26/01/2026
بتعرف شو يعني كون متعودة احكيلك كل شي؟ يعني لما بيفرح قلبي بلف دور عليك، ولما بتبكي عيني بفتش على كتفك.. وهلأ، لا عم أعرف افرح متل الخلق، ولا عم أعرف ابكي وأرتاح.
في مية قصة وقصة صاروا معي، وفي مية غصة وغصة خبيتهن بصدري. كنت قلك: (أنت الوحيد اللي بتفهمني من دون ما احكي)، وهلأ أنا عم احكي كتير بس مالي سمعانة غير صدى صوتي بالحيطان.
الشوق مو بس كلمة، الشوق هو هاد الفراغ اللي تركتو انت وما حدا قدر يعبيه
أصعب حرب هي الحرب اللي بين عقلي وقلبي.. عقلي عم يشدني للسكوت، وقلبي عم يصرخ بدو يروح لعندك. عم موت وجع على غيابك، وعم تطلع روحي لأحكيلك، بس بعرف إنو الباب اللي الي تسكّر بوجع، ما عاد ينفتح بلهفة.
بيقولوا (البعيد عن العين بعيد عن القلب)، بس أنت من يوم الي تركنا فيه لليوم، عم تكبر بقلبي أكتر، وعم يوجعني غيابك أكتر. أنت كنت الدني كلها، وهلأ الدني بلاك فاضية ومالها طعمة. عم عيش يومي (تقضية واجب) بس كرمال يخلص، وناطر يجي يوم تبرد فيه هي النار اللي بصدري
وماعم تبرد طب علمني كيف انساك متل ماعلمتني كيف حبك
💔💔💔💔💔
🖤
