قایمقامیەتى قەزای ناوەنديى هەولێر - قائممقامية قضاء مركز أربيل

  • Home
  • Iraq
  • Irbil
  • قایمقامیەتى قەزای ناوەنديى هەولێر - قائممقامية قضاء مركز أربيل

قایمقامیەتى قەزای ناوەنديى هەولێر - قائممقامية قضاء مركز أربيل لاپەڕەی فەرمی قایمقامیەتی قەزای ناوەندیی
هەولێر لە فەیسبوك
The Official FB page of Erbil Center District
hawlergov.org

District of Center of Erbil

This District encompasses three Sub-Districts: Ainkawa, Bahrka and Shamamk, and 379 villages. The Center of Erbil is situated in a plain area, and is neighbored by a chain of hills from the East and by the Greater Zab River from the West. The weather in the District is hot with dry air in summer, and cold with r ainfalls and low temperatures in winter. The spring is mi

ld and moderate but short, and the autumn is moderate too, waiting for the winter to come. This District is situated in the center of Erbil city and encompasses the lands that surround and neighbor the city.


قەزای سەنتەری شاری هەولێر

ئەم قەزایە سێ قەزای لاوەکی لەخۆدەگرێت: عەینکاوە، بەحرکە و شەمامک، و ٣٧٩ گوند. سەنتەری شاری هەولێر لە ناوچەیەکی دەشتایی هەڵکەوتووە، و لە ڕۆژهەڵاتەوە بە زنجیرە گردێک و لە ڕۆژئاواوە لە لای ڕووباری زابی گەورەوە دراوسێیەتی. کەشوهەوای قەزاکە گەرمە لەگەڵ هەوای وشک لە هاویندا، و ساردە لەگەڵ بارانبارین و پلەی گەرمی نزم لە زستاندا. بەهارەکە سووک و مامناوەندە بەڵام کورتە، پاییزیش مامناوەندە، چاوەڕێی هاتنی زستانە. ئەم قەزایە دەکەوێتە ناوەندی شاری هەولێر و ئەو زەویانە دەگرێتەوە کە دەورە دراون و دراوسێی شارەکەن.

لە هەولێر ..( ١٠ ) شوێن بەسەرکرایەوە، شوێنەکان وەک ( سەرتاشخانە شیرینەمەنی، کافتریا، چێشتخانە) ئەمشەو سێ شەممە ٢٠٢٥/١٠...
14/10/2025

لە هەولێر ..
( ١٠ ) شوێن بەسەرکرایەوە، شوێنەکان وەک ( سەرتاشخانە شیرینەمەنی، کافتریا، چێشتخانە)

ئەمشەو سێ شەممە ٢٠٢٥/١٠/١٤، لیژنەی پشکنین و چاودێریکردنی بازاڕ بە سەرپەرشتی ڕاستەوخۆی قایمقامیەتی قەزای ناوەندیی هەولێر، لە چوارچێوەی هەڵمەتی چاودێریكردنی بازار و ڕێگەگرتن لە ساخکردنەوەی خۆراکی ماوه‌ بەسەرچوو، لە شارى هەولێر ( ١٠ ) شوێن بەسەرکرایەوە.

دوای پشکنین و بەدواداچوون و لێپرسینەوە لە نرخ و كوالێتی شوێنەکان، ئەو شوێنانەی کە مۆڵەتی کارکردنیان بەسەرچوو بوو یان کەم و کوڕیی تریان هەبوو، هۆشداریان پێدرا لە زووترین کاتدا سەردانی قائیمقامیەتی ناوەندیی و لایەنی پەیوەندیدار بکەن بۆ نوێکردنەوەی مۆڵەتەکانیان و نەهێڵانى کەم و کوڕییەکانیان.

ئەو شوێنانەی جێگای دەست خۆشین
١- خواردنی خێرای ٩٩ گڕیل
٢- کافتریای بەبڵ تی
٣- ئارایشتگای یومیدل
٤- سەرتاشخانەی بلاک بیرد

ئەو شوێنانەی کەم و کوڕییان هەبوو پێویستە سەردان بکەن
١- کافتریای برێک زۆن
٢- سەرتاشخانەی کروکاتس
٣- سەرتاشخانەی مودێرن
٤- چێشتخانەی لیتڵ کۆریا
٥- شیرینی لومیل
٦- سەرتاشخانەی دریم باڕبەر

عەنکاوا..قایمقام و باڵیۆزی (غانا)، جەخت لە پتەوکردنی پەیوەندییەکانی نێوانیان دەکەنەوە نەبەز عەبدولحەمید، قایمقامی قەزا...
02/10/2025

عەنکاوا..
قایمقام و باڵیۆزی (غانا)، جەخت لە پتەوکردنی پەیوەندییەکانی نێوانیان دەکەنەوە

نەبەز عەبدولحەمید، قایمقامی قەزایی عەنکاوا بە وەکالەت، لە دیوانی قایمقامیەت، پێشوازیی لە (محەمەد حەبیب ئیدریس)، باڵیۆزی ( غانا ) لە عێراق و کوێت کرد.

لە دیدارەکەدا، هەردوولا جەختیان لە بەرەوپێشچوون و پتەوکردنی پەیوەندییەکان و هەماهەنگی و هاریکاری نێوانیان کردەوە.

پاشان، باس لە ڕەوشی ئەو هاوڵاتییانەی وڵاتی غانا کرا، کە لە سنووری قەزایی عەنکاوا کاردەکەن، لەوبارەیەشەوە قائیمقامی قەزای عەنکاوا وێڕای ئەوەی جەختى لە پێشکەشکردنی هەموو ئاسانکارییەک کردەوە، ئاماژەى بەوەدا بەخۆشحاڵییەوە ئەو هاوڵاتییانەی وڵاتی غانا کە لە هەرێمی کوردستان بەگشتیی و سنووری قەزایی عەنکاوا بەتایبەتی کاردەکەن کەمترین کێشەیان هەیە، ئەگەر هەر گرفت و کەم و کوریەکیشان هەبێت لەلایەن دەزگا و فەرمانگە پەیوەندیدارەکانی سنوورەکە لە چوارچێوەی یاسا و ڕێنماییەکان لە زوترین کاتدا بۆیان چارەسەر دەکرێت.

لە کۆتاییدا، باڵیۆزی غانا لە عێراق و کوێت، زۆر سوپاسى قایمقامى عەنکاوای كرد بۆ پیشوازییه‌كه‌ى و پاڵپشتی و چاودێریکردنی هاوڵاتییانی وڵاتەکەی بەرزنرخاند و ئامادەیی خۆشی نیشاندا بۆ هەموو هەماهەنگیەک لە پێناو خزمەتکردنی زیاتری هاوڵاتییانی وڵاتەکەیان و پتەوکردنی پەیوەندییەکانی نێوان باڵیۆزخانە و قایمقامیەتی عەنکاوا.

لە دریم سیتی ..(15) شوێن وەکو ( چێشتخانە، کافتریا، ڕیستورانت، ئارایشتگا) بەسەرکرایەوە.ئەمشەو سێ شەممە 2025.9.30، لیژنەی ...
30/09/2025

لە دریم سیتی ..
(15) شوێن وەکو ( چێشتخانە، کافتریا، ڕیستورانت، ئارایشتگا) بەسەرکرایەوە.

ئەمشەو سێ شەممە 2025.9.30، لیژنەی پشکنین و چاودێریکردنی بازاڕ بە سەرپەرشتی ڕاستەوخۆی قایمقامیەتی قەزای ناوەندیی هەولێر، لە چوارچێوەی هەڵمەتی چاودێریكردنی بازار و ڕێگەگرتن لە ساخکردنەوەی خۆراکی ماوه‌ بەسەرچوو و بەرز بوونەوەی نرخی کاڵاکان، لە شارى هەولێر (15) شوێن وەک ( چێشتخانە، کافتریا,ڕیستورانت، ئارایشتگا) بەسەرکرایەوە.

دوای پشکنین و بەدواداچوون و لێپرسینەوە لە نرخ و كوالێتی خۆراک و شوێنەکان، ئەو شوێنانەی کە مۆڵەتی کارکردنیان بەسەرچوو بوو یان کەم و کوڕیی تریان هەبوو، هۆشداریان پێدرا لە زووترین کاتدا سەردانی قائیمقامیەتی ناوەندیی و لایەنی پەیوەندیدار بکەن بۆ نوێکردنەوەی مۆڵەتەکانیان و نەهێڵانى کەم و کوڕییەکانیان.

هەولێر..کەمپەینی گوێگرتن لە خەڵک بەڕێوەچوو.ئەوڕۆ یەکشەممە ٢٠٢٥/٩/٢٨، بە ئامادەبوونی دکتۆر زانا مەلا خالید بەرپرسی لقی٢ی ...
28/09/2025

هەولێر..
کەمپەینی گوێگرتن لە خەڵک بەڕێوەچوو.

ئەوڕۆ یەکشەممە ٢٠٢٥/٩/٢٨، بە ئامادەبوونی دکتۆر زانا مەلا خالید بەرپرسی لقی٢ی و قایمقامی قەزای ناوەندیی هەولێر و سەرۆکی شارەوانی هەولێر و بەڕێوەبەری بەرگری شارستانی و بەڕێوەبەرانی فەرمانگە خزمەتگوزارییەکان لە بازاڕی لەنگە لە دانیشتنێکی فراوان کۆبوونەوە.

لە کۆبونەوەکەدا، دوای وەرگرتنی داواکاری کاسبکاران بەڵێنیان پێدرا، سبەی دووشەممە بەشێک لە داوکاریی کاسبکاران و دوکاندارانی بازاڕی لەنگە دەچێتە بواری جێبەجێکردن.

وێڕای سوپاس و پێزانینمان بۆ بەڕێز پارێزگاری هەولێر و فەرمانگە تایبەتمەندەکان بۆ بەدەنگەوە هاتنیان لە داواکارییەکانیان، داوا لە کاسبکاران کرا لەگەڵ جێبەجێبوونی ئەو داواکارییانە پێویستە هەموو لایەک هاوکار و هەماهەنگی یەکتر بن بۆ پاکڕاگرتنی شارەکەمان و ڕیکخستنی بازاڕ و شوێنی کار کردنی کاسبکاران و هاوڵاتیانی شاری هەولێر.

لە 32 پاڕک..(9) شوێن وەکو ( چێشتخانە، کافتریا) بەسەرکرایەوە.ئەمشەو دووشەممە 2025.9.22، لیژنەی پشکنین و چاودێریکردنی بازا...
22/09/2025

لە 32 پاڕک..
(9) شوێن وەکو ( چێشتخانە، کافتریا) بەسەرکرایەوە.

ئەمشەو دووشەممە 2025.9.22، لیژنەی پشکنین و چاودێریکردنی بازاڕ بە سەرپەرشتی ڕاستەوخۆی قایمقامیەتی قەزای ناوەندیی هەولێر، لە چوارچێوەی هەڵمەتی چاودێریكردنی بازار و ڕێگەگرتن لە ساخکردنەوەی خۆراکی ماوه‌ بەسەرچوو و بەرز بوونەوەی نرخی کاڵاکان، لە شارى هەولێر (9) شوێن وەک ( چێشتخانە، کافتریا) بەسەرکرایەوە.

دوای پشکنین و بەدواداچوون و لێپرسینەوە لە نرخ و كوالێتی خۆراک و شوێنەکان، ئەو شوێنانەی کە مۆڵەتی کارکردنیان بەسەرچوو بوو یان کەم و کوڕیی تریان هەبوو، هۆشداریان پێدرا لە زووترین کاتدا سەردانی قائیمقامیەتی ناوەندیی و لایەنی پەیوەندیدار بکەن بۆ نوێکردنەوەی مۆڵەتەکانیان و نەهێڵانى کەم و کوڕییەکانیان.

22/09/2025

پڕۆگرامی گەشتی ٨..

بە میوانداری(نەبەز عەبدولحەمید) قایمقامی قەزای ناوەندیی هەولێر.

لە هەولێر ... ئامادەکاریی بۆ هاتنی وەرزی بارانبارین و زستانى ئەمساڵ دەستى پێکرد" لە سەر ڕەزامەندى سەرۆکى حکومەت ( 2 ملیا...
18/09/2025

لە هەولێر ...
ئامادەکاریی بۆ هاتنی وەرزی بارانبارین و زستانى ئەمساڵ دەستى پێکرد
" لە سەر ڕەزامەندى سەرۆکى حکومەت ( 2 ملیار دینار ) وەک فریاگوزاریى بۆ چارەسەرکردن و خاوێنکردنەوەی ئاوەڕۆ و ڕێرەوەکانی ئاوی سروشتی باران و کەم و کوڕى و گرفتەکانى تەرخانکرا "

ئەمڕۆ پێنجشەممە 2025.9.18، بە سەرپەرشتى ئومێد خۆشناو، پارێزگارى هەولێر، لە دیوانى پارێزگا، کۆبوونەوەیەکى تایبەت سەبارەت بە ئامادەکاریى بۆ وەرزى بارانبارینى ئەمساڵ و خاوێنکردنەوەی چاڵەکانی ئاو وەرگرتن، مەنهۆل، خاوێنكردنەوەی ئاوەڕۆ و کەند و ڕێرەوە سروشتییەکانى ئاوى باران ئەنجامدرا.

لە کۆبوونەوەکەدا، کە هەریەک لە جێگری پارێزگار و یاریدەدەری پارێزگار و قائیمقامەكانى ناوەندی، بنەسەڵاوە، قوشتەپە و بەڕێوەبەرى گشتیى ئاو و ئاوەڕۆکانى هەرێم و بەڕێوەبەرى گشتیى شارەوانییەکان و سەرۆکى شارەوانى و بەڕێوەبەرانى ئاودێرى، ئاوەڕۆكان و پاراستن و چاککردنەوەی ڕێگاو بانی هەولێر ئامادەیى بوون، پارێزگارى هەولێر، دوای ئەوەی پلان و بەرنامە و نەخشەڕێگەی وەرزی باران بارینی ئەمساڵ و ڕێگا چارەسەرییەكانی کێشە و گرفتەكانی خستەڕوو، ئاماژەی بەو پلان و بەرنامە و پڕۆژانەدا کە لە ساڵانى ڕابردوودا بە پاڵپشتی و لەسەر فەرمان و ڕاسپاردەی ڕێزدار مەسرور بارزانی، سەرۆکی حکومەتی هەرێمی کوردستان لە سنوورى پارێزگاى هەولێر ئەنجامدراون و بە هۆیانەوە توانراوە قۆناغى زۆر باش ببڕن و لە ئێستاشدا تاڕادەیەکى زۆرباش مەترسیەكانی دروستبوونی لافاو لە شاری هەولێر كەمبۆتەوە، لەوبارەیەشەوە دەستخۆشى لەلایەنە پەیوەندیدارەکان کرد و هەوڵ و ماندووبوونەکانى بەرز نرخاندن.

لە تەوەرێکى ترى کۆبوونەوەکەدا، سەبارەت بە وەرزى بارانبارین و زستانى ئەمساڵ، تەئكیدی لە هەموو ئامادەسازییەك بۆ وەرزی زستانی ئەمساڵ كردەوە و سەرۆكایەتی شارەوانی و بەڕێوەبەرایەتی گشتیی شارەوانیەكان و بەرێوەبەرایەتیەكانی ئاوەڕۆ و ئاودێری هەولێر و فەرمانگە و لایەنە پەیوەندیدارەكانی دیكەی ڕاسپارد، بۆ گرتنەبەری ڕێوشوێنی نوێ و پێویست و ئامادەكاریی زیاتر بە مەبەستی ڕێگریكردن لە هەر حاڵتێکى نەخوازراوی گۆڕانی كەش و هەوا و چارەسەركردنی ئەو خاڵە لاوازانەی کە دەبنە هۆی دروستبوونی لافاو و پەنگخواردنەوەى ئاوی زیادە، هەروەها بەمەبەستی ڕووبەڕووبوونەوەی هەر مەترسییەكی كۆبوونەوەی ئاوی زیادە و دروستبوونی لافاو لە شارى هەولێر و دەوروبەرى، جەختی لە ئەنجامدانی هەڵمەتی گشتگیرى پاککردنەوەى سەرجەم چاڵەکانی ئاو وەرگرتن، مەنهۆل، خاوێنكردنەوەی ئاوەڕۆ و کەند و ڕێرەوە سروشتییەکانى ئاوى باران بەر لە وەرزی باران بارین كردەوە.

بۆ ئەو مەبەستەش پارێزگارى هەولێر، ڕایگەیاند، بە سوپاسەوە لە سەر ڕەزامەندى ڕێزدار مەسرور بارزانی، سەرۆکى حکومەتى هەرێمى کوردستان بڕی ( 2 ملیار دینار ) وەک فریاگوزاریى بۆ چارەسەرکردن و خاوێنکردنەوەی ئاوەڕۆ و رێرەوەکانی ئاوی سروشتی و کەم و کوڕى و گرفتەکان و ئاوەڕۆ و شەقامە گشتییەکان و کوچە و کۆڵانەکانی شارى هەولێر و کەند و رێڕەوى سروشتى ئاوى باران و نەهێڵانى كێشەكان تەرخانكراوە، لەوبارەیەشەوە بڕیاریدا بە خەرجکردنى هەر ( 2 ملیار دینار ) بۆ هەریەک لە ( بەڕێوەبەرایەتى ئاوەڕۆی هەولێر، بەرێوەبەرایەتى ئاودێری، بەڕێوەبەرایەتى چاككردنەوە و پاراستنی ڕیگاوبانی هەولێر)، بۆ چارەسەرکردن و نەهێڵانى ئەو کەم و کوڕى و گرفتانەى هەن، جەختیشى له‌ خێڕاترکردنى هەنگاوەکانیان کردەوە و دووپاتى کردەوە کە دەبێت لە زووترین کاتدا ڕێکارى پێویست بگرنەبەر بۆ چارەسەرکردنیان.

لە کۆتای کۆبوونەوەکەشدا، پارێزگارى هەولێر وێڕاى ئەوەى جارێکى تر دەستخۆشی لە تیمەکان کرد، داوای لە هاوڵاتییان و هاوشاریانى پارێزگاى هەولێرى کرد هاوکار و هەماهەنگی تیمەکانى حکومەت بن، هەموو ئەو پڕۆژە و کارانەشى کە حکومەتى هەرێمى کوردستان لە ماوەى ساڵانى ڕابردوودا و بەر لە وەرزى باران بارین لە پێناوى ڕوونەدانى لافاو و کەمکردنەوەى مەترسیەکانى و چارەسەرکردنى گرفتى کەم ئاوى لەسنووری پارێزگای هەولێر ئەنجامدراون بەرزنرخاند.

پیرۆزبایكردن له‌ بەرپرس و دەستەی کارگێڕی لقی منارەی هەولێری یەکێتی قوتابیان و لاوانئه‌مرۆ سێشەشەممە 2025.9.16، ئومێد خۆش...
16/09/2025

پیرۆزبایكردن له‌ بەرپرس و دەستەی کارگێڕی لقی منارەی هەولێری یەکێتی قوتابیان و لاوان

ئه‌مرۆ سێشەشەممە 2025.9.16، ئومێد خۆشناو، پارێزگاری هه‌ولێر، به‌ یاوه‌ری مەسعود کاڕەش، جێگری پارێزگار و ئەکرەم ئەحمەد، یاریده‌ده‌ری پارێزگار و نه‌به‌ز عه‌بدولحه‌مید، قائیمقامی قه‌زای ناوه‌ندی هەولێر و کارزان عەبدولهادی، سەرۆکی شارەوانی هەولێر و عەمید خەسرۆ غازی، بەڕێوەبەری کاروباری ناوخۆی پارێزگا، به‌ مه‌به‌ستی پیرۆزبایكردن له‌ ستافی نوێ، سه‌ردانی لقی منارەی هەولێری یەکێتی قوتابیان و لاوانی دیموکراتی کوردستانی كرد و له‌ لایه‌ن گەیلان سلێمان، بەپرسی لق و دەستەی کارگێڕی لق پێشوازیی لێکرا.

پارێزگاری هه‌ولێر، وێڕای پیرۆزبایی دەست بەکاربوونیان هیوای سەرکەوتنی بۆ خواستن لە کاروبارەکانیان و خزمەتکردنی چین و توێژی لاوان و قوتابیان، هەروەها جه‌ختی له‌ رۆڵی كارا و مێژوویی ڕێکخراوەکەیان کردەوە به‌تایبه‌تی له‌ پرسه‌ هه‌ستیاره‌كانی ناو كۆمه‌ڵگه‌ و پرسە نەتەوایەتی و نیشتمانیەکان و پاراستنی بەها باڵاکانی کوردستان.

هاوکات هەموو پاڵپشتیەکى پارێزگاى هەولێرى بۆ لقەکەیان و خزمەتکردنی توێژی قوتابیان و لاوان دووپاتکردەوە.

لە هەولێر ..بە گوژمەی زیاتر لە ( 2 ملیار و 800 ملیۆن دینار ) بازاڕێکی هاوچەرخی پایسکل و ماتۆرسکیل دروست دەکرێتئەمڕۆ سێشە...
16/09/2025

لە هەولێر ..
بە گوژمەی زیاتر لە ( 2 ملیار و 800 ملیۆن دینار ) بازاڕێکی هاوچەرخی پایسکل و ماتۆرسکیل دروست دەکرێت

ئەمڕۆ سێشەممە 2025.9.16، بەسەرپەرشتی ئومێد خۆشناو، پارێزگاری هەولێر و بە ئامادەبوونی مەسعود کاڕەش، جێگری پارێزگار و نەبەز عەبدولحەمید، قائیمقامى ناوەندی هەولێر و کارزان عەبدولهادی، سەرۆکی شارەوانی و ئارام ڕەسوڵ، بەڕێوەبەری شارەوانی یەک،
لە دیوانی پارێزگا، بەمەبەستی ڕێکخستنەوە و جوانترکردنی سیمایی شار و نەهێڵانی جەنجاڵی هاتووچۆی هاوڵاتییان، کۆبوونەوەیەکی تایبەت لەگەڵ ئەنجوومەنی بازاڕی پاسکیل و ماتۆڕسکیلان، سەبارەت بە دروستکردنی بازاڕێکی هاوچەرخ بۆیان ئەنجامدرا.

لە کۆبوونەوەکەدا، تیشک خرایە سەر دروستکردنی بازاڕێکی هاوچەرخ بۆ پایسکیل و ماتۆڕسکیل بە گوژمەی ( 2 ملیار و 887 ملیۆن و 574 هەزار دینار ) لەسەر ڕووبەری 10 دۆنم زەوی لە بەشى باشوورى ڕۆژهەڵاتى شارى هەولێر لە سەرشەقامى کۆنى ( کەرکوک – هەولێر ) کە لە ئێستادا بازاڕەکە دەکەوێتە ناو جەرگەى شارى هەولێر و سیمایەکی ناشیرین و قەرباڵغی و جەنجاڵییەکی زۆری بۆ هاوڵاتییان دروستکردەوە، ئەوە سەرباری بچووکی دوکانەکانیان و تەسکی شەقامەکەیان، کە وای کردووە زۆربەى دوکاندارەکان پایسکل و ماتۆڕەکان لەسەر شەقام نمایش بکەن بۆ فرۆشتن، جگەلەوەش چەندین کەسی تر کە لەوبازاڕە کە دوکانیان نیە هەر لە سەرپێ و لەسەر شەقام مامەڵەى کڕین و فرۆشتنی پاسکیل و ماتۆڕ دەکەن، ئەوش گرفتی زۆری بۆ هاتووچۆی هاوڵاتییان دروستکردووە.

لەو بارەیەشەوە پارێزگاری هەولێر، وێڕایی پاڵپشتیکردن و لە بەرچاوگرتنی کار و کەسابەتی کاسبکارانی بازاڕەکە و هاوکاری کردنیان، تیشکی خستەسەر ئامانجی دروستکردنى ئەو بازاڕى هاوچەرخە، کە مەبەست لێی جوانکردنى سیمای شار و نەهێشتنى ئاستەنگى هاتوچۆ بۆ ناو سەنتەری شار و ڕێکخستنى جوولەى بازرگانى و
دابینکردنى ژینگەیەکى ڕێکخراو و ئاسودەیە بۆ کاسبکارانی بازاڕەکە و کڕیارانی و بنبڕکردنى ناڕێکی و هەڕەمەکى و ڕێکخستنى بازاڕەکەیە بە شێوەیەکى ئەندازەیی و ئاسانکردنى گەیشتن و کارکردن و جوڵانەوەیانە لە ڕووبەرێکى فراواندا و دیاریکردنى شوێنى تەرخانکراو بۆ کڕین و فرۆشتن کە چاودێریکردن و ئیدارەیەکی باشتری هەبێت.

دوای نمایشکردنی دیزاینی بازاڕە هاوچەرخەکە لەلایەن تیمی پلان و بەدواداچوونی سەرۆکایەتی شارەوانی هەولێر، ئەنجوومەنی بازاڕەکە، وێڕای سوپاس و پێزانینی پارێزگاری هەولێر، خۆشحاڵی خۆیان بەدروستکردنی بازاڕەکە نیشاندا و ئومێدیان خواست لە ماوەیەکی کەمدا بتوانرێت ئەو بازاڕە بونیات بندرێت، تاکو بە ئاسودەیی کارو کەسابەتی خۆیان تێدابکەن.

هەولێر ….پیرۆزبایی لە دەستبەکاربوونی بەرپرسی بەشی دیراسات و پێگەیاندنی پارتیئەمڕۆ سێشەممە 2025.9.16، ئومێد خۆشناو، پارێز...
16/09/2025

هەولێر ….
پیرۆزبایی لە دەستبەکاربوونی بەرپرسی بەشی دیراسات و پێگەیاندنی پارتی

ئەمڕۆ سێشەممە 2025.9.16، ئومێد خۆشناو، پارێزگاری هەولێر، بەمەبەستی پیرۆزبایی دەستبەکاربوونی، بە یاوەری مەسعود کاڕەش، جێگری پارێزگار و ئەکرەم ئەحمەد، یاریدەدری پارێزگار و نەبەز عەبدولحەمید، قائیمقامی ناوەندی هەولێر و کارزان عەبدولهادی، سەرۆکی شارەوانی و عەمید خەسرۆ غازی، بەڕێوەبەری کاروباری ناوخۆی پارێزگا، سەردانی بارەگای بەشی دیراسات و پێگەیانی پارتی دیموکراتی کوردستانی کرد و لە لایەن ئەحمەد کانی، بەرپرسی بەش و ئەندامان و کادیرانی پێشوازیی لێکرا.

پارێزگاری هەولێر، وێڕایی پیرۆزبای دەستبەکاربوونی بەرپرسی بەش، هیوای سەرکەوتنی لە کار و چالاکییەکانیان بۆ خواستن و تەئکیدی لە پتەوکردی پەیوەندییەکانی نێوانیان کردەوە.

هەروەها دووپاتیکردەوە، وەکو ئیدارەی خۆجێی هەولێر، دەخوازین پەیوەندییەكی تۆکمە و باشمان لەگەڵ سەرجەم لایەنەكان هەبێت، تاکو بتوانین زۆرترین خزمەت پێشکەش بە هاوڵاتییانی هەولێری پایتەخت بکەین.

لەلایەن خۆیەوە، بەرپرسی بەشی دیراسات و پێگەیاندنی پارتی، سوپاسی سەردانەکەى پارێزگاری هەولێر و شاندی یاوەری کرد و وێڕاى نیشاندنى خۆشحاڵی خۆی، ئامادەیی هەموو هاوکاری و هەماهەنگییەکی لەگەڵ پارێزگاى هەولێر نیشاندا.

پیرۆزبایكردن له‌ بەرپرس و دەستەی کارگێڕی لقی قەڵای هەولێری یەکێتی قوتابیان و لاوانئه‌مرۆ سێشەشەممە 2025.9.16، ئومێد خۆشن...
16/09/2025

پیرۆزبایكردن له‌ بەرپرس و دەستەی کارگێڕی لقی قەڵای هەولێری یەکێتی قوتابیان و لاوان

ئه‌مرۆ سێشەشەممە 2025.9.16، ئومێد خۆشناو، پارێزگاری هه‌ولێر، به‌ یاوه‌ری مەسعود کاڕەش، جێگری پارێزگار و ئەکرەم ئەحمەد، یاریده‌ده‌ری پارێزگار و نه‌به‌ز عه‌بدولحه‌مید، قائیمقامی قه‌زای ناوه‌ندی هەولێر و کارزان عەبدولهادی، سەرۆکی شارەوانی هەولێر و عەمید خەسرۆ غازی، بەڕێوەبەری کاروباری ناوخۆی پارێزگا، به‌ مه‌به‌ستی پیرۆزبایكردن له‌ ستافی نوێ، سه‌ردانی لقی قەڵای هەولێری یەکێتی قوتابیان و لاوانی دیموکراتی کوردستانی كرد و له‌ لایه‌ن زاهیر زاهیر، بەپرسی لق و دەستەی کارگێڕی لق پێشوازیی لێکرا.

پارێزگاری هه‌ولێر، وێڕای پیرۆزبایی دەست بەکاربوونیان هیوای سەرکەوتنی بۆ خواستن لە کاروبارەکانیان و خزمەتکردنی چین و توێژی لاوان و قوتابیان، هەروەها جه‌ختی له‌ رۆڵی كارا و مێژوویی ڕێکخراوەکەیان کردەوە به‌تایبه‌تی له‌ پرسه‌ هه‌ستیاره‌كانی ناو كۆمه‌ڵگه‌ و پرسە نەتەوایەتی و نیشتمانیەکان و پاراستنی بەها باڵاکانی کوردستان.

بۆ پەرەپێدان و باشترکردن و ڕێکخستنەوەی بازاڕ و بازاڕە میللیەکان کۆبوونەوەیەک ئەنجامدرائێوارەی ئەمڕو دووشەممە 2025/9/15، ...
15/09/2025

بۆ پەرەپێدان و باشترکردن و ڕێکخستنەوەی بازاڕ و بازاڕە میللیەکان کۆبوونەوەیەک ئەنجامدرا

ئێوارەی ئەمڕو دووشەممە 2025/9/15، لە دیوانی قایمقامیەتی ناوەندی هەولێر، هەریەک لە نەبەز عەبدولحەمید، قایمقامی ناوەندی و لیوا بارزان قەساب، بەڕێوەبەری ئاسایشی هەولێر و کارزان عەبدولهادی، سەرۆکی شارەوانی هەولێر و هێمن سەید موراد، بەڕێوەبەری گشتی کشتوکاڵی هەولێر، بەمەبەستی پەرەپێدان و باشترکردن و ڕێکخستنەوەی نێو بازاڕی سەنتەری شار و بازاڕە میللیەکانی گەڕەکان و شۆستە و شەقامەکان بەگشتی کۆبونەوەیەکیان ئەنجامدا.

لە کۆبونەوەکەدا، دوای گفتوگۆکرد سەبارەت بە ڕێکخستنەوەی بازاڕی سەنتەری شار و بازاڕە میللەکان و چەند شوێنێکی دیکەی شاری هەولێر، کە قەرەباڵغیەکی زۆریان کەوتۆتەسەر.

کۆبوونەوە، لیژنە هاوبەشەکانی ڕاسپارد لە زووترین کاتدا دەستبکەن بە ڕێکخستنەوەی سەرتاسەری بازاڕی سەنتەری شار و سەرجەم بازاڕە میللیەکانی گەڕەکەکان و شوێنە گشتییەکان و هەڵگرتنی سەرپێچی و زێدەڕۆییەکان.

Address

Opposite The Erbil Governorate Building, Next To The EBL Castle
Irbil
44001

Opening Hours

Monday 09:00 - 13:00
Tuesday 09:00 - 13:00
Wednesday 09:00 - 13:00
Thursday 09:00 - 13:00
Sunday 09:00 - 13:00

Telephone

+9647502224466

Website

Alerts

Be the first to know and let us send you an email when قایمقامیەتى قەزای ناوەنديى هەولێر - قائممقامية قضاء مركز أربيل posts news and promotions. Your email address will not be used for any other purpose, and you can unsubscribe at any time.

Shortcuts

Share