ウェブサイトとは何ですか？

https://www.facebook.com/1239188872831173/

Hello From KAUNG Vlog / Quotes, Kitakyushu-shi (2026)

02/05/2026

အခြားနိုင်ငံရောက် မြန်မာတစ်ယောက်ရဲ့
ကြေကွဲခြင်းက ဘာလဲ သိလား ?

အခြားနိုင်ငံက သူတွေကို ကိုယ်နိုင်ငံအကြောင်း
ကိုယ့်လူမျိုးတွေ သဘောကောင်းကြတဲ့အကြောင်းတွေ
ပုဂံဘုရားတွေ လှတဲ့ အကြောင်းတွေ ပြောပြပြီး
မိတ်ဆက်လိုက်တဲ့အချိန်

သူတို့က ကိုယ်နိုင်ငံကို အင်တာနက်မှာ
ရှာကြည့်လိုက်ချိန်

ထွက်လာတဲ့ ကိုယ့်နိုင်ငံ သတင်းတွေ Infoတွေက
ကျားဖြန့် အကြောင်း မူးယစ်ဆေးအကြောင်း
ပြည်တွင်းစစ်အကြောင်း လူမျိုးတုန်းသတ်ဖြတ်မှုတွေအကြောင်း စတဲ့ မကောင်းတဲ့ သတင်းတွေ
ထွက်လာတာပဲ ...

ဟူး .......

01/05/2026

ဂျပန်က အသက် (၁၀၀) ကျော် အဘွားဆီက
သင်ယူရတဲ့ "ကျန်းမာခြင်း လျှို့ဝှက်ချက်"

"အသက် ၁၀၀ ဆိုတာ ကိန်းဂဏန်းပဲ" ဆိုတာ ဂျပန်မှာ
နေမှ တကယ်ယုံသွားတာ။ ကျနော်တို့ နိုင်ငံမှာတော့အသက် ၁၀၀ ကျော် ကို မြင်ရဖို့ဆိုတာ အလွန်ခက်တယ် မဟုတ်ပါလား ။

ကဲ ဆက်လိုက်ရအောင်ဗျာ ....

ကျနော်က ဂျပန်နိုင်ငံလိုင်စင်ရ ဘိုးဘွားစောင့်ရှောက်သူ( 介護福祉士　)ပါ ။

ကျနော်အလုပ်လုပ်နေတဲ့ ဘိုးဘွားရိပ်သာမှာ အသက် ၁၀၀ ကျော်နေပြီဖြစ်တဲ့ အဘွားတစ်ယောက်ရှိတယ်။
အဲ့ဒီ အဘွားက အသက်သာ ၁၀၀ ကျော်တာနော်
ကိုယ်တိုင်လမ်းလျှောက်နိုင်တယ် ၊ ကိုယ်တိုင်စားသောက်နိုင်တယ် ၊ မှတ်ဉာဏ်လည်း မချို့ယွင်းသေးဘူး
အသက်နဲ့အမျှ ရောဂါလေးတွေ ရှိတာက လွဲလို့ပေါ့

သူနဲ့ အတူရှိနေတဲ့အချိန်တိုင်း ကျနော် တကယ်ကို အံ့သဩစရာတွေ အပြည့်နဲ့ပါ ။

မြန်မာပြည်က ကျနော့်မိတ်ဆွေတို့လည်း ဗဟုသုတရအောင် အဘွားရဲ့ နေထိုင်မှုပုံစံလေးကို မျှဝေပေးချင်တယ်။

သူဘာလို့ ဒီလောက် အသက်ရာကျော်ရှည်တာတောင်
ကျန်းမာနေတာလဲ ဆိုတာကို ကျနော် လေ့လာဖြစ်တာလေးတွေက

ပထမဆုံးက

၁။ ခဲတံတစ်ချောင်းနဲ့ မှတ်ဉာဏ်

အဘွားက အခုထိ မှတ်ဉာဏ် အရမ်းကောင်းတုန်းပဲ။ သူ့ရဲ့ လျှို့ဝှက်ချက်က ဘာမဆို "မှတ်စုစာအုပ်" ထဲမှာ Note လိုက်ရေးတာပါ။ ဒီနေ့ ဘာဖြစ်တယ်၊ ဘာစားတယ် ဆိုတာကအစ အသေးစိတ် မှတ်တယ်။ ကျနော်တို့တောင် တစ်ခါတလေ မေ့တတ်ပေမယ့် အဘွားကတော့ သူ့စာအုပ်လေးကြည့်ပြီး အကုန်ပြန်ပြောနိုင်တယ်။ "မေ့မှာစိုးလို့ ရေးတာမဟုတ်ဘူး၊ မှတ်ဉာဏ်ကို အလုပ်ပေးနေတာ" လို့ သူက ပြောတတ်သေးတယ်။
တကယ် အလေ့အကျင့်ကောင်းတစ်ခုပါပဲ ။

၂။ ကိုယ့်အားကိုယ်ကိုးတဲ့ ဇွဲ

အဘွားက လမ်းလျှောက်ရင် တွန်းလှည်းပုံစံ လမ်းလျှောက်အကူကရိယာ (Silver Car) လေးကို သုံးပါတယ်။ ဒါပေမဲ့ တစ်လှမ်းချင်းစီကို မှန်မှန်နဲ့ စည်းချက်ကျကျ လျှောက်တာ။ ညဘက် အိမ်သာသွားရင် ကျနော်တို့ ဝန်ထမ်းတွေကို ခေါ်ပါတယ်။ ဒါပေမဲ့ ဘေးကနေ စောင့်ကြည့်ပေးရုံပဲ၊ သူ့ကိစ္စသူ အကုန်ကိုယ်တိုင်လုပ်တာ။ ဝန်ထမ်းတွေကို အားကိုးတာထက် "ငါလုပ်နိုင်သေးတယ်" ဆိုတဲ့ စိတ်ဓာတ်က သူ့ကို ကျန်းမာစေတာလို့ ထင်မိတယ်။အဓိကက ကိုယ်လုပ်နိုင်တာကို တတ်နိုင်သလောက် ကိုယ်တိုင်လုပ်ချင်တဲ့ စိတ်က အရမ်းအရေးကြီးတယ်ဆိုတာ သဘောပေါက်လာပါတယ် ။

၃။ သန့်ရှင်းမှုက နံပါတ် (၁)

အဘွားရဲ့ အလေ့အကျင့်တစ်ခုက တကယ့်ကို အတုယူစရာပါ။ အဲဒါက အိမ်သာက ထွက်တာနဲ့ လက်ကို စင်ကြယ်အောင်ဆေးတယ်၊ ပြီးရင် အမြဲတမ်း "အာခေါင်ပလုပ်ကျင်း" တယ်။

ဒါက ဂျပန်တွေရဲ့ ရောဂါပိုးမွှားကာကွယ်တဲ့ အလေ့အကျင့်ကောင်းတစ်ခုပေါ့။ ပြီးရင် ရေကို နည်းနည်းချင်းစီ မှန်မှန်သောက်တယ်။ ဒါကို အကြိမ်တိုင်း မပျက်မကွက် လုပ်တာပါ။

အာလုပ်ကျင်းတာရဲ့ ကောင်းတဲ့အချက်တွေကို နောက်မှ Post တခု သပ်သပ်တင်ပေးဦးမယ်။

၄။ အစားအသောက် အလေ့အကျင့်

အဘွားက အစားကို အများကြီး မစားဘူး။ နည်းနည်းချင်းစီကို မြိန်မြိန်ယှက်ယှက် စားတတ်တာ။

ဂျပန်မှာ "Hara Hachi Bu" (ဗိုက် ၈၀ ရာခိုင်နှုန်းပြည့်ရင် တော်ပြီ) ဆိုတဲ့ စကားအတိုင်း အဘွားက အမြဲတမ်း အတိုင်းအတာနဲ့ စားလေ့ရှိပါတယ်။ ဗိုကိပြည့်အောင် အမြဲစားတတ်တဲ့ ကျနော့်ကိုကျနော်အတွက်တော့ သတိထားစရာ ဗဟုသုတပေါ့ ခင်ဗျာ။

နိဂုံးချုပ်အနေနဲ့ -

အဘွားကိုကြည့်ပြီး ကျနော် သင်ယူလိုက်ရတာက

"စနစ်တကျ နေထိုင်မှု" နဲ့ "ကိုယ့်ကိုယ်ကိုယ် အားကိုးတဲ့စိတ်" ဟာ အသက်ရှည်ခြင်းရဲ့ အဓိကသော့ချက်ပဲ ဆိုတာပါပဲ။

ပုံလေးတွေကိုတော့ Ai နဲ့ပဲ အနီးစပ်ဆုံး ဖန်တီးပြီးထည့်လိုက်ပါတယ် 😶

# KSPaiz

02/01/2026

ကျနော် နေတဲ့ KitaKyushu မြို့မှာ
နှင်းစကျနေပါပြီ 🤩🌨️☃️❄️

03/09/2025

ဂျပန်ကို ကျောင်းနဲ့လာမယ့်သူများ၊ Kaigo Scholar နဲ့ လာမည့်သူများအတွက် အထောက်အကူဖြစ်စေရန်ရည်ရွယ်ပါသည်

住所

Kitakyushu-shi, Fukuoka
8020064