السلام على المختار الثقفي رافع شعار يالثارات الحسين
21/01/2025
لقد وصلت إلى ١٫٥ ألف من المتابعين! شكرًا على الدعم المتواصل. لم يكن بإمكاني على الإطلاق تحقيق ذلك دون مساعدة كل فرد منكم. 🙏🤗🎉
12/07/2024
جديد
رباطات في شجاعة العباس
شال احوالة .. شال احوالة.. شال احوالة
حمل والجيش كلة شال احوالة
=====================
تارسة الهيمة .. تارسة الهيمة .. تارسة الهيمة
ادين وروس منهم تارسة الهيمة
====================
فوكَ عدوانة.. فوكَ عدوانة .. فوكَ عدوانة
مطر غيض ومراجل فوكَ عدوانة
=====================
ما يلاگونة .. ما يلاگونة.. ما يلاگونة
صعد دخان راسة ما يلاگونة
========================
مات من خوفة.. مات من خوفة.. مات من خوفة
التگابل وي سيفة مات من خوفة
========================
مايطخ راسة .... ما يطخ راسة.. مايطخ واسة
يطخ الكون كلة وما يطخ راسة
=======================
=======================
رباطات بعد مقتل العباس
======================
طاح بالحومة.. طاح بالحومة .. طاح بالحومة
عطش ويفور گلبة طاح بالحومة
======================
وما اطة بجودة.. وما اطة بجودة.. وما اطة بجودة
يسار يمين اطة وما اطة بجودة
======================
صايبة ابعينة.. صايبة ابعينة.. صايبة ابعينة
اسف سهم المنية صايبة ابعينة
=======================
طار الهامة .. طار الهامة .. طار الهامة
عمود الشوم ويلي طار الهامة
=======================
صاح يا خوية .. صاح يا خوية.. صاح يا خوية
لخوه حسين مرة صاح ياخوية
========================
========================
رباطات عن السيدة زينب عليها السلام بعد فقد العباس عليه السلام
=====================
قصيدة ( ياليل الطف)
ليلة السابع
ليله الامام العباس (ع)
لسان حال زينب الحوراء (ع)
ــــــــــــــــــــــــــــــــــــــــــــــــــــــــــــــــــــــــ
ياليل الطف خل اعيوني
اتوچد درب النهر
گلبي اتگطع وين الكافل
مامش ضي الگمر
عباس امضيعته
يا ليل و انه اخته
ياليل الطف
°°°°°°°°°°°°°°°°°°°°°°°°°°°°°°°°
يا ليل المصيبه
ماترحم غريبه
ضاعـت بالفلـه و ابلا اهـل يـم الاعــادي
يا ليل اشجـرالك
چن حالي حِلالك
ياليل اهدعش گلبي انگطع مثل الايادي
وصلني لكفيلي
ما يصبر دليلي
خليني بكتر چفه اوون واصرخ وانادي
عباس انهض وانظر لوني
ظهري وگلبي انكسر
وين الفزعه مامش خيمه
وانته بطول النهر
بالغيره امحشمته
يا ليل و انه اخته
ياليل الطف
عليهم يابوفاضل لاتشد حيلك
مايسوون كلهم موش من جيلك
بعدك بالخيام وصاحو دخيلك
مـــن صيتك يحيــد الجيش مهــزوم
هـــم ايـــدك وكص اركابهم هسه
وخلني اتونس على صياحهم ونسه
اريــد الشاف يومك كون ما ينسه
ذاخــرتك لهـــاي ويومك اليـــــوم
ياغيــرة علي ويافرحة الزهرة
ساعة ملكه سيفك ساعة الكشرة
خل كاع الطفوف من الزلم كَفرة
وخــل اللاكَتك برواحهـــا تلـــــوم
رائد الناشي
12/02/2024
شعبان هل أهــلاله هلا هلا
أنهني الرسول وآله هلا هلا
شهر الفرح شهر الخير
شعبان شعبان
يا هلا شعبان...............................................................
يا نسيم الهاب غنــــــي ودور ما بين المله
وأرسم الفرحة بشفاهك رتل أحروف الهله
أخذ مني شوك عاشك وأمشــي بيه الكربله
ضوي سمانه يا هلا
الفـــرح جانه يا هلا
عطر الورد بالحب فاح
والشــوك بحروفه حله
طيــــر السعد غناله هلا هلا
أنهني الرسول وآله هلا هلا
شهر الفرح شهر الخير
شعبان شعبان
يا هلا شعبان......................................................
شع ضوه أهلال المودة وعالم العلوي أبتهج
ثالث أنوار الهداية أشرق ونوره وهـــــــــج
رحمة الباري ونعمته حسيــــن مفتاح الفرج
يا هـــلا بجيته يا هلا
نور دنيته. ياهلا
عالفطرة حبــــه يا ناس
ودلالـــــي بحروفه لهج
بسمه الفرح يحلاله هلا هلا
أنهني الرسول وآله هلا هلا
شهر الفرح شهر الخير
شعبان شعبان
يا هلا شعبان....................................................
هل ربيع الخوه وأزهر بسمه معراج الوفه
ورسم قاموس الكواكب كمر وبنوره أكتفه
شافه الحسين وتبختر شاف نور المصطفى
بكماطه توه يا هلا
بيرغ الخوه يا هلا
وزينب أجت بالكاروك
شدت حجاب العفــــــه
عباس نوره لالـــــه هلا هلا
أنهني الرسول وآله هلا هلا
شهر الفرح شهر الخير
شعبان شعبان
يا هلا شعبان.....................................................
بزغ من وحي الأمامة شمس سبحانه وجعل
بدر وجها ويا تمامه شبه من خير العمل
علي يا محلى علي السجاد ضي نوره أكتمل
ميلاده رحمه. يا هلا
من فدوه لاسمه. يا هلا
الليلة فرح والأعياد
كل محب عالفطرة احتفل
كلبي أبتهج دلاله. هلا هلا
أنهني الرسول وآله. هلا هلا
شهر الفرح شهر الخير
شعبان شعبان
يا هلا شعبان..........................
11شعبان وتلاه 15 بدر الدرر
علي الأكبر نوره ضوه وبعده هل المنتضر
فرحه واعياد وهلاهل بيهم الكون أبتشر
نور الولاية. ياهلا
كل شمس آيه. ياهلا
بيهم تغنه القداح
وفرحت ملايين البشر
البيهم فرح هنياله. هلا هلا
أنهني الرسول وآله. هلا هلا
شهر الفرح شهر الخير
شعبان شعبان
يا هلا شعبان.....................................
خادم خدمة الحسين
الشاعر محمد الموالي
15/10/2023
السلام عليكم
متابعيني اثبت نفسك بنداء
لبيك يا حسين
18/09/2023
ردينه بحزن لديار اهلنه
نصيح بصؤت محد يطلعنه
*
خليه الدار جاوين اهلها
مغبره الدار وانا اصد الها
من الوليان محد ردالها
اجينه بشوك والونه عالونه
*
بس اطفال ردينه والعليل
طبنه المدينه ادموعنه تسيل
طبنه بحزن وبهدوه اليل
خلاف لاهل محد ذكرنه
*
خل ننصب عزه لابونه حسين
وعلى عمنه البطل ظحى بجفين
باهات وحزن ونجر بالونين
يادرب السبي اخ ووجعنه
*
كون نشيل عنج ياديران
ولا نبقى نساء من غير وليان
اهلنه اسباع والله وحنان
ردينه بحزن لديار جدنه
*
لاتقبلين بينه ولج يادار
شنكله اليجى لاهلى خطار
نسؤلف عالجرى والصار ماصار
كعدنه اليوم عالعتبه وبجينه
ام محمد الهاشميه لايجوز حذف لاسم ذمه رجاء
Be the first to know and let us send you an email when نشر القصائد الحسينيه posts news and promotions. Your email address will not be used for any other purpose, and you can unsubscribe at any time.
