12/08/2025
⭐️ 🌶️ والطعم خيااال حبيت هالمخلل خطير رح اعملو بطريقة ناجحة من اول مرة وسريعة كثير بدون مجهود 👌🏻
**المقادير😍:
فلفل حار 🌶️/ زيت زيتون تقريبا نصف كاسة /ملح🧂/ثوم مقسم انصاص🧄(اختياري)/ ليمون مقسم ارباع 🍋/كركم بعطي لون اصفر للفلفل😍/ماء ساخن مغلي لحتى يتخلل اسرع👌🏻
**الطريقة 😍:
1) بحضر مرتبانات فاضيه معقمة ومجففة تماما👌🏻
2)بنقسم الفلفل شرائح صغيرة واذا حبيتو تشيلو البزر (اختياري) بس انا خليتو😍
3) بغلي ماء ساخن عالغاز وبطفي عليها🥰 وبعدين بضيفلها الملح والكركم وبحركهم حتى يذوبو تماما
4)بضيف الفلفل الحار للمرتبان وبحط بين الفلفل ليمون وثوم (اختياري) واخر خطوة بضيف الماء وبحرك المرتبان لاتاكد انو كل حبات الفلفل اتغلغلت بالماء حتى ما يتعفن وضروري اوصل الماء لاخر المرتبان تغطي الفلفل تماما وبعدين بضيف زيت زيتون لحتى يحفظ المخلل وبترك المرتبان شوي لحتى يطلع اي هواء داخله وبعدين بسكرو بقوة وبتركو اسبوع وبتستخدموه مقبلات مع صينية البطاطا او صواني او مقالي او كفتة او سناكات برغر وساندويشات او مع الكومبير التركي رهيييب 🥔وصحة وعافيه 😋.
**ملاحظة 🥰:
1)كل كوب ماء بدو م.ك ملح و ن.م.ص كركم
2) المرتبان الكبير اخذ مني كوب ونصف ماء والصغير كوب واحد فقط.
3) بتحفظيه برا الثلاجة وبتستخدمي مرتبانات زجاج او بلاستيك واذا استخدمتي بلاستيك استني عالماء لما تبرد 👌🏻
4) ضروري اغمر الفلفل كامل بالماء وما اخلي مجال للهواء ابدا واخر اشي بضيف عالوجه زيت زيتون.
5) بتضلي تخضي المرتبان كل يوم مرتين لانو الكركم بضل تحت لحتى ياخذو لون اصفر👌🏻😍 #وصفات #طبخ %
ادخلو كلكم جروبي الطبخ سفرة اليوم(ما لذّ وطاب)🍕🍛🥘🍰
