The dancing kitchen

The dancing kitchen cooking is the latest fashion nowadays join with us to explore your dish.
ශ්‍රී ලාංකීය මෙන්ම විදේශීය කෑම වට්ටෝරු සමග එක් වෙන්න
(2)

රස කේක් එක හදනවා, කෑල්ලක් ඕනා කාටද..? 🙊කේක් එකේ අන්තර්ගතය කිව්වොත් කෙළ හලනවා සත්තයි... moist chocolate cake Dark chocola...
18/09/2026

රස කේක් එක හදනවා, කෑල්ලක් ඕනා කාටද..? 🙊

කේක් එකේ අන්තර්ගතය කිව්වොත් කෙළ හලනවා සත්තයි...
moist chocolate cake
Dark chocolate ganache
Whipped caramel
Homemade Salted peanuts brittle

හෙට තමා කන්නේ හැබැයි 🫣

Egg Benedict 🥰ටික දවසකට කලින් හදපු උදේ කෑම එකක්. Hollandaise sauce එකේ පාටට තමා හිත අව්ල්. ඒ බිත්තර වල කහ මදය ලා පාටයි. ...
18/09/2026

Egg Benedict 🥰

ටික දවසකට කලින් හදපු උදේ කෑම එකක්. Hollandaise sauce එකේ පාටට තමා හිත අව්ල්. ඒ බිත්තර වල කහ මදය ලා පාටයි. ඒ නිසා ලස්සන පාටක් ආවේ නෑ සෝස් එකට 😩

ඒ උනට රස ඉතිං වෙනදා වගේමයි. Sourdough පාන් වලට අලිගැටපේර, බේකන්, පෝචිඩ් එග් තියලා මේ සෝස් එකක් දාපුවම පාන් ලොරියක් උනත් කන්න පුළුවන් 🙊

එහෙනම් හැමෝටම සුබ දවසක්... 🌸

අද දවල් හරිම මහන්සි දහවලක්. වෙනදා වගේ කලින්දා ඉතුරු නෑ අද රත් කරන් කන්න 😩දඩිබිඩියේ කන්න හැදුවේ ඉතුරු වෙලා තිබ්බ අන්තීම ත...
17/09/2026

අද දවල් හරිම මහන්සි දහවලක්. වෙනදා වගේ කලින්දා ඉතුරු නෑ අද රත් කරන් කන්න 😩
දඩිබිඩියේ කන්න හැදුවේ ඉතුරු වෙලා තිබ්බ අන්තීම තෝර්තියා දෙක බිත්තර දාලා. හදන්න උන්නේ බිත්තර වෙන විදියකට ඒ උනාට අන්තීමට හැදුවේ තවත් විදියකට 🤭

පෑන් එක රත් වෙනකොට ඔලිව්තෙල් ටිකක් දාලා හීනියට කපපු ළූනු ටිකක් වැඩිපුර දැම්මා. ඒ ටික මැලවෙනකොට ලුනු, ගම්මිරිස්, මිරිස් කුඩු එකතු කලා. කෑලි මිරිස් එක ඉවර නිසා චිලි ඔයිල් එකෙන් හැන්දක් අරන් දැම්මා. මේ ටික ඔක්කොම පොඩ්ඩක් කලවම් කරලා වතුර පොඩ්ඩක් දැම්මා. ඒ මම තෙල් දැම්මේ බිංදු දෙකක් වගේ නිසා තෙම්පරාදුව වේලිලා. පොඩ්ඩක් ඔක්කොම තුනපහ ටික ඉවෙනකොට බිත්තර හතරක් කඩල දාලා ඔක්කොම ස්ක්‍රැම්බල් කලා. එච්චරයි..........

ෆ්‍රිජ් එකේ වේලෙන ගෝවා කෑල්ලක් තිබුණා. ඕකෙන් කරන්න දෙයකුත් නැති නිසා හීනියට ග්‍රේට් කරලා ගත්තා. සැලඩ් කොළත් ඉවරයි ඒ වෙනුවට ආදේශක කලා ගෝවා ටිකට ලුනු ඔලිව්තෙල් දාලා කලවම් කරලා අරන්.

දැන් ගෝවා ටික තෝර්තීයා එකට තියලා ඒ උඩ බිත්තර ටික තියලා බුරීතෝ එකක් වගේ රෝල් කරලා ඩ්‍රයි පෑන් ෆ්‍රයි කලා. ඇත්තටම බඩ පිරෙන කෑමක්. ලේසියියෙන් හදාගන්න පුළුවන්. මීල් ප්ලෑන් එකටත් මේක නියමයිනේ කියලා කනකොට හිතුනේ මට.

කොහොමත් ඔය දඩිබිඩියේ හදන කෑම තමා කවදත් සුපිරියටම හැදෙන්නේ 🙊

ඔයාලාටත් එහෙමද..?

සරත් ඍතුවට දවස් කිහිපයයි ඉතුරු. කාලේ යනවා නෙමේ විද්දනවා. ශීත ඍතුව ඉවර වෙනකම් බලාගෙන උන්නේ අද ඊයේ වගේ. ඇහිපිල්ලම් ගහන වේග...
16/09/2026

සරත් ඍතුවට දවස් කිහිපයයි ඉතුරු. කාලේ යනවා නෙමේ විද්දනවා. ශීත ඍතුව ඉවර වෙනකම් බලාගෙන උන්නේ අද ඊයේ වගේ. ඇහිපිල්ලම් ගහන වේගෙන් ගිම්හානේ ඉවර උනේ උහුලගන්න බැරි රස්නයක් දීලා. හරිම අමාරුවෙන් ඒ දවස් ටිකත් ගෙවිලා දැන් ඉතිං සරත් ඍතුවට අඩිය තියන්න බලාගෙන ඉන්නවා....

මේ විදියට වට්ටක්කා හැඩේට බනිස් හදන්න මම කාලයක් ඉඳන් බලාගෙන උන්නා. ඒත් බැරි උනා. මම සාමාන්‍යයෙන් අපි තුන්දෙනාට විතරක් කන්න පාන් බනිස් එහෙම හදන්නේ නෑ. විශේෂ දවසක්, හේතුවක් තිබුණොත් කට්ටියක් එක්ක කනවා නම් තමා මෙහෙම බේකිං අපේ ගෙදර වෙන්නේ. ඉතිං පව්ලේ කට්ටිය මේ ලඟදි දවසක බීච් පික්නික් කරන්න යන්න ලෑස්ති වෙනකොට මාළු පාන් හදන්න මම භාර ගත්තේ මේ විදියට ටිකකුත් ඔහොම්ම හදන්න පුළුවන් නිසා. එකම ඩෝ එක, එකම ෆිලිං එකෙන් ශේප් එක විතරක් වෙනස් කරලා හදලා අන්තීමට කට්ටියම කන්න හෙව්වේ මේ වට්ටක්කා හැඩේ බනිස් ටික විතරයි 🙊

ඔයා මේ වට්ටක්කා හැඩේ ගන්න kitchen string එකක්ම ගන්න. සාමාන්‍ය රෙදි මහන නූල් ගන්න එපා. ඒවා තුනී වැඩියි. බේක් වෙනකොට ඔයාගේ බන් එක පිපෙනකොට නූල හොයන්නත් නැති වෙයි. අනික මේ kitchen string උයන්න, බේක් කරන්න සුදුසු විදියට heat safe විදියට හදලා තියෙන්නේ.

ඉතිං මම වීඩියෝ එකේ පෙන්නනවා වගේ එක සමාන ටිකක් දිගට කපාගත්ත නූල් කෑලි හතරක් එක උඩ තරුවක් වගේ වෙන්න දිග ඇරලා තියන්න. ඊට පස්සේ ෆිලිං එකත් දාලා රවුමට ශේප් කරපු බන් ඩෝ එක මේ නූල් උඩ තියලා එක එක ගැට ගහන්න පටන් ගන්න. වැඩි හරිය ගැටගහලා ඉවර උනාම කපලා අයින් කරන්න.

බේක් වෙලා ඉවර උනාම සමහර තැන් වල නූල් පොඩ්ඩක් බන් එක අතුලට ගිහින් තියෙයි. පරිස්සමෙන් ඒ තැන් වලින් ගලවගන්න බන් එක කඩාගන්නේ නැතුව.

මම වට්ටක්කා ගෙඩි වල නැට්ට හදාගත්තේ කුරුදු කෑල්ලක් තියලා. එහෙම තිබ්බම ලස්සන නිසා.

මම හදපු විදිය ලින්ක් එක පහළ තියෙනවා. ඔයත් බලලා තවත් කෙනෙක්ට බලන්න ශෙයා කරන්න එහෙනම්...

https://www.facebook.com/share/r/17UtvqM6x5/?mibextid=wwXIfr

හරි ලස්සනට තම්බපු බිත්තරයක් කොහොමද එහෙම තම්බන්නේ කියලා අහන්න කලින් වගකීමෙන් කියන්නේ එහෙම තම්බන විදි මම දන්නේ නෑ. නටන වතු...
15/09/2026

හරි ලස්සනට තම්බපු බිත්තරයක් කොහොමද එහෙම තම්බන්නේ කියලා අහන්න කලින් වගකීමෙන් කියන්නේ එහෙම තම්බන විදි මම දන්නේ නෑ. නටන වතුර එකේ විනාඩි හතක් තම්බලා අරන් බිත්තර කට්ට ගලවන්න ගිහින් කෑල්ලක් ගැලවිලා ගියා බිත්තරේ. ඉතිං හරි පරිස්සමෙන් කහ මදේ චප්ප චොරොප්පන් වෙන්නේ නැතුව බේර ගත්තා, අන්න ඒකයි මෙහෙම ලස්සනට දිලිසි දිලිසි තියෙන්නේ...

බිත්තරෙන් කෑල්ලක් ගැලවිලා ගිය එක දුක අංක එක, අංක දෙක කියන්නේ මගේ බිත්තර දැක්ක ගමන් ෆ්‍රේයාට ඕනා උනා මේ කහ මදය. අන්තීමට කහ මද නැති බිත්තරයක් මට ඉතුරු උනේ... 😩

අද රෑට කන්න කිනෝවා හදලා බිත්තර තම්බලා marry me chickpeas හැදුවා. ඒ කඩල එක හදන්න හරි ලේසියි වගේම තමා රසයි.

පෑන් එකට ඔලිව තෙල් ටිකක් දාලා ඒක රත් වෙනකොට පොඩියට කපපු ළූනු, සුදුළූණු එකතු කරන්න. ඒක පොඩ්ඩක් මැලවෙනකොට ඒකට sun dried tomatoes පොඩි කෑලි කපලා එකතු කරන්න.
දැන් ඒකට Italian dried herbs, cayenne pepper powder, paprika powder, tomato concentrate එකතු කරලා පොඩ්ඩක් කලවම් කරන්න.
දැන් කෑන්ඩ් කඩල වතුර පෙරලා අරන් පෑන් එකට දාන්න. ඒකට stock water/broth ටිකක් එකතු කරන්න. තව උකු පොල්කිරි එකතු කරන්න. ලුනු බලලා අවශ්‍ය නම් එකතු කරන්න.
දැන් කරි එක නටකම් මද ගින්නේ උයන්න.
අන්තීමට නිවිති ටිකක් එකතු කරලා කලවම් කරන්න...

ඒ මම ඉව්ව විදිය හැබැයි මේක ගොඩාක් වෙලාවට උයන්නේ පොල්කිරි වෙනුවට cooking cream දාලා. ඊට පස්සේ අන්තීමට Parmesan cheese එකතු කරනවා. මම ඒ දෙකම එකතු කලේ නෑ. මේ විදියට කඩල වගේම චිකන් බ්‍රෙස්ට් එකත් ඔයාට උයන්න පුළුවන්. එතකොට ඒක marry me chicken එකක් වෙනවා..

අනේ මන්දා කව්ද මේ නම් දැම්මේ කියලා... 🤭

14/09/2026

තේත් තියෙනවා කන්නත් තියෙනවා 🙊

මම මේ බනිස් වීඩියෝ එක ටික්ටොක් එකේ දැක්ක දවසේම සේව් කරගත්තා හදන්න සේව් කරන් ඉතිං සෑහෙන්න දවසක් වෙනවා අන්තීමට ඊයේ උදේට කන...
13/09/2026

මම මේ බනිස් වීඩියෝ එක ටික්ටොක් එකේ දැක්ක දවසේම සේව් කරගත්තා හදන්න සේව් කරන් ඉතිං සෑහෙන්න දවසක් වෙනවා අන්තීමට ඊයේ උදේට කන්න හැදුවා.

උදේට කිව්වාට හදන ඉවරවෙලා උදේට කද්දි නවයහාමාරත් වෙලා. එහෙම තමා හැමදාම උදේ හත අට වෙද්දි උදේට කන්න ඕනා කියලා නියමයක් නැහැනේ...

අපේ පැත්තේ මේ බනිස් වලට කියන්නේ මල්ටි බනිස් කියලා. හම්මේ හැබැයි මේ වගේ ජෑම් තලියක් නම් නෑ ඒ බනිස් වල. ජෑම් නිකන් කන් හැන්දෙන් අරන් දාලා වගේ ඒ බනිස් වලට. අපි ඉස්සර බනිස් ගෙඩියේ වටේ කාලා අන්තීමට ජෑම් තියෙන අර පොඩි කෑල්ල ඉතුරු කරනවා අන්තීමට රස බල බල කන්න. සමහර දවස් වලට අපේ අම්මා ඔය බනිස් ගෙඩිය දෙකට පලලා මැද්දට ජෑම් දාලා දෙනවා, එහෙම තව රසයි.

මම අද ජෑම් දැම්මේ අර පොඩි කාලේ මේ බනිස් ගෙඩියේ තිබ්බ අඩුව පුරවන්න වගේ හිතාගෙන. බේකරි මනුස්සයාට තේහැන්දක් තරම්වත් ජෑම් ටික්ක දාන්න බැරි උනාට එක බනිසකට ජෑම්
බෝතලයක් උනත් දාන්න පුළුවන් අද මට කියලා හිතාගෙන බනිස් ටික හැදුවේ.

ඔය ජෑම් කියද්දි මතක් උනේ මේ බනිස් හදන්නම ගෙනාව ජෑම් බෝතලේ කතාව. අපේ ගෙදර සාමාන්‍යයෙන් නෙමේ ගේන්නේම නැති කෑමක් ජෑම්
කියන්නේ. එහෙම කව්රුත් වැඩියේ කන්නේත් නෑ අනික පළතුරු වලට වඩා ඕකේ සීනීනේ තියෙන්නේ. මම ඉඳලා හිටලා ඔය දෙතුන් පාරකට කන්න එහෙම ජෑම් හදනවා strawberry, blueberry වගේ බෙරී සීසන් එකේ. ඒත් ඉතිං මේ කාලේ ඔය සීසන් නෙමේ නිසා ස්ට්‍රෝබෙරි හරි අඩුයි, තිබ්බත් ගිනි ගනන්. මම ඉතිං පොඩි ස්ට්‍රෝබෙරි ජෑම් බෝතලයක් අරන් ආවා. ඕක අරන් ඇවිත් දවස් තුනකට පස්සේ මේ බනිස් හැදුවේ. හම්මේ...!! අපේ ෆ්‍රේයා, ඒක දකින දකින වෙලේට අහනවා "කවදද ජෑම්
බනිස් හදන්නේ.." මම ඉතිං සෙනසුරාදා උදේට කියන්න කියන්න උදේටයි රෑටයි අහනවා "දැන් සෙනසුරාදාද" කියලා 🥴

ඒත් මම එක දවසක් හවස ස්නැක් එකට මේ ජෑම් එක කඩලා ක්‍රැකර්ස් වලට ගාලා දුන්නා. හම්මේ...! මැරෙන්න ගියා "දැන් අපිට ජෑම්
බනිස් හදන්න ජෑම් ඉවර වෙනවා" කියලා බේකරි මනුස්සයාට දෙවැනි නෑ මේක කියලා හිතුනා ඒ වෙලේ මට...

කෑවා කෑවා, ජෑම් බනිස් එකත් ආසාවෙන් කෑවා. වැඩිපුරම ආසාවෙන් කෑවේ ක්‍රම්බල් වලට. ඒ වෙලේ හිතුනේ මීට වඩා හොඳයි උඹට මම ක්‍රම්බල් විතරක් හදලා දුන්නා නම් කියලා...

මේ තියෙනවා මම බනිස් හදපු ලින්ක් එක

https://vm.tiktok.com/ZN8jPpn26/

Indirizzo

Milan
11500

Sito Web

Notifiche

Lascia la tua email e sarai tra i primi a sapere quando The dancing kitchen pubblica novità e promozioni. Il tuo indirizzo email non verrà utilizzato per nessun altro scopo e potrai annullare l'iscrizione in qualsiasi momento.

Scelte rapide

Condividi

Categoria