێكدا تا دێت مەترسییەكانی سەر ئاسایش و ماف و ئازادییەكان زیاتر هەڵدەكشێت.
لە كۆبونەوەكەدا ژمارەیەك بریار و راسپاردە لەو بارەیەوە وەرگیران.

حزبی كۆمۆنیستی كرێكاریی كوردستان – حزبی شیوعیی كوردستان
ــ سلێمانی ۱٥ / ٩/ ٢٠٢٥

ڕاگەینراوی رۆژنامەوانی

حزبی شیوعیی کوردستان

06/10/2025

04/10/2025

03/10/2025

01/10/2025

01/10/2025

29/09/2025

24/09/2025

23/09/2025

17/09/2025

17/09/2025

15/09/2025

15/09/2025

Address

Website

Alerts

Contact The Business

Shortcuts

Share

Category