16/04/2025
پارێزگای ١٩
پیرۆزبایی لەتەواوی هاونشتیمانیان و خەڵکی هەڵەبجە دەکەین بەبۆنەی بونیان بە پارێزگای نۆزدەهەمی عێراق و چوارەم پارێزگای کوردستان.
هەرچەند لە ١٣ ئازاری ساڵی ٢٠١٤ لەلایەن حکومەتی هەرێمی کوردستانەوە بڕیاری بەپارێزگابونی هەڵەبجە دەرچوو، لەوکاتەدا وەک هەنگاوێکی مێژویی بەرامبەر ئەوکارەسات و قوربانیانەی شارەکە داویەتی لێکدرایەوە بەڵام دوای ١١ ساڵ ئەرێ کردنی پەرلەمانی عێراق بەدەنگدانیان بۆ پارێزگابونی هەڵەبجە هەنگاوێکی گرنگو مێژوییە دەستکەوتێکی ئیداری و ئابوریشە بۆ خەڵکەکەی، هیوادارین بەم هەنگاوە هەڵبجە لەو چەقبەستوییە ئیداری و ئابوریە دەرباز بێت، ئەم هەنگاوە بێتەهۆی بوژانەوەو پێشکەوتنی پارێزگاکە لەسەرجەم بوارەکاندا بەجۆرێک لەئاست قوربانیەکانیدابێت، گرنگە ئەم هەنگاوەی حکومەتی فیدڕاڵ تەنها بڕیاریکی نوسراو نەبێت لەسەر لاپەڕەکان بەڵکو بەرپرسیاریەتی قەرەبوکردنەوەی خەڵکەکەی لەپای ئەوتاوانانەی لەلایەن حکومەتەکانی پێشوتر بەرامبەریکراوە هەڵگرێت بەو پێیەی حکومەتی بەغداد میراتگرەوەی حکومەتەکانی پێشوتری خۆیەتی.
هەڵەبجە لەزۆر بواردا تایبەتمەندی گرنگی هەیە کەدەکرێت وەک خاڵی پێشکەوتن و گەشەکردنی سەیربکرێت لەسەرو هەموشیانەوە هەڵکەوتە جوگرافی و کشتوکاڵیەکەی لەگەڵ بونی چەندین سەرچاوەی ئاو دەروازەی سنوری کەدەکرێت زیاتر پەرەیان پێبدرێت تا بتوانن ببنە سەرچاوەی داهاتی وڵات و خێروبێر بۆشارەکە
بۆیە گرنگە وەزارەتی پلاندانانی فیدڕاڵی بەهاوکاری حکومەتی هەرێم، بەپلانێکی تۆکمەو بودجەیەکی تایبەت کاربکەن بۆ بنیادنانی ژێرخانی ئابوری شارەکە بەجۆرێک پارێزگای هەڵەبجە لەڕوی گەشەی ئابوری ژێرخانی کشتوکاڵ و ئاسایشی خۆراک سود بگەیەنێت بەتەواوی عێراق بەشداربێت لەبەدەستهێنانی داهاتی نشتیمانیو بودجەی وڵاتدا، لەڕێگەی گەشەی ئابوریەوە هەلیکاری فراوان بۆ دانیشتوانەکەی مسۆگەربکات بە پێویستی دەزانین حکومەتی هەرێم ڕشدبێت لە فشارکردن لەسەر حکومەتی ناوەندی کەهەرچی زوترە قەرەبوی پارێزگاکە بکەنەوە.
ئێمە لە ڕیکخراوی واران بە چاوی ئومێدەوە لەم هەنگاوە دەڕوانین ئومێددەکەین بەپارێزگابونی هەڵەبجە ببێتە مایەی گەشەسەندن و خۆشگوزەرانی و ئاوەدانی بۆ هەڵەبجەییەکان و هەرێمی کوردستان و عێراق هاوکات بەکردار بێتە پایتەختی ئاشتی پێکەوەژیان
ڕێکخراوی واران بۆگەشەپێدانی ڕۆشنبیری و پێکەوەژیان
