قائیمقامیەتی سلێمانی Qaemqameati Slemani

  • Home
  • Iraq
  • Slemani
  • قائیمقامیەتی سلێمانی Qaemqameati Slemani

قائیمقامیەتی سلێمانی Qaemqameati Slemani بەخێربێن بۆ پەیجی فەرمی دیوانی قائیمقامیەتی قەزای مەڵبەندی سلێمانی

قایمقامیەتی قەزای مەڵبەندی سلێمانی

قایمقامیەتی قەزای مەڵبەندی سلێمانی لە ڕووی كارگێرییەوەپێك هاتووە لە ناوەندی سلێمانی و هەرسێ‌ ناحیەی (بەكرەجۆ، بازیان، تانجەرۆ) ...جگە لە ڕۆژانی پشوو، ڕۆژانە لە كاتژمێر 8:00 بەیانییەوە تا كاتژمێر 3:00 پاشنیوەرۆ كارەكانی هاوڵاتیان بە بێ‌ جیاوازی بەرێدەكەن..
قایمقامیەتی قەزای مەڵبەندی سلێمانی لە رێگەی ئەم بەشانەوە كارەكانی هاوڵاتیان بەرێدەكات:
قائیمقام: سەرجەم ك

ارەكانی قایمقامیەت ڕێكدەخات و بەڕێوەی دەبات.
بەرێوەبەری خۆیەتی و كارگێری: سەرپەرشتی كارەكانی كارگێری و خۆیەتی دەكات و سەرجەم بەشەكانی تر رێكدەخات و كاروباری هاوڵاتیان رادەپەرێنێت.
نوسینگەی قائیمقام: پەیوەندی و كاروبارەكانی قایمقام رێكدەخات و كارئاسانی پێشكەش بەو كەسانە دەكات كەمەبەستی رایكردنی مامەڵەكانیان دێنە قایمقامیەت.
راگەیاندن: هەموو كاروبارەكانی پەیوەست بە راگەیاندن لە ئەستۆ دەگرێت و هەموو كارو چالاكییەكانی قایمقامیەت دەگەیەنێتە دەزگاكانی راگەیاندن.
لیژنەكان: ئێستا لە 39 لیژنەی جیاواز پێك هاتووە, كە كاری ئەم لیژنانە دەركردنی رێنمایی و گەران و بەدوادا چوون و چاودێریكردنە.
پرسگە: رێكخەری پەیوەندییەكانی هاوڵاتیان و فەرمانگەیە.
كارگێری: نوسراوە هاتووەكان رێكدەخات و تۆماریان دەكات.
كۆمپیوتەر: نوسراوە فەرمییە هاتووەكان بۆ قایمقامیەت دەرئەكات و ڕۆیشتوەكان تۆمار ئەكات.
ژمێریاری: كارە ژمێریارییەكانی فەرمانگە جێبەجێ‌ دەكات.
وردبینی: وردبینی بۆ كارەكانی قایمقامیەت دەكات.
بەدالە: رێكخەری پەیوەندییەكانە.
ئامێرەكان: بەشی هونەری و تەكنیكی قایمقامیەت دەگرێتەوە.
گەنجینە: پێویستی و كەل‌وپەلە بەكارهێنراوەكانی فەرمانگە بەسەر بەشەكاندا دابەش دەكات و دەیانپارێزێت.
كافتریا: چا و قاوە پێشكەش بەو میوانانە ئەكات كە سەردانی فەرمانگەكەمان ئەكەن.
ناونیشان: سلێمانی_ شەقامی حەمدی / تەنیشت سەرۆكایەتی زانكۆ
تەلەفۆن: 09643204060
ئیمەیل: [email protected]
فەیسبووك ئەكاونت: https://www.facebook.com/qaimqamiat.sulaimani
فەیسبووك پەیج: https://www.facebook.com/DiwaniQaimqameatSlemany?ref=hl

قایمقامیەتی قەزای مەڵبەندی سلێمانی
قائيمقامية قضاء مركز السليمانية
Sulaimaniyah Center District

به‌مه‌به‌ستی ئاماده‌كاری بۆ روبه‌ڕوبونه‌وه‌ی مه‌ترسییه‌كانی باران بارین و دروستبونی لافاو، ئه‌مڕۆ چوارشه‌ممه‌ لیژنه‌ی با...
08/10/2025

به‌مه‌به‌ستی ئاماده‌كاری بۆ روبه‌ڕوبونه‌وه‌ی مه‌ترسییه‌كانی باران بارین و دروستبونی لافاو، ئه‌مڕۆ چوارشه‌ممه‌ لیژنه‌ی باڵای فریاگوزاری خێرای قائیمقامیه‌تی سلێمانی كۆبوه‌وه

سلێمانی، سەردان و بەدواداچونی لیژنە هاوبەشەکان زیادیکردووە.لیژنەهاوبەشەکانی قائیمقامیەت ئاماری کارو بەدواداچونەکانی لەما...
07/10/2025

سلێمانی، سەردان و بەدواداچونی لیژنە هاوبەشەکان زیادیکردووە.

لیژنەهاوبەشەکانی قائیمقامیەت ئاماری کارو بەدواداچونەکانی لەمانگی نۆی بڵاوکردەوەو بەپێی ئامارەکە (١٥) شوێنکار داخراون و زیاتر لە (١٥) تۆن خۆراک و شمەکی خراپبوو لەناوبراون.

لە ئامارەکەی لیژنە هاوبەشەکاندا هاوتووە ژمارەی سەردان و بەدواداچونەکان بەراورد بە مانگەکانی پێشتر زیادیان کردووەو تەنها لەمانگی ٩ی ئەمساڵدا (٦) هەزارو (٤٥٦) سەردان بۆ بازاڕ و شوێنە گشتییەکان ئەنجامدراوەو (٣٨٣) پسوڵەی سەرپێچی تۆمارکراوە.
هەر لە مانگی رابردوودا(٣٤) ملیۆن و (٤٢٥) هەزار دینار سزای دارایی ئەو شوێنکارانە دراوە کە پابەندی رێنماییەکانی نەبوون.

راگەیاندنی قائیمقامیەتی سلێمانی

قائیمقامی سلێمانی سەردانی فەرمانگەی ژینگەی سلێمانی دەکات.لە چوارچێوەی بەسەرکردنەوەی فەرمانگەو دەزگا فەرمییەکان، بۆ گەیان...
02/10/2025

قائیمقامی سلێمانی سەردانی فەرمانگەی ژینگەی سلێمانی دەکات.

لە چوارچێوەی بەسەرکردنەوەی فەرمانگەو دەزگا فەرمییەکان، بۆ گەیاندنی دەستخۆشی لەپای جێبەجێکردنی کارەکانیان بە دڵسۆزی، ئەمڕۆ پێنج شەممە ۲۰۲٥.۱۰.۲ ئاوات محەمەد_ قائیمقامی سلێمانی سەردانی فەرمانگەی ژینگەی سلێمانی کرد و پیرۆزبایی دەستبەکاربونی لە شایی ئاوات وەک بەڕێوەبەری نوێ لەفەرمانگەی ژینگەی سلێمانیکرد و هیوای سەرکەوتنی بۆ خواستن لەکارەکانیاندا.

لەچوارچێوەی سەردانەکەیدا قائیمقامی سلێمانی سەرجەم فەرمانبەرانی بەسەرکردەوەو سوپاس و دەستخۆشی خۆی بەسەرجەم فەرمانبەران گەیاندو وتی: ئەرکەکانتان بەرزو پیرۆز دەنرخێنین و وەکو قائیمقامیەت سوپاستان دەکەین.

لەبەرامبەریشدا شایی ئاوات : بەڕێوەبەری فەرمانگەی ژینگەی سلێمانی سوپاس و بەخێرهاتنی قائیمقامی سلێمانیان کردو وتی: هاندان و پشتیوانیتان وزە و تینێکی زیاترمان پێدەبەخشێ بۆ باشترین خزمەتکردن بەهاوڵاتیانمان و شارە خۆشەویستەکەمان.

راگەیاندنی قائیمقامیەتی سلێمانی.

بەوێنە؛ قائیمقامی سلێمانی کۆمەڵگەی باجەکان بەسەرکردەوەئاوات محەمەد، قائیمقامی سلێمانی سەردانی کۆمەڵگەی باجەکان کە لە فەر...
02/10/2025

بەوێنە؛
قائیمقامی سلێمانی کۆمەڵگەی باجەکان بەسەرکردەوە

ئاوات محەمەد، قائیمقامی سلێمانی سەردانی کۆمەڵگەی باجەکان کە لە فەرمانگەکانی بەڕێوەبەرایەتیەکانی باج (یەک و دوو)، خانوبەرە ( یەک و دوو) کۆمپانیاکان، خانوبەرەی میری و بانکی سەروەری پێکهاتوە کرد و لەنزیکەوە دەستخۆشی لە بەڕێوەبەر و لێپرسراوی بەشەکان و سەرجەم فەرمانبەران کرد کە رۆژانە بەدڵسۆزییەوە مامەڵەی هاوڵاتیان ڕادەپەڕێنن.

قائیمقامی سلێمانی سەردانی بەڕێوەبەرایەتی ڕەگەزنامەو باری شارستانی سلێمانی و بەڕێوەبەرایەتی پەروەردەی ڕۆژهەڵات دەکات.لە چ...
01/10/2025

قائیمقامی سلێمانی سەردانی بەڕێوەبەرایەتی ڕەگەزنامەو باری شارستانی سلێمانی و بەڕێوەبەرایەتی پەروەردەی ڕۆژهەڵات دەکات.

لە چوارچێوەی بەسەرکردنەوەی فەرمانگەو دەزگا فەرمییەکان، بۆ گەیاندنی دەستخۆشی لەپای جێبەجێکردنی کارەکانیان بە دڵسۆزی، ئەمڕۆ چوار شەممە ۲۰۲٥.۱۰.۱ ئاوات محەمەد_ قائیمقامی سلێمانی سەردانی بەڕێوەبەرایەتی ڕەگەزنامەوباری شارستانی سلێمانی و بەڕێوەبەرایەتی پەروەردەی ڕۆژهەڵاتی کرد و پیرۆزبایی دەستبەکاربونی وەک بەڕێوەبەری نوێ لەهەریەک لە حمید هێمن کمال - بەڕێوەبەری بەڕێوەبەرایەتی ڕەگەزنامەوباری شارستانی سلێمانی و ڕۆزا شێخ ڕٶوف - بەڕێوەبەری بەڕێوەبەرایەتی پەروەردەی ڕۆژهەڵات کرد و هیوای سەرکەوتنی بۆ خواستن لەکارەکانیاندا.

لەچوارچێوەی سەردانەکەیدا قائیمقامی سلێمانی سەرجەم فەرمانبەرانی بەسەرکردەوەو پێی راگەیاندن: ئەوەی ئێوە کردوتانە بۆ رایکردنی مامەڵەی هاوڵاتیان و خۆێندکاران جێگەی دەسخۆشی و پێزانیەو ئەرکەکانتان بەرزو پیرۆز دەنرخێنین و وەکو قائیمقامیەت سوپاستان دەکەین.

لەبەرامبەریشدا هەریەکە لە حمید هێمن کمال - بەڕێوەبەری بەڕێوەبەرایەتی ڕەگەزنامەو باری شارستانی سلێمانی و ڕۆزا شێخ ڕٶوف - بەڕێوەبەری بەڕێوەبەرابەرایەتی پەروەردەی ڕۆژهەڵات سوپاسی ئەو خەمخۆری و بەدەمەوەهاتنەی قائیمقامی سلێمانیان کردو دوپاتیان کردەوە هەمیشە کارەکانیان بەوپەڕی دڵسۆزیەوە ئەنجام بدەن.

راگەیاندنی قائیمقامیەتی سلێمانی.

به‌وێنه‌؛ قائیمقامی سلێمانی سوپاس و ده‌ستخۆشی ئاڕاسته‌ی به‌ڕێوه‌به‌ر و ته‌واوی فه‌رمانبه‌رانی فه‌رمانگه‌ی تاپۆی دوی سلێم...
01/10/2025

به‌وێنه‌؛

قائیمقامی سلێمانی سوپاس و ده‌ستخۆشی ئاڕاسته‌ی به‌ڕێوه‌به‌ر و ته‌واوی فه‌رمانبه‌رانی فه‌رمانگه‌ی تاپۆی دوی سلێمانی ده‌كات.

به‌مه‌به‌ستی سوپاس و ده‌ستخۆشی لێكردن و به‌رامبه‌ر ڕایكردنی مامه‌ڵه‌ی هاوڵاتیان، ئاوات محه‌مه‌د قائیمقامی سلێمانی سه‌ردانی فه‌رمانگه‌ی تاپۆی دوی سلێمانی كرد و له‌ كۆبونه‌وه‌یه‌كدا له‌گه‌ڵ به‌ڕێوه‌به‌ری فه‌رمانگه‌ و به‌ڕێوه‌به‌ری كارگێری، سوپاسی خۆی ئاڕاسته‌ی سه‌رجه‌م فه‌رمانبه‌ران كرد.

دواتر سه‌رجه‌م به‌شه‌كانی فه‌رمانگه‌كه‌ی تاپۆی دوی سلێمانی به‌سه‌ر كرده‌وه‌ و له‌ نزیكه‌وه‌ جارێكی تر سوپاس و ده‌ستخۆشی ئاڕاسته‌ كردن.

راگه‌یاندنی قائیمقامیه‌تی سلێمانی

بەوێنە؛ قائیمقامی سلێمانی سەردانی دەزگای تەندروستی پێشمەرگە دەکاتبەمەبەستی دەستخۆشی و سوپاسکردنی پزیشک و کارمەندەکانیان،...
29/09/2025

بەوێنە؛ قائیمقامی سلێمانی سەردانی دەزگای تەندروستی پێشمەرگە دەکات

بەمەبەستی دەستخۆشی و سوپاسکردنی پزیشک و کارمەندەکانیان، قائیمقامی سلێمانی سەردانی دەزگای تەندروستی پێشمەرگە (نەخۆشخانەی گشتی شۆڕش) کرد.

ئاوات محەمەد، قائیمقامی سلێمانی سەردانی دەزگای تەندروستی پێشمەرگە کرد و لەگەڵ بەڕێوەبەری گشتی و جێگری بەڕێوەبەری گشتی و ژمایەیەک لە لێپرسراوانی بەشەجیاجیاکان کۆبوەوە، لە وتەیەکی کورتیشدا، رایگەیاند: دەستخۆشی لە سەرجەم پزیشک و کارمەندان دەکەم کە خزمەتی گەورەی شارەکەیان بەگشتی و کەسوکاری شەهیدان و پێشمەرگە بەتایبەتی کردوە.

دواتر قائیمقامی سلێمانی سەردانی بەشە جیاوازەکانی دەزگای تەندروستی پێشمەرگە کرد و جارێکی دیکە دەستخۆشی لە سەرجەم پزیشک و کارمەندەکان کردوە.

ئێستا دەزگای تەندروستی پێشمەرگە بەشی نوێی بۆ قاوشی پیاوان و ژنان، ژوری تایبەت و بەشی چاودێری چر و چەندین بەشی دیکەی بۆ خزمەتی کەسوکاری شەهیدان و پێشمەرگە و هاوڵاتیان کردوەتەوە.

راگه‌یاندنی قائیمقامیه‌تی سلێمانی

بەڕێوبەری نوێی ناحییەی عەربەت دەستبەکاربوولە چوارچێوەی ئەو گۆرانکارییە کارگێڕییانەی لەسنوری سلێمانیدا دەکرێت، ئەمڕۆ ٢٥/٩...
25/09/2025

بەڕێوبەری نوێی ناحییەی عەربەت دەستبەکاربوو

لە چوارچێوەی ئەو گۆرانکارییە کارگێڕییانەی لەسنوری سلێمانیدا دەکرێت، ئەمڕۆ ٢٥/٩/٢٠٢٥ بە ئامادەبوونی ئاوات محەمەد_ قائیمقامی سلێمانی (فاضل عومەر عەبدولڕەحمان) لە شوێنی (دابان محەمەد) وەکو بەڕێوبەری نوێی ناحییەی عەربەت دەستبەکاربوو.
لە دانیشتنێکدا قائیمقامی سلێمانی سەرەڕای ئەوەی دەستخۆشی و ماندوونەبوونی لە (دابان محەمەد) کردو بە بەڕێوەبەرێکی سەرکەوتوو و دڵسۆز ناوی برد، هیوای سەرکەوتنی بۆ (فاضل عومەر عەبدولڕەحمان) خواست لە کارەکانیدا و پشتیوانی بۆ یەکخستنی هەوڵەکان لەپێناو خزمەتی هاوڵاتیاندا دوپاتکردەوە.

راگەیاندنی قائیمقامیەتی سلێمانی

بەوێنە؛ کاروچالاکی رۆژانەی لیژنەی تەندروستی قائیمقامیەتی سلێمانیلەسەر سکاڵای هاوڵاتیان و دوای هه‌ماهه‌نگی كردن له‌گه‌ڵ ق...
25/09/2025

بەوێنە؛ کاروچالاکی رۆژانەی لیژنەی تەندروستی قائیمقامیەتی سلێمانی

لەسەر سکاڵای هاوڵاتیان و دوای هه‌ماهه‌نگی كردن له‌گه‌ڵ قائیمقامیه‌تی قەزای دوکان، لیژنەی تەندوستی قائیمقامیەتی سلێمانی سەردانی ناحیەی پیرەمەگرون و قەزای دوکانیان کرد و تەواوی نۆرینگە، دەرمانخانە و تاقیگەکانیان بەسەرکردەوە.

ژمارەیەک لە نۆرینگە و دەرمانخانەکان پابەندی مەرج و رێنماییەکانی کارکردن نەبون بۆیە لەلایەن لیژنەی تەندروستیی قائیمقامیەتی سلێمانییەوە ئاگادار کرانەوە کە پابەندی مەرجەکان بن، بەپێچەوانەوە روبەڕوی رێکاری یاسایی دەکرێنەوە.

لیژنەی تەندروستی، یەکێکە لە لیژنەکانی قائیمقامیەتی سلێمانی و رۆژانە سەردانی دەرمانخانە و نۆرینگە هەمو ئەو شوێنانە دەکات هاوڵاتیان بۆ وەرگرتنی چارەسەر روی تێدەکەن، لەکاتی هەبونی سەرپێچی شوێنە و خاوەنەکەشی روبەڕوی رێکاری یاسایی دەکەنەوە.

لیژنەی هاوبەشی تەندروستی لە کەسانی پسپۆڕی بوارە جیاوازەکانی تەندروستی، پۆلیس، ئاسایشی سلێمانی و سەندیکاکانی دەرمانسازان و کارمەندانی تەندروستی پێکهاتون، بەپێی خشتەی کارکردنیان سەردانی هەریەک لە نۆرینگە، دەرمانخانە و تاقیگەکانیانی سلێمانی و ناحیەکانی بازیان و عەربەت و بەکرەجۆ دەکەن.

راگەیاندنی قائیمقامیەتی سلێمانی

به‌وێنه‌؛ ئاوات محه‌مه‌د، قائیمقامی سلێمانی له‌ پرسگه‌ی فه‌رمانگه‌كه‌یه‌وه‌‌ كاروباری هاوڵاتیان ڕاده‌په‌ڕێنێت
23/09/2025

به‌وێنه‌؛ ئاوات محه‌مه‌د، قائیمقامی سلێمانی له‌ پرسگه‌ی فه‌رمانگه‌كه‌یه‌وه‌‌ كاروباری هاوڵاتیان ڕاده‌په‌ڕێنێت

لیژنه‌كان رێگریان له‌ فرۆشتنی هه‌زار پارچه‌ سریلاكی ماوه‌ به‌سه‌رچودا كردلیژنه‌هاوبه‌شه‌كانی قائیمقامییه‌تی سلێمانی ده‌س...
22/09/2025

لیژنه‌كان رێگریان له‌ فرۆشتنی هه‌زار پارچه‌ سریلاكی ماوه‌ به‌سه‌رچودا كرد

لیژنه‌هاوبه‌شه‌كانی قائیمقامییه‌تی سلێمانی ده‌ست به‌سه‌ر (997) پارچه‌ سریلاكی ماوه‌به‌سه‌رچودا ده‌گرن كه‌ خاوه‌نه‌كه‌ی به‌نیازبوه‌ به‌سه‌ر هاوڵاتیاندا ساغی بكاته‌وه‌.

هیوا ساڵح، نوێنه‌ری به‌ڕێوه‌به‌رایه‌تی ته‌ندروستی له‌ لیژنه‌ هاوبه‌شه‌كانی قائیمقامییه‌تی سلێمانی رایگه‌یاند: له‌ ئه‌نجامی سه‌ردانه‌ به‌رده‌وامه‌كانی لیژنه‌كان بۆ دوكان و بازاڕ و شوێنه‌ گشتییه‌كان و كۆگاكانی عه‌مباركردنی خوارده‌مه‌نی، لیژنه‌ی كۆگاكان توانیویانه‌ ده‌ست به‌سه‌ر (997) پارچه‌ سریلاكی ماوه‌ به‌سه‌رچودا بگرن كه‌ ناوه‌ بازرگانییه‌كه‌ی میدۆلاكه، كه‌ خاوه‌نه‌كی ویستویه‌تی له‌بازاڕه‌كاندا ساغیبكاته‌وه‌.

وتیشی: سریلاكه‌كه‌ له‌ (585) پاكه‌تی (200) گرامی و (412) قتوی (400) گرامی پێكاتون، خاوه‌نه‌كه‌ی به‌تێكه‌ڵكردنی له‌گه‌ڵ كارتۆنی سریلاكی دیكه‌ ویستویه‌تی به‌سه‌ر دوكانداره‌كاندا ساغیبكاته‌وه‌.

نوێنه‌ركه‌ی ته‌ندروستی سلێمانی له‌ لیژنه‌ هاوبه‌شه‌كان، ئاماژه‌ی بۆ ئه‌وه‌شكرد، به‌فه‌رمانی قائیمقامی سلێمانی ته‌واوی سریلاكه‌كه‌ له‌ناو ده‌برێت و خاوه‌نه‌كه‌شی روبه‌ڕوی رێكاری یاسایی ده‌كرێته‌وه‌.

راگەیاندنی قائیمقامیەتی سلێمانی

قائیمقامی سلێمانی سەردانی بەڕێوەبەرایەتی گەنجینەی دووی سلێمانی و بانکی پیشەسازی سلێمانی کرد.لە چوارچێوەی بەسەرکردنەوەی ف...
18/09/2025

قائیمقامی سلێمانی سەردانی بەڕێوەبەرایەتی گەنجینەی دووی سلێمانی و بانکی پیشەسازی سلێمانی کرد.

لە چوارچێوەی بەسەرکردنەوەی فەرمانگەو دەزگا فەرمییەکان، بۆ گەیاندنی دەستخۆشی لەپای جێبەجێکردنی کارەکانیان بە دڵسۆزی، ئەمڕۆ پێنج شەممە ۲۰۲٥.۹.۱٨ ئاوات محەمەد_ قائیمقامی سلێمانی سەردانی بەڕێوەبەرایەتی گەنجینەی دووی سلێمانی و بانکی پیشەسازی سلێمانی کرد.

لەچوارچێوەی سەردانەکەیدا قائیمقامی سلێمانی سەرجەم فەرمانبەرانی بەسەرکردەوەو پێی راگەیاندن: ئەوەی ئێوە کردوتانە بۆ راییکردنی مامەڵەی خانەنشینان بەتایبەت کە لەمساڵدا هەزاران کەس خانەنشین بوون، نمونەی دڵسۆزییە، هەر بۆیە ئەو شەونخونی و کارکردنەی تا بەرەبەیانی چەندین رۆژی بەڕێوبەرو فەرمانبەران بەرزو پیرۆز دەنرخێنین و وەکو قائیمقامیەت سوپاستان دەکەین.

وتیشی: ئەو دڵسۆزی و ماندوونەبوونەی ئێوە بوو وایکرد تەواوی خانەنشینانی سلێمانی پاداشتی (٦) مانگیان وەربگرن و دوانەکەوێت، خزمەتکردنی توێژی خانەنشینانیش خزمەتکردنە بە کەسوکاری خۆمان و ئەو کەسانەی کە خزمەتی هەموومانیان کردووە.

لەبەرامبەریشدا هەریەکە لە ئەشرەف فاضل - بەڕێوەبەری بەڕێوەبەرایەتی گەنجینەی دووی سلێمانی و مەریوان طە - بەڕێوبەری بانکی پیشەسازی سلێمانی سوپاسی ئەو خەمخۆری و بەدەمەوەهاتنەی قائیمقامی سلێمانیان کردو دوپاتیان کردەوە هەمیشە کارەکانیان بەوپەڕی دڵسۆزیەوە ئەنجام بدەن.

راگەیاندنی قائیمقامیەتی سلێمانی.

Address

Bakhi Gishti
Slemani

Opening Hours

Monday 09:00 - 14:00
Tuesday 09:00 - 14:00
Wednesday 09:00 - 14:00
Thursday 09:00 - 14:00
Sunday 09:00 - 14:00

Telephone

053 320 4060

Website

Alerts

Be the first to know and let us send you an email when قائیمقامیەتی سلێمانی Qaemqameati Slemani posts news and promotions. Your email address will not be used for any other purpose, and you can unsubscribe at any time.

Contact The Business

Send a message to قائیمقامیەتی سلێمانی Qaemqameati Slemani:

Shortcuts

Share

Category