04/07/2025
ကျနော် ဒီတပတ်တွင်းထဲ ဆရာသန်းဖေမြင့်ရဲ့
"ပွင့်ပွင့်လင်းလင်း ယောက်ျားတို့အကြောင်း" စာအုပ်ကို ဖတ်ဖြစ်ခဲ့ပါတယ်။ စာအုပ်ကို ဖတ်ရင်း စာအုပ်ထဲမှာပါတဲ့ "မစွမ်းယင်းကလည်းရှိ၊ ကန်ဇွန်းခင်းကလည်းငြိ" ဆိုတဲ့ စာသားရဲ့ ဆိုလိုရင်း အနက်အဓိပ္ပါယ်အမှန်က ဘာလဲဆိုတာ ရုတ်တရက် သေချာသိချင်သွားတာကြောင့် သုံးနေကြအေအိုင်Appတွေ ဖြစ်တဲ့ Chat GPT နှင့် Claude တို့ကို မေးမြန်းကြည့်ခဲ့ပါတယ်။
Chat GPT ကနေဖြေကြားလာခဲ့ပုံက ….
"မစွမ်းယင်းကလည်းရှိ၊ ကန်ဇွန်းခင်းကလည်းငြိ" ဆိုတာဟာ မြန်မာစကားပြေတမျိုးပါ။
ဒါဟာ အနက်ဖွင့်ဆိုရင် — တချို့က လုပ်ဖို့စွမ်းရည်မရှိသော်လည်း တခြားတချို့ကလည်း လုပ်ဖို့စိတ်မရှိဘဲ တိတ်တိတ်နေတတ်ကြတာမျိုးကို ရှုမြင်ဖော်ပြတာပါ။
စာလုံးအလိုက်ရှင်းပြချက်
• မစွမ်းယင်းကလည်းရှိ – လုပ်ဖို့စွမ်းရည်မရှိသူလည်း ရှိတယ်။
• ကန်ဇွန်းခင်းကလည်းငြိ – စွမ်းသော်လည်း မလုပ်ဘဲ တိတ်တိတ်နေသူလည်း ရှိတယ်။
အဓိပ္ပာယ်အနှစ်ချုပ်
ဤစကားပြေဟာ လူတစ်စုထဲမှာ
• တစ်ချို့က အလုပ်လုပ်ဖို့ စွမ်းဆောင်နိုင်မှုမရှိတဲ့သူတွေ
• တစ်ချို့က စွမ်းနိုင်တာနဲ့တင် တမန်မလှုပ်ဘဲ တိတ်တိတ်နေတဲ့သူတွေ
၂ မျိုးလုံး ရှိတတ်ကြတာကို ပြောတာပါ။
ဥပမာနဲ့ရှင်းပြရင်
သင်တန်းတစ်ခုလုပ်တဲ့အခါ
• တစ်ချို့က “မလွယ်ဘူး၊ မလုပ်နိုင်ဘူး” ဆိုပြီး စွမ်းအားမရှိကြောင်းပြောတတ်တယ်။
• တစ်ချို့ကတော့ စွမ်းသော်လည်း မလုပ်ဘဲ တိတ်တိတ်နေနေတတ်တယ်။
ဒါကိုပဲ “မစွမ်းယင်းကလည်းရှိ၊ ကန်ဇွန်းခင်းကလည်းငြိ” လို့ ပြောပါတယ်။
Chat GPT က မေးထားတဲ့စာသားကို နားလည်လွယ်အောင် အဓိပ္ပါယ်ကို ဥပမာများပေးရုံသာမက၊ အနှစ်ချုပ်ပါ ဖြေကြားသွားပါတယ်။ ဒီအေအိုင်ကို အသုံးပြုတဲ့သူများတာကြောင့်လည်းပါမယ်ထင်တယ်။ ကိုယ်သေချာမသိဘဲနဲ့ သိသယောင် ရုပ်တည်တည်နဲ့ ရွှီးနေပုံပါ။ ကျိမ်းသေတာ အဖြေမှန်မဟုတ်တာကြောင့် မြန်မာလို စာအရေးအသားမှာ အတော်ပြေပြစ်ပြီး နာမည်ရနေတဲ့ Claude အေအိုင်ကို တူညီတဲ့မေးခွန်းအတိုင်းပဲ ထပ်မေးကြည့်လိုက်ပါတယ်။
အဲဒီအခါ Claude အေအိုင်က ဖြေကြားထားပုံက…..
"မစွမ်းယင်းကလည်းရှိ" - စွမ်းအား မရှိရင်လည်း ရတယ် "ကန်ဇွန်းခင်းကလည်းငြိ" - ခံနိုင်ရည်နဲ့ စိတ်
ဓါတ်သည်းခံပြီး ငိုယိုတယ်။
ဆိုလိုချင်တာက - လူတွေက စွမ်းအားမရှိလည်း ဆက်တည်ရှိနေတယ်။ အခက်အခဲတွေကို ခံနိုင်ရည်နဲ့ ရင်ဆိုင်ရလည်း နာကျင်မှုတွေကြောင့် ငိုချင်စိတ်
လည်းရှိတယ်။
ဒါက လူ့သဘာဝရဲ့ နှစ်ဖက် - ခံနိုင်ရည်နဲ့ နူးညံ့မှုကို ဖော်ပြတဲ့ ကဗျာလေးပါ။ အားနည်းမှုတွေရှိလည်း ဆက်နေထိုင်ကြရတယ်။ ခံနိုင်ရည်ရှိလည်း နာကျင်မှုတွေကြောင့် ငိုချင်စိတ်လည်းရှိတယ်ဆိုတာ ပြောထားတာပါ။
အေအိုင်နှစ်ခုစလုံးရဲ့ ဖြေကြားထားပုံက စာသားရဲ့ အနက်ကို နည်းနည်းပါးပါး တီးမိခေါက်မိရှိတဲ့ သူတယောက်မဟုတ်ခဲ့ဘူးဆိုရင် အထိုက်အလျောက်
ကျိုးကြောင်းဆီလျော်စွာ ဖြေကြားပေးထားတဲ့အတွက် ဖြေကြားချက်ကို ကြည့်ပြီး၊
တခုခုကိုတော့ အမှန်ဖြစ်လောက်ပါတယ်ဆိုပြီး
ယုံကြည့်သွားနိုင်ပါတယ်။
ဒီစကားပုံ၏ တကယ့်အဓိပ္ပါယ် အမှန်ကတော့….
နဂိုကမှ မသန်းစွမ်းဖြစ်ပြန် ကန်စွန်းခင်းမှာ
ကပ်ငြိနေပြန်ဆိုတော့ ရုန်းရခက်ပြီးပေါ့။
ကိုယ့်စိတ်မှာ နဂိုတည်းကမှ ညွတ်နေ၊ သဘောကျနေပြန်တာကို ဘေးပတ်ဝန်းကျင်ကပါ မြှောက်ပေးနေတဲ့ အဖြစ်မျိုးကို ခိုင်းနှိုင်းခြင်း ဖြစ်ပါတယ်။
ခြုံပြီးပြောရရင် ကျနော်တို့တွေ အေအိုင်ကို
အသုံးပြုပြီး ထွက်လာတဲ့ရလဒ်တိုင်းကို
သေချာ ချင့်ချိန် စိစစ်ကာ သတိကြီးကြီးထားပြီးအသုံးပြုပါမှ တော်ကာကျမှာဖြစ်ကြောင်း
ပြောကြားလိုပါတယ်။
အားလုံးအဆင်ပြေ လွတ်မြောက်နိုင်ကြပါစေ။
zin myo@eric
2025/7/4(Fri)
