Su Wai Go

31/07/2025

ကိုယ့်အချစ် Taylor Swift ရဲ့ 🎶 Your back beneath the sun.. Wishing I could write my name on it.. ဆိုသူလေး​တွေအတွက်​ ရေးပေးထားခဲ့ဖူးတာလေး.. 💕

လူတစ်ယောက်ရဲ့ဘဝမှာ Taylor Swift ရဲ့
'August' သီချင်းထဲကလို
အင်မတန်ချစ်စရာကောင်းတဲ့ Summer Love တစ်ခုတော့
ရှိတတ်ကြတယ်..

အဲ့ဒီ အချစ်ဟာ
ရင်ခုန်စရာကောင်းတယ်
နူးညံ့လှပတယ်
နွေးထွေးတယ်..

ခဏတာလေးနဲ့ပျောက်ကွယ်သွားမှာကိုသိတယ်
ချစ်မိတယ်
တကယ်ပျောက်ကွယ်သွားတယ်..

ဒါပေမယ့်
ကိုယ်တွေရင်ထဲမှာတော့..
Special နေရာလေးတစ်ခုမှာ..
ထာဝရ နေရာယူသွားခဲ့တယ်.. ။

ဒါပေမယ့်လဲ အဲဒီအဖြစ်အပျက်တွေမတိုင်ခင်မှာတော့ ကိုယ်ဟာ..
သူ့အတွက်များဆို
ကမ္ဘာကြီးကပဲ ပိုနှေးသွားသလို
ပန်းတွေကပဲပိုလှလာသလိုမျိုး..

သူ online မှာ မီးအစိမ်းရောင်လေး လင်းနေတာကအစ အိုး.. အရာရာဟာ စိတ်လှုပ်လျားစရာအတိ ဖြစ်နေမိတာမျိုး..

သူ့အတွက်ဆို
လုပ်စရာရှိတဲ့ plan တွေကိုတောင် ဘေးဖယ်ထား cancel တွေလုပ်ပြီး သူနဲ့အတူရှိနိုင်ဖို့ ရွေးချယ်မိတာမျိုး..

ဘယ်မှာတွေ့ကြမလားဆိုတဲ့ message လေးတွေများဝင်လာရင်
အဲ့ဒီအချိန်မရောက်မချင်း ဘာမှလုပ်မရ
အခြားဘာကိုမှအာရုံမရှိပဲ
နေမထိထိုင်မသာ ရင်ခုန်နေမိတာမျိုး

သူရှိနိုင်တဲ့နေရာ၊ သူသွားမယ့်နေရာကို ရအောင်လိုက်စုံစမ်းပြီးလိုက်ကြည့်
အဲ့မှာ သူနဲ့တိုးရင်တော့ တိုက်တိုက်ဆိုင်ဆိုင် ကံကြမ္မာကပဲစီစဉ်ပေးလို့ bump in ဖြစ်ရတာလိုလို၊ နောင်ဘဝအထိဖူးစာပါမယ့်သူတွေမို့ ဒီလိုမချိန်းထားပဲရေစက်စုံရတာလိုလို
အိုက်တင်တွေဖမ်းချမိတာမျိုး..

သူကြိုက်တတ်တဲ့အရာလေးတွေကို သူ့ Facebook တို့ Instagram တို့ကနေ တဆင့်သွားကြည့်ပြီး.. အဲ့ဒါမျိုးလေးတွေကို သူသတိထားမိအောင်၊ သူ့ attention ရအောင် My day story ​​လေးတွေလိုက်တင်မိတာမျိုး..

နောက်ဆုံး သူ့မွေးနေ့သက္ကရာဇ်တွေပါ လိုက်စုံစမ်းပြီး
သူဘာရာသီဖွားလဲ၊ အဲ့ရာသီဖွားတွေဆို ဘာတွေကြိုက်တတ်သလဲကအစ လိုက်ရှာမိတာမျိုး..

ဒီလို​တွေကြည်နူးရင်ခုန်စရာတအားကောင်းခဲ့ပေမယ့်
တချိန်အဆုံးသတ်သွားမယ်ဆိုတာကို
ဘာလို့မှန်းမသိ ကြိုတင်ခံစားမိခဲ့တာမျိုး..

ဒါ​ကြောင့်
တဖြည်းဖြည်းအဆုံးသတ်သွားချိန်တစ်ခုမှာလဲ..
တချိန်ဒီလိုဖြစ်လာမယ်ဆိုတာမှန်းထားမိခဲ့တဲ့အတွက်
ကိုယ်ဟာ အကောင်းဆုံး နားလည်ပေးနိုင်ခဲ့သလိုမျိုး.. ။

နောက်ပြီး..

အခုလို.. Taylor Swift ရဲ့ 'August' သီချင်း​လေး ကြားချိန်တိုင်း
မျောပါသွားရင်း..
အလိုလျှောက်..
လိုက်ပြုံးနေမိတတ်​တာမျိုးတို့ပေါ့လေ.. . ။ 💕

ချစ်တဲ့
ဆုဝေ

29/06/2025

ဒီနေ့က ကိုယ် Switzerland မြေပေါ်ခြေချတာ တစ်နှစ်တိတိပြည့်တဲ့နေ့ပါ.. ။ 🇨🇭✨

အလည်ပြန်ရောက်ဖို့တောင် အရမ်းခက်မယ်လို့ အမြဲတွေးမိခဲ့ဖူးတဲ့ ကိုယ့်ရဲ့ Dream country မှာ ကိုယ်ဟာ ကိုယ့်အားကိုယ်ကိုးပြီး အခု life တစ်ခု တည်ဆောက်နေပြီဆိုတာ ပြန်တွေးမိလိုက်တော့ လောကမှာ မဖြစ်နိုင်တာမရှိဘူးဆိုတဲ့ စကားကို ပိုပိုပြီးယုံကြည်လာမိပါတယ်.. ။ ပြင်းပြတဲ့စိတ်နဲ့ အစွမ်းကုန်ကြိုးစားအားထုတ်မှုတွေ၊ လွယ်လွယ်နဲ့ give up မလုပ်တတ်တဲ့စိတ်တွေ၊ ကိုယ့်ကိုယ်ကိုယ်ယုံကြည်ချက်မပြည့်ဝနေတဲ့ အချိန်မျိုးတွေမှာတောင်.. “သူတို့နိုင်ငံသားတွေတောင် လုပ်နိုင်တာ ငါဘာလို့မလုပ်နိုင်ရမှာလဲ” ဆိုပြီး ကိုယ့်ကိုယ်ကိုယ်ပြန်တွန်းအားပေးမှုတွေကတော့ အများကြီးပါခဲ့တာပေါ့လေ.. ။

တစ်နှစ်ဆိုတဲ့အချိန်ဟာ ကုန်တာမြန်လွန်းသလို တစ်ဘက်မှာလဲ ကိုယ်ပြီးမြောက်ခဲ့တဲ့ အလုပ်တွေ၊ အတွေ့အကြုံတွေ၊ မမျှော်လင့်ထားဖူးတဲ့ achievement တွေ.. appreciation တွေ၊ အဖက်ဖက်က growth ဖြစ်လာတာတွေ အများကြီးမှ အများကြီးပါပဲ.. ။ လွယ်တော့မလွယ်ပေမယ့် ငါလုပ်နိုင်မှရမယ်ဆိုတဲ့ စိတ်တစ်ခုကတော့ အများကြီး ကိုယ့်ကိုအထောက်အပံ့ပေးခဲ့ပါတယ်.. ။

Anyway, ဒီရောက်တာ တစ်နှစ်ပြည့်အထိမ်းအမှတ်အနေနဲ့ ကိုယ်သဘောကျမိတဲ့ Switzerland နိုင်ငံအကြောင်းလေးအချို့ကို မျှဝေပေးမယ်နော်.. ။

🇨🇭 Time is so valuable, and punctuality is a form of respect 🇨🇭

Punctuality နဲ့ပတ်သက်ရင် Switzerland က နာမည်ကြီးတာအလကားတော့မဟုတ်ပါဘူး။ ဒီက Swiss လူမျိုးတွေရော၊ အလုပ်လာလုပ်နေတဲ့ international အသိုင်းအဝိုင်းကလူတွေအကုန်လုံးပါ အချိန်ကို အရမ်း တလေးတစားနဲ့ တန်ဖိုးထားကြပါတယ်။ အလုပ်မှာဆို အစည်းအဝေးအချိန်ထက် အနည်းငယ်နောက်ကျပြီးရောက်လာရင်တောင် သေချာတောင်းပန်စကားမပြောရင် အခြားသူတွေရဲ့အချိန်ရော ကိုယ့်အချိန်ကိုပါ respect နည်းတဲ့သူလို့ မြင်လေ့ရှိတတ်ကြပါတယ်။ လူတွေရော ရထားတွေ ကားတွေပါ အမြဲအချိန်တိကျတယ်။ ကိုယ့်ဆရာ Swiss လူမျိုးဆိုရင် lunch time သွားဖို့ ၅ မိနစ်ကျန်သေးတယ် ငါ email ၃ စောင်ပို့လိုက်ဦးမယ် ဆိုတဲ့ လူမျိုးတွေပေါ့။ အလုပ်ကို ရူးလောက်အောင်လုပ်ကြသူတွေ။ ဝန်ခံပါတယ်.. သူတို့နဲ့အပြိုင်လိုက်လုပ်ရင်း ကိုယ်ပါအနည်းငယ်ရူးတော့မယ်။ 😂 ရုံးက flexible working hours ရှိပေမယ့် တစ်နေ့ကို ၈ နာရီထက် လျော့ပြီးလုပ်တဲ့သူရှားတယ်၊ ပိုပြီးလုပ်တဲ့သူတွေပဲရှိမယ်။ ရုံးချိန်မှာ ထမင်းစားချိန်ကလွဲပြီး social media သုံးတာလဲ ကိုယ့်ပတ်ဝန်းကျင်မှာတော့ မရှိသလောက်ရှားပါတယ်။ ရုံးချိန်ပြင်ပ weekend ဆိုလဲ ဘာအလုပ်မှလာမခိုင်းနဲ့ပဲ၊ အင်မတန်အရေးကြီးတဲ့ကိစ္စမှမဟုတ်ရင် ဖုန်းဆက်ရင်တောင် မကိုင်ကြပါဘူး။ ဆုဝေ နင်လဲအဲ့လိုပဲလုပ်ရမယ်နော် မဟုတ်ရင်လူတွေက နင့်အချိန်ကိုတန်ဖိုးမထားဘူးတဲ့.. စရောက်ကတည်းကသင်ပေးတယ်။

🇨🇭 Planning is a lifestyle 🇨🇭

အရမ်း organized ဖြစ်ပြီး အရာရာကို ကြို plan လုပ်တတ်တဲ့သူတွေထဲမှာ သူတို့က ထိပ်ဆုံးလောက်ရှိမယ်ထင်ပါတယ်။ အလုပ် event တွေဆို အနည်းဆုံး ၅ လ - ၆ လလောက် ကြို plan ကြတယ်။ Holiday plan တွေဆိုလဲ ၉ လ - တစ်နှစ်လောက်ကို တကယ်ကြိုတင်စီစဉ်ကြပါတယ်။ အများကြီးအကျိုးရှိတယ်။ ဒီနှစ်အစကဆို ဇန်နဝါရီလကုန်ပဲရှိသေးတယ် ကိုယ့်ကိုပြောတယ် ၂၀၂၅ အတွက် နင့်ရဲ့ Vacation Day တွေ ကြိုတင်တော့၊ သွားမယ့်နေရာအတွက် လက်မှတ်တွေဝယ်တော့နော်၊ အနားကပ်မှဆို အရမ်းဈေးကြီးကုန်မယ် လူတိုင်းက ကြိုဝယ်ကြလို့တဲ့။ ပြီးတော့ ခွင့်ရက်တွေမယူလို့မရဘူး မကုန်ရင်တောင် အတတ်နိုင်ဆုံး အကုန်နီးပါးယူတဲ့။

🇨🇭 Sundays are sacred — and silent 🇨🇭

Switzerland မှာ Sundays ဆို ဘာဆိုင်မှ မဖွင့်ပါဘူး။ အချို့ Asia စားသောက်ဆိုင်တွေပဲဖွင့်တာတွေ့ဖူးတယ်။ အခြားအရာတွေအကုန်ပိတ်။ No shopping, no drilling, no loud noises ။ သူတို့က Sunday တွေကို အနားပြည့်ပြည့်၀၀ယူဖို့၊ မိသားစုကိုအချိန်ပေးဖို့၊ တောင်တက်ဖို့၊ nature ထဲသွားဖို့ပဲထားကြတယ်။ အစကတော့ အမြဲ busy ဆူညံသံတွေပြည့်နေတဲ့ အာရှတိုက်ကလာတော့ အကျင့်မရတော့ တမျိုးပါလားပေါ့.. ဒါပေမယ့် အခုတော့ တိတ်ဆိတ်နေတဲ့ Sunday တွေကို အရမ်း appreciate ဖြစ်တတ်လာပါတယ်.. ။

🇨🇭 Health is not a trend — it’s a habit 🇨🇭

ဒီကလူတွေက သူတို့ကျန်းမာရေးကို အရမ်းအလေးထားကြတယ်။ အသက်ကြီးတဲ့သူတွေလဲ တအား ကျန်းမာကြတာပဲ.. ။ အသက် ၇၀၊ ၈၀ ကို park ထဲမှာ ပုံမှန်လမ်းလျှောက်နေတုန်း၊ bus ကားစီးပြီး ဈေးသွားဝယ်နေတုန်း။ စားတဲ့အစားအစာကိုလဲ ကျန်းမာရေးနဲ့ညီညွှတ်တာကိုပဲ အရမ်းရွေးချယ်ပြီးစားတယ်။ ရုံးကလူတချို့ဆို နေ့လည်စာမစားဘူး၊ စားလိုက်ရင် ဗိုက်တင်းပြီးလူလေးသွားတော့ အလုပ်လုပ်လို့မကောင်းတော့လို့တဲ့။ စားလဲနည်းနည်းပဲ၊ ညစာမှ သေချာစားကြတယ်။ သူတို့အချိန်နဲ့သူတို့တော့ ဟုတ်နေတာပဲ fasting တွေ auto ဖြစ်။ 😁 လမ်းလဲတအားလျှောက်ကြတာ၊ Gym သွားတာ၊ hiking တို့ biking တို့စတဲ့ outdoor activities လုပ်တာတွေကလဲအမြဲ။ တကယ် inspired ဖြစ်ပါတယ်။ ဒီမှာနေလာဖြစ်တော့မှ ကိုယ့် body ကိုကိုယ် ပို respect ထားတတ်လာတယ်၊ ကိုယ့် body ထဲကို နေ့စဉ် ဘယ်လိုအစားအစာတွေ ထည့်နေမိတယ်ဆိုတာ ပိုသတိထားမိလာတယ်။ နောက်တစ်ခု ဒီမှာက health insurance ကလဲ တအားဈေးကြီး (သိမ့်ဆို တစ်လ CHF 500 ပေးရပါတယ်၊ ဒါအနည်းဆုံး package ယူထားတာနော်)၊ ဆေးရုံဆေးခန်းပြလဲ တအားဈေးကြီးတော့ ကျန်းမာရေးပဲပိုဂရုစိုက်ကြတယ်။

🇨🇭 Even breathing feels expensive sometimes 😅

Switzerland က အရာရာမှာ ဈေးကြီးတာကတော့ ပြောနေစရာလိုမယ်တောင်မထင်ပါဘူး.. ။ Europe ထဲမှာတောင်မှ ဈေးအကြီးဆုံးနိုင်ငံဖြစ်နေတာကိုး.. ။ Switzerland မှာ ရတဲ့လစာနဲ့ cost of living နဲ့တွက်လိုက်ရင် ဘာများကျန်သေးလဲဆိုပြီး ဟာသလုပ်ပြီး ရိုက်ထားတဲ့ Online က ဟာသvideo တွေတောင် ရှာကြည့်ရင် အများကြီးတွေ့လိမ့်မယ်။ 😁 အဲ့တော့ ဘာကောင်းလဲဆိုတော့ အပြင်စာတွေသိပ်မစားဖြစ်တော့ဘူး၊ Expenses list ဆိုလဲ အသေမှတ်တတ်လာ၊ သူသူကိုယ်ကိုယ် ပိုက်ဆံ 10 CHF က အစ အရမ်းတန်ဖိုးထားတတ်လာပါတယ်။ ကောင်းတဲ့အချက်လေးတွေပေါ့ hehe

🇨🇭 Boundaries are natural here 🇨🇭

ဒီအချက်က ကိုယ့်အတွက် တော်တော်အကျိုးရှိတဲ့အချက်ပါ။ ကိုယ်က Asian ပီပီ အရမ်းအားနာတတ်တယ်၊ always hard to say no ဆိုတဲ့သူမျိုးမို့ ဒီရောက်လာတော့မှ ကိုယ့် boundary ကိုယ် ဘယ်လိုထားလို့ရနိုင်တယ်ဆိုတာ ပိုမြင်လာရတယ်။ ဒီမှာက no ပြောလို့လဲ လူတွေက စိတ်မဆိုးကြဘူး။ ကိုယ့်ရဲ့ right တွေက ဘာတွေရှိတယ်၊ အဲ့ဒါတွေကလဲ အလကားတွေမဟုတ်ဘူးဆိုတာ ပိုအသုံးချလာနိုင်တယ်။ နိုင်ငံတိုင်းမှာတော့ လူကောင်း၊ လူဆိုးရှိတာပေါ့။ သူတို့နိုင်ငံသားမဟုတ်လို့ ခွဲခြားဆက်ဆံသူတွေများသလို၊ ခွဲခြား မဆက်ဆံသူတွေလဲ များတာပဲ။ ကိုယ့်ပတ်ဝန်းကျင်ကလူတွေကတော့ ကိုယ့်ကို နိုင်ငံခြားသားအနေနဲ့မြင်ရင်တောင် Resepct ပေးကြတယ်၊ Privacy ကိုနားလည်ကြတယ်၊ Space ပေးကြပါတယ်။

🇨🇭Kindness doesn’t always speak loudly 🇨🇭

Switzerland က ရာသီဥတုတင်မကဘူး၊ အထူးသဖြင့် Swiss လူမျိုးတွေက Cold ဖြစ်ကြတယ်လို့ ပြောလေ့ရှိကြတယ်။ သူတို့ကိစ္စပဲ သူတို့စိတ်ဝင်စားကြသူတွေပေါ့၊ သူများ life ကို လိုက်စိတ်ဝင်စားသူနည်းတယ်။ နိုင်ငံကလဲ ချမ်းသာကြွယ်ဝပြီးအေးချမ်းနေတော့ ဘဝကိုအေးအေးဆေးဆေးပဲ ဖြတ်သန်းကြတာကိုး။ ကိုယ်က အရမ်း warm ဖြစ်တဲ့ culture က လာတဲ့သူဆိုတော့ အစပိုင်းတော့ ခက်ခဲတာပေါ့။ တကယ်တော့ သူတို့က Cold ဖြစ်သယောင်ရှိပေမယ့် unkind ဖြစ်တာတော့ မဟုတ်ပါဘူး။ အစပိုင်းတော့ သူတို့ဘာသာသူတို့နေကြပေမယ့် ကိုယ့်အကြောင်းသိလာတဲ့အခါ ခင်ခင်မင်မင်ဆက်ဆံတတ်ကြတယ်၊ ကူညီတတ်ကြပါတယ်။ တစ်ခုသဘောကျတာကတော့ သူတို့က သူများအကြောင်းမကောင်းသတင်း၊ အတင်းအဖျင်း တော်ရုံမပြောကြဘူး။ စိတ်ထဲလဲသိပ်မထားကြဘူး။ အဲ့ဒီအချက်ကိုတော့ အရမ်းသဘောကျတယ်။ The people here may seem reserved at first, but there is a quiet, sincere kindness in them. It reminded me that love can be gentle, respectful, and consistent - even without many words. ❤️

🇨🇭 It’s a bit hard to make friends here 🇨🇭

အထူးသဖြင့် ကိုယ်နေတဲ့ Geneva က အဖွဲ့အစည်းတွေမှာ အလုပ်လာလုပ်ကြတဲ့ နိုင်ငံတကာက professional တွေအရမ်းများတဲ့ city ဆိုတော့ Swiss တွေကလွဲရင် အမြဲတမ်းအခြေချပြီးနေတဲ့သူက နည်းနည်းရှားတယ်။ နိုင်ငံသားဖြစ်ခွင့်လမ်းကြောင်းကလဲ အရမ်းခက်ခဲတာလဲ ပါတာပေါ့။ အလုပ်လာလုပ်တဲ့လူတွေဆိုလဲ လာလိုက်၊ ပြန်လိုက်ပဲ။ ကိုယ်အပါအဝင် လူတွေကြည့်လိုက်ရင်လဲ အလုပ် အလုပ် အလုပ်ပဲဆိုတော့ အချိန်တစ်ခုပေးပြီး သူငယ်ချင်းသံယောဇဉ်တည်ဆောက်ဖို့က ခက်ခဲတယ်။ သူတို့နိုင်ငံသားတွေနဲ့ကတော့ သူတို့ဘာသာစကားတတ်ရင်တော့ ပိုရင်းနှီးတာမြန်မှာပေါ့။ ကိုယ်ကတော့ အခုထိသင်ဖို့အချိန်မရှိသေးဘူး အလုပ်တောင်အားချိန်မရှိ။ နောက်ပိုင်းတော့ အချိန်ပိုပေးလာနိုင်မှာပါ။ ဖြည်းဖြည်းချင်းပေါ့။

🇨🇭 Simplicity and quality matter 🇨🇭

Fashion ပဲဖြစ်ဖြစ်၊ ကိုင်တဲ့အိတ်ပဲဖြစ်ဖြစ်၊ အစားအသောက်ပဲဖြစ်ဖြစ် quality ကောင်းကောင်းနဲ့ simple ဖြစ်တာကို ရွေးချယ်ကြတယ်။ အရမ်း Flashy ဖြစ်တာမျိုးတွေ သိပ်မဝယ်ကြသလို၊ အရမ်းချမ်းသာတဲ့သူတွေနေတဲ့နိုင်ငံဖြစ်ပေမယ့် ကြွားဝါနေကြတာလဲ အရမ်းနည်းတယ်။ ကြွားဝါတဲ့သူတွေကိုလဲ တိတ်တိတ်လေးကဲ့ရဲ့တတ်ကြတယ် (ဥပမာ - အသာလေးခေါင်းခါလိုက်တာတို့.. မသိမသာအကြည့်လေးနဲ့တို့.. အပြုံးလေးနဲ့တို့.. အဲ့လိုမျိုးပေါ့၊ အတင်းတော့မပြော၊ 😁 စကားကို အများကြီးမပြောကြတဲ့ လူမျိုးတွေပါပဲ)။

🇨🇭 Almost everywhere is sooo clean 🇨🇭

အမှိုက်ကို လမ်းမှာပစ်ချသွားသူ လုံးဝမရှိ၊ ဆေးလိပ်အတိုကို ဒီအတိုင်းပစ်ချသွားသူမရှိ၊ အကုန်သူ့နေရာနဲ့သူ အမှိုက်ပစ်ကြတယ်။ ကောင်းမွန်တဲ့စည်းကမ်းလိုက်နာမှုတွေက လူအချင်းချင်းကူးစက်ပါတယ်.. ။ လူတွေကို စည်းကမ်းလိုက်နာစေချင်ရင် စည်းကမ်းလိုက်နာနိုင်အောင်လဲ နိုင်ငံက provide လုပ်ထားပေးဖို့လိုတာပေါ့။ ဒီမှာက အမှိုက်ပုံးတွေကလဲ နေရာတိုင်းလိုလိုမှာရှိတာကိုး။ အိမ်သုံးအမှိုက်တွေဆိုလဲ စက္ကူသက်သက်၊ အမှိုက်အစိုသက်သက်၊ ပုလင်းသက်သက်၊ ပလတ်စတစ် သက်သက်ပစ်ရပါတယ်။ အိမ်အောက်က အမှိုက်ပစ်တဲ့နေရာတွေမှာ cctv ထားကြတယ်။

🇨🇭 Nature is part of their identity 🇨🇭

Weekends တွေဆို တောင်တန်းတွေပေါ်သွားမယ်၊ lunch break တွေဆို Geneva Lake မှာ ရေကူးမယ်၊ အနီးအနားပန်းခြံမှာ နေ့လည်စာထွက်စားမယ်၊ nature ထဲမှာ လမ်းလျှောက်မယ်.. သူတို့အရမ်းလုပ်ကြတယ်။ ဒီအချက်ကတော့ သိမ့်အကြိုက်ဆုံးအချက်ထဲမှာ ပါပါတယ်။ ကိုယ်က nature နဲ့ connect လုပ်ရတာ အရမ်းသဘောကျတဲ့သူမို့ စိတ်တွေရှုပ်လာရင် အိမ်နားက ပန်းခြံမှာ လမ်းဆင်းလျှောက်လိုက်၊ အသက်၀၀ရှူလိုက်တာပဲ။ အိမ်အောက်တောင် မဆင်းချင်အောင် စိတ်ရှုပ်နေတဲ့အချိန်မျိုးတွေကျတော့ အိမ်မှာ ဟင်းချက်လိုက်တယ် (ဒါက စကားချပ်)။ ပန်းခြံတွေဆိုလဲ ရာသီမရွေးလှနေအောင် အရမ်းသေချာလုပ်ကြတယ်။ ဘယ်သွားသွား Lily ပန်းတွေ၊ နှင်းဆီပန်းအကြီးကြီးတွေ၊ အရောင်စုံ Hydrangea ပန်းတွေအပြည့်၊ Spring နဲ့ Summer ဆိုပိုများတယ်။ လူတွေအားလုံးကလဲ အရမ်းစည်းကမ်းရှိတော့ ဘယ်သူမှပန်းတွေကို မခူးကြဘူး။ သိမ့်အရင်အိမ်အောက်မှာဆို Hydrangea ပန်းတွေအဆုပ်လိုက် အဆုပ်လိုက် လမ်းဘေးမှာပဲ ပွင့်နေတာ၊ သူ့အလိုလိုအပင်ပေါ်မှာသာ ညှိးသွားတယ် ခူးသူမရှိ။ အခုနေတဲ့ building အောက်ကတော့ နှင်းဆီအပွင့်အကြီးကြီးတွေ အရောင်စုံပတ်ပတ်လည်စိုက်ထားတာ။ ဘယ်သူမှမထိကြ။ အလှကို အလှအတိုင်း၊ သဘာဝကို သဘာဝအတိုင်း တန်ဖိုးထားကြသူတွေပေါ့လေ.. ။

ကဲ… ဆက်ရေးရရင်တော့ တကယ်အများကြီးပေမယ့် ဒီနေ့တော့ ဒီလောက်နဲ့ပဲ ရပ်လိုက်ပါတော့မယ်.. ။ ဒီတစ်နှစ်အတွင်းမှာ ကောင်းတာတွေ၊ ဆိုးတာတွေကြုံရတာလဲ အများကြီး၊ အတွေ့အကြုံတွေလဲ အများကြီး၊ အရာတော်တော်များများကိုလဲ learn လုပ်နေဆဲ၊ settle ဖြစ်အောင် ကြိုးစားနေရဆဲ၊ အိမ်နဲ့ ကိုယ့်နိုင်ငံကို အင်မတန်မှ လွမ်းနေဆဲလူတစ်ယောက်ဖြစ်နေပေမယ့် အတတ်နိုင်ဆုံး အရာရာကို grateful ဖြစ်တဲ့စိတ်နဲ့ပဲ နေ့ရက်တိုင်းမှာ ပိုကြိုးစားနေဆဲပါပဲ.. ။ အသက်ရှင်ရချိန်ခဏလေး အကောင်းဆုံးရှင်သန်သွားနိုင်ဖို့ပေါ့.. ။ စာတွေလဲ အချိန်ရရင် ရသလို ဆက်ရေးပါဦးမယ်.. ။ ပြောပြချင်တာတွေကတော့ အများကြီးပဲ.. အချိန်လေးတွေလောက်ဖို့ပဲလိုတယ်.. ။ 😄❤️
With love,
Su Wai
❤️

27/04/2025

Sometimes I have so many emotions that I become speechless —
I have nothing to say.

In those moments, I make sure to look at life and my surroundings from another angle,
even if I can’t do the same for my own emotions at that time.

I look at the sky,
look at the birds,
look at the trees,
and wonder about their lives and their being.

Somehow, it helps me feel calm.
It makes me feel connected to them.
It reminds me that I’m not alone with my emotions and the things I have to solve.

Buddha once said,
“You will always have troubles as long as you have a body (life), one way or another.”
And it’s true — no matter where you are or how your life is, there will always be things to handle.

That’s why it’s so important to be able to live the Middle Way (myit si ma pa di pa tar) —
not too happy, not too sad.
It’s about living in balance —
not swinging to extremes of happiness, suffering, attachment, or denial.

It sounds so easy, but it’s actually so difficult to follow sometimes,
even when you’re fully aware of it.

Because it’s your own emotions, your own thoughts, your own struggles —
and those are the hardest things to control and work on.
You have to do it constantly.
You have to be aware of what you’re actually thinking
and take control of your mind, your actions, and your words.

It’s not the same as toxic positivity,
or lying to yourself to feel better for 30 minutes.
It’s about being aware —
knowing what’s happening inside you and around you,
accepting it, letting it go, moving forward,
forgiving yourself, forgiving others, and forgiving your life.

It’s about trying your best —
and remembering not to be too hard on yourself (which is so hard to remember sometimes).

Cry if you need to.
Share if you need to.
Find a way to let your emotions out —
otherwise, they pile up,
and one day,
you won’t know what to do with them anymore,
or even how to feel them.

And that’s okay too.
It’s actually okay not to be okay.

Just remember:
Breathe. Accept. Acknowledge. Forgive. Let go.
Live one day at a time.

It’s part of being human —
and after all,
we’re all just trying our best.

Su Wai
27 April 2025

26/01/2025

I saw the Rare Planet Parade on 25 January! 🪐🤩

ဒီရှားရှားပါးပါးဖြစ်တဲ့ planetary alignment ကို မြင်ချင်တယ်လို့တွေးနေတာ ၁ ပတ်လောက်ရှိပြီ Geneva က ကိုယ်နေတဲ့နေရာကောင်းကင်ကနေလဲ အကုန်မမြင်ရဘူးရယ်.. Sky App တွေနဲ့ရှာလဲ မမြင်ရတာ.. တိုက်တိုက်ဆိုင်ဆိုင် murten light festival ကို plan မရှိပဲသွားဖြစ်တော့မှ တိမ်တွေပြယ်တုန်းလေး မြင်လိုက်ရ.. So awesome to see Mars, Jupiter, and Venus (and a bit of Saturn with the zoom after filming the videos) aligned on the ecliptic! 🤩

29/12/2024

🇫🇷 Starring: The Louvre, feat. Lord 🎶

28/12/2024

Bonjour Paris 🇫🇷

24/12/2024

Merry Christmas, everyone!🎄✨
Sending love and holiday cheer from Santa’s house at Rocher de Naye, Switzerland 🇨🇭🎅!
If you could ask Santa for anything this year, what would it be ? Let us know below! 🤶✨

24/12/2024

Merry Christmas, everyone! 🎄✨

Guess what — Santa lives in Switzerland too!🎅
A snow-covered train ride through the mountains 🚂, snowball fights ❄️, and surprise gifts? Looks like I’m officially on the nice list this year. 😉🎁

Btw, his Swiss address is Rocher de Naye — in case you want to catch him next year! 😍❤️

15/12/2024

🎄 It’s beginning to look a lot like Christmas ✨

14/12/2024

Singapore Photo Dump: the highlights! 🏙️✨

Feat: Emirates 🛫

08/12/2024

Step back in time to the elegance of the 1930s! 🚂 This 1930s Belle Époque train in Switzerland is like a moving time machine through the Alps, blending history with breathtaking views. Would you ride this masterpiece? ❤️

Tag someone who loves vintage vibes or dreams of exploring Switzerland!🇨🇭

03/11/2024

Hello အားလုံးပဲနေကောင်းကြလား.. 🤍
မတွေ့ရတာ စကားတွေမပြောရတာကြာပြီနော်.. ☺️

မနေ့က သိမ့်ရဲ့မွေးနေ့ပါ.. 🎂
Happy Birthday to your favourite Scorpio friend, correct? 😉 🎉

မွေးနေ့မှာ တောင်ပေါ်ရောက်နေလို့ ဒီနေ့မှ ပိုစ့်သေချာတင်ရပါတယ်..

မနှစ်ကမွေးနေ့ကတော့ ပင်လယ်ကြီးနားမှာ ငွေဆောင်မှာ.. ဒီနှစ်မွေးနေ့ကတော့ နှင်းတောင်တွေကြား Top of Europe ဆိုတဲ့နေရာမှာပေါ့.. ။

သိမ့်က ကိုယ့်ကိုယ်ကိုယ် အမြဲသုံးသပ်လေ့ရှိသူမို့ ပြန်လှည့်ကြည့်လိုက်ရင် ဒီတစ်နှစ်အတွင်း ပြောင်းလဲခဲ့တာတွေ အများကြီးမှ အများကြီးပါပဲ.. ။ မထင်မှတ်ထားတာတွေရော၊ မျှော်လင့်ထားတာတွေ၊ မမျှော်လင့်ထားတာတွေရောပေါ့.. ။ နှစ်တွေဘယ်လိုပြောင်းသွားသွား အရာရာကို grateful ဖြစ်တတ်ဖို့၊ ကိုယ့်ကိုယ်ကိုယ်ပိုသိလာဖို့ self aware ဖြစ်ဖို့၊ ကောင်းတဲ့အရာတွေကိုပိုမျှော်လင့်ဖို့နဲ့ What you think you become ဆိုတာကို စွဲစွဲမြဲမြဲ ယုံကြည်ခြင်းတွေကတော့ သိမ့်အတွက်ပြောင်းလဲသွားခြင်းမရှိမယ့်အရာတွေမို့ ကျေနပ်ရပါတယ်.. ။

နောက်မှ Switzerland နိုင်ငံအကြောင်း ပိုစ့်လေးတွေ၊ ဗီဒီယိုလေးတွေ ဆက်တင်ပေးပါမယ်နော်.. ။ အားလုံးကိုသတိရတယ်.. ။ Stay strong, stay you နော်.. ။

Much love,
Su Wai
🤍