D.Media & Laws Conference

04/09/2024

سەرجەم توێژینەوە پێشکەشکراوەکانی «دووەمین کۆنفرانسی نێودەوڵەتیی زانستیی میدیای دیجیتاڵیی و کاریگەرییەکانی لەسەر ئاسایشی کۆمەڵگە لە سایەی یاسا نێوخۆیی و نێودەوڵەتییەکاندا» لە کتێب و ماڵپەڕی کۆنفرانس-دا چاپ و بڵاوکرانەوە. بەجۆرێک سەرجەم توێژینەوەکان بوون بە خاوەنی DOI و کتێبیەکەیش خاوەنی ISBNی خۆیەتی و توێژەران دەتوانن بۆ بەرزکردنەوەی پلەی زانستیی لێی سوودمەندبن. بۆ خوێندنەوەی دەقی هەر 39 توێژینەوە پێشکەشکراوەکەی کۆنفرانس؛ دەتوانن سوود لەم بەستەرەی خوارەوە ببینن:

https://dmedialaw24.spu.edu.iq/conference-proceeding

لیژنەی ڕاگەیاندن و تەکنۆلۆژیای زانیاریی کۆنفرانس

28/04/2024

ماڵپه‌ڕ: https://www.kurdistan24.net/فه‌يسبووكى به‌شى سۆرانى: https://www.facebook.com/kurdistan24.official/تويته‌رى سۆرانى: https://twitter.com/kurdistan24t...

28/04/2024

#ڕاسپارده‌كانی_دووەمین_کۆنفرانسی نێودەوڵەتیی زانستیی میدیای دیجیتاڵیی و کاریگەرییەکانی لەسەر ئاسایشی کۆمەڵگە لە سایەی یاسا نێوخۆیی و نێودەوڵەتییەکاندا

١. ڕاسپاردنی دامەزراوەكانی ماس میدیای جەماوەری و پێگە ئەلكترۆنییە فەرمییەكان لە هەرێمی كوردستان، بەهەماهەنگی لەگەڵ وەزارەتی رۆشنبیری و لایەنە پەیوەندیدارەکان كەمپینی میدیایی نیشتمانیی درێژخایەن رێكبخەن، تایبەت بە بازاڕگەریی كۆمەڵایەتی لە فۆڕمی كورتە دراماو سپۆت پروشۆر و بڵاوكراوەی ئەلكترۆنی سەر شەقامەكان، له‌سه‌ر لێكەوتە نەرێنییەكانی خراپ بەكارهێنانی دیجیتاڵ میدیا بۆ سەرخێزان و ئاسایشی كۆمەڵگە.

٢. ده‌رچواندنی یاسایەکی نوێ کە بەشێوەیەکی هەمەلایەنە پەیوەندی نێوان دیجیتاڵ میدیا و ئاسایشی كۆمه‌ڵگه‌، و ژینگەی ئەلیکترۆنی لە هەرێمی كوردستان ڕێکبخات، له‌گه‌ڵ ده‌قكردن له‌سه‌ر سه‌رجه‌م تاوانە ئەلیکترۆنییەکان بە ئیبتزازی منداڵانیشەوە له‌ ڕێگای میدیای دیجیتاڵی.

٣. ڕاسپاردنی دامەزراوەكانی دەوڵەت و رێكخراوەكانی NGO ، بۆ كردنه‌وه‌ی خ*لی هۆشیاریی و پەروەردەیی و رۆشنبیریی بەردەوام لە بواری بەكارهێنانی دروستی ئامرازەكانی تۆڕی كۆمەڵایەتی و پلاتفۆرمە ئەلكترۆنییە جۆراوجۆرەكان لە پێناو بڵاوكردنەوەی هۆشیاریی له‌سه‌ر گرنگیدان بە بەیەكگرتوویی خێزان و خراپ بەكارنەهێنانی ئەو ئامرازانە كە دەبنە مایەی زیان و هەڵوەشاندنەوەی خێزان.

٤. هێنانه‌كایه‌ی ئۆرگانێکی سەربەخۆ بۆ سەرپەرشتیکردن و چاودێریکردنی دەزگاکانی ڕاگەیاندن و دیجیتاڵ میدیا، و پلاتفۆرمی سۆشیال میدیا له‌ پێناو ئەوەی میدیا ببێتە ئامرازێکی باش بۆ خزمەتکردنی بەرژەوەندییە گشتی و تایبەتەکان (تاک و کۆمەڵگە، و میللەت). لەگەڵ چاودێریکردنی پلاتفۆرمی سۆشیال میدیا لەلایەن ئه‌م ئۆرگانه‌وه‌ بۆ ڕێگریکردن لە تاوانەکان و کەمکردنەوەی دەنگۆی نه‌رێنی. ئه‌ركێكی دیكه‌ی ئه‌م ئۆرگانه‌ هۆشیاركردنه‌وه‌ی بەکارهێنەرانی ئینتەرنێت بەتایبەت گەنجان سەبارەت بەو یاسایانه‌ی ئه‌م بواره‌ ڕێكده‌خات به‌ تایبه‌ت ئه‌و برگه‌ و مادده‌ یاساییانەی کە بەکارهێنانی نەرێنی ئینتەرنێت بە تاوان دەزانن، لەنێویاندا تۆڕە کۆمەڵایەتییەکان.

٥. ڕاسپاردنی دامەزراوە یاساییەکان و لایەنە پەیوەندیدارەکان لەهەرێمی کوردستاندا ، بۆ چڕكردنه‌وه‌ی چاودێری وردی سه‌ر بەرهەم و پەیامەکانی پلاتفۆڕمەکانی سۆشیال میدیا لە روانگەی پاراستنی ئاسایشی کۆمەڵگە و ئیتیک و بەهاو نەریتەکانی کۆمەڵگەی کوردەواریی لە پێناو زیاتر ئاشنابوونی تاکەکانی گۆمەڵگەی کوردەواری بە لایه‌نی ئەرێنی و نەرێنییەکانی بەکارهێنانی میدیای دیجیتاڵی.

٦. لێکۆڵینەوە لەو هۆکارانە بكرێت کە بۆچی هاووڵاتیان و ڕۆژنامەنووسان پشت بە یاسای مافی دەستڕاگەیشتن بە زانیاری نابەستن بۆ داوای زانیاری لەو لایه‌نانه‌ی کە لە یاساکەدا دیاری کراوە كه‌ سەرەڕای تێپەڕبوونی (10) ساڵ بەسەر دەرچوونی یاسای مافی دەستگەیشتن بە زانیاری لە هەرێمی کوردستان، بە دەگمەن پەنا بۆ دەسەڵاتی دادوەری گیراوە بۆ پاراستنی ئەو مافە.

٧. هاندانی دامەزراوەكانی پەروەردەو خوێندنی باڵاو توێژینەوەی زانستی و دامەزراوە حكومییەكان لە رێگەی وانەكان و خ*ل و سیمیناری تایبەت لە بارەی گرنگیدان بە چەمكەكانی ئاسایشی كۆمەڵگە و كەلتووری پێكەوەژیان و ئاشتەوایی كۆمەڵایەتی لە نێوان تەواوی ئەتنیك و ئایین و ئاینزاكان لە كۆمەڵگەی كوردستانی و عێراقیدا. بەو پێیەی ئازادی ڕادەربڕین ناتوانرێت وازی لێبهێنرێت و سانسۆركردنی ئه‌سته‌مه‌، بەڵکو دەبێت لە چوارچێوەی یاسادا ڕێك بخرێت كه‌ شەفافیه‌تی هه‌بیت.

٨. بەرەوپێشبردنی هۆشیاری لە بنەماکانی فیقهی ئیسلامی پەیوەست بە مافی خاوەندارێتی بۆ بەرهەم و بەرهەمە دیجیتاڵی و نووسراو و بینراوەکان کە لە ئەنجامی دیجیتاڵ میدیاوە هاتوونەتە ئاراوە، و هاندانی کۆمەڵگا بۆ پابەندبوون پێیانەوە.

28/04/2024

پۆلیتەکنیکی سلێمانی و نۆڵج بە سەرکەوتوویی کۆتاییهات

دووەمین کۆنفرانسی نێودەوڵەتیی زانستیی هاوبەشی زانکۆی پۆلیتەکنیکی سلێمانی و نۆڵج بە ناونیشانی «میدیای دیجیتاڵیی و كاریگەرییەكانی لەسەر ئاسایشی كۆمەڵگە لە سایەی یاسا نێوخۆیی و نێودەوڵەتییەكاندا» لە رۆژی یەکشەممە (28ی نیسانی 2024)دا کۆتاییهات و بڕوانامەی رێزلێنان و بەشداربوون بەسەر توێژەران و سەرۆک و ئەندامانی لیژنەکانی زانستیی، ئامادەکاریی، راگەیاندن و تەکنۆلۆژیای زانیاریی کۆنفرانس دابەشکرا .

لە رێورەسمێکدا کە لە ماوەی دوو رۆژدا لە زانکۆی نۆڵج بەڕێوەچوو، تیایدا 41 توێژینەوە لە بوارەکانی یاسا و میدیا پێشکەشکران و لە کۆتاییدا؛ وتاری لیژنەی زانستیی کۆنفرانس لەلایەن لە لایەن پ.د.هێرش رەسوڵ خوێنرایەوو. لە وتارەکەدا وێڕای جەختکردنەوە لە بایەخ و گرنگیی سازدانی کۆنفرانسێکی لەمشێوەیە؛ ئاماژەی بە گرنگیی درێژەدان بە هاوکاریی و هەماهەنگیی زانکۆی پۆلیتەکنیکی سلێمانی و زانکۆی نۆڵج لە دووبارە رێکخستنی کۆنفرانسی هاوشێوە کرد.

پاشتر د.ئەنوەر عومەر قادر؛ سەرۆکی بەشی یاسا لە کۆلێجی یاسا و پەیوەندییە نێودەوڵەتییەکانی زانکۆی نۆڵج راسپاردەکانی کۆنفرانسی خوێندەوە. پاشان خەڵاتی رێزلێنان بەخشرایە توێژەرانی بەشداربوو لە کۆنفرانس و سەرۆک و ئەندامانی لیژنەکانی زانستیی، ئامادەکاریی، راگەیاندن و تەکنۆلۆژیای کۆنفرانس کە رۆڵی گرنگ و سەرەکییان لە رێکخستنی کۆنفرانسدا هەبوو.

28/04/2024

لە دووەم رۆژی كۆنفرانسی نێودەوڵەتی میدیای دیجیتاڵیی و كاریگەرییەكانی لەسەر ئاسایشی كۆمەڵگە لە سایەی یاسا نێوخۆیی و نێودەوڵەتییەكاندا، كە بە هاوبەشی زانكۆی پۆلیتەكنیكی سلێمانی و نۆلج لە هەولێر بەڕێوەچوو، ژمارەیەكی تر توێژینەوەی زانستی سەبارەت بە بەكارهێنانی دیحیتاڵمیدیا لە كایە جۆراوجۆرەكاندا لەژێر ئەم ناونیشانانەی خوارەوە پێشكەشكران:

١- مصرف اینستاگرام در ایران: تحلیل محتوای ترکیبی صفحه‌ی شاخ‌های مجازی. د.نافع باباصفري، سحر بابا صفري | تهران- جمهورى اسلامي ايران. د.اسماعیل عثمان| زانکۆی سلێمانی.

٢- اثربخشی فناوری‌های نوین ارتباطی بر یادگیری درس علوم در دانش‌آموزان پایه هفتم شهر جوانرود. د.آزاد الله کرمي، د.أمیر محمدي | فرهنگیان- جمهورى اسلامي ايران.

٣- استخدامات الدبلوماسيين الكورد للإعلام الرقمي وتفاعلهم معه دراسة مسحية لإستخدامات عينة من أفراد ممثليات حكومة إقليم كوردستان -العراق للإعلام الرقمي. أ.م.د. بەهات حەسیب | زانکۆی پۆلیتەكنیكی هەولێر.

٤- ڕۆڵی فەیسبووک لە بەرزکردنەوەی ئاستی هۆشیاری تەندروستی قوتابییانی زانکۆ؛ توێژینەوەیەکی ڕووپێوییە. د. سه‌ركه‌وت وەیسی كەریم، م.ی. بەختیار حەمید | زانکۆی سەڵاحەدین.

٥- ئاستی بەکارهێنانی زیرەکیی دەستکرد لە بەرهەمهێنانی ناوەڕۆکی راگەیاندنی ژمارەیی کوردییدا. پ.د.هێرش رەسوڵ، گۆران زیاد سمایل | زانکۆی پۆلیتەکنیکی سلێمانی.

٦- تێڕوانینى چالاکانى تیکتۆک لەبارەى ئیتیک و یاساکانى بڵاوکردنەوە: هەرێمى کوردستان وەک نموونە. م.ی.بریار جەلال | زانکۆی پۆلیتەکنیکی سلێمانی، د. هونەر رەسول، م.ی. ئەركان جەبار | پەیمانگەی تەکنیکی سلێمانی.

٧- ڕۆڵی تۆڕە کۆمەڵایەتییەکان لە دروستکردنی گوتاری ڕقئامێز لە نێو گەنجاندا - فەیسبوک بەنموونە. م. د.چۆلی ئەسعەد، م.ی. کۆسرەت تەها محەمەدشاری | پەیمانگەی تەکنیکی سلێمانی.

٨- کاریگەرییەکانی بەکارهێنانی تۆڕی کۆمەڵایەتی فەیسبووک لەسەر هەرزەکاران. م.ی.کوێستان قادر | زانکۆی سلێمانی، م.ی.دەریا عەبدولوەهاب | پەیمانگەی تەکنیکی سلێمانی.

٩- توظيف الخطاب الاعلامي في تنمية الدبلوماسية الرقمية- تغريدات تويتر أنموذجاً؛ دراسة وصفية تحليلية. پ.د. یەحیا عومەر، پ.ی.د. رێبەر گۆران، پ.ی.د. باقر داود | زانکۆی پۆلیتەکنیکی سلێمانی

١٠- سردية التغطية الإعلامية لشبكة BBC الإخبارية في تناول الحرب بين حماس وإسرائيل.. د.هاوژین عومەر | زانکۆی سەڵاحەدین

11- The Prevalence & Impact of Artificial Intelligence Applications in Digital Media: A Systematic Methodical Investigation. Jamal Faeq Kakbra | Sulaimani Polytechnic University.

١٢- کاریگەرى تەکنۆلۆژیای میدیایی نوێ لەسەر دیپلۆماسیەتی ڕاگەیاندن لە هەرێمى کوردستاندا. پ.ی.د.کاروان عەبدوڵا | زانکۆی سلێمانی، د.هەرمن شێرکۆ | پەیمانگەی تەکنیکی دوکان.

١٣- تأثير المواقع الاجتماعية علي امن الأسرة في اقليم كردستان العراق؛ دراسة ميدانية. پ.ی.د. صادق حمه‌غریب | زانکۆی سەڵاحەدین.

١٤- معالجة قضايا التعايش السلمي في مواقع التواصل الاجتماعي لدى النخبة العراقية؛ دراسة تحليلية لعينة من صفحات الفيسبوك. پ.ی.د.شيركو جبار محمد، پ.ی. د. هژار محمد جلال | زانکۆی پۆلیتەکنیکی سلێمانی.

١٥- التسويق الالكتروني في سناب جات و أثرە على أقناع الزبائن. پ.ی.د. سارا موحسين | زانکۆی سەڵاحەدین.

١٦- قوربانیانی توندوتیژی زمانیی لە تۆڕە كۆمەڵایەتییەكاندا؛ تۆڕی تیك توك بەنمونە. د. ئیبراهیم عەبدولكەریم، د. نەجمەدین عەبدولكەریم | زانکۆی هەڵەبجە.

27/04/2024

27/04/2024

27/04/2024

ماڵپه‌ڕ: https://www.kurdistan24.net/فه‌يسبووكى به‌شى سۆرانى: https://www.facebook.com/kurdistan24.official/تويته‌رى سۆرانى: https://twitter.com/kurdistan24t...

27/04/2024

یەکەم رۆژی کۆنفرانسی هاوبەشی زانکۆی نۆڵج و پۆلیتەکنیکی سلێمانی بەڕێوەچوو

كارەكانی كۆنفرانسی نێودەوڵەتیی میدیای دیجیتاڵیی و كاریگەرییەکانی لەسەر ئاسایشی كۆمەڵگە لەسایەی یاسا نێوخۆیی و نێودەوڵەتییەکاندا؛ لەهۆڵی كۆنفرانسی زانكۆی نۆلج لەشاری هەولێر بەڕێوەچوو.

سەعات 10و 30 خ*لەكی پێشنیوەڕۆی 27/4 بەئامادەبوونی ژمارەیەك لەستافی ئەكادیمی هەر دوو زانكۆی پۆلیتەكنیكی سلێمانی و نۆلج و ژمارەیەكی زۆر لەتوێژەرانی ناوەوەو دەرەوەی هەرێمی كوردستان مەراسیمی دەستپێكردنی كۆنفرانسی نێودەوڵەتی دیجیتاڵ میدیا و كاریگەریی لەسەر ئاسایشی كۆمەڵگا لەسایەی یاسا نێوخۆیی و نێودەوڵەتی لەهۆڵی كۆنفرانسی زانكۆی نۆلج لەشاری هەولێر دەستیپێكرد.
سەرەتا مەراسیمەكە بەدەقیقەیەك وەستان بۆ گیانی پاكی شەهیدان و مارشی نیشتمانی عێراق و هەرێمی كوردستان دەستیپێكرد . پاشان چەند دیمەنێكی ڤیدیۆیی لەبارەی هەردوو زانكۆی پۆلیتەكنیكی سلێمانی و زانكۆی نۆلج نمایش كرا‌و تیایدا داتا سەبارەت بەژمارەی كۆلیژ و بەشەكانی زانكۆی پۆلیتەكنیكی سلێمانی و نۆلج و پلان و ئامانجەكانی هەردوو زانكۆكە خرایەڕوو.

د.ئەحمەد دزەیی سەرۆكی زانكۆی نۆلج وتاری هاوبەشی هەردوو زانكۆی پۆلیتەكنیكی سلێمانی و نۆلجی خوێندەوە.
لە وتارەكەیدا سەرۆكی زانكۆی نۆلج وێڕای بەخێرهێنانی ئامادەبووان ئاماژەی بە بایەخ و كاریگەریی توێژینەوەكانی پەیوەست بە دیجیتاڵمیدیاو كاریگەریی لەسەر كۆمەڵگا كرد، لەم سەردەمەدا كە بەكارهێنانی دیجیتاڵمیدیا ناكەوێتە ژێر هەژموون‌و كۆنترۆڵی هیچ یاسا و بەمەش كاریگەریی نەرێنی دەبێت لەسەر كۆمەڵگا. هاوکات داواشیكرد كارەكانی دیجیتاڵمیدیا بەیاسا رێكبخرێت بەجۆرێك كاریگەریی نەرێنی لەسەر كۆمەڵگا نەبێت و كۆمەڵگا لەلێكەوتە خراپەكانی بپارێزرێت.

هەر لەمەراسیمەكەدا قەڵغانی هەردوو زانكۆی پۆلیتەكنیكی سلێمانی و زانكۆی نۆلج لەلایەن د.بەختیار عوبێد یاریدەدەری سەرۆكی زانكۆی پۆلیتەكنیك بۆ كاروباری خوێندكاران و نوێنەری سەرۆكی زانكۆ بۆ كۆنفرانس و د.ئەحمەد دزەیی ئاڵوگۆڕكرا.
پاشان د.هێرش رەسوڵا راگری كۆلیژی تەكنیكی كارگێڕیی‌و سەرۆكی لیژنەی زانستی كۆنفرانس، وتاری كۆنفرانسی پێشكەشكرد.لەوتارەكەیدا راگری كۆلیژی تەكنیكی كارگێڕیی وتی: رێكخستنی كۆنفرانسەكە بەرهەمی شەش مانگ كاری بەردەوام و هاوبەشی هەردوو بەشی تەكنیكی میدیای كۆلیژی تەكنیكی كارگیڕیی زانكۆی پۆلیتەكنیكی سلێمانی و بەشی یاساو پەیوەندییە نێودەوڵەتییەكانی زانكۆی نۆلجە. وتیشی: لەمیانی كۆنگرەكەدا بیرۆكەی بایەخدار سەبارەت بەبەكارهێنانی ئاشتیانەی دیجیتاڵمیدیا دەخرێتەڕوو.

كۆنفرانسی نێودەوڵەتیی زانستیی میدیای دیجیتاڵیی و كاریگەرییەكانی لەسەر ئاسایشی كۆمەڵگە لەسایەی یاسا نێوخۆیی و نێودەوڵەتییەكاندا؛ بەبەشداریی توێژەران لە 16 زانكۆی نێوخۆیی و نێودەوڵەتیی 11 وڵاتی جیاواز بەڕێوەدەچێت و تیایدا 41 توێژینەوەی پەیوەندییدا بە 18 تەوەری میدیایی و یاسایی پێشكەشدەكرێت. ئەم کۆنفرانسە هاوبەشەی نێوان بەشی تەكنیكی میدیا لەكۆلیژی تەكنیكی كارگێڕی زانكۆی پۆلیتەكنیكی سلێمانی و بەشی یاسا و پەیوەندییە نێودەوڵەتییەكانی زانكۆی نۆلج؛ كە رۆژانی شەممە و یەکشەممە (27 و 28ی نیسانی 2024) لە هۆڵی کۆنفرانسی زانکۆی نۆڵج لە هەولێر بەڕێوەدەچێت درێژکراوەی یەکەمین کۆنفرانسی زانستیی میدیا و پرسی نەتەوەیی-ە؛ ساڵی 2019 لە لایەن زانکۆی پۆلیتەکنیکی سلێمانی لە هۆڵی هۆتێل تایتانیک لە سلێمانی رێکخرا.

فۆتۆ: سۆران حەسەن

27/04/2024

27/04/2024

وتاری لیژنەی زانستیی کۆنفرانس

27/04/2024

ئاڵوگۆڕی قەڵغانی زانکۆی پۆلیتەکنیکی سلێمانی و زانکۆی نۆڵج