06/08/2025
لە ئیستادا مردنی هیچ ئینسانێک لە زانایەکەوە بیگرە تا سیاسییەک تا هونەرمەندێک تا کەسێکی ئاسایی لە یەک دوو ڕۆژ زیاتر ڕامانناگرێت ، مردنی هەموومان تەنها دوو ڕۆژە، لەهەر پێگە و ناوبانگ و پلەیەکدابیت ، دوای ئەوە بابەتێکی تر دێت و تۆ بەخێرایی دەبیتە ڕابردوو و بیرچۆوە ، بەڵام بەدبەختییەکە ئەوەیە لەو دوو ڕۆژەدا ، بە ئەندازەی پەنجا ساڵ ڤیدیۆ و وێنە و ڕاپۆرت و نوسینت لەسەر تۆمار ئەکرێت
لە طوب عەدلییەکەوە ، بۆ مزگەوت و شوێنی مردوو شۆردنەکە و پاشان تا دابەزینت بۆ ناو گۆڕەکە میدیای کوردی ئابڕو و کەرامەتت پێوە ناهێڵێت هەرچی کێشەی نهێنی ژیانت هەبوو هەمووی لە خزم و کەسوکارەکەت دەردەهێنن و پاش مردنی خۆشت بەهۆی ئەم میدیا بێکارەوە دەیان کێشەی کۆمەڵایەتی بۆ خانەوادەکەت جێدەهێڵن.
هۆکاری مردنەکەی ؟ بزانە بۆ کوشتیان؟ پێشتر لەگەڵ کێ کێشەی هەبووە ؟ هەزار کێشەی ترت بۆ ئەنێنەوە خراپتر لە وەسییەت و وەرەسەیەک کەجێت هێشتووە.
زۆرجار ئەڵێن بۆ قەت ناییەت بۆ بەرنامەو شت ؟ هەر بەڕاستی ڕوویەک یان بوێرییەکی زۆری ئەوێت ئینسان لەو میدیایەنەوە دەرکەوێت.................
ژنێک چوبووە سەر گۆڕی مێردەکەی وتبووی معاش نییە و مناڵەکان وا دەوامی مەکتەب ئەکريتەوە و جانتاو پێڵاویان نییە و کرێ کارەبامان نییە تۆ بۆ لەم کاتەیا رۆشتی ؟
شەو پیاوەکە چووبووە خەوی ژنەکەی و پێی وتبوو ژنەکە بیکە بەراهی خوا من مردووم نیو کۆنتێنەر خۆڵیان کردووە بەسەرما لەو دونیام خۆ نەرۆشتووم بۆ دوبەی 😁
کابرا قوڕ ئەکرێ بەسەریا کەچی یەک دنیا شەڕی تری بۆ ئەنێنەوە ، بەتایبەت مرۆڤ لە دۆخی تورەیی و ماندوێتی و مردنی ئازیزانیدا رەنگە شت گەلێک بڵێت تا چەندین ساڵ ببێتە کێشە؟
هەر بەراست ئێوە قەت بیرتان لە مردنی خۆتان و کەسوکارتان نەکردۆتەوە دواتر چی بەسەر ئێوەشدا دێت ؟
هەر بەراست مردوو تەسویرکردنیش بوو بە ئیش ؟
هێمن عبدالقادر
