Uppsveitakastið

Home
Iceland
Selfoss
Uppsveitakastið

Podcast þættir um menn og málefni í uppsveitum Árnessýslu.

02/07/2026

Tveir á tali, þeir Jónas Yngvi og Árni Þór, brugðu undir sig betri fætinum og fóru á hið margrómaða Mika Restaurant í Reykholti. Þar hittum við fyrir Michał Jerzy Józefik eða Mikka og Filip Jan Józefik. Mikki stofnaði Mika ásamt konu sinni Bożenu Józefik og nú er sonur þeirra kominn á fullt í reksturinn. Þau hjónin fluttu frá Póllandi og langaði bara ekki aftur til Póllands og í þættinum segir Mikki frá Póllandi, flutningnum, vinnunni og fjölskyldunni. Áhættan var tekin með að stofna Mika sem nú er öflugt veitingahús með fjölda starfsfólks og hefur fest sig vel í sessi í Uppsveitunum. Filip er meistari í matreiðslu og framreiðslu og er með pabba sínum á fullu í eldhúsinu og töfrar þar fram frábæra rétti.
Hægt er að nálgast þáttinn á Spotify og eins á heimasíðu þáttarins sem er í athugasemdum her að neðan.

24/06/2026

Ásta Stefánsdóttir kom í heimsókn og hafði frá mörgu að segja. Sem ung stúlka stundaði hún frekar óhefbundnar veiðar með ömmu sinni, draumurinn um að verða kennari. vinnan hjá sýslumanni og síðar Árborg og eins kíkti dómarinn Ásta í heimsókn. Bláskógabyggð á hins vegar hug hennar allan síðasliðin ár, uppbyggingin, framkvæmdirnar og framtíðin. Það var virkilega gaman að hafa Ástu í spjalli.
Hægt er að nálgast þáttinn á Spotify og eins á heimasíðu þáttarins sem er í athugasemdum her að neðan.

17/06/2026

Nú duttu Tveir á tali, þeir Jónas Yngvi og Árni Þór, heldur betur í lukkupottinn. Til okkar kom Rosemarie Brynhildur Þorleifsdóttir og hafði heldur betur frá mörgu að segja. Uppvöxtur í Reykjavík, ferðalög, flutningur í Gnúpverjahrepp, hestamennska, reiðskólinn, búskapurinn og ég veit ekki hvað og hvað.
Hægt er að nálgast þáttinn á Spotify og eins á heimasíðu þáttarins sem er í athugasemdum her að neðan.

10/06/2026

Tveir á tali, þeir Jónas Yngvi og Árni Þór, fengu góða gesti í þáttinn. Fyrst kom Esther Guðjónsdóttir, fyrir hönd afmælisnefndar Hrunamannahrepps og kynnti fyrir okkur dagskrá 1150 ára afmælishátíðarinnar sem verður mjög viðamikil. Allir hvattir til að mæta. Eins kom Gríma Guðmundsdóttir og kynnti Gullsprettinn sem er utanvegahlaup í kring um Laugarvatn. Tveir spennandi viðburðir og tveir skemmtilegir viðmælendur.
Hægt er að nálgast þáttinn á Spotify og eins á heimasíðu þáttarins sem er í athugasemdum her að neðan.

03/06/2026

Uppsveitakastið brá undir sig betri fætinum og heimsótti athafnamanninn og skemmtikraftinn Bessa á Flúðum. Bessi hefur heldur betur fundið sitt hlutverk í lífinu en það er að sjá til þess að allir geti skemmt sér og notið lífsins. Það eru ófáar skemmtanirnar sem hann hefur boðið uppá með það að markmiði að fólk komi saman og njóti samveru án þess að það kosti. Þegar þessi þáttur er að koma út er Bessi að opna Grundina að nýju en einhvern veginn finnur hann tíma til þess ásamt öllu sem hann er að gera. Sjálfur segir hann að þetta takist allt með hjálp fjölskyldunnar og góðra vina. Heyrn er sögu ríkari.
Hægt er að nálgast þáttinn á Spotify og eins á heimasíðu þáttarins sem er í athugasemdum her að neðan.

27/05/2026

Tveir á tali, þeir Jónas Yngvi og Árni Þór, fengu góðan Gest í þáttinn. Þessi Gestur ræddi um íþróttastarf í Uppsveitum og var sannarlega ekki komið að tómum kofanum hjá honum. Hvort sem rætt var um frjálsar, golf, boltaíþróttir allt var í kollinum á okkar Gesti. Eðlilega komst ekki allt að á stuttum tíma en heyrn er sögu ríkari.
Hægt er að nálgast þáttinn á Spotify og eins á heimasíðu þáttarins sem er í athugasemdum her að neðan.

20/05/2026

Tveir á tali, þeir Jónas Yngvi og Árni Þór, tala um nýafstaðnar sveitarstjórnarkosningar. Um leið og Uppsveitakastið óskar sigurvegurum kosninganna til hamingju með úrslitin er öllum framboðum þökkuð drengileg barátta og góð kynni í þeim þáttum sem teknir voru upp í aðdraganda kosninganna. Í þessum þætti ræddum við úrslit kosninganna í hverju sveitarfélagi fyrir sig og bárum saman við síðustu kosningar. Eins ræddum við félagslífið framundan næstu daga.
Hægt er að nálgast þáttinn á Spotify og eins á heimasíðu þáttarins sem er í athugasemdum her að neðan.

13/05/2026

Þann 12. maí 2026 hittust E-listi og L-listi í kappræðum í Árnesi. Uppsveitakastið var á staðnum og tók kappræðurnar upp og afraksturinn birtist hér. Umræður voru líflegar en spurningarnar voru sendar inn með Slido kerfinu. Hægt er að hlusta á kappræðurnar í Spotify og eins á heimasíðu þáttarins.

12/05/2026

Borg í Grímsnesi var þann 11.05.2026 vettvangur oddvitaspjalls þeirra Guðmundar Finnbogasonar, oddvita A-listans, og Andrésar Bertelsen, oddvita Ö-listans. Það var þétt setinn salur og góð stemmning. Farið var um víðan völl og málefnin rædd fram og tilbaka. Þetta var skemmtileg og fræðandi kvöldstund og væntanlega komu allir eitthvað fróðari heim að spjalli loknu.
Hægt er að nálgast þáttinn á Spotify eða með því að smella á tengilinn í fyrstu athugasemd.

10/05/2026

Framboðin í Grímsnes- og Grafningshreppi bjóða íbúum, fasteignaeigendum og öðrum áhugasömum að koma sameiginlega upptöku á oddvitaspjalli Uppsveitakastsins mánudaginn 11. maí klukkan 20:00 í Félagsheimilinu á Borg.
Oddvitar framboðana setjast niður með stjórnanda Uppsveitakastsins til að ræða stefnumálin og svara spurningum úr sal. Jónas Yngvi og Árni Þór stjórnendur Uppsveitakastsins eru fundarstjórar en gestum býðst að senda inn spurninga í gegnum SLIDO sem eru svo bornar upp við oddvitana.
Upptakan frá spjallinu verður svo gefin út þriðjudaginn 12. maí í gegnum Uppsveitakastið.

Öll eru velkomin meðan húsrúm leyfir.

Address

Holtabraut 13
Selfoss
804

Telephone

+3548975666

Website

https://uppsveitakastid.buzzsprout.com/

Alerts

Be the first to know and let us send you an email when Uppsveitakastið posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Uppsveitakastið:

Want your business to be the top-listed Media Company in Selfoss?