قائیمقامیەتی سلێمانی Qaemqameati Slemani

18/02/2025

.

لە وتەیەکیدا، ئاوات محەمەد قائیمقامی سلێمانی وێڕاى سوپاسکردنیان، هیوای تەمەن درێژی و تەندروست باشی بۆ خواستن، ووتی: “ماندوبوون و شەونخوونى فەرمانبەرانی خانەنشینى جێگەی فەخر و شانازییە، دڵنیاتان دەکەینەوە شەونخوونیتان لە ڕابردوو بە هەدەر نەچووە، و قائیمقامییەتەکەمان بە وەفاو قەدرەوە شانازی پێوە دەکات”.

ڕاگەیاندنی قائیمقامیەتی سلێمانی

18/02/2025

خەڵاتی ڕێزلێنان بەخشرایە چەند فەرمانبەرێکی قائیمقامیەتی سلێمانی

بەهۆی خانەنشین بوونیان ژمارەیەک فەرمانبەر لە قائیمقامییەتی سلێمانی خەڵاتى ڕێزلێنانیان پێبەخشرا و ئاوات محەمەد دەڵێت ماندوبوون و شەونخونى فەرمانبەرانی خانەنشینى جێگەی فەخر و شانازییە.

ئەمڕۆ سێ شەممە، ڕێکەوتى ١٨ی شوباتی ٢٠٢٥، لە دیوانی قائیمقامیەتی سلێمانی، بەئامادەبوونی ئاوات محەمەد قائیمقامی سلێمانی و فەرمانبەران و لێپرسراوی بەشەکان، رێورەسمی پێشکەشکردنى خەڵاتى ڕێزلێنان بۆ (٥) فەرمانبەر ڕێکخست، لە پای ئەو خزمەت و ماندوبوونەی کە لە ماوەی ساڵانی خزمەتی فەرمانبەریەتیدا بۆ خزمەتی هاوڵاتیان و بەرژەوەندی گشتی بەخشیویانە بە قائیمقامییەتی سێمانی.

لە وتەیەکیدا، ئاوات محەمەد قائیمقامی سلێمانی وێڕاى سوپاسکردنیان، هیوای تەمەن درێژی و تەندروست باشی بۆ خواستن، ووتی: “ماندوبوون و شەونخوونى فەرمانبەرانی خانەنشینى جێگەی فەخر و شانازییە، دڵنیاتان دەکەینەوە شەونخوونیتان لە ڕابردوو بە هەدەر نەچووە، و قائیمقامییەتەکەمان بە وەفاو قەدرەوە شانازی پێوە دەکات”.

ڕاگەیاندنی قائیمقامیەتی سلێمانی

17/02/2025

سەرۆکی داواکاری گشتی: لیژنە هاوبەشەکان چاوی ئێمەن بۆ پاراستنی شارو پشتگیری یاساییان دەکەین

قائیمقامیەتی سلێمانی و داواکاری گشتی هەماهەنگی دەکەن.

سەرۆکی فەرمانگەی داواکاری گشتی سلێمانی و قائیمقامی سلێمانی باسیان لە چۆنێتی باشتر بەڕێوەچوونی کارەکان و رێکارە یاساییەکان کرد.
ئەمڕۆ ١٧/٢/٢٠٢٥ حاکم مەهدی رەشید- سەرۆکی فەرمانگەی داواکاری گشتی سلێمانی و حاکم سەڵاحەدین لەتیف- سەرۆکی لیژنەی داوای مافی گشتی، سەردانی قائیمقامیەتی سلێمانییان کرد و سەرەڕای ئەوەی کە دەستخۆشی لە کاری لیژنە هاوبەشەکان کرد، رایگەیاندن ئەو لیژنانە چاوی هەموومانن بۆ پاراستنی تەندروستیمان، بۆیە بەهەموو شێوەیەک پشتیوانییان دەکەین و هاوکاریان دەبین.
دواتر لە کۆبونەوەیاندا لەگەڵ سەرۆکی هەموو لیژنەکانی قائیمقامیەت، سەرۆکی فەرمانگەی داواکاری گشتی سلێمانی رایگەیاند: ئێمە دڵنیاین لە دڵسۆزی و ماندووبوونتان، ئێوە لە میانی کارەکانتاندا تووشی کێشە دەبن، بەڵام ئامانجتان خزمەتی گشتییە، هەربۆیە پشتئەستور بن بەوەی کە ئێمە پشتیوانتانین.
وتیشی: ئەو دۆخە ئابورییە خراپەی ناوچەکەمانی گرتووەتەوە و بارگرانی بۆ هەموو هاوڵاتیان دروستکردووە، دڵنیاین کاریگەری خراپی لەسەر کاری لیژنەکانی ئێوە نەکردووە، هەربۆیە سوپاسی یەکبەیەکتان دەکەین.
سەرۆکی فەرمانگەی داواکاری گشتی سلێمانی تەئکیدیشی کردەوە هەر کەس و لایەنێک سکاڵا لە کەسێک یان شوێنێک بکات رێکاری یاسایی لەگەڵ سەرپێچیکار دەگرینە بەر و چاوپۆشی لەهیچ شوێن و کەسێک ناکەین
هەر لە کۆبونەوەکەدا ئاوات محەمەد- قائیمقامی سلێمانی سەرەڕای ئەوەی دەستخۆشی لە فەرمانگەی داواکاری گشتی کرد کە پاڵپشتی کاری لیژنە هاوبەشەکان بووە.
ئاماژەی بەوە کرد کە ئەم لیژنانە لە بەرەبەیانی هەموو رۆژێکەوە هەتا درەنگانی شەو لەکاردان و بەدواداچوون بۆ هەموو ئەو خۆراک و شمەکانە دەکەن کە دەفرۆشرێن بە هاوڵاتیان، کاری ئەوان پاراستنی تەندروستی و سەلامەتییە.
قائیمقامی سلێمانی وتیشی: سەرەڕای زیادبوونی ژمارەی سەردانەکان، ژمارەی سەرپێچییەکان کەم بوونەتەوە کە ئەوە ئامانجی ئێمەیە و لە ئەنجامی دڵسۆزی ئەو لیژنانەو هەماهەنگی فەرمانگە پەیوەنیدارەکان بووە.

راگەیاندنی قائیمقامیەتی سلێمانی

12/02/2025

قائیمقامیه‌تی سلێمانی 184 كیلۆگرام گۆشتی هندی له‌ناوده‌بات

لیژنه‌ هاوبه‌شه‌كانی قائیمقامیه‌تی سلێمانی ده‌ست به‌سه‌ر ئاژه‌ڵێك و بڕێكی زۆر گۆشتی هندی قه‌ده‌غه‌كراودا ده‌گرن, كه‌ له‌ ده‌ره‌وه‌ی كوشتارگه‌ و به‌بێ پشكنینی ڤێتێرنه‌ری و ته‌ندروستی سه‌ریانبڕیوه‌.

له‌راپۆرتی لیژنه‌ هاوبه‌شه‌كاندا هاتوه‌؛ له‌سه‌ر زانیاری به‌ڕێوه‌به‌رایه‌تی ئاسایش و دوای وه‌رگرتنی ره‌زامه‌ندی دادوه‌ر، لیژنه‌ی سێی سه‌ربه‌ لیژنه‌ هاوبه‌شه‌كانى قائیمقامیه‌تی سلێمانی سه‌ردانی ماڵێكی كردوه‌ له‌ گه‌ڕه‌كی سه‌رچنار و ده‌ستیان به‌سه‌ر (184) كیلۆگرام گۆشتی هندی قه‌ده‌غه‌كراودا گرتوه‌.

به‌پێی رێنماییه‌كانی وه‌زاره‌تی كشتوكاڵ، هاورده‌ كردنی گۆشتی هندی قه‌ده‌غه‌یه‌ و له‌هه‌ر شوێنێكدا ده‌ستی به‌سه‌ر دا بگیرێت، ته‌واوی گۆشته‌كه‌ له‌ناوده‌برێت و له‌لایه‌ن لیژنه‌ هاوبه‌شه‌كانی قائیمقامیه‌تی سلێمانییه‌وه خاوه‌نه‌كه‌شی‌ روبه‌ڕوی رێكاری یاسایی ده‌كرێته‌وه‌.

هاوكات، بێجگه‌ له‌ ده‌ستبه‌سه‌ردا گرتنی گۆشته‌ هندییه‌كه‌، خاوه‌ن ماڵه‌كه‌ ئاژه‌ڵێك (گوێره‌كه‌یه‌ك)ـی به‌ده‌ر له‌ رێنمایی و به‌بێ پشكنینی ڤێتێرنه‌ری و ته‌ندروستی سه‌ربڕیوه‌، كه‌ كێشه‌كه‌ی (160) كیلۆگرام بوه‌، له‌لایه‌ن لیژنه‌ی باڵای قائیمقامیه‌ته‌وه‌ ده‌ستی به‌سه‌ردا گیراوه‌.

له‌راپۆرتی لیژنه‌ هاوبه‌شه‌كاندا ئاماژه‌بۆ ئه‌وه‌ كراوه‌، بۆ له‌ناوبردنی به‌شێوه‌یه‌كی زانستی، به‌فه‌رمانی قائیمقامی سلێمانی ته‌واوی گۆشته‌ هندییه‌كه‌ و ئاژه‌ڵه‌ سه‌ربڕڕاوه‌كه‌ ره‌وانه‌ی به‌ڕێوه‌به‌رایه‌تی ڤێترێنه‌ری سلێمانی ده‌كرێت و خاوه‌نه‌كه‌شی روبه‌ڕوی رێكاری یاسایی ده‌كرێته‌وه‌.

بۆ گەیاندنی سکاڵا و زانیاری بەقائیمقامیەتی سلێمانی و لیژنە هاوبەشەکان، پەیوەندی بە ژمارە مۆبایلی (07708677777)ـەوە بکەن.

راگەیاندنی قائیمقامیەتی سلێمانی

12/02/2025

ئاماری لیژنە هاوبەشەکان: لە مانگی یەکی ئەمساڵدا (١٦) شوێن داخراون

ئاماری ئەو کارو چالاکیانەی لیژنە هاوبەشەکان، کە لە مانگی (١)دا لە سنوری شاری سلێمانی ئەنجامیانداوە، دەریدەخەن هیچ حاڵەتێکی دادگا تۆمارنەکراوە، بڕی (١٤) تۆن و (٩٩١) هەزار و (٦) سەد کیلۆگرام مەوادی ماوەبەسەرچوو لەناوبراون.

پشتبەست بەو داتا و زانیارییانەی لە قائیمقامیەتی سلێمانی تۆمار کراون، لە ماوەی یەک مانگدا، لە بەرواری (١/١/٢٠٢٥ تاوەکو ١/٢/٢٠٢٥ ) لیژنە هاوبەشەکانی قائیمقامیەتی سلێمانی (٦،٢٧٦) سەردانیان بۆ بازار و شوێنە گشتییەکانی شاری سلێمانی ئەنجامداوە، لەو سەردانانەشدا (١٥٤) حاڵەتی ئاگادارکردنەوە و (٣٧٦) حاڵەتی سەرپێچی جۆراوجۆر تۆمارکراوە.

لەو ئامارەدا هاتووە، لەم مانگەدا هیچ حاڵەتێکی دادگا تۆمار نەکراوە، (١٦) شوێنی گشتی و بازرگانیش داخراون، ئەو شوێنانەشی کە رووبەڕووی داخستن بوونەتەوە بەهۆی دووبارە ئەنجامدانی سەرپێچی و پابەندنەبوونیان بووە، بەو رێنمایانەی کە پێشتر لە لایەن لیژنە هاوبەشەکانەوە پێیاندرابوون.

دوایین ئامار، وردەکاری کار و چالاکییەکانی دیکەی لیژنە هاوبەشەکانی قائیمقامیەتی سلێمانی لە مانگی کانوونی دووەمی خستوەتەڕوو، کە لیژنەکان توانیویانە لەو مانگە دا بری (١٤) تۆن و (٩٩١) هەزار و (٦) سەد کیلۆگرام تۆن مەواد لەناو ببەن وە بەبڕی (٥٢) ملیۆن و (٢٥٠) هەزار دینار، سزای هەموو ئەو شوێنانە بدەن کە پابەندی رێنماییەکانی سەلامەتی و تەندروستی و ڤێتێرنەری نەبوون، هەروەها ئەو بڕە پارەیەی کە وەک غەرامە وەرگیراوە بە پێی رێنماییەکان دەخرێتەوە سەر داهاتی گشتی.

راگەیاندنی قائیمقامیەتی سلێمانی

09/02/2025

قائیمقامیەت و زانکۆی سلێمانی هەماهەنگی بۆ گەشەپێدانی شار دەکەن

کۆبونووەی یەکەم کرا گفتوگۆ لەبارەی پلانی پەرەپێدانی ستراتیژی شاری سلێمانی (CDS).
ئەمڕۆ ئاوات محەمەد- قائیمقامی سلێمانی پێشوازی کرد لە وەفدێکی کۆلێژی ئەندازیاری زانکۆی سلێمانی و مامۆستایەکی زانکۆ لە وڵاتی پرتوگال، گفتوگۆیان کرد بۆ یەکخستنی هەوڵەکانیان بۆ پەرەپێدانی شاری سلێمانی و جێبەجێکردنی پلانی پەرەپێدان.
قائیمقامی سلێمانی ئاماژەی بەوەکرد دەستی هەرکەسێک دەگرن بۆئەوەی بیەوێت خزمەتی سلێمانی بکات، بەتایبەت ناوەندە زانستی و ئەکادیمییەکان.
وتیشی: زانکۆی سلێمانی بەهەمووجۆرێک هاوکارمان بووەو پاڵپشتی هەوڵەکانمان بووە بۆ خزمەتی سلێمانی.
پرۆفیسۆر د. سیروان خورشید لە کۆلێژی ئەندازیاری زانکۆی سلێمانی ئاماژەی بەوە کرد: دەستخۆشی لە هەوڵە بەردەوامەکانتان دەکەین بۆ ئەوەی سلێمانی بەرەو پێشکەوتن و خۆشگوزەرانی ببەن.
شارەکە وەک ناوەندێکی ڕۆشنبیری و ئابووری و مێژوویی لە هەرێمی کوردستان ڕۆڵێکی دیار و بەرچاوی هەیە و لەگەڵ چڕبوونەوەی شارنشینی، پێویستیی چوارچێوەیەکی ستراتیژی هەمەلایەنە بۆ ڕێنماییکردنی گەشەسەندنەکەی تا دێت گرنگتر دەبێت.
وتیشی: جێبەجێکردنی پلانی گەشەپێدانی شار (cds) خزمەتێکی درێژمەودای هەمەلایەنە بە سلێمانی دەکات.
هاوکات پرۆفیسۆر د. کیومرث ایراندوست- لە وڵاتی پرتوگال رایگەیاند: سلێمانی کۆکەرەوەی هەموومانە، ئێمەش هاتوین بۆئەوەی خزمەتی سلێمانی بکەین. وتیشی: پلانی (cds) بۆ شارە پێشکەوتووەکانی جیهان کاری پێدەکرێت و تەواوی پلانە جیاوازەکان یەکدەخات، بەپێی ئەو پلانە شێوازو گەشەسەندنی سلێمانی لە هەموو رووەکانە بۆ چەندین ساڵی ئایندە لەبەرچاو دەبێت، هەربۆیە پێمان وایە ئێستا کاتی گونجاوە بۆ دەستپێکردنی ڕێبازێکی ستراتیژی درێژخایەن بۆ سلێمانی.
پاشان خوێندکاری دکتورا ئارام قاسم قەرەداغی رونکردنەوەی لەبارەی (cds) داو وتی: دانانی پلانی گەشەپێدانی شارەکانە کە لە ئاستی نێودەوڵەتیدا دانپێدانراوە و یارمەتی شارەکان دەدات لە دیاریکردنی ئەولەویەتەکان و تەرخانکردنی سەرچاوەکان بە شێوەیەکی کارا و پلاندانان بۆ گەشەکردنی بەردەوام، بەتایبەت کەرتە سەرەکییەکانی ژێرخانی، لەوانەش گواستنەوە، خزمەتگوزارییە گشتیەکان، بەڕێوەبردنی پاشماوە و دابینکردنی ئاو. لەگەڵ ئەوەش چوارچێوەیەکی ڕوونی وەبەرهێنان دابین دەکات و سیاسەتە ناوخۆییەکان لەگەڵ دەرفەتەکانی دارایی نیشتمانی و نێودەوڵەتیدا هاوتەریب دەکات و هەردوو وەبەرهێنانی کەرتی تایبەت و گشتی ڕادەکێشێت.
لەکۆتایدا قائیمقامی سلێمانی وتی: ئێمە پێمان وایە پێویستە شاری سلێمانی پێشەنگایەتی بکات لە دەستپێکردنی ئەم پڕۆژە ستراتیژییە و هەرچی ئەرکێک لەسەرشانیان بێت جێبەجێی دەکەن و ئەم کۆبونەوەیەش سەرەتای جێبەجێکردنی ئەو پرۆژە گرنگەیەو بەسوپاسەوە لەگەڵ زانکۆی سلێمانی پلان دادەنێن بۆ قۆناغەکانی داهاتوو.

راگەیاندنی قائیمقامیەتی سلێمانی

07/02/2025

06/02/2025

قائیمقامی سلێمانی: پاراستنی منداڵ ئەرکە و پەیوەندی بە ئاسایشی تاک و گۆمەڵگاوە هەیە

قائیمقامی سلێمانی لەگەڵ ئەنجومەنی پاراستنی منداڵ کۆبوەوە و دەڵێت، "پارێزگاریکردن لە مافەکانی منداڵ بابەتێکی گرنگ و هەستیارە، بۆ زامنکردنی پێویستمان بە هەماهەنگی دادگا، دامەزراوە ئەمنی و حکومییەکان، مزگەوتەکان و پیاوانی ئایینی، رێکخراوەکانی کۆمەڵگەی مەدەنی، و دەزگاکانی راگەیاندن دەبێت".

ئەمرۆ پێنج شەمە (٦/٢/٢٠٢٥)، ئاوات محەمەد، قائیمقامی سلێمانی لە دیوانی قائیمقامیەتی سلێمانی پێشوازی لە نوێنەرانی ئەنجومەنی پاراستنی مافەکانی منداڵ و بەرێوەبەرایەتی تەندروستی و رێکخراوی منداڵپارێزی کوردستان کرد، کە بە مەبەستی چارەسەرکردنی کێشە و گیروگرفتەکانی منداڵ لە خوێندنگە، بازار و شوێنە گشتییەکان، سەردانیان کردبوو.

لەو دیدارەدا، بە گرنگییەوە باس لە هەموو ئەو کێشانە کرا کە لە ئێستادا مەترسیین بۆ سەر لایەنی تەندروستی و پەروەردەیی منداڵ و مافەکانیان.

لە سەرەتادا ئاوات محەمەد تیشکی خستە سەر ئەو لایەنانەی کە پێویستە خزمەتی منداڵی پێبکرێت و رایگەیاند، بە تەنها دیاریکردنی کێشەکان و پێشنیار بۆ چارەسەرکردنی کێشەکان بەس نییە، بەڵکو ئەمە بابەتێکی گرنگ و هەستیارە دەبێت دادگاو دامەزراوە ئەمنی، حکومی و ناحکومیەکان، مزگەوتەکان، پیاوانی ئاینی، لەگەڵ دەزگاکانی راگەیاندن، کاری جددی مەیدانی و پێکەویی بکەین، وە بە پێی پسپۆرێتی و تایبەتمەندی و شێوازی کارکردن ئەرکەکان دابەش بکەین.

جەختیشیکردەوە لەوەی کە هەمووان پێکەوە دەتوانین بەشداربین لە هۆشیارکردنەوەی کۆمەڵگا، لەبەرئەوەی گرنگیدان بە ماف و تەندروستی منداڵ ئەرکە، هاوکات خەمێکی گشتییە و دواجار پەیوەندی بە ئاسایشی تاک و گۆمەڵگاوە هەیە.

هەر لەو دیدارەدا قائیمقامی سلێمانی باسیلەوەکرد، بەدواداچونی بەردەوام و چاودێریکردن گەرەنتی سەرخستنی کارەکان دەکات، وتیشی کە ساڵانێکە لە رێگەی لیژنە هاوبەشەکانەوە هەوڵ دەدات بۆئەوەی رێگری بکات لە دیاردەی دەرۆزەکردن لە رێگەی منداڵەوە، هەروەها هەموو ئەو شوێنانەی سزاداوە کە لە کارکردنیاندا رەچاوی لایەنی تەندروستی و پەروەردەییان نەکردووە و مافەکانی منداڵیان لەبەرچاونەگرتووە.

لەکۆتایدا قائیمقامی سلێمانی ئاماری کاروچالاکی هەرسێ لیژنەی( پاراستنی منداڵ، رێستۆرانتەکان، مەلەوانگەکان)ی بۆ ئامادەبووان خستەروو، کە زۆر چالاکانە کار بۆ پاراستنی منداڵ دەکەن لە هەموو ئەو شوێنانەی کە ئەگەری هەیە بەهۆی سەردانکردنییەوە مەترسی بۆ سەلامەتی و تەندروستیان دروست بکات، رایگەیاند لە ساڵی رابردوودا لیژنەی پاراستنی منداڵ ٢٣ شوێن، لیژنەی رێستۆرانتەکان ١٩ شوێن و لیژنەی مەلەوانگەکان ١٣ شوێنی داخستووە، کە زۆرینەی حاڵەتەکانی داخستن بەهۆی ئەوەوەبووە کە خاوەنی کارەکان رەچاوی لایەنی تەندروستی و پەروەردەیی و مافەکانی منداڵیان نەکردووە.

راگەیاندنی قائیمقامییەتی سلێمانی

06/02/2025

قائیمقامی سلێمانی بروسکەیەکی ماتەمینی بڵاوکردەوە

بەڕێزان بنەماڵەو هاوڕێیان و رۆژنامەنووسانی کوردستان.
بەداخەوە بەرەبەیانی ئەمڕۆ هەواڵی کۆچی دوایی یەکێک لە رۆژنامەنووس و میدیاکارە بە سەلیقەکان (وریا حەمەکەریم)مان بیست، لە دڵەوە خەمباری کردین.
ئەو مەرگە ناوەختە سەرەڕای ئەوەی کۆستێکی گەورەیە بۆ کەسوکارو هاوڕێکانی، زیانێکی گەورەیە لە کاری رۆژنامەوانی، هیوادارین هەواڵی لەو جۆرە نەبیستینەوە.
داوای ئارامی و دڵنەوایی بۆ هەموومان لە خوای گەورە دەکەین و ئومێدەوارین کاکە وریاش بە بەهەشتی بەرین شاد بووبێت.

ئاوات محەمەد- قائیمقامی سلێمانی

06/02/2025

سیحر و جادوی تیادا ئه‌نجام دراوه‌
قایمقامییه‌تی سلێمانی شنه‌ بیوتی داده‌خات

به‌هۆی پابه‌ند نه‌بون به‌مه‌رج و رێنماییه‌كانی كاركردن و ئه‌نجامدانی كاری سیحر و جادو تیایدا، لیژنه‌ هاوبه‌شه‌كانی قائیمقامییه‌تی سلێمانی ئارایشگای شنه‌ بیوتی داده‌خات.

ئه‌مڕۆ پێنجشه‌ممه‌، راپۆرتی لیژنه‌ی ئارایشتگاكاندا ئاماژه‌ی بۆ ئه‌وه‌كردوه‌، به‌هۆی پابه‌ند نه‌بون به‌مه‌رج و رێنماییه‌كانی كاركردن و ئه‌نجامدانی كاری سیحر و جادو له‌ شوێنه‌كه‌یدا، به‌فه‌رمانی قائیمقامی سلێمانی، لیژنه‌ شنه‌ بیوتی له‌ گه‌ڕه‌كی به‌كره‌جۆ داده‌خات.

ئه‌وه‌شیخستوه‌ته‌ڕو، بۆ روبه‌ڕوكردنه‌وه‌ی خاوه‌نه‌كه‌شی به‌رێكاره‌ یاساییه‌كان، دۆسییه‌كه‌ی ره‌وانه‌ی دادگا ده‌كرێت.

لیژنه هاوبه‌شه‌كانی قائیمقامییه‌تی سلێمانی، هۆشداری توند به‌خاوه‌ن شوێنه‌كان ده‌دات، هه‌ر شوێنێك كاری سیحر و جادوی تیادا ئه‌نجام بدرێت، ده‌سبه‌جێ شوێنه‌كه‌ داده‌خرێت و خاوه‌نه‌كه‌شی روبه‌ڕوی رێكاری یاساییه‌كان ده‌كرێته‌وه‌.

بۆ گەیاندنی سکاڵا و زانیاری بەقائیمقامیەتی سلێمانی و لیژنە هاوبەشەکان، پەیوەندی بە ژمارە مۆبایلی (07708677777)ـەوە بکەن.

راگەیاندنی قائیمقامیەتی سلێمانی

30/01/2025

قائیمقامی سلێمانی خەڵاتی ئاشتی پێدرا
له‌میهره‌جانی رواد السلام کە له‌لایه‌ن (شبكة بذرة امل للسلم المجتمعی) رێکخرابوو، خه‌لاتی ریز لینان درا به‌قائیمقامی سلیمانی و كۆمه‌لیك كه‌سایه‌تی تری شاری سلیمانی کە رۆڵیان هەبووە لە پارەپێدانی گیانی ئاشتی و پێکەوەژیان.

28/01/2025

قائیمقامیه‌تی سلێمانی زیاتر له‌ (500) ده‌رمانخانه‌و نۆرینگه‌ و تاقیگه‌ی داخستووه‌

لیژنه‌ی ته‌ندروستی چاودێری هه‌موو ئه‌و شوێنانه‌ ده‌كات كه‌ ده‌رمانی تێدا ده‌فرۆشرێت، نوێنه‌ری ته‌ندروستیش ئاماژه‌ به‌وه‌ ده‌كات به‌ رێژه‌یه‌كی باش كۆنترۆڵی كوالێتی ده‌رمان كراوه‌و له‌ماوه‌ی حه‌وت ساڵدا زیاتر له‌ پێنج هه‌زار سه‌ردانیان كردووه‌و (523) شوێنیشی داخستووه‌.
د.كاردۆ وه‌هبی، پزیشكی ده‌رمانساز و نوێنه‌ری به‌ڕێوه‌به‌رایه‌تی گشتی ته‌ندروستی له‌ لیژنه‌ هاوبه‌شه‌كانی قائیمقامیه‌تی سلێمانی رایگه‌یاند: لیژنه‌ی ته‌ندروستی یه‌كێكه‌ له‌ لیژنه‌ چالاكه‌كانی لیژنه‌هاوبه‌شه‌كان و به‌شێوه‌یه‌كی به‌رده‌وام سه‌ردانی ده‌رمانخانه‌، تاقیگه،‌ نۆرینگه‌ و هه‌موو ئه‌و شوێنانه‌ ده‌كات كه‌ هاوڵاتیان بۆ وه‌رگرتنی چاره‌سه‌ر روی تێده‌كه‌ن.
راشیگه‌یاند: لیژنه‌كه‌ له‌ ساڵی (2018)ـوه‌ پێكهێنراوه‌ كه له‌ نوێنه‌ری به‌ڕێوه‌به‌رایه‌تییه‌كانی ته‌ندروستی، ئاسایش، پۆلیس و سه‌ندیكای كارمه‌ندانی ته‌ندروستی و سه‌ندیكای ده‌رمانسازان پێكهاتون، لیژنه‌كه‌‌ تا (2024.12.31) زیاتر له‌ پێنج هه‌زار و (50) سه‌ردانی بۆ ده‌رمانخانه‌ و نۆرینگه‌ و شوێنه‌كانی دیكه‌ ئه‌نجام داوه، كه‌له‌و ژماره‌یه‌ دو هه‌زار و (944) پسوڵه‌ی سه‌رپێچی تۆماركردوه‌ و به‌پێی رێنماییه‌كان خاوه‌نه‌كانیانی روبه‌ڕوی رێكاری یاسایی كردوه‌ته‌وه‌.
د.كاردۆ وه‌هبی رونیكرده‌وه‌: له‌و ماوه‌یه‌دا لیژنه‌ هاوبه‌شه‌كانی قائیمقامیه‌تی سلێمانی (455) شوێنی ئاگادار كردوه‌ته‌وه‌ كه‌ پابه‌ندی رێنماییه‌كانی وه‌زاره‌تی ته‌ندروستی و مه‌رجه‌كانی دیكه‌ی كاركردن بن، به‌پێچه‌وانه‌وه‌ سزاده‌درێن، هه‌روه‌ها؛ به‌هۆی چه‌ند باره‌ كردنه‌وه‌ی سه‌رپێچی لیژنه‌كه‌ (523) ده‌رمانخانه،‌ نۆرینگه، تاقیگه‌ و دوكانی گیا ده‌رمانیان داخستوه‌.
له‌سه‌ر فرۆشتنی ده‌رمانی قاچاخ له‌ ده‌رمانخانه‌ و نۆرینگه‌كاندا وتی: پێشتر ده‌رمانی قاچاخ ده‌فرۆشرا، به‌ڵام دوای ده‌ستبه‌كاربونی لیژنه‌ی ته‌ندروستی قائیمقامیه‌تی سلێمانی، هێنانی ده‌رمانی قاچاخ و فرۆشتنی به‌رێژه‌یه‌كی زۆر كه‌می كردوه‌ كه‌ ئه‌وه‌ش به‌هاوكاری هه‌ریه‌ك له‌ به‌ڕێوه‌به‌رایه‌تییه‌كانی ئاسایش، پۆلیس، ته‌ندروستی و فه‌رمانگه‌كانی دیكه‌ بوه‌.
نوێنه‌ری به‌ڕێوه‌به‌رایه‌تی ته‌ندروستی راشیگه‌یاند: به‌پێی رێنماییه‌كانی وه‌زاره‌تی ته‌ندروستی كه‌ (18) جۆر ده‌رمان بۆ نۆینگه‌كان دیاریكراوه‌، بۆیه‌ ‌ده‌بێت نۆرینگه‌كان پابه‌ندبن و ته‌نها ئه‌و جۆره‌ ده‌رمانانه‌ی كه‌ بۆیان دیاریكراوه‌ بده‌ن به‌چاره‌خوازان.
له‌كاتی بوونی هه‌ر گله‌یی یان تێبینییه‌ك له‌سه‌ر نۆرینگه‌ یان ده‌رمانخانه‌یه‌ك، هاوڵاتیان ده‌توانن له‌رێگه‌ی ژماره‌ موبایلی 07708677777 په‌یوه‌ندی به‌ لیژنه‌ هاوبه‌شه‌كانه‌وه‌ بكه‌ن بۆ ئه‌وه‌ی به‌دواداچوونی بۆ بكرێت.

‌
راگەیاندنی قائیمقامیەتی سلێمانی

26/01/2025

بەوێنە؛ هەڵمەتی لیژنە هاوبەشەکانی قائیمقامیەتی سلێمانی بۆ دوکان وبازاڕ و شوێنە گشتییەکانی گەڕەکی بەختیاری

22/01/2025

هەر کارگەیەک رەچاوی سەلامەتی و تەندروستی کرێکار نەکات، دادەخرێت

لیژنە هاوبەشەکەی بەدواداچون بۆ رەوشی کرێکار لەشوێنی کار دەکات

لیژنە هاوبەشەکان چاودێری رەوشی کرێکار لە شوێنی کار دەکات و گرنگی بە لایەنی سەلامەتی و تەندروستی دەدات.
سەبرییە عەزیز- سەرۆکی لیژنەی سەلامەتی کرێکار لە لیژنە هاوبەشەکانی قائیمقامیەتی سلێمانی رایگەیاند: ئەو لیژنەیە پێکهاتووە لە نوێنەری فەرمانگە پەیوەندیدارەکان و رۆژانە چاودێری رەوشی کرێکار دەکات لە هەموو ئەو شوێنانەی کاری تێدا دەکرێت. بەتایبەت لێپێچینەوە لەلایەنی سەلامەتی و تەندروستی دەکات، پێویستە لە کارگەو شوێنکارەکاندا هەموو رێکارێک بۆ پاراستنی سەلامەتی کرێکار بگیرێتەبەر و رەچاوی لایەنی تەندروستیش بکرێت.
وتیشی: لە شوێنی مانەوەو پشودان و نانخواردنی کرێکاراندا رێگە نادرێت کەمتەرخەمی بکرێت و رەچاوی رێنماییەکان نەکرێت.
سەرۆکی لیژنەی سەلامەتی کرێکار ئاماژەی بەوەش کرد: هەر کرێکارێک گلەیی لە شوێنی مانەوەو نانخواردنی هەبوو، یان ماوەی زیاتر کاری پێکرا، یان دەستەبەری کۆمەڵایەتی بۆنەکرا، دەتوانێت پەیوەندی بە لیژنە هاوبەشەکانەوە بکات و بەدواداچون بۆ سکاڵاکەی دەکرێت.
باسی لەوەش کرد هەر کۆمپانیا، یان کەرگەو شوێنکارێک پێشێلی مافە یاساییەکانی کرێکاران بکات سزا دەدرێت، بە سزای ماددی قورس، یان داخستنی شوێنەکە.

راگەیاندنی قائیمقامیەتی سلێمانی

20/01/2025

‎دڵتەنگ و خەمبار بووم بە بیستنی هەواڵی کۆچی دوایی ئەندازیار ( کەمال مستەفا سەعید ) بەڕێوبەری گشتی شارەوانیەکانی سلێمانی،
‎کاک کەمال لە ماوەی چەند ساڵی رابردوو وەک بەڕێوبەری گشتی شارەوانیەکانی سلێمانی خزمەتێکی بەرچاوی بە ئاوەدانکردنەوە ناوچە جیاوازەکانی پارێزگای سلێمانی کردووە و لەم رووەوە تەواو جێ دەستی دیارە
‎,دواکارم لە خودای گەورە بە بەهەشتی بەرین شادی بکات و ئارامی و دڵنەوایی بە هەموان و خانەوادەکەی ببەخشێت .

‎( إنا لله وإنا إليه راجعون )

ئاوات محەمەد
‎قائیمقامی سلێمانی
20\1\ 2025

18/01/2025

قائیمقامی سلێمانی داوا لە خانەوادە دێرینەکانی سلێمانی دەکات هاوکاربن بۆ پاراستنی گەڕەکە کەلەپورییەکان

بەشێک لە خانەوادە دێرینەکانی سلێمانی کۆبونەوەو باسیان لە پاراستنی کلتوری شارەکەیان کردو چەندین پێشنیاریان بۆ گێڕانەوەی نەریتی سلێمانییانە خستە روو.

لەو کۆبونەوەیەدا کە پارێزگار و سەرۆکی شارەوانی و بەڕێوبەری گشتی گەشتوگوزارو بەرپرسانی تری ئیداری و حزبی شارەکە و کەسایەتییە دێرینەکانی سلێمانی ئامادەبوون، ئاوات محەمەد- قائیمقامی سلێمانی لە وتارێکدا پیرۆزبایی کۆبونەوەی ئەو خانەوادە بەڕێزانە کردو باسی لە مێژووی دروستبوونی شارەکەو قۆناغەکانی گەشەکردنی کرد، دواتر ئەو هەوڵانەی خستەڕوو کە بۆ پاراستنی کەلەپوری شارەکە خستویانەتەگەڕ و ئاشکرایکرد لەساڵی ٢٠١٩ وە لیژنەیەکی تایبەتیان بۆ پاراستنی گەڕەکە کۆنەکان دروستکردووە، لەو ماوەیەدا رۆڵی باشیان لە پاراستنی ئەو گەڕەکانەدا هەبووە.
لە وتارەکەیدا باسی لە گرنگی مانەوەی گەڕەکە کەلەپورییەکانی سلێمانی کردو داوای لەو خانەوادە دێرینانەی شارەکە کرد هاوکارو پشتیوان بن بۆ پاراستنی ئەو گەڕەک و خانووانە.
هەر لە مەراسیمەکەدا چەندین کەسایەتی دێرینی سلێمانی بیرەوەری خۆیان و کلتوری خەڵکی شارەکەیان بۆ ئامادەبوان باس کرد، بەتایبەت ئەو پیشەو کارە دەستییانەی بنەماڵەکانی سلێمانی پێ دەناسرێنەوە.

راگەیاندنی قائیمقامیەتی سلێمانی

16/01/2025

قائیمقامی سلێمانی: تواناکانی خۆمان بە ئاراستەی چارەسەرکردنی کێشە بازرگانی و پیشەسازییەکان لە شاری سلێمانی دەخەینە کار

قائیمقامی سلێمانی سەردانی ژووری بازرگانی و پیشەسازی سلێمانی دەکات و بەمەبەستى پەرەپێدان بە پەیوەندییەکانیان هەماهەنگى دەکەن.

ئەمرۆ پێنجشەمە، ١٦/١/٢٠٢٥، ئاوات محمد قائیمقامی سلێمانی، بە یاوەری سەرۆک و بەشێک لە ئەندامانی لیژنە هاوبەشەکانی قائیمقامیەتی سلێمانی، سەردانی ژوری بازرگانی و پیشەسازی سلێمانی کرد، و لەگەڵ نەوزاد غەفور، سەرۆکی ژووری بازرگانی و پیشەسازی سلێمانی کۆبوویەوە.

لەو دیدارەدا ئاوات محمد، دەستخۆشی لە سەرۆک و کارمەندانی ژووری بازرگانی کرد، کە هەمیشە لە سەرخستنی کارەکانی قائیمقام پشتیوانبون، هەروەها بەشدار و پاڵپشتی بەردەوامی لیژنەهاوبەشەکانن و جێدەستیان دیاربووە و وتی: “ئێمە وەکو ئیدارەی خۆجێی سلێمانی یەک ئامانجی هاوبەشمان هەیە، ئەویش بەرەوپێشبردنی کاری هاوڵاتیانە، بۆ ئەم مەبەستەش هەموو هەوڵێک دەدەین، بۆ ئەوەی بتوانین پێکەوە تواناکانی خۆمان بە ئاراستەی چارەسەرکردنی کێشە بازرگانی و پیشەسازییەکان لە شاری سلێمانی بخەینە کار”.

هەر لەودیدارەدا، نەوزاد غەفور بە گرنگییەوە باسی لە بەهێزکردنی پەیوەندی نێوان هەردوولا کرد و رایگەیاند، "کارەکانی قائیمقامی سلێمانی دڵسۆزی و خەمخۆری و ماندووبونی پێوەدیارە، داوا لە قائیمقامی سلێمانی دەکەم پاڵپشتی زیاتری ئێمەبێت و لە داهاتوودا کاری زیاتر بکات بۆ چارەسەرکردنی کێشەبازرگانیەکان و کەمکردنەوە و نەهێشتنی ئەو رێگریانەی کە لەبەردەم کاری بازرگانی و پیشەسازی دروستبوون، بوونەتە هۆکارێک بۆ زیادبونی نرخ".

لای خۆشیەوە قائیمقامی سلێمانی، هەماهەنگی بۆ کاری داهاتوو خستەڕوو و جەختی لەوەکردەوە کە بەوپەڕی دڵسۆزییەوە کاردەکەن بۆ باشترکردنی رەوشی ئابوری لە شاری سلێمانی، لەو رووەشەوە هەموو هەوڵێک دەدەین بۆ ئەوەی بارگرانی لەسەربازرگان و هاوڵاتیان کەمکەینەوە، هەروەها هانی پرۆژەی بچوک و مامناوەند دەدەین، بۆئەوەی زۆرترین پرۆژە دابمەزرێت و دەستی کاری زیاتر بخەنەکار.

راگەیاندنی قائیمقامیەتی سلێمانی