ウェブサイトとは何ですか？

https://www.facebook.com/875687728954902/

Dr. Mon GP

Dr. Mon GP, デジタルクリエイター, Chuo-kuの連絡先情報、マップ、方向、お問い合わせフォーム、営業時間、サービス、評価、写真、動画、お知らせ。

International Certified General Practitioner, Doctor who loves sharing Women's health, Maternity and Child health, and General Health Knowledge�Health Education Channel

15/12/2025

နှစ်ကြောင်းပေါ်ပြီး ကိုယ်ဝန်မဟုတ်သောအခြေအနေများ

🙋ဆီးစစ်တုန်းက ၂ကြောင်းပေါ်တာ အာထရာစောင်းရိုက်တော့ကိုယ်ဝန်မဟုတ်ဘူးတဲ့ ဘာလို့လဲ
🙋ကိုယ်ဝန်မရှိဘဲ ၂ကြောင်းပေါ်နိုင်လား
စသဖြင့် မေးမြန်းတာလေးတွေရှိလို့ ဆောင်းပါးလေးနဲ့ရှင်းပြပေးလိုက်ပါတယ်။

ဆီးစစ်တံနဲ့ စစ်ဆေးပြီးကိုယ်ဝန်ဟုတ်မဟုတ်စစ်တဲ့နည်းက လွယ်ကူရိုးရှင်းပြီးလူတိုင်းလုပ်နိုင်တာမလို့ အများစု ကိုယ်တိုင်စစ်ဆေးလေ့ရှိပါတယ်။ ၂ ကြောင်းပေါ်ရင် ကိုယ်ဝန်ရှိတာလို့ များသောအားဖြင့်တော့ ယူဆလို့ရပါတယ်။ ဒီနည်းက အလွယ်စစ်တဲ့နည်း ဖြစ်လို့ ၂ ကြောင်းပေါ်ပြီဆို ကိုယ်ဝန်ဟုတ်မဟုတ်သေချာအောင် ဆေးခန်းပြပြီးဆရာဝန်နဲ့စစ်ဆေးဖို့တော့လိုအပ်ပါတယ်။ ဘာလို့လဲဆို
၂ကြောင်းပေါ်တိုင်းကိုယ်ဝန်ရှိတာလို့ ရာနှုန်းပြည့်ပြောဖို့ခက်သေးလို့ပါ။
ကိုယ်ဝန်မဟုတ်တဲ့ ၂ ကြောင်းပေါ်စေနိုင်တဲ့အခြေအနေတွေကတော့ 👇
1️⃣False Positive
👉 test kit error, စစ်နည်းမမှန်ခြင်း
👉evaporation line အငွေ့ပြန်ခြင်းကြောင့် အရာထင်ခြင်း
- ဤအခြေအနေတွင် အရောင်မပါပဲအလျာလေးပဲပေါ်တတ်တယ်။ အမြင်ဖြင့်ခွဲရခက်တတ်တယ်။

2️⃣သားအိမ်ပြင်ပသန္ဓေတည်ခြင်း Ectopic pregnancy
သားဥပြွန်၊ သားဥအိမ် စတဲ့နေရာတွေမှာသန္ဓေတည်လို့ ၂ ကြောင်းပေါ်တာမှန်ပေမယ့် အာထရာစောင်းမှာ သန္ဓေသားကိူမတွေ့ရတတ်ဘူး

3️⃣စပျစ်သီးသန္ဓေတည်ခြင်း နှင့် စပျစ်ခိုင်ကင်ဆာ Choriocarcinoma
hCG ပမာဏအရမ်းများများထွက်လို့ ၂ ကြောင်းပေါ်ပြီး ကလေးမဟုတ်ပဲ စပျစ်ခိုင်၊ ကင်ဆာဆဲလ်တွေဖြစ်နေတတ်ပါတယ်

4️⃣ကိုယ်ဝန်ပျက်ကျ/ဖျက်ချ ပြီးချိန်
သားပြတ်သားလျှောဖြစ်ထားပြီးချိန်တွင် သန္ဓေသားမရှိတော့သည့်တိုင် အနည်းဆုံး ၇ရက်မှ အများဆုံး ရက်ပေါင်း၆၀ ထိ ဆီးစစ်လျှင် ၂ ကြောင်းပေါ်နိုင်ပါတယ်။ ဒါကြောင့် ကုန်မကုန်စစ်တဲ့အခါ ဆီးဖြင့်စစ်ပြီးမှန်းခြင်းမသင့်ပါ။

5️⃣ကင်ဆာများ
- Germ cell tumor, Teratoma ( မျိုးပွားအင်္ဂါဆဲလ်အကျိတ်)
- Testicular tumor ( ကျားမျိုးဥကင်ဆာ)
- Ovarian germcell tumor ( သားဥအိမ်ကင်ဆာ)
ရှားတော့ရှားပေမယ့် hCG ထုတ်နိုင်တဲ့ ကင်ဆာတွေထဲမှာ အသည်းကင်ဆာ၊ ရင်သား၊ သားအိမ်ခေါင်း၊ အစာအိမ်၊ မုန့်ချိုအိတ် ကင်ဆာများလည်းပါဝင်ပါသေးတယ်။

6️⃣ဆေးဝါးများကြောင့်
အချို့သော ဆေးဝါးများ ဖြစ်တဲ့ အတက်ကျဆေး၊ စိတ်ငြိမ်ဆေး အိပ်ဆေး၊ ဆီးဆေး၊ ကင်ဆာဆေးများ၊ အယားပြေဆေးများ၊ စိတ်ဆေးများ စတာတွေသောက်သုံးထားခြင်းကလည်း အဖြေကိုမှားပြီး ၂ကြောင်းပေါ်စေနိုင်ပါတယ်။

📌 ဒါကြောင့်မို့လို့ ၂ ကြောင်းပေါ်ပြီဆိုတာနဲ့ ဆရာဝန်နဲ့တိုင်ပင်ဆွေးနွေးပါ။ ဆရာဝန်မှ ကိုယ်ဝန်ဟုတ်မဟုတ် အတည်ပြုရန်အတွက် ရာဇဝင်သေချာမေးမြန်းခြင်း၊ လိုအပ်သော စစ်ဆေးခြင်းများ စစ်ဆေးခိုင်းပြီး ဟုတ်မဟုတ် အတည်ပြုပေးပါလိမ့်မယ်။ ကိုယ်ဝန်ဆိုလည်း ကိုယ်ဝန်အလျောက် လိုအပ်တဲ့ စောင့်ရှောက်မှု ကုသမှုများခံယူဖို့လိုပြီး မဟုတ်ရင်လည်းမဟုတ်သည့်အလျောက် အခြေအနေအလိုက်ကုသမှုခံယူသင့်တာပဲ ဖြစ်ပါတယ်။

စာဖတ်သူပရိသတ်များလည်း သားသမီးရဖို့ကြိုးစားနေသူတွေ အမြန်ဆုံးရရှိကြပါစေ ၊ မရချင်သေးသူများလည်း မဟုတ်ပါစေနဲ့ လို့ ဆုတောင်းပေးရင်း ဆောင်း ပါးလေးကို အဆုံးသတ်လိုက်ပါတယ်နော်။
အဆုံးထိဖတ်ပေးလို့ ကျေးဇူးအများကြီးတင်ပါတယ် 🤗

ရေးသားသူ ✍
Dr. Mon Myat Htun - GP
M.B.,B.S(YGN)
MRCGP [ International]
အ ထွေထွေရောဂါကု ဆရာဝန်

ဆောင်းပါးလေးကို အကျိုးရှိစေမယ်ဆိုရင် like and share လေးလည်း လုပ်သွားပေးပါဦးလို့။
အဆုံးထိဖတ်ပေးလို့ ကျေးဇူးတင်ပါတယ် ။
( စာများကို တစ်ဆင့်ပြန်လည်ကူးယူဖော်ပြခြင်း ခွင့်မပြုပါ) ❌❌❌
~~~~~~~~~~~~~~~~~~~~~~~~~
အမျိုးသမီး ကျန်းမာရေး ဆောင်းပါးများ video များကို ရေးသားဖန်တီးသွားမှာ ဖြစ်လို့ ကျန်းမာရေး ဗဟုသုတ တိုးပွားချင်ပါက Dr. Mon Myat Htun GP Page လေးကို Like and Follow လုပ်ထားဖို့ ဖိတ်ခေါ်လိုက်ရပါတယ်နော် 😉 👍🤗

အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။

ဆေးခန်းသို့လာရောက်ပြသမည်ဆိုပါက
နေ့သစ် မိသားစုဆေးခန်း
🏥 အမှတ် ၂ ( A) ၊ ၁၆၆လမ်း၊ တာမွေကြီး (ခ) ရပ်ကွက်၊ တာမွေမြို့နယ်။
☎ 09795389583, 095063031
⏱နံနက် ၉နာရီ မှ ည၇နာရီ ထိ ( ပိတ်ရက်မရှိ)

01/12/2025

မိန်းမကိုယ်အနံ့နံတာ စိုးရိမ်ရလား?

🙋 ဆရာမ ကျွန်မ မိန်းမကိုယ်အနံ့ဆိုးတွေ ခဏခဏဖြစ်နေတယ် ဘာဆေးသောက်ရမလဲ? 🤔
🙋 မိန်းမကိုယ်အနံ့က ပြင်းလွန်းလို့ အပြင်ကြာကြာတောင်မသွားရဲဘူး ဘယ်လိုလုပ်ရမလဲ?😫
🙋 သူနဲ့တွေ့ရင် ကျွန်မအနံ့နံတာကြီးကို သူသဘောမကျရင် ဘယ်လိုလုပ်မလဲ?😥

👩‍⚕️ ပန်းလေးတွေတောင် အနံ့မတူကြတာ ကျန်းမာတဲ့ မိန်းမကိုယ်အနံ့ကလည်း အနံမျိုးစုံရှိပါတယ်။ ခန္ဓာကိုယ် ကထွက်တဲ့ ချွေး၊ ဆီး၊ ဝမ်း ၊ အန်ဖတ် အားလုံး ဘယ်ဟာများ မွှေးနေပါလို့လဲ? အဲ့လိုပဲ မိန်းမကိုယ်အနံ့ကလည်း အနံ့မကောင်းတာ အပြစ်မဟုတ်ပါဘူး😉

👉 မိန်းမကိုယ်အနံ့ကို ယေဘုယျအားဖြင့် 7 မျိုးလောက်ခွဲပြီး သတ်မှတ်ထားပါတယ်

1️⃣ စူးရှပြီး အချဥ်ဖောက်ထားတဲ့ အနံ့ကဲ့သို့
✔ ဒီ အနံ့က ပုံမှန်ပါပဲ။ အားလုံးသိကြတဲ့အတိုင်း မိန်းမကိုယ် pH က acidic ဖြစ်လို့ ချဥ်ပြုံးပြုံးအနံ့ကို ရမှာပဲ ဖြစ်တယ်။ သူက bacteria မဝင်အောင် ကာကွယ်ပေးထားတာပဲဖြစ်တယ်

2️⃣ သတ္တုနံ့ ကြေးနီစ နံ့လိုမျိုး ( metallic smell)
✔ သွေးထဲမှာ သံဓာတ်တွေပါဝင်လို့ ဒီလိုမျိုး သတ္တုနံ့ မျိုးရတတ်တယ်
👉 ဘယ်လိုအခြေအနေမျိုးမှာရတတ်လဲဆိုရင်
✔ ရာသီသွေးဆင်းပြီး ရက်ပိုင်းလောက် အချိန်
✔ အတူနေတဲ့အခါ သွေးထွက်ထားတဲ့အခြေအနေမျိုး
✔ အမျိုးသားသုတ်ရည်နဲ့ ဓာတ်ပြုမှုဖြစ်ပြီး မိန်းမကိုယ် pH level ပြောင်းလဲတဲ့အချိန် တွေမျိုး
မှာ ဒီလို အနံရတတ်ပါတယ်

3️⃣ကြံသကာရည် ပျားရည်တို့ကဲ့သို့ ချိုမြမြ အနံ့မျိုး
✔ ဒါဆိုရင်တော့ bacteria တစ်ခုခု ဝင်လို့ ဖြစ်နိင်ပါတယ်
✔ Bacteria vaginosis လို့ခေါ်တဲ့ မိန်းမကိုယ်မှာရှိတဲ့ အကျိုးပြု bacteria တွေ မူမမှန်ပျက်စီးလို့ဖြစ်တဲ့အခြေအနေမျိုးမှာ လည်းရတတ်ပါတယ်။
( Bacteria Vaginosis အကြောင်း အသေးစိတ်ကို နောက်အပတ်တွေမှ ဆက်ရေးပေးပါမယ်)

4️⃣ ပိုးသတ်ဆေး chemical အနံ့
✔ ဆီးထဲမှာ urea စွန့်ထုတ်မှုများတဲ့အခြေအနေဖြစ်ပြီး အဲ့ဆီးတွေ underwear မှာစွန်းရာကနေ မိန်းမကိုယ်အနံ့ရတာမျိုးဖြစ်တယ်
( urea စွန့်ထုတ်မှုများတဲ့အခြေအနေက ရေဓာတ်ခန်းခြောက်နေတဲ့သူနဲ့ ကျောက်ကပ်မကောင်းတဲ့သူတွေမှာ တွေ့ရတယ်)
✔ Bacteria vaginosis မှာလည်း ရတတ်တယ်

5️⃣ မြေကြီးဆွေးနံလို ဆေးခြောက်နံ့လို အနံ့ဆိုး
✔ ဒီလိုအနံ့မျိုးက emotional stress ( ခံစားချက်နဲ့ဆိုင်တဲ့ စိတ်ဖိစီးမှုများတဲ့သူ) တွေမှာ ဖြစ်တတ်တယ်။ ဘာလို့လဲဆိုတော့ အမွှေးအမျှင်များတဲ့ နေရာတွေဖြစ်တဲ့ ဂျိုင်း၊ ဆီးခုံ မှာရှိတဲ့ apocrine glands တွေက စိတ်ဖိစီးမှုများတဲ့ အချိန်မှာ ဆီကဲ့သို့ချွဲချွဲ အရည်တွေ ထွက်စေတယ်။ အဲ့မှာ မိန်းမကိုယ်မှာရှိတဲ့ bacteria တွေက အချဥ်ဖောက်တဲ့အခါ အနံဆိုးမျိုး ထွက်စေတယ်။
❗အဲ့တော့ အနံ့ဆိုးတွေ ရနေတယ်ဆိုရင် စိတ်ဖိစီးမှုများနေလား ပြန်စမ်းစစ်ဖို့လိုပါမယ်

6️⃣ ငါးညှီ နံ့ ကဲ့သို့ နံခြင်း
✔ Bacteria vaginosis ကြောင့် ရတတ်သလို
✔ လိင်ကတစ်ဆင့်ကူးစက်ရောဂါ တစ်ချို့မှာလည်းရတတ်ပါတယ်
❗ဒီအနံ့မျိုးရရင်တော့ ဆရာဝန်နဲ့ ပြသပြီး ဆွေးနွေးကုသမှုခံယူသင့်ပါတယ်

7️⃣ သတ္တဝါ သေရင်ရတဲ့ အပုပ်နံ့လိုမျိုး
✔ ပုပ်ဆော်နံတဲ့ အနံ့မျိုးဖြစ်နေရင်တော့ tampon ထုတ်ဖို့များ မေ့နေလား တစ်ချက်ပြန်စစ်ဆေးပါ လိုပါမယ်
✔ မဟုတ်ရင်တော့ သွေးပုပ်တွေကျန်ပြီး မထွက်နိင်တာ ဖြစ်တတ်တာမလို့ ဆေးခန်းအမြန်ပြသဖို့လိုပါလိမ့်မယ်

🛑 အနံ့နံတာအပြင်
👉 မိန်းမကိုယ်ယားတာ
👉 အတူနေချိန် နာတာ
👉 အဖြူဆင်းများတာ
👉 ရာသီလာရမယ့်အချိန်မဟုတ်ပဲ လာတာ
ဒီလို တစ်ခုခုနဲ့ တွဲ ဖြစ်တယ်ဆိုရင်တော့ ဆရာဝန်နဲ့ သေချာဆွေးနွေးဖို့ အကြံပြုချင်ပါတယ်။

👩‍⚕️ ဒီလောက်ဆိုရင်တော့ အနံ့တွေပေါ်မူတည်ပြီး ဘာကြောင့်လဲဆိုတာ မှန်းတတ်ကြမယ်ထင်ပါတယ်။

မိန်းမကိုယ်အနံ့ကြောင့် ကိုယ့်ကိုယ်ကိုယ် ယုံကြည်မှုလျော့နည်းစရာ လုံးဝ လုံးဝမလိုပါဘူး။ ❌❌❌
လာ ညူစူတဲ့ ပုရိသတွေရှိရင်လည်း တခါထဲသာ ပြန်မေးလိုက် '' ရှင်တို့အနံ့ရော ဘယ်လောက်မွှေးလို့လဲ လို့ 😏😁''

အမျိုးသမီး များအားလုံး စိတ်ရောကိုယ်ပါကျန်းမာနုပျိုစေရန် ဆန္ဒပြုရင်း
ရေးသားသူ ✍
Dr. Mon Myat Htun
M.B.,B.S(YGN)
MRCGP[ International]
အထွေထွေရောဂါကု ဆရာဝန်

( စာများကိုတစ်ဆင့်ပြန်လည်ကူးယူဖော်ပြခြင်းမပြုရန်မေတ္တာရပ်ခံအပ်ပါတယ်)

အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။

ဆေးခန်းသို့လာရောက်ပြသမည်ဆိုပါက
🏥ဆေးခန်းလိပ်စာ - အမှတ် ၂က၊ (၁၆၆) လမ်း၊ တာမွေကြီး (ခ)ရပ်ကွက်၊ တာမွေမြို့နယ်။
⏱ဆေးခန်း ဖွင့်ချိန် - နံနက် ၉ နာရီ မှ ည၇နာရီထိ
095063031, 09795389583
(ကြိုတင်စာရင်းပေးရန်လိုသည်)

27/11/2025

ရာသီသွေးအရောင် ဘာလို့မတူ?
🙋 ဆရာမ ကျွန်မ ရာသီသွေးအရောင်က အညိုရင့်ရောင်ဖြစ်နေလို့ 😣
🙋 ဒီလရာသီလာတာ မည်းမည်းအတုံးတွေပါလို့ ဘာဖြစ်တာလဲမသိဘူး😫
🙋 ကျွန်မရာသီသွေးအရောင်က သူများတွေလိုမနီပဲ ပန်းရောင်ဖြစ်နေတယ် အဲ့တာဘာကွာလဲ ဆရာမ😯

👩‍⚕️ ပုံမှန်ရာသီသွေးအရောင်က အနီတစ်မျိုးတည်းမဟုတ်ပါဘူး။ ပန်းရောင် အညိုရောင် အမည်းရောင် အားလုံး က ပုံမှန်ကျန်းမာတဲ့အမျိုးသမီးတိုင်းမှာ ဖြစ်နိင်ပါတယ်။ စိုးရိမ်စရာမဟုတ်ပါ။😉

🤔 အနီရောင်က ဘယ်ချိန်မျိုးဆင်းတတ်လဲ?
👩‍⚕️ အနီရောင်က fresh blood ဖြစ်လို့ စသွေးပေါ်စချိန်မှာတွေ့ရတတ်တယ်။ ဒါ့အပြင် သားအိမ် ကညှစ်ချလိုက်တဲ့ချိန်၊ ရာသီကိုက်နေတဲ့ချိန် ဆင်းတဲ့ သွေးက အနီရောင်ဖြစ်တယ်။ ချက်ချင်း မြန်မြန်ဆင်းလာတာမို့လေ။

🤔 ဘာလို့ အညိုရောင်ဖြစ်?
👩‍⚕️ သွေးအဟောင်း old blood က အညိုရောင်ဖြစ်တယ် ဘာလို့လဲဆိုတော့ အချိန်ကြာပြီးဓာတ်ပြုမှု (oxidizes) ဖြစ်သွားလို့ ။ သားအိမ်အတွင်းဆုံးထဲက သွေးတွေနောက်ကျမှထွက်လာလို့ အရောင်ပြောင်းသွားတာ။ ရာသီပြီးခါနီးရက်တွေမှာ ဖြစ်တတ်တယ်။ စစလာတဲ့နေ့မှာလည်း ဘဲ နည်းနည်းစီ ခပ်နှေးနှေးလာတဲ့အခြေအနေမျိုးဆိုရင် ဓာတ်တိုးဖို့အချိန်ရလို့ အညိုရောင်ဖြစ်တတ်တယ်။

🤔 မည်းမည်းအတုံးတွေပါတာကရော?
👩‍⚕️ အညိုရောင်ထပ်ပိုကြာသွားရင် အမည်းရောင်ဖြစ်သွားတတ်တယ် ဓာတ်တိုးသွားလို့ပဲ။ ခန္ဓာကိုယ် မှာ ဓားရှရင် သွေးထွက်တဲ့အခါ ကိုယ်ခန္ဓာက သွေးတိတ်အောင်သွေးခဲစေတဲ့ clotting factors လေးတွေထုတ်တယ်။ အဲ့သဘောပဲ သွေးဆင်းတာရပ်အောင် နည်းအောင် ကိုယ်ခန္ဓာက သွေးခဲစေတဲ့ ဓာတ်တွေထုတ်လို့ အတုံးအခဲတွေထွက်တယ်။ အထူးသဖြင့် အရမ်းများများဆင်းရင် အတုံးတွေပါတာ ပိုသတိထားမိကြမယ်ထင်ပါတယ်။

🤔 ပန်းရောင်ဖြစ်တာကရော?
👩‍⚕️ ပန်းရောင်က ဆင်းတာနည်းရင် ဖြစ်တတ်တယ်။ သားအိမ်ခေါင်းမှာရှိတဲ့ အရည်တွေနဲ့ ရောစပ်သွားလို့ဖြစ်တတ်တယ်။

👩‍⚕️အခုပြောပြခဲ့တဲ့ အခြေအနေတွေအားလုံးက ကျန်းမာတဲ့ အမျိုးသမီးတိုင်းမှာ ဖြစ်တတ်လို့ စိတ်မပူကြဖို့ အားလုံးကိုပြောချင်ပါတယ် 😊

🛑 ဘယ်အချိန်မျိုးဆိုစိတ်ပူရလဲ?
👉 ရာသီအရောင်က လိမ္မော်ရောင်လို ဝါရွှင်ရွှင်ဖြစ်ရင်၊ မီးခိုးရောင်လို မျိုး ဆင်းမယ်ဆိုရင် ကူးစက်ရောဂါတစ်ခုခုဖြစ်နိင်လို့ မသင်္ကာရင် ဓာတ်ပုံရိုက်ထားပြီး တတ်ကျွမ်းနားလည်သူနဲ့ပြသင့်ပါတယ်
ဒါ့အပြင်
👉 ရာသီဆင်းတာ ၇ရက်ကျော်တယ် or ပုံမှန်ဆင်းတဲ့ရက်ထပ် ၅ရက်လောက်ပိုကြာနေတယ်
👉 အရမ်းများလို့ ၂နာရီတစ်ခါ pad လဲနေရတယ်
👉 တစ်လထဲ ၂ခါ ရာသီလာတယ်
👉 ကိုယ်ဝန်ရှိတာမဟုတ်ပဲ ၃လနဲ့ အထပ် ရာသီမပေါ်ဘူး
👉 သွေးဆုံးပြီး မှ သွေးပြန်ဆင်းတာမျိုး
စတာတွေရှိရင်တော့ အခြားသော ရောဂါများဖြစ်နိင်လို့ နီးစပ်ရာ ဆေးရုံဆေးခန်းသို့ သွားရောက်ပြသကြဖို့ အကြံပြုချင်ပါတယ်။

အမျိုးသမီး များအားလုံး စိတ်ရောကိုယ်ပါကျန်းမာနုပျိုစေရန် ဆန္ဒပြုရင်း
ရေးသားသူ ✍
Dr. Mon Myat Htun
M.B.,B.S(YGN)
MRCGP[ International]
အထွေထွေရောဂါကု ဆရာဝန်

( စာများကိုတစ်ဆင့်ပြန်လည်ကူးယူဖော်ပြခြင်းမပြုရန်မေတ္တာရပ်ခံအပ်ပါတယ်)

အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။

ဆေးခန်းသို့လာရောက်ပြသမည်ဆိုပါက
🏥ဆေးခန်းလိပ်စာ - အမှတ် ၂က၊ (၁၆၆) လမ်း၊ တာမွေကြီး (ခ)ရပ်ကွက်၊ တာမွေမြို့နယ်။
⏱ဆေးခန်း ဖွင့်ချိန် - နံနက် ၉ နာရီ မှ ည၇နာရီထိ
095063031, 09795389583
(ကြိုတင်စာရင်းပေးရန်လိုသည်)

21/11/2025

🌹အတူနေပြီးချိန် သွေးဆင်းခြင်း 🥀

👩‍⚕️ ရာသီလာချိန်မဟုတ်ဘဲ အမျိုးသမီးတစ်ယောက် လိင်ဆက်ဆံပြီးချိန် မိန်းမကိုယ်မှ ရာသီလာသကဲ့သို့သွေးဆင်းခြင်း သို့မဟုတ် spotting လို့ခေါ်တဲ့ တစ်စက်စက်ကြခြင်း ဖြစ်တဲ့ ဖြစ်စဥ်ကိုခေါ်ပါတယ်

🌹ဖြစ်စေတဲ့အကြောင်းရင်းများကတော့ 👇
✅ မိန်းမကိုယ်ပွန်းခြင်း၊ ပြဲခြင်း ( ကလေးမွေးစဥ်ထိခိုက်ထားခြင်း ၊ လိင်ဆက်ဆံစဥ် ပွတ်တိုက်မှုများခြင်း စသဖြင့်)
✅ မိန်းမကိုယ် ခြောက်သွေ့ခြင်း ( သွေးဆုံးပြီး အမျိုးသမီးများတွင် အဖြစ်များ)
✅ ပိုးဝင်ခြင်း ကြောင့် ရောင်ရမ်းခြင်း ( လိင်မှတစ်ဆင့်ကူးစက်ရောဂါများ နှင့် အမျိုးသမီးမျိုးပွားအင်္ဂါများ ရောင်ရမ်းခြင်း ရောဂါစု)
✅ သားအိမ်အတွင်း သို့မဟုတ် သားအိမ်ခေါင်း တွင် အသားပိုများရှိခြင်း
✅ သားအိမ်အတွင်းသားလန်ခြင်း ရောင်ခြင်း
စတာတွေကြောင့် အဖြစ်များပါတယ်

🛑 ဖြစ်နိင်ချေ သိပ်မများပေမယ့် အရေးကြီးတဲ့ ရောဂါဖြစ်တဲ့ သားအိမ်ခေါင်းကင်ဆာ နှင့် မိန်းမကိုယ်ကင်ဆာ တို့မှာလည်း အတူနေပြီးချိန် သွေးဆင်းတဲ့ လက္ခဏာ က တစ်ခုအပါအဝင် ဖြစ်လို့ ကောင်းစွာ သတိချပ်ဖို့လိုပါတယ် 🛑

🤔 ဘယ်သူတွေက ပိုဖြစ်တတ်လဲ?
✅ သွေးဆုံးကာနီး နှင့် သွေးဆုံးပြီးချိန် အမျိုးသမီးများ
✅ သားအိမ်ခေါင်းကင်ဆာ ရောဂါရှိသူများ
✅ ကလေးမီးဖွားပြီးစချိန် မိခင်များ
✅ အပြည့်အဝ လိင်စိတ်မကြွခင် လိင်ဆက်ဆံဖြစ်မိသူများ
✅ မကြာခဏ မိန်းမကိုယ်ကို ဆေးရည်ဖြင့်ဆေးတတ်သူများ (do**he frequently)
စတဲ့သူများတွင် အဖြစ်များတတ်ပါတယ်။

🤔 အဲ့လိုဖြစ်တာ စိုးရိမ်ရလား?
👉 သွေးဆုံးပြီးသူမဟုတ်ဘူး
👉 ဆင်းတာကလည်း အနည်းငယ်ပဲ
👉 ဘာမှမလုပ်ရပဲ အချိန်တိုတွင်း သုသူပျောက်သွားတယ်၊
👉 ခဏခဏလည်းမဖြစ်ဘူး ဆိုရင် တော့ စိတ်ပူစရာမလိုပါဘူး

🤔 ဘယ်လိုအချိန်ဆို ဆေးခန်းပြသင့်လဲ?
👉 မိန်းမကိုယ် ယားတယ် ပူတယ်
👉 ဆီးသွားရင် ပူမယ် ကျဥ်မယ်
👉 လိင်ဆက်ဆံချိန် နာမယ်
👉 သွေးဆင်းတာများမယ်
👉 ဗိုက်နာမယ် ခါးနာမယ်
👉 ပျို့တယ် အန်တယ်
👉 ပုံမှန်မဟုတ်တဲ့ အရည်များဆင်းမယ်
စတဲ့အချက်တွေထဲက တစ်ခုခုရှိရင်တော့ ဆရာဝန်နဲ့ တိုင်ပင်ဆွေးနွေးဖို့လိုပါမယ်
🛑 သွေးဆုံးပြီးအမျိုးသမီးဆိုရင်တော့ ဘာကြောင့်ပဲသွေးဆင်းဆင်း တတ်နိင်သမျှအမြန်ဆုံးပြသရန်လိုအပ်ပါတယ် 🛑

🌹ကုသမှုနည်းလမ်းတွေကတော့ ဖြစ်တဲ့ အကြောင်းရင်း ပေါ်မူတည်ပြီးကွဲပြားပါမယ်

🤔 မဖြစ်အောင် ဘယ်လိုကာကွယ်မလဲ?
👉 ရောဂါတစ်ခုခုကြောင့်ဆိုရင်တော့ ဖြစ်တဲ့ရောဂါကို သေချာရှာဖွေကုသမှ ရပါမယ်
👉 ရောဂါကြောင့်မဟုတ်တဲ့ အခြေအနေမျိုးဆို အမျိုးသမီးသုံး ချော်ဆီ gel, oil, moisturizer စတာတွေကို သုံးပေးနိင်ပါတယ် ။ ကြမ်းကြမ်းတမ်းတမ်း ဆက်ဆံခြင်းမျိုးကို ရှောင်ကြည်ပြီး ဖြေးဖြေးချင်း ဒချိလုပ်ခြင်းဖြင့်လည်း ကာကွယ်နိင်ပါတယ်နော့ 😉

အမျိုးသမီး များအားလုံး စိတ်ရောကိုယ်ပါကျန်းမာနုပျိုစေရန် ဆန္ဒပြုရင်း
ရေးသားသူ ✍
Dr. Mon Myat Htun
M.B.,B.S(YGN)
MRCGP[ International]
အထွေထွေရောဂါကု ဆရာဝန်

( စာများကိုတစ်ဆင့်ပြန်လည်ကူးယူဖော်ပြခြင်းမပြုရန်မေတ္တာရပ်ခံအပ်ပါတယ်)

အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။

ဆေးခန်းသို့လာရောက်ပြသမည်ဆိုပါက
နေ့သစ် မိသားစုဆေးခန်း
🏥 အမှတ် ၂ ( A) ၊ ၁၆၆လမ်း၊ တာမွေကြီး (ခ) ရပ်ကွက်၊ တာမွေမြို့နယ်။
☎ 09795389583, 095063031
⏱နံနက် ၉နာရီ မှ ည၇နာရီ ထိ ( ပိတ်ရက်မရှိ)

17/11/2025

🌹 ရင်သားတင်း၍နာကျင်ခြင်း 🌹

ရင်သားတင်းနာခြင်း က အမျိုးသမီးတိုင်းကြုံဖူးကြတဲ့ အခြေအနေတစ်ခုပဲမို့ မစိမ်းကြဘူးလို့ထင်ပါတယ်
🤔 ဘယ်လိုတွေခံစားရတာကိုခေါ်တာလဲ?
👉 ရင်သားလေးလံခြင်း or
👉 သက်တောင့်သက်သာမရှိခြင်း or
👉 အပ်နဲ့ထိုးသလို သို့မဟုတ် ဓားနဲ့ထိုးသလို စူးခနဲစူးခနဲ ဖြစ်ပြီးနာကျင်ခြင်း
တစ်ခါတစ်လေ လက်မောင်းအတွင်းပိုင်းထိ နာကျင်မှုက ပြန့်နှံတတ်တယ်

🤔 တစ်ဖက်ထဲလား နှစ်ဖက်လုံးလား? Unilatetal or bilateral
🤔 တစ်ပြင်လုံးလား တစ်နေရာထဲကွက်ပြီးနာတာလား? Diffuse or localized
🤔 ရာသီစက်ဝန်းချိန်ကိုက်နာပြီး ရာသီပေါ်ပြီးနောက်ပိုင်းပျောက်သွားတတ်တဲ့ Cyclical လား?
🤔 ရာသီမလာခင်လည်းနာ လာနေလည်းနာ လာပြီးလည်းနာ နာချင်သလိုနာနေတဲ့ Non cyclical လား?
စတဲ့အပေါ်မူတည်ပြီး ဖြစ်နိင်ချေတွေလည်း ကွဲသွားပါတယ်။

ရင်သားနာရခြင်းဖြစ်နိင်တဲ့အကြောင်းအရာများစွာရှိတဲ့အထဲမှ အဖြစ်အများဆုံး အမျိုးသမီး တိုင်းလစဥ်ကြုံနေရတယ့် Cyclical Mastalgia ကိုပဲဦးစားပေး ပြောပြသွားချင်ပါတယ်

🔥 ရာသီစက်ဝန်းချိန်ကိုက် ရင်သားနာကျင်ခြင်း( Cyclical Mastalgia) 🔥
✅ အသက်၃၀နဲ့ ၄၀ ကြား အမျိုးသမီးတွေမှာပိုဖြစ်တယ်
✅ များသောအားဖြင့် နှစ်ဖက်လုံးဖြစ်ပြီး တစ်ဖက်က နည်းနည်းပိုနာတာမျိုးဖြစ်တယ်
✅ နေရာအားဖြင့် အပေါ်ဘက်အပြင်ခြမ်းနေရာမှာဖြစ်တယ်
✅ ရာသီလာခါနီး ရက်ပိုင်းအလိုလောက်မှာစနာတတ်တယ်၊ (mid cycle စက်ဝန်းအလယ်နောက်ပိုင်းရက်လောက်ကစတတ်တယ်)
✅ ရာသီလာလို့ပြီးသွားရင် သက်သာသွားတတ်တယ်
🛑အဲ့အချိန် ရင်သားသွားမစမ်းနဲ့။ စမ်းလိုက်ရင် အလုံးတွေဘုတွေပဲမို့ psycho ဖောက်သွားလောက်မယ်နော် 😁
🛑နောက်အဖြစ်အများဆုံးထဲမှာ ကိုယ်ဝန်ရှိခြင်း🤰 ကလည်း ရင်သားနာခြင်းကို အဓိကဖြစ်စေတာမို့ တခြားရောဂါတွေအကြောင်းမစဥ်းစားခင် ကိုယ်ဝန်ရှိမရှိအရင်စစ်ဖို့တော့လိုမယ်နော် 😉

🤔 ရင်သားကင်ဆာလက္ခဏာများလား?😣
👩‍⚕️ ရင်သားတင်းနာခြင်းက ရင်သားကင်ဆာလက္ခဏာထဲမှာ တော်တော်ရှားပါးပြီး ဖြစ်လေ့သိပ်မရှိတာမို့ တအားကြီးမစိုးရိမ်ဖို့ ဦးစွာပြောချင်ပါတယ်။
🛑ရင်သားကင်ဆာအတွက်စိတ်ပူရင် အမြဲမပြတ် မိမိရင်သားကို ကိုယ်တိုင်စမ်းသပ်ကြည့်ပေးဖို့က ပိုအဓိကကျပါတယ်။

🤔 ရင်သားတင်းနာခြင်း သက်သာအောင် ဘာတွေဆောင် ဘာတွေရှောင်ဖို့လိုမလဲ?
👉 အဆီများသော အစားအစာများရှောင်ပါ
👉 ကော်ဖီ ကဖင်းဓာတ်လျှော့ပါ
👉 ဆေးလိပ်လုံးဝဖြတ်ပါ
👉 သင့်တင့်သော ကိုယ်အလေးချိန်တွင်ထိန်းပါ
👉 နူးညံ့ပြီး ကောင်းစွာအထောက်အပံ့ပေးသော bra ကို ရွေးချယ်ပါ။ ညဘက်တွင်ပါဝတ်ပေးပါ။
👉 သိပ်ခံရခက်ရင် paracetamol ကို သောက်သုံးပေးနိင်ပါတယ်
👉 သားဆက်ခြားသောက်ဆေးသောက်နေပါက ဆေးပြောင်းဖို့၊ ပမာဏအတိုးအလျှော့ညှိဖို့လိုတတ်ပါတယ်
👉 Evening Primose Oil သောက်ဆေး ကလည်း အချို့သော အမျိုးသမီး တွေမှာ ရလဒ်ကောင်းတွေတွေ့ရှိထားလို့ သောက်သုံးပေးနိင်ပါတယ် ။ ( အနည်းဆုံး ၄ပတ်လောက်ထိသောက်မှ ရလဒ်ကောင်းစ ရပါတယ်)

အမျိုးသမီး များအားလုံး ရင်သားနာကျင်ခြင်းဝေဒနါမှ ကင်းဝေးစေရန် ဆန္ဒပြုရင်း
ရေးသားသူ ✍
Dr. Mon Myat Htun
M.B.,B.S(YGN)
MRCGP[ International]
အထွေထွေရောဂါကု ဆရာဝန်

( စာများကိုတစ်ဆင့်ပြန်လည်ကူးယူဖော်ပြခြင်းမပြုရန်မေတ္တာရပ်ခံအပ်ပါတယ်)

အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။

ဆေးခန်းသို့လာရောက်ပြသမည်ဆိုပါက
နေ့သစ် မိသားစုဆေးခန်း
🏥 အမှတ် ၂ ( A) ၊ ၁၆၆လမ်း၊ တာမွေကြီး (ခ) ရပ်ကွက်၊ တာမွေမြို့နယ်။
☎ 09795389583, 095063031
⏱နံနက် ၉နာရီ မှ ည၇နာရီ ထိ ( ပိတ်ရက်မရှိ)

15/11/2025

🌹ရာသီသွေးပေါ်ဆေးဆိုတာ? 🌹

👱‍♀️ ဆရာမ ကျွန်မ သွေးပေါ်ဆေးလေးထိုးချင်လို့
👩‍⚕️ ညီမလေးက ဘာလို့ ပေါ်ဆေးထိုးချင်ရတာလဲ?
👱‍♀️( ဒီဆရာမကတော့ ပေါ်ဆေးဆိုမှတော့ သွေးပေါ်ချင်လို့ပေါ့ဟာကို 🙄) ညီမ ဒီလ ရာသီကနောက်ကျနေလို့ ။သွေးမပေါ်သေးတော့ နေလို့ထိုင်လို့သိပ်မကောင်းဘဲ အသားကလည်းမွဲခြောက်ခြောက်နဲ့ ဖြစ်နေလို့ မြန်မြန်လာအောင် သူငယ်ချင်းတွေက ဆေးသွားထိုးလိုက်ပါလားဆိုလို့ပါ။

👩‍⚕️ ဘာလို့ရာသီ နောက်ကျနေလဲကော အကြောင်းရင်းမသိချငိဘူးလား?
👱‍♀️ ဒါကတော့ဆရာမရယ် ဒီလ လက်ဖက်စားတာလည်း များသွားတယ်။ စိတ်ပင်ပန်းစရာကိစ္စလေးတွေလည်းရှိတော့ အဲ့တာကြောင့်ပဲနေမှာပါ။ ကျွန်မကအပျိုပါနော် ရည်းစားတောင်ထားဖူးတာမဟုတ်ဘူး 😏

👩‍⚕️ ဟုတ်ပါပြီရှင်၊ ဘာကြောင့်နောက်ကျလဲလည်း ညီမလေးကသိနေပြီးသားပဲ၊ ဆရာမ က ပေါ်ဆေးအကြောင်းလေး ပြောပြချင်လို့ပါ။ ဆေးထိုးရတာလွယ်ပါတယ်။ ဒါမယ့် ဆေးတစ်ခုမထိုးခင် ကိုယ်ထိုးမယ့်ဆေးရဲ့အလုပ်လုပ်ပုံကို သေချာနားလည်ပြီးမှ ထိုးမထိုးဆုံးဖြတ်တာ ပိုကောင်းတာမို့လို့ ရှင်းပြမလို့ပါ။ အချိန်ရတယ်မလား?
👱‍♀️အော် ဟုတ်ကဲ့ပြောပြပါ။ အချိန်ရပါတယ်။

👩‍⚕️ ရာသီသွေးပေါ်တဲ့ အပေါ် ညီမဘယ်လို နားလည်ခံယူထားလဲ ပြောပြပါဦး?
👱‍♀️ တစ်လတစ်ခါ ခန္ဓာကိုယ် က အညစ်အကြေး အပူအပုပ်တွေ ထွက်သွားတော့ သွေးသားသန့်စင်ပြီး အသားရည်ကြည်လင်စေတယ်လေ။ သိထားတာကတော့ သားအိမ်နံရံက သန္ဓေသားမတည်ဖြစ်တဲ့အခါ ကွာကြလို့ သွေးဆင်းတာလို့တော့ မှတ်ထားဖူးတယ်။

👩‍⚕️ ညီမပြောတာမှန်ပါတယ် ပိုပြည့်စုံအောင် ဆရာမ ထပ်ဖြည့်ပြောရရင်
👉တစ်လတစ်ခါမျိုးဥကြွေပြီးတာနဲ့ သားအိမ်နံရံက သန္ဓေသားလေးနေဖို့ စတင်ပြင်ဆင်တယ်။
👉 Corpus leuteum လို့ခေါ်တဲ့ အိမ်ငယ်လေးတစ်ခုပေါ်လာတယ် သူကနေ Progesterone hormone ကိုထုတ်ပေးပြီး အဲ့ ဟော်မုန်းက သားအိမ်နံရံကိုထူအောင်ထိန်းထားပေးတယ်။
👉 စောင့်ရင်းနဲ့ သန္ဓေသားလောင်းလေးဖြစ်မလာတဲ့အခါ အဲ့အိမ်ငယ်လေးကလည်း ရှုံ့ပြီးပျက်စီးသွားတယ်။ 😟😞
👉အဲ့အခါ hormone တွေမထွက်တော့ဘူး။ 〽 ဟော်မုန်းမရှိတော့ နံရံကဆက်မထူနိင်တော့ပဲ ကွာကြရတော့တာပေါ့။ 〽
👉 အဲ့မှာရာသီသွေးဆင်းရတာပဲ။ ဒါကပုံမှန်ဖြစ်စဥ်ပေါ့။

📍 ခုရာသီနောက်ကျရတဲ့အကြောင်းထဲမှာ ညီမလေးဖြစ်တဲ့ stress များလို့ဖြစ်တာက သားဥကြွေတာ နောက်ကျတာ ဒါမှမဟုတ် တစ်လမကြွေတော့တာ ဖြစ်တယ်။ 😉

👉 သားဥမ ကြွေတော့ အိမ်ငယ်လေးလည်းမဖြစ်လာဘူး progesterone hormone လည်းမထွက်တော့ သားအိမ်လည်းထူစရာမရှိဘူးပေါ့။

💉 ညီမလေးထိုးချင်တဲ့ ပေါ်ဆေးဆိုတာ အဲ့ progesterone hormone လေးပဲ။ သူ့ထိုးလိုက်တော့ အဲ့hormone တွေက နံရံထူအောင်သွားလှုံ့ဆော်တော့တာပေါ့။ သောက်ဆေးလည်းရှိတာပေါ့လေ။ 💊
👉 ထိုးနေသောက်နေတုန်းတော့ သွေးဆင်းမှာမဟုတ်ဘူး ❌
ရပ်လိုက်ပြီး ရက်ပိုင်းအတွင်းမှ ဆင်းတယ်။
👉 ဆေးပညာအရ withdrawal bleeding လို့ခေါ်တယ်။ ဆေးရပ်လိုက်လို့ သွေးဆင်းတာပေါ့။
👉 ဆေးရဲ့ side effects ကိုယူသုံးတာလို့လည်းပြောလို့ရတယ်။ 😑
ပြောရရင် အဖြစ်ဆင်းတာပေါ့။
👉 သွေးပေါ်တယ်ဆိုပြီး စိတ်သက်သာရာတော့ရစေတာပေါ့လေ။ ✅
👉 ဒါမယ့်ဆရာမပြောပြသလို သဘာဝအတိုင်း သားဥကြွေလို့ဖြစ်လာတဲ့သွေးပေါ်ခြင်းမျိုး မဟုတ်တော့ ညီမလေးလိုချင်တဲ့ အာနိသင်မျိုးတော့ရချင်မှရမယ်။ 😢
ရခဲ့ရင်လည်း စိတ်ကျေနပ်သွားလို့ ရတဲ့ ပေါ့ပါးကြည်လင်မှုပဲဖြစ်မှာပေါ့။

ခုလောက်ဆို ညီမလေးလည်း သေချာနားလည်ပြီထင်ပါတယ်။ ထိုးချင်သေးတယ်ဆိုရင်တော့ ထိုးပေးမယ်။ ဆရာမ ကတော့ သိပ်အားမပေးဘူး။ ညီမလေးပဲဆုံးဖြတ်ပါ။

👱‍♀️အဲ့လိုကြီးဆိုတော့လည်း မထိုးတော့ပါဘူးဆရာမရယ်။ ညီမလည်းအမှန်ဆို ဆေးထိုးကြောက်တယ်😁။ သူများတွေပြောလို့သာလာရတာ ခက်လန့်လန့်ပဲ😁။ လိုအပ်တာသာ ညွှန်းပေးလိုက်ပါဆရာမ 😊

အမျိုးသမီး များအားလုံး သွေးသားမှန်၍
ကျန်းမာနုပျိုလှပစေရန် ဆန္ဒပြုရင်း
ရေးသားသူ ✍
Dr. Mon Myat Htun
M.B.,B.S(YGN)
MRCGP[ International]
အထွေထွေရောဂါကု ဆရာဝန်

( စာများကိုတစ်ဆင့်ပြန်လည်ကူးယူဖော်ပြခြင်းမပြုရန်မေတ္တာရပ်ခံအပ်ပါတယ်)

အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။

ဆေးခန်းသို့လာရောက်ပြသမည်ဆိုပါက
နေ့သစ် မိသားစုဆေးခန်း
🏥 အမှတ် ၂ ( A) ၊ ၁၆၆လမ်း၊ တာမွေကြီး (ခ) ရပ်ကွက်၊ တာမွေမြို့နယ်။
☎ 09795389583, 095063031
⏱နံနက် ၉နာရီ မှ ည၇နာရီ ထိ ( ပိတ်ရက်မရှိ)

12/11/2025

🌹 အမျိုးသမီး မျိုးပွားအင်္ဂါများ ရောင်ရမ်းခြင်း ရောဂါစု 🌹

Pelvic Inflammatory Disease(PID) လို့ခေါ်တဲ့ ရောဂါ အကြောင်း ဒီတစ်ပတ်မှာ ပြောပြချင်ပါတယ်။ 🤗

📌 Pelvic ဆိုတာ တင်ပါးဆုံခွေကိုခေါ်တယ် တင်ပါးစုံအရိုးခွေ ထဲမှာ အမျိုးသမီး မျိုးပွားအင်္ဂါများ ရှိတယ်။
Inflammatory ဆိုတာ ရောင်ရမ်းခြင်း ကိုခေါ်တယ်
Disease ကတော့ ရောဂါပေါ့
📌 PID လို့ သတ်မှတ်ဖို့ဆို သားအိမ်ခေါင်းအတွင်းပိုင်းရောင်ရမ်းတာမှစပြီး လမ်းကြောင်းတစ်လျှောက် အဆင့်ဆင့်အပေါ်တက် လာကာ
သားအိမ်အတွင်းမှေးရောင်ခြင်း ( endometritis)
သားဥပြွန်ရောင်ခြင်း ( salpingitis)
သားဥအိမ်ရောင်ခြင်း ( oophritis)
ဝမ်းဗိုက်အတွင်းမှေးရောင်ခြင်း ( peritonitis) စသဖြင့် မျိုးပွားအင်္ဂါများ ရောင်ရမ်းခြင်းရောဂါ စုကိုခေါ်တယ်။
ထိုသို့ရောင်ရမ်းခြင်းမှ တစ်ဆင့် သိပ်ဆိုးရင် အတွင်းအင်္ဂါများအချင်းချင်းကပ်ခြင်း၊ သားဥပြွန်နဲ့သားဥအိမ်တစ်လျှောက် ပြည်စုများဖြစ်သည်အထိ ဖြစ်သွားနိင်ပါတယ်။ 😥

📌 သာမန်၊ အသင့်အတင့် နဲ့ ပြင်းထန်အဆင့်ဆိုပြီး ရောဂါအပြင်းအထန်ကွာခြားတတ်တယ်။
📌 ၆လ ကျော်ထိ ဆက်ရှိနေရင် နာတာရှည် Chronic PID အဖြစ်သတ်မှတ်တယ်

🤔 ဘယ်လိုလက္ခဏာတွေ ခံစားရတတ်လဲ?
👉 ဝမ်းဗိုက်အောက်ပိုင်း နဲ့ တင်ပါးဆုံခွေ တစ်လျှောက် နာကျင်မှုဝေဒနါ ခံစားရခြင်း
👉 အတူနေဆက်ဆံတဲ့အခါ နာကျင်ခြင်း
👉 အဖြူဆင်းခြင်း ရက်ရှည်ခြင်း
👉 ဓမ္မတာများခြင်း
👉 ရာသီခပ်စိပ်စိပ်လာခြင်း ( တလထဲ ၂ခါ၃ခါ)
👉 ဆီးသွားလျှင် နာကျင်ခြင်း၊ ဆီးခဏခဏသွားခြင်း၊ ဆီးမအောင့်နိင်ခြင်းများ ဖြစ်တတ်ခြင်း
👉 ပိုးအရှိန်ကြောင့် အဖျားတတ်ခြင်း၊ နှုန်းချိ မအီအသာဖြစ်ခြင်း၊ ပျို့ချင်အန်ချင်ဖြစ်ခြင်း

📍 နာတာရှည် PID ဆိုရင်
👉 ဓမ္မတာ များပြီး ပုံမှန်မလာခြင်း
👉 ရာသီမလာခင် သာမန်ထပ်ပို၍နာကျင်ခြင်း
👉 အတူနေဆက်ဆံတဲ့အခါ နာကျင်ခြင်း
👉 နာတာရှည် တင်ပါးဆုံ တစ်ဝိုက်အောင့်နေနာနေခြင်း
စတဲ့ လက္ခဏာ များခံစားရတတ်ပါတယ်

🤔 ဘာကြောင့်ဖြစ်ရတာလဲ?
👉 လိင်မှတစ်ဆင့်ကူးစက်ရောဂါများဖြစ်တဲ့ ဆီးပူညောင်းကျပိုး Gono နဲ့ Chlamydia ပိုး တို့ကြောင့် အဓိကဖြစ်တယ်
👉 ကလေးမွေးပြီးခါစအချိန် နဲ့ သားပြတ်သားလျှော ဖြစ်ပြီးခါစ အချိန်မျိုးတွင် ပိုးဝင်လွယ်လို့ ဖြစ်တတ်တယ်
👉 ရှားပါးတဲ့အခြေအနေထဲမှာတော့ အချို့သော သားအိမ်နဲ့ပတ်သတ်တဲ့ခွဲစိတ်မှုအချို့အပြီးမှာ ဖြစ်တတ်တယ်( IUD ထည့်ခြင်း၊ သားအိမ်ခြစ်ခြင်း၊ အချင်းကတ်၍လက်ဖြင့်နှိုက်ထုတ်ရခြင်း) ထိုအခြေအနေများတွင် ပိုးသတ်ဆေးများတိုက်ခြင်းက PID မဖြစ်အောင်ကာကွယ်ရန်အတွက်ပဲဖြစ်တယ်။

🤔 ဘယ်လိုလူတွေမှာ ပိုဖြစ်တတ်လဲ?
👉 အသက်၂၅အောက် လူငယ်တွေမှာပိုဖြစ်တယ်
👉 တစ်ယောက်ထပ်ပိုသော အိမ်ထောင်ဖက် နဲ့ အတူနေခြင်း
👉 တစ်လင်တစ်မယား မဟုတ်သောသူများ
👉 အရင်အခြားသော လိင်မှတစ်ဆင့်ကူးစက်ရောဂါများဖြစ်ထားခြင်း
👉 မီးတွင်းကာလ အားနည်းနေသောအချိန်
👉 မိန်းမကိုယ်အတွင်း ဆေးရည် အမျိုးမျိုး၊ ရေထည့်၍ ဆေးလေ့ရှိသောသူများ

🤔 ဘာစစ်ဆေးမှုတွေလုပ်ပြီးသိနိင်လဲ?
👉 အခြေခံ သွေးစစ်ဆေးမှုများမှတစ်ဆင့် သွေးအားနည်းနေလား၊ သွေးဖြူဥများနေလား စသဖြင့် ပိုးရှိနေကြောင်း ခန့်မှန်းခြင်း
👉 ကိုယ်ဝန်ရှိမရှိဆီးစစ်ပြီး သားအိမ်ပြင်ပသန္ဓေတည်ခြင်း နဲ့ ခွဲခြားခြင်း
👉 အချွဲစ ၃နေရာမှ ယူစစ်ခြင်း
1️⃣မိန်းမကိုယ်အမြင့်ပိုင်းမှ တစ်နေရာ
2️⃣သားအိမ်ခေါင်းအတွင်းပိုင်းမှ တစ်ခု
3️⃣ဆီးစပ်အဝ မှ တစ်ခု
ယူ၍ ပိုးအကောင်မွေးစစ်ဆေးခြင်း
👉 အခြားသောလိင်ကတစ်ဆင့်ကူးစက်ရောဂါများနှင့်လည်း တွဲဖြစ်နိင်လို့ HIV,Syphillis လည်းတွဲစစ်လေ့ရှိတယ်
👉 အာထရာစောင်းရိုက်ပြီး သားဥပြွန်တစ်လျှောက်အရည်တွေရှိနေလား ရောင်နေလား ပြည်တည်အလုံးတွေဖြစ်နေပြီလား ရှာခြင်း
👉သားအိမ်မှန်ပြောင်းကြည့်ခြင်း ကတော့အကောင်းဆုံးပေါ့

🤔ဘယ်လိုကုသရမလဲ?
👉 သာမန် နဲ့ အသင့်အတင့် အခြေအနေ မှာဆို ပိုးသတ်ဆေး သောက်ဆေးထိုးဆေးဖြင့် ကုသပျောက်ကင်းနိင်တယ်
🛑ဒီမှာ အရေးကြီးတဲ့အချက်က ပိုးသတ်ဆေးကို နှစ်မျိုး သုံးမျိုးဖြင့် ပမာဏပြည့်ပြည့်ဝဝကို ၂ပတ်လောက်ထိ သေချာသောက်/ထိုးပေးမှပဲ ပျောက်နိင်ပါတယ်။🛑
👉 ဆိုးရွားပြင်းထန်တဲ့အခြေအနေဆိုရင် အသက်အန္တရာယ် ရှိနိင်လို့ မဖြစ်မနေ ဆေးရုံသွားဖို့ လိုပါတယ်
👉 ထိုးဆေးများအပြင်လိုအပ်ပါက ဗိုက်ခွဲ၍သော်လည်းကောင်း မှန်ပြောင်းဖြစ်သော်လည်းကောင်း ပြည်များ အကျိအချွဲများကို ရှင်းထုတ်ယူရတဲ့ထိရှိသလို၊ သားအိမ်ပါထုတ်ပစ်ရသည်ထိလည်း ရှိတတ်ပါတယ် 😩

📍ဆေးကုသမှုခံယူရာတွင် အိမ်ထောင်ဖက် ကိုပါ တစ်ပြိုင်ထဲ ကုသဖို့ကလည်းအရေးကြီးပါတယ်။ 🛑
📍ဆေးကုသမှုမပြီးမချင်း အတူနေခြင်းရှောင်ရှားဖို့လည်း လိုအပ်တယ် 🛑

🤔မကုပဲထားရင် ဘာဖြစ်နိင်လဲ?
👉 ပိုးပြန့်နှံမှုမြန်ရင် သွေးဆိပ်တက်ခြင်း၊ သွေးလန့်ခြင်းများဖြစ်နိင်တယ်။
📍မစို့မပို့ မလုံမလောက်မထိတထိဖြင့် ကုသမိပါက နာတာရှည် Chronic PID ဖြစ်သွားတတ်တယ်။
👉Chronic PID ဖြစ်သွားရင်တော့ ကလေးရရန်ခက်ခဲခြင်း၊ နေရာမှားသန္ဓေတည် ခြင်းပိုဖြစ်နိင်ခြင်း၊ နာတာရှည် တင်ပါးဆုံ တစ်လျှောက်နာကျင်ခြင်းများ ဖြစ်ပြီး ကျန်းမာရေးထိခိုက်စေပါတယ်။

🤔မဖြစ်အောင် ဘယ်လိုကာကွယ်နိင်မလဲ?
👉 အကာကွယ်ဖြင့် လိင်ဆက်ဆံခြင်းက တစ်ခုတည်းသော ကာကွယ်နိင်တဲ့ နည်းလမ်းပဲ ဖြစ်ပါတယ်
👉 သားဆက်ခြားဆေးသုံးသည့်တိုင် အကာကွယ်သုံးဖို့ တိုက်တွန်းချင်ပါတယ်။
👉မကြာခဏ မိန်းမကိုယ်အတွင်း ဆေးရည် များ ရေများဖြင့်ထည့်ဆေးခြင်းအလေ့ကိုလည်း လျှော့ချပေးပါ
👉 လိင်မှတစ်ဆင့်ကူးစက်ရောဂါတစ်ခုခု သံသယရှိပါက အချိန်မဆွဲပဲ အလျင်အမြန်ကုသပေးခြင်းဖြင့် PID အထိမဖြစ်အောင်ကာကွယ်ပြီးသားဖြစ်ပါတယ်

အမျိုးသမီး များအားလုံး ကူးစက်ရောဂါများကင်းဝေးပြီးကျန်းမာနုပျိုလှပစေရန် ဆန္ဒပြုရင်း
ရေးသားသူ ✍
Dr. Mon Myat Htun
M.B.,B.S(YGN)
MRCGP[ International]
အထွေထွေရောဂါကု ဆရာဝန်

( စာများကိုတစ်ဆင့်ပြန်လည်ကူးယူဖော်ပြခြင်းမပြုရန်မေတ္တာရပ်ခံအပ်ပါတယ်)

အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။

ဆေးခန်းသို့လာရောက်ပြသမည်ဆိုပါက
နေ့သစ် မိသားစုဆေးခန်း
🏥 အမှတ် ၂ ( A) ၊ ၁၆၆လမ်း၊ တာမွေကြီး (ခ) ရပ်ကွက်၊ တာမွေမြို့နယ်။
☎ 09795389583, 095063031
⏱နံနက် ၉နာရီ မှ ည၇နာရီ ထိ ( ပိတ်ရက်မရှိ)

11/11/2025

🌹ဓမ္မတာ များခြင်း ၏ နောက်ကွယ် 🌹

🤔ဓမ္မတာများတယ်လို့ ဘယ်ချိန်သတ်မှတ်လဲ?
💁တစ်နာရီကို pad တခုနှုန်းလဲနေရရင် ( အသန့်ကြိုက်လို့လဲတာ မဟုတ်ပဲ ပုံအတိုင်းနီးနီးပြည့်လို့လဲတာဖြစ်ရ)
💁၇ရက်ထပ်ပိုလာခြင်း ( နောက်ပိုင်းရက်တွေ နည်းနည်းစွန်းရုံလာခြင်း ထည့်မတွက်)
💁ညဘက်အိပ်ယာနိး ရသည်အထိဆင်း၍ ထလဲရခြင်း
💁 သွေးခဲတုံးပမာဏက padရဲ့ ၄ ပုံ တစ်ပုံ လောက် သို့မဟုတ် အဲ့ထပ်ကြီး တဲ့ သွေးခဲဆင်းခြင်း
💁 နေ့တဒူဝလုပ်နေကြ မျက်နာသစ်သွားတိုက် စသည့်အလုပ်များတောင် မလုပ်နိင်လောက်အောင်အားနည်းခြင်း
💁 သွေးအားနည်း လက္ခဏာ များဖြစ်သည့် ပင်ပန်းနုံးချိခြင်း၊ အားအင်ကုန်ခမ်း ခြင်း၊ မောပန်းခြင်း၊ ရင်တုန်ခြင်း၊ ဖြူဖျော့ခြင်း များဖြစ်ခြင်း

🤔 ဘာကြောင့်များများဆင်းရတာလဲ?
👩‍⚕️ ဘာကြောင့်မှန်းမသိပါဘူးတဲ့ ( Unknown cause) တွေများပါတယ်တဲ့ 😅
အဖြစ်များတဲ့ အကြောင်းတွေထဲမှာတော့👇
📍သားအိမ်အတွင်းပြသနာများ
👉 ဟော်မုန်းမမှန်ခြင်း
✅ စိတ်ဖိစီးမှု များခြင်း
✅ PCOS လို့ခေါ်တဲ့ သားဥအိမ်တွင်း ရေအိတ်သေးသေးလေးများတည်ခြင်းရောဂါ
✅ အဝလွန်ခြင်း
✅ သိုင်းရွိုက် ဟော်မုန်းမမှန်ခြင်း
စတာတွေက ဟော်မုန်းမမှန်ခြင်း ကိုအဓိကဖြစ်စေတယ်
👉 သားအိမ်တွင်းအသားလုံးရှိခြင်း (Fibriods)
👉 သားအိမ်တွင်း အသားပိုရှိခြင်း ( Polyps)
👉 IUD ထည့်ထားသူများ
👉 သားအိမ်အတွင်းမှေးဂလန်းများ သားအိမ်ကြွက်သားအတွင်းထဲနစ်ဝင်ခြင်းရောဂါ( Adenomyosis)
👉 ကိုယ်ဝန်ရှိတဲ့အချိန်တွေမှာဆို
✅သားပြတ်သားလျှောဖြစ်ခြင်း
✅အချင်းရှေ့ရောက်ခြင်း
👉 သားအိမ်နှင့်သားအိမ်ခေါင်းကင်ဆာ
အထူးသဖြင့် သွေးဆုံးပြီးသွေးပြန်ဆင်းခြင်း၊ Pap smear သားအိမ်အချွဲစပုံမမှန်ထွက်ထားသူများ တွင်အဖြစ် များတယ်
စတဲ့အကြောင်းတွေကြောင့်ဖြစ်နိင်ပြီး

📍 သားအိမ်နဲ့မဆိုင်သော ရောဂါထဲမှာဆို
👉 သွေးမတိတ်ခြင်းဖြစ်စေသော ရောဂါများ ( Von Willibrend, ITP)
👉 ဆေးဝါးများ ➡ အချို့သောအရောင်ကျဆေးများ၊ ဟော်မုန်းဆေးများ၊ သွေးကျဲဆေးများ သောက်ထားခြင်းကြောင့် ဖြစ်ခြင်း
👉 အသည်းရောဂါရှိခြင်း
👉 ကျောက်ကပ်ရောဂါရှိခြင်း
👉သိုင်းရွိုက်ဟော်မုန်းနည်းခြင်း
စတာတွေကြောင့်လည်း ဖြစ်နိင်ပါတယ်

🤔 ဘာတွေစစ်ဆေးရလဲ?
👩‍⚕️ ဘာကြောင့်ဖြစ်လဲရှာဖို့ ရာဇဝင်သေချာမေးမြန်းရပြီး
✅ သွေးစစ်ခြင်း
✅ သားအိမ်အချွဲစစ်ဆေးခြင်း
✅အာထရာစောင်းရိုက်ကြည့်ခြင်း
✅သားအိမ်အသားစယူစစ်ခြင်း
✅သားအိမ်မှန်ပြောင်းကြည့်ခြင်း
စတာတွေကို ရောဂါအလိုက် လိုအပ်တဲ့စစ်ဆေးမှုတွေလုပ်ရပါတယ်

🤔 ဘယ်လိုကုသနိင်လဲ?
👩‍⚕️ သွေးတွေအများကြီးဆုံးရှုံးထားလို့
✅ သံဓာတ်အားဆေး ဖြင့် ပြန်ဖြည့်ဖို့လိုပါတယ်
✅ သွေးဆင်းတာ လတ်တလောရပ်အောင် နည်းအောင် ရေတိုအနေနဲ့ သွေးတိတ်ဆေး၊ အကိုက်အခဲပျောက်ဆေး များလိုအပ်ပါတယ်
✅ ဟော်မုန်းဆေးများဖြင့် ဟော်မုန်းမှန်အောင်ပြန်လည်ချိန်ညှိပြီးကုသနိင်ပါတယ်
✅ ဟော်မုန်းပါဝင်တဲ့ IUD ထည့်ခြင်းနည်း
စတာတွေနဲ့ ရေတိုထိန်းပေးပါတယ်
ရောဂါတခုစီအလိုက် သက်ဆိုင်ရာရောဂါအတိုင်းကုဖို့လိုပါတယ်။ ဒါမှသာ ပြန်ပြန်မဖြစ်မှာဖြစ်ပါတယ်။

အမျိုးသမီး များအားလုံး ဓမ္မတာ မှန်၍ ကျန်းမာနုပျိုလှပစေရန် ဆန္ဒပြုရင်း
ရေးသားသူ ✍
Dr. Mon Myat Htun
M.B.,B.S(YGN)
MRCGP[ International]
အထွေထွေရောဂါကု ဆရာဝန်

( စာများကိုတစ်ဆင့်ပြန်လည်ကူးယူဖော်ပြခြင်းမပြုရန်မေတ္တာရပ်ခံအပ်ပါတယ်)

အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။

ဆေးခန်းသို့လာရောက်ပြသမည်ဆိုပါက
နေ့သစ် မိသားစုဆေးခန်း
🏥 အမှတ် ၂ ( A) ၊ ၁၆၆လမ်း၊ တာမွေကြီး (ခ) ရပ်ကွက်၊ တာမွေမြို့နယ်။
☎ 09795389583, 095063031
⏱နံနက် ၉နာရီ မှ ည၇နာရီ ထိ ( ပိတ်ရက်မရှိ)

10/11/2025

ရတနာလေးတွေမရဘူးဖြစ်နေလား?

လူ့ပြည်ကအပ်တစ်စင်းနဲ့ နတ်ပြည်က အပ်တစ်စင်းစုံမှ လူသားလေးတစ်ဦးဖြစ်တယ်လို့ ရှေးရှေးက တင်စားကြသလိုပဲ အချို.သော စုံတွဲတွေမှာ ခက်ခဲတဲ့အခြေအနေတစ်ခုအဖြစ် ရင်ဆိုင်နေကြရပါတယ်။ 😥

ဆေးပညာအရ Subfertility ကို ဘာသာပြန်ရရင်တော့ ကလေးရရန်နှောင့်နှေးခြင်း လို့ပဲ ပြန်ပါမယ်။

အဓိပ္ပါယ် ဖွင့်ဆိုချက် ဟာဆိုရင်ဖြင့်👇
အကာအကွယ်မသုံး၊ တားဆက်ခြားနည်းမသုံးပဲ ပုံမှန် အတူနေပါလျက် တစ်နှစ်တိတိကြာပြီးနောက် ရတနာလေးတွေမရသေး တာကိုခေါ်ပါတယ်။

ဒီ မှာ အဓိက ပြောချင်တာက အချိန်ကာလ အားဖြင့် တစ်နှစ်နဲ့ဖြတ်ပါတယ်နော်။ အချို့တွေ ၄ ၅လ အတွင်းမရသေးလို့ သောကများနေတာလေးတွေ တွေ့နေရလို့ စိတ်မလောဖို့ပြောချင်ပါတယ်။

နောက်တစ်ချက်က ပုံမှန်အတူနေခြင်း ဆိုတာ တစ်ပတ်ကို ၃ကြိမ် အတူနေတာကိုပြောပါတယ်။ တစ်ရက်ခြားနေပေးဖို့ပေါ့။ များသောအားဖြင့် စုံတွဲအချို့မှာ အနေဝေးနေလို့သော်လည်းကောင်း၊ အလုပ်ပင်ပန်းလို့သော်လည်းကောင်း၊ အားမှနားရက်ရမှ နေဖြစ်ကြတာမျိုးမို့ မရဘူးဖြစ်နေတာက အတွေ့များရပါတယ်။

အိမ်ထောင်သက်တမ်း ဘယ်လောက်ကြာကြာ တားဆက်ခြားနည်းလမ်း မသုံးတော့တဲ့အချိန်မှစလို့ တစ်ပတ်၃ကြိမ်မှန်မှန် လည်းနေဖြစ် မှ စတွက်တာပဲ ဖြစ်ပါတယ်။

အဲ့တော့ အရင်ဆုံး မှန်မှန်လေးကြိုးစားကြည့်ဖို့ တိုက်တွန်းပါရစေနော်။ တစ်ရက်ခြားနော် 😉💪

မရသေးရင်လည်း စိတ်မပျက်ကြပါနဲ့ဦးနော်။
ကိုယ်ဝန်ရနိင်ချေက စစချင်းပထမ၆လမှာဆို ၇၀% ရှိပါတယ်။ တစ်နှစ်အကြာမှာ ၈၀% ထိရှိပြီး ၂နှစ်ကနေ၃နှစ်အတွင်းမှာ ၉၀% ထိရှိတာမို့ ဇွဲမလျော့ စိတ်မပျက်ဖို့ အားပေးချင်ပါတယ်နော်။🤗

🤔 ဘာလို့မရရတာလဲ အကြောင်းရင်းများကို ပြောရရင်
အခြေခံ ယေဘုယျ အနေနဲ့
✅ အသက်အရွယ်
အမျိုးသမီးဆို ၃၆နှစ်ကစလို့ ကလေးရနိင်ချေ ကျဆင်းလာပါတယ်။ အသက်၄၀ နဲ့တော့ဖြတ်ထားပါတယ်။
အမျိုးသားဆို အသက်၄၀ နောက်ပိုင်း စွမ်းဆောင်နိင်ရည်ကျလာလေ့ရှိပြီး အသက်၅၀နဲ့တော့ ဖြတ်ထားပါတယ်။
✅ အတူနေချိန်၊ အကြိမ်ရေနည်းပါးခြင်း
✅ သားဥကြွေချိန်နဲ့ အတူနေချိန် အချိန်ကိူက်မဖြစ်ခြင်း
✅ ဆေးလိပ် နဲ့ အရက် သုံးစွဲ ခြင်း
✅ ကိုယ်အလေးချိန်
ပိန်လွန်းခြင်း BMI < 19
ဝလွန်းခြင်း BMI > 29
✅ သောက်ဆေးအချို့
အကိုက်ခဲပျောက်ဆေး၊ ခီမိုဆေးများ၊ ကျားဟော်မုန်းထိုးဆေးများ
✅ ပူလွန်းသောနေရာ၊ ဓာတုဆေးဝါးနဲ့ ဓာတ်ရောင်ခြည် နဲ့ထိတွေ့ရသော အလုပ်အကိုင်များ

👰အမျိုးသမီး ဘက်မှ အခြေအနေများ
📍 သားဥမကြွေခြင်းဖြစ်စေသောအခြေအနေများ
✅ PCOS လို့ခေါ်တဲ့ သားဥအိမ်တွင်း ရေအိတ်သေးသေးလေးများတည်ခြင်းရောဂါ ကအဖြစ်အများဆုံးဖြစ်တယ်
✅ စိတ်ဖိစီးမှု များ
Physical stress- အားကစားအလွန်အကျွံလုပ်ခြင်း၊ ကိုယ်အလေးချိန်မြန်မြန်ချခြင်း၊ နေမကောင်းသည့်အချိန်
Mental stress- ကလေးလိုချင်စိတ်ပြင်းပြသော stress ၊ ပတ်ဝန်းကျင်၏ဖိအားပေးမှု stress ၊ အိမ်ထောင်ဖက်နဲ့စကားများတဲ့ အချိန်၊ စတဲ့ စိတ်ဖိစီးမှု မျိုးစုံ က သားဥကြွေဖို့ကို တားဆီးစေတတ်ပါတယ်။
✅ ဦးနောက်အကျိတ်အမျိုးမျိုး
✅ မျိုးရိုးဗီဇနဲ့ဆိုင်သော မွေးရာပါရောဂါအချို့ ( Turner syndrome)
📍 သားဥပြွန်ပိတ်ခြင်း၊ ရောင်ခြင်း အခြေအနေများ
✅ အမျိုးသမီးမျိုးပွားအင်္ဂါနဲ့ တင်ပါးခွေတစ်လျှောက် ပိုးဝင်ထားခြင်း၊ ရောင်ရမ်းခြင်း
✅ လိင်မှတစ်ဆင့်ကူးစက်တတ်သောရောဂါများရှိနေခြင်း
✅ သားဥပြွန်ခွဲစိတ်ထားသူများ
✅ သားအိမ်အမြှေးပါးအပြင်ရောက်ခြင်းကြောင့်ဖြစ်တဲ့ သွေးလုံးများဖြင့်ပိတ်နေခြင်း
📍သားအိမ်ပြသနာများ
✅ သားအိမ်အတွင်း အသားလုံးရှိနေခြင်း
✅ အသားပိုအကျိတ်များရှိနေခြင်း
📍သားအိမ်ခေါင်းကျဥ်းလွန်းခြင်း
📍မိန်းမကိုယ်အတွင်းပြသာနာများ
✅ မိန်းမကိုယ်မှ ပုံမှန်မဟုတ်သော ပျစ်ချွဲသောအကျိအချွဲများဆင်းခြင်း
✅မိန်းမကိုယ်တွင်အလုံးအကျိတ်များ၊ အမြှေးပါး၊ အကန့်များရှိနေခြင်း
📍အ ထွေထွေ ကျန်းမာရေးအခြေအနေများ
✅ဆီးချိုရောဂါ၊ ကျောက်ကပ်ရောဂါ၊ အသည်းရောဂါများရှိခြင်း
✅ကင်ဆာဆေးသွင်းထားရ ခြင်း၊ ဓာတ်ကင်ထားရခြင်း ရှိခြင်း
စတဲ့ အကြောင်းရင်းပေါင်းများစွာကြောင့်ဖြစ်ရပါတယ်။

🤵အမျိုးသား ဘက်မှ အခြေအနေများ
✅ တင်းကျပ်သော အတွင်းခံဝတ်ခြင်း၊ ပူလွန်းသောနေရာတွင် အလုပ်လုပ်ရခြင်း( မီးဖိုချောင်)
✅ လိင်တံ မထောင်နိင်ခြင်း
✅ သုတ်လွှတ်မြန်ခြင်း
✅ ဥရောင်ခြင်း၊ ကပ္ပါယ်အိတ်ရောင်ခြင်း ( ငယ်စဥ် ပါးချိတ်ရောင်ပိုးဝင်ထားဖူးရင်)
✅ ကာလသားရောဂါအမျိုးမျိုး
✅ လိင်တံထိပ်မပွင့်ခြင်း
✅ မျိုးဥ အောက်မဆင်းခြင်းရောဂါ
✅ မျိုးပွားအင်္ဂါတစ်ဝိုက် ခွဲစိတ်ထားခြင်း၊ ဓာတ်ရောင်ခြည်ကုသမှုယူထားရခြင်း
✅ အထွေထွေရောဂါများ ဖြစ်တဲ့ ဆီးချိုရောဂါ၊ ကျောက်ကပ်ရောဂါ နဲ့ အသည်းရောဂါများ
✅ မျိုးရိုးဗီဇနဲ့ဆိုင်သော မွေးရာပါရောဂါအချို့ ( Klinefelter syndrome)
စတဲ့ အကြောင်းတွေကြောင့်ဖြစ်နိင်ပါတယ်။

📌 သားသားမီးမီးလေးတွေ ရဖို့ကြိုးစားနေကြတဲ့ ဖေဖေမေမေလောင်းတို့ အောက်ပါအချက်လေးတွေ လိုက်နာဖို့တော့ လိုပါလိမ့်မယ်
👉 သင့်တင့်သောကိုယ်အလေးချိန်ရှိအောင်ထိန်းပါ။ မပိန်လွန်း မဝလွန်းပါစေနဲ့
👉 ဆေးလိပ်ဖြတ်ပါ
👉 အရက်သောက်ခြင်း ရပ်နားပါ
👉 အမျိုးသားအင်္ဂါကို အပူနဲ့ထိတွေ့ခြင်းမှရှောင်ရှားပါ( ရေပူစိမ်ခြင်း၊ မီးဖိုချောင်တွင်းကြာမြင့်စွာနေခြင်း)
👉 အမျိုးသမီးများ ကော်ဖီ တတ်နိင်သလောက်လျှော့ပါ။ ဖြတ်ပါ။
👉 folic acid နေ့စဥ်သောက်ပေးပါ
👉 စိတ်ဖိစီးမှုများ အတတ်နိင်ဆုံးလျှော့ချပါ

ရတနာလေးတွေ အမြန်ဆုံး ရကြပါစေလို့ ဆန္ဒ ပြုရင်း
ရေးသားသူ ✍
Dr. Mon Myat Htun
M.B.,B.S(YGN)
MRCGP[ International]
အထွေထွေရောဂါကု ဆရာဝန်

( စာများကိုတစ်ဆင့်ပြန်လည်ကူးယူဖော်ပြခြင်းမပြုရန်မေတ္တာရပ်ခံအပ်ပါတယ်)

အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။

ဆေးခန်းသို့လာရောက်ပြသမည်ဆိုပါက
နေ့သစ် မိသားစုဆေးခန်း
🏥 အမှတ် ၂ ( A) ၊ ၁၆၆လမ်း၊ တာမွေကြီး (ခ) ရပ်ကွက်၊ တာမွေမြို့နယ်။
☎ 09795389583, 095063031
⏱နံနက် ၉နာရီ မှ ည၇နာရီ ထိ ( ပိတ်ရက်မရှိ)

住所

Chuo-ku, Tokyo