Ranya TV

03/08/2026

ئاگادارکردنەوەی گرنگ

سەرۆکایەتی شارەوانی چوارقوڕنە، لە پێناو پاراستنی ماف و بەرژەوەندی هاوڵاتییان، ئاگاداری هەموو هاوڵاتیان دەکاتەوە کە تا تەواوبوونی هەموو ڕێکارە یاسایی و کارگێڕییەکان، خۆیان لە هەر جۆرە کڕین و فرۆشتن و گواستنەوەی زەوییەکان بەدوور بگرن کە لە چوارچێوەی پرۆژەی دابەشکردنی زەوی بۆ فەرمانبەران و سودمەندانی دیکە دابەش دەکرێن.

شارەوانی چوارقوڕنە ڕوون دەکاتەوە کە:

* هێشتا وردبینی و پشکنینی تەواوی لیستی سودمەندان بە تەواوی کۆتایی نەهاتووە.
* هەر ناوێک کە لە دواتردا بسەلمێت پێشتر سودمەند بووە یان مەرجە یاساییەکانی تێدا نییە، بە پێی یاسا ناوی لە لیست لادەبرێت و زەوییەکەی لێ وەردەگیرێتەوە. سودمەندبوان ئەو کەسانەش دەگرێتەوە کە پێشتر (زەوی، شوقە یان خانووی حکومی) وەرگرتبێت.
* تا تەواوبوونی ئەم قۆناغە، شارەوانی بە هیچ شێوەیەک بەرپرسیار نییە لە هیچ مامەڵەی کڕین و فرۆشتن یان گواستنەوەی مڵکایەتی ئەو زەوییانە.

هەروەها داوا لە هەموو هاوڵاتیان و دڵخوازان دەکرێت بۆ پاراستنی ماف و سەرمایەی خۆیان، تەنها پشت بە ڕاگەیاندنە فەرمییەکانی شارەوانی چوارقوڕنە ببەستن و لە هەر جۆرە مامەڵەی نافەرمی خۆیان بپارێزن.

شارەوانی چوارقوڕنە
خزمەتگوزاری بە یاسا، دادپەروەری و شەفافیەت.

03/08/2026

ئاگاداری هاوڵاتیان دەکەینەوە کە دابەشکردنی بەنزینی (٧٥٠) دیناری حکومی کە لە لایەن بەڕێوەبەرایەتی نەوت و کانزاکانی ڕاپەرین دابینکراوە بەپێی پسوڵە دەبێت کە ڕۆژانە لەلایەن لێژنەی سوتەمەنی قائمقامیەتی قەزای ڕانیە دابەشدەکرێت بە سیستەمی (تاک و جووت) وە تەنها بڕی (٤٠) چل لتر دەدرێت بەهەر ئۆتۆمبێلێک .

تێبینی / پسوڵە تەنها دەدرێت بە دوو ڕیزی یەکەمی بەردەم دەرگای بەنزینخانە بەم دوو ڕیزە بەردەوام دەبێت تا کۆتای پسولەکان دەگاتە دەستی شۆفێران و تاکو سەرجەم بڕی بەنزینەکە تەواو دەبێت.

هیچ ئۆتۆمبێلێک دوو پسوڵەی لێ وەرناگیرێت وە ڕۆژی هەینی بەنزینمان نابێت .
ڕۆژە جووتەکان ( شەممە ، دووشەممە ، چوارشەممە)
ڕۆژە تاکەکان (یەک شەممە ، سێ شەممە ، پێنج شەممە)

کۆتا ژمارەی تابلۆی ئۆتۆمبێل تاکو جووت دیاری دەکات .

ڕاگەیاندنی قائمقامیەتی قەزای ڕانیە

03/08/2026

کورتکراوەی مۆندیال
بەشی حەوتەم

02/08/2026

سەنتەری نەخۆشیەکانی مەمک لەڕاپەڕین

ئاماری خزمەتگوزاریە تەندروستیەکانی سەنتەرەکە لەماوەی شەش مانگی ئەمساڵدا.

02/08/2026

هیوای سەلامەتی و تەندروستیەکی باش بۆ هاوڕێ و هاوکارمان ڕۆژنامەنووس ئەمیر حەسەن دەخوازین ، خوای گەورە شیفای بەخێری بۆ بنێرێت.

کەناڵی ڕانیە

01/08/2026

کورتکراوەی مۆندیال
بەشی شەشەم

30/07/2026

30/07/2026

پرۆسەی دابەشکردنی زەوی بەسەر فەرمانبەراندا کەوتە بواری جێبەجێکردنەوە
ـــــــــــــــــــــــــــــــــــثـــــــــــــــ

تێبینی: بۆ دڵنیابوونەوە لە ناوی خۆت یان ئاگاداربوون لە کات و شوێنی تیروپشک، پێویستە پوستەكە سەیربكەیت بەوردی سەیری ناوەكان بكەیت

بەشی ڕاگەیاندنی سەرۆكایەتی شارەوانیی چوارقوڕنە
٣٠-٧-٢٠٢٦

28/07/2026

کورتکراوەی مۆندیال
بەشی پێنجەم

28/07/2026

ژیان و کارنامەی بەڕێز سەید قادر

بەڕێز سەید قادر لە ساڵی ١٩٢١ لەدایک بوو. سەرەتای ژیانی لە شاری ڕانیە دەست پێکرد و لە تەمەنی گەنجیدا بە کار و کاسبی و بازرگانی خۆی ناسرا. بەهۆی هەوڵ، ماندووبوون و بیرکردنەوەی پێشکەوتنخوازانەی، بوو بە یەکێک لە دیارترین کەسایەتییە ئابووری و کۆمەڵایەتییەکانی ڕانیە.
دەستکەوت و خزمەتگوزارییەکان
سەید قادر خاونی مەزگەوتی سەید قادر لە شاری ڕانیە بوو، کە تا ئێستاش وەک یەکێک لە شوێنە گرنگەکانی شار ناسراوە.
لە بواری بازرگانیدا، چەندین دوکان و بازاڕی دامەزراند و هەروەها یەکێک بوو لە سەرکەوتووترین بازرگانانی ناوچەکە.
لە گرنگترین دەستکەوتەکانی ئەو ئەوە بوو کە:
یەکەم کەس بوو وەکالەتی نەوت، بەنزین و گازی هێنایە شاری ڕانیە و بەو هۆیە ڕۆڵێکی گرنگی لە پەرەپێدانی ژیانی ئابووریی شاردا گێڕا.
یەکەم کەس بوو کە هۆتێلێکی نوێ و مۆدێرنی لە ڕانیە دامەزراند و بە شێوەیەکی بەرچاو خزمەتی خەڵکی شار و میوانانی کرد.
دامەزرێنەری کارگەی سەهۆڵی قەندیل بوو، کە بوو بە یەکێک لە سەرکەوتووترین و ناسراوترین کارگەکانی ناوچەکە. هەروەها زۆربەی وەکالەتەکانی بە ژمارە یەک لە شاری ڕانیە ناسراون.
پاشان لە سلێمانی
دوای ماوەیەک، سەید قادر گواستییەوە بۆ شاری سلێمانی، بەڵام لەوێش هەمان ڕۆحی کاریگەر و پێشکەوتنخوازی بەردەوام بوو. لە سلێمانی چالاکییە بازرگانی و پیشەسازییەکانی فراوانتر کرد و لە بواری:
کارگەی سەهۆڵ،
کارگەی مەرمەر،
و دامەزراندنی کارگەی شەکری قەندیل لە کانیسکان،
کاری گەورەی ئەنجامدا و بەشدارییەکی گرنگی لە گەشەپێدانی پیشەسازیی ناوچەکە کرد.
میرات و ناوبانگ
تا ئێستاش ژمارەیەک لە بیناکان، دوکان و موڵکەکانی بە ناوی سەید قادر ناسراون. هەروەها ناوی کارگەی سەهۆڵی قەندیل هێشتا وەک یەکێک لە دیارترین ناوە بازرگانییەکانی ناوچەکە ماوەتەوە و بەشێکە لە میراتی ئەو کەسایەتییە.
سەید قادر بە نمونەیەک لە کەسایەتییە سەرکەوتووەکانی کوردستان دادەنرێت؛ کە بە ماندووبوون، دڵسۆزی و بیرکردنەوەی ئابووری توانی کاریگەرییەکی بەرچاوی لەسەر گەشەی شاری ڕانیە و دوای ئەویش شاری سلێمانی جێبهێڵێت. ناوی ئەو هەمیشە وەک دامەزرێنەر، بازرگان و خاوەن خزمەتگوزارییە گەورەکان لە مێژووی ناوچەکەدا بە ڕێزەوە دەهێنرێتەوە.

وەرگیراوە لە فاتمە خان، وێنە کۆنەکانی سلێمانی