24/05/2026
४० वर्ष टेक्नु भयो ?
तपाईँहरुलाई 特定検診 (Tokutei Kenshin - Specific Health Checkup) भनेको के हो थाहा छ ?
जापानमा मृत्युहुने कारण को आधा जसो कारण जीवनशैलीको कारणले गर्दा लाग्ने रोगहरुले हुने अध्ययनले देखाएको कारणले जापनाको 厚生労働省 (Ministry of Health, Labour and Welfare) ले सञ्चालन गर्ने 特定検診 (Tokutei Kenshin) अर्थात् Specific Health Checkup बारेमा सजीले र बुझ्न सकिने भाषामा लेखेर जानकारी दिने जमर्को गरेको छु।
🔸特定検診 (Tokutei Kenshin - Specific Health Checkup) भनेको ४० देखि ७४ वर्ष उमेर समूहका मानिसहरूका लागि गरिने एक विशेष स्वास्थ्य जाँच हो। यसको मुख्य उद्देश्य メタボリックシンドローム (Metabolic Syndrome) अर्थात् मेटाबोलिक सिन्ड्रोम (पाचन प्रणालीसँग सम्बन्धित समस्या) को प्रारम्भिक चरणमै पहिचान गरी 生活習慣病 (Lifestyle-related diseases) अर्थात् जीवनशैलीसँग सम्बन्धित रोगहरू (जस्तै: मधुमेह, उच्च रक्तचाप क्यान्सर) लाई रोकथाम गर्नु हो।
यस्को मुख्य विशेषताहरू भनेको ४० देखि ७४ वर्षका स्वास्थ्य बीमा (Health Insurance)मा समावेश भएका व्यक्तिहरूको जीवनशैली सुधार गरी गम्भीर रोगहरू लाग्न नदिनु हो ।
यो परिक्षण गर्नको लागी धेरै खर्च लाग्दैन।
धेरैजसो अवस्थामा यो जाँच निःशुल्क वा निकै सस्तो हुन्छ, किनकि तपाईंको स्वास्थ्य बीमा प्रदायक (Health Insurance Provider/保険者 - Hokensha) ले यसको खर्च व्यहोर्छ।
🔸जाँचका मुख्य बुँदाहरू (Main Examination Items)
जाँचमा सामान्यतया निम्न कुराहरू समावेश हुन्छन्:
質問票 (Questionnaire): स्वास्थ्य अवस्था र बानी-व्यवहार सम्बन्धी प्रश्नहरू।
身体計測 (Body Measurement): उचाइ, तौल, BMI, र पेटको घेरा (腹囲 - Waist circumference)।
血圧測定 (Blood Pressure): रक्तचाप जाँच।
脂質検査 (Lipid Test): कोलेस्ट्रोल र ट्राइग्लिसराइड्स (Triglycerides) जाँच।
血糖検査 (Blood Sugar Test): मधुमेहको जोखिम पत्ता लगाउन रगतमा चिनीको मात्रा।
肝機能検査 (Liver Function Test): कलेजोको कार्यक्षमता (AST, ALT, γ-GT)।
尿検査 (Urine Test): पिसाबमा प्रोटिन वा चिनीको मात्रा।
यदि 特定検診 (Tokutei Kenshin) को नतिजामा स्वास्थ्य जोखिम देखिएमा, तपाईंलाई 特定保健指導 (Specific Health Guidance) को लागि सिफारिस गरिन्छ।
सहयोग: यसमा 保健師 (Public Health Nurse) वा 管理栄養士 (Registered Dietitian) जस्ता विज्ञहरूले तपाईंको जीवनशैली (खानेकुरा, व्यायाम, बानी) मा सुधार गर्न व्यक्तिगत सल्लाह र सहयोग प्रदान गर्छन्।
प्रक्रिया: यो पूर्ण रूपमा तपाईंलाई स्वस्थ राख्न र भविष्यमा लाग्ने ठूला रोगहरूबाट जोगाउन गरिने सहयोग हो।
यो परिक्षणको लागी पहिला सूचनापत्र पर्खनु पर्छ, तपाईंको स्वास्थ्य बीमा प्रदायक (Health Insurance Association वा नगरपालिका) ले हरेक वर्ष यसको लागि आवेदन पत्र वा कुपन (Coupon) तपाईंको घरको ठेगानामा पठाउँछन्।
सूचनापत्र पाएपछि नजिकैको तोकिएको मेडिकल संस्थामा सम्पर्क गरी अपोइन्टमेन्ट लिनुहोस्।
तोकिएको दिनमा स्वास्थ्य बीमा कार्ड (Health Insurance Card/保険証 - Hokensho) र कुपन लिएर जानुहोस्।
यदि तपाईं कम्पनीमा कार्यरत हुनुहुन्छ भने, कम्पनीले गर्ने 定期健康診断 (Periodic Health Checkup) मा नै यो 特定検診 का सबै आवश्यक बुँदाहरू समावेश गरिएका हुन्छन्। त्यसैले, छुट्टै जाँच गराउनुपर्ने आवश्यकता नहुन सक्छ। एकपटक आफ्नो कम्पनीको मानव संसाधन (HR) विभागमा बुझ्नुहोला।
