رادیۆی مەشخەڵان کۆیە Radioy mashxalan koya

28/07/2025

ڕۆژنامەنووس ،دیدەوانی یەعقوب،لەبەسەر کردنەوەی ئەرشیفی تەلەفزیۆنی گەلی کوردستان کەناڵی کۆیە..

17/07/2025

د.خالید شوانی : سودانی لەدەستپێكی كۆبوونەوەكەدا سوپاسی هەوڵەكانی سەرۆك بافڵی كرد

17/07/2025

بافڵ جەلال تاڵەبانی کۆتایی بە قەیرانی مووچە هێنا

‎هەموو لایەک بۆیان روونبووەتەوە، کە کاری لەپێشینەی بافڵ جەلال تاڵەبانی، سەرۆکی یەکێتی خزمەتکردنی خەڵکە

17/07/2025

ئاوایە سەرۆکەکەی 💚

15/07/2025

لەتیف نێروەیی: گرنگە قەیرانەکانەکان بە خەباتی هاوبەش تێپەڕێنین

کۆبوونەوەی مەکتەبی سیاسی یەکێتیی نیشتمانیی کوردستان و پارتی دیموکراتی کوردستان لە هەلومەرجێکدا بەڕێوەچوو کە هەرێم بە قەیرانی دارایدا تێدەپەڕێت و دوورکەوتنەوەش لە نێوان لایەنە سیاسیەکانی هەرێم بوونی هەیە، لێپرسراوی بۆردی راگەیاندنی یەکێتیی نیشتمانیی کوردستان-یش رایدەگەیەنێت:" کاتی کۆبوونەوەکە گونجاو بوو، گرنگە قەیرانەکان بە خەباتی هاوبەش تێپەڕێنین و لە رێگای دەستورەوە کێشەکان لەگەڵ بەغدا چارەسەر بکەین".

نەبوونی مووچە بارگرانییەکی زۆری بۆ مووچەخۆران دروستکردووە
لەتیف نێروەیی لێپرسراوی بۆردی راگەیاندنی یەکێتیی نیشتمانیی کوردستان بە کەناڵی کەرکوکی رایگەیاند:" بێگومان کۆبوونەوەکەی مەکتەبی سیاسی یەکێتیی نیشتمانیی کوردستان و پارتی دیموکراتی کوردستان لە هەلومەرجێکدایە کە هەرێمی کوردستان بە قۆناغێکی سەخت و دژواردا تێدەپەڕێت، هۆکارەکەش بۆ ئەوە دەگەڕێتەوە کە هەرێمی کوردستان بەدەست قەیرانی داراییەوە دەناڵێنێت، هەروەها مووچەی فەرمانبەرانیش بووەتە کێشەیەکی کاریگەر، کە بارگرانییەکی زۆری بۆ مووچەخۆران دروستکردووە، لەئێستاشدا پەرتەوازەییەک لە نێوان لایەنە سیاسیەکان بە بەشداربووانی حکومەت و ئۆپۆزسیۆنیشەوە بوونی هەیە ، بۆیە کۆبوونەوەکە لەسەر ئاستی باڵا گرنگییەکی زۆری هەبوو".

ئاماژەی بەوەشکرد:" لەسەر ئاستی جیهان کاتێک قەیرانێکی سیاسی یان ئابووری و ئەمنی و تەندروستی یان هەر بوارێکی دیکە سەرهەڵدەدات، لەو کاتەدا ناکۆکییە حزبییەکان وەلا دەنرێن و پێکەوە هەمووان دەچنە ژێر باری بەرپرسیارێتییەوە، بۆیە دۆخی هەرێمیش وادەخوازێت لەپاڵ ناکۆکییەکان، خەباتێکی هاوبەشی کۆی لایەنە سیاسییەکان پێکەوە بێت، بۆیە کاتی کۆبوونەوەکە گرنگ و پێویست بوو".

لێپرسراوی بۆردی راگەیاندنی یەکێتیی نیشتمانیی کوردستان دووپاتیشیکردەوە:"هەوڵەکان بۆ چارەسەرکردنی کێشەی مووچە بەردەوامن، یەکێتیی نیشتمانیی کوردستان وەک حزب هەوڵێکی زۆریداوە و لە بەرنامەیدایە هەوڵەکانی لەگەڵ هێز و لایەنە سیاسیی و حکومییەکان چڕتر بکاتەوە، هەروەها تیمی حکومی و فراکسیۆنەکەمان لە پەرلەمان لە هەماهەنگی و هەوڵی بەردەوامدان، چونکە خەمی سەرەکی یەکێتی چارەسەرکردنی ئەم کێشەیەیە و پێشتریش هەر هەوڵیداوە، بەڵام بۆ ئەمجارەش گرنگە لە سەر ئاستی باڵا دەست بە کۆبوونەوەکان بکرێن و بەردەوام بین لە دانوستانەکان ".

دەستور وەک خۆی جێبەجێبکرێت
لەتیف نێروەیی داواشیکرد، دەستوور وەک خۆی جێبەجێ بکرێت و رایگەیاند:" لەم قۆناغەدا پەیوەندییەکی دروست لە نێوان هەرێم و بەغدا-دا نییە، هەرچەندە دەستوری عیراق دەرفەتێکی گونجاو و زێڕینی بۆ بەدیهێنانی مافەکانی گەلی کوردستان مسۆگەر کردووە، بەڵام ئەم دەستوورە وەک پێویست جێبەجێ نەکرا، هەندێکجار لە بەغدا ئەو بڕگانەی لە بەرژەوەندییان نەبوو جێبەجێیان نەکرد، لە هەرێمی کوردستانیش هەمان رێگا گیرایە بەر، بۆیە پەیامی ئێمە ئەوەیە دەستوور وەکو خۆی جێبەجێبکرێت و کێشەکان لە چوارچێوەی دەستووردا جێبەجێبکرێت، دەبێت لەوە تێبگەین هەرێمێکی بەهێز بەبێ بەغدایەکی سەقامگیر بەهێزییەکەی بەردەوام نابێت، بەغدایەکی بەهێزیش بەبێ سەقامگیری هەرێم نابێت".

15/07/2025

بەرنامەی کۆ هەگبە،لەستۆدیۆی مەشخەڵا ڕاستە، خۆ بۆ دەنگی گەلی کوردستان.

12/07/2025

قوباد تاڵەبانی، لێپرسراوی مەکتەبی سکرتارییەتی سەرۆک مام جەلال بە ئامادەبوونی هەڤاڵ دکتۆر مەجید حەمەد ئەمین، لێپرسراوی مەڵبەندی٣ی هەولێری یەکێتیی نیشتمانیی کوردستان لەگەڵ جێگران ولێپرسراو بەش و لێپرسراو کۆمیتەکانی سنووری مەڵبەندی٣ی هەولێری یەکێتی کۆبووەوە.
لە تەوەرێکی کۆبوونەوەکەدا کە رۆژی شەمە(12/7/2025) بەڕێوەچوو، قوباد تاڵەبانی باسی لە دۆخی ناوخۆی هەرێمی کوردستان و ژیان و گوزەرانی موچەخۆران کرد و هەڵوێست و سیاسەتی یەکێتی روونکردەوە و رایگەیاند یەکێتی پێیوایە بەدیلی رێککەوتن، هەر رێککەوتنە و هەموو هەوڵێکیش دەدات لەڕێی رێککەوتنەوە کێشە موچە و کێشەکانی دیکەی نێوان هەرێم و بەغدا چارەسەر بکات. وتیشی یەکێتی نیگەرانی ژیان و گوزەرانی هاوڵاتییانی هەرێمە، هەربۆیە هەموو تواناکانی خۆی خستووەتەگەڕ تا پەلە بکرێت لە چارەسەرکردنی کێشەکان.
لە بەشێکی دیکەی کۆبوونەوەکەدا باسی لە ئامادەکارییەکانی یەکێتی کرد بۆ هەڵبژاردنەکانی خولی داهاتووی ئەنجومەنی نوێنەرانی عێراق. لەم چوارچێوەیەدا ئاماژەی بە گرنگی هەڵبژاردنەکان کرد و روونیکردەوە یەکێتی ئامادەکارییەکی تەواوی کردوە بۆ هەڵبژاردن و چاوی لەسەر تۆمارکردنی سەرکەوتنێکی گەورەیە لەم هەڵبژاردنەدا.
لێپرسراوی مەکتەبی سکرتارییەتی سەرۆک مام جەلال بە ئاماژەدان بە دۆخی ئێستای هەرێم و گۆڕانکارییەکانی عێراق و ناوچەکە، باسی لەوەکرد سەرکەوتنی یەکێتی لەم هەڵبژاردنەدا پێویستییەکی حاشاهەڵنەگرە؛ هەم پاراستن و بەهێزترکردنی سەنگی کورد لە عێراق و ناوچەکەدا و چارەسەرکردنی کێشەکانی نێوان هەرێم و بەغدا و هەم بۆ باشترکردنی ژیان و گوزەرانی هاوڵاتییانی هەرێم.
لەم چوارچێوەیەشدا داوایکرد جێگران ولێپرسراوبەش و لێپرسراوی کۆمیتەکان و کادرەکانی یەکێتی ئەرکی خۆیان بە باشی جێبەجێ بکەن و لە ئێستاوە بەپێی ئەو پلانەی دانراوە ئامادەکاری تەواو بکەن تا لە کاتی دەستپێکردنی بانگەشەی هەڵبژاردندا بتوانن زۆرترین دەنگ بۆ لیستی یەکێتی و کاندیدەکانی کۆبکەنەوە.

26/06/2025

کاتژمێری (٥) ی دوای نیوەڕۆی ڕۆژی چوار شەمە ٢٠٢٥/٦/٢٥،بەڕێوەبەرایەتی گشتی کتێبخانەکانی کۆیە لەمەراسیمێکی شایستەدا مەدالیای زێڕینی ئاڵای کوردستانی بەخشی بە مامۆستاو نوسەرو شاعیرو هونەرمەند مامۆستا (فازڵ شەوڕۆ) لەمەراسیمەکەدا چەندین باس لەسەر کارە هونەری و شعرو نوسینەکانی لەلایەن کەسانی پسپۆڕەوە پپێشکەشکران، دواتر لەلایەن ئامادە بوانەوە چەندین خەڵاتی ڕێز لێنان و چەپکە گوڵی خۆشەویستی پێشکەش بە مامۆستا شەوڕۆ کران.

22/06/2025