Alaa Marketing

12/09/2025

بتحسي إنك كل مرة بتضيعي وقتك تشرحي للذكاء الاصطناعي كيف يكتبلك محتوى بطريقتك؟ 🤯
لو بدك تحصلي على هالامر مجاناً لتنسخيه فوراً علقي بكلمة امر وبيوصلك مباشرة

اسمعي… اليوم جايبتلك الحل

هاد أمر جاهز (Prompt) بتحفظيه عندك وبتستخدميه مع أي أداة ذكاء اصطناعي… وكل مرة يذكّره مين إنتِ، شو بدك، وكيف بدك الأسلوب:

"مرحباً — رح اكتبلك كيف لازم تتعامل معي بكل مرة نحكي فيها:
أنا فلانة، … (احكي عن حالك: تخصصك، مجالك، شو بتعملي).
بدي المحتوى يكون واقعي، سهل، وبيشبهني بأسلوبي ( اكتبي كيف بتحبي يكون الاسلوب اللي يعتمده ).
اكتبلي بجمل قصيرة، واضحة، وبطريقة حوارية كأني بحكي لصديقة.
أنا بحب الأسلوب اللي فيه صدق وصراحة، بس بنفس الوقت إيجابي وبشجع.
ممكن تستخدم عبارات مثل: الحقيقة هي…، أفضل شي…، أو السر الحقيقي…

لما تكتبلي:

خليك بسيط وواضح.

شد القارئ بأسئلة بلاغية.

أبرز الكلمات المهمة بخط غامق أو مائل.

انهي كل فقرة بجملة قوية بتضل بالبال.

وأوقات بدي المحتوى بصيغة محددة:

كابشن إنستغرام

نصوص فيديو

أفكار ستوري

انا بحددلك شو رح اطلب منك

ولكل مرة بنحكي، تذكر هالشي، ولو مش متأكد اسألني قبل.

وتذكر: أهم شي تخليني أظهر كشخص عنده خبرة وموثوقية، بدون ما تضيع لمستي الخاصة.

تابعيني لانه الجاي أقوى ان شاء الله رح ترفعي من مستوى براندك الطبي وعيادتك الرقمية






#اقتباسات #محتوى

11/09/2025

7 خطوات سحرية تخلي حسابك الطبي يجذب مريضات بذكاء:

1️⃣ واجهة حسابك هي أول انطباع
البايو والصورة لازم يوضحوا مين أنتِ وشو بتقدمي + رابط للحجز مباشر.

2️⃣ نوعي بمحتواك
مش كل شي تعليم… حطي قصص ثقة، محتوى إنساني، وتجارب قبل/بعد (بموافقة المريضة).

3️⃣ الصور والريلز هم سر الانتشار
إضاءة كويسة + فيديو قصير يجاوب على سؤال = تفاعل أسرع.

4️⃣ لا تهملي التفاعل
ردي على التعليقات، افتحي أسئلة بالستوري، وخلي الناس يحسوا إنك قريبة منهم.

5️⃣ ركزي على جمهورك المحلي
استخدمي الموقع بالبوستات عشان توصلي للناس اللي حواليك مو بس أي حدا.

6️⃣ CTA واضح بكل منشور
المريضة لازم تعرف شو الخطوة الجاية: احجزي، راسليني، أو تابعي الصفحة.

7️⃣ راقبي وحسني
شيكي Insights، شو اللي عم يشتغل؟ كرريه. وشو ما عم يجيب نتيجة؟ عدليه.

سر النجاح مو بعدد البوستات… السر برسالتك، وباستمراريتك.

احفظي هالمنشور وطبقي الخطوات خطوة بخطوة، وبتشوفي الفرق بالحجوزات.

إذا حابة أساعدك بخطة جاهزة لحسابك، اتركيلي تعليق بكلمة "خطة".











‏‎

#اكسبلور

10/09/2025

الذكاء الاصطناعي مش رفاهية… هو مساعدك الأول لتكسبي وقت وتطلعي محتوى احترافي بدون تعب.
جرّبي أداة من هالقائمة وشاركيني بالتعليقات أي وحدة حسيتها أنسب لشغلك

علقي بكلمة عرض لتوصلك الادوات المجانية

احفظي البوست وشاركيه مع زميلاتك، لأنه ممكن يغيّر طريقتهم بالشغل!

27/08/2025

بتدفعوا آلاف على إعلان… وبترجعوا تسألوا: ليش المريضة ما رجعت؟

المحتوى مش مجرد بوست… هو بصمتك اللي بتخلّي المريضة تتزكرك بعد شهور.

كتير بيخلطوا بين المحتوى والإعلان… بس الفرق كبير!

الإعلان = ضوء سريع بينطفي بعد ما تخلص الحملة.

المحتوى = استثمار طويل الأمد ببناء ثقة واسمك بالسوق.

ليش؟ لأن كل بوست، ستوري، أو ريلز بتحطيه اليوم… ممكن يشتغل عنك بعد أسابيع أو حتى شهور.

المحتوى هو اللي بيخلّي المريضة تتزكرك وقت ما تحتاج خدمتك، حتى لو ما حجزت من أول مرة.

فكرّي فيه كأصل ثابت: كل ما ضفتي قيمة حقيقية، كل ما كبر رصيدك عند جمهورك، وزادت ثقتهم فيك.

إذا بتحسي زميلتك كمان محتاجة تفهم الفرق، ابعتيلها هالبوست… وخلّينا نساعد أكتر طبيبات يبنوا براند طبي فعلي، مش حملات مؤقتة.

انا الاء مدربة تسويق طبي بساعد الطبيبات يبنو عيادتهم الرقمية ويطوروا من وجودهم الرقمي تابعيني 🌹

#الاردن #عمّان #الاردن

المحتوى هو الاستثمار الوحيد اللي بيكبر قيمته مع الوقت.

22/08/2025

مو المهم كم بتنشرّي بوستات…
المهم شو الرسالة اللي توصليها من ورا كل بوست!

في كتير طبيبات بينشروا يومياً، بس بلا هدف واضح… النتيجة؟ المحتوى بيضيع وما بترك أي أثر.
بينما طبيبة تانية بتنشر أقل، بس كل كلمة وكل صورة محسوبة… وبتوصل لجمهورها صح وبتخليهم يثقوا فيها.

ركزي على:
✔ وضوح رسالتك التسويقية
✔ ارتباط كل بوست بهدف (تعليم، تحفيز، توعية، دعوة للحجز)
✔ تقديم قيمة ملموسة تخلي المريضة تقول: "هاي الدكتورة فاهمتني"

تذكري: بوست واحد برسالة قوية ممكن يجيب ثقة وحجوزات أكتر من ١٠ بوستات عشوائية.

💬 احكيلي بالتعليقات 👇 بتحسي مشكلتك أكتر بعدد البوستات ولا بعدم وضوح الرسالة؟

واستنيني بالريل الجاي رح اعلمك كيف تكتبي رسالتك التسويقية بشكل دقيق ان شاء الله 🥰

21/08/2025

كتير طبيبات بينشروا عشوائي… صورة، اقتباس، أو قبل/بعد. بس الحقيقة؟ بدون خطة واضحة المحتوى بيضيع بين آلاف البوستات!
لهيك جمعتلك ٥ خطوات أساسية، إذا طبقتيها بتصيري مسيطرة على محتواك من اليوم 👇

1️⃣ حددي هدفك (شو بدك توصلي؟)
2️⃣ اعرفي جمهورك (مين المريضة الصح إلك؟)
3️⃣ نوعي محتواك (تعليمي + بيعي + قصصي...)
4️⃣ اعملي خطة شهرية (جداول بسيطة تسهلك النشر)
5️⃣ راقبي وعدّلي (كرري اللي بيجيب تفاعل، وطوريه)

نصيحتي: ما في خطة كاملة من أول مرة… الخطة بتصير أذكى كل ما طبقتيها وعدلتي عليها.


لو حابة أساعدك تبني خطة محتوى مخصصة لصفحتك وتريحك من العشوائية، راسليني أو اكتبي "خطة" بالتعليقات 💌

20/08/2025

الثقة ما بتنشرى…
هي بتنبنى خطوة بخطوة من خلال محتوى صادق، ردود سريعة، وأسلوب مهني بيوصل القيمتك.

المريضة ممكن تحتاج شهور لتقرر تحجز عندك،
بس صدقيني 👇
غلطة صغيرة بأسلوب الرد، أو وعد ما وفيتي فيه… كفيلة تخليها تروح وما ترجع.

لهيك من المهم انك :

1️⃣ تكوني واضحة بمعلوماتك.
2️⃣ تجاوبي بأسلوب إنساني مو جاف.
3️⃣ ما تعطي وعود ما بتقدري تلتزمي فيها.

الثقة رصيدك الحقيقي على السوشال ميديا…
واحميه لأنه بثانية بينهدم.

انا الاء مدربة تسويق طبي بساعد الطبيبات يبنوا عيادتهم الرقمية بصورة احترافية لانه الثقة بتبدا من العيادة الرقمية لانه لو ما كان للدكتور صفحة عالسوشال ميديا ومهتم فيها كانها عيادته التانية المريض رح يروح يدور على دكتور غيره عشان يوثق فيه وبس بده الخدمة على طول يحجز بدون تردد.

ما تنسي تتابعيني لتتعرفي اكتر عن التسويق


#عمّان #الاردن

16/08/2025

14/08/2025